صدمة اسعار مكيفات panasonic

[مضارب دوسري]

صدمة اسعار مكيفات panasonic
امس كنت رايح معرض ناصر بن عبدالله
وانصدمت من رفع اسعار المكيفات
لقيت ال 2 طن ب 3699 ويقولي هذا مع سعر التنزيلات
مع اني من 6 شهور شاري واحد مثله وبسعر اقل من 3000

بصراحه انا كنت ناوي اشتري باناسونيك للبيت الجديد
بس بعد رفع الاسعار مستحيل افكر والقهر ان ال3 طن ب 4900 وروتاري بعد

انا كان ودي ب جنرال بس بعد الجنرال ممتاز ولكن عيبه السيرفس واحد من ربعي متصل لهم يقولهم المكيف ينقط على السرير ويرد عليه الايراني بكل برود وخر سرير شوي
طيعا يمكن السيرفس للي ساكنين فالدوحه جيد
بس فالخور سيرفس الجنرال عوار راس ويتاخر عليك بالايام اذا ماوصلت اكثر من اسبوع

هل هناك بديل يكون في نفس مستوى جنرال ويكون السيرفس ممتاز والسعر غير مبالغ فيه ؟وانا حاليا قررت اشتري مكيف واحد استعمله عندي ف بيت الوالد
لين تجي مرحلة تركيب المكيفات فالبيت الجديد

[Almossafer]

اخوي يمدحون ال gree

بس للامانه ماجربت مكيفات ال gree

[مضارب دوسري]

يعطيك العافيه اخوي المسافر
ولكن شركة gree يشتكون منها بعض الناس خصوصا وقت الظهيره في الصيف
بس اوقات الرطوبه جيده

[jassimqtr]

عندك الفوجي انا خذت واحد من سنه 2 طن ب 3900 للصاله مساحتها 8x7 وماشالله عليه لا ينقط ماي ولا اشتكيت منه والتبريد لا يعلا عليه والحين اخذت 2.5 طن ب 4800 ريال من عند الريس وكمبريسر
وازيد معلومه الجنرال الاصلي والفوجي من مصنع واحد بس الفرق ان الجنرال للعمادي والفوجي للريس والفوجي خدمتهم حلوه وسريعه

[مضارب دوسري]

يعطيك العافيه اخوي
وان شاء الله بنشوف باقي الردود

وللامانه كثير من الناس يمدحون الفوجي
واذا كمبرسر ب 4800 افضل من روتاري الباناسونيك ب 4900 حتى لو انه 3 طن

[La Bella]

شلو ن اسعار المكيفات بدبي في فرق بالسعر ؟؟

[aljar]

انا انصحك انك تاخذ جنرال مهما كان معروف وزين ولا تغامر
بالتوفيق

[مضارب دوسري]

وياك اخوووي

بس الخدمه مهمه احيانا تقعد ايام عشان تنتظرهم يجونك
لو تفكر فيها اذا كان في فصل الصيف ممكن انك تغير غرفتك او ماتقعد فالصاله عشان هالسبب

[مضارب دوسري]

يا اخوان احد جرب مكيفات كارير او دايكن ؟
ياليت اللي عنده فكره عنهم وعن اسعارهم يخبرنا
مب شرط يكون السعر بالضبط حتى لو كان تقريبي

[مضارب دوسري]

شلو ن اسعار المكيفات بدبي في فرق بالسعر ؟؟

ان شاء الله الاخوان يفيدونا
فالسعوديه الاسعار ارخص بس هناك ينخاف من مكيفاتهم لان بعضها تكون محلية الصنع

[مســـك]

