@@@ ياريت التاكد قبل المقاطعة ونشر الاشاعات @@@

[Bo jassim]

السلام عليكم
بسم الله والحمدلله والصلاة ع رسول الله

اتصلت ف ماكدونلدز و مطعم الخيمة بعد نشر الاشاعة برفع الاسعار
واخبروني ان الاسعار كما هي وان مطعم الخيمة زاد السعر في شهر 3 ؟؟


ودي يكون التريث والتاكد والله الموفق ع هال الحملة المباركة:victory:*

[عندليب قطر]

انا معاك لازم الواحد يتاكد
الظلم مهب زين

[ابوعلي]

صدقت خوي المفترض اي شخص يكتب عن تجربة شخصية وليس نقل عن اشخاص لان نشر خبر غير مؤكد يكون ظلم لاصحاب المحلات الملتزمين بالاسعار السابقة

[Miss]

بعضهم راحوا بنفسهم وشافوا ..
التأكد مطلووب مثل ما قلت .. وان شاء الله تكون هالاشاعه بداية تهديد للي يبغي يرفع الاسعار

[بومحمد911]

والله اني مستانس من الناس الي توقف في وجهه كل تاجر طماع وجشع

خلاص طفح الكيل لازم نوقف وقفة وحدة في وجهه من يرفع الاسعار ونقاطعهم

[عيون الدوحة]

اليهال ماتو من الصياح يبون هابي ميل ماكدونلز ( أنا راح أقاطعة سوى رفع ولا تم على سعره )
قلت لهم اوكي رحت ورجعت ومعاي أكياس الميره

شبس + بوب كورن + نجتتس + برغر :nice:

قلت لهم تفضلو إلى يبي يتعشى حياه والي مايبي يرقد بدون عشى بكيفة

:shy:
تصدقون كلوة كله عكس علب ماكدونلز الشبس يبقى وكل واحد بس حبه ولا ثنتين نجتس ياكل
:rolleyes2:

وفي أشياء كثير في سلوكياتنا تعلموها الأطفال ولازم نغيرها

[Rosy]

مشكوور اخوي على التنبيه, للاسف البلاك بيري وسيله سريعه لنشر الاشاعات

[نــويصــر]

صحيح لان بعض المحلات ممكن ينظلمون وهم مالهم خص




اخوي عيون الدوحه جيك الخاص

[f@bulous]

اخوي والله انك سبقتني ونزلت الموضوع
انا اليوم تاكدت من سعر وجبة الاطفال ف ماكدونالدز وسعرها 11 ريال بعد مب 12 ريال
نفس ماقالوا انه مزيدها لين 14 من 12 ريال

ياجماعه هذي فيها قطع ارزاق المفروض قبل لايتكلم اي حد عن محل او مطعم او اي شي يكون متاكد
انا مااقول خلهم يستغلونا بس بعد مب زين نتبلى ع الناس
الغالي بنقول عنه غالي وبنقاطعه بعد

اتمنى من الكل يتاكد قبل لايقول اي شي

[ابوالكلام]

جزاكم الله خير وانا مع الربع كلنا مقاطعين وانشاء الله الى الامام وكلنا يد وحدة

[دربوه]

اايدكم ومعاكم قلبا وقالبا

ولاتفتحوا مجال لظلم التجار

[همسه]

صحيح لازم نتأكد قبل ننشر خبر و يكون اشاعه كاذبه و نظلم

لكن يمكن فعلا كانو رافعين السعر ولما عرفو عن المقاطعه رجعو السعر القبلي ثاني شي على قولتك مطعم الخيمه رافع السعر من شهر 3 خله يتأدب و يرجع ينزل السعر لاتحاتون التجار احنا اللي نكسر الخاطر مب هم

[بعيد النظر]

وانا من الناس الي وصلني برودكاست ..
عن مغسلة سبورت ! وقالو انهم رفعو سعرها !

ويوم رحت الا السعر هو هو ما تغيير ..


اتمنى من الكل انه يتاكد قبل ينشر هـ الاشاعات ..
ويعطييك العافية اخوي

[shaker]

السلام عليكم
بسم الله والحمدلله والصلاة ع رسول الله

اتصلت ف ماكدونلدز و مطعم الخيمة بعد نشر الاشاعة برفع الاسعار
واخبروني ان الاسعار كما هي وان مطعم الخيمة زاد السعر في شهر 3 ؟؟


ودي يكون التريث والتاكد والله الموفق ع هال الحملة المباركة:victory:*


اخوي ابو جاسم انت صدقت في كلامك بس مطعم الخيمة كذبوا عليك

توهم رافعين الاسعار في رمضان واحتمال جايهم خبر عن الزيادات وارفعوا الاسعار

قبل الزيادة انا دوم امر عليهم اخذ من عندهم ام علي ومطارة ماي وكان سعر ام علي 10 ريال

ومطارة الماي ب 1 ريال الحين زادوا مطارة الماي صارت بريالين وام علي صارت ب 12 ريال

ومستعد اروح لهم انا وانت واكد لك كلامي

[حسن]

للاسف في ناس ان معه ولا بس مسوي فيها انه فاهم سواء في كل شي ومن يسمع خبر يخور وينجب معاهم مره اكتشفت واحد معانه في المنتدي ولما قلت له ها رحت معاهم قالي لا بس كلام خرابيط استغربت منه ليش تحرض على شي وانت تكذب عليهم وكان الموضوع عن ابنالكواري
الي حاب اقوله ان في ناس تكتب مع الخيل ياشقرا ومسوين انفسهم مثاليين ولاكن في الواقع غير180 درجه
هذه الفئه عندها مرض او عقده نفسيه وللاسف تسئ لنا واتمني لهم العلاج
وشكرا يارعي الموضوع على التنبيهه واتمنى من المشرفين اي شخص يحط عن محلات كذب تعطيه تنبيه
واذا كررها ماله الا الباند ماتشوف الا عويناته تضرب ديم وفول

[al.wajbah]

خل يخافون


احسن

[الأصيلة]

اليهال ماتو من الصياح يبون هابي ميل ماكدونلز ( أنا راح أقاطعة سوى رفع ولا تم على سعره )
قلت لهم اوكي رحت ورجعت ومعاي أكياس الميره

شبس + بوب كورن + نجتتس + برغر :nice:

قلت لهم تفضلو إلى يبي يتعشى حياه والي مايبي يرقد بدون عشى بكيفة

:shy:
تصدقون كلوة كله عكس علب ماكدونلز الشبس يبقى وكل واحد بس حبه ولا ثنتين نجتس ياكل
:rolleyes2:

وفي أشياء كثير في سلوكياتنا تعلموها الأطفال ولازم نغيرها

المفروض الإنسان يحكم عقله ...
وبغض النظر عن رفع الأسعار
الوجبات السريعة غير صحية للأطفال...
وأبدا مارح تكون في يوم من الأيام وجبة عشاء مفيدة ياكلها الطفل وينام...
حرام والله في حق الأطفال..
لازم الكبار يفهمونهم ويبصرونهم بمخاطر ها النوع من الأكلات...

الله يهدي كل من يعشي عياله من هذي المطاعم...