استحلفكم بالله .. هل من بديل لكيوتل؟؟؟

[brooq]

السلام عليكم .. الأخوة الأعزاء،،،

هل توجد شركة بديلة لكيوتل توفر خدمات الأنترنت .. حتى ولو كان مستواها أزفت وأسعارها أغلى من كيوتل ... في الأخير يكفي إنك تتعامل مع شركة غير كيوتل.. وهذا بحد ذاته مكسب أسعى للحصول عليه بأي ثمن.

يرجى إبدء اقتراحاتكم وآرائكم حول الشركات البديلة سواءً أكانت محلية مثل فودا فون أو عالمية مثل الشركات التي تتعامل عبر الأقمار الصناعية... المهم أي شركة لا يقع اسم كيوتل من ضمنه.

شكراً للجميع مقدماً.

[بوعلي2]

تقصد النت للتلفون المحمول او للبيت؟

[brooq]

أقصد خدمات الانترنت للبيت.

[أبورودي]

ليس امامك سوي بروباند فودافون

[بوعلي2]

اذا للبيت مالك الا مثل ما ذكر اخونا ابورودي

بس اهم شي المكان الي انت فيه يكون ارسال فودافون اوكي والا بيصير موضوعك اختكي مثلكي

والله يكون بعونك

[احب قطر]

ممكن نعرف ايش المشكلة؟؟

[برشلوني قطر]

وسع صدرك ياخوي...:rolleyes2:

كل مشكله وان شاءالله لها حل..

صج ان كيوتل عليهم حركات...بس كلمة حق كيوتل فالفتره الاخيره اشوفها احسن...

[airbus]

فودافون بتكون المشغل التاني للتلفون الارضي و الانترنت من سنتين وللحين ماصار اي شي وللحين كيوتل مانزلت في اسعار الانترنت الdsl لان المنافس ما بدأ في تشغيل الانترنت و التلفون الارضي


يعني الصبر حتى تنزل الاسعار

[العقل الحر]

شر لابد منه

لا مفر ...... البحر امامكم من ثلاث جهات والعدو خلفكم !

فحاربوا !

[المسك1969]

بالرغم من بعض الامور التي لي على كيوتل إلا أنها أفضل شبكة في قطر

شنو أفضل شبكة ألا ماعندنا ألا كيوتل ويات فودا فون وأعتقد أنها تحت كيوتل

بس فودا فون الكل يشتكي من ارسالها

الصبر حفظك الله ويسر لك أمرك:nice:

[qatari1]

بالرغم من بعض الامور التي لي على كيوتل إلا أنها أفضل شبكة في قطر

شنو أفضل شبكة ألا ماعندنا ألا كيوتل ويات فودا فون وأعتقد أنها تحت كيوتل

بس فودا فون الكل يشتكي من ارسالها

الصبر حفظك الله ويسر لك أمرك:nice:

ما في وحدة تحت الثانية:nice:

شركتين منفصلتين تماماً، وكلاهما مُدرجتين في بورصة قطر.

[brooq]

لجميع من عقب على الموضوع .. شكراً من الأعماق.

بخصوص الأخوة الذين ذكروا فودا فون برود باند الأخوين بو رودي وبو علي ..

هل ينفع أن يصبح مثل الوايرليس راوتر في البيت .. يعني هل باستطاعتي الاستفادة منه أنا وبقية العائلة في نفس الوقت مثل ما هو حاصل مع خدمة دي إس ال المقدمة من كيوتل؟

وكم هي سرعته؟ لأني أول مرة أسمع عنه... طبعاً بدوري سأقوم بالسؤال ولكن آرائكم محل ترحيب واعتبار.

يعطيكم العافية.

[المسك1969]

ما في وحدة تحت الثانية:nice:

شركتين منفصلتين تماماً، وكلاهما مُدرجتين في بورصة قطر.


صج وأنا كله على بالي أنها تحت كيوتل... عيل كيوتل أفضل... وجزاك الله خير على التوضيح:nice:

[ريتويت]

لا والله ماعتقد

[HotBlood]

لو كان في بديل كان حصلتي انترنت كيوتل احسن من الحين
وخدمة الانترنت لكيوتل من أسوأ الى أسوأ لحد ما يتم تركيب الفايبر بعد ٥ سنين تقريبا.

