قريبا .. مواقف البريد برسوم .. توجد صور

[لاجئ عاطفي]

على غرار مواقف السيتي سنتر من المحتمل وكما هو مستنتج من الصور ان البريد في اتجاه بفرض رسوم على مواقف البريد في المبنى الرئيسي بالدفنه ..
المدخل
http://www4.0zz0.com/2011/09/04/17/274454936.jpg

المخرج
http://www4.0zz0.com/2011/09/04/17/597165929.jpg

[بـارود]

كفو عليكم
عقبال مواقف المساجد :secret:

[القيادة]

الظاهر علشان بعض السيارت توقف أيام طويلة مما تسبب زحمه

[الدستور]

الظاهر علشان بعض السيارت توقف أيام طويلة مما تسبب زحمه

اي زحمه ،، نص المواقف فاضيه

وربع المواقف اللي اول طابق مسكره من فتره !!

[وافق شنن طبقة]

يعني البريد ما شبع من ال ١٥ ريال حقت رمضان ؟؟؟؟؟؟

[لاجئ عاطفي]

الزحمه مهب مبرر لان اغلب المواقف في الطوابق السفليه فاضيه حتى ايام الدوام الرسمي المسألة مهب مسألة زحمه السالفه ايجاد موارد للبريد ورسوم المواقف اسهل طريقه للحصول على مورد ثابت وكله على ظهر المواطن

[tawareq]

خوش خدمة
حتى البريد

[لاجئ عاطفي]

يعني البريد ما شبع من ال ١٥ ريال حقت رمضان ؟؟؟؟؟؟


نسيت شغله مهمه وهي مبلغ التامين اللي خذوه على الصناديق !!!

[وافق شنن طبقة]

سبحان الله


أنا ملاحظ ان الدولة توجها تجاري في كل شي والقرارات ليست مع المواطن بتاتا


يعني شي غريب والله شي غريب.


اول شي استغرقته الفائدة الي في بنك التنمية دولة تاخذ فائدة على مواطن يبني بيته على ارض الوطن


وغيرنا اجنبي يجي يحط قوانين ظدنا




تدرون ليش لان شعب قطر مسكين



كل قانون وكل قرار ينزل نسكت ولاحديتنفس من الخوف

[abdulla4u]

باقي المواقف جدام البيوت بفلوس بعد ...

[R 7 A L]

بما ان البريد مؤسسة ربحية شي طبيعي ان المواقف تكون برسوم
كما هو الحاصل في الولايات المتحدة الامريكية دولة المؤسسات
حتى المسشفيات مواقفها برسوم
بس الاختلاف انهم مايحسون الساعة الاولى يعني لو وقفت 59 دقيقة مايخذون ولا سنت
نتمنى ان يتم التعديل أي بعد ساعة تحسب الرسوم

[وحيد-الشوق]

صرنا مثل امريكا واوروبا ويقولون مافي ضرايب !!!!!!!!!

[لاجئ عاطفي]

بما ان البريد مؤسسة ربحية شي طبيعي ان المواقف تكون برسوم
كما هو الحاصل في الولايات المتحدة الامريكية دولة المؤسسات
حتى المسشفيات مواقفها برسوم
بس الاختلاف انهم مايحسون الساعة الاولى يعني لو وقفت 59 دقيقة مايخذون ولا سنت
نتمنى ان يتم التعديل أي بعد ساعة تحسب الرسوم


في فرق اخوي بين امريكا وبيننا هناك تفرض ضرائب عالشعب واحنا ماعندنا قانون للضرائب فالمقارنه اهني غير موفقه

[المحقق كونان]

بعض الشركات الي مقرها في الابراج تخلي بعض موظفينها يوقفون في مواقف البريد و فيه باص خاص بالشركة ينقلهم من البريد و لين البرج و العكس

الظاهر البريد مايبي هالموظفين يقفوون ببلاش لازم يشفطهم و يشفط العملاء

[Qtr95]

سبحان الله


أنا ملاحظ ان الدولة توجها تجاري في كل شي والقرارات ليست مع المواطن بتاتا


يعني شي غريب والله شي غريب.


اول شي استغرقته الفائدة الي في بنك التنمية دولة تاخذ فائدة على مواطن يبني بيته على ارض الوطن


وغيرنا اجنبي يجي يحط قوانين ظدنا




تدرون ليش لان شعب قطر مسكين



كل قانون وكل قرار ينزل نسكت ولاحديتنفس من الخوف

الماء والكهرباء مجاناً وتقول بأن الدولة توجهها تجاري؟ :eek5:
التعليم مجاني والصحة أيضاً ..

لا حول ولا قوة إلا بالله

أخي , تعلم الفرق بين التوجه التنموي والتوجه والتجاري ,
أسأل الله ان يوفقك في حياتك

[Miss Merna]

الماء والكهرباء مجاناً وتقول بأن الدولة توجهها تجاري؟ :eek5:
التعليم مجاني والصحة أيضاً ..

لا حول ولا قوة إلا بالله

أخي , تعلم الفرق بين التوجه التنموي والتوجه والتجاري ,
أسأل الله ان يوفقك في حياتك

اسفه على ردي بس شكلك صج صج يعني صج مستفيد من كل موارد الدوله بما فيها وموارد الديوان شكلك مستفيد أنا عن نفسي مش مستفيده الا من مجانيه الكهرباء والماء بس انشالله استفيد مثلك عشان تكون ردودي بعد مثلك.*

[القحطاني505]

من يوم خلقت إلى الآن ما عمري جيت هالمواقف

وقلة من الشعب يوقفون فيها الغالبية من الموظفين

[بوحمد1]

الله يستر من اللي جاي

[رُفق المجنّا]

ما أشوف فيها شئ

زيادة دخل المؤسسة - الحد من قيام البعض بإيقاف المركبة أثناء السفر

رأيي

[رجل مثالي]

الزحمه مهب مبرر لان اغلب المواقف في الطوابق السفليه فاضيه حتى ايام الدوام الرسمي المسألة مهب مسألة زحمه السالفه ايجاد موارد للبريد ورسوم المواقف اسهل طريقه للحصول على مورد ثابت وكله على ظهر المواطن

أوكي على قولتك كله على ظهر المواطن والراتب مكانك سر وخصوصآ المتقاعدين

وذوي الاحتياجات الخاصة والارامل وغيرهم وكله على ظهر المواطن ومكانك سر الراتب

[وافق شنن طبقة]

الماء والكهرباء مجاناً وتقول بأن الدولة توجهها تجاري؟ :eek5:
التعليم مجاني والصحة أيضاً ..

لا حول ولا قوة إلا بالله

أخي , تعلم الفرق بين التوجه التنموي والتوجه والتجاري ,
أسأل الله ان يوفقك في حياتك

هذا الرد الي دايم نسمعه

اول شي صبحك بالخير

والشي الثاني

اي كهرب تقول عنه بلاش


بقولك شي

تبني بيتك ب مليون و200 وتزيد فيه منا ومنا ويطلع قرضك مليون وأربعمئة وتقاصد الدولة مدة 35 سنه على قصد 3300 ريال. وتقول كهرب بلاش وماي بلاش ؟؟؟؟؟!!!!
لا أنا ابيهم يحطونة بفلوس مثل غيرنا ويكون مبلغ رمزي والقصد حق البيت يكون نفس باقي الطول 800 ريال او اذا كثر 1200 ريال ولا مثل قبل 650 ريال أهنأ بقول اي كل شي بلاش


بس قصد بيت لحاله 3300 ريال وش بقا ل المواطن اذا معاش اغلبية القطرين المدنيين 8000 الي 11000.


ومن ناحية العلاج. اي علاج تكلم عنه انت شكلك ما تروح مستشفى حمد قصدي المقصب وجعلك ماتشوف شر ولا تجيهم بأخي ترى مستشفى واحد ودكاترة تعبانين الا من رحم الله وتقول علاج بلاش وين بلاش ابيه بفلوس وعلاج ممتاز.

والتوجه تجاري بحت في قطر


والله يستر من الي جاي

[رجل مثالي]

أن شاءالله ينظرون في الرواتب وخصوصآ المتقاعد وبعد درجاته ما حصلها المسكين قبل

التقاعد والله شىء عجيب والحمدلله رب العالمين

[qatara]

لاحول ولا قوة الا بالله

يمكن بيلغون رسوم الصناديق وبيكتفون بالمواقف

[ام السعف]

يعني البريد ما شبع من ال ١٥ ريال حقت رمضان ؟؟؟؟؟؟

:p


بس حلوة العدادات على مواقف فاضية

[وافق شنن طبقة]

:p


بس حلوة العدادات على مواقف فاضية

أكيد ان شركة راعي العدادات مفلس ويبي كم بسمة

وعطوه الميزانية يمشي نفسه فيها عشان المدارس والالتزامات الي عليه

[ام السعف]

أكيد ان شركة راعي العدادات مفلس ويبي كم بسمة

وعطوه الميزانية يمشي نفسه فيها عشان المدارس والالتزامات الي عليه

هيهيهيهي

يقطع سوالف ابليسك

يعني تبي تقول ان اللي ترسي عليهم المناقصات ناس ذوي دخل محدود
ويعينونهم على الاعباء المالية وان كان عن طريق ارساء مناقصة عداد
تحصيل اموال لمواقف فاضية :taunt:

[بوسلمان 2010]

خوش شي الله المستعان الظاهر خردة العيد تبيها طول السنة حق المواقف

[عيون الدوحة]

رحت السيتي يوم الجمعة دشيت السينما وطلعت
28 ريال سعر الموقف أشدعوة 4 ساعات ب 28 ريال
ماعاد اروح السيتي بحول على فلاجيو

[qatara]

بعد الستي رسوم للوقوف ؟

وسوق واقف

وبعد وين شكلي بشتري لي حصان

[ام السعف]

رحت السيتي يوم الجمعة دشيت السينما وطلعت
28 ريال سعر الموقف أشدعوة 4 ساعات ب 28 ريال
ماعاد اروح السيتي بحول على فلاجيو

اللي سمعته اصلا فرض رسوم من في الستي جاء من غير تصريح

المواقف لما انعملت كانت لرواد المجمع ،، اما فرض الرسوم
فهذا مب قانوني ................> بس احنا في قطر المستهلك من له ؟

لا صوت ولا حس لا له ولا لمن ينوب عنه :telephone:

[ام السعف]

بعد الستي رسوم للوقوف ؟

وسوق واقف

وبعد وين شكلي بشتري لي حصان

وين بتروح فيه هالحصان ؟

صار للسباقات بس وممنوع ركوبه في الطرقات العامة :(

[qatara]

هههههههههههههههه

وش نسوي شهل الرتب هو بيكلنا ولا بندفعه رسوم
حتى على الوقفه دقايق

بكل امانه راح اكنسل الصندوق وش لاقي فيه غير الفواتير

كفايه ان رسوم الصندوق تضاعفت مرتين او ثلاث مرات

كان الرسم السنوي 100

والان 400 تغريبا

[ام السعف]

هههههههههههههههه

وش نسوي شهل الرتب هو بيكلنا ولا بندفعه رسوم حتى على الوقفه دقايق

الراتب للشعب والشعب للراتب
فاشلون باقي الشعب بيحصل راتب لو راتب الشعب ما راح للشعب

فهمتني ؟ :(

[naklan]

عمار يا خنتريس ههههههههههههههههههههههههههههههههه
لو كان صندوق البريد في المنازل مثل بعض الدول المتقدمه وش بيسوون :(
بلدنا عجيب كل ما سكرو المسئولين طلعو قانون او رسوم ههههههه
الى الامام الا الامام لارجوع :telephone:

[صليب الراي]

خطوة موفقة و جيدة

اتمنى اننا نشوف هالرسوم بكل أماكن الازدحامات واهمها صراحه شارع حمد الكبير


والابراج

[رجل مثالي]

اللي سمعته اصلا فرض رسوم من في الستي جاء من غير تصريح

المواقف لما انعملت كانت لرواد المجمع ،، اما فرض الرسوم
فهذا مب قانوني ................> بس احنا في قطر المستهلك من له ؟

لا صوت ولا حس لا له ولا لمن ينوب عنه

الله المستعان ان شاءالله

[رجل مثالي]

وبعدين أنا مستغرب من الرسوم لين اكون راكب سيارة لوموزين في مواقف السيتي

سعره غير ولين اكون في سيارتي الخاصة سعره غير أشدعوه

[قطر دزاين]

اذوهم اهل الابراج اللي جنبهم وكلها ريالين

[وافق شنن طبقة]

الله يكثر خيرنا ياهل قطر

مافي شعب مثلنا ندفع فلوس غصبن عن خشومنا للدوائر الحكومية


من يوم شفت سالفه ال ١٥ ريال ولا احد صرح فيها ولا جا منها خبر

وانا غاسل يدي من الخير الي بيجي قولو حنا ندفع اي بس يدفعون لنا لا

الله يكثر خيرك ياوطن الاجبني ياقطر

[راشد محمد]

حراااااااااااااااااااااام والله ..اشفطوا الراتب ..ما يسوى علينا

[La Bella]

بعدين ليش يوم ندفع لمواقف السيتي مايعطونا فاتوره ؟؟

[بنت البدر 77]

هههههههههههههههه

وش نسوي شهل الرتب هو بيكلنا ولا بندفعه رسوم
حتى على الوقفه دقايق

بكل امانه راح اكنسل الصندوق وش لاقي فيه غير الفواتير

كفايه ان رسوم الصندوق تضاعفت مرتين او ثلاث مرات

كان الرسم السنوي 100

والان 400 تغريبا


حتى انا افكر جديا الغية ..

حد يبي رقم مميز للصندوق
:)

بكل صراحة مافي اي مبرر خاصة للبريد

مافي اي مزايا لاصحاب الصناديق بل على العكس زيادة في الرسوم بشكل مبالغ فيه

لا زلنا نعاني من الرسائل الخاصة للغير مع العلم ان الصندوق عندي اكثر من عشر سنين

يعني لو هم يكلفون على نفسهم ويرسلون للمخطئ مااعتقد يرد ويرسل مره ثانيه

كتبنا الف خطاب لهم وقابلنا المسؤوولين وبعد مافي فايدة .. تجي تقعد على الكرسي

اللي جنب الصندق كراسي بالية مشقققة حالتها حالة .. موظفين خدمة العملاء .. يالله يالله

يبتسمون لك .. اول مره اشوف خدمة عملاء هو قاعد وانت واقف وتستفسر وبعد ترد عليك

بنفسية !!

ومساؤى كثيره وسلبيات ..

خاطري مره اروح البريد ادخل الكارت تطلع عباره .. كل عام وانتم بخير .. !!

برقي .. نناس اتحسسك انها جهة راقية بما انهم يفرضون رسوم علينا بمالا يلزم

بالعكس كل ماتدخل الكارت يقولك الرجاء دفع الرسوم !!

عسى ماشر !

اذبحونا صراحة .. بكره بنسمع يبون رسوم على دخول " دورات المياة " بالكورنيش !!

مااستبعدها ترى .. كل شئ جايز بقطر


الله المستعان .

[جمال اليافعي]

الماء والكهرباء مجاناً وتقول بأن الدولة توجهها تجاري؟ :eek5:
التعليم مجاني والصحة أيضاً ..

لا حول ولا قوة إلا بالله

أخي , تعلم الفرق بين التوجه التنموي والتوجه والتجاري ,
أسأل الله ان يوفقك في حياتك

http://img820.imageshack.us/img820/2345/targeti.jpg

[Frosty]

اسفه على ردي بس شكلك صج صج يعني صج مستفيد من كل موارد الدوله بما فيها وموارد الديوان شكلك مستفيد أنا عن نفسي مش مستفيده الا من مجانيه الكهرباء والماء بس انشالله استفيد مثلك عشان تكون ردودي بعد مثلك.*

عجبني ردج :nice:

[السيف5]

بصراحة بين فترة وفترة نسمع زيادة أوفرض رسوم خاطري أشوف مرة واحدة تخفيف أو الغاء
رسوم --------؟

ياريت الناس اللي يلفون ويدورون كل شوي الماء والكهرباء بلاش انتوا من وين ومن

[جمال اليافعي]

بصراحة بين فترة وفترة نسمع زيادة أوفرض رسوم خاطري أشوف مرة واحدة تخفيف أو الغاء
رسوم --------؟

ياريت الناس اللي يلفون ويدورون كل شوي الماء والكهرباء بلاش انتوا من وين ومن

ناس ولو غرشه الماي ب 50 ريال ما يهمهم وبيقولون لك القطريين مرتاحيين ..
وناس يهال ماشافوا الدنيا وما اشتغل وبيقول لك بسكم تذمر..

بس اقول لك هذولا بتجيهم أيام ما بينفعهم الندم .. احنا تعودنا على هل الوضع ولو قدر الله ان شي يصير اقل ناس بنتأثر ، بس الاغنياء بيروحون فيها لانهم ما عاشوا نفسنا .

[STAR]

احنا قاعدين ندفع ضرائب بطريقة غير مباشرة..

ويقولون احنا عندنا كل شي بالمجان..‏!!‏

[STAR]

رحت السيتي يوم الجمعة دشيت السينما وطلعت
28 ريال سعر الموقف أشدعوة 4 ساعات ب 28 ريال
ماعاد اروح السيتي بحول على فلاجيو

:eek5::eek5:

[كازانوفا]

وين باقي ؟؟؟
خلونا انساعدهم ونقترح عليهم وين يحطو لنا رسوم للمواقف

لي عوده ...

[جمال اليافعي]

وين باقي ؟؟؟
خلونا انساعدهم ونقترح عليهم وين يحطو لنا رسوم للمواقف

لي عوده ...

الكورنيش ومواقف حديقة البدع ههههههههه يبيلهم فلوووس تدري لصيانه الشوارع

[قطريه ماركه]

عقبال مواقف فيلاجيو ....

[nono80]

انا بعد نزلت قرار من بكرة الوقوف في طبيلتنا الساعه ٥ ريال تدرون موقع استراتيجي ليش الستي والبريد احسن مني خخخخخ

[الباب العالي]

عقبال مواقف مستشفى حمد حتى يخلصونا من الإزدحامات

[ZURICH]

مافي زيادة رسوم على الرواتب .. كل شي ضرب فوق الا الرواتب !!

الله يستر لا ندفع فلوس على الخطوط السريعة

[فتى الجود]

السلام علييكم

وانت الصاج ياخوى

الخبر موجود بالراية اليوم بالصفحة الاولى

[MAZEN37]

بما ان البريد مؤسسة ربحية شي طبيعي ان المواقف تكون برسوم
كما هو الحاصل في الولايات المتحدة الامريكية دولة المؤسسات
حتى المسشفيات مواقفها برسوم
بس الاختلاف انهم مايحسون الساعة الاولى يعني لو وقفت 59 دقيقة مايخذون ولا سنت
نتمنى ان يتم التعديل أي بعد ساعة تحسب الرسوم
فكره ممتازه صراحه
ياريت تطبق
لا ضرر ولا ضرار