كيف أعرف أن السهم ..... ؟؟ [الأرشيف] - منتديات شبكة الأسهم القطرية

مشاهدة النسخة كاملة : كيف أعرف أن السهم ..... ؟؟

بنـ الدحيل ـت

19-05-2006, 09:47 AM

إخواني في الله

أخواتي الغاليات

كيف أعرف أن السهم سيرتفع أو سينزل ..؟؟

الأختصاصي

19-05-2006, 10:21 AM

من واقع خبره وفي سوق الدوحه صعب التكهن بالارتفاع او الهبوط في ضل هذه الضروف والي راح يقولك انه بيرتفع اليوم وبينزل بكره تاكد انه مايعرف بالسوق حاجه .... تحياتي لك

فاكس727

19-05-2006, 10:48 AM

مافي شخص واحد في العاااااااااالم يقدر يعطيج جواب .
ولا تصدقين اي انسان او محلل اقتصادي ويا كثرهم عندنا ;)

متفائل وايد

19-05-2006, 12:43 PM

أختي / بنـ الدحيل ـت ...

محد يقدر يقولج متى السوق بيرتفع او بينزل ، ولو الناس يعرفون متى السوق
بيرتفع او متى بينزل كان محد خسر ...
بس ممكن الواحد يتوقع النزول او الارتفاع من خلال كمية الطلب والعرض
على الشركه ..
وهاي الشي ما يبين في شاشة الانترنت مال السوق او مال المجموعه ، هذا
يبين في الكمبيوترات الموجوده في السوق ( البورصه ) .

هاي اللي اقدر اقولج في السؤال اللي سألتيه .
واذا كلامي موب مفهوم ممكن تحددي الشي اللي ما فهمتيه وانشاء الله
اقدر افيدج ..

اخوج / متفائل وايد .

أبوطلال

21-05-2006, 05:07 AM

سؤالك صعب جدا جدا جدا ومستحيل احد يجاوب عليه لا بسوق الدوحة ولا بأي سوق بالعالم والدليل السوق السعودي مافيه احد قدر يتوقع الى هذي اللحضة وش وضع السوق .

وللمعلومية انه فيه بعض المحللين كلامهم يصدف مرة صح بس الف مرة خطاء

ومضة مساهم

21-05-2006, 10:48 AM

الأخت بنت الدحيل سألت سؤال وجيه جداً، وكل من أجابها أجابها بالرفض، بالرغم أن هذا السؤال يشغل الجميع.

ولكن نحن نريد ولو الاقتراب من التحليل وليس التأكيد ، هل هناك أشياء تعطيك ولو تقريب لتحديد السعر أم لا؟؟

الجوكر

21-05-2006, 12:11 PM

مراقبة العرض والطلب
اعلانات الشركه عن الارباح وقوة مركزها المالي
متابعة الشارت اول باول ومعرفة نقاط الدعم والمقاومه

mosahm

21-05-2006, 12:34 PM

الله على البراءة في السؤال
ياويلي
تدرين انا اعرف بس ماراح اقول لانة سر

Unti_Jewish

21-05-2006, 03:50 PM

بسم الله الرحمن الرحيم

اختنا الفاضلة بنـ الدحيل ـت
في الوضع الحالي لا يعرف اتجاه السوق حتى كبار المحلليين

والسوق في وضعه الحالي واعد بلا شك للمستثمرين فقط لا غير
اما من دخل السوق باسم المضارب فقد ضرب على رأسه حتى سكت :d

اختنا الفاضلة بنـ الدحيل ـت
قريبا سوف يعلن عن الارباح النصف سنوية , وقد يساعد هذا الاعلان برفع الاسعار
واغلب الشركات حققت ارباح جيده هذه السنة .

وهذا احد الاسباب لمعرفه ارتفاع اسعار الاسهم .

shams

21-05-2006, 06:03 PM

إخواني في الله

أخواتي الغاليات

كيف أعرف أن السهم سيرتفع أو سينزل ..؟؟
صناع السوق هم من يعرفون

البانوش

22-05-2006, 03:25 PM

بنـ الدحيل ـت

24-05-2006, 11:55 AM

جزاكم الله خيرا جميعا يا إخواني وأخواتي

ما شاء الله .. تبارك الرحمن

أغناكم الله من فضله

وجعلكم من عباده الصالحين

أشكركم جميعا على الردود والتعقيب

وفقني الله وإياكم لطاعته