$$$$ كل يــــــــــوم عطــــــــــر $$$$ [الأرشيف]

زمن الغربة

08-09-2011, 08:43 AM

الســــــلام عليكـــــــم

طبعا هذي أول مشاركة لي في منتداكم الحلو وأتمنى تنال

أعجابكم وأذا حبيتوها راح أستمر في الموضوع إن شاء الله

فكرة الموضوع مثل ما شفتوها فالعنوان كل يوم عطر

راح أكلمكم عن عطر بالتفصيل وراح أقيمة وبس :)

يلا نبدأ بأول عطر

http://up.arabseyes.com/upfiles/7Nm59812.jpg (http://up.arabseyes.com/)

العطر الأول : أكوا دي جيو من جورجيو أرماني

من تصميم : البرتو موريلاس

سنة الإنتاج : 1996

الفئة : أروماتك أكواتك يعني ( صيفي )

طبعا سبب اختياري لهذا العطر كأول عطر أتكلم عنه هو سبب بسيط ووجيه في أن هذا العطر هو أشهر عطر في العالم ويأخذ شهرته من أنه أكثر عطر أنباع في العالم ومازال كذلك , فهو يتربع عرش المبيعات منذ سنة إنتاجه في 1996 وحطم كل الأرقام القياسية , طبعا السر في هذا
العطر أنه يجمع بين المتناقضات في تركيبته اللي تجمع بين الروائح الحلوة والمالحة اللي تم توظيفها لتعطي عبير رائع ومتوازن في نفس الوقت.

تركيبة العطر :

رأس العطر:

برتقال , يوسفي , ليمون , برجموت , أزهار الياسمين

قلب العطر:

زهور بلغارية , السيكلامين , البنفسج , زنابق الهياسين , جوز الطيب , رزماري , الكزبرة ,

فاكهة الخوخ , نسيم البحر

قاعدة العطر:

المسك الأبيض , العنبر , أخشاب الأرز , طحلب السنديان

العطر مناسب للعمر : 15 - 40

تقييم زمن الغربة للعطر :

الثبات : # # # # # # # 7
الفوحان : # # # # # # # # # 9
جمال الرائحة : # # # # # # # # # 9
الموسمية : # # # # # # # # 8

التقييم العام : # # # # # # # # 8 مبرووووك عطر ناجح :victory:

ضوى

08-09-2011, 08:51 AM

موضوع يفوح رائحة زكية عطرة تنعش هذا الصباح الجميل :)

وفقت اخي/اختي في طرح هذا الموضوع الجميل

زمن الغربة

08-09-2011, 11:03 AM

موضوع يفوح رائحة زكية عطرة تنعش هذا الصباح الجميل :)

وفقت اخي/اختي في طرح هذا الموضوع الجميل
جزاكم الله خيرا

الحياة الخالدة

08-09-2011, 11:14 AM

هلا أختي زمن الغربــــــــة ..

عني أنا .. واايد حبيت الموضوع .. لأن العطورات موضوعي المفضـــــــــل ..

استمري و احنا معاج ..

الله يطيب أوقاتكم بذكره .. و يعطركم من أطياب الجنــــــــــة أجمعيــــــن .. :)

عندليب قطر

08-09-2011, 07:46 PM

هههههههههههههههههههه

يسلمو

زمن الغربة

08-09-2011, 11:00 PM

زمن الغربة

08-09-2011, 11:04 PM

هههههههههههههههههههه

يسلمو

عندليب قطر الله يسلمك لكن ليش

تضحك!! أضحك الله سنك قول امين

مافي شي يضحك فالموضوع!!

بوعلي2

09-09-2011, 12:47 AM

زمن الغربه موضوعك رائع وسفن ستار :nice:

انت نفعتني وايد وذوقك عالي وراقي استمر ومنك نستفيد يالذيب :victory:

السلولي

09-09-2011, 12:51 AM

استمر وقواك الله :nice:
ويالييت لو تذكر سعر العطر علشان يكون موضوعك كامل الاوصاف :nice:

الحياة الخالدة

09-09-2011, 12:18 PM

جزاكم الله خيرا

زمن الغربة رجل

ما ادري ليش راح

بالكم اني وحده على

العموم بوركتم.....

آسفـــــــة أخوي .. اسمح لي
يمكـــــن لأن الاســـــم رومانسي توقعناه حق بنت .. :secret:

عمومــــاً بانتظار عطـــــر اليـــــوم .. :)

زمن الغربة

09-09-2011, 01:40 PM

زمن الغربه موضوعك رائع وسفن ستار :nice:

انت نفعتني وايد وذوقك عالي وراقي استمر ومنك نستفيد يالذيب :victory:

جزاك الله خير يالغالي وهذا الموضوع مسويه عشانك يا ملك العطور :victory:

زمن الغربة

09-09-2011, 01:45 PM

استمر وقواك الله :nice:
ويالييت لو تذكر سعر العطر علشان يكون موضوعك كامل الاوصاف :nice:

الله يقويك أخوي السلولي....صدقت مووضع السعر راح عن بالي لاني كنت

ناوي اذكره بس انسانيه الشيطان يلا مع العطر الجاي راح اذكر الاسعار ان شاء

الله واسعدني مرورك يالغالي....

زمن الغربة

09-09-2011, 03:49 PM

http://im9.gulfup.com/2011-09-09/1315569227831.jpg (http://www.gulfup.com/)

العطر الثاني: لومال من جون بول جوتييه

من تصميم : فرانسس كوردجيان

سنة الانتاج : 1995

الفئة : فوجير شرقي ( شتوي )

العطر الثاني اللي نتكلم عنه اليوم عطر سوا ضجه في عالم العطور , واللي ما جرب هالعطر او

ما سمع عنه يعني ما عرف شي في عالم العطور :eek5: , العطر شتوي بحت واللي يميزه

فوحانه الشديد وثباته الخرافي .

رشتين وتفجر المكان :omg:, العطر تغلب عليه ريحة الفانيلا او الحلاوة , وللصيف ابد ما

ينفع , العطر حسب رايي ما ينفع للشياب عطر شبابي أو خل نقول سبورتي.

مكونات العطر :

رأس العطر :

نعناع , اللافندر , برغموت

قلب العطر :

قرفه , زهر البرتقال

قاعدة العطر :

فانيليا , تونكا , خشب الصندل , خشب الارز

العطر مناسب للعمر : 15 - 30

العطر متوافر في حجم : 75 ملي السعر 160 _ 125 ملي السعر 200

طبعا هذه اسعار محلات الجملة وهي اسعار تقريبيه تختلف من محل لاخر , اما المحلات

المشهورة مثل وجوه وسيفورا وباري غالري ماعترف فيهم لانهم حراميه واسعارهم غاليه

عالفاضي....

تقييم زمن الغربة للعطر :

الثبات : # # # # # # # # # # 10
الفوحان : # # # # # # # # # # 10
جمال الرائحة : # # # # # # # # 8
الموسمية : # # # # # # 6

التقييم العام : # # # # # # # 7 مبرووووك عطر ناجح :victory:

زمن الغربة

10-09-2011, 06:12 AM

http://im10.gulfup.com/2011-09-09/1315622984441.jpg (http://www.gulfup.com/)

العطر الثالث : فهرنهايت من ديور

من تصميم : جون لويس سويزاك و موريس روجر

سنة الانتاج : 1988

الفئة : العطور الخشبية الزهرية

وهل يخفى القمر , فهرنهايت وما أدراك ما فهرنهايت من أكثر العطور مبيعا في الوطن العربي

عطر من سنة الثمانينات هل تصدقون هالشي ولا زال صامد كالجبل عطر بكل ما تحمله الكلمة

من معنى عطر لا توجد به اي عيوب ثبات , فوحان , جمال رائحة , عيبه الوحيد أن الكل

يستخدمه واذارشيت منه ومريت على حد على طول بيعرف انك حاط فهرنهايت:rolleyes2:

ونقدر نلخص الكلام ان فهرنهايت حطم كل القوانين بثباته طول هالسنين فالاسواق...نرفع القبعه

تحيه لمستر فهرنهايت:victory: .

مكونات العطر :

رأس العطر :

الخزامى , برتقال الصين , برغموت , بابونج , ليمون

قلب العطر

:جوزة الطيب , زهرة العسل , قرنفل . خشب الصندل

قاعدة العطر :

جلد , مسك , نجيل جوز الهند

العطر مناسب للعمر : 30 - 60

العطر متوافر باحجام : 50 ملي السعر 300 - 100 ملي السعر 350

تقييم زمن الغربة للعطر :

الثبات : # # # # # # # # # # 10
الفوحان : # # # # # # # # # # 10
جمال الرائحة : # # # # # # # # # # 10
الموسمية : # # # # # # # # 8

التقييم العام : # # # # # # # # # # 10 مبرووووك عطر ناجح وبأمتياز هييييه:nice:

زمن الغربة

11-09-2011, 07:50 AM

http://im11.gulfup.com/2011-09-10/1315715278741.jpg (http://www.gulfup.com/)

العطر الرابع : لو دي ايسي من ايسي مياكي

من تصميم : جاك كافالير

سنة الانتاج : 1994

الفئة : خشبية مائية

ايسي مياكي شاقول عنه امممممم....عطر رهيب بكل معنى الكلمه للصيف للشتا للربيع للخريف

للليل للصبح لكل الاوقات عطر بمعنى الكلمه....يعطيك نوع من الانتعاش وكأنك محاط بمكعبات

من الثلج يحسسك بنوع من البروده...طبعا نسيت اقول لكم ان العطر ياباني....اي نعم ياباني

اليابانيين مب بس يعرفون يصنعون سيارات....لا!!! لهم بعد فالعطور:omen2: .

طبعا هالعطر من الصعب انه ما يعجب حد بمعنى اخر طيعوا شوري واشتروه وانتوا

مغمضين :victory: .

تركيبة العطر :

رأس العطر:

برغموت , ليمون , طرخون

قلب العطر:

جوزة الطيب , زنبق الماء

قاعدة العطر:

اخشاب عطرية , تبغ , خشب الصندل , ارز . مسك . نجيل جوز الهند

العطر مناسب للعمر : 15 - 50

العطر متوافر في حجم : 75 ملي السعر 170 - 125 ملي السعر 200

تقييم زمن الغربة للعطر :

الثبات : # # # # # # # # 8
الفوحان : # # # # # # # # # 9
جمال الرائحة : # # # # # # # # # # 10
الموسمية : # # # # # # # # # # 10

التقييم العام : # # # # # # # # # 9 عطر عجيييييييب ويستاهل :victory:

بوعلي2

11-09-2011, 08:19 AM

انت رائع

حاط البيانات بالتفصيل ماشاء الله عليك

لاتوقف اتحفنا بالمزيد ومنك نستفيد

والله يعطيك الف عافيه ياملك العطور

الحياة الخالدة

11-09-2011, 09:07 AM

ما قصـــــــرت يا زمن الغربـــــــة على الموضوع العطـــــــر ..

بس ما عنــــــــدك فرع للعطورات النسائيــــــــــة ؟؟ :)

زمن الغربة

11-09-2011, 05:04 PM

انت رائع

حاط البيانات بالتفصيل ماشاء الله عليك

لاتوقف اتحفنا بالمزيد ومنك نستفيد

والله يعطيك الف عافيه ياملك العطور

أنت الأرووووووع يالغالي

والله يعافيك..................

زمن الغربة

11-09-2011, 05:06 PM

ما قصـــــــرت يا زمن الغربـــــــة على الموضوع العطـــــــر ..

بس ما عنــــــــدك فرع للعطورات النسائيــــــــــة ؟؟ :)

بإذن الله.........

زمن الغربة

12-09-2011, 08:04 AM

http://im11.gulfup.com/2011-09-11/1315801926901.jpg (http://www.gulfup.com/)

العطر الخامس : بلاتينيوم ايغوست من شانيل

من تصميم : جاكس بولج

سنة الانتاج : 1993

الفئة : خشبي زهري مسكي

أقولكم من الحين امسكوني لأني لو تكلمت باتكلم لين عشرين صفحة قدام , بلاتينيوم

حبي الأول والأخير:shy: بأختصار بلاتينيوم = زمن الغربة....زمن الغربة = بلاتينيوم

لو قالولي بنخليك تعيش حياتك كلها بعطر واحد وممنوع تستخدم اي عطر ثاني ايش بتختار

الجواب سهل بلاتينيوم , هالعطر فيه سر أنه لما تشمه يعطيك نوع من الراحه واذا كنت معصب

تشمه تهدا على طول , ترى جد ما أبالغ وأنا قاعد أجهز وأقرا عن هالعطر عشان أكتب

لكم عنه أكتشفت سر الراحه اللي تجيك لما تشمه والسر هو أن في قلب العطر مثل ما راح

تشوفون تحت في المكونات موجود فيه زهرة الغرنوقي ويقولك أن هذه الزهره مريحه

للأعصاب:) أخيرا عرفت سرك يا بلاتينيوم....وهالعطر يعطيك احساس بالفخامه تحس أنك

رجل أعمال يعني اليهال ما يستخدمونه:secret: جد ريحته وايد فخمه تحسه عطر غالي

شاقولكم بعد عنه ريحه روعه ثبات فوحان ما يعيبه شي...والواحد اللي من النوع يستخدم

عطر واحد ويثبت عليه أنصحه بــ بلاتينيوم( الكنغ ):victory:

مكونات العطر:

رأس العطر : اللافندر , زيت ورق البرتقال ,

قلب العطر : فلفل , زهرة الغرنوقي , ميرمية

قاعدة العطر : عنبر , طحلب السنديان

مناسب للعمر : 30 - 60

الاحجام والسعر : 50 ملي 300 - 100 ملي 350 تقريبا

تقييم زمن الغربة للعطر :

الثبات : # # # # # # # # # # 10
الفوحان : # # # # # # # # # # 10
جمال الرائحة : # # # # # # # # # # 10
الموسمية : # # # # # # # # # # 10

التقييم العام : # # # # # # # # # # 10 صدقني ( يالكنغ )تستحق العشرة :nice:

نوافـ

13-09-2011, 08:44 AM

موضوع رائع العطر يشعرني بسعاده وراحه النفسيه

اهنيك على الموضوع القيم

زمن الغربة

13-09-2011, 12:23 PM

موضوع رائع العطر يشعرني بسعاده وراحه النفسيه

اهنيك على الموضوع القيم

الله يجعل أيامك كلها سعاده............. قول ااامين:)

وكل يوم مر علينا وراح تشوف عطر جديد بإذن الله :)

زمن الغربة

13-09-2011, 01:06 PM

http://im10.gulfup.com/2011-09-13/1315908119831.jpg (http://www.gulfup.com/)

العطر الخامس : ون مليون من باكو ربانى

من تصميم : كريستوفر راينود و ميشيل جيرارد

سنة الانتاج : 2008

الفئة : توابل واخشاب

ون مليون حبيب الشباب غني عن التعريف كلكم تعرفونه ومعظمكم استخدمه لكن لاحظت

ان هالعطر من النوع المحبوب المكروه يعني تلقى ناس وايد يحبونه و وايد يكرهونه وهذا

الكلام سمعته من شباب وايد قالولي شنو تحبون في هالعطر!!! العطر بصراحه سوه ضجه

بالنسبه لعمره القصير توه بس طالع في 2008 وكسر الدنيا بس اعتقد السر في عدد الرشات

العطر فوحانه شديد اعتقد رشتين تكفي...مره كنت في مكتبة جرير وتوني بانزل على السلم

الكهربائي وواحد توه بيطلع على السلم والله من هالمسافه شميت ون مليون شكله راش

15 رشه:omg: وجذي تحس الريحه قويه ومب شي فيا شباب تورا تورا على الزر مب

تضغط 6 او 7 لا بس 2....3 انت فالسليم......المهم العطر فاز بجائزة افضل عطر لعام2009

في استفتاء فيفي البريطانية...وشكل الغرشه من احلى اشكال الغراش اللي مرت علي بصراحه

شي....

مكونات العطر:

قريب فروت , القرفه والتوابل , نعناع , برتقال احمر , جلود , عنبر

مناسب للعمر : 15 - 35

الاحجام والسعر : 50 ملي 180 - 100 ملي 220 تقريبا

تقييم زمن الغربة للعطر :

الثبات : # # # # # # # # # # 10
الفوحان : # # # # # # # # # # 10
جمال الرائحة : # # # # # # # # 8
الموسمية : # # # # # # # 7

التقييم العام : # # # # # # # # 8 :nice:

زمن الغربة

14-09-2011, 07:57 AM

http://im9.gulfup.com/2011-09-13/1315974836201.jpg (http://www.gulfup.com/)

العطر الخامس : لانوي دو لوم من ايف سان لوران

من تصميم : آني فليبو و دومنيك روبيون

سنة الانتاج : 2009

الفئة : أخشاب وتوابل

اول شي عطورات ايف سان لوران كلها رووووعه سواء الرجاليه او النسائيه

وفي 2009 طلعو لنا التحفه لانوي ريحته غريبه ما قط مر علي عطر بنفس ريحته

او يشابهه...ثبات وفوحان شي شي بس انصح اللي يستخدمه ما يرش منه ايام الصيف

الصبح او في الشمس احس ريحته تبق ووايد قويه لكن فالليل تمام التمام وطبعا ايام

الشتا لا يعلى عليه في اي وقت...اذا عندي مناسبات او اعراس وابي اسكت يكون خياري الاول

لانوي دو لوم...طبعا العطر يعتبر نسخه معدله من العطر السابق لوم اللي غرشته ذهبيه لكن

هذا غطى عليه بكل معنى الكلمة .

مكونات العطر:

رأس العطر : هيل , برغموت

قلب العطر : الخزامى ( اللافندر ) , أخشاب الارز الفرجيني

قاعدة العطر : نجيل جوز الهند ( الفتفير ) , كمون

مناسب للعمر : 20 - 50

الاحجام والسعر : 40 ملي 140 - 60 ملي 170 - 100 ملي 200

تقييم زمن الغربة للعطر :

الثبات : # # # # # # # # # 8
الفوحان : # # # # # # # # # # 10
جمال الرائحة : # # # # # # # 7
الموسمية : # # # # # # # 7

التقييم العام : # # # # # # # # 8 :nice:

بوعلي2

14-09-2011, 09:49 PM

بانتظار الجديد الراقي يالذوق والله والله عن نفسي وايد استفدت

الا الامام :nice:

زمن الغربة

15-09-2011, 07:07 AM

بانتظار الجديد الراقي يالذوق والله والله عن نفسي وايد استفدت

الا الامام :nice:

أنت الذوق يالغالــــــــــي :shy:

تابعنا دوم وجايك الجديد باذن الله

زمن الغربة

15-09-2011, 08:04 AM

http://im10.gulfup.com/2011-09-14/1316061412331.jpg (http://www.gulfup.com/)

العطر السابع : الور اوم سبورت

من تصميم : جاك بولج

سنة الانتاج : 2004

الفئة : أخشاب وتوابل

اها اليوم جينا حق الشباب السبورتيه :) الور اوم سبورت اسم على مسمى

عطر سبورتي من الدرجه الاولى فرش وينعنش طبعا العطر صدر كنسخه محدثه

من العطر اللي هو اخوه وانتج في سنة 1999 الور اوم اللي غرشته شفافه

وراح نتكلم عنه في المرات الجايه ان شاء الله لكن خلونا الحين مع السبورت هالعطر

لاحظت فيه شي غريب وهو أن عقب مده طويله يعني 7 الى 9 ساعات ما تشم شي

لكن اللي حواليك يشمونه وهذا الموقف صار اكثر من مره اسلم على شباب عقب فتره

طويله من ساعة ما حطيته واشوفهم يقولون هااااا اشعنده اللي راش الور سبورت:)

ادري بعضكم بيقول هذا الشي مع كل العطور صح انا معاكم لكن هذا العطر بزود وعندي

لكم مفاجأة اللي يحس العطر غالي عليه وهو حال أغلب عطور شانيل سعرها مرتفع عن باقي

البراندات , عليه بعطر اسمه فرساشي بور اوم ريحته بالضبط نفس الور سبورت وبنص السعر

ويمكن بعد أقل من النص وهني ودي اخذ رايكم شكلي بانزل موضوع احط فيه العطور

المتشابهه لان في وايد عطور تتشابه فالريحه لكن فرق السعر يكون كبير اشرايكم:)

مكونات العطر:

رأس العطر : برتقال , يوسفي , روائح مياه البحر

قلب العطر : فلفل اسود , زهرة البرتقال , أخشاب الارز

قاعدة العطر : بقول التونكا , فتفير , مسك , عنبر , فانيليا

مناسب للعمر : 15 - 40

الاحجام والسعر : 50 ملي 300 - 100 ملي 350

تقييم زمن الغربة للعطر :

الثبات : # # # # # # # # # 8
الفوحان : # # # # # # # # 8
جمال الرائحة : # # # # # # # # # # 10
الموسمية : # # # # # # # # 8

التقييم العام : # # # # # # # # 8 :nice:

زمن الغربة

16-09-2011, 07:17 AM

http://im11.gulfup.com/2011-09-15/1316146499831.jpg (http://www.gulfup.com/)

العطر الثامن : أرماني كود من جورجيو ارماني

من تصميم : انتوان لي و كلمنت جافارى

سنة الانتاج : 2004

الفئة : شرقي توابل

ارماني كود الفايز في سنة 2006 بجائزة لكس كأحسن عطر رجالي في جائزة فيفي البريطانية

هالعطر غامض مظلم عميق ريحته تجمع بين الحروره والسويت الحريم يحبون هالعطر وايد

شنو السر الله أعلم لكن صحيح ريحته عجيبه وغامضه واقدر اقول انه عطر شتوي من الطراز

الأول , امممم ثباته حلو لكن احس فيه قصور في جانب الفوحان فوحانه الى حد ما جيد بمعنى

ان اللي قريب منك بس يشمه .

مكونات العطر:

رأس العطر : برغموت , ليمون

قلب العطر : ازهار شجرة الزيتون , الينسون النجمي

قاعدة العطر : بقول التونكا , التبغ , جلود

مناسب للعمر : 20 - 40

الاحجام والسعر : 50ملي 160 - 75ملي 190

تقييم زمن الغربة للعطر :

الثبات : # # # # # # # 7
الفوحان : # # # # # # 6
جمال الرائحة : # # # # # # # # # # 10
الموسمية : # # # # # # # 7

التقييم العام : # # # # # # # 7 :nice:

زمن الغربة

17-09-2011, 09:50 AM

قبل لا نبدا في عطر اليوم حبيت انبه على شي من كثر ريحة العطور مخيخي ضرب

:rolleyes2:ترقيم العطور صار فيه خطأ من العطر الخامس وانا معلق الخامس...الخامس...

الخامس:shy:واحنا ووووووين وصلنا الثامن يلا نوووو بروبلم....واتركم مع نجم اليوم العطر

العاشر...

http://im9.gulfup.com/2011-09-16/1316239081411.jpg (http://www.gulfup.com/)

العطر العاشر : ( أنجل من ) من تيري موغلر A men

من تصميم : جاك هوسلير

سنة الانتاج : 1996

الفئة : شرقي خشبي

انجل من او ما يعرف اختصارا وشهرة بـــ ( اى من ) ما دري شنو اللي خلاني اكلمكم اليوم

عن هالعطر لانه ابد مب وقته الحين هذا قمبلة موقوته يعني ما ينفع الا في وسط الاسكيمو

في عز الشتا وتكون درجة الحرارة 60 تحت الصفر :omg: وهالعطر يدخل تحت العطور

المحبوبه المكروهه يعني تلاقي ناس وايد يشمونه ويحسون بغثا من ثقله:eek5: لكن مع

احترامنا للي يحقدون عليه:anger1: بصراحه هو عطر خطير وكسسسسسرررر راس

عطور وايد بشهرته السر في استخدامه بدايه اللي بيرش منه هاليومين اقوله نووو وى

خل مخك في راسك وتعقل:discuss: وانطر لما الشتا , هذا اولا ثانيا طريقة الرش منه في

طريقتين والطريقتين فالنهاية يودون بوزعبل:tease:الطريقة الاولى أنك اترش على يدك او

اصابعك وتمسح على ارقبتك تحت اذنك وبس وانت فالسليم , الطريقة الثانيه طريقة الرش فالجو

وهي انك ترش رشتين فالجو وتمر في الرذاذ ذهابا وايابا يعني بالاردني رووح جاي:nice:

وهالطريقة مشهورة عند خبراء العطور في انها تستخدم مع العطور الثقيلة , والعطر اقل شي

لازم تصبر عليه ساعه لما يعطيك ريحته الحلوة يعني لو رشيت وعقب ثواني حطيت يدك في

خشمك بتجيك سكته دماغيه وعلى طول بيقسمون ميراثك:eek5: , واهني باقولكم طريقتي

في رش العطر نفرض مثلا باطلع من البيت 7 الصبح اول ما ارجع من المسجد الفجر الساعه

4 او 5 اروح اتل الغرشه واتل الثوب وارش من بعيـــــــــــــد رشتين وامرر فيهم الثوب وبس

طبعا تقولون بال من الفجر اقولكم اي لازم تكون مبيت النيه من الفجر او من الليل ولا ترى

ما يصح هههههههه ولا وازيدكم غير تبييت النيه لازم تخبر خفر السواحل وامك وابوك وين

رايح و وين حدودك ومتى بترد:tease: اشعبالكم هذا (انجل من) مهلك الرجال وميتم الصبيان

ههههههه , بالله عليكم شوفو المكونات تحت وبتخمنون الريحه قوه بالحليب بالفنيليا شي شي

بصراحه :) .

مكونات العطر:

رأس العطر : لافندر , كزبرة , كوكتيل فواكه , نعناع , برغموت

قلب العطر : عسل أخشاب الارز , كراميل , حليب , باتشولي ياسمين , زنابق الوادي

قاعدة العطر : فانيليا , قوة , عنبر ,مسك , باتشولي ,خشب الصندل , تونكا

مناسب للعمر : 18 - 40

الاحجام والسعر : 30 ملي السعر 100 - 50ملي السعر 130 - 100 السعر 160

تقييم زمن الغربة للعطر :

الثبات : # # # # # # # # # # 10
الفوحان : # # # # # # # # # # 10
جمال الرائحة : # # # # # # 6
الموسمية : # # # # # 5

التقييم العام : # # # # # # # 7:nice:

Miss

17-09-2011, 10:56 AM

موضووع جميييل جدا ..
وريحته حلوه :p
من منا لا يعشق العطوور !!
ووفقت في الموضووع
اشكرك على طرحه

زمن الغربة

17-09-2011, 11:28 AM

[
QUOTE=Miss;7625775]موضووع جميييل جدا ..
وريحته حلوه :p
من منا لا يعشق العطوور !!
ووفقت في الموضووع
اشكرك على طرحه[/QUOTE]

العفو.....

زمن الغربة

18-09-2011, 08:34 AM

http://im11.gulfup.com/2011-09-17/1316321618831.jpg (http://www.gulfup.com/)

العطر الحادي عشر : ديور اووم انتنس ( المركز )

من تصميم : فرانسوى ديماشي

سنة الانتاج : 2007

الفئة : أخشاب أزهار مسك

ديور اووم انتنس هو اصدار حصري من العطر الناجح والذي سبقه وهو ديور اوم اللي ظهر

في 2005 , طبعا هذا غطا على الاصلي بمراحل لأنه مركز او مكثف مع مزة فانيليا والفانيليا

هي اللي محليته , لأن بعضهم كان يشبه الاصدار القديم اللي هو ديور اووم بروج الحريم ,

هذا صحيح الى حد ما تحس ريحته كأنه رووج مال الحريم لكنه حلو , اما عطرنا عطر اليوم

اللي هو الانتنس فهو عجيب ثبات وفوحان لكنه يعتبر من العطور الثقيله واللي ما يحب العطور

الثقيله رجاء لا يقرب , اخر نقطه كون حذر في عدد الرشات العطر وايد قوي وفوحانه شديد .

مكونات العطر: أزهار السوسن , مسك , أخشاب عطرية , لافندر , فانيليا مكثفه ,

عنبر , اخشاب الارز , فتفير .

مناسب للعمر : 20 - 60

الاحجام والسعر : 50 ملي السعر 300 - 100 ملي السعر 350

تقييم زمن الغربة للعطر :

الثبات : # # # # # # # # # # 10
الفوحان : # # # # # # # # # # 10
جمال الرائحة : # # # # # # # # 8
الموسمية : # # # # # # #7

التقييم العام : # # # # # # # # 8 :nice:

زمن الغربة

19-09-2011, 10:28 AM

http://im12.gulfup.com/2011-09-19/1316412732881.jpg (http://www.gulfup.com/)

العطر الثاني عشر : فرساتشي مان ايو فرش

من تصميم : اوليفر كرسب

سنة الانتاج : 2006

الفئة : خشبي مائي

فرساتشي مان ايو فرش عطر الصيف رقم واحد تتذكرون لما قلت لكم في عطر ارماني كود

ان الحريم يحبونه وايد هذا بعد نفس الشي محبوب الحريم للصيف , وعلى طاري الحريم

في عطر نسائي وايد يشبهه وحلو وايد وهو لايت بلو من دولشي ان غابانا .

بالنسبه لعطرنا ايو فرش عطر فرش وهادي يمكن تكون بدايته اول ما ترش منه حاده لكن

اصبر عليه لما يبرد يصير شي ثاني وهو يعتبر من العطور القريبه من الجسم يعني مب فواح

وايد لكن ثباته ممتاز جدا , ريحته جايه على حمضيات وليمون على مزة خفيفة من الزهور.

مكونات العطر :

رأس العطر : ليمون , برغموت , اخشاب الارز , زهور

قلب العطر : طرخون , فلفل

قلب العطر : عنبر , مسك , أخشاب

مناسب للعمر : 15 - 60

الاحجام والسعر : 50 ملي السعر 110 - 100 ملي السعر 140

تقييم زمن الغربة للعطر :

الثبات : # # # # # # # # # # 10
الفوحان : # # # # # # # 7
جمال الرائحة : # # # # # # # # #9
الموسمية : # # # # # # # # 8

التقييم العام : # # # # # # # # 8 :nice:

بوعلي2

19-09-2011, 10:44 AM

مبدع مبدع مبدع

مبدع مبدع مبدع

:nice:

الله لايحرمنا من جديدك الراقي

زمن الغربة

19-09-2011, 12:12 PM

مبدع مبدع مبدع

مبدع مبدع مبدع

:nice:

الله لايحرمنا من جديدك الراقي

صدقني يا بوعلي اخدودي اكبرو وصارو حمر :shy:

ولا يحرمني من طلاتك على موضوعك وكلماتك اللي تعطي دافع :shy:

زمن الغربة

20-09-2011, 11:20 AM

http://im18.gulfup.com/2011-09-20/1316504571131.jpg (http://www.gulfup.com/)

العطر الثالث عشر : قوتشي بور أووم 2

من تصميم : كارين دوبوري

سنة الانتاج : 2007

الفئة : أخشاب وتوابل

جوتشي بور اوم 2 طبعا كلكم تتساءلون ليش في جوتشي بور اووم 1 اقولكم اي :)

وطبعا جوتشي 2 طلع عقب نجاح اخوه الاول جوتشي1 , طبعا جوتشي 1 راح نتكلم

عنه في المرات الجايه ان شاءالله لانه عطر حلو للي يحبون عطور العود الخالص .

لكن عطرنا عطر اليوم فهو عطر غريب وحلو وهالعطر ما اوصفه او اوصي عليه

الا للي عاده ما يحبون العطور بشكل عام او يتأذون من الروايح القوية ويبون شي هادي.

والعطر معروف انه من عطور الشاي ايوووووه الشاي لا تستغربون , لان في عطور

مشهورة بين محبين العطور تعرف بعطور الشاي لان تحتوي على الشاي في مكوناتها

وعطرنا مثل ما راح تشوفون في المكونات تحت يحتوي على الشاي الاسود.

طبعا اذا كنت من محبين العطور وجربت عطور كثيرة اقولك لااااااازم تقتني وتجرب هالعطر

لانه شي غريب وحلو , هالعطر فوحانه متوسط اللي قريب منك يشمه وثباته حليو ومش

بطال . واخر مميزاته انه ينفع لجميع الفصول حر برد ليل صبح .

مكونات العطر :

رأس العطر : اوراق البنفسج , برغموت

قلب العطر : قرفة , فلفل احمر , اوراق الشاي الاسود

قلب العطر : اخشاب شجرة الزيتون , مسك , تبغ , شجرة

مناسب للعمر : 25 - 60

الاحجام والسعر : 50 ملي السعر 180 - 100ملي السعر 220

تقييم زمن الغربة للعطر :

الثبات : # # # # # # # 7
الفوحان : # # # # # # 6
جمال الرائحة : # # # # # # # 7
الموسمية : # # # # # # # # # # 10

التقييم العام : # # # # # # # 7 :nice:

زمن الغربة

21-09-2011, 10:25 AM

http://im16.gulfup.com/2011-09-21/1316588161481.jpg (http://www.gulfup.com/)

العطر الرابع عشر : اسكادا ماغنتيزم

من تصميم : مايكل الميراك

سنة الانتاج : 2004

الفئة : أخشاب-شرقي

الشباااااااااااااااااااااااااااب من 15 لى 25 بس يتمون معانا والبقيه مع السلامه :)

هالعطر احسه للشباب خل انقول شباب الثانويه والجامعة هذا العطر لكم صدقوني

وعلى ضمانتي , عطر غامض خبراء العطور يشبهونه بحلاوة الكولا , اتخبرون

حلاوة الكولا اللي تتعلج وتلزق في الاسنان جايه على شكل اغراش كولا اصغار

بس هي نفس الريحه هههههههه اذا كنت اتحب ريحة هالحلاوة عليك بماغنتزم :nice:

وبعضهم يقول ان ريحته تميل للعطور النسائية بصراحه مادري لكن هالعطر عندي

واحبه وما عليه كلاااااااام , والعطر اتذكر اني قريت عنه من سنه تقريبا انه خلاص

توقف انتاجه من الشركه بشكل رسمي :( , لكن شفته وايد منتشر عندنا في المحلات

اللي في سوق واقف وابشركم سعره بعد ارخيص .

مكونات العطر :

رأس العطر : فلفل , زعفران , جلود مدبوغة , بلسم تولو

قلب العطر : خشب الصندل , أرز

قلب العطر : مسك , فانيليا , بلسم شرقي , بلسم تولو , جلود

مناسب للعمر : 10 -35

الاحجام والسعر : 50 ملي السعر 80 - 100 ملي السعر 110

تقييم زمن الغربة للعطر :

الثبات : # # # # # # # 7
الفوحان : # # # # # # 7
جمال الرائحة : # # # # # # # 7
الموسمية : # # # # # # # # 8

التقييم العام : # # # # # # # 7:nice:

زمن الغربة

22-09-2011, 10:27 AM

http://im14.gulfup.com/2011-09-22/1316675377891.jpg (http://www.gulfup.com/)

العطر الخامس عشر : بلاك اكسس من باكو ربانى

من تصميم : اوليفر كرسب

سنة الانتاج : 2005

الفئة : شرقي خشبي

اليوم بعد جيناكم بعطر شبابي بلاك اكسس عطر غني عن التعريف بين فئة الشباب

هالعطر جات فترة وكنت مدمن عليه , اتحس فيه روايح حلوه على كرز وتوت :)

يعني كأنك ماكل فواكه من خلطة التوت البري والعنب والكرز ههههههه .

العطر ثباته وفوحانه حلو وينفع لجميع فصول السنة يعني لا هو ثقيل وايد ولا خفيف

بالمرة . وفي عطر يشبهه الى حد ما واشوف الشباب بعد يحبونه وايد وهو ايفوريا انتنس

ما دري يمكن اكون غلطان في التشبيه لكن احسهم من نفس الفصيلة ريحة الفواكه والحلاوة.

مكونات العطر : حمضيات منعشة , فاكهه , توابل , عنبر , عبير الاخشاب العطرية

مناسب للعمر : 10-35

الاحجام والسعر : 50 ملي السعر 160 - 100 ملي السعر 190

تقييم زمن الغربة للعطر :

الثبات : # # # # # # # 7
الفوحان : # # # # # # 7
جمال الرائحة : # # # # # # # 7
الموسمية : # # # # # # # # 8

التقييم العام : # # # # # # # :nice:

زمن الغربة

23-09-2011, 04:45 PM

http://im15.gulfup.com/2011-09-23/1316783627271.jpg (http://www.gulfup.com/)

العطر السادس عشر : باكو ربانى بور اوم

من تصميم : جين مارتيل

سنة الانتاج : 1973

الفئة : اروماتك فوجير

شوف اذا كنت تحت العشرين فمن غير مطرود تفضل روح اي منتدى ثاني زين, اكبر

من عشرين بعد اقولك توكل على الله, طيب طيب اكبر من ثلاثين بعد اقولك مع السلامه

هههههههه , ترى اتكلم جد ما قاعد امزح اول شي شفتو سنة الانتاج فوق هههههههه

ما لاحظتو ان كل اعطورنا اللي طافت هاليومين للشباب خلاص خل نعطي الشياب وجه :tease:

العطر معروف عند خبراء العطور بأنه من عطور الباور هورس وهي العطور الرجاليه

الخشنة والكلاسيكيه اللي اطلعت فالسبعينات والثمانينات يعني اذا كنت احنين ما ينفعك هالعطر :secret: عطر باكو ربانى

له شهره عالميه وتخيلو الين الحين مبيعاته قويه فالاسواق العالميه من عام 73 اف هاي

كم طلعو من وراه افلوس هالشركه:omg: وبصراحه هالعطر كنت دايما اشمه على

الشياب:secret: اسف قصدي الكبار فالعمر واحس ريحتهم حلوه لما اكتشفت انه باكو ربانى

مادري شنو اللي خلاني احط هالعطر اليوم لكن قلت يلا يكون نوع من التغيير...شوفو اي واحد

يمر على اسعاف فالحوار العام يقوله زمن الغربه يهديك هالعطر :secret: خخخخخخخخخ

مكونات العطر :

رأس العطر : روزماري , ميرمية , اخشاب الورد البرازيلية

قلب العطر : تونكا , خوزامى , جيرانيوم

قاعدة العطر : عسل , عنبر , مسك , طحلب السنديان

مناسب للعمر : 40 - 100 :tease:

الاحجام والسعر : 50ملي 100 - 100 ملي 130

تقييم زمن الغربة للعطر :

الثبات :# # # # # # # #8
الفوحان : # # # # # # # # # 9
جمال الرائحة : # # # # # 5
الموسمية : # # # # # # # 7

التقييم العام : # # # # # # 6 :nice: يااااااالله بالعافيه عديت الحفه خخخخخخخ

غرِيبهـ

25-09-2011, 02:26 AM

يعطيك العافية موضوع عطر

ابي تحط عن عطر موسكينو رجالي معلومات لو سمحت

شبيــه الريح

27-09-2011, 05:59 AM

اذا ممكن تتكلم عن الكارتير وخصوصا السانتوس والديكليرشين ويعطيك العافيه على الموضوع الحلوو

غرِيبهـ

29-09-2011, 01:34 AM

للرفع

يالله تعال كمل العطورات

عليك غياب خصم عطورات

فيصـــل

29-09-2011, 06:36 PM

مساكم الله بالخير جميع

وين تنصحون بمحل يبيع عطور اصليه وبسعر قريب من سعر الجمله او رخيصه

بوعلي2

02-01-2012, 11:15 AM

للرفع

زمن الغربة

07-01-2012, 02:10 PM

يعطيك العافية موضوع عطر

ابي تحط عن عطر موسكينو رجالي معلومات لو سمحت

السلام عليكم....اسف للانقطاع لظروف السفر ورجعنا بقوة
ونبدا مع اخونا الغالي ريحة الورد...بس استفسار بسيط اي عطر
بالضبط من موسكينو لان عندهم عطورات وايد قول اي واحد
وما يصير خاطرك الا طيب :)

زمن الغربة

08-01-2012, 07:27 AM

اذا ممكن تتكلم عن الكارتير وخصوصا السانتوس والديكليرشين ويعطيك العافيه على الموضوع الحلوو

شبيه الريح انت كذه :nice: اختياراتك موفقه عطرين ولا بلاش:)

اليوم راح اتكلم عن الدكليرشن وبكره ان شاء الله راح اتكلم عن ال سانتوس

http://im18.gulfup.com/2012-01-08/1325996043491.bmp (http://www.gulfup.com/show/Xv35l7fvsuuks)
العطر السابع عشر : كارتييه دكليرشن

من تصميم : جان كلود الينا

سنة الانتاج : 1998

الفئة : اخشاب زهور مسك

دكليرشن عطر جميل جدا من العطور اللي معدل بيعها في الاسواق ثابت
عطر ما يختلف عليه اثنين ، السر في العطر حسب رايي هو الهيل اللي
محطوط فيه بشكل جميل ومتوازن , وميزته الثانيه انه مناسب لكل الاوقات
صيف شتا صبح ليل يعني عطر موسمي من الدرجه الاولى .

مكونات العطر :

رأس العطر : كراوية ، كزبرة ، يوسفي ، زهرة البرتقال

قلب العطر : سوسن ، قرفة ، زنجبيل ، هيل , ياسمين ، فلفل

قاعدة العطر : مسك ، جلود ، عنبر ، اوراق الشاي ، فتفير

مناسب للعمر : 25-55

الاحجام والسعر : 50ملي ب 140 ريال - 100 ملي ب 180 ريال

تقييم زمن الغربة للعطر :

الثبات :#######7
الفوحان : #######7
جمال الرائحة :#######7
الموسمية : #########9

التقييم العام : #######7 :nice:

زمن الغربة

08-01-2012, 07:35 AM

مساكم الله بالخير جميع

وين تنصحون بمحل يبيع عطور اصليه وبسعر قريب من سعر الجمله او رخيصه

مراحب بالاخ العزيز فيصل اقدر اقول صبحك الله بالنور والسرور:)

شوف طال عمرك اذا بغيت محلات رخيصه عليك بالمحلات اللي

في سوق فالح او العسيري او سوق واقف....واشهرهم حميد تريم

وسليم...عطورات اصليه ومضمونه واسعار على كيفك .

ولحد يقص عليك ويقولك عطورهم تقليد!!!

زمن الغربة

09-01-2012, 10:13 AM

http://im9.gulfup.com/2012-01-09/1326087739921.jpg (http://www.gulfup.com/show/X40dwrvpwpi)
العطر الثامن عشر : كارتييه سانتوس

من تصميم : غير معروف

سنة الانتاج : 1981

الفئة : شرقي خشبي

يعتبر عطر سانتوس من عطور الباور هورس او ما يعرف بالعطور الخشنة وهو يعتبر عطر كلاسيكي من الطراز الاول , طبعا العطر غير مناسب للشباب حسب رايي , بصراحه ما اتخيل نفسي اني اتعطر بهذا العطر مادري احسه طراز قديم والكبار في العمر راح يكون مناسب لهم يمكن محبي هذا العطر يختلفون معاي ، لكن الناس اذواق ، على فكرة هذا العطر رغم مرور السنين الا انه لا يزال له شريحه كبيرة من العشاق , ومعلومة اخيرة خبراء العطور يقولون ان تركيبة العطر الحالية تغيرت عن التركيبة القديمة ولهذا قديما كانت رائحته احلى وافخم وارقى .

مكونات العطر :

رأس العطر : برغموت ، لافندر ، ريحان

قلب العطر : كمون ، عرعر ، جوزة الطيب

قاعدة العطر : صندل ، فتفير ، باتشولي

مناسب للعمر : 40-60

الاحجام والسعر : 50 ملي ب 150 ريال 100 ملي ب 200 ريال

تقييم زمن الغربة للعطر :

الثبات:######6
الفوحان :#######7
جمال الرائحة:#####5
الموسمية :######6

التقييم العام:######6 :)

بوعلي2

09-01-2012, 10:46 AM

ماشاء الله عليك دوووم مبدع :)

لاتحرمنا من جديدك الطيب والعطر يالغالي

زمن الغربة

09-01-2012, 09:15 PM

اسعدني مرورك يالغالي
وانتظر الجديد باذن الله :)

زمن الغربة

10-01-2012, 10:22 PM

http://im20.gulfup.com/2012-01-10/1326221465261.jpg (http://www.gulfup.com/show/X33u6wbgfp2k0)

L'Instant de Guerlain pour Homme Eau Extreme Guerlain for men
العطر التاسع عشر : لنستان دو جيرلان (اكستريم او دو بارفيوم)
من تصميم : باتريك بيجو
سنة الانتاج : 2005
الفئة :شرقي خشبي

هذا العطر في التوب 5 في قائمة عطوري عطر نادر وما يتكرر طبعا هذا العطر يوجد
منه نسخه او دو تواليت وهي حلوه ومش بطاله وهي الاقدم ، بس صاحبنا اليوم النسخة الاحدث
(الاكستريم) شي عجيب ، واي حد راح يجربه يتأكد من انه الاود بارفيوم وفي مشكله
صغيرة وهي انهم بس كاتنبين على كارتونة العطر( اكستريم او دو بارفيوم )اما الغرشه
نفسها فهي مشابهه للادو تواليت ومب مكتوب عليها الا لنستان دو جيرلان ، فانتبه ولا
تتلخبط ، لان بصراحه في فرق كبير بين العطرين قصدي في جمال وثبات الريحه ،
السر في هالعطر خلطة الكاكاو اللي حاطينها فيه شي عجيب احس ريحته دخانيه مع كاكاو , خبراء العطور دخلوا في مقارنات كبيرة بينه وبين ديور اووم انتنس في تشابه
الريحه لكن انا اشوف كل واحد يختلف عن الثاني وكل واحد له جوه الخاص ، العطر ثباته
ممتاز واللي يحب الروايح الثقيله والغريبه بشكل عام راح يعجبه هالعطر باذن الله:)

مكونات العطر :
رأس العطر : حمضيات ، يانسون نجمي
قلب العطر : باتشولي ، ياسمين هندي ، شاي
قاعدة العطر : خشب الصندل ، كاكاو ، كركديه

مناسب للعمر : 30-60
الاحجام والسعر : 75 ملي ب190 ريال
تقييم زمن الغربة للعطر :

الثبات:########8
الفوحان:#######7
جمال الرائحة:########8
الموسمية:#######7

التقييم العام########8:nice:

زمن الغربة

11-01-2012, 11:00 PM

http://im12.gulfup.com/2012-01-11/1326311024141.jpg (http://www.gulfup.com/show/Xb4gfh06s8ty)

العطرعشرون: روشاس مانRochas Men Rochas for men
من تصميم : موريس روسيل
سنة الانتاج : 1999
الفئة :اخشاب وتوابل

سووووووووووويت سوووووويت يمي يمي ، او نقدر نقول ايس كريم ، اللي يحبون العطور
السويت يتمون معانا واللي ما يحب بعد يتم معانا:)
روشاس مان عطر سويتي حلو من احلى عطور السويت اللي مرت علي ، واقول
احلى لان في بعض عطور السويت والفانيلا تكون ريحتها عنيفه اما هذا هادي
بشكل عجيب , وهو يوصف على انه عطر شتوي لكن لا يمنع ممكن تستخدمه في
الصيف لانه هادي .

مكونات العطر :
رأس العطر : برغموت ، اللافندر
قلب العطر : اخشاب الارز ، توت احمر ، رائحة كابتشينو ، ياسمين
قاعدة العطر : زيت الباتشولي الابيض ، فانيليا ، اخشاب الصندل

مناسب للعمر : 20-40
الاحجام والسعر : 50 ملي ب100ريال - 100 ب140ريال

تقييم زمن الغربة للعطر :

الثبات:########8
الفوحان:#######7
جمال الرائحة:#######7
الموسمية:#######7

التقييم العام:#######7 :nice: