حـد يعـرف دكتور جلد متخصص اكزيميا

[كود نمبر]

السلام عليكم ورحمة الله وبركاته

ياخوان حد يعرف ولا يذكر لي دكتور ممتاز في الاكزيميا في قطر يكون

والله يجزاكم خير

[Store]

ان شاء الله يفيدونك الاخوان وبالتوفيق

[الأصيل]

شوف الدكتور حسن العبدالله مع تمنياتي بالشفاء

[كود نمبر]

مع الاسف حسن العبدالله مص فلوسي بدون فايده

مشكور اخوي

[الأصيل]

طيب شوف بهيج الحلته وما تشوف شر

[Bin.Yousef]

الدكتور فهد عبدالله الباكر
وماتجوف شر

[دااانة قطر]

فهد الباااكر ..

[إنّ]

فهد الباااكر ..


الأكزيمــا ..
بالنسبة لولدي .. جربت أغلب الدكاترة وما فاد معـاه شئ .. إلا أنه كل ما كبر قلت الأكزيمـا وانحصرت في أماكن معينة وتحسن وضعه .

إللي ما جربته هو فهد البـاكر .. واضطريت اروح له علشان بنتي الصغيرة .. وبصراحة كل أدويته كرتزونـات .. ومراهم استخدمتها لولدي من قبل .. وانصدمت لما شفتهـا .. من توقف الدواء على طول تقب الأكزيمـا .. وبصراحة ندمت أني رحت له .. ولأنه عندي شويه خبرة في هالموضوع كنت أسئله و ردوده ما اعجبتني .

[طموحة]

دكتور غازي زين

[Miss]

عن تجربه دكتورة نوال شعراني
غازي ما راح يفيدك بشي .. واغلب الدكاتره اللي انذكرت اساميهم فوق يستخدمون كورتيزون في العلاج ..
نوال شعراني ممتازه جدا جدا ..
عيادتها عند دوار المرور
ما تشووفون شر

[التايه]

عن تجربه دكتورة نوال شعراني

ودواها من الطبيعة بدون كرتزون

[حسن]

اللي اعرفه احسن دكتور جلد حسن العبدالله وفهد الباكر بس يمكن الاكل له دور في بعض الامراض الجلديه

[حقيقه]

انصحك ف الدكتور عادل اخصائي جلديه في مستشفى العمادي

الدكتوره نوال شعراني جربتها مره من كم سنه كان علاجها اوكي معاي بس من فتره رحت لها مانفعت للاسف زادت مشكلة بشرتي

[شبيــه الريح]

الاكزيما علاجها البحر عليكم بماي البحر وايضا لا تاكلون كثير الدجاج ترى فيه هرومونات ومشاكل السمك

يعطيكم فيتامين للجلد لذالك ينصح ايضا مع العلاج انه تاخذون فيتامين مستخرج من كبد الحوت اعتقد اسمه

الفا

[المتحدث الرسمي]

.....


انا كانت عندي اكزيما

ومافادني بعد الله سبحانه غير الدكتور وليد ابوحلاوه

لا نفعني فهد الباكر و لا حسن العبدلله بس الشهاده لله لما كنت اتعالج عند فهد خفت شوي الاكزيما

لكن الدكتور حسن الله بالخير

عيادة الدكتور بوحلاوه في فريج العسيري بين اشارات المعموره و دوار مدرسة الاستقلال

ماتشوف شر ياخوي
.....

[ام رويشد]

في دكتورة زينه في الحسا اسمها ماجده

[kuwari]

دكتور غازي رقم جواله 55569018

[غزلان]

ابوحلاوة ماجربته لكن الكل يمدحه وبعد فهد الباكر

مرات العلاج حظ اكثر من شطارة الدكتور

[كود نمبر]

الله لايهينكم جمييع ويبعد الامراض عنكم
تقريبآ هم الدكاتره الموجودين عندنا في قطر
والي الاغلبيه يتعالجون عندهم
والي يمكن يصلح معاي مش لازم يصلح مع مريض اخر

هذا الي اكتشفته من خلال الردود

شاكر لكم مره اخرى