اتصلت فيهم ابي اعمل ابقريد للانترنت الى ٨ ميجا قالو لي مايوصل عندكم الا ٢ ميجا.
قلت لهم ليش..........قالو لان الخور بعيده عن الدوحه !!!!
ههههه مادري انا في ولاية واشنطن وهم ولاية نيويورك مثلا والا شنو ؟!!

[MAZEN37]

الله يعين الجميع

[مهل]

السلام عليكم

روح لفودافون وخذ منهم كرت البرودباند المفتوح .. و الشباب شفتهم يستخدمون راوتر برودباند .. اسود و فيه اريل يشتغل على الكهرب .. مثل الراوتر الي في البيت (الابيض مثلا الخاص بكيوتل . تومسون)
ارساله ممتاز وتشبك عليه العدد الي تبيه من الكمبيوترات .

[airbus]

اتصلت فيهم ابي اعمل ابقريد للانترنت الى ٨ ميجا قالو لي مايوصل عندكم الا ٢ ميجا.؟!!


روح اشبك من مدرسة القادة السرعة عندهم 20 ميجا !

[مهل]

روح اشبك من مدرسة القادة السرعة عندهم 20 ميجا !

واااااو

ولكن كيوتل هم الي يوصلون الخدمه .. اشك فيهم مهما طلعت لي ارقام القياس

في امريكا سرعه النت ٤ او اقل و تعال شوف سرعه التصفح و سرعه التحميل . بدون مبالغه الملفات الصغيره تشوف البوكس يفتح في بدايه التحميل و عقب تشوفه خط اخضر مكتمل و كانه كان في جهازك من قبل اول الايام احس فيه خلل في التحميل

كيوتل لو وصلولك النتر نت ٨ مثلا .. شوف سرعه التصفح او التحميل تلقاها تعلق و احيانا سريع و احيانا بطيء و احيانا يظهر لك انه شابك و في الحقيقه هو فاصل .. (كيوتل تعمل شيرنق لخطوط النتر نت) عن طريق حيله ما .. تقدر تقول انت و جيرانك مشتركين في خط انتر نت واحد .. لو حد من جيرانك راعي تحميل افلام و غيره تلقى الانتر نت بطيء .. و اذا دخلت موقع لقياس سرعه النتر نت بتنصدم انه يعطيك قراءه مثل الخدمه الي انت مشرك فيها او افضل .

هذي من ملاحظاتي الشخصيه بالاضافه الى تاكيد من احد زملائي في العمل في قسم الـ *it

[airbus]

قبل فترة فتحت خريطة الكيبل البحر وحصلت كابليني من قطر واحد في الدوحة و التانية في الخور


للعلم قطر فاونديشن عندهم كيبل لهم غير تابع لي كيوتل

[رجل الجزيرة]

يا جماعة الخير

السلام عليكم ورحمة الله وبركاته


رب يطول أعماركم على طاعته رجت لصلالة وهناك أشتريت كرت جوال مثل عندنا هلا ، بس هو إسمه "حياك" على عمان موبايل حق البلاك بيري تصدقون هناك العمانيين ما يعترفون ببلاك بيري بس شغلت الخدمة وجربت الإنترنت إلا مثل إلا هو أسرع من كيوتل بفرق شاسع ، فشريته ب 50 ريال وعبيته ب 40 وسلام سلم على كيف كيفكم.

[الفقير إلى الله]

يا جماعة الخير

السلام عليكم ورحمة الله وبركاته


رب يطول أعماركم على طاعته رجت لصلالة وهناك أشتريت كرت جوال مثل عندنا هلا ، بس هو إسمه "حياك" على عمان موبايل حق البلاك بيري تصدقون هناك العمانيين ما يعترفون ببلاك بيري بس شغلت الخدمة وجربت الإنترنت إلا مثل إلا هو أسرع من كيوتل بفرق شاسع ، فشريته ب 50 ريال وعبيته ب 40 وسلام سلم على كيف كيفكم.


