موظفو كيوتل والبنوك يطالبون بشملهم بالزيادات.. القطريون العاملون بالقطاع الخاص

[نبض الخفوق]

القطريون العاملون بالقطاع الخاص يحلمون بزيادة رواتبهم2011-09-08


موظفو كيوتل والبنوك يطالبون بشملهم بالزيادات.. القطريون العاملون بالقطاع الخاص يحلمون بزيادة رواتبهم
مواطنون: استثناء زيادة القطاع الخاص يهدد بتراجع الأداء والهجرة للحكومة
يجب تدخل غرفة تجارة قطر للقيام بدورها لمواكبة زيادة الرواتب
السليطي: على مسؤولي القطاع الخاص مراعاة الموظفين القطريين وزيادة رواتبهم
الكواري: زيادة رواتب القطاع الخاص ضرورة للتحفيز والتشجيع والقضاء على الإحباط
الكبيسي: على أصحاب القطاع الخاص مراعاة مشاعر موظفيهم وتحفيزهم للارتقاء بالعمل
الخلف: الأذكياء من أصحاب المؤسسات الخاصة هم الذين سيتخذون قرارات الزيادة هذه الأيام
نجاتي بدر:
عمت الفرحة أرجاء الوطن وسيطر المردود الإيجابي على كافة المواطنين الذين يعيشون هذه الأيام أسعد اللحظات فى ظل المكرمة الأميرية التي شملها القرار رقم 50 لسنة 2011 الذي أصدره سمو الشيخ تميم بن حمد آل ثاني نائب الأمير ولي العهد حفظه الله، وأقر القرار الذي أسعد المواطنين من موظفين ومتقاعدين زيادة الرواتب الأساسية والعلاوة الاجتماعية والمعاشات للموظفين والمتقاعدين القطريين من المدنيين والعسكريين العاملين بالدولة، وفى الوقت الذي يعيش فيه جميع موظفي الدولة فرحة كبيرة لزيادة رواتبهم أضعافا مضاعفة من مدنيين وعسكريين ومتقاعدين ورغم صعوبة إمكانية تطبيق ذلك على القطاع الخاص إلا أن حلم الزيادة يطارد المواطنين العاملين بالقطاع الخاص وخصوصا موظفي كيوتل والبنوك الذين أعربوا عن ضرورة حث هذه الجهات والقطاع الخاص بالكامل على تطبيق الزيادات عليهم لكي لا يتركوا أعمالهم ويتوجهون للقطاع العام، مؤكدين أنه من الضروري الترتيب لهذا الموضوع، ويأملون بحث كافة السبل لإلزام جهات عملهم بزيادة ولو بنسبة تقل عن الزيادة التي تمنحها الدولة للعاملين بمؤسساتها، وأوضح البعض أن عدم مراعاة القطاع الخاص لموظفيه من القطريين وخاصة فى مثل هذه المناسبات أمر قد يؤدى بشكل كبير إلى استمرار عزوف الخريجين الجدد من القطريين عن العمل بهذا القطاع المهم وإقبالهم "فقط" على العمل بالقطاع الحكومي حتى وإن تطلب منهم ذلك البقاء فى البيت بعد التخرج لعام أو اثنين أو ثلاثة.
شكر وامتنان وتقدير
بداية يتقدم عبد الله سعيد السليطى عضو المجلس البلدي المركزي بخالص الشكر وعظيم الامتنان والتقدير إلى القيادة الرشيدة متمثلة فى سمو الشيخ حمد بن خليفة آل ثاني أمير البلاد المفدى وسمو الشيخ تميم بن حمد آل ثاني نائب الأمير ولي العهد حفظهما الله لبلدنا الحبيب، ويقول السليطى ان زيادة الرواتب الأساسية والعلاوة الاجتماعية والمعاشات للموظفين والمتقاعدين القطريين من المدنيين والعسكريين في الدولة أرضت طموحات الجميع بل وزادت عن طموحات الكثيرين من المواطنين الذين لم يكونوا يحلمون بمثل هذه الزيادات المضاعفة.
تراجع مستوى الأداء
وأوضح السليطى أن السعادة تعلو وجوه جميع الموظفين العاملين فى الدولة إلا أنها لا تعلو شفاه المواطنين العاملين بالقطاع الخاص، وقال السليطى ان عدم مراعاة مسؤولي وأصحاب المؤسسات والشركات العاملة فى القطاع الخاص للموظفين القطريين وعدم منحهم أي زيادات فى مثل هذه المناسبات أمر بالغ الخطورة ويهدد بتراجع مستوى أداء القطاع الخاص نتيجة الإحباط الذي قد يصيب العاملين بالقطاع الخاص الذين يتحملون نفس الأعباء اليومية والشهرية التي يتحملها المواطن القطري الذي يعمل فى مؤسسة تابعة للدولة، وأكد السليطى ضرورة بحث السبل للحد من الفوارق المادية التي سترتفع مع الزيادة الجديدة بين موظفي القطاع الخاص والعام، وقال ان الفارق الكبير سيؤدى إلى عزوف الخريجين الجدد من القطريين عن العمل بالقطاع الخاص.
زيادة فى الرفاهية
أما على أحمد الكوارى عضو المجلس البلدي السابق فيقول إن قيادتنا الرشيدة تعمل من أجل تحقيق الرفاهية للمواطنين وحتى المقيمين على أرض قطر، وإن الزيادات التي أقرها قرار سمو الشيخ تميم بن حمد آل ثاني نائب الأمير ولي العهد ستؤدى إلى تحقيق الرفاهية لكافة الموظفين المدنيين والعسكريين والمتقاعدين.
حلم هل يتحقق
وقال الكوارى: ان القطريين العاملين فى القطاع الخاص يحلمون بزيادة فى رواتبهم ولن يتحقق ذلك سوى ببحث كافة السبل وتدخل الجهات المعنية المسؤولة عن القطاع الخاص كغرفة تجارة وصناعة قطر على سبيل المثال لإلزام ملاك الشركات والمؤسسات الخاصة بزيادة رواتب المواطنين القطريين العاملين لديها فى مثل هذه المناسبات السعيدة لتكتمل فرحة جميع الموظفين القطريين العاملين فى القطاعين وعدم اقتصارها على العاملين بالقطاع العام فقط.
عزوف الخريجين الجدد
وأكد الكوارى أن بعض القطريين العاملين بالقطاع الخاص من المواطنين قد يشعرون بالإحباط نتيجة عدم مراعاة جهات عملهم لجهودهم، الأمر الذي قد يؤدى إلى عزوف الكثيرين من المواطنين عن العمل فى القطاع الخاص وتمسك الخريجين الجدد بالبحث عن فرصة للعمل بالقطاع الحكومي حتى ولو تطلب ذلك منهم البقاء فى بيوتهم بعد التخرج لأكثر من عام، وقال الكوارى ان زيادة رواتب القطاع الخاص ضرورة للتحفيز والتشجيع والقضاء على الإحباط الذي قد يصيب القطريين العاملين بهذا القطاع فى مثل هذه الأيام التي تعم فيها السعادة وجوه العاملين بالقطاع الحكومي.
زيادة الفوارق المادية
ويرى عيسى غانم الكبيسى أن القطاع الخاص عليه أن يحفز موظفيه القطريين فى مثل هذه الأوقات التي تحفز فيها الدولة الموظفين العاملين فى مؤسساتها، وقال الكبيسى ان الوضع الحالي بعد الزيادات الجديدة سوف يزيد من الفوارق المادية بين القطريين العاملين فى القطاعين (العام والخاص) رغم أنهم يتحملون نفس الالتزامات الشهرية تقريباً، من هنا يتوجب على أصحاب الشركات والمؤسسات الخاصة تحفيز موظفيهم القطريين وزيادة رواتبهم لتشجيعهم على الاستمرار فى العمل وحسن الأداء وتشجيع الخريجين الجدد على العمل بالقطاع الخاص.
عدم الزيادة
ويؤكد أحمد الخلف ضرورة إيجاد سبل تلزم جهات العمل فى القطاع الخاص بزيادة رواتب القطريين العاملين لديها بنسبة تقارب النسبة التي تمنحها الدولة للموظفين العاملين فى مختلف وزاراتها ومؤسساتها، وقال الخلف ان تمسك أصحاب الأعمال الخاصة بالعقود المبرمة دون منح زيادات تشجيعية للموظفين العاملين لديهم أمر سيؤدى بالقطع إلى عزوف الكثيرين عن الاستمرار فى العمل أو على أقل تقدير العمل وفى نفوسهم إحباط يسيطر على أدائهم مما يهدد بتأخر إنجاز العمل أو حدوث مشكلات قد تؤثر سلباً على المدى القريب أو البعيد باستمرار المؤسسة الخاصة فى ممارسة نشاطها.
زيادة ولو بنسبة
وأكد الخلف أن الأذكياء من أصحاب المؤسسات الخاصة هم الذين سيتخذون قرارات هذه الأيام بتعديل أوضاع القطريين العاملين لديهم وزيادة رواتبهم ولو بنسبة تقل عن نصف النسبة التي منحتها الدولة لموظفيها لما فى ذلك من إيجابيات عديدة على العمل، مشيراً إلى أن زيادة رواتب العاملين بالقطاع الخاص أمر سيؤدى إلى تعميم الفرحة التي ملأت الأرجاء لتشمل كافة الموظفين القطريين العاملين فى القطاعين فى حال اتخاذ أصحاب العمل لقرار زيادة الرواتب ومحاولتهم دعم الدولة فى تحقيق الرفاهية لجميع مواطنيها وحتى مقيميها.

[المسك1969]

:)

نعم أنا معك في الطلب وموظفي كيوتل من القطريين يستحقون الزيادة... حتى في رمضان لأخر يوم يداموون وزين هالسنة عطوهم آخر يوم...

أن شاء الله موظفي كيوتل تشملهم الزيادة

وصراحة كان القرار ليعم لا ليخص ويكون لكل قطري وقطريه في الدولة...ومبروكين أهل الزيادة ربي يزيد ويبارك وأن شاء الله ياخذون البقيه

[STAR]

قد يشعرون بالاحبااط...‏!!‏

شعرنا وخلصنا..وناوين على الاستقااالة اذا مازادونا..

[الدوحة 2010]

لابد من اتخاذ قرار سريع وعاجل بحق القطريين والقطريات في كيوتل والبنوك لتعم الفرحة على الكل

[alwahesh]

ان شاء الله تسمعون اخبار تسركم يا كيوتل ستاف

[الدوحة 2010]

ان شاء الله تسمعون اخبار تسركم يا كيوتل ستاف


الله يسمع منك اخوي وتعم الفرحة على الجميع

[MoHaMmEd114]

ان شاء الله تسمعون اخبار تسركم يا كيوتل ستاف

الله يسمع منك ياخوي الكل يستاهل

[R 7 A L]

ضيفوا لديكم القطاع ( الفقير )
جميع الشركات القطرية المساهمة تجلس تحت مظله القطاع الخاص :

1- قطاع البنوك : الوطني والمصرف الاسلامي والدولي الاسلامي والدوحه والتجاري والاهلي والريان وغيرها ....
2- قطاع التأمين : الاسلامية والقطرية وقطر للتأمين وغيرها....
3- قطاع الخدمات : كيوتل والكهرباء والماء والملاحه وناقلات ومواشي وغيرها .....

هذي بارك الله فيك كلها تعتبر قطاع خاص ومدعومه من الحكومة بنص رأس المال والباقي للمساهمين ويتشغل فيها اعداد ليست بقليلة من المواطنين و المواطنات القطريين ورواتب بعض هذه الشركات مثل رواتب الحكومة قبل الزيادة

وان شاء الله بعد المكرمة في الزيادات التي شملت الحكومه
ان ترتفع الرواتب في هذا القطاع

[nyzk]

لما كانت رواتب الوزارات الحكومية 6000 و7000 ورواتب زملائهم في الهيئات والجهات الاخرى تبدا من 16 و20 و30 الف واكثر من ذلك

الجرايد كانت ساكته ومسويه تعتيم على الوزارات وماسووت الضجه اللي نشوفها اليوم وكئن اللي شغالين في الوزارات مهب متواجدين في قطر

[رجل مثالي]

لما كانت رواتب الوزارات الحكومية 6000 و7000 ورواتب زملائهم في الهيئات والجهات الاخرى تبدا من 16 و20 و30 الف واكثر من ذلك

الجرايد كانت ساكته ومسويه تعتيم على الوزارات وماسووت الضجه اللي نشوفها اليوم وكئن اللي شغالين في الوزارات مهب متواجدين في قطر


:victory::victory:

[MoHaMmEd114]

اي والله صادق ليش الجرايد كانت كانت ساكته حزتها؟



[هارودز]

سمعنا ان في اخبار حلوة لكيوتل انشاءالله ماتكون اشاعة

[mE mYself & i]

الشغل بين الحكومة والقطاع الخاص فرق السما والأرض والكل عارف والي يشتغلون في القطاع الخاص مثل كيوتل والبنوك وغيرها يستحقون ان تكون رواتبهم أعلى مقابل التعب والشغل اللي يقدمونه
بس دام صارت الرواتب مقاربه فالكل بيحول على الحكومه وياخذ راتب نفس راتبه وهو مرتاح

[بن كعدان]

ان شاء الله اتعم الفرحة على الجميع

[راشد محمد]

لما كانت رواتب الوزارات الحكومية 6000 و7000 ورواتب زملائهم في الهيئات والجهات الاخرى تبدا من 16 و20 و30 الف واكثر من ذلك

الجرايد كانت ساكته ومسويه تعتيم على الوزارات وماسووت الضجه اللي نشوفها اليوم وكئن اللي شغالين في الوزارات مهب متواجدين في قطر

:nice:صح

[MeMe MoOoON]

كذا ظلم مايزيدون القطاع الخاص لانه فرق بالعمل بقطاع الحكومه والخاص
وقطاع الخاص مثلا كيوتل والبنوك شغلهم متعب ويومهم كله بالدوام
نتمنى تشملهم الزياده البنوك وباقي القطاعات والله يستاهلون
والا بتصير فوضى الكل بيهد القطاع الخاص ويتجه الى القطاع الحكومي اريح لهم


والف مبروك على الزياده يا اهل قطر

[الدوحة 2010]

ان شاء الله اتعم الفرحة على الجميع

اللهم امين

[القلم الصريح]

الشغل بين الحكومة والقطاع الخاص فرق السما والأرض والكل عارف والي يشتغلون في القطاع الخاص مثل كيوتل والبنوك وغيرها يستحقون ان تكون رواتبهم أعلى مقابل التعب والشغل اللي يقدمونه
بس دام صارت الرواتب مقاربه فالكل بيحول على الحكومه وياخذ راتب نفس راتبه وهو مرتاح



مع احترامي الشديد لرايك

لحد يفتكر ان موظفين الحكومه قاعدين ريل على ريل لا دوام ولا حساب وياخذ نفس الراتب اللي يشتغل في قطاع خاص (بعدالزياده ) ومحكوك ومايطلع الا وقت متأخر ، ترا الحكومه والهيئات والمؤسسات تغيرت ماعادت اغلبها مثل قبل ، فاغلبهم عندهم نظام البصمه في الحضور والانصراف من 7-2 ماكان موجود في السابق وغير التقييم السنوي
6% ممتاز و 5% جيد جدا ... الخ على الاساسي فقط ، اللي ماكان في السابق بالاضافه الى كمية ونوع الشغل تتغيرت ،
ولاتنسى اخوي ان اغلب الشركات عندها مزايا موموجوده في الحكومه مثل : التامين الصحي ، ورسوم التعليم في المدارس الخاصه ، تذاكر سفر ، وغير البونس مرتين او 3 مرات في السنه حسب جهة العمل ، وغير التقييم السنوي في بعض الجهات تصل الى 5 اضعاف اجمالي الراتب اذا كان تقييمه ممتاز على سبيل المثال لو نفترض ان موظف في قطاع خاص اجمالي راتبه 30 الف ريال واخذ تقييم السنوي امتياز ياخذ بونس 5 اضعاف الراتب يطلع 150 الف .... الخ
هاذي بعض الشغلات اللي ذكرتها المتواجده في اغلب قطاع الخاص مو موجوده في الحكومه

[R 7 A L]

مع احترامي الشديد لرايك

لحد يفتكر ان موظفين الحكومه قاعدين ريل على ريل لا دوام ولا حساب وياخذ نفس الراتب اللي يشتغل في قطاع خاص (بعدالزياده ) ومحكوك ومايطلع الا وقت متأخر ، ترا الحكومه والهيئات والمؤسسات تغيرت ماعادت اغلبها مثل قبل ، فاغلبهم عندهم نظام البصمه في الحضور والانصراف من 7-2 ماكان موجود في السابق وغير التقييم السنوي
6% ممتاز و 5% جيد جدا ... الخ على الاساسي فقط ، اللي ماكان في السابق بالاضافه الى كمية ونوع الشغل تتغيرت ،
ولاتنسى اخوي ان اغلب الشركات عندها مزايا موموجوده في الحكومه مثل : التامين الصحي ، ورسوم التعليم في المدارس الخاصه ، تذاكر سفر ، وغير البونس مرتين او 3 مرات في السنه حسب جهة العمل ، وغير التقييم السنوي في جهات تعطي 5 اضعاف اجمالي الراتب اذا كان تقييمه ممتاز على سبيل المثال لو نفترض ان موظف في قطاع خاص اجمالي راتبه 30 الف ريال واخذ تقييم السنوي امتياز ياخذ بونس 5 اضعاف الراتب يطلع 150 الف .... الخ
هاذي بعض الشغلات اللي ذكرتها المتواجده في اغلب قطاع الخاص مو موجوده في الحكومه


:omg:

شكلك اخوي فاهم موضوع البونس غلط
وين هالشركة الى تعطي بونس 150 الف !!!
الا اذا كنت تقصد مدير عام هذا شي ثاني

[القلم الصريح]

:omg:

شكلك اخوي فاهم موضوع البونس غلط
وين هالشركة الى تعطي بونس 150 الف !!!
الا اذا كنت تقصد مدير عام هذا شي ثاني



اخوي انا مطلع على اغلب الشركات الخاصه بحكم مجال عملي ، واذا على 150 الف ترا هاذي قليل في مدراء تاخذ بالملايين اذا ماعندك خبر

[R 7 A L]

اخوي انا مطلع على اغلب الشركات الخاصه بحكم مجال عملي ، واذا على 150 الف ترا هاذي قليل في مدراء تاخذ بالملايين اذا ماعندك خبر


اذا مدراء صح

بس العالم يتكلمون عن القطريين الى شهادة ثانوية وفي بنك او شكرة مساهمة زين اذا جاه بونس سنوي 3500
لان البونس فيها يختلف عن البونس في قطر للبترول في الشركات المساهمة والبنوك اعتقد نص الراتب الاساسي

[القلم الصريح]

اذا مدراء صح

بس العالم يتكلمون عن القطريين الى شهادة ثانوية وفي بنك او شكرة مساهمة زين اذا جاه بونس سنوي 3500
لان البونس فيها يختلف عن البونس في قطر للبترول في الشركات المساهمة والبنوك اعتقد نص الراتب الاساسي



انا اعرف بنك من البنوك كانت تعطي البونس بس عالاساسي ، الحين صارت تعطي على اجمالي الراتب واذا امتياز ياخذ 5 اضعاف الراتب سواء ثانوي ولا بروفسور

[R 7 A L]

انا اعرف بنك من البنوك كانت تعطي البونس بس عالاساسي ، الحين صارت تعطي على اجمالي الراتب واذا امتياز ياخذ 5 اضعاف الراتب سواء ثانوي ولا بروفسور

شكراً اخوي على التوضيح:)

[الدوحة 2010]

ان شاء الله فرحة تعم على اهل قطر كلهم بدون استثناء

[الدوحة 2010]

على حسب التقيم السنوي للموظفين بونص

[فاطمه55]

على حسب التقيم اخوي وفي ناس ماخذوا ريال واحد

[فاطمه55]

مع احترامي الشديد لرايك

لحد يفتكر ان موظفين الحكومه قاعدين ريل على ريل لا دوام ولا حساب وياخذ نفس الراتب اللي يشتغل في قطاع خاص (بعدالزياده ) ومحكوك ومايطلع الا وقت متأخر ، ترا الحكومه والهيئات والمؤسسات تغيرت ماعادت اغلبها مثل قبل ، فاغلبهم عندهم نظام البصمه في الحضور والانصراف من 7-2 ماكان موجود في السابق وغير التقييم السنوي
6% ممتاز و 5% جيد جدا ... الخ على الاساسي فقط ، اللي ماكان في السابق بالاضافه الى كمية ونوع الشغل تتغيرت ،
ولاتنسى اخوي ان اغلب الشركات عندها مزايا موموجوده في الحكومه مثل : التامين الصحي ، ورسوم التعليم في المدارس الخاصه ، تذاكر سفر ، وغير البونس مرتين او 3 مرات في السنه حسب جهة العمل ، وغير التقييم السنوي في بعض الجهات تصل الى 5 اضعاف اجمالي الراتب اذا كان تقييمه ممتاز على سبيل المثال لو نفترض ان موظف في قطاع خاص اجمالي راتبه 30 الف ريال واخذ تقييم السنوي امتياز ياخذ بونس 5 اضعاف الراتب يطلع 150 الف .... الخ
هاذي بعض الشغلات اللي ذكرتها المتواجده في اغلب قطاع الخاص مو موجوده في الحكومه




