لاهل الخبره بالبوالين

[بوخالد353]

ابي اركب تواير بوالين وش الاحسن ؟ وبالنسبه لهوا التواير للبالون نفس التواير العاديع35 والى اكثر؟ والسوال الاخير انا ركبت قبل سنتين بوالين اعتقد ماكسس يومين مافي احلى منهم وبعد الثالث بلشت الرجفه،، في ناس تقول 5 كيلو لين يحمون وتروح الرجفه بس اتا تتم معاي لو مشوار 300 كيلو شنو السبب؟؟

[عندليب قطر]

يبيلك ميزانيه

[Senior]

بالنسبه لنوع البالون، افضل نوع هو السيام.
الهوى يكون ٦٠ اول ما تركب التاير عشان التاير يفرش، وعقبها بيوم او يومين ترجعه ٣٥.
بالنسبه للرجفه، غالبا تحصل الرجفه مع التواير المستهلكه الي طارت النقشه من عليها او خفت بمقدار كبير ،، التواير الجديده ما ترجف عندك ،، واذا توايرك جديده سو لهم ميزانيه تواير واذا لقيت المشكله مستمره فآنصحك تبدل الرنقات وتركب لك شنابر، لان هالرنقات ثقال وما ترجف نفس رنقات الشركه.

اخر نصيحه لك خلك عالمياجر وايد ابرك خخخ وموفق ان شاء الله

[boamir]

احسن نوع بالون حجم 16 سيام
و17 عندك الهيرو والماكسس والمالون

وإذا في رقله لازم تسوي لهم ميزانيه
وفي نفس الوقت احيانا اول ماتدق سلف حق الموتر وتحرك بتشوف رقله خفيفه يمكن على 60 لين ماتصخن التواير وخلاص يعني 5 دقايق وتختفي بس مب كل مره تطلع لك ولا كل التواير

والهوا في الصيف تخليه 35 وفي الشتا 40-45-50