لجنة الزواج بالأجانب

[reem-qtr]

السلام عليكم. عندي صديقة عربية متزوجة من قطري من 5 سنين بعقد زواج غير قطري ( يعني برع الدوحة ) مع انه قدم للجنة قبل لا يتزوجها برع و وافقت اللجنة و حولوها على الوزارة و ما جا رد و اضطر الزوج انه يتزوج برع الدوحة و جاب عيال منها . و الحين العيال ما عندهم جوازات قطرية و لا قادرين يدشون المدارس و محرومين من كل الحقوق على انهم عيال قطري . هل يقدم الزوج مرة ثانية للجنة و يخبرهم انه عنده عيال او يقدم للجنة عادي على اساس انه بيتزوج لاول مرة ؟ ارجو حد يفيدني بالموضوع

[الأصيلة]

اللجنة ها الأيام تشترط على من يرغب بالزواج من أجنبية تكون من سكان قطر
ويرفضها حتى لو كانت الأجنبية ساكنة بدولة خليجية...

[reem-qtr]

مشكورة اختي الأصيلة البنت مقيمة في قطر هي و عيالها

[كاس العالم]

الله يعين صديقتك وزوجها

بس الرجال استعجل شوي دام اللجنه وافقت كان نطر الداخليه تكمل الاأجراات علشان يعطونه كتاب بعد الممانعه

لو قال لهم انه تزوج بدون الموافقه عياله الي قبل ماراح ياخذون الجنسيه القطريه

بس يقدر يطلع ورقه علشان ان شاء الله في المستقبل اذا الله رزقه بعيال بيحصلون الجنسيه

لان اعرف واحد نفس المشكله بعض عياله قطريين والباقيين لا.. الكبار اجانب يتبعون جنسيه امهم والصغار قطريين

واذا فيه واسطه طبعا فيه كلام ثاني


ولا يسوي نفسه غشيم ويقول للجنه انا حسبت ان الموافقه بس من عندكم وان الاجرااءات مكتمله يمكن تمشي

[reem-qtr]

ما عليك امر اخوي الحين يقدم اوراقه من جديد للجنة و يخبرهم انه عنده عيال او لا ؟

[Qatari In Us]

اختي ريم مانصح ابدا وخاصه اذا كان عسكري


خله يسئل ناس مختصين احسن ك محامي او بخلفية قانونية

[المسك1969]

اللجنة ها الأيام تشترط على من يرغب بالزواج من أجنبية تكون من سكان قطر
ويرفضها حتى لو كانت الأجنبية ساكنة بدولة خليجية...


زين سوو هالقانون على الاقل تكون على علم باخلاق وسلوك اهل البلد

الأخت ريم ربي يعينهم أن شاء الله بس يالغلا شنو هالموافقه اللي توافق عليها لجمة تنظيم الزواج وتقعد سنوات في الداخليه ماتطلع

أمر غير منطقي لدرجة أن الرجل تزوج المرأة وجاب عيال... مب انها حامل لالا عيال

ووينه من عقب ماتزوجها ماراح يراجع

صج أخطأ وحط روحه بموقف صعب إلا أن كانت الداخليه رفضت طلبه وأصر هو على الزواج وكانت النتيجه أن عياله بلا شيء

ربي يوفقهم وييسر لهم الأمر آمين

[(حوريه)]

وش مضيعنا غير لجنة -الموافقه تاخذ سنين -

وش هالمذلة ؟



الله يعينة

[بوسلمان 2010]

الله العالم اذا كانت من قرايبه مافيها شي واحد من الربع تزوج بنت خالته وهي من دولة عربية وهو عسكري



وكانت اموره سهلات والله ييسر امور صديقتك ان شاء الله

[توفني ساجدا]

الخطأ : يعني انا اختار زوجة المستقبل الي ابيها واللجنة ترفض
(تخيل شعورك باستلام الرفض) مافي تتزوج على كيفك!!
,,, الله يعينك يا صاحب الموضوع.

[المهاجر]

اختي بالنسبه لمثل هالحالات

اللي عليه يسويه انه يراجع لجنة الزواج ويقدم طلب اعتماد زواجه
ويرفق مع الطلب عقد الزواج وصوره من جواز الزوجه
وصور من شهادات الميلاد للابناء

ويشرح ظروفه ويبدي الاسباب اللي خلته يتزوج قبل اعتماد توصية لجنة الزواج

واللجنه راح تنظر في الموضوع وترفع توصيتها للوزير

علما بان اذا كان الشخص عسكري راح يتقدم محاكمه عسكريه كونه عسكري وخالف القانون

[nooora]

الخطأ : يعني انا اختار زوجة المستقبل الي ابيها واللجنة ترفض
(تخيل شعورك باستلام الرفض) مافي تتزوج على كيفك!!
,,, الله يعينك يا صاحب الموضوع.

ما يدش العقل

[reem-qtr]

مشكورين على المرور . الريال مدني مب عسكري و هله كلهم موافقين و العيال عايشين عند هله . بس ما اعطوه اللجنة الموافقة و لا ردو عليه . الله يعين الجميع
لانه قدم للجنة قبل ما يتزوجها و الموضوع طول ٣ سنين ما في رد و عقب اضطر يتزوجها برع

[الخيالة]

الله يعين الجميع

اذا عنده واسطه بيسوون له نعرف واحد من زمان خذ وحده من ويتنام وعقب جاووا اهني قدموا الاوراق وعطوهم
اعرف ناس في شهر خذوا الموافقه وناس كم يوم وناس في 6 سنوات
شلون اجراءاتهم ماعرف بس بالواسطه أكيد كل شي بيخلصونه