معلومتك غلط البنوك مب كلها نفس الشي اغلبها مره بالسنه ولو حصلت وايد وايد وايد 3 اضعاف وفي ناس واقولها لك مايحصلون ريال واحد يعني والدوام عندنا من 7 ونص او ربع لين 2 ونص واحنا مانطلع قبل لان الشغل ماايي الا اخر الدوام وبعد مافي زياده واجازات اقل من شهر على حسب الدرجه ونادر مانطلع كله على الكرسي قاعدين وعن التعليم على حسب الدرجه واللي ماعنده عيال مو مستفيد منها وقطر للبترول عندهم التعليم ولو بتتكلم عن التامين الصحي تاميننا مو عالمي قطر للبترول حصلوا زياده وتامينهم عالمي واحسن منا تبون التامين اخذوه مب من زينه الكل يروح حمد بالاخير ومعروف هالشي .....بس الواحد يقول الله كريم ومبروك تستاهلون لان بعد اهلنا حصلوا زياده وفرحنا لهم

[almaf1a]

:)

نعم أنا معك في الطلب وموظفي كيوتل من القطريين يستحقون الزيادة... حتى في رمضان لأخر يوم يداموون وزين هالسنة عطوهم آخر يوم...

أن شاء الله موظفي كيوتل تشملهم الزيادة

وصراحة كان القرار ليعم لا ليخص ويكون لكل قطري وقطريه في الدولة...ومبروكين أهل الزيادة ربي يزيد ويبارك وأن شاء الله ياخذون البقيه

مشكلة كيوتل وباقي الشركات المشابه لها
انها ماتقدر ترفع في الراتب الاساسي للقطري فقط لعدم وجود بند يخدم القطري
فالوظيفة والدرجه اساسيها واحد للمواطن والاجني
لذا تتجه النيه الى رفع العلاوة الاجتماعيه فقط
بنسبة كبيرة والاقاويل تقول 180% في الاجتماعية الي هي 3000 للجنير و 3500 للسنير لموظفين كيوتل القطريين
والزيادة هذي لا تعني شئ
لان التقييم السنوي والبونس مربوط للاساسي فقط
اذا الزيادة شملت العلاوة الاجتماعيه فقط فابشروا بالهجرة الجماعيه من الشركات الخاصه
والاتجاه للوظائف الحكوميه

[almaf1a]

مع احترامي الشديد لرايك

لحد يفتكر ان موظفين الحكومه قاعدين ريل على ريل لا دوام ولا حساب وياخذ نفس الراتب اللي يشتغل في قطاع خاص (بعدالزياده ) ومحكوك ومايطلع الا وقت متأخر ، ترا الحكومه والهيئات والمؤسسات تغيرت ماعادت اغلبها مثل قبل ، فاغلبهم عندهم نظام البصمه في الحضور والانصراف من 7-2 ماكان موجود في السابق وغير التقييم السنوي
6% ممتاز و 5% جيد جدا ... الخ على الاساسي فقط ، اللي ماكان في السابق بالاضافه الى كمية ونوع الشغل تتغيرت ،
ولاتنسى اخوي ان اغلب الشركات عندها مزايا موموجوده في الحكومه مثل : التامين الصحي ، ورسوم التعليم في المدارس الخاصه ، تذاكر سفر ، وغير البونس مرتين او 3 مرات في السنه حسب جهة العمل ، وغير التقييم السنوي في بعض الجهات تصل الى 5 اضعاف اجمالي الراتب اذا كان تقييمه ممتاز على سبيل المثال لو نفترض ان موظف في قطاع خاص اجمالي راتبه 30 الف ريال واخذ تقييم السنوي امتياز ياخذ بونس 5 اضعاف الراتب يطلع 150 الف .... الخ
هاذي بعض الشغلات اللي ذكرتها المتواجده في اغلب قطاع الخاص مو موجوده في الحكومه


بالغت فالارقام
البونس اذا تقييمك 3 عبارة عن 27 الف للسنير في الدرجات المساويه للسادسه والسابعه في الحكومه
مانبي بونس نبي زيادة 60% في الاساسي والاجتماعيه
لانها بتطلع فوق ال80 الف
شوف الفرق بين البونس والزيادة

الان الي في الحكومه يستلم اكثر من الشركات الخاصه

ممكن نعرف الجهات الي تعطي بونس مرتين وثلاث اول مره اسمع المعلومه هذي

[Amal_QTR]

الله يبارك للجميع بالزياده بس هذي مكرمه للشعب القطري ليش بس النص يستفيد و الباقي يتفرج !
و ليش قطر للبترول وهم اعلى رواتب فالدوله ياخذونها ( لين قطر للبترول خذت يعني كل الشركات التابعه مثل قطر غاز و راس غاز ياخذون وهم ماشاءالله رواتبهم مرتفعه) .
انا اشتغل في القطاع الخاص و مارجع البيت الا العصر و ضغط شغل .. و مب نفس الحكومه مكانك مضمون .. ما اشتغلت بتتفنش قطري ولا غيره ..
بالنسبه للتعليم .. انا لاني حرمه ما يعطوني تعليم للعيال .. بس الرجال .. يعني مب جاينا من الطيب نصيب
التامين الصحي بس يشملني انا و ما يشمل عيالي !!
السنه كلها بس عندي 30 يوم اجازه لا عارضه ولا شي
اسبوعين اجازه مرضيه واذا اكثر ينخصم من الراتب !
50 يوم (مع الويك اند ) اجازه وضع
ساعه وحده رضاعه ..
دورات بالموت تطلع لنا كله ما عندهم ميزانيه

يعني احنا مكروفين .. و الحين تساوينا مع الحكومه ..
اذا ما جاتنا الزياده .. انا اعرف مجموعه كبيره بتطلع من القطاع الخاص و تروح حكومه ..
لان ما عاد تسوى التعب هذا كله

و على فكره اللي يتكلم عن البونس .. هذا مب شي مضمون .. لان يقول لك حسب اداء الشركه .. و احيانا ما يعطون لان يقولون السنه الشركه عليها التزامات ..

وانا لين ليله العيد اداوم .. و الحكومه الخمس الاواخر مرتاحين ..

الله يهني الجميع و نتمنى ان المسؤولين ينظرون بخصوص وضع القطاع الخاص ..
وتكون مكرمه اميريه للشعب القطري كله و ليش لبعض الشعب ,,

[فاطمه55]

بالغت فالارقام
البونس اذا تقييمك 3 عبارة عن 27 الف للسنير في الدرجات المساويه للسادسه والسابعه في الحكومه
مانبي بونس نبي زيادة 60% في الاساسي والاجتماعيه
لانها بتطلع فوق ال80 الف
شوف الفرق بين البونس والزيادة

الان الي في الحكومه يستلم اكثر من الشركات الخاصه

ممكن نعرف الجهات الي تعطي بونس مرتين وثلاث اول مره اسمع المعلومه هذي


في بنوك تعطي مره منها الريان وبنك قطر والخليجي وفي بنوك تعطي 3 مرات بس مايكون مبلغ كبير منها التجاري والمصرف بس كل واحد على نظام بنكه يعني الواحد عنده الزياده احسن من البونس لان الزياده تنفعه في التقاعده بعد

[فاطمه55]

وفي جهات نص حكوميه وماكانوا ظمن المكرمه الاميريه هم ال qcb المصرف المركزي يعني يعتبرون حكومي وماعندهم تامين ولاتعليم يالله ليش ماخذوا زياده ؟

[almaf1a]

للعلم التعليم للابناء لا يشمل كل الرسوم
يوجد لمت معين لا يغطي تكاليف الدراسه
اعتقد 10 الاف ريال في السنه

في بنوك تعطي مره منها الريان وبنك قطر والخليجي وفي بنوك تعطي 3 مرات بس مايكون مبلغ كبير منها التجاري والمصرف بس كل واحد على نظام بنكه يعني الواحد عنده الزياده احسن من البونس لان الزياده تنفعه في التقاعده بعد

هنا النقطه الزيادة افضل من البونس

[فاطمه55]

والله ياخوي لو الحين الخبر بفلوس بكره ببلاش ظهورنا تكسرت واحنا على المكاتب قاعدين نكرف والتقيم يقولون مافي حد يحصل ممتاز وزياده احنا مب معاهم ..... كل واحد رزقه عند الله وان شاء الله نصبر والله يرزقنا

[دااانة قطر]

لما كانت رواتب الوزارات الحكومية 6000 و7000 ورواتب زملائهم في الهيئات والجهات الاخرى تبدا من 16 و20 و30 الف واكثر من ذلك

الجرايد كانت ساكته ومسويه تعتيم على الوزارات وماسووت الضجه اللي نشوفها اليوم وكئن اللي شغالين في الوزارات مهب متواجدين في قطر


سؤاال وجيه
ونظرة دقيقه

[راعي الجي]

هناك فئة مظلومة وهم المتقاعدين في كيوتل والمؤسسات اللي ما تشملهم الزياده وبعضهم رواتبهم ما تتجاوز 4000 ريال كاجمالي راتب

[القلم الصريح]

يا اخواني وخواتي لحد يفهم اني ضد الزياده للقطاع الخاص بالعكس اتمنى الخير لكل هل قطر وان شاءالله يزيدوكم

بس حبيت اذكر قبل موظفين الحكومه لما طبقوا عليهم قانون الموارد البشريه في شهر 4/2009

والكل تاثر وتخفضت رواتبهم توصل الى 10 الاف ريال مثل موظفي الكهرماء ، وكان قطاع الخاص

هم اعلى من رواتب القطاع العام لدرجه صارت استقالات جماعيه من مهندسي الكهرماء واتجهوا للقطاع

الخاص

ومحد حس بمعاناه موظفي قطاع العام ولا حد تكلم

[سارونه]

الحين انتو حاسدين القطري على الزيادة ومب شايفين الاجنبي وش ياخذ :)

الحق كل الحق للقطري فالزيادة كان سنير او جنير ..

ولازم ماتخلون الاجنبي يرفع راسه علينا لانهم عارفين بان رواتبنا ولا شي بالنسبه لهم

ماشاء الله مبين في كل مكان نروحه الاجنبي فيرست وبعدين القطري ليش لان راتبه اعلى منا بمليون مره ..

وبالنسبه للبونس الي ياخذه الاجنبي والي يعدي المليون - ليش ماتكلمتو عنه يعني الحين ماسكين بالقطري يوم زاد وحاسدينهم على النعمه الي جاتهم ..

:(

[دااانة قطر]

الله يبارك للجميع بالزياده بس هذي مكرمه للشعب القطري ليش بس النص يستفيد و الباقي يتفرج !
و ليش قطر للبترول وهم اعلى رواتب فالدوله ياخذونها ( لين قطر للبترول خذت يعني كل الشركات التابعه مثل قطر غاز و راس غاز ياخذون وهم ماشاءالله رواتبهم مرتفعه) .
انا اشتغل في القطاع الخاص و مارجع البيت الا العصر و ضغط شغل .. و مب نفس الحكومه مكانك مضمون .. ما اشتغلت بتتفنش قطري ولا غيره ..
بالنسبه للتعليم .. انا لاني حرمه ما يعطوني تعليم للعيال .. بس الرجال .. يعني مب جاينا من الطيب نصيب
التامين الصحي بس يشملني انا و ما يشمل عيالي !!
السنه كلها بس عندي 30 يوم اجازه لا عارضه ولا شي
اسبوعين اجازه مرضيه واذا اكثر ينخصم من الراتب !
50 يوم (مع الويك اند ) اجازه وضع
ساعه وحده رضاعه ..
دورات بالموت تطلع لنا كله ما عندهم ميزانيه

يعني احنا مكروفين .. و الحين تساوينا مع الحكومه ..
اذا ما جاتنا الزياده .. انا اعرف مجموعه كبيره بتطلع من القطاع الخاص و تروح حكومه ..
لان ما عاد تسوى التعب هذا كله

و على فكره اللي يتكلم عن البونس .. هذا مب شي مضمون .. لان يقول لك حسب اداء الشركه .. و احيانا ما يعطون لان يقولون السنه الشركه عليها التزامات ..

وانا لين ليله العيد اداوم .. و الحكومه الخمس الاواخر مرتاحين ..

الله يهني الجميع و نتمنى ان المسؤولين ينظرون بخصوص وضع القطاع الخاص ..
وتكون مكرمه اميريه للشعب القطري كله و ليش لبعض الشعب ,,


اللهم آميـــــــــن
صج محد يحب التفرقه وان اشااء الله الخير يعم الكل

[دااانة قطر]

للعلم التعليم للابناء لا يشمل كل الرسوم
يوجد لمت معين لا يغطي تكاليف الدراسه
اعتقد 10 الاف ريال في السنه
هنا النقطه الزيادة افضل من البونس


10 تكااليف درااسه في مداارس خااصه؟؟!

[فاطمه55]

اخوي لو عن المعاناه ترى المعانا في كل مكان تعال عندنا ونراويك المعناه وعن القانون معاك ان في ناس انظلموا بس بعد المكرمه المفروض تكون لكل القطرين لكل الشعب الخاص والعام

[بوخالد911]

وقبل هالزيادة

كانت رواتب الوزارات تعبانة
ورواتب مثلا كيوتل فوووق



فليش الحين محتجيين موظفين كيوتل ؟!؟!؟

[فاطمه55]

محد حاسد حد لان اهلنا بعد زادوهم وربعنا شلون نحسدهم بس الواحد يقول انها مكرمه المفروض تكون لكل قطر وقطريه

[فاطمه55]

وقبل هالزيادة

كانت رواتب الوزارات تعبانة
ورواتب مثلا كيوتل فوووق



فليش الحين محتجيين موظفين كيوتل ؟!؟!؟


لو بتتكلم عن كيوتل بعد اللي اعرفه رواتب البترول عاليه وزيدوا البترول والله يزيدهم وعندهم كل شي زين بس الخير المفروض يكون للكل

[saad1125]

وقبل هالزيادة

كانت رواتب الوزارات تعبانة
ورواتب مثلا كيوتل فوووق



فليش الحين محتجيين موظفين كيوتل ؟!؟!؟

على فكرة راتب المهندس في كيوتل بعد تريب بين سنة ونص وسنتين يوصل 7300 للعلم
بينما اساسي موظفي الوزارات 8000 قبل الزيادة الفرق في بدل السكن وموظفي الوزارات يحصلون على سكن حكومي يزيد عن بدل السكن في كيوتل والعلاوة الاجتماعية في كيوتل اقل من الوزارات ب 1000 ريال وعلى فكره موظفي كيوتل ما عندهم غير اساسة واجتماعية وسكن وتنقل 1000 ريال هذا راتب المهندس في كيوتل ما راح يطلع راح يطلع انا كنت تجيني عروض من وزارة براتب قريب راتبي كنت ارفضها بس الحين بوافق عليه بعد الزيادة.

[saad1125]

وقبل هالزيادة

كانت رواتب الوزارات تعبانة
ورواتب مثلا كيوتل فوووق



فليش الحين محتجيين موظفين كيوتل ؟!؟!؟

على فكرة راتب المهندس في كيوتل بعد تدريب بين سنة ونص وسنتين يوصل 7300 للعلم
بينما اساسي موظفي الوزارات 8000 قبل الزيادة الفرق في بدل السكن وموظفي الوزارات يحصلون على سكن حكومي يزيد عن بدل السكن في كيوتل والعلاوة الاجتماعية في كيوتل اقل من الوزارات ب 1000 ريال وعلى فكره موظفي كيوتل ما عندهم غير اساسة واجتماعية وسكن وتنقل 1000 ريال هذا راتب المهندس في كيوتل ما راح يطلع راح يطلع انا كنت تجيني عروض من وزارة براتب قريب راتبي كنت ارفضها بس الحين بوافق عليه بعد الزيادة.

[almaf1a]

وقبل هالزيادة

كانت رواتب الوزارات تعبانة
ورواتب مثلا كيوتل فوووق



فليش الحين محتجيين موظفين كيوتل ؟!؟!؟

ما سألت نفسك سؤال اخوي
ليش رواتب كيوتل او البترول اعلى
ومتخيل حجم الطامه لو رواتب الحكومه اعلى من الشركات وش بيصير

[alwahesh]

الخـــــــــــــــــــــــــــــــــــيـــــــــــ ــــــــــــــــــــر جايكم يا كيوتل والبشاره لي !!!!!!!!!!!!!!!!!!!!

ان شاء الله خلال ايام بتسمعون اخبار تسركم والفال للبنوك وفودافون وكل القطريين

[فاطمه55]

الجير جايكم يا كيوتل والبشاره لي !!!!!!!!!!!!!!!!!!!!

ان شاء الله خلال ايام بتسمعون اخبار تسركم والفال للبنوك وفودافون وكل القطريين

الله يسمع منك ان شاء الله لكل القطرين يارب الله يزيد الكل

[saood]

لا توجد شركه تعطي بونس 3 مرات فالسنه

البونس مره واحده في السنه وعلى حسب تقييمك واساسيك فقط

واذا اتقول ان الشركات عندها مميزات مثل التامين الصحي

ارجو منكم التفكير ما بعد التقاعد ؟ شنو راح يصفى لك من الراتب ؟

انا موظف في شركة الكهرباء والماء واساسي الراتب 4700 وصار لي خمس سنوات موظف

افرظ صار عندي ظرف واحالوني للتقاعد كم بيصفى لي من الراتب الاساسي الاجتماعيه ومجموعها كامل 6800 ريال قطر فقط ؟

مع العلم ان الاجتماعيه 2100 ريال قطري فقط

والبونس ما يتعدى دبل اساسي

والاجازات السنويه 22 يوم عمل فقط يعني ما تجي شهر فالسنه

ولا يوجد اجازات الا السنويه فقط

ومع العلم الحضور بالبصمه والدوام الرسمي من 6 لين 2 هذولا للي ثابتين صبح

والله فيه ااشياء واجد بذكرها بعدين

[Amal_QTR]

لو كانت الزياده للجيش و الشرطه و الهيئات و الوزارات بس كنا سكتنا و قلنا يرفعون مستوى الرواتب .. بس ادخال قطر للبترول في الزياده وهم عندهم كل اللي ذكرتوه من تامين صحي و بونس و تعليم للاطفال و بدل تذاكر .. هنا انا اقول القطاع الخاص يستحق حاله حال قطر للبترول ..
اتمنى بو مشعل يكمل فرحتنا بضمه القطاع الخاص و الدوله ممكن تغطي فارق الراتب

واللي معترضين تمنى لاخيك المسلم الخير .. هذي بحدها صدقه :)

[فاطمه55]

لو كانت الزياده للجيش و الشرطه و الهيئات و الوزارات بس كنا سكتنا و قلنا يرفعون مستوى الرواتب .. بس ادخال قطر للبترول في الزياده وهم عندهم كل اللي ذكرتوه من تامين صحي و بونس و تعليم للاطفال و بدل تذاكر .. هنا انا اقول القطاع الخاص يستحق حاله حال قطر للبترول ..
اتمنى بو مشعل يكمل فرحتنا بضمه القطاع الخاص و الدوله ممكن تغطي فارق الراتب

واللي معترضين تمنى لاخيك المسلم الخير .. هذي بحدها صدقه :)


ابي اتاكد صج المصرف الاسلامي عطوهم 10% زياده ؟في موضوع يقول هالشي

[Amal_QTR]

ابي اتاكد صج المصرف الاسلامي عطوهم 10% زياده ؟في موضوع يقول هالشي


ما سمعت .. اللي متاكده منه البنوك ما جاهم شي ..
بس عطوا مجالس الادارات فرصه تجتمع و يمكن ..

لين شهر 1 اذا ما جانا شي .. يعني ماعندهم نيه ..
وانا اتمنى تصير استقالات جماعيه علشان يضغطون عليهم ..

[فاطمه55]

ما سمعت .. اللي متاكده منه البنوك ما جاهم شي ..
بس عطوا مجالس الادارات فرصه تجتمع و يمكن ..

لين شهر 1 اذا ما جانا شي .. يعني ماعندهم نيه ..
وانا اتمنى تصير استقالات جماعيه علشان يضغطون عليهم ..

لاترى المصرف الاسلامي صج في زياده سالت وصج زيادتهم احنا ماوصلنا شي وبنك قطر قالوا يمكن في زياده وانا متاكده ان في زياده لهم لان تابع للحكومه

[catqat]

قد يشعرون بالاحبااط...‏!!‏

شعرنا وخلصنا..وناوين على الاستقااالة اذا مازادونا..

هونيها وتهونين احنا الشعب تحبطنا سنين وجات ع قرار !!!! كل شي راح يبين الشهر الجاي من اللي راح يشمله او لا.

[almaf1a]

10 تكااليف درااسه في مداارس خااصه؟؟!

10 الاف كحد اقصى في السنه للطفل الواحد للسنير ستاف والجنير ماله ولا ريال لعياله
لو اوزنها في مخي
ادرس اعيالي في المستقله ولا ادفع الفرق
يعني خاصيه ما تستفيد منها ابدا

التأمين الصحي
من وجهة نظري افضل المستشفيات كجوده وخبره الحكوميه
للعلم اقصى استفاده اجنيها من التأمين وقت السخونه او الزكام نروح للعيادات الخاصه تفاديا للزحمه
وحاليا الزحمه في العيادات الخاصه اكثر من الحكومي
يعني خاصيه ماتفيدني ايضا

الزيادة لو ماجات للبنوك والشركات الخاصه بنخلي الشركات للاجانب

خلا لك الجو فبيضي واصفري
والزحف قادم لا محالة
على الشركات ان تتدارك الوضع

[Amal_QTR]

10 الاف كحد اقصى في السنه للطفل الواحد للسنير ستاف والجنير ماله ولا ريال لعياله
لو اوزنها في مخي
ادرس اعيالي في المستقله ولا ادفع الفرق
يعني خاصيه ما تستفيد منها ابدا

التأمين الصحي
من وجهة نظري افضل المستشفيات كجوده وخبره الحكوميه
للعلم اقصى استفاده اجنيها من التأمين وقت السخونه او الزكام نروح للعيادات الخاصه تفاديا للزحمه
وحاليا الزحمه في العيادات الخاصه اكثر من الحكومي
يعني خاصيه ماتفيدني ايضا

الزيادة لو ماجات للبنوك والشركات الخاصه بنخلي الشركات للاجانب

خلا لك الجو فبيضي واصفري
والزحف قادم لا محالة
على الشركات ان تتدارك الوضع



بالضبط كلامك صحيح اخوي ..
اقول اليوم لمديري اجنبي .. مافي زياده؟ قالي روحي الحكومه احسن لك ..
هذا اللي يبونه نطلع .. و عقب يقولون مافي قطريين شنسوي لكم .. جيبوا اجانب اكثر ..
انا كقطريه كلش مب مستفيده من ولا ميزه الا التعب ..

[فاطمه55]

بالضبط كلامك صحيح اخوي ..
اقول اليوم لمديري اجنبي .. مافي زياده؟ قالي روحي الحكومه احسن لك ..
هذا اللي يبونه نطلع .. و عقب يقولون مافي قطريين شنسوي لكم .. جيبوا اجانب اكثر ..
انا كقطريه كلش مب مستفيده من ولا ميزه الا التعب ..

انا كقطريه ماياني الا الم الظهر والله ويقولون تقطير وانا ماشوف شي تبون الصراحه

[almaf1a]

بالضبط كلامك صحيح اخوي ..
اقول اليوم لمديري اجنبي .. مافي زياده؟ قالي روحي الحكومه احسن لك ..
هذا اللي يبونه نطلع .. و عقب يقولون مافي قطريين شنسوي لكم .. جيبوا اجانب اكثر ..
انا كقطريه كلش مب مستفيده من ولا ميزه الا التعب ..

اختي الزيادة ان شاء الله جايه لا محالة
لكن هل هي على مستوى الطموح او لا
ننتظر ونشوف :nice:

[بايع بايع]

كذا ظلم مايزيدون القطاع الخاص لانه فرق بالعمل بقطاع الحكومه والخاص
وقطاع الخاص مثلا كيوتل والبنوك شغلهم متعب ويومهم كله بالدوام
نتمنى تشملهم الزياده البنوك وباقي القطاعات والله يستاهلون
والا بتصير فوضى الكل بيهد القطاع الخاص ويتجه الى القطاع الحكومي اريح لهم


والف مبروك على الزياده يا اهل قطر

الحين صار ظلم وين يوم كانت الرواتب اعلى من الحكومه كانوا يسمونها حظوظ

اما العكس صار ظلم

اخوي كلها ارزاق ومافي شي اسمه ظلم واذا نقصت رواتب القطاع الخاص ريال ذيك الساعه يكون ظلم

اما دامه نفس ماهو ترى الموضوع مايعتبر ظلم


وان شاء الله الجهات الخاصة تزيد الرواتب بما بتناسب مع معدلات الرواتب في الدوله حتى مايكون القطاع الخاص اقل من الحكومه ويكونون كل الاخوان راضيين ومافي حد زعلان

[f111242]

يا اخواني وخواتي لحد يفهم اني ضد الزياده للقطاع الخاص بالعكس اتمنى الخير لكل هل قطر وان شاءالله يزيدوكم

بس حبيت اذكر قبل موظفين الحكومه لما طبقوا عليهم قانون الموارد البشريه في شهر 4/2009

والكل تاثر وتخفضت رواتبهم توصل الى 10 الاف ريال مثل موظفي الكهرماء ، وكان قطاع الخاص

هم اعلى من رواتب القطاع العام لدرجه صارت استقالات جماعيه من مهندسي الكهرماء واتجهوا للقطاع

الخاص

ومحد حس بمعاناه موظفي قطاع العام ولا حد تكلم

نعم صار خصم ولاكن صار تعديل على الراتب وتعوضو اكثر من قبل والحين تقريبا رواتب موظفين كهرماء الاعلى بالنسبة للحكومة

[almaf1a]

الحين صار ظلم وين يوم كانت الرواتب اعلى من الحكومه كانوا يسمونها حظوظ

اما العكس صار ظلم

اخوي كلها ارزاق ومافي شي اسمه ظلم واذا نقصت رواتب القطاع الخاص ريال ذيك الساعه يكون ظلم

اما دامه نفس ماهو ترى الموضوع مايعتبر ظلم


وان شاء الله الجهات الخاصة تزيد الرواتب بما بتناسب مع معدلات الرواتب في الدوله حتى مايكون القطاع الخاص اقل من الحكومه ويكونون كل الاخوان راضيين ومافي حد زعلان

حظوظ !! :rolleyes2:

يا اخي اول من طالب في الزيادة لموظفين الحكومه هم موظفين القطاع الخاص
بحت اصواتنا واحنا نقول وضع الموظفين في الحكومه لا يتناسب مع الغلاء الفاحش
والحمدلله جاهم الخير وفرحنا لهم

الان ايضا من حق موظفين الشركات يطالبون بالزيادة
ليس من الدولة
ولكن من اصحاب القرار في الشركات ومجالس اداراتها
تفاديا من خسارة مجهودات القطريين
والشركات هذي بينها وبين الحكومه اتفاقيات على تقطير نسب معينه في شركاتهم
فلو خرج القطريين منها راح يكون موقف الشركات محرج جدا

المضحك في ردك انك تشترط ان يكون الواحد مظلوم فقط في حالة نقصان الراتب :eek5:

[f111242]

وقبل هالزيادة

كانت رواتب الوزارات تعبانة
ورواتب مثلا كيوتل فوووق



فليش الحين محتجيين موظفين كيوتل ؟!؟!؟

انا بتكلم عن تجربة انا عايشتها الفرق بين موظف السنير على الدرجة السابعة وموظف على نفس الدرجة بداية السنير بين كهرماء وكيوتل 3000 الى 2000 تقريبا لاحد يقول رواتب كيوتل قوية وبسنا خرابيط

[almaf1a]

انا بتكلم عن تجربة انا عايشتها الفرق بين موظف السنير على الدرجة السابعة وموظف على نفس الدرجة بداية السنير بين كهرماء وكيوتل 3000 الى 2000 تقريبا لاحد يقول رواتب كيوتل قوية وبسنا خرابيط

كلام سليم
وال ار ايه لموظفين الحكومه برى الحسبه بعد

[Amal_QTR]

كلام سليم
وال ار ايه لموظفين الحكومه برى الحسبه بعد



بالضبط .. الخاص ما يحصل هالميزه و تروح عليه و بدل السكن ما يسكن شقه

[STAR]

اللحين لما احنا بعد طالبنا بالزيادة صرنا نحسدكم..‏!!!‏


والله بعض العقليات تضحك..وفيهم انانية


يبون الزيادة بس لهم...مايبون الخير للكل..

مع اني استانست للي شملتهم الزيادة لكن فرحتي ماكملت

لان الزيادة ماشملت كل القطرييين العاملين في الدولة..

[ولي العهد]

كلام سليم
وال ار ايه لموظفين الحكومه برى الحسبه بعد


قوله كم طلعت لكم اجازة العيد يالحكومي وكم اطلعت حق الي في الخاص؟:telephone:

[ولي العهد]

^
^
^
^
^
وقوله كم ساعه اتداوم يالحكومي وكم ساعه يداوم الخاص ؟

[فاطمه55]

قوله كم طلعت لكم اجازة العيد يالحكومي وكم اطلعت حق الي في الخاص؟:telephone:


الخاص 3 ايام عيد من اخر يوم رمضان وهم يكرفون والافرع اللي بالمولات ثاني يوم عيد يداومون

[فاطمه55]

^
^
^
^
^
وقوله كم ساعه اتداوم يالحكومي وكم ساعه يداوم الخاص ؟


الحكومه بعض الاماكن 1 وبعضها 12 والخاص والله خلص وقت الدوام ماخلص تنثبر تخلص شغلك لين 3 ونص او 4 يروح عليك اليوم

[ولي العهد]

ومع ذالك الله يبارك لهم ويزيدهم

[almaf1a]

قوله كم طلعت لكم اجازة العيد يالحكومي وكم اطلعت حق الي في الخاص؟:telephone:

وزيد على اجازات العيد الاجازه السنويه
الجنير 22 يوم عمل
السنير 30 يوم عمل
ومافي شئ اسمه اجازه عارضه
الاجازات المرضيه حدها 10 ايام والي يزيد يتم خصم الراتب بنسبه
في اشياء كثيرة تخلى عنها الموظف من صحته وتعبه وحياته الاجتماعيه ومستقبله في سبيل الراتب

متى ماصار الراتب غير مغري مقارنة بالحكومه ترك الجميع هذي الوظائف وأتجه للوظائف الحكوميه

[qatari1]

حب لأخيك ما تحب لنفسك.

وادع لأخيك بخير حتى يقول الملك الموكل: ولك بمثل.

واتركوا عنكم هذا الجدال...

في النهاية الأرزاق مقسومة والآجال مكتوبة، ولو تجري يا ابن آدم جري الوحوش في البرية فلن تنل إلا ما كتبه الله لك.

