تسجيل الدخول

مشاهدة النسخة كاملة : لقيت شراي للريان ابيع ولا انتظر...


ولد عز
19-05-2006, 01:11 PM
السلام عليكم

عندي كميه كبيره لمصرف الريان القطري ولقيت شراي بيشل الكميه كلها السوؤال الصعب ..

ابيع احسن ؟
ولا اتريا اشوي لحين دخولها السوق واستقرار السعر وابيع؟


لاني حاس ان في ناس تبيع باسعار تحت ليش الله اعلم ؟ مع انه بنك :anger2:
Smart
19-05-2006, 01:13 PM
كم عطاك؟

ولا تبيع
<<روز>>
19-05-2006, 01:15 PM
انصح انك ماتبيع
بس عرضها للبيع اول يوم وبعدين بتنزل واشترها
ولد عز
19-05-2006, 01:23 PM
كم عطاك؟

ولا تبيع

23 لان هذي اسعار مصرف الريان في الامارات ولان الكميه كبيره ..
وقالولنا 120 علا كل شخص اذا ابا ادخل الاسماء عند وسيط في الامارات ممكن حد يساعدنا كيف ندخلهم السوق اذا ما بعتهم لان الي عندي فوق 1000 جواز و

هل من الضروري اروح قطر

شكرا اخواني
متفائل وايد
19-05-2006, 01:23 PM
اخوي/ ولد عز ..

اذا انت انسان قنوع وشايف نفسك ربحان وما راح تتندم اذا نزل السهم في
السوق بسعر اعلى من سعرك ...

فأقولك توكل على الله ..

لانه يمكن سعرك اعلى من سعر السوق وبالتالي انت تكون مستفيد ...

والله أعلم ..

أخوك / متفائل وايد .
ولد عز
19-05-2006, 01:27 PM
اخوي/ ولد عز ..

اذا انت انسان قنوع وشايف نفسك ربحان وما راح تتندم اذا نزل السهم في
السوق بسعر اعلى من سعرك ...

فأقولك توكل على الله ..

لانه يمكن سعرك اعلى من سعر السوق وبالتالي انت تكون مستفيد ...

والله أعلم ..

أخوك / متفائل وايد .

هذا انته متفائل وايد وتتوقع سعري اعلى من سوق كيف لو كنت متشائم ههههههه
شكرا يالغالي علا النصيحه بفكر في كلامك :app:
Al-Kuwari
19-05-2006, 01:29 PM
تبي نصيحتي ؟
بيع نص الكميه وخل النص للسوق عشان ماتندم اذا نزلت اكثر او اقل
بس اهم شي انك تكون قنوع برزقك... :)
ملك الناقلات
19-05-2006, 01:45 PM
حرام عليك تبيع بهذا السعر
يا اخي بيع اول يوم
واذا نزل عن هذا السعر انا ادفع لك الفرق - وانا عند كلمتي
بو سالم
19-05-2006, 02:50 PM
حرام عليك تبيع بهذا السعر
يا اخي بيع اول يوم
واذا نزل عن هذا السعر انا ادفع لك الفرق - وانا عند كلمتي




ما في سيولة في السوق الكل راح يبيع الا شوي يعني ينعدون بالاصابع صدقني السعر اللي قاله وايد على الوضع اللي حنا فيه الحين ابيك تاخذ اورقه وكل اللي تعرفهم اسالهم بتعرضون وشوف بنفسك وراح تنصدم ان الاكثريه بايع بعدين اللي باع في بروه اول يوم بالاربعين ما خلو احد الا وتتنظنزوا عليه يمكن في المستقبل يمكن يطلع فوق هالسعر اكيد بس الحين كلهم شروه ب27 ريال يعني استفادوا والدوحه صغيره والكل تفكيره واحد الا الهوامير يعني اللي شروا بروه بالاربعينات ما راح يشترون الريان بهالسعر يبونه باقل لان الاندفاع الزايد يضرهم بعدين راح ينزلون الاسهم بعد علشان ما نسيل مثلهم ونشتري والله يعين
الجويدي
19-05-2006, 06:38 PM
السلام عليكم ورحمة الله وبركاته
اخي العزيز انصحك بعدم البيع اذا كنت غير محتاج سيوله في هذه الفترة
والاحتفاض بالاسهم افضل من البيع بهذا السعر
بوحمد1
19-05-2006, 10:26 PM
ياجماعة الخير الأسعار هذه للريان ولا للمواشي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الأختصاصي
19-05-2006, 10:58 PM
1000 جواز مشاء الله اعتقد انه حتى لو يعطونك بالسهم ريال يكفيك تكون مليونير
Unti_Jewish
19-05-2006, 11:28 PM
بسم الله الرحمن الرحيم

اقول يا ولد عز
بيع ولا تتردد ان كنت صادق
والله يعين الى بيشتري على البحث عن اصحاب الجوازات

1000 جواز × 141 سهم = 141000 سهم
سعر الشراء خمس ريالات + 7.05 عموله
اذا بعت بسعر 23 = 3243000
صافي الربح 3243000 - 705000 = 2532930
ربحك بين , الا اذا كنت طماع وتريد ان يذهب كل شيك مصرفي لصاحبه بما ان الشيكات تصرف للمستفيد الاول , وخذ عندك كل توقيع بكم وهذا حق لهم , لانك في نظرهم سارق حلالهم . ;)


يذكرون اخ من عمان حضر ومعه الف جواز , لا يكون هذا انت ؟ :con2:
qatari1
20-05-2006, 02:40 AM
http://www.ojqji.net/up_vb/uploads/2424e5ffdd.gif
بيع الأسهم خارج البورصة غير مشروع بحكم القانون.
وبيع الأسهم في البورصة قبل تحول أموال البنك إلى أصول ومنافع وأعيان غير جائز شرعاً.
والشباب أعطوك الرأي، وأنا أبديت رأيي.
واسمح لي على إغلاق الموضوع.