الـسـخـان الــمــركــزي رايــكــم

[ابـو مــحــــمـــــد]

السلام عليكم

عندي البيب فيتر الان بدخل على عمل توصيل البيبات
بنسبه للسخانات هل اعملها في كل حمام الله يعزكم سخان
ولا اعمل لي سخان مركزي لجميع الحمامات

وهل السخان المركزي عملي

نبي النصيحه الله يبارك فيكم

[صمت 1]

أنا مركب سخان مركزي من ١٣سنه

من خلال هذي التجربه أنصحك انك تركب

عندك تدمر او البحريه عند عمارة المالكي

وانصحك تاخذ خزان سعه ٨٠ عدد ٢

دمت بود

[ابـو مــحــــمـــــد]

والله ياخوك واجد الي نصحوني في السخان المركزي
قلت بشوف وين الافضل المركزي ولا العادي
الخزان تقصد الي هو السخان ولا غيره

[مضارب دوسري]

توكل على الله وحط سخان مركزي
وتقريبا التكلفه بتكون من 13000 الى 18000 ريال
واهم شي الضمان خله يعطيك ضمان خمس سنوات وهو المفروض يعطيك من نفسه بس احتفظ بالضمان

[The_Be$t]

طبعا المركزي افضل وعن تجربة

تدمر او الشركة البحرية

وبالتوفيق

[فقيه زمانه]

انا مثلك الشيخ وكنت متردد شوي في موضوع السخان اخوي مركب مركزي من تدمر ايقول زين بس لاخترب يتاخرون عليك يوم او يومين علشان ايصلحونه ، علشان اريح مخي سويت الله يعزك الحمامين في البنت هاوس سخانات عادية او باقي البيت مركزي .....

[مرتبش]

السخان المركزي يحتاج برشر؟
والا البرشر ماله بروحه