المخلب
18-05-2006, 07:46 PM
السلام عليكم ..
الجزء الثاني .. من موضوعنا تفضلوه
التحقيق : بقلم المخلب ..
4- ازدياد السلع ..
السلع .. هذي كلمه حلوه ! ومعناها البضائع .. والاشياء الي يستهلكها الانسان ..
ايييه الله يذكر ايام اول بالخير ..كنا نبني البيت على 300 الف والحمد لله والشكر .. المقاول راضي ! واحنا راضيين .. ومع ذاك هواش بينا ! ..الحين صارت الفيلا تكلف مليون ونص ! ولما تنباع 4 مليون ! .. والارض من كانت ماتسوى حتى 200 الف صارت الحين ب9 و10 مليون ! .. زمن العجايب ...
حتى الاكل ماسلم من شر الارتفاع ..سندويش الفلافل في البتراء يبيعونه المصاروه على ريالين ! صار الحين ب3 تقوله ليش زدتوا السعر ! يقولك الجت سعره زاد ! ..والزيت سعره زاد ..! وانا بتعب كتييير !! ..
سالت نفسي ؟ _ اذا الحين هو يشتغل ويتعب ! وزاد السعر علشان انه يتعب ..؟؟ اجل اول شكان يسوي يلعب ! _ ( صج عياره مصريين !! ) ..
ويقولون ليش الواحد مايرتفع ضغطه وتزيد عصبيته ! ..
تدخل محل انت وخطيبتك ! ( على ايام اول ! ) تشتري البنت كراتين ثياب ! مايكلفونك الا 200 ريال تطلع انت مستانس وهي مستانسه ! والفرحه على بوزكم ! ..
الحين تدخل انت وخطيبتك ! تشتري البنت ثوب واحد ! تقولك ادفع تقولها كم !.؟؟ تقولك سعر الثوب بدون اي شئ 900 ريال ! ونعال ( تشبه الله يعزكم نعال الحمام ! بس تحت مسمى الموضى ) ب100 ريال ! يعني الكل الف ريال ! ( في دخلت محل ! ) تطلع هي فرحانه ! وانت وبوزك مكشر ! ..
زين تروح تحجز فندق ! .. تبي تغير جو انت واهلك ..
تدخل الفندق ..
يجيك بتاع الرسيبشن ..
اهلا اي خدعه ..سوري اي خدمه ..؟
اي يالغالي بغيت احجز غرفتين لليلتين لي انا وعيالي .
مافيش اي مانع .. عاوزها سرير او سريريين ..؟
ياريت انا والحرمه سرير ! والعيال سريرين !.. بس ماقلتلي بكم ..؟
واللهي العرض الي احنا عاملينوا خصيصا لزبائننا الكرام
1000 ريال للغرفه ! شامله الضرايب والبريك فاست ! ..
اوكي مافي مشكله (( هذا وانت تقول عرض اجل ! )) زين احجزهم !
ممكن بطاقتك او الجواز ..من فزلك !
اي تفضل ..
اوووه انتا قطري ! ؟
اي فيها شئ ..؟؟
لا مافيش لحظه اشييكلك على الغرف !
اووه اسف مافيش غورف ياشيخ ! ممكن اذا مصر نديك غرف بلكونه بس بسعر اعلى شوي !
اوكي بكم ...؟؟
زياده الف ريال !
الله الله الله .. (( صج كذاب امس انا متصل وقايلين لي الغرف البلكونه زياده 500 ريال بس مع الضرايب والبريك فاست ! )) متاكد يالغالي ..؟؟
ايوا نعم !
_ صدقني علشان انا قطري ! زود السعر !! ومايبون الناس تعصب ويجيها الضغط ! .._
5- التضخم المعيشي ..
وياهي من مصيبه .. تكلمنا فيها ايام وسنين بس مافي فايده ..
شئ طيب الواحد يعيش ببيت كبير يلمه هو وهله ! .. لكن الغير طيب ان يزيد عن حده ..
الله منعم علينا .. ماقلنا شئ .. الحمد لله والشكر على النعمه ..
لكن لاحظ ! .. ترى الفخفخه الزايده مو مطلوبه .. يعني انا اعطيك مثال حي ..
