هل سيبلع تجارنا زيادات الرواتب؟؟،ومادور مراقبة الأسعار وحماية المستهلك في ذلك ؟؟@@@@@

[الصدى الخالد]

جزاك الله كل خير والدنا سمو الأمير الشيخ حمد بن خليفة آل ثاني على الزيادة وعسى عمرك طويل

وجزاك الله كل خير اخونا الشيخ تميم بن حمد آل ثاني على الزيادة وعسى عمرك طويل

ونتمنى نتمنى من التجار ان ما يضيقون علينا ويستغلون هالزيادة ويرفعون الأسعار

ونتمنى من الجهات الرقابية الحد من ظاهرة إرتفاع الأسعار

[روح الاطلس]

اكيد كل شي بيرتفع

واللي عنده عقار طايح بكبده الحين بيمسكه محد بيبع :(

[اسعاف]

هل سيبلع تجارنا زيادات الرواتب؟؟،

ومادور مراقبة الأسعار وحماية المستهلك في ذلك ؟؟

أعجبتني مقولة احد المواطنين الذي يقول :

نحن لا نريد زيادة في الرواتب ، نريد تخفيض ملموس وقوي في الأسعار

لأن الزيادة التي تدخل في جيوبنا

سرعان ما تمتصها زيادة الأسعار مدفوعة بجشع التجار

مستغلين غفلة إدارة حماية المستهلك ومراقبة الأسعار!!!

[© غاردينيا ©]

بسم الله توني افكر في هالنقطة .. الا الموضوع في وجهي ... اكيد كل شي بيطير سعره

[© غاردينيا ©]

بسم الله توني افكر في هالنقطة .. الا الموضوع في وجهي ... اكيد كل شي بيطير سعره

[La Bella]

والله ثم والله مفروض إحنا الشعب الي نتكاتف مع بعض وأي شي يرتفع سعرة لو ريال نخليه لهم ومانشتريه وتشوف البديل

[خالد32]

الله يرحمنا برحمته و يبارك لنا بما أعطانا

[ويلاه]

مليون مبررروك عليكم المفرض نتحد على التجار والصالونات وكل من يغالي في الاسعار

[ام ريماني]

أنا صراحه متفرجا للزياده لان هذا المتوقع خلال شهر او شهريين بيرتفع سعر كل شي دبل

[المتحدث الرسمي]

الله يستر من عواقب هالزياده

و ان شالله التجار يخافون الله في المواطن المسكين

الله يكون في العون

[الفضي]

الله الله عليك يــــــاخوي اسعاف
ومرحبا بك وعيدك مبارك
هذا الكلام اللي نبيه
هذا الكلام اللي يصحي من النوم #
( ولا كــن لاحــيــــاة لــمــن تـنــــادي )

[Miss:Network]

والله ثم والله مفروض إحنا الشعب الي نتكاتف مع بعض وأي شي يرتفع سعرة لو ريال نخليه لهم ومانشتريه وتشوف البديل


صحيح كلامك مئة بالمئة

كثير من الدول المجاورة تتبع نفس الطريقة ... لكن في قطر استبعد هالشي :(

[الراقيه سبشل]

:(


..........................................

[© غاردينيا ©]

بسم الله توني افكر في هالنقطة .. الا الموضوع في وجهي ... اكيد كل شي بيطير سعره

[سما الوطن]

اللي يخلينا شوي نقول ان التجار لن يستطعوا ان يستغلوا الزياده
ان الزياده للقطريين فقط
ونحن نعرف ثلاث ارباع سكان قطر غير قطريين وما جاتهم زياده
يعني بيفقدون زباين وايد لو زادوا الاسعار والله اعلم

[R 7 A L]

على فكره اخوي اسعاف
التجار ارفعوا الاسعار من زمان بما يناسب هالزيادة الجديدة في الرواتب
يعني وصلتهم معلومات ان فية زيادة وأرفعوا اعتقد من سنة عندهم خبر
يعني بختصار قد خلصوا منا

حتى بترول السيارات يوم ارتفع تحسباً لهذه الزيادة

يعني اتوقع والعلم عن الله ان الاسعار ماراتح ترتفع وراح تبقى كما هي

[na7ees]

عندي اقتراح <<<<
انخصص موضوع في المنتدى للمحلات والسلع الي ترتفع اسعارها بعد لزياده
ونفضحا
ونشوف البديل لها
لين متا وحنا يرفعون الاسعا وحنا ساكتين خلنا نقعد لهم قعده

[السندان]

الامور كلها بيد الحكومه لو ارادت ذلك

بيدها السلطه التي تمكنها من التحكم بالتجار وغير التجار

الحمدلله والشكر لله على ما اعطى .. وعسى عمر بومشعل طويل

[اسعاف]

والله ثم والله مفروض إحنا الشعب الي نتكاتف مع بعض وأي شي يرتفع سعرة لو ريال نخليه لهم ومانشتريه وتشوف البديل

في السعودية في جماعة متفقين مع بعضهم يشتركون في مواقع الكترونية

اذا وجدوا بضاعة رفعت سعرها

عمموا على ربعهم وقالوا

خلهه اتخيس ،ولا حد يشتري

لين ما يخضع التاجر وينزل السعر

[السهلي]

تصدق عاد كنت جالس مع واحد عنده بيوت ياجرها

يقولي فوق الزيادة الي جاته بيستفيد من المستأجرين

بيرفع الاجار 1000

قسم بالله ناس ماتفكر بغيرها

[Rayane]

عن نفسي فأنا ملتزم بالمقاطعه.... لكن هات ان باقي أهل قطر يستمرون.....