السلام عليكم
ياخوي المكيفات مشكلتها مشكله
باعطيك مقدمه بسيطه لاسباب صحيه يجب ان اتم دائما في درجة حرارة منزلية اقل من 20 درجة مئوية
جربت انواع كثيرة من المكيفات اتعسها بدون منازع ال جي
لكن بصراحه ارتحت بقوه مع فوجي اربع ونص طن وانصحك بالكبير حتى لو غالي ولا تاخذ الصغير لاسباب
المنطقة والعالم في زياده تدريجية لدرجات الحرارة كل سنة وهالامر ملاحظ وصار الصيف طويل والشتى اذا نسمية عندنا شتى قصير وايد , طبعا اذا شغلت المكيف مب لازم تخليه على اقل درجه ممكن توازن رغبتك وبروده الغرفه
نصيحه لبيتك اخوي خلك فقط على فوجي
حتى اثناء تركيبهم يجونك بإحترافيه و لو يكسرون اي شي يعدلونه عدل كأنه بيتهم
بصراحه خدمه + اداء ممتاز , للعيب الوحيد بصراحه سعره و روح لهم قولهم متى التنزيلات عندكم بتفيدكم لانهم ينزلون عدل في السعر والله يوفقك

[مضارب دوسري]

الله يجزاك خير اخوي مسك وبيض الله وجهك

انا بصراحه مخلي الدور الارضي الصالتين مفتوحتين على بعض ومحدد فيهم 4 مكيفات
وناوي يكونون طنين ونص او 3 طن
بس الشركه هي اللي الى الحين ماخترتها

اغلب الناس جنرال ولكن جنرال السيرفس تعبان
الفوجي حاطه في بالي وهو اللي اغلب الظن اجربه خصوصا ان سعره مب بعيد عن الباناسونيك اللي مدري على ايش مرفعين سعره بهالطريقه
وفي تفكير يقولي الدايكن وناس تمدح الكارير
بس اذا الدايكن والكارير محد يمدحهم
ف اكيد مافي غير فوجي

واشكر لك مشاركتك وشرحك

[راشد محمد]

فوووووووووجي حلو ..

[jassimqtr]

لا تسمع كلام اللي يقولك الجترال والجنرال وخلك من الفوجي انا ماعرف ليش الناس مب مصدقه ان الجنرال الاصلي اهو الفوجي
اكبر دليل قبل كنا ناخذ الجنرال من عند الريس والحين ناخذه من العمادي
والريس يبيع الفوجي
انا اخذت كتلوج الفوجي وكتلوج الجنرال وطابقتهم لبعض اكتشفت ان الفوجي والجنرال ماركه وحده ومصنع واحد ونفس المواصفات بس الجنرال وكالة العمادي والفوجي للريس والكتلوج نفس الطريقه ونفس النظام
هذا يسمونه لعبة تجار

[بوخالد911]

هلا

والله الاهم هو الفني لما يركب المكيف

ولا زم يشيك ع فتحة الهوز


مووفقيين

[almaf1a]

اذا انك لغيت الجنرال علشان الصيانه فحط في بالك ان فوجي مركز صيانتهم مب بعيد عن الجنرال اذا ما كان اسوء

ولكن للامانه فوجي مكيف ممتاز وافضلهم ال2 طن عنده

[MAZEN37]

طيب ليش متقيد بصيانة الشركة ؟

[The_Be$t]

اخوي تقدر تشتري جنرال من اي موزع وتكون الصيانة عن طريقة ومالها خص في الوكيل

وراح يكون اوفر لك

[مضارب دوسري]

راشد محمد مشكور عالمشاركه
اخوي جاسم قطر بيض الله وجهك ومشكور عالملاحظه
اخوي بوخالد فعلا كلامك صحيح بس ايضا نوع المكيف مهم
اخوي المافيا ماقصرت على مرورك
بس اللي اسمعه من الناس ان الفوجي السيرفس عندهم ممتاز حسب كلام الاخوان

اخوي مازن اكثر المكيفات يحتاجون صيانه مع مرور الوقت لذلك السيرفس مهم قبل الشراء
عن نفسي ماشفت افضل من سيرفس الباناسونيك بس هذا مايبرر رفع اسعار المكيفات مع ان جودة المكيفات الاخرى افضل
اخوي ذا بست كلامك حلووو بس ياخوك اريح للمالك يشتري من الوكيل في قطر
لان تدري ايضا هناك مكيفات تستورد من دول مجاوره ويكون قطع المكيف محليه الصنع واقرب مثال شوف المكيفات في السعوديه بعضها يكون محلي الصنع

[بويوسف]

اخوي احسن نوعين في قطر الجنرال العمادي وفوجي الريس واثنينهم السيرفر سيئ خصوصا في فترة الصيف نتيجة لضغط العمل .. الافضل انك تعمل صيانتك في الشتاء وترتاح من هالمشكلة .. انا افضل شركة تتأخر عن السيرفر عن جهاز كل يوم يخترب ورايح وراد تصليح ..

[Pro-Qatar]

أنا خذت مكيف من سامسونج قبل التنزيلات وبعدها بكم يوم رحت
ابي مجموعه وطلع المكيف الي خذته سعره في التنزيلات ارخص بريال من مشتراي
ولما حاججتهم طلع لي المدير ويقولي مستحيل قلت له طلع فاتورتي وشيك ولما شاف
غير السالفة وقالي هذى المكيف مب مشمول في التنزيلات وقلت له شلون الحين صار مب مشمول ومن شوي تقولون لي سعره كذا وفي التنزيلات كذا وفوق هذا عليه ستكر انه مشمول

للأسف النصب صار شيء عادي بنسبه للمحلات الى من رحم ربي

ونصيحتي بعد تجربة اكثر الشركات والتعقل معاهم انصحك بالفوجي مكيف نشتريه
كنك شاري كروزر
والله يوفقك ان شاء الله

[almaf1a]

بس اللي اسمعه من الناس ان الفوجي السيرفس عندهم ممتاز حسب كلام الاخوان


هذا احنا فيها
انا متصلهم من اول امس مكيف الغرفه يبيله صيانه
غاز وغسيل
وقالوا بيتصلون فيني
اول ما يجوني بعطيك خبر في الموضوع هذا وانت احكم بنفسك

تحياتي

[مضارب دوسري]

بعد هم نفس الجنرال

تدرون اجل مافيه الا نمشي على اقتراح اخوي بويوسف
ونتوكل على الله ونسوي الصيانه فالشتا

قررت ان اتوكل واسوي مكس بين الفوجي والجنرال

[مضارب دوسري]

اخوي برو قطر
بصراحه صج سالفتك تقهررر

المفروض تكون عليهم رقابه لان اكثر الاماكن تسوي نفس الطريقه بالضبط

[عيون الدوحة]

ممكن حد يذكر لي كيفية تعبية المكيفات بالغاز وهل العملية صعبه أو سهله
نقدر نعلم السائق أو أحد بالبيت يعملها
وسلندرات ال فيريون 22 بكم قيمتها

[The_Be$t]

ممكن حد يذكر لي كيفية تعبية المكيفات بالغاز وهل العملية صعبه أو سهله
نقدر نعلم السائق أو أحد بالبيت يعملها
وسلندرات ال فيريون 22 بكم قيمتها



مرحبا اخوي

الغاز عمره مايخلص او ينقص الا اذا كان في تسريب

صيانه المكيف الجيد تكون في الغسيل فقط او بعض المكيفات تحتاج تبديل للكابستر


بالنسبه للمكيفات السعوديه او البحرينيه معظمها جيد وافضلهم من وجهه نظري جنرال الكتريك

الكمبريسور امريكي وتجميع السعودية


وبالتوفيق للجميع

[بايع بايع]

في نوع مكيفات اسمه ويست بوينت

نوعين امريكي وفي بحريني والافضل هو الامريكي

وهذا من واقع تجربة الحمد لله شغلهم حلو

[صــوت قطــر]

انا جربت مكيفات gree واليوم رايح اخذ عرض من عندهم وطلع تقريبا المكيف الواحد بــ 2650 الــ 2 طن وبستن .. وهالمكيفات كنت متخوف منها ولكن صار له اكثر من سنتين الحين والحمدلله باااار لدرجه انك ترفع درجه الحراره .. وبصراحه بين الــ gree والجنراال تقريبا 21 الف فرق السعر ..

والمكيفات كلها 2 طن بستن ..

[بايع بايع]

الظاهر عندهم خبر بالزيادات بس ماحددولك السعر اللي معطينك اياه للعساكر ولا للمدنيين

يبيلة نتأكد ؟؟

[بوفهد555]

وايد مرتفعه اسعاره