بيت تشطيب سوبر ديلوكس << مثل مايقولون ! .. حاط فيه ديكورات وجبس وحركات !
مخسر عليه اكثر من سعر البيت نفسه! ... عسى ماشر يالغالي .. ترى البيت كل ماكثرت ديكوراته ..
صار مايسوى من ثقله ! ..ليكون بانيلك متحف ! .. وله قصر الامارات .. كلها على بعضها فليله ! ..
بالاخير يتوهق بدين ! .. وينكسر ظهره ! .. ويتسلف سلفيات وينبلش فيها ! .. وتجيه الاعصاب والربكه ..!
وخساير على راسه ! .. ولا كانه مستانس بالي بناه !! كله يفكر 24 ساعه كيف يسدد الفلوس الي زين فيها بيته ..
وبعد 6 سنين من المراكض والتعب وتسديد السلفيات ! .. يجي امر من فوق ويقولونله البيت لازم ينهد ! بجيه القص ! ..
يقوم يفكر !! عسى ماشر .. طبعا مايقدر يقول شئ يسلم امره لله وكل الي تعب عليه في 3 الى 4 سنين !
بينداس بتركتر بنقالي في ربع ساعه !! هذا اذا مواقل ! ..
وغيره امثله على التضخم المعيشي !! ... ندش البقاله .. في خاطرنا نشتري غرشه ماي ! عطاشه ..
طبعا الماي آخر المركز ! اول ماتدخل !! تقول اوه خل اخذ شئ اكله ..
ماتشوف الا مسك القاري (( العربانه )) .. وملى امها !
ويين يالاخو ! قلت بدش علشان غرشه ماي !! اشوفك طلعت بقاري مليان !! ..
هههه مالوم المراكز لين حطوا الثلاجات اخر المحل ! ..
وطبعا .. الامثله على التضخم لاتعد ولا تحصى ..
خلوها على رب العالمين ..
6- قصر اليوم الحياتي ..
حيث اصبح .. اليوم الحياتي للانسان القطري قصير جدا !! ,,
اي نعم قصرت الحياه اليوميه ..
صار الوقت قصير ! ..
النهار هل اليومييين ماااتقدر تفضي فيه شغلتين !! ..
والله الاسبوع يخلص واحنا ماندري !..
الايام يالطيبيين صارت تمشي بسرعه !!...
من يصدق ! .. اان بعد اسوبعين نهايه الشهر ؟؟
والله كان امس بدينا الشهر كيف بينتهي بهل السرعه ..؟؟؟
اييييه ضيق الوقت سبب احباط !...ماقمنا نقدر نحك راسنا !! ..
الدوام بصوب والبورصه بصوب ! والنكد بصوب .. !
يعني ماتقدر تاخذ وقت للراحه .. !!
تصدقون انا احس لو مافي يوميين اجازه كان متنا !!
على ايام الاجازه كانت جمعه بس ! كان المواطن مكروف كرف !! .. مايحس براسه ! ..
لكن كانت الايام طووووويله ! .. كان كل يوم يمشي عن سنه ! ..
اما الحين الله انعم علينا بيوميين !! لكن والله ماقمنا نحس فيهم !! ..
يعني صارت الدنيا ضيقه بزمنها .. تمشي بسرعه ! ..
صار الي مايمشي مع الوقت ينوكل ! .. خلاص الي يوقف دقيقه يطوفه نص عمره !. .
يعني شقول ..
البارحه كنا انا والوالد الله يحفظه ! عن محل لصناعه البرك ! (( حمامات السباحه ))
تصدقون البركه كانت من قبل 3 شهور !! على 60 الف !! ..
الحين قربت الــ 100 الف !! ... قلناله عسى ماشر يالحبيب !!
قال لنا بالحرف الواحد : ( لحق على عمرك كل شئ صار فوووق !! الزمن يمشي ! والاشياء تغلى !)
انا بسال الطيبين الي قالوا بعد الاسياد الاسعار بترجع مثل اول !
بقولهم يااخوان !! ترى شكله مالها رده كلش !!
لان مافي قانون يسمى حمايه المستهلك ! ..
يعني الي نعرفه ان في قانون يمنع ان الاسعار ترتفع بشكل مفاجاء !!
على الاقل يكون هناك رفعه لكن تدريجييه !! ..
ولكن شتقول الايام تمشي والمستهلك يروح فيها !..
والي يقدر يلحق على عمره يلحق !! ترى الدنيا ضاقت ! ..
واليوم ! بالعين المجرده اشوفك الجريده واذا باعلان ..
وش يقول .؟؟
يقول طال عمركم ..
(( سوف تكون هناك زياده في اسعار التذاكر ! وذلك لزياده اسعار البترول ! ))
يعني الي يقرى الخبر يجلس يفكر .. ؟
الحين الله منعم علينا ببترول !! ليش نضيق على روحنا !!
معقوله سعر التذكره (( قبل الزياده )) كان مرتفع اصلا ! والحين بعد الزياده صار نار !
على كذا قلت السفرات !! وياريت الموظفين القطريين !! يعطونهم تذاكر سفر !! ( للي يقدم على اجازه !)
على الاقل تذكر توديه دبي وترجعه !! <<< وله بس الاجنبي يحصل على التذكره ! هو واهله والمواطن خله على صوب ! ..
على فكره حبيت اقول شئ ولكن ضحكت قبل ماقوله !! ..
الخليجييين !! بشكل عام هم الوحيدون في العالم الي عمرهم مايستفيدون من عملتهم ابد ! ..
يعني الوافديين الي يجوننا بجميع جنسياتهم !! ..
لما يروح لبلاده ! ( براتبه الشهري ! ) يصير كنق ! (( ملك )) ويقدر يشتري الاخضر واليابس ببلاده !!..
ولكن القطري او الخليجيي ! عمره مايستخدم فلوسه الا ببلاده ( ولله الحمد !) فتخيل راتبه ضعيف ! ..
يصير طرار قدام الاجانب !! ..
وكل هذا ومايبون القطريين يرتفع عندهم مستوى الاعصاب ! ...
بسكم اليوم نكمل بالجزء الثالث ..
الجزء الثاني .. من موضوعنا تفضلوه
التحقيق : بقلم المخلب ..
4- ازدياد السلع ..
السلع .. هذي كلمه حلوه ! ومعناها البضائع .. والاشياء الي يستهلكها الانسان ..
ايييه الله يذكر ايام اول بالخير ..كنا نبني البيت على 300 الف والحمد لله والشكر .. المقاول راضي ! واحنا راضيين .. ومع ذاك هواش بينا ! ..الحين صارت الفيلا تكلف مليون ونص ! ولما تنباع 4 مليون ! .. والارض من كانت ماتسوى حتى 200 الف صارت الحين ب9 و10 مليون ! .. زمن العجايب ...
حتى الاكل ماسلم من شر الارتفاع ..سندويش الفلافل في البتراء يبيعونه المصاروه على ريالين ! صار الحين ب3 تقوله ليش زدتوا السعر ! يقولك الجت سعره زاد ! ..والزيت سعره زاد ..! وانا بتعب كتييير !! ..
سالت نفسي ؟ _ اذا الحين هو يشتغل ويتعب ! وزاد السعر علشان انه يتعب ..؟؟ اجل اول شكان يسوي يلعب ! _ ( صج عياره مصريين !! ) ..
ويقولون ليش الواحد مايرتفع ضغطه وتزيد عصبيته ! ..
تدخل محل انت وخطيبتك ! ( على ايام اول ! ) تشتري البنت كراتين ثياب ! مايكلفونك الا 200 ريال تطلع انت مستانس وهي مستانسه ! والفرحه على بوزكم ! ..
الحين تدخل انت وخطيبتك ! تشتري البنت ثوب واحد ! تقولك ادفع تقولها كم !.؟؟ تقولك سعر الثوب بدون اي شئ 900 ريال ! ونعال ( تشبه الله يعزكم نعال الحمام ! بس تحت مسمى الموضى ) ب100 ريال ! يعني الكل الف ريال ! ( في دخلت محل ! ) تطلع هي فرحانه ! وانت وبوزك مكشر ! ..
زين تروح تحجز فندق ! .. تبي تغير جو انت واهلك ..
تدخل الفندق ..
يجيك بتاع الرسيبشن ..
اهلا اي خدعه ..سوري اي خدمه ..؟
اي يالغالي بغيت احجز غرفتين لليلتين لي انا وعيالي .
مافيش اي مانع .. عاوزها سرير او سريريين ..؟
ياريت انا والحرمه سرير ! والعيال سريرين !.. بس ماقلتلي بكم ..؟
واللهي العرض الي احنا عاملينوا خصيصا لزبائننا الكرام
1000 ريال للغرفه ! شامله الضرايب والبريك فاست ! ..
اوكي مافي مشكله (( هذا وانت تقول عرض اجل ! )) زين احجزهم !
ممكن بطاقتك او الجواز ..من فزلك !
اي تفضل ..
اوووه انتا قطري ! ؟
اي فيها شئ ..؟؟
لا مافيش لحظه اشييكلك على الغرف !
اووه اسف مافيش غورف ياشيخ ! ممكن اذا مصر نديك غرف بلكونه بس بسعر اعلى شوي !
اوكي بكم ...؟؟
زياده الف ريال !
الله الله الله .. (( صج كذاب امس انا متصل وقايلين لي الغرف البلكونه زياده 500 ريال بس مع الضرايب والبريك فاست ! )) متاكد يالغالي ..؟؟
ايوا نعم !
_ صدقني علشان انا قطري ! زود السعر !! ومايبون الناس تعصب ويجيها الضغط ! .._
5- التضخم المعيشي ..
وياهي من مصيبه .. تكلمنا فيها ايام وسنين بس مافي فايده ..
شئ طيب الواحد يعيش ببيت كبير يلمه هو وهله ! .. لكن الغير طيب ان يزيد عن حده ..
الله منعم علينا .. ماقلنا شئ .. الحمد لله والشكر على النعمه ..
لكن لاحظ ! .. ترى الفخفخه الزايده مو مطلوبه .. يعني انا اعطيك مثال حي ..
بيت تشطيب سوبر ديلوكس << مثل مايقولون ! .. حاط فيه ديكورات وجبس وحركات !
مخسر عليه اكثر من سعر البيت نفسه! ... عسى ماشر يالغالي .. ترى البيت كل ماكثرت ديكوراته ..
صار مايسوى من ثقله ! ..ليكون بانيلك متحف ! .. وله قصر الامارات .. كلها على بعضها فليله ! ..
بالاخير يتوهق بدين ! .. وينكسر ظهره ! .. ويتسلف سلفيات وينبلش فيها ! .. وتجيه الاعصاب والربكه ..!
وخساير على راسه ! .. ولا كانه مستانس بالي بناه !! كله يفكر 24 ساعه كيف يسدد الفلوس الي زين فيها بيته ..
وبعد 6 سنين من المراكض والتعب وتسديد السلفيات ! .. يجي امر من فوق ويقولونله البيت لازم ينهد ! بجيه القص ! ..
يقوم يفكر !! عسى ماشر .. طبعا مايقدر يقول شئ يسلم امره لله وكل الي تعب عليه في 3 الى 4 سنين !
بينداس بتركتر بنقالي في ربع ساعه !! هذا اذا مواقل ! ..
وغيره امثله على التضخم المعيشي !! ... ندش البقاله .. في خاطرنا نشتري غرشه ماي ! عطاشه ..
طبعا الماي آخر المركز ! اول ماتدخل !! تقول اوه خل اخذ شئ اكله ..
ماتشوف الا مسك القاري (( العربانه )) .. وملى امها !
ويين يالاخو ! قلت بدش علشان غرشه ماي !! اشوفك طلعت بقاري مليان !! ..
هههه مالوم المراكز لين حطوا الثلاجات اخر المحل ! ..
وطبعا .. الامثله على التضخم لاتعد ولا تحصى ..
خلوها على رب العالمين ..
6- قصر اليوم الحياتي ..
حيث اصبح .. اليوم الحياتي للانسان القطري قصير جدا !! ,,
اي نعم قصرت الحياه اليوميه ..