أمثله: سنتر بوينت ( بيبي شوب ) رفعوا اسعارهم من كم شهر وحلفت ما عاد نطبه وغيرته بماكس ووبعض المحلات الثانيه.

المجمعات رفعت اسعارها من 0.25 الى ريال فسحبت عليها ورحت لوذنان مول. والكلام هذا كان من بداية سوق رمضان.

محلات الجوالات.. بعض اللي يغالون في الأسعار اتركهم بدون رجعه نهائياً.

مع العلم ان حالي ميسور والماد زينه ولكنه حسد لبعض التجآآآآآر اللي ما يخافون اللـــه

شركة عبدالغني... الربع كلهم حالفين ما يآخذون تيوتا جديد مهما كان نوعه سواء صالون ولا جي... جزاء له في الاسعار الجنونيه اللي عنده..... ولكن أيد وحدها ما تصفق....

في امان الله.

[Rayane]

عندي اقتراح <<<<
انخصص موضوع في المنتدى للمحلات والسلع الي ترتفع اسعارها بعد لزياده
ونفضحا
ونشوف البديل لها
لين متا وحنا يرفعون الاسعا وحنا ساكتين خلنا نقعد لهم قعده

عين العقل

[Store]

الله يستر

[Store]

عندي اقتراح <<<<
انخصص موضوع في المنتدى للمحلات والسلع الي ترتفع اسعارها بعد لزياده
ونفضحا
ونشوف البديل لها
لين متا وحنا يرفعون الاسعا وحنا ساكتين خلنا نقعد لهم قعده

100% صح

[متداول عالمي]

نبي حمله خلوها تخيس ضد كل تاجر يحاول استغلال الموقف

[جلمود]

الحين المفروض نشوف دور حماية المستهلك

اللهم أحفظ أميرنا وولي عهده الامين


مبروك للشعب القطري الكريم

[bentalgala]

عندي اقتراح <<<<
انخصص موضوع في المنتدى للمحلات والسلع الي ترتفع اسعارها بعد لزياده
ونفضحا
ونشوف البديل لها
لين متا وحنا يرفعون الاسعا وحنا ساكتين خلنا نقعد لهم قعده

كلام سليم

واول درجه في سلم محاربه الغلاء

انا معااااكم من المقاطعين

باسكن روبنز من 3 شهور تقريبا زيد ريالين على كل الانواع والأحجام

شكرًا إسعاف على انعكاس النيك نيم بالفعل
اسعفتي المنتدى بهذا التنويه

لنتكاتف جميعا لنحمي انفسنا *

[كازانوفا]

لا ما حد راح يخاف على حد التجار وبيلعبو لعبتهم لا بارك الله فيهم ولا في اي ريال زياده بيدخل في جيوبهم ومن ورا الناس المساكين لان افلوسنا ما نلاقيها مرميه بالشوارع وربي العالم كيف صعب وكيف هي قليله لكن ما اقول غير لنا رب اسمه الكريم يرزقناا من حيث لا نحتسب

[اسعاف]

كلام سليم

واول درجه في سلم محاربه الغلاء

انا معااااكم من المقاطعين

باسكن روبنز من 3 شهور تقريبا زيد ريالين على كل الانواع والأحجام

شكرًا إسعاف على انعكاس النيك نيم بالفعل
اسعفتي المنتدى بهذا التنويه

لنتكاتف جميعا لنحمي انفسنا *

شكرا

بس انا رجل :nice:

[جرح الزمان]

أرقام هامة للإبلاغ عن أية زيادات في الأسعار بعد قرار زيادات الرواتب

الخط المجاني : 8005000

الخط الساخن : 44945500

الخط الساخن : 44945550

[روح الاطلس]

بصراحة الشعب هو اللي يخلي الاسعار ترتفع

حتى اهل الحسا رفعوا اسعارهم ان جاهم سعودي ياخذ غرض وقال غالي بقاطع قالوا له خلك بيجي الحين قطري وياخذه ومايكاسر (يفاصل) بالسعر بعد

اهل قطر مايفاصلون بالاسعار واي غرض مهما كان سعره ياخذونه لا وبعد بخشيش

يعني اوك الله منعم عليك لكن بالمنطق تاخذ ملعقة ايسكريم وحده بـ 32 ريال ليه ؟!! هل من زود بالطعم ؟ لا بس مجرد اسم المحل !!

ولا كوب قهوة صغير بـ 65 ريال! ونفس الطعم ونفس الصنف ويمكن احسن منه مايتعدا 3 او 4 ريال !

بس ثقافة الاستهلاك معدومة

حتى لو الشخص عنده خير وفلوس مايمنع ان يكون فيه وعي وثقافة استهلاكية وصرف بعقل ومنطق