[حيهور]

رواتب كيوتل قليلة مقارنة مع قطاع ا لصناعة


الان نفس الحكومة والاساسي في الحكومة اقوى وار اي الاسكان ميزة حلوة للجنير والسنير

[بايع بايع]

حظوظ !! :rolleyes2:

يا اخي اول من طالب في الزيادة لموظفين الحكومه هم موظفين القطاع الخاص
بحت اصواتنا واحنا نقول وضع الموظفين في الحكومه لا يتناسب مع الغلاء الفاحش
والحمدلله جاهم الخير وفرحنا لهم

الان ايضا من حق موظفين الشركات يطالبون بالزيادة
ليس من الدولة
ولكن من اصحاب القرار في الشركات ومجالس اداراتها
تفاديا من خسارة مجهودات القطريين
والشركات هذي بينها وبين الحكومه اتفاقيات على تقطير نسب معينه في شركاتهم
فلو خرج القطريين منها راح يكون موقف الشركات محرج جدا

المضحك في ردك انك تشترط ان يكون الواحد مظلوم فقط في حالة نقصان الراتب :eek5:

اخوي لما اقولك راتبك الف ريال .. وبعد سنه اجي انقصه لك .. يكون ظلم

اما لو تطالبني ازيده وماازيده لك ... هل يعتبر ظلم ؟!!

لانك مخير في وظيفتك وتقدر تنتقل لغيرها اذا ماتوفرة الفرصه المناسبة

فلما كانت هذه الوظيفة يعتبر راتبها من الرواتب العالية كنت استانس ولما غيري صار راتبه اعلى مني قمت اقول اني مظلوم

هي فلسفة حياة ونظره قناعه لا اكثر

بعيده عن الاوصاف اللي نحب نشوف نفسنا فيها (( مظلومين ))

بمعني ثاني عقدة الظلم

[almaf1a]

اخوي لما اقولك راتبك الف ريال .. وبعد سنه اجي انقصه لك .. يكون ظلم

اما لو تطالبني ازيده وماازيده لك ... هل يعتبر ظلم ؟!!

لانك مخير في وظيفتك وتقدر تنتقل لغيرها اذا ماتوفرة الفرصه المناسبة

فلما كانت هذه الوظيفة يعتبر راتبها من الرواتب العالية كنت استانس ولما غيري صار راتبه اعلى مني قمت اقول اني مظلوم

هي فلسفة حياة ونظره قناعه لا اكثر

بعيده عن الاوصاف اللي نحب نشوف نفسنا فيها (( مظلومين ))

بمعني ثاني عقدة الظلم

هل موظفين الحكومه كانوا مظلومين قبل الزيادة؟
ان كان نعم فالموضوع فيه تناقض اخوي
ان كان لا فنحن لسنا بمظلومين ونطالب بالزيادة ايضا :nice:

[الألماسي]

ايام مواضيع تسديد الديون ظهرت لنا فئه ضد تسديد الديون . .

و الان تظهر فئه ضد زياده اخوانهم القطريين بالقطاع الخاص . .

اول كنت اتصور ان العمليّه مجرد اختلاف في وجهات النظر و لكن الان اتضحت لي الصوره قليلاً . .

كيوتل - البنوك و غيره من القطاعات الخاصه ستشملها الزياده و سيصبح الفارق كـ القديم تقريباً . .

بالنهايه ( حب لأخيك ما تحبه لنفسك ) . . اذا مو أنت في قطاع خاص اكيد لك اخ ولد عم خال عم ولد . . اذا الحسد انتشر حتى لأقرب الناس هذه و الله المصيبه

بالتوفيق للجميع سواءاً قطاع خاص / عام / عسكري / مدني

كلكم في خدمه هـذا البلد . .

[snood]

لما كانت رواتب الوزارات الحكومية 6000 و7000 ورواتب زملائهم في الهيئات والجهات الاخرى تبدا من 16 و20 و30 الف واكثر من ذلك

الجرايد كانت ساكته ومسويه تعتيم على الوزارات وماسووت الضجه اللي نشوفها اليوم وكئن اللي شغالين في الوزارات مهب متواجدين في قطر

احنا دائما نقول مش كل الشركات مش كل الشركات مش كل الشركات مش كل الشركات



مش كل الشركات مش كل الشركات مش كل الشركات مش كل الشركات رواتبهم


نفس الشي احنا في كروة سواقين الباصات للمدارس يعني بالعربي نخدم التعليم ما تزيد

رواتبنا 5000 ريال انتوا ليش حاسدين حتى بالنوايا الحسنة

[STAR]

هاه متى دورنا؟‏!‏

[R 7 A L]

ايام مواضيع تسديد الديون ظهرت لنا فئه ضد تسديد الديون . .

و الان تظهر فئه ضد زياده اخوانهم القطريين بالقطاع الخاص . .

اول كنت اتصور ان العمليّه مجرد اختلاف في وجهات النظر و لكن الان اتضحت لي الصوره قليلاً . .

كيوتل - البنوك و غيره من القطاعات الخاصه ستشملها الزياده و سيصبح الفارق كـ القديم تقريباً . .

بالنهايه ( حب لأخيك ما تحبه لنفسك ) . . اذا مو أنت في قطاع خاص اكيد لك اخ ولد عم خال عم ولد . . اذا الحسد انتشر حتى لأقرب الناس هذه و الله المصيبه

بالتوفيق للجميع سواءاً قطاع خاص / عام / عسكري / مدني

كلكم في خدمه هـذا البلد . .




لله درك يا أخي

[الدوحة 2010]

مافي اخبار جديدة عن كيوتل والبنوك للحين اللي عندك خبر يفرحنا

[فاطمه55]

مافي اخبار جديدة عن كيوتل والبنوك للحين اللي عندك خبر يفرحنا

انا قريت في جريدة الشرق كاتبين عن كيوتل 50/50 يبون الحقيقه عن زيادة كيوتل بس ماقالوا شي عن البنوك لين الحين الله المستعان

[بـنـت ڪرز]

الخبر اللي مكتوب عن كيوتل في جريدة الشرق مب خبر اكيد .. بس كاتبين ان يتردد ان في زياده فقط على العلاوه الاجتماعيه بنسبة 180%

لو كان الخبر صحيح اشوف هاي ظلم واتمنى الموظفين مايسكتون عن هالشي .. خاصه ان القطريين اللي يشتغلون في كيوتل عددهم قليـل جدا وماشوف ان هالقرار ينصفهم هذا *لو لو كان الخبر صحيح*

[alwahesh]

الخبر اللي مكتوب عن كيوتل في جريدة الشرق مب خبر اكيد .. بس كاتبين ان يتردد ان في زياده فقط على العلاوه الاجتماعيه بنسبة 180%

لو كان الخبر صحيح اشوف هاي ظلم واتمنى الموظفين مايسكتون عن هالشي .. خاصه ان القطريين اللي يشتغلون في كيوتل عددهم قليـل جدا وماشوف ان هالقرار ينصفهم هذا *لو لو كان الخبر صحيح*

اول شي عدد القطريين في كيوتل اكثر من 500 موظف وهذا غير المتدربين الصغار

وبالنسبه للزياده 180% اعتقد هذا حلم كل القطريين سواء في كيوتل او اي شركه غيرها

لان العلاوه الاجتماعيه مع الاساسي لما بعد التقاعد

العوض ولا الحريمه ولو انا مكانهم احمد ربي الف مره واشكره وارضى بزياده لو 1000 ريال

[saad1125]

اول شي عدد القطريين في كيوتل اكثر من 500 موظف وهذا غير المتدربين الصغار

وبالنسبه للزياده 180% اعتقد هذا حلم كل القطريين سواء في كيوتل او اي شركه غيرها

لان العلاوه الاجتماعيه مع الاساسي لما بعد التقاعد

العوض ولا الحريمه ولو انا مكانهم احمد ربي الف مره واشكره وارضى بزياده لو 1000 ريال


فرق كبير بين الاساسي والعلاوة الاجتماعية
العلاوة الاجتماعية ما تزيد كل سنة --- العلاوة الدورية للراتب الاساسي فقط
العلاوة الاجتمعاية 3500 لكبار الموظفين في كيوتل وبتالي الزيادة راح تكون مبلغ بسيط
عدد الموظفين في كيوتل اقل بكثير من 40 % من اجمالي الموظفين
معظم الوظائف الفنية والهندسية مازال يشغلها اجانب بسبب تدني الحوافز للمهندسين في الشركة بالمقارنة مع قطاع الغاز والنفط
الوظائف في شركات الاتصالات اصبحة تتطلب مهارات وخبرات نظراً للمنافسة الكبيرة في هذا القطاع

[almaf1a]

اكبر ظلم لو صارت الزيادة على الاجتماعيه فقط
العلاوات الدوريه في كل سنة بتظل تزيد على ثلاثمية ريال
بينما الجميع يزيد بالستمية ريال على نفس الدرجة في الحكومه

الزحف قادم لو ما كانت في الاساسي




اول شي عدد القطريين في كيوتل اكثر من 500 موظف وهذا غير المتدربين الصغار

وبالنسبه للزياده 180% اعتقد هذا حلم كل القطريين سواء في كيوتل او اي شركه غيرها

لان العلاوه الاجتماعيه مع الاساسي لما بعد التقاعد

العوض ولا الحريمه ولو انا مكانهم احمد ربي الف مره واشكره وارضى بزياده لو 1000 ريال

الف ريال لايكون تحسبهم حماليه

[alwahesh]

فرق كبير بين الاساسي والعلاوة الاجتماعية
العلاوة الاجتماعية ما تزيد كل سنة --- العلاوة الدورية للراتب الاساسي فقط
العلاوة الاجتمعاية 3500 لكبار الموظفين في كيوتل وبتالي الزيادة راح تكون مبلغ بسيط
عدد الموظفين في كيوتل اقل بكثير من 40 % من اجمالي الموظفين
معظم الوظائف الفنية والهندسية مازال يشغلها اجانب بسبب تدني الحوافز للمهندسين في الشركة بالمقارنة مع قطاع الغاز والنفط
الوظائف في شركات الاتصالات اصبحة تتطلب مهارات وخبرات نظراً للمنافسة الكبيرة في هذا القطاع

عزيزي

انا اتق معاك ولكن تعال نحسبها مره ثانيه

العلاوة الاجتماعيه 3500 وناس 4500

3500 + 180% ( 6300)= 9800 ريال

ولو تحسب الزياده السنويه شوف كم سنه تحتاح لين يزيد راتبك 6300 على فرض ان الزياده 120-150 ريال في السنه ( تقريبا 40 سنه )

ولو تفكر في البونص فهذه الميزه ليست دائمه وممكن توقفها الشركه لاي سبب

وبخصوص التذاكر يقولون ان هناك دراسه واتفاقيه مع القطريه ان الشركات تفتح حساب مع القطريه لمبلغ معين على حسب درجته والموظف يختار الجهة او الدرجه او الخ

[AL.SHMOKH]

بالنسبة للي ماخذين فكرة عن رواتب البنوك العاليه وكيوتل ترى كلله كلام انا اعرف نااس بنك قطر الوطني اثانوية 11 الف الراتب وكول سنتر وكرف وقدمت استقالتها بعد وكيوتل مايتعدى عشر الاف واللي فوق العشر الاف يكون ضربة حظ اذا موظف او موظفة جديدة محصلين شاغر او مسمى كبير وحطوهم او المناصب العليا فقط رواتبهم عالية والمهندسين والله يهنيهم وبالنسبة للبونس للي توهم ثانوية وصار لهم كم سنة يشتغلون مرة بالسنة ينزل البونس مايتعدى 13الف للتوضيح للي ماخذين فكرة عن هالاماكن وبالنهاية يترتب على سنوات ا لخبرة والموهلات احنا قبل لانشتغل بالجهات الخاصة كنا نفس النظرة يوم اشتغلنا عرفنا وفهمنا من 7 لي 3 اذا الشغل واايد نقعد اككثر الاجازات مافي لا خمس اواخر ولاحاجة برمضان الاجازة السنوة 23 يوم والحمد لله على كل حال والله يبارك للجميع وبالنهاية هذا رزق والانسان يقول الحمد لله على كل حال الحمد لله الحمدلله الحمد لله حمدا كثيرا

[بـنـت ڪرز]

الوحش

من وين جبت الـ 9800 ؟ مافهمت :eek5:

فرضا الناس اللي علاوتهم الاجتماعيه 3500 .. بتكون العلاوه بعد الزياده 6300

يعني بس بتزيد 2800 في إجمالي معاشك

ماتوقع هالشي راح يرضيني لو كنت موظفه في كيوتل! مقارنه بناس نفس تخصصي ونفس دراستي وسنوات الخبره زادوا من 4 الى 8 آلاف

[فاطمه55]

مافي شي عن البنوك ؟

[فاطمه55]

مافي اي خبر؟

[alwahesh]

مافي اي خبر؟

راعي الكرسي بعده ما رجع ان الله مع الصابرين

والخير بيعم كل القطريين لا تحاتين

وللعلم يقولون ان الزياده بتعم الكل القطريين وغيرهم بس النسب تتفاوت

[alwahesh]

الوحش

من وين جبت الـ 9800 ؟ مافهمت :eek5:

فرضا الناس اللي علاوتهم الاجتماعيه 3500 .. بتكون العلاوه بعد الزياده 6300

يعني بس بتزيد 2800 في إجمالي معاشك

ماتوقع هالشي راح يرضيني لو كنت موظفه في كيوتل! مقارنه بناس نفس تخصصي ونفس دراستي وسنوات الخبره زادوا من 4 الى 8 آلاف



العلاوه 3500
الزياده 6300 = 180%
-------------------------
الناتج 9800

هذا وانتي مدرسة رياضيات

تحياتي

[فاطمه55]

راعي الكرسي بعده ما رجع ان الله مع الصابرين

والخير بيعم كل القطريين لا تحاتين

وللعلم يقولون ان الزياده بتعم الكل القطريين وغيرهم بس النسب تتفاوت

الله يسمع منك انا ماتم شي ماكتبته عن القطاع الخاص مادري شاسوي اكثر

[alwahesh]

لا تحاتين يا فاطمه الخير جايكم


وتوقعي الزياده في الراتب وبدون اعلان بتوجيهات من رئيس مجلس الاداره الشهم الكريم

وطويل العمر

الشيخ سعود بن ناصر ال ثاني - الرئيس التنفيذي

[فاطمه55]

لا تحاتين يا فاطمه الخير جايكم


وتوقعي الزياده في الراتب وبدون اعلان بتوجيهات من رئيس مجلس الاداره الشهم الكريم

وطويل العمر

الشيخ سعود بن ناصر ال ثاني - الرئيس التنفيذي


الله يبشرك بالخير الحين ماحس بالتعب والله اشدعوه الزياده مايات ههههههههه

يالله كل شي مكتوب وان شاء الله ربي يكتب اللي فيه الخير يارب

[جمال اليافعي]

العلاوه 3500
الزياده 6300 = 180%
-------------------------
الناتج 9800

هذا وانتي مدرسة رياضيات

تحياتي

:nice::nice::nice::nice::nice:

[alwahesh]

:victory::victory::victory::victory::victory::vict ory:

[نبض الخفوق]

لا تحاتين يا فاطمه الخير جايكم


وتوقعي الزياده في الراتب وبدون اعلان بتوجيهات من رئيس مجلس الاداره الشهم الكريم

وطويل العمر

الشيخ سعود بن ناصر ال ثاني - الرئيس التنفيذي

الله يكتب فيه الخير وتعم الفرحة على القطريين في كيوتل

[فاطمه55]

والبنوك :(

[بـنـت ڪرز]

العلاوه 3500
الزياده 6300 = 180%
-------------------------
الناتج 9800

هذا وانتي مدرسة رياضيات

تحياتي


هم قالوا 180% من العلاوه الاجتماعيه "على" العلاوه الاجتماعيه ؟

ولا قالوا ان الزياده 180% من العلاوه الاجتماعيه ؟

انا اللي فهمته الثاني! ... يعني 3500 ضرب 180 على 100 = 6300

لان الناس كلهم حسبوا رواتبهم الاساسيه والعلاوه بهالمعادله .. اللهم التغيير بدال 180 نحط 60 .. بس انتوا ليش خذتوا الناتج بعد الزياده وجمعتووه على العلاوه القديمه؟ :confused:

ممكن التوضيح بليز؟ :secret:

[Miss Merna]

بعض الموظفات علاواتهم الاجتماعيه 2000 فقط للتوضيح لااكثر

[Miss Merna]

بعض الموظفات جامعيات وخبره وبدرجه سنيار علاوتهم الاجتماعيه 2000 ريال فقط

[العميد الركن]

اكثر ناس مظلومين اهل البنوك

شغلهم متعب اكثر من العسكريه

ومعاشاتهم مب لذاك الزود كلمة الحق تنقال

ثنوي يستلم 10 الاف

جامعي 16 الف

احين معاشات الحكومة صارت ثنوية 15 الف

وجامعي 22 الف

اذا مازادوا البنوك بتكون هناك هجرة جماعيه

[الدوحة 2010]

اكثر ناس مظلومين اهل البنوك

شغلهم متعب اكثر من العسكريه

ومعاشاتهم مب لذاك الزود كلمة الحق تنقال

ثنوي يستلم 10 الاف

جامعي 16 الف

احين معاشات الحكومة صارت ثنوية 15 الف

وجامعي 22 الف

اذا مازادوا البنوك بتكون هناك هجرة جماعيه



حتى في كيوتل نفس الحالة

[alwahesh]

هم قالوا 180% من العلاوه الاجتماعيه "على" العلاوه الاجتماعيه ؟

ولا قالوا ان الزياده 180% من العلاوه الاجتماعيه ؟

انا اللي فهمته الثاني! ... يعني 3500 ضرب 180 على 100 = 6300

لان الناس كلهم حسبوا رواتبهم الاساسيه والعلاوه بهالمعادله .. اللهم التغيير بدال 180 نحط 60 .. بس انتوا ليش خذتوا الناتج بعد الزياده وجمعتووه على العلاوه القديمه؟ :confused:

ممكن التوضيح بليز؟ :secret:



هلا وغلا اختي

لو فرضنا ان راتبج 10000 والزياده 60%

= 6000 ريال


يعني الراتب الجديد يكون 6000 ريال

16000 ريال للاساسي

[alwahesh]

الف الف الف الف الف الف الف

وصلتنا اخبار حلوه عن كيوتل


60 % اساسي + 60 الاجتماعيه

[فاطمه55]

الف الف الف الف الف الف الف

وصلتنا اخبار حلوه عن كيوتل


60 % اساسي + 60 الاجتماعيه

يستاهلون مبروك والبنوك :(
مافي شي لين الحين مادري شنو موضوعهم الصراحه
شكلنا بنطلع

[MoHaMmEd114]

الف الف الف الف الف الف الف

وصلتنا اخبار حلوه عن كيوتل


60 % اساسي + 60 الاجتماعيه

إشاعة وانا اقولكم ماكو زيادة تحطيم

[QZL]

الف الف الف الف الف الف الف

وصلتنا اخبار حلوه عن كيوتل


60 % اساسي + 60 الاجتماعيه


الوحش ان شاء الله يكون صدق

انا اليوم وصلني برودكاست انه تمت الموافقة


مادري صدق ولا اشاعة من اشاعات البلاك بيري

الله يفرحنا ويفرح كل اللي في القطاع الخاص

[QZL]

إشاعة وانا اقولكم ماكو زيادة تحطيم

اللـه كريم

[alwahesh]

إشاعة وانا اقولكم ماكو زيادة تحطيم

ليش كا هاليأس يا محمد

بعدك صغير والفرص قدامك


موضوع الزياده هذا مفروغ منه وشي اكيد 100%

لانه قرار اميري ومب قرار عادي


لكن كم وكيف واشلون مسألة وقت


الزياده كانت للشرطه والجيش ووصلت الى موظفي الحكومه وان شاء الله جاييكم الدور
ويصيدكم الراش

ان الله مع الصابرين

[alwahesh]

الوحش ان شاء الله يكون صدق

انا اليوم وصلني برودكاست انه تمت الموافقة


مادري صدق ولا اشاعة من اشاعات البلاك بيري

الله يفرحنا ويفرح كل اللي في القطاع الخاص



القرار مب بيدي وانا مثلكم توصلني مسجات من الشباب والكل نافخ صدره وياكد المصدر


ولكن اعيد واكرر

موضوع الزياده ان شاء الله محتوم وبقرار من الامير للقطريين

[فاطمه55]

القرار مب بيدي وانا مثلكم توصلني مسجات من الشباب والكل نافخ صدره وياكد المصدر


ولكن اعيد واكرر

موضوع الزياده ان شاء الله محتوم وبقرار من الامير للقطريين



ان شاء الله يكون للكل يارب

[STAR]

مافي أخبار عن البنوك‏?‏‏!‏:telephone:

[فاطمه55]

مافي أخبار عن البنوك‏?‏‏!‏:telephone:

والله قالوا لي اتفائل خير وانا حاليا متفائله خير

[MoHaMmEd114]

مافي شي والحمدالله نحن في نعمة والخير جاي للكل

[alwahesh]

مافي شي والحمدالله نحن في نعمة والخير جاي للكل

الله يوفقك ويوفق القطريين المحرومين من الفرحه

[نبض الخفوق]

الف الف الف الف الف الف الف

وصلتنا اخبار حلوه عن كيوتل


60 % اساسي + 60 الاجتماعيه


متى سيتم الاعلان عنها اخوي الله يفرح قلبك والله وكل قطري

[alwahesh]

عزيز وغالي

المسؤلين منتظرين شوي لين توصل احلام الموظفين الى 1000% او 2000%

الاشاعات هلكتنا والمسجات والكل يقول الصدر موثوق ومعروف

والنسبه وصلوها الى 400 %

وين احنا في مزاد ارقام كيوتل رقم ب 11 مليون

انا اعترف بأني استعجلت في الكتابه

ولكن ارد واقول لا يأس مع الحياة ولا حياة مع اليأس

والخير جايكم جايكم

قرار بومشعل محد كفو يرده

[STAR]

الوحش انت من وين تجيب هالاخباااار؟!!‏

[الدوحة 2010]

عزيز وغالي

المسؤلين منتظرين شوي لين توصل احلام الموظفين الى 1000% او 2000%

الاشاعات هلكتنا والمسجات والكل يقول الصدر موثوق ومعروف

والنسبه وصلوها الى 400 %

وين احنا في مزاد ارقام كيوتل رقم ب 11 مليون

انا اعترف بأني استعجلت في الكتابه

ولكن ارد واقول لا يأس مع الحياة ولا حياة مع اليأس

والخير جايكم جايكم

قرار بومشعل محد كفو يرده




كفو والله

[alwahesh]

الوحش انت من وين تجيب هالاخباااار؟!!‏



الثوار وصلوا الى الشركات التابعه ل qp وحرروا شركاتهم وتوفقوا لان اليوم قريت خبر سار في موضوع للاخ القائد مضارب دوسري وزادوهم ال 60 %


والفال لكم يا ثوار البنوك وكل الشركات

[alwahesh]

هناك فئة مظلومة وهم المتقاعدين في كيوتل والمؤسسات اللي ما تشملهم الزياده وبعضهم رواتبهم ما تتجاوز 4000 ريال كاجمالي راتب

المقرود مقرود


وفي منهم الي انتقلوا الى qp ولكن ما عجبهم الوضع ولا الدوام وطلعوا منها بعد شهرين من التعيين

[alwahesh]

كفو والله



يقولون ان الشباب الي يداومون في الصناعيه iec لهم علاوه خاصه


بدل تكسر رنجات وبدل خطر

[استغفرالله]

يستاهلون كل خير

ان شاء الله الخير جايهم

[الدوحة 2010]

متى سيتم اصدار قرار رسمي في موظفين كيوتل

[alwahesh]

ان شاء الله الخير جاي لكل القطريين

[فاطمه55]

ان شاء الله الخير جاي لكل القطريين

الله يسمع منك ويعم الكل يارب

[MoHaMmEd114]

اقروا خبر الجريدة

مافي زيادة لكيوتل

[khalid_qr]

المشكله ان المسؤولين واصحاب القرار فالشركات الخاصه رواتبهم توصل الى 100 الف ومب هامهم ولايفكرون في الموظف العادي بس مايدرون ان اذا مارفعوا الرواتب بيخسرون هالكوادر الوطنية اللي عندهم وماعتقد بعد ان يهمهم هالشي لكن الوعد لين اخر السنه اذا مافي شي الهجره يالربع حق الحكومه زينه ترى واوصيكم في وزارة البلدية ووزارة البيئه سهالااااااات الدوام وخلوهم فالقطاع الخاص ياكلون هوا

[بـنـت ڪرز]

مافي زياده لكيوتل .. والله كنت اتمناها لربعي :( .. الله يعوضهم خير

http://www.alarab.qa/details.php?issueId=1370&artid=150609

[MoHaMmEd114]

مافي زياده لكيوتل .. والله كنت اتمناها لربعي :( .. الله يعوضهم خير

http://www.alarab.qa/details.php?issueid=1370&artid=150609

قلتها قبل ومحد صدقني

[امل الحب]

قلتها قبل ومحد صدقني

مصدقينك ونعرف انها ما تفرق وياهم اذا كل شخص فالادارة العليا رواتبهم 100000 + اذا مو اكثر غير البدلات ووو الخ .. شنو الي فارق وياهم ويداومون وقت ما يبون وطول اليوم برا بلفيت اجتماعاات وشغل ..

وانت يالموظف اقعد واكرف 8 ساعات واذا زادت مو مشكلة هااي شغلك مو مشكلتهم .. عشان كيوتل تطلع فوق..

:) اول بتالي هم الخسرانين .. خل نسبة التقطير الي يتكلمون عنها 35% تنفعهم عقب ..

شركات ثانية غير تابعة للكيوبي اتخذت قرار عاجل امس ونزلت القرار للمحافظة على موظفيها .. شنو فرق كيوتل عنهم..

ترقيات مافي وزيادات مافي .. شنو الي يجبرنا نبقى !

[MoHaMmEd114]

صباح الخير يالجوية

الحين اقدم استقالتي

باي باي ياكيوتل

[فاطمه55]

صباح الخير يالجوية

الحين اقدم استقالتي

باي باي ياكيوتل

الله يوفقك وان شاء الله يرجعون في قرارهم

[مستثمر 999]

مصدقينك ونعرف انها ما تفرق وياهم اذا كل شخص فالادارة العليا رواتبهم 100000 + اذا مو اكثر غير البدلات ووو الخ .. شنو الي فارق وياهم ويداومون وقت ما يبون وطول اليوم برا بلفيت اجتماعاات وشغل ..

وانت يالموظف اقعد واكرف 8 ساعات واذا زادت مو مشكلة هااي شغلك مو مشكلتهم .. عشان كيوتل تطلع فوق..

:) اول بتالي هم الخسرانين .. خل نسبة التقطير الي يتكلمون عنها 35% تنفعهم عقب ..

شركات ثانية غير تابعة للكيوبي اتخذت قرار عاجل امس ونزلت القرار للمحافظة على موظفيها .. شنو فرق كيوتل عنهم..

ترقيات مافي وزيادات مافي .. شنو الي يجبرنا نبقى !



اختي الصبر مفتاح الفرج

راعي القرار بعده مسافر وهو معروف بالكرم والجود

وانا متأكد انه ما راح يسكت او انه ما يسوي شي

هو الي اطلق على كيوتل ( الاسره او العائله )

يعني هو الوالد والموظفين القطريين عياله تاريخه يشهد وما عمره رد موظف قطري اشتكى
ويرقيهم بدل الترقيه ترقيتين او علاوه خاصه

[بـنـت ڪرز]

اختي الصبر مفتاح الفرج

راعي القرار بعده مسافر وهو معروف بالكرم والجود

وانا متأكد انه ما راح يسكت او انه ما يسوي شي

هو الي اطلق على كيوتل ( الاسره او العائله )

يعني هو الوالد والموظفين القطريين عياله تاريخه يشهد وما عمره رد موظف قطري اشتكى
ويرقيهم بدل الترقيه ترقيتين او علاوه خاصه

:secret: :rolleyes2:

[هدى السليطي]

أن شاء الله موظفي كيوتل تشملهم الزيادة

[alwahesh]

اختي الصبر مفتاح الفرج

راعي القرار بعده مسافر وهو معروف بالكرم والجود

وانا متأكد انه ما راح يسكت او انه ما يسوي شي

هو الي اطلق على كيوتل ( الاسره او العائله )

يعني هو الوالد والموظفين القطريين عياله تاريخه يشهد وما عمره رد موظف قطري اشتكى
ويرقيهم بدل الترقيه ترقيتين او علاوه خاصه


والنعم به والله يرده لديرته بالسلامه

:nice::nice::nice::nice::nice::nice:

[saad1125]

اختي الصبر مفتاح الفرج

راعي القرار بعده مسافر وهو معروف بالكرم والجود

وانا متأكد انه ما راح يسكت او انه ما يسوي شي

هو الي اطلق على كيوتل ( الاسره او العائله )

يعني هو الوالد والموظفين القطريين عياله تاريخه يشهد وما عمره رد موظف قطري اشتكى
ويرقيهم بدل الترقيه ترقيتين او علاوه خاصه

على فكرة رد من السفر من كم يوم هو وكل الموظفين المسافرين

[فاطمه55]

ياريت انا اسافر خخخخخخخخخخخخخخ

[STAR]

الله كريم...

[alwahesh]

الي من الله حياه الله

[MoHaMmEd114]

اخرالاخبار

وقفت الاشاعات وارتحنا من. القيل والقال بخصوص كيوتل

الحمدالله على النعمه

[فاطمه55]

ان شا الله نسع شي عن البنوك ويارب يرجعون في قرارهم

[فاطمه55]

مافي اي خبر بجريدة اليوم

[حيهور]

وين وصلتوا ؟

اعتقد الزيادات للبعض والبعض الى الان يتأمل ويحلم

الله يرزقكم ان شاء الله

وكلكم تستاهلون والله

[فاطمه55]

وين وصلتوا ؟

اعتقد الزيادات للبعض والبعض الى الان يتأمل ويحلم

الله يرزقكم ان شاء الله

وكلكم تستاهلون والله

البنوك وبعض الشركات لين الحين يتأملون وان شاء الله خير

[هدى ورحمه]

البنوك وبعض الشركات لين الحين يتأملون وان شاء الله خير


الاسبوع القادم سيعلن اول بنك زياده الرواتب ترقبوني. . .<<< محشش:nice:

[alwahesh]

الاسبوع القادم سيعلن اول بنك زياده الرواتب ترقبوني. . .<<< محشش:nice:


اذا تقصدين qnb اقول لج الله يخلي الفوتوشوب


كتاب رسمي من المصرف المركزي - تعميم - بتغير نسبة الفائده على القروض والغاء البنوك الاسلاميه التابعه للبنوك الربويه


التعميم بدون توقيع


ولكن ان شاء الله الخير يعم القطريين

بس خفوا اللعب شوي وخاصه كيوتل
لأن بكره يقولون

وجنت على نفسها براقش من كثر الاشاعات ونشر الجرايد لاخبار مغلوطه والخ الخ الخ

[almaf1a]

الوحش مره يقول الخير جايكم ومره يقول مافي لكم شئ
والي يضبط معاه يقول أنا قايلكم

[بـنـت ڪرز]

الوحش مره يقول الخير جايكم ومره يقول مافي لكم شئ
والي يضبط معاه يقول أنا قايلكم

ههههههههههههههههههههههههههههههههههههههههههههههههه وانت الصاج

[doha70999]

ان شاء الله الخير يعم الجميع