مافهمت اخوي ؟؟ ,,, تستخدم نت خارج عمان وشغال وياك الكرت ؟؟

[الجوكر90]

بالرغم من بعض الامور التي لي على كيوتل إلا أنها أفضل شبكة في قطر

شنو أفضل شبكة ألا ماعندنا ألا كيوتل ويات فودا فون وأعتقد أنها تحت كيوتل

بس فودا فون الكل يشتكي من ارسالها

الصبر حفظك الله ويسر لك أمرك:nice:

انا ساكن فالدوحه قريب الوكره
والحمدلله ماشتكي من فودا فون كلش
مادري من وين تجيبون هالكلام

[رجل الجزيرة]

مافهمت اخوي ؟؟ ,,, تستخدم نت خارج عمان وشغال وياك الكرت ؟؟

لا طال عمرك، الحين لا أنا في قطـر، بس القهر إلي في قلبي هو الإختلاف بين سرعة الإنترنت عندنا وفي مجلس التعاون وسلامتك.

[ام السعف]

ممكن نعرف ايش المشكلة؟؟

المشكلة يا اخوي بما انك من كيوتل ان النت في الفريج بكبره زفت ،،

خلني اقول لك السالفة :

النت في الشبكة الفوقية ضعيف والشبكة التحتية ضعيف
اتصل عليهم اقول لهم النت ضعيف واشوي ومات من الضعف وارد اشتغل
ردوا علي لازم مودوم كيوتل علشان انعرف السبب ،، قلت لهم ما عندي مودم كيوتل
قالوا لي ما نقدر انسوي لج شي ،، كل اشوي زي الفل عندنا ،،

قلت لهم ابي اقدم بلاغ ،، حذروني اني بدفع يمة البلاغ لو ما طلع النت خربان من عندهم
قلت لهم ما عندي مانع ( للعلم مقدمة البلاغ مرتين ان ما خانتني الذاكرة ) ولا مرة
يووني علشان يثبتون ان النت خربان من عندي ،،

الأضرار :
اولا يفصل النت ثانيا ضعيف كلش ثالثا ما نقدر نلعب اون لاين :(

[بوعلي2]

انا ساكن فالدوحه قريب الوكره
والحمدلله ماشتكي من فودا فون كلش
مادري من وين تجيبون هالكلام

انا اشتكي من فودافون وهم يدرون ان ارسالهم تعبان بالشمال وعلى خط الشمال

الدوحه كل شي تمام عندكم واحنا مساكين محد لنا من تدخل البيت يعطيك جاري البحث ودوررررني


الله المستعان

[Navigator 85]

المشكلة يا اخوي بما انك من كيوتل ان النت في الفريج بكبره زفت ،،

خلني اقول لك السالفة :

النت في الشبكة الفوقية ضعيف والشبكة التحتية ضعيف
اتصل عليهم اقول لهم النت ضعيف واشوي ومات من الضعف وارد اشتغل
ردوا علي لازم مودوم كيوتل علشان انعرف السبب ،، قلت لهم ما عندي مودم كيوتل
قالوا لي ما نقدر انسوي لج شي ،، كل اشوي زي الفل عندنا ،،

قلت لهم ابي اقدم بلاغ ،، حذروني اني بدفع يمة البلاغ لو ما طلع النت خربان من عندهم
قلت لهم ما عندي مانع ( للعلم مقدمة البلاغ مرتين ان ما خانتني الذاكرة ) ولا مرة
يووني علشان يثبتون ان النت خربان من عندي ،،

الأضرار :
اولا يفصل النت ثانيا ضعيف كلش ثالثا ما نقدر نلعب اون لاين :(

نفس المشكلة عندي من اول يوم العيد

اتصلت كيوتل وقالوا لي نفس الكلام لازم مودم من كيوتل

يعني طيب غصب نبغي نبوقك ونخليك تشتري مودم من عندنا

وقدمت بلاغ وقالوا لي اذا المشكلة مب من عندنا راح ندفعك فلوس

قلت لهم شئ اكيد بتقولون المشكلة من عندي علشان الفلوس

والى اليوم واوصلني اي فني