إستراحة في قطر (مسكونه) !

[الكاميليا007]

السلام عليكم و رحمة الله و بركاته

قررنا انا والعايله نروح استراحة، قبل لا نحجز قلنا حق الشباب يروحون يلقون نظرة عالمكان .. لكن المسؤول عن الحجوزات اصله مصري فـ رفض (على اساس ان في ناس هناك في الفله بس هو كذاب) ، فـ قلنا اوكيه مب مشكلة ، و كلمنا المصري عبر الجوال فـ قال لنا المكان حلو بيعجبكم ..

كلنا عايله كبيرة .. فـ حجزنا فله كبيرة و فله صغيرة للشباب (وما كنا نعرف شلون شكل الفله)
يوم وصلنا (كان يوم الاحد تاريخ 4/9/2011) .. المكان بـ معنى الكلمة مغبر و وصخ بشكل مُريع ، ولا كنه في احد كان قبلنا هناك !! .. يعني مافي اثر حق اكل او مثلاً دلاغ او شي جي ، فـ قلنا مب مشكلة بنقعد نرتب المكان ونظفه .. وغيرنا الشرارف والمخدات ونظفنا كل شي ، فـ قبلها يوم كنا نتصل فيه عشان يجيب لنا العمال ما يجيبهم الا بالزور .. و دفعنا على طول 9 آلاف بدون ما نلقي نظرة عالمكان الحلو لان المصري كذب علينا و ماسمحلنا بحجة وجود عائلة فيها بس لما دخلناها اول مره مابين بالمرا وجود حد ساكنها قبلنا

الفله الكبيرة اللي كانت لنا صارت مرتبة ونظيفة بعد عناء ، و برع الفله فيه باب عاليمين .. وكان هالباب يدخلكم عالبرجه ، كلش البرجه تلوع الجبد ولا غيروا الماي (قص علينا المصري ) ، و لما سألوا العامل ليش ما نظفتوا البرجه .. تـم يطالع البرجه ويقول بصوت خافت : لا مابي انظف البرجه (وجهه كان متروع) ، قالوا على قولتهم ان فاتحين الفلتر !!

و برع الفله (الحوش) فيه قطاوة سود صغار ، كله يقربون منا ولا يخافون .. اعوذُ بـ الله منهم
والمشكلة الكبيرة ان مافي امن و الفله اللي احذانا عايشين فيها 30 عامل و احنا ما كنا ندري !! (ما قال لنا المصري عن هالفله اللي ساكنين فيها العمال) ..

المهم .. تسبحوا اليهال في البرجه و ما زالت قذره ، وحتى درجة الوضوح لما تغوصون كلش ميح ، و لون البرجه ازرق مايل للاصفر (مع هاي قبلها قال لنا ان بيعجبكم المكان وقص علينا)

وفيه قعدة صوب البرجه وحمام (وهالحمام لما يدشونه الخدم ما يرتاحون له وكلش ريحته خايسه) ، و اما المطبخ سالفته سالفة .. لما كانوا العاملات (الخدم) يسوون لنا عشا ، خلاص بعد ما خلصوا وسكروا ماي الحنفية .. انفتح الماي بروحه !! ، و يسمعون صوت في الثلاجة مثل حد يطق الباب (اقصد باب الثلاجة) .. فـ خافوا الخدم (صج في الثلاجة صوت يطلع بس هاي كان صوت عالي مثل طقة الباب)

و فيه غرفة كبيرة داخل البرجه .. قديمة كلش كلش تحسون انها من السبعينات و الاثاث قديم والله لما دخلناها كلش ما ارتحنا لها (مع هاي يقول لنا المكان بيعجبكم وعشان جي ما خلانا نجوف الاستراحة قبل لا نحجزنها) .. وفيه حجرة ثانية مقفولة !! مع ان المكان قذر وقديم وكجرة والبيبان خربانه ومسكره الا باب كان يبين عليه يديد .. وحاطين نوع من الزجاج يعكس الصورة عشان ما يخلينا نجوف شنو داخل هالحجرة (احنا مستغربين من هالشي لان خلاص هالفله لنا و المفروض كل شي يكون مفتوح مب حجرة وحده مقفولة !! (مع هاي المصري ما قال لنا عن هالحجرة قبل لا نحجز الاستراحة) ولما تدققون داخل الحجزة .. كانت مغبرة من القلب وكان فيها مسند اظن قديييم .. و يوم سألنا عن هالحجرة .. قال لنا العامل: ان في شخص ميت في هالحجرة وكل ما اتجي عايله ترجع البيت ما ترتاح حق هالمكان (نفسنا) « ما درينا عن سالفة هالحجرة الا في الاخير .. بس المصري ابد ما جاب لنا طاري هالحجرة لان هو يبي فلوس وهو يدري بكل شي يصير في هالاستراحة .. اعيد و ازيد ما قال لنا ابد عن اي شي

عالليل قعدت مرت خالي تتمشى في الحوش نطت القطوة (السودة) عليها وهي قاعده
ونفس الشي صار حق خالي سمع صوت شي يطيح بالقو بس يوم لف وجهه ما لقى شي ..

بعد ما صار الليل ، ناموا الخدم في الصالة (و في الفله اللي احنا فيها بس فيها غرفتين) .. فـ تميت قاعده ما جاني نوم (لان جبنا ويانا القطوة ما قدرنا نخليها في البيت بروحها) ، وكانت تروح وترجع لي (سبحان الله الحيوان يحس قبل الانسان اذا المكان مسكون وجي) .. وكله ترتجف وتخاف خوف مو طبيعي (استغربنا من القطوة) ، الكل كان نايم محد قاعد الا انا و القطوه .. فـ خفت عليها وخليتها عندي تنام ، فجأة اجوف مقبض الباب يتحرك لـ فترة قصيرة (اعيد و اكرر الكل كان نايم) .. فـ خفت و نمت

قبل لا اختم جولتنا في اليوم الاول وندخل في اليوم الثاني ، خالي جاف تقريباً هيئة رياييل سود وبعدين اختفوا (كانوا برع عند باب حوش الفله)

و عالساعه 4 ونص الفجر ، خدامتنا قامت على طقة باب الصالة (باب الصالة كان مقفول وحاطين عليه كرسيين ومفتاح الباب كان عند الوالدة) .. قامت الا اتشوف الكراسي (اللي حاطينها عالباب) تحركوا من قوة الطقة ..

و قمنا و لله الحمد .. يوم الاثنين (اليوم الثاني 5/9/2011)
يوم رحنا للبرجة جفناها نظيفة !!! (مع ان ما قلنا حق حد ان تعالوا نظفوها والفلتر كان شغال قبل لا انجي عالاستراحة) .. (عالعموم كانوا العمال ما يدشون الفله اللي احنا فيها .. ولما نكلم المصري عن العمال يقول جايين جايين)

ولما تغوصون ما شاء الله الوضوح تام .. استغربنا !! .. راح اخوي الحمام (اعزكم الله) كان فيه بخاخ مُلطف للجو حاطينه صوب الحنفية ، فجأة اهتز !! (مع ان ما كان مايل)

و في الليل .. و احنا قاعدين نتعشى الا امي تسمع حد يطق الباب ، يوم نادت و قالت نعم محد رد عليها .. و فتحنا الباب ما لقينا احد (قلنا يمكن حد من شبابنا يخرعونا بس احلفوا قالوا والله ما طقينا الباب ولا شي) .. اخترعنا لان بعد اللي صار كله عرفنا المكان مهجور وغير آمـــــن ابـــــــداً

كلمنا المصري هزأناه .. وعلى طول لمينا اغراضنا (الخدم كانوا خايفين) .. تقريباً عالساعه 12 ونص او 1 بالليل كل عيلة ركبت سيارتها (5 سيايير) .. شبابنا راحوا يتفاهون مع المصري .. كان خايف متوتر ( والقطوة السودة تحسون انها درت ان المصري موجود فـ طلعت برع معاهم) ولما شبابنا سألوا المصري عن الحجرة المقفولة سكت ولا رد .. !!! (هاي معناته في ان بالموضوع) ، المهم .. هددناه بالشرطة و قلنا يرد لنا نص المبلغ (عاللي سواه ولا صرح ان هالفله مسكونة ولا جاب طاري الحجرة المقفولة) .. و يوم سألوه ليش ما في سكيورتي قال ماله داعي عشان الناس تاخذ راحتها


و رجعنا آخر الليل البيت .. وعطيناه مهله يومين .. و الله على ما اقوله شهيد
انا احذركم لحد يروح هالاستراحة الزفت ولا تصدقون كلام المصري الحرامي (حسبي الله عليه) .. و الحمدلله رب العالمين الله حفظنا وكنا نحط على قناة العفاسي للقرآن وجبنا معانا راديو و مشغلينه عالقرآن .. بس صار اللي صار و اهم شي رجعنا سالمين بس مراح نسكت عن اللي صار

انشروا المقال الله يرضى عليكم ،، في ناس ما تعرف ،، حذروا معارفكم وحبايبكم

والسلام عليكم ورحمة الله وبركاته

*

[STAR]

بسم الله الرحمن الرحيم...‏!!‏

وشهالاستراحة بو تسعة آلاف؟!‏

[Best Man]

الله يعينكم ..المفروض ماتهددونه الا تسون له سبرايز وتجيبون الشرطه

حبيت احط عنوان حق هالقصه " يافرحه ماتمت "

والله يعوضكم

[catqat]

.يعطيج العافية.. زين سويتوا فيه، اما موضوع الاستراحات المسكونة ، فلاتلومون هل البيت (الجن) لان بالنسبة لهم انتوا الدخلاء وانتوا اللي مسويين ازعاج لهم ....

جايز هم نظفوها لكم خخخخخخخخخخخخ واحمدوا ربكم انهم مازعجوكم ، فلو ماكنتوا مش مرغوبين جان شفتوا بلاوي زرقة .....

ممكن يعطيج العافية ترسلين لي خاص تقولين لي اسم هالمزرعة

[Locale]

بسم الله
خوفتنا ناوين نروح استراحه يوم الاحد
اعوذ بالله من الطمع والجشع

[عيون الدوحة]

اما أستراحة ب 9000 عسى ماشر
رحتو أستراحات السعودية او شاليهات الي بعد الغويفات أحسن لكم

[الكاميليا007]

بس يوم رجعنا من الاستراحة .. الكل مرض (بدون استثناء) و انا منهم
بس الحمدلله على كل حال و ان شاء الله راح نسوي لهم مفاجآه

[الكاميليا007]

اضافة على كلامي .. حتى جدتي يوم رجعت من الاستراحة صارت عصبية ما تستحمل كلمة

الحمدلله على كل حال

[الكاميليا007]

إيه والله بتسع الاف قص علينا حسبي الله ونعم الوكيل

[ريتويت]

لا اله الا الله محمد رسول الله

[ريتويت]

وين مكانها???

[STAR]

الريال الميت ايش سالفته؟!‏

مقتول والا موتة طبيعية؟!‏

ماشاء الله عليكم قدرتوا تتمالكون اعصابكم وقويتوا قلبكم ونمتوا اهناااك..والله لو انا مااااا نااااام بحن عليهم نرجع البيت..

[دلال قطر]

شسمها ؟؟
لان وحده من ربعي صار لهم نفس هالموقف باستراحه في الشمال قاموا الصبح لقوا الاغراضهم منثره و اكياس الفحم منثره بالحوش تقول كان صاير زلازال بالمكان

[الكاميليا007]

احنا على اساس حجزنا يومين ، الليله بـ 2500 في الفيلا الكبيرة
اما الثانيه حقها 2000

[Store]

الله يعينكم المفروض من اول ماشفتو المكان مب زين ماتمون فيه

[Best Man]

انزين ترى مافيها شي لو قلتي اسم هالمكان بالعام ..عشان تحذرين العالم

مو لازم الي يبي يعرف يروح خاص وشكرا ..وبلغيني بعدين شصار مع المصري ..وانا اتوقع طلع منها

وشكرا ومره ثانيه المفروض قبل لا تدفعون تشوفون المكان مناسب لكم ولا لا حتى لو قال في ناس

ساكنين..من حقكم تشوفون المكان اول مايطلعون ..بس الظاهر انتو مستعيلين

[hamad almohd]

بل صج رعب

[Store]

الريال الميت ايش سالفته؟!‏

مقتول والا موتة طبيعية؟!‏

ماشاء الله عليكم قدرتوا تتمالكون اعصابكم وقويتوا قلبكم ونمتوا اهناااك..والله لو انا مااااا نااااام بحن عليهم نرجع البيت..

ايش رايج نحجز لج هناك تروحين تحققين بموضوع الجريمة

وبموضوع الفيلا وتصيرين المحقق كونان

:victory:

[الكاميليا007]

لو بغيتوا تعرفون اسم الاستراحة .. كلموني عالخاص
والله العامل النيبالي ما قال لنا الا ان هالغرفة فيها واحد ميت
بس طبعا احنا ما كنا ندري بشي .. بس يوم عرفنا عن هالاشياء ما قعدنا دقيقة وحده و طلعنا اخر الليل

[meeemz]

والله شحادكم يوم انه شفتوها تلوع الجبد المفروض تطلعون

[الكاميليا007]

الصراحه ماندري عن موتة الريال ،، العمال موصيهم المصري مايتكلمون ،، ليوم كلمته بالفون ،، لو كان واثق من نفسه كان راددني وقالي سوي اللي تبينه ،، بس هو لحد الحين يحاول يهدي الموضوع على اساس معزبه ناطر لكن انا احاول اخلي شبابنا يتصلون حق الشرطه لو ماستحي كنت كلمتهم

[الكاميليا007]

احنا كلمنا المصري قبل لا نحجز ان نجوف المكان
بس هو رفض على اساس في عيله هناك (كذاب)

حسبي الله ونعم الوكيل

[الكاميليا007]

والله شحادكم يوم انه شفتوها تلوع الجبد المفروض تطلعون

ماخطرلنا مسكونه لان المصري الكذاب قال كان في ناس قبلكم قاعدين واحنا صدقنا بس الحمدلله ماصادنا مس مجرد امراض

[STAR]

ايش رايج نحجز لج هناك تروحين تحققين بموضوع الجريمة

وبموضوع الفيلا وتصيرين المحقق كونان

:victory:

هه هه هه دمك خفيف..

بس دامك مصر تحجزه لي ببلاش ماقووول لا هههه ‏‏(‏:

[الكاميليا007]

هه هه هه دمك خفيف..

بس دامك مصر تحجزه لي ببلاش ماقووول لا هههه ‏‏(‏:

اذا صارلك شييييي لاتحطه في راسي :tease:

[الكحيلة]

بسـم الله
بس المفروض انتو بالاول تجيكون و تعرفون وين بتروحون مب تسلمونه فلوسكم و نفسكم جي ><

زين وين هالاستراحه عشان الكل يعرف ؟...

[هارودز]

مبلغ خيالي في مكان خايس

[لطيف الروح]

يمكن المصري هو الجني العود بس ماحب يقولكم

[الكاميليا007]

ماسمحلنا نشيك ،، هاي المصيبه وقالنا في عيله توها طالعه من البيت قبلكم والحين بجيب العمال ينظفون ،، ماجو ولا عرونا راسنا احنا نظفنا ،، الحين نطالب بنص المبلغ ولحد الحين هو يحاول يهدي الموضوع

[الكاميليا007]

يمكن المصري هو الجني العود بس ماحب يقولكم

ههههههه حبيتها منك ،، لاتستغرب ممكن ،، كلشي جايز

[ولد البدر]

لو ماخذين شاليه أبرك

[ليل وتعاليل]

يمه يا كاااافي ..

اسم الاستراحه لو سمحت ..

[f@bulous]

9000 وع استراحه لو انكم حاطينها ف شاليهات سيلين ابرك لكم
يختي عيله وتروحون مكان بدون سكيورتي مايسوى عليكم والله
الخوف مب من شياطين الجن الخوف من شياطين الانس
والله يعينكم يارب ويرد فلوسكم
ممكن الاسم لاهنتي >> فضول

[Qtr95]

لا حول ولا قوة إلا بالله ..

