المساعد الشخصي الرقمي

مشاهدة النسخة كاملة : امريكا تجبر ماكدونالدز على وضع هذا التحذير



بحرقطر
09-09-2011, 07:14 AM
أمريكا تجبر ماكدونالدز على وضع هذا التحذير http://twitemail.com/DVg


ترجمة الكلام الللي فّـِ♡ـٌَي الصورة !!!

 تحـــــذير :

إن الأطعمة التