غترة شال

[V.I.P_QATAR]

وين افضل مكان يبيع اغتر الشال لوسمحتو ممكن تدلوني عليه وسعره يكون زين

[FCB 123]

والله أنا خذيت أكثر من مره من الملكي إلي في الستي ..

بس أعتقد جميع فروع الملكي عندهم نفس النوعية

بالتوفيق إن شاءالله

ولو في مكان أحسن ننتظر رد الشباب وأهل الخبرة

[Store]

بالتوفيق

[بوعلي-Qtr]

والله شوف الطريفي - سوق واقف- يجيب اشيا زينه من الشال والترمه والشاتوش لكن الترمه فل والشاتوش غلايا عنده .. يعني لاتستغرب لو شفت شاتوش ب٥٠٠٠ ولا ٨٠٠٠ ريال على اساس ان كله شغل يد والترمه في حدود ٢٥٠٠ ٣٠٠٠ ريال وجوده ممتازه وشغل يد كذلك
وفي انواع ارخض طبعا وانا عن نفسي ماعرفت الفروق الجوهريه بينهم الا ان نوعيه الخامه تختلف شوي وشغل اليد يختلف والنقشه احيانا
والموديلات تقريبا تبدا تنزل على يدايه الربيع وتحصل فالستور موجود عندهم

[صندح]

محل بيت الشماغ في العزيزيه عنده غتر شال ممتازه ومكانه في العزيزيه الشارع التجاري الشرقي اللي في نفس خط بيتزهات

[الكولونيل]

تو الناس على الشال
لكن أي وقت تبغي إرسل لي مسج ع الخاص
عندي ناس أعرفهم
باخليهم يجيبون لك الشال أو الترمة أو الشاتوش لين عندك وبخليهم يعطونك سعر زين هم مايقصرون معاي إنت أو أي واحد من أعضاء المنتدى

[الشامخ]

فيه واحد عماني شقته خلف المتحف يبيع غتر شال تعجبك واحسن من السوق انا العام شريت من عنده والشال اللي حسب ذوقك تبيع رخيص تكشخ او اصلي والشال اللي الاصلي اللي عنده احسن من اللي في السوق وارخص

وهو يجيب في الموسم وتو الناس على الشال

[هارودز]

فيه واحد عماني شقته خلف المتحف يبيع غتر شال تعجبك واحسن من السوق انا العام شريت من عنده والشال اللي حسب ذوقك تبيع رخيص تكشخ او اصلي والشال اللي الاصلي اللي عنده احسن من اللي في السوق وارخص

وهو يجيب في الموسم وتو الناس على الشال

مرحبا اخوي على كم يبيعهم

[هارودز]

في عمان اكيد ارخص

[الفخامة]

سوق واقف