شارع سريع وشارع ممل جداً جداً

[أبو سعود]

يوم أمس تحركت سيارتان من موقف صالة القادمين لمطار الدوحة إلى منطقة عين خالد لنقل الضيوف مع الشنط.
السيارة الأولى اتجهت ناحية الدائري الثالث، وعند إشارة المنتزه اتجهت يساراً ناحية إشارات التضامن إلى أن وصلت منطقة عين خالد، واستغرقت مدة طويلة إلى أن وصلت بسبب كثرة إشارات المرور.
أما السيارة الثانية، تحركت بعد خمس دقائق واتجهت ناحية شارع سلاح الجو ومن خلف منطقة الحضارمة وإلى خلف الكنيسة وبروه أي سلكت شارعاً مفتوحاً من غير إشارات مرورية، لكن هذا الشارع خطر جداً لأنه مسار واحد وهذا الشارع طويل.

السؤال الأول:
أي سيارة وصلت قبل ؟؟

الجواب السيارة الثانية

السؤال الثاني: يدل على ماذا ؟؟
الجواب يدل على أن شوارعنا تحتاج إلى طرق مفتوحة لكي تخف الزحمة وليقضي الناس المشوار بسرعة.
أما إشارات المرور بطيئة، وتسبب الزحمة وتعطل المصالح، وأيضاً تؤثر على سيارات النجدة والإسعاف والدفاع المدني.

السؤال الثالث: اختر الإجابة الصحيحة:
ما فائدة الإشارات المرورية في الدولة؟
1- التعويد على الصبر.
2- تنظيم حركة سير المرور.
3- جمع أكبر قدر من المخالفات، حيث أن كل إشارة عليها غرامة 6000 ريال.

[بوسلمان 2010]

التعويد على الصبر وجمع اكبر قدر من المخالفات حيث ان كل اشاره عليها غرامة 6000 ريال

[اللورد]

ما فائدة الإشارات المرورية في الدولة؟
تنظيم حسن مرور السيارات بشكل أمن.
:)

[مستر قطر]

اخوي المشكله في تظيم الشوارع او اتساع الشوارع لما فيها من نقص من جسور وغيرها فاماعندهم حل غير انهم يحطون اشاره

[بوخالد911]

الناس لو تطول اشوي بالها

[R 7 A L]

مشكلتنا نحب السرعة كأننا نسعف شخص بين الحياة والموت

[للصبر اخر]

:thumbup1:رحال
صح لسانك والله
تلاقي الكل طاير ويبي يوصل باسرع وقت

[La Bella]

نفس الشي أطلع من الندمارك أخذ الخط السريع لين فلاجيو تاخذ معاي فترة أطول ب 15 دقيقة
من الندمارك لين فلاجيو من صوب الريان أسرع لي مع أن الشوارع قديمة والتخطيط القديم

[MAZEN37]

الحمدلله وين اول وين الحين
انا راضي خلنا على اشارات بس بالنهايه بتمشي
اول لا اشاره ولا جسر ولا شارع

[مابدل العادات]

الحمدلله على كل حال

[رآعي موآجيب]

اسمع وانا اخوك

توني راجع من دبي امس بعد اربع سنوات ما طبيتها مع اني كل سنه ازور الأمارات

لكن من زحمة دبي الممله والغثيثه وخصوصاً طريق الشارقه اللي من صوب الملا بلازا وشارع الشيخ زايد وطريق الأمارات ما قمت اروح دبي ، آخذ جوله في العين و أبو ظبي وانا راجع

لكن في هالسفره عزمت اروح دبي لأن كان بخاطري ازور سوق التنين

وفعلا طلعت من العين متوجه لدبي وانا احاتي الزحمه وفكرت اني ما اسكن في دبي خير شر

وكاااااااانت المفاجأه !!

دبي مافيها شارع واحد واقف ومتعطل !!

أستغربت طبعاً ولكن ارتحت نفسياً واستانست , كانت الشوارع مزحومه بس المسارات ماشيه ، والسبب لأنهم بنوا جسور عملاقه بأعداد كبيره و بناء مجمعات ضخمه وفنادق خمس نجوم خارج المدينه على آطراف دبي وعلى طريق حتا - العين هذا غير المترو

زبدة الهرج طال عمرك ربعنا مايبغون يدفعون ولا يشتغلون بقدر ما يبغون ترسي المناقصه على رفيقي ونسيبي واللي مصالحي ومصالحه ما تتضارب ومشتركه

شوف جسر الصناعيه كم تموا يبنون فيه وكم شركة استلمت المشورع أبتداء من الشركة الماليزيه ثم للتركيه وبعدها الشغل القطاعي على الشركات القطريه وفي الآخير هذا جناح الجسر الشرقي الجنوبي مسكر تحت الصيانه من بعد شهر واحد فقط من افتتاحه

وشوف اشارات المناصير شارع جديد لأمتداد جسر الصناعيه فيه هبوط قوي كل شهر يرقعون فيه ولا يفيد

اصلا شوف العقليات اللي تخطط للجسور والشوارع الجديده شلون يصممون مخارج هالشوارع من الطرق السريعه لمخرج ياالله يكفي سياره وحده , على سبيل المثال وانت طالع من جسر الجوازات بأتجاه الجنوب رايح للجسر الجديد ( دوار محطة الجيده سابقاً ) قبل الجسر فيه مخرج يطلعك على الريان العتيق والشعبيه , شوف شلون ضيق , لو جنبك موتر تخاف تدعمه مع ان الله موسع عليهم السعه وارض فاضيه من الشارع للمطابع !!

ما نقول غير الشكوى لله

[ابوالكلام]

النهب مستمر وقليل الي يفكر فية مصلحة البلد لين حصلوا حد يحاسبهم بعدين بتتعدل المشاريع مقارنة بالامارات كل يوم محمد بن راشد رايح يشرف على المشروع هذا هو الفرق

[Mohammed2]

ومشكله بعض الناس عند الاشارات وخصوصاً اللي يكونون في المقدمه
اذا صارت الاشاره خضره يااااله يمشون يعطلون الف سياره وراهم، المفروض يفتحون شوي ويدوس عالبترول عششان تصير الحركه سلسه اكثر