ممكن الأسم ورقم المصري ع الخاص..

راح احجز ..

[روح الاطلس]

قصتك فلم رعب على كوميدياء سوداء

ماتمالكت نفسي من الضحك في بعض الفقرات .. اسفه بس صج بعض اللي كاتبته مضحك مرعب ^_^

مثل ان الجن نظفوا لكم البرجة كأنهم يقولون يامرحبا بكم << مايصير يشتغلون خدم عندي وينظفون الحوش

وقطوتكم الحلوة خافت وقعدت عندكم

بس انتي ماشاء الله قوووية تقولين شفتي يد الباب تتحرك قمتي خفتي ونمتي ! لو مكانج مستحييييل انااااااام وانا بحالة خوف!

عموماً اختي الفاضلة معروف ان الاماكن المهجورة تسكنها الجن واماكن الخلاء

ومثل مالاحظتوا ان المكان مهجور فاحتمال يكون فعلا الجن ساكنها ومن الطبيعي الاخ المصري ماراح يخبركم بعيوبها ولا طارت عليه التسع الالاف!! مش غبي هو

يالله الحمدلله سلامتكم ومعوضين، الخسارة خسارة الروح

[STAR]

لا حول ولا قوة إلا بالله ..

ممكن الأسم ورقم المصري ع الخاص..

راح احجز ..
هييييييييه ‏
...لا ‏
تنسى تكتب مقالة او
تقرير عن زيارتك للاستراحه..

[رمــش الغلا]

ممكن اسم الاستراحة على الخاص...... الله لايهينج

[بو سلطان]

ممكن اسم الاستراحه؟؟؟؟؟

[Qtr95]

هييييييييه ‏
...لا ‏
تنسى تكتب مقالة او
تقرير عن زيارتك للاستراحه..

اشدراك اني بعمل فخ !!1

[qtr.wolf]

اختي الكاميليا007

يعطيج العافيه والحمدلله على كل حال

شوفي الخاص عندج ماعليج امر و ردي لي خبر

[لمعة الالماس]

ممكن اسم الاستراحة ومكانها

لان احنا كل مرة نحجز في استراحة غير وصج الموضوع يخوف

[عضو مشاكس]

فلم هليووودي ههههههههههه
قريت موضوعج قبل لاينحذف بالاول انتبهي كان تشهير
لاتستغلون النت والمنتديات للتشهير مايجوز

[الكاميليا007]

السموحة منكم على بطئ الرد ... ان شالله برد على كل استفساراتكم قد ما اقدر ... ماتقصرون على مروركم اخواني ... والله لولا الخوف على عيال بلادي ماكنت هتميت .... بس الله امرنا اذا شفنا غلط انصلحه .... وقريب راح نكلم الشرطه عنهم .... عندا ظروف في البيت والكل مريض ... حماكم الله ...

[الكاميليا007]

فلم هليووودي ههههههههههه
قريت موضوعج قبل لاينحذف بالاول انتبهي كان تشهير
لاتستغلون النت والمنتديات للتشهير مايجوز

حط في بالك انا انسانه قطريه ... مسلمة ... محبة لاهل بلدي ... هاي اول موضوع لي في المنتدى مع اني عضوه قديمه ... مستحيل اشهر .... انا شفت منكر .... ولازم احذر .... وهذا اضعف الايمان .... اتمنى منكم انتو ماتضنون ظن السوء بي ولاتحطون في ذمتكم ....

اللهم بلغت اللهم فاشهد ....

هالمواقف صارت جدام عين الكل ... لو حصل هالموقف قدامك بتسكت ....؟؟؟؟؟ هذا اذا يهمك مصلحة الجميع .... حتى لو شتكينا بيسكرونها على طول مثلا ؟؟؟ .... الله يعلم كم من نفر بعدنا حجز .... لكن ماقول غير حسبي الله ونعم الوكيل عليهم

ناطره ردك .....

[Best Man]

اهم شي اهلج مايشوفون شر وطمئنينا عنهم في اقرب فرصه..لاتهاونين مع المصري

[ومن الغباء ماقتل]

اعتقد ان موضوع تكذيب الاعضاء زاد في المنتدى بشكل واضح ، يا جماعة مايجوز كل ما سمعنا قصة نستغربها على طول نكذب صاحبها ، والاخت جزاها الله عنا كل خير حبت انها تنصحنا وتحذرنا والله من وراء القصد ، وانا عن نفسي مقتنع بكلامها لان بزنس تأجير الاستراحات من قبل بعض اخوانا العرب منتشر هاليومين وبدون لا حسيب ولا رقيب.

[الكاميليا007]

قصتك فلم رعب على كوميدياء سوداء

ماتمالكت نفسي من الضحك في بعض الفقرات .. اسفه بس صج بعض اللي كاتبته مضحك مرعب ^_^

مثل ان الجن نظفوا لكم البرجة كأنهم يقولون يامرحبا بكم << مايصير يشتغلون خدم عندي وينظفون الحوش

وقطوتكم الحلوة خافت وقعدت عندكم

بس انتي ماشاء الله قوووية تقولين شفتي يد الباب تتحرك قمتي خفتي ونمتي ! لو مكانج مستحييييل انااااااام وانا بحالة خوف!

عموماً اختي الفاضلة معروف ان الاماكن المهجورة تسكنها الجن واماكن الخلاء

ومثل مالاحظتوا ان المكان مهجور فاحتمال يكون فعلا الجن ساكنها ومن الطبيعي الاخ المصري ماراح يخبركم بعيوبها ولا طارت عليه التسع الالاف!! مش غبي هو

يالله الحمدلله سلامتكم ومعوضين، الخسارة خسارة الروح



ههههههههههههههه

شر البلية مايضحك .... لما تتروعين ايي في بالج 100 فكرة وفكرة :rolleyes2:

الحمدلله لاني على طول ارقي نفسي واقول الاذكار مع تلاوات من القرآن الكريم ... ولاني شايفه شي من قبل بس الحمدلله كانت مسلمه ... ترا هاي ولاشي انا هناك كنت صج مستقويه بس لو تشوفون حالنا لما رجعنا ... والله ان لي اليوم محد مترقع كان معانا اطفال ... لان احنا ودنا في بركة سباحه ... اتصلنا حق كذا مكان قالو فل ... لما اتصلنا حق هالاستراحه قالولنا ممكن تاخذونها وحقها كذا فا احنا حجزنا فلتين ... وراحو الشباب يشيكون عليها قالنا المصري في ناس داخلها ماتقدر تدخل (كذب) ولما شفنا وصاختها قلنا اكيد من اللي قبلنا بس ماقول غير حسبي الله ونعم الوكيل عليه ... احنا نجاهد عشان نرجع نص فلوسنا اما الباقي في ذمته

[الكاميليا007]

اعتقد ان موضوع تكذيب الاعضاء زاد في المنتدى بشكل واضح ، يا جماعة مايجوز كل ما سمعنا قصة نستغربها على طول نكذب صاحبها ، والاخت جزاها الله عنا كل خير حبت انها تنصحنا وتحذرنا والله من وراء القصد ، وانا عن نفسي مقتنع بكلامها لان بزنس تأجير الاستراحات من قبل بعض اخوانا العرب منتشر هاليومين وبدون لا حسيب ولا رقيب.

