بنات الجامعه !! دلوني على افضل محلات العبي باسرع وقت !!

[Om Sara]

السلام عليكم حبيباتي

ساعدوني حابه اغير المحل الي افصل عنده دايما

ابي محلات فيها موديلات تناسب الجامعه ، يعني انا اشوف بنات الجامعه موديلاتهم حلوه
وغريبه بس احيانا الواحد يستحي يسأل

وصديقاتي مره يقولون روحي المنتزه
والي يقولون روحي السد
والي يقولون العزيزية :telephone:

احترت مابقى وقت ماقدر الف وادور هالمحلات كلها
ابي محل عن تجربه واهم شي ( الاسعار )
مابي الغالي وايد ، تعرفون عشان اقدر افصل اكثر من عباية
والي حابه تساعدني ياليت بس تذكرون لي الاسعار عند كل محل ...

الرجاء الرد باسرع وقت ..

[قمرهم]

حبيبتي عندج محلات المنتزه كلهم حلوين بس انا اخيط عند محل اسمه تصاميم واسعاره حلوه يعني العبايه ب 350 او 400 اشوفها وايد زينه بالنسبه للمحلات الثانيه

[miss.qa]

فالمنتزة عندج محل واحد اسمه سارة مجابل الشاهين ... بس اهو الوحيد الزين اللي فالمنتزة يعني رتعبين نفسج واتدورين فالحر

عنده كل انواع التطريززز وبتشوفين وايد بنات لابسين عبايتج هههههههه بس عادي


وعندج محل جدام الرويال بلازا نسيت اسمه والله بس ذيلا الاثنين اوكيك والاسعار ن 400 او 450

[عرباوي9999]

سبحان الله

[Qtr.Girl]

مرحبا اختي

اذا تبين اسعار رخيصه عندج المنتزه - السد خلف الرويال بلازا - العزيزيه
والسعر يختلف على حسب الموديل ماظن في سعر محدد بالمحل
وعشان تتميزين بعبايتج غيري فالموديل لاتسوينه كوبي عشان ماتجوفين الدوحه كلها لابسه عباتج :nice:
وبنات الجامعه فالفتره الاخيره اكثرهم يلبسون من عبي الخبر لو في مجال روحي عندج شارع سويكت تقاطع 4 و5 كله عبي وعندج مجمع فينيسيا ومجمع البستان

[Miss]

عندج شارع ال شاافي ..
ما تلقين عبايه سعرها اكثر من 300 عندهم
وعلى حسب الموديل يختلف ..

[جوود]

محل عبايته مرتبه وايد الملكيه فالسد ..
انا اسوي ب1000 مع موديل وقماش سعودي درجه اولى
كنه عبايات المتحجبه ومرتب الشغل من قلب

اظن لو تسوين قماش سعودي درجه ثانيه بيكون ارخص

واختي سوت عنده ب800 درجه اول
يعتمد عالموديل والشغل

[Om Sara]

مشكوووورين حبيباتي والله كفيتوا ووفيتوا
الله يعطيكم العافيه

والي عندها راي ثاني وحابه تساعد لا تبخل علي

[م.زووس]

المنتزه والسد وسوق فالح
والاسعار تختلف على حسب الموديل