صار الوقت قصير ! ..
النهار هل اليومييين ماااتقدر تفضي فيه شغلتين !! ..
والله الاسبوع يخلص واحنا ماندري !..
الايام يالطيبيين صارت تمشي بسرعه !!...
من يصدق ! .. اان بعد اسوبعين نهايه الشهر ؟؟
والله كان امس بدينا الشهر كيف بينتهي بهل السرعه ..؟؟؟
اييييه ضيق الوقت سبب احباط !...ماقمنا نقدر نحك راسنا !! ..
الدوام بصوب والبورصه بصوب ! والنكد بصوب .. !
يعني ماتقدر تاخذ وقت للراحه .. !!
تصدقون انا احس لو مافي يوميين اجازه كان متنا !!
على ايام الاجازه كانت جمعه بس ! كان المواطن مكروف كرف !! .. مايحس براسه ! ..
لكن كانت الايام طووووويله ! .. كان كل يوم يمشي عن سنه ! ..
اما الحين الله انعم علينا بيوميين !! لكن والله ماقمنا نحس فيهم !! ..
يعني صارت الدنيا ضيقه بزمنها .. تمشي بسرعه ! ..
صار الي مايمشي مع الوقت ينوكل ! .. خلاص الي يوقف دقيقه يطوفه نص عمره !. .
يعني شقول ..
البارحه كنا انا والوالد الله يحفظه ! عن محل لصناعه البرك ! (( حمامات السباحه ))
تصدقون البركه كانت من قبل 3 شهور !! على 60 الف !! ..
الحين قربت الــ 100 الف !! ... قلناله عسى ماشر يالحبيب !!
قال لنا بالحرف الواحد : ( لحق على عمرك كل شئ صار فوووق !! الزمن يمشي ! والاشياء تغلى !)
انا بسال الطيبين الي قالوا بعد الاسياد الاسعار بترجع مثل اول !
بقولهم يااخوان !! ترى شكله مالها رده كلش !!
لان مافي قانون يسمى حمايه المستهلك ! ..
يعني الي نعرفه ان في قانون يمنع ان الاسعار ترتفع بشكل مفاجاء !!
على الاقل يكون هناك رفعه لكن تدريجييه !! ..
ولكن شتقول الايام تمشي والمستهلك يروح فيها !..
والي يقدر يلحق على عمره يلحق !! ترى الدنيا ضاقت ! ..
واليوم ! بالعين المجرده اشوفك الجريده واذا باعلان ..
وش يقول .؟؟
يقول طال عمركم ..
(( سوف تكون هناك زياده في اسعار التذاكر ! وذلك لزياده اسعار البترول ! ))
يعني الي يقرى الخبر يجلس يفكر .. ؟
الحين الله منعم علينا ببترول !! ليش نضيق على روحنا !!
معقوله سعر التذكره (( قبل الزياده )) كان مرتفع اصلا ! والحين بعد الزياده صار نار !
على كذا قلت السفرات !! وياريت الموظفين القطريين !! يعطونهم تذاكر سفر !! ( للي يقدم على اجازه !)
على الاقل تذكر توديه دبي وترجعه !! <<< وله بس الاجنبي يحصل على التذكره ! هو واهله والمواطن خله على صوب ! ..
على فكره حبيت اقول شئ ولكن ضحكت قبل ماقوله !! ..
الخليجييين !! بشكل عام هم الوحيدون في العالم الي عمرهم مايستفيدون من عملتهم ابد ! ..
يعني الوافديين الي يجوننا بجميع جنسياتهم !! ..
لما يروح لبلاده ! ( براتبه الشهري ! ) يصير كنق ! (( ملك )) ويقدر يشتري الاخضر واليابس ببلاده !!..
ولكن القطري او الخليجيي ! عمره مايستخدم فلوسه الا ببلاده ( ولله الحمد !) فتخيل راتبه ضعيف ! ..
يصير طرار قدام الاجانب !! ..
وكل هذا ومايبون القطريين يرتفع عندهم مستوى الاعصاب ! ...
بسكم اليوم نكمل بالجزء الثالث ..