قلت كلمة حق ياخوي ... جزاك الله خير عليها ... والله مابنيتي شي ... للاسف كلشي بين اليوم الثاني وقبل مانطلع لما راحو الشباب عند العمال ... قالولنا ان هالفيلا اللي حذاكم فيها 25 عامل اذا مش اكثر وهالمصري ماعطانا خبر كل اللي قاله ان في عيله قبلكم سكنت عشان جي قذرة ووصخه ... حتى لما سألناه ليش مافي سيكيورتي قال عشان العيله تاخذ راحتها واحنا كنا عيله كبيره تبارك الله ,,, لكن حقنا بإذن الله بناخذه ... وكلام اخوي صحيح الاستراحات مافيها رقيب

[الجاهلي]

على الاقل عطنا صور للقطو او البركه او المصري او حتى موقع الاستراحه
عشان نصدق الموضوع

[ابداع قلم]

انا عذيقها المجرب .... انا سليلها السيوف الصقيلة !!
وين هالاستراحة دلوني عليها امووت بسوالف الينانوة

[المجروح]

اختي انتو مدام رحتو رحله اكيد صورتو صور
فنزليلنا في المنتدى بعض الصور لو تكرمتي

[الجافي]

ممكن اسم الاستراحة لو سمحتي:rolleyes2:

[حقيقه]

حطي لنا اسم الاستراحه

اتوقع صادتكم الامراض بسبب البركه الوصخه قلتي سبحتو فيها وهي مب نظيفه

الله يشفيكم

واتوقع العمال اللي بالفيلا اللي جنبكم هم اللي يسوون هالحركات يمكن كانو يبون يسرقون شيء
او بس مجرد حركات يبون يطفشونكم

الله العالم

[آلملآزم]

التفاصيل لو سمحتي مع رقم اللي أجر لكم الأستراحه
وماتشوفون شر أن شاء الله

[الكواري 1972]

الله يسكنهم مساكنهم

تستهلون السلامه

[halcrow]

موضوع مضحك ودايما هالقصص نسمعها من البنات

[السلولي]

القانون لايحمي المساكين ؟

[الكلدي]

ممكن اسم الشاليه

ورقم المصري

انا ادور الجن دواره وينهم

[R 7 A L]

عرفتها
هذي حجز اخوي فيها وكل اهلنا سنة 2008
في أم قرن
وكانت خايسة ورديئة جداً
من عند مصري قريب من الجوازات انا ساعة وحدة تميت عندهم ورجعت للبيت واهلي رجعوا اخر الليل
حتى ان وحدة من أهلنا رجعت منها لمستشفى عيادة الدوحة على طول وقعدت فيها 3 أيام
سووا لها عملية في عينها

[مايبخ]

لا حول ولاقوة الا بالله

[سداوي&مدريدي]

وينك يا امير المحبه :telephone:

[بحرقطر]

انتي غلطانه المفروض يوم مقبض الباب تحرك قومي شوفي من بدون ما تشغلين الليتات وتستعملين ليت الجوال عشان ما تزعجين احد واخذي لفه في الفله وشوفي من الي حرك المقبض واذا ما شفتي شي روحي فوق السطح يمكن في قطوه سوده داشه داخل وما طلعت والاحسن انج تروحين الغرفه المقفوله وتحاولين تفتحين الباب وبعد بدون ما تشغلين الليت وتاخذين لفه في الغرفه وتطلين تحت الكرفايه يمكن في حد وعقب تروحين حق الكبت وتفتحينه باب باب وبهالطريقه تكونين تطمنتي وتأكدتي ان كل شي سليم
تدرين عطيني اسم الاستراحه ورقم المصري الله يرضى عليج عشان ما اطب هناك بالغلط :telephone:

[فرقة الصقور]

اظن والله اعلم ان الكاميليا٠٠٧ انها طفلة واهلها يخوفونها عشان ماتذعجهم يروحون كل ويكند وانها ماتعرف المكان من قله اداركها او اها كذااااابه

[الحياة الخالدة]

بســــــم الله الرحمــــن الرحيــــــم

أعــــوذ بالله :rolleyes2:

[الحياة الخالدة]

لا حول ولا قوة إلا بالله ..

ممكن الأسم ورقم المصري ع الخاص..

راح احجز ..


اشدراك اني بعمل فخ !!1


انا عذيقها المجرب .... انا سليلها السيوف الصقيلة !!
وين هالاستراحة دلوني عليها امووت بسوالف الينانوة


ممكن اسم الشاليه

ورقم المصري

انا ادور الجن دواره وينهم


وينك يا امير المحبه :telephone:


يا شباب ..

كلموا أميـــــــر المحبة ..

و اطلعوا رحلة استكشافية للمكــــــان .. و عطونا تقرير .. :rolleyes2:

[Roooo7 Qtr]

السلام عليكم و رحمة الله و بركاته

قررنا انا والعايله نروح استراحة، قبل لا نحجز قلنا حق الشباب يروحون يلقون نظرة عالمكان .. لكن المسؤول عن الحجوزات اصله مصري فـ رفض (على اساس ان في ناس هناك في الفله بس هو كذاب) ، فـ قلنا اوكيه مب مشكلة ، و كلمنا المصري عبر الجوال فـ قال لنا المكان حلو بيعجبكم ..

كلنا عايله كبيرة .. فـ حجزنا فله كبيرة و فله صغيرة للشباب (وما كنا نعرف شلون شكل الفله)
يوم وصلنا (كان يوم الاحد تاريخ 4/9/2011) .. المكان بـ معنى الكلمة مغبر و وصخ بشكل مُريع ، ولا كنه في احد كان قبلنا هناك !! .. يعني مافي اثر حق اكل او مثلاً دلاغ او شي جي ، فـ قلنا مب مشكلة بنقعد نرتب المكان ونظفه .. وغيرنا الشرارف والمخدات ونظفنا كل شي ، فـ قبلها يوم كنا نتصل فيه عشان يجيب لنا العمال ما يجيبهم الا بالزور .. و دفعنا على طول 9 آلاف بدون ما نلقي نظرة عالمكان الحلو لان المصري كذب علينا و ماسمحلنا بحجة وجود عائلة فيها بس لما دخلناها اول مره مابين بالمرا وجود حد ساكنها قبلنا

الفله الكبيرة اللي كانت لنا صارت مرتبة ونظيفة بعد عناء ، و برع الفله فيه باب عاليمين .. وكان هالباب يدخلكم عالبرجه ، كلش البرجه تلوع الجبد ولا غيروا الماي (قص علينا المصري ) ، و لما سألوا العامل ليش ما نظفتوا البرجه .. تـم يطالع البرجه ويقول بصوت خافت : لا مابي انظف البرجه (وجهه كان متروع) ، قالوا على قولتهم ان فاتحين الفلتر !!

و برع الفله (الحوش) فيه قطاوة سود صغار ، كله يقربون منا ولا يخافون .. اعوذُ بـ الله منهم
والمشكلة الكبيرة ان مافي امن و الفله اللي احذانا عايشين فيها 30 عامل و احنا ما كنا ندري !! (ما قال لنا المصري عن هالفله اللي ساكنين فيها العمال) ..

المهم .. تسبحوا اليهال في البرجه و ما زالت قذره ، وحتى درجة الوضوح لما تغوصون كلش ميح ، و لون البرجه ازرق مايل للاصفر (مع هاي قبلها قال لنا ان بيعجبكم المكان وقص علينا)

وفيه قعدة صوب البرجه وحمام (وهالحمام لما يدشونه الخدم ما يرتاحون له وكلش ريحته خايسه) ، و اما المطبخ سالفته سالفة .. لما كانوا العاملات (الخدم) يسوون لنا عشا ، خلاص بعد ما خلصوا وسكروا ماي الحنفية .. انفتح الماي بروحه !! ، و يسمعون صوت في الثلاجة مثل حد يطق الباب (اقصد باب الثلاجة) .. فـ خافوا الخدم (صج في الثلاجة صوت يطلع بس هاي كان صوت عالي مثل طقة الباب)

و فيه غرفة كبيرة داخل البرجه .. قديمة كلش كلش تحسون انها من السبعينات و الاثاث قديم والله لما دخلناها كلش ما ارتحنا لها (مع هاي يقول لنا المكان بيعجبكم وعشان جي ما خلانا نجوف الاستراحة قبل لا نحجزنها) .. وفيه حجرة ثانية مقفولة !! مع ان المكان قذر وقديم وكجرة والبيبان خربانه ومسكره الا باب كان يبين عليه يديد .. وحاطين نوع من الزجاج يعكس الصورة عشان ما يخلينا نجوف شنو داخل هالحجرة (احنا مستغربين من هالشي لان خلاص هالفله لنا و المفروض كل شي يكون مفتوح مب حجرة وحده مقفولة !! (مع هاي المصري ما قال لنا عن هالحجرة قبل لا نحجز الاستراحة) ولما تدققون داخل الحجزة .. كانت مغبرة من القلب وكان فيها مسند اظن قديييم .. و يوم سألنا عن هالحجرة .. قال لنا العامل: ان في شخص ميت في هالحجرة وكل ما اتجي عايله ترجع البيت ما ترتاح حق هالمكان (نفسنا) « ما درينا عن سالفة هالحجرة الا في الاخير .. بس المصري ابد ما جاب لنا طاري هالحجرة لان هو يبي فلوس وهو يدري بكل شي يصير في هالاستراحة .. اعيد و ازيد ما قال لنا ابد عن اي شي

عالليل قعدت مرت خالي تتمشى في الحوش نطت القطوة (السودة) عليها وهي قاعده
ونفس الشي صار حق خالي سمع صوت شي يطيح بالقو بس يوم لف وجهه ما لقى شي ..

بعد ما صار الليل ، ناموا الخدم في الصالة (و في الفله اللي احنا فيها بس فيها غرفتين) .. فـ تميت قاعده ما جاني نوم (لان جبنا ويانا القطوة ما قدرنا نخليها في البيت بروحها) ، وكانت تروح وترجع لي (سبحان الله الحيوان يحس قبل الانسان اذا المكان مسكون وجي) .. وكله ترتجف وتخاف خوف مو طبيعي (استغربنا من القطوة) ، الكل كان نايم محد قاعد الا انا و القطوه .. فـ خفت عليها وخليتها عندي تنام ، فجأة اجوف مقبض الباب يتحرك لـ فترة قصيرة (اعيد و اكرر الكل كان نايم) .. فـ خفت و نمت

قبل لا اختم جولتنا في اليوم الاول وندخل في اليوم الثاني ، خالي جاف تقريباً هيئة رياييل سود وبعدين اختفوا (كانوا برع عند باب حوش الفله)

و عالساعه 4 ونص الفجر ، خدامتنا قامت على طقة باب الصالة (باب الصالة كان مقفول وحاطين عليه كرسيين ومفتاح الباب كان عند الوالدة) .. قامت الا اتشوف الكراسي (اللي حاطينها عالباب) تحركوا من قوة الطقة ..

و قمنا و لله الحمد .. يوم الاثنين (اليوم الثاني 5/9/2011)
يوم رحنا للبرجة جفناها نظيفة !!! (مع ان ما قلنا حق حد ان تعالوا نظفوها والفلتر كان شغال قبل لا انجي عالاستراحة) .. (عالعموم كانوا العمال ما يدشون الفله اللي احنا فيها .. ولما نكلم المصري عن العمال يقول جايين جايين)

ولما تغوصون ما شاء الله الوضوح تام .. استغربنا !! .. راح اخوي الحمام (اعزكم الله) كان فيه بخاخ مُلطف للجو حاطينه صوب الحنفية ، فجأة اهتز !! (مع ان ما كان مايل)

و في الليل .. و احنا قاعدين نتعشى الا امي تسمع حد يطق الباب ، يوم نادت و قالت نعم محد رد عليها .. و فتحنا الباب ما لقينا احد (قلنا يمكن حد من شبابنا يخرعونا بس احلفوا قالوا والله ما طقينا الباب ولا شي) .. اخترعنا لان بعد اللي صار كله عرفنا المكان مهجور وغير آمـــــن ابـــــــداً

كلمنا المصري هزأناه .. وعلى طول لمينا اغراضنا (الخدم كانوا خايفين) .. تقريباً عالساعه 12 ونص او 1 بالليل كل عيلة ركبت سيارتها (5 سيايير) .. شبابنا راحوا يتفاهون مع المصري .. كان خايف متوتر ( والقطوة السودة تحسون انها درت ان المصري موجود فـ طلعت برع معاهم) ولما شبابنا سألوا المصري عن الحجرة المقفولة سكت ولا رد .. !!! (هاي معناته في ان بالموضوع) ، المهم .. هددناه بالشرطة و قلنا يرد لنا نص المبلغ (عاللي سواه ولا صرح ان هالفله مسكونة ولا جاب طاري الحجرة المقفولة) .. و يوم سألوه ليش ما في سكيورتي قال ماله داعي عشان الناس تاخذ راحتها


و رجعنا آخر الليل البيت .. وعطيناه مهله يومين .. و الله على ما اقوله شهيد
انا احذركم لحد يروح هالاستراحة الزفت ولا تصدقون كلام المصري الحرامي (حسبي الله عليه) .. و الحمدلله رب العالمين الله حفظنا وكنا نحط على قناة العفاسي للقرآن وجبنا معانا راديو و مشغلينه عالقرآن .. بس صار اللي صار و اهم شي رجعنا سالمين بس مراح نسكت عن اللي صار

انشروا المقال الله يرضى عليكم ،، في ناس ما تعرف ،، حذروا معارفكم وحبايبكم

والسلام عليكم ورحمة الله وبركاته

*

خيالج واسع تصلحين حق تتاليف القصص:tease:

[(بوطلال)]

طرشيلي رقم الاستراحه على الخاص ملينا من الروتين الممل نبي نغير جو في عالم الجن

[qatara]

مساكين حتى الجنانوه شتاقو للبحر طول ارمضان مربطين

خلوهم شفيكم عليهم ماعندهم عمله عشان يروحون شاليهات وفنادق

ويمكن جنانوه عايله مايبون الزحمه هههه


والمصري اجرها حتى على الجنانوه مهب عبيط كلش

[سارونه]

بسم الله الرحمن الرحيم أعوذ بكلمات الله التامات من شر مأخلق

[امل الحياه]

ممكن انعرف وين هذا الاستراحه من حقنا علشان ما نروح لها :eek5:

[القناعة كنز]

اختي انتو مدام رحتو رحله اكيد صورتو صور
فنزليلنا في المنتدى بعض الصور لو تكرمتي

صح
عالاقل جان صورتي الاستراحه اول ماوصلتوها نشوف وصاختها شلون

[mE mYself & i]

طرشي رقم المصري واسم الاستراحه بنسوي عزيمه للشباب المنتدى هناك

[Abdulraman]

خاطري اتعرف على جني ممكن العنوان ورقم المصري

[ريتويت]

سبحان الله والحمدلله والشكر .. اختي فالنفترض ان الحادثه صحيحه ولكن ما اعلمه جيدا وانا على يقين ان الانسان المؤمن بالله وبمحمدا عليه افضل الصلاه والسلام.. والذي لا يفوت صلاته..والذي يذكر الله ليلا ونهارا .. لاتاتيه الجن ولاتمسه الشياطين .. فهل انتي كهؤلاء؟؟

[المسك1969]

أختي الحمدلله على سلامتكم وأن شاء الله ربي يشفيكم وأنصحج وأهلج بالرقيه حفظكم الله

أنا قرأت كل الردود واستغرب على استنكار البعض منكم لمثل ما حدث لاختنا الفاضله...وغضبت فعلا من الاستهزاء بما كتبته... حتى أنكم لا تدعون لاحد مستقبلا فرصه أن حدث له أمر أن ينشره حتى ينصح الناس ويبعدهم عن خطر هو قد تعرض له

فاتقوا الله


أما الأخت كاميليا... نعم المصري ماخلاكم تشوفون الفيلا ولكن بمجرد انكم وصلتموها ورأيتم مابها من قذاره تتروكونها وتعودون ادراجكم... لا أن تجلسوا في مكان مثل هذا

الأمر الأخر كان في تناقض في كلامج وانا مااعرف اسوي اقتباسات متعددة... قلتي أن الاستراحه كان فيها ناس على قولة المصري ثم ذكرتي انكم عندما دخلتم وجدتم الاستراحة كأن لم يسكنها أحد... ثم قلتي في رد على احد الاعضاء أن الاستراحه وصخه وقلنا يمكن من اللي كان ساكنها قبلنا... يعني في ناس ؟؟؟:secret:

الأسئله الحين:
1) شنو اللي حد أي انسان أنه يجلس في مكان وصخ من أول ما يشوفه ... لا ودافع مبلغ وقدره؟
2) هل فيلا الشباب كان فيها مثل اللي عندكم؟
3) لماذا لم تذكري اسم الاستراحه على العام وكله على الخاص؟ لأن مكان مثل هذا يستحق ان يعرف
4) لماذا ستطالبون بنصف المبلغ وليس المبلغ كامل؟ انتو ما ارتحتوا في المكان الا عشتوا في رعب
5) خالج كان معاكم في الفيلا والا بس حريم؟ وليش الشباب ما تصرفوا من اول ليله وطلعتوا وتميتوا لثاني ليله؟:rolleyes2:
6) وين شفتي الجنيه المسلمه اللي ذكرتي انج شايفتها من قبل؟

وفي الاخير الحمدلله على سلامتكم ومن الطبيعي اخوتي الكرام ان تكون مثل هذه الفلل مسكونه... يعني الواحد يطلع من لبيته عشان يجيب لنفسه الامراض

جزاكم الله خيرا:nice:

[زئير الاسد]

الحمدلله علئ سلامتكم ، وزين انكم تشغلون القرأن

[hamoor4ever]

ذكرتوني ، مره كنت اتمشى في احد المناطق مريت جنب فله باليل سمعت فيها اصوات غريبه وعجيبه ، مااعتقد انها اصوات بشر او صوت اي نوع من الالات او المسجلات ، وكان معاي اهلي وكلهم سمعو الصوت قلت لهم شنو ذيه سكتو مثلي ويقولون نفسي الصوت اللي طالع من هالفله مش صوت بشر ، المهم عقب شليت عليه على طول وشردت ، اقصد المناطق الشماليه بقطر فيها كثير من الجن واعتقد كلام الاخت صحيح لاتكذبونها يااخوان وخاصه ان احنا ناس مؤمنين بوجود الجن فشنو اللي يمنع تواجدهم في تلك الاستراحه

[الدمعه]

الاسم والرقم لو سمحتي ..


وووصج يبيلها امير المحبه والاخوان اللي يحبون هالسوالف ..يروحون رحله مصوره

وتقرير مفصل ..للرعب ... :secret:


بس سؤال لصاحبه الموضوع ..

شلون سمحتو لليهال يسبحون في بركه وصخه .. انا جبدي قلبت بس من قرايه

الموضوع شلون لوشفت البركه جدامي ..

واكثروا من الرقيات النبويه ... وكثروا من الماي المقري ..

ولو احنا اللي رحنا صدقيني ماننزل من السياره قبل مالرياييل يستكشفون المكان

ويتفحصونه عدل عدل ..

وماندفع قبل مانشوف ..

[OM_OMAR_QATAR]

السلام عليكم و رحمة الله و بركاته

قررنا انا والعايله نروح استراحة، قبل لا نحجز قلنا حق الشباب يروحون يلقون نظرة عالمكان .. لكن المسؤول عن الحجوزات اصله مصري فـ رفض (على اساس ان في ناس هناك في الفله بس هو كذاب) ، فـ قلنا اوكيه مب مشكلة ، و كلمنا المصري عبر الجوال فـ قال لنا المكان حلو بيعجبكم ..

كلنا عايله كبيرة .. فـ حجزنا فله كبيرة و فله صغيرة للشباب (وما كنا نعرف شلون شكل الفله)
يوم وصلنا (كان يوم الاحد تاريخ 4/9/2011) .. المكان بـ معنى الكلمة مغبر و وصخ بشكل مُريع ، ولا كنه في احد كان قبلنا هناك !! .. يعني مافي اثر حق اكل او مثلاً دلاغ او شي جي ، فـ قلنا مب مشكلة بنقعد نرتب المكان ونظفه .. وغيرنا الشرارف والمخدات ونظفنا كل شي ، فـ قبلها يوم كنا نتصل فيه عشان يجيب لنا العمال ما يجيبهم الا بالزور .. و دفعنا على طول 9 آلاف بدون ما نلقي نظرة عالمكان الحلو لان المصري كذب علينا و ماسمحلنا بحجة وجود عائلة فيها بس لما دخلناها اول مره مابين بالمرا وجود حد ساكنها قبلنا

الفله الكبيرة اللي كانت لنا صارت مرتبة ونظيفة بعد عناء ، و برع الفله فيه باب عاليمين .. وكان هالباب يدخلكم عالبرجه ، كلش البرجه تلوع الجبد ولا غيروا الماي (قص علينا المصري ) ، و لما سألوا العامل ليش ما نظفتوا البرجه .. تـم يطالع البرجه ويقول بصوت خافت : لا مابي انظف البرجه (وجهه كان متروع) ، قالوا على قولتهم ان فاتحين الفلتر !!

و برع الفله (الحوش) فيه قطاوة سود صغار ، كله يقربون منا ولا يخافون .. اعوذُ بـ الله منهم
والمشكلة الكبيرة ان مافي امن و الفله اللي احذانا عايشين فيها 30 عامل و احنا ما كنا ندري !! (ما قال لنا المصري عن هالفله اللي ساكنين فيها العمال) ..

المهم .. تسبحوا اليهال في البرجه و ما زالت قذره ، وحتى درجة الوضوح لما تغوصون كلش ميح ، و لون البرجه ازرق مايل للاصفر (مع هاي قبلها قال لنا ان بيعجبكم المكان وقص علينا)

وفيه قعدة صوب البرجه وحمام (وهالحمام لما يدشونه الخدم ما يرتاحون له وكلش ريحته خايسه) ، و اما المطبخ سالفته سالفة .. لما كانوا العاملات (الخدم) يسوون لنا عشا ، خلاص بعد ما خلصوا وسكروا ماي الحنفية .. انفتح الماي بروحه !! ، و يسمعون صوت في الثلاجة مثل حد يطق الباب (اقصد باب الثلاجة) .. فـ خافوا الخدم (صج في الثلاجة صوت يطلع بس هاي كان صوت عالي مثل طقة الباب)

و فيه غرفة كبيرة داخل البرجه .. قديمة كلش كلش تحسون انها من السبعينات و الاثاث قديم والله لما دخلناها كلش ما ارتحنا لها (مع هاي يقول لنا المكان بيعجبكم وعشان جي ما خلانا نجوف الاستراحة قبل لا نحجزنها) .. وفيه حجرة ثانية مقفولة !! مع ان المكان قذر وقديم وكجرة والبيبان خربانه ومسكره الا باب كان يبين عليه يديد .. وحاطين نوع من الزجاج يعكس الصورة عشان ما يخلينا نجوف شنو داخل هالحجرة (احنا مستغربين من هالشي لان خلاص هالفله لنا و المفروض كل شي يكون مفتوح مب حجرة وحده مقفولة !! (مع هاي المصري ما قال لنا عن هالحجرة قبل لا نحجز الاستراحة) ولما تدققون داخل الحجزة .. كانت مغبرة من القلب وكان فيها مسند اظن قديييم .. و يوم سألنا عن هالحجرة .. قال لنا العامل: ان في شخص ميت في هالحجرة وكل ما اتجي عايله ترجع البيت ما ترتاح حق هالمكان (نفسنا) « ما درينا عن سالفة هالحجرة الا في الاخير .. بس المصري ابد ما جاب لنا طاري هالحجرة لان هو يبي فلوس وهو يدري بكل شي يصير في هالاستراحة .. اعيد و ازيد ما قال لنا ابد عن اي شي

عالليل قعدت مرت خالي تتمشى في الحوش نطت القطوة (السودة) عليها وهي قاعده
ونفس الشي صار حق خالي سمع صوت شي يطيح بالقو بس يوم لف وجهه ما لقى شي ..

بعد ما صار الليل ، ناموا الخدم في الصالة (و في الفله اللي احنا فيها بس فيها غرفتين) .. فـ تميت قاعده ما جاني نوم (لان جبنا ويانا القطوة ما قدرنا نخليها في البيت بروحها) ، وكانت تروح وترجع لي (سبحان الله الحيوان يحس قبل الانسان اذا المكان مسكون وجي) .. وكله ترتجف وتخاف خوف مو طبيعي (استغربنا من القطوة) ، الكل كان نايم محد قاعد الا انا و القطوه .. فـ خفت عليها وخليتها عندي تنام ، فجأة اجوف مقبض الباب يتحرك لـ فترة قصيرة (اعيد و اكرر الكل كان نايم) .. فـ خفت و نمت

قبل لا اختم جولتنا في اليوم الاول وندخل في اليوم الثاني ، خالي جاف تقريباً هيئة رياييل سود وبعدين اختفوا (كانوا برع عند باب حوش الفله)

و عالساعه 4 ونص الفجر ، خدامتنا قامت على طقة باب الصالة (باب الصالة كان مقفول وحاطين عليه كرسيين ومفتاح الباب كان عند الوالدة) .. قامت الا اتشوف الكراسي (اللي حاطينها عالباب) تحركوا من قوة الطقة ..

و قمنا و لله الحمد .. يوم الاثنين (اليوم الثاني 5/9/2011)
يوم رحنا للبرجة جفناها نظيفة !!! (مع ان ما قلنا حق حد ان تعالوا نظفوها والفلتر كان شغال قبل لا انجي عالاستراحة) .. (عالعموم كانوا العمال ما يدشون الفله اللي احنا فيها .. ولما نكلم المصري عن العمال يقول جايين جايين)

ولما تغوصون ما شاء الله الوضوح تام .. استغربنا !! .. راح اخوي الحمام (اعزكم الله) كان فيه بخاخ مُلطف للجو حاطينه صوب الحنفية ، فجأة اهتز !! (مع ان ما كان مايل)

و في الليل .. و احنا قاعدين نتعشى الا امي تسمع حد يطق الباب ، يوم نادت و قالت نعم محد رد عليها .. و فتحنا الباب ما لقينا احد (قلنا يمكن حد من شبابنا يخرعونا بس احلفوا قالوا والله ما طقينا الباب ولا شي) .. اخترعنا لان بعد اللي صار كله عرفنا المكان مهجور وغير آمـــــن ابـــــــداً

كلمنا المصري هزأناه .. وعلى طول لمينا اغراضنا (الخدم كانوا خايفين) .. تقريباً عالساعه 12 ونص او 1 بالليل كل عيلة ركبت سيارتها (5 سيايير) .. شبابنا راحوا يتفاهون مع المصري .. كان خايف متوتر ( والقطوة السودة تحسون انها درت ان المصري موجود فـ طلعت برع معاهم) ولما شبابنا سألوا المصري عن الحجرة المقفولة سكت ولا رد .. !!! (هاي معناته في ان بالموضوع) ، المهم .. هددناه بالشرطة و قلنا يرد لنا نص المبلغ (عاللي سواه ولا صرح ان هالفله مسكونة ولا جاب طاري الحجرة المقفولة) .. و يوم سألوه ليش ما في سكيورتي قال ماله داعي عشان الناس تاخذ راحتها


و رجعنا آخر الليل البيت .. وعطيناه مهله يومين .. و الله على ما اقوله شهيد
انا احذركم لحد يروح هالاستراحة الزفت ولا تصدقون كلام المصري الحرامي (حسبي الله عليه) .. و الحمدلله رب العالمين الله حفظنا وكنا نحط على قناة العفاسي للقرآن وجبنا معانا راديو و مشغلينه عالقرآن .. بس صار اللي صار و اهم شي رجعنا سالمين بس مراح نسكت عن اللي صار

انشروا المقال الله يرضى عليكم ،، في ناس ما تعرف ،، حذروا معارفكم وحبايبكم

والسلام عليكم ورحمة الله وبركاته

*

الله الحافظ اختي
كان مفروض تشوفوها مهما كان، ماحد يشتري سمك بالشط ..
و اظن والله اعلم هذا مكان مهجور وان المصري قاعد يتحكم فيه بدون شرعية ويكسب منه فلوس
وانا افضّل ان يُذكر اسم الاستراحة او مكانها ، حتى الباقي يحذرون منها ولا يوقعون نفس مشكلتكم، واحس لو ما انذكر الاسم بتنظلم باقي الاستراحات
الله الحافظ وحمد لله على سلامتكم :telephone:

[OM_OMAR_QATAR]

عرفتها
هذي حجز اخوي فيها وكل اهلنا سنة 2008
في أم قرن
وكانت خايسة ورديئة جداً
من عند مصري قريب من الجوازات انا ساعة وحدة تميت عندهم ورجعت للبيت واهلي رجعوا اخر الليل
حتى ان وحدة من أهلنا رجعت منها لمستشفى عيادة الدوحة على طول وقعدت فيها 3 أيام
سووا لها عملية في عينها

:secret::secret::secret:

[تربوي]

الله يهديك

الاستراحات كثيرة وبعضها مميز جدا ورائع بثراحة انا حجزت الكثير منها وفي عدة اماكن ولم اشاهد الا كل خير

اما وجود استراحة مسكونة فطبيعي ان كانت مهجورة كما تصفينها ولذلك يجب ذكر اسم الاستراحة او اسم الشركة التي تؤجر

لكي نحذر منها

[عيون Qatar]

فلة مسكونة ليش ماصورت من جوالك
ممكن اسم الاستراحة عشان اخذ الحيطة والحذر

[al-sadd]

والله جاني فظوووول مب طبيعي !!
ابي اعرف وين مكان هالاستراحه
لاااااازم نحجز انا والشباب وانكبهم نيييهاهاهاهاها
بس اختي ولا رتهونين رقم المصري ومكان الشاليه

[محمد11]

اختي اذا انتي تخافين على اهل بلادج


ليش تذكرين اسم الاستراحه ( ع الخاص ) شنو الحكمه ؟


انتوا زعلتوا من المصري لان ما قال لكم اي شي !!!!!


الحين دامج حاطة موضوع على العام وذكرتي قصه كبيره حصلت لج

ليش ماكتبتي اسم الاستراحه !!!!

[بوحارب]

يمامي خفت :(

[<اضرب واشرد>]

سؤال لجميع الاخوة ، ماهو نظام استئجار الاستراحات ؟ هل هناك تراخيص مثلا أم المسألة سايبه.

وسؤال للأخت كاتبة الموضوع ، تقولين شفتي جنية مسلمة شلون كان شكلها ووين شفتيها وشنو اللي صار بالضبط بينكم !

والله يعافيكم ويرد حقكم

[الخيالة]

مقروض تقولون لنا اي استراحة شعرفني الحين اي استراحة وعشي ماشر9000 حق وشو؟؟؟؟؟ هالمصريين مافي منهم امان دوم يجذبون يا ماصادفت منهم ناس يجذبون ويحلفون كذب حتي من كم يوم ودينا الطير كوكاتو نبيعه شارينه 4000 ريال يقول بشتري بألفين عشان يدربه ويبيعه عقب فوق 8000 قلنا له ولي بنبيعه لك خلك في مكانك تبي تكذب علينا وتخسرنا ليش

[basma222]

يمكن المصري يبي يخافون وتطلعون من الاستراحه وياخذ نص الايجارله
هذا حركاته علشان يخرعكم

[هارودز]

المفروض تعلن عن اسم الاستراحة

[STAR]

اختي اذا انتي تخافين على اهل بلادج


ليش تذكرين اسم الاستراحه ( ع الخاص ) شنو الحكمه ؟


انتوا زعلتوا من المصري لان ما قال لكم اي شي !!!!!


الحين دامج حاطة موضوع على العام وذكرتي قصه كبيره حصلت لج

ليش ماكتبتي اسم الاستراحه !!!!

اعتقد قانون المنتدى لا يسمح لها بذكر اسم الاستراحه..

[abu ali1]

ممكن اسم الاستراحة للحذر.....

[مخطط قطري]

مادري القصه مادشت عقلي صراحه حسيت اني اتابع مسرحيه كويتيه اسمها البيت المسكون
مع كامل الاحترام والتقدير لعضو او العضوه الي نقلت الموضوع ليس كل مايقال يصدق

[غاردينيا]

المفروض تحطين اسم الاستراحة او مكانها

اذا كان قصدج تنبيه الناس وليس تخويفهم فقط!!!!!!!!!

[بنت سعادة السفير]

السلام عليكم ورحمة الله وبركاته
الحمدالله علي سلامتكم عزيزتي
لواحنا مكانكم من البدايه ماراح ندفع المبلغ كامل لين مانشوف المكان ونتاكد من نظافته
وبعدين شلون تسبحون في بركه وصخه الله يكرمكم
وابي اعرف شي واحد انتي ليش ماتحطين اسم الشاليه علي العام عشان الكل يستفيد
الله المستعان

[لمعة الالماس]

انزين قولي شسمها والا في اي منطقة

[STAR]

ياااااا عااااالم اعتقد قانون المنتدى مايسمح لها ‏
تذكر اسم الاستراحة...

عشان ماتسوي دعاية او تشهير..او مادري ههه

[هارودز]

الله المستعان

[بـنـت ڪرز]

طبعا ماقدر اقولج يوم كنتوا هناك طردي الجنانوه او ربطيهم بس شلون خليتوا بزرانكم يتسبحون في برجه وصخه وعلى قولتج الماي صاير اصفر! اوه ماي قودنس >_<" !! انزين يمكن يكون منكت فيها حمض او شي خطر شدعوه ماتخافون هالاشيا تحرقكم وتدش في عيونكم وتسبب مضاعفات مزمنه ماتروح !!

وماخبرت حد يتم في مكان وصخ وينظفه من اوله لين آخره!! انتوا رايحين تستانسون ولا إتخمّون ؟

اما سالفة الريال الميّت اللي في الغرفه الجديده ههههههههههه هاي قبر 5 نجوم ولا شالقصد منه؟

[بوجاسم 75]

ممكن اسم الاستراحه ع الخاص

[com]

انشروا المقال الله يرضى عليكم ،، في ناس ما تعرف ،، حذروا معارفكم وحبايبكم
*

الحين قولي اسم المكان اول لحستي مخ الامة

[الكاميليا007]

مادري القصه مادشت عقلي صراحه حسيت اني اتابع مسرحيه كويتيه اسمها البيت المسكون
مع كامل الاحترام والتقدير لعضو او العضوه الي نقلت الموضوع ليس كل مايقال يصدق

براحتك لاتصدق ... اللهم بلغت اللهم فاشهد

[الكاميليا007]

المفروض تحطين اسم الاستراحة او مكانها

اذا كان قصدج تنبيه الناس وليس تخويفهم فقط!!!!!!!!!


حطيت اسمها ورقم المسؤول عنها بس حذفوه اضطريت ارجعه مرا ثانيه بدون اسامي واذا نتبهت من بدايه الموضوع كتبت اللي يبي الاسم يبعث مسج عالخاص

[الكاميليا007]

الى الاخوه والاخوات اللي مفكرين اني حاطه الموضوع لاجل التخويف او عمل سنيمائي هوليودي ...
لو قصدي التخويف كنت حطيت دراما واكشن اكثر بالموضوع وألفت قصص ... بس ماسويتها ... كتبت اللي انا شفته والاهل ... هل معناته اني كذابه او اهلي كذابين ... مقوله وصلنا لزمن اذا بغينا نساعد غيرنا يكذبونا ؟؟؟

في النهايه اللي يصدق يصدق واللي لا براحته ... ماجبر حد على شي ... بس بليز احسنوا بالرد ... ماكفرت بربي ولا سبيت حد ... الرد يدل على شخصية صاحبة ...

والسموحه

[شيزكيك]

ممكن اسم الاستراحه

ترى شاليهات قراند حياة وايد حلوة

نظافة ووسع وبحر وبرك لليهال

[بوجاسم 75]

والله ياخويتي انا عن نفسي والله مصدقج أقسم بالله

[الكاميليا007]

طبعا ماقدر اقولج يوم كنتوا هناك طردي الجنانوه او ربطيهم بس شلون خليتوا بزرانكم يتسبحون في برجه وصخه وعلى قولتج الماي صاير اصفر! اوه ماي قودنس >_<" !! انزين يمكن يكون منكت فيها حمض او شي خطر شدعوه ماتخافون هالاشيا تحرقكم وتدش في عيونكم وتسبب مضاعفات مزمنه ماتروح !!

وماخبرت حد يتم في مكان وصخ وينظفه من اوله لين آخره!! انتوا رايحين تستانسون ولا إتخمّون ؟

اما سالفة الريال الميّت اللي في الغرفه الجديده ههههههههههه هاي قبر 5 نجوم ولا شالقصد منه؟


قالولنا الفلاتر مفتوحه ... وصلنا الاستراحه الظهر ... دخلناها بالليل عشان تنظف شوي يبلفيت ... وازيد من الشعر بيت كلنا تسبحنا فيها ورجعنا البيت مرضى ... بني ادم يغلط والصراحه ماقدرنا نقاومها ... بس ثاني يوم نظفت ولاتسألين شلون :rolleyes2:

عيزنا واحنا نكلم المصري ... ساعه لين يجون العمال ... نظفناها بنفسنا ... الفيلا الثانيه اللي جنبنا نظيفه ومبخره ومايها نظيف ماعدا فلتنا ... الحمدلله على كل حال اهم شي رجعنا منها بالسلامه

[الكاميليا007]

ممكن اسم الاستراحه

ترى شاليهات قراند حياة وايد حلوة

نظافة ووسع وبحر وبرك لليهال

معاج حق بس لان رحناها قبل ... حبينا نجرب شي يديد ومكان ناخذ راحتنا فيه احنا البنات اكثر :discuss:

[الكاميليا007]

والله ياخويتي انا عن نفسي والله مصدقج أقسم بالله

مشكووور ماتقصر انت نامبر 1 :nice::nice::nice:

[الوسيط العقاري]

موضوع شيق ..

خاطري أروح هالأستراحة أتحرى الأمر والعب مع الجن

خخخ

[بو نايف]

ما تشوفوون شر


والحمد لله ع السلامه



شسم الاستتراحه

ووين

[الكاميليا007]

سؤال لجميع الاخوة ، ماهو نظام استئجار الاستراحات ؟ هل هناك تراخيص مثلا أم المسألة سايبه.

وسؤال للأخت كاتبة الموضوع ، تقولين شفتي جنية مسلمة شلون كان شكلها ووين شفتيها وشنو اللي صار بالضبط بينكم !

والله يعافيكم ويرد حقكم

ماعندي اي خبر عن تراخيص الاستراحات ... بس اللي شفتها ماكانت بالاستراحه ... هذي قصه قديمة وماسوت شي كان اخر الليل ببيت وحده من الاهل ولما سألتهم قالولي هذي عايشه في هالبيت من زمان ومسالمه ... هم مذكورين بالقرآن الكريم وصفاتهم نفس البشر يعني في مسالمين وغير مسالمين... اللي في الاستراحه غير مسالمين لانهم كانو يحاولون يطردونا من المكان بس الحمدلله من غير اصابات ... ما المكان مكانهم :nice:

[الكاميليا007]

موضوع شيق ..

خاطري أروح هالأستراحة أتحرى الأمر والعب مع الجن

خخخ

بسم الله الرحمن الرحيم لا تقول جي ... لي حزة الحزه وصار صج بنلاقيك طاير من الخوف:tease:

[ام العيال]

ممكن اسم الاستراحة ، وين مكانها ؟

[الكواري 1972]

لو بغيتوا تعرفون اسم الاستراحة .. كلموني عالخاص
والله العامل النيبالي ما قال لنا الا ان هالغرفة فيها واحد ميت
بس طبعا احنا ما كنا ندري بشي .. بس يوم عرفنا عن هالاشياء ما قعدنا دقيقة وحده و طلعنا اخر الليل

انتو ليش مكبرين السالفه

هي قالت اللي يبي يراسلها

مافي داعي للتجريح

[OM_OMAR_QATAR]

انتو ليش مكبرين السالفه

هي قالت اللي يبي يراسلها

مافي داعي للتجريح

:nice::nice:

[القحطاني505]

يا إخوة ما في داعي للتكذيب والتجريح

من أراد الرد بأسلوب راقي فحياه الله واللي يستعبط فاستريحوا الله لا يهينكم وخلوا غيركم يكفيكم في الرد

يا أختي المفروض إنكم بلغتوا الشرطة على طوول وانتبهوا من مماطلة المصري وتحايله

[ROSE]

يتم الاغلاق لاستيفاء الغرض من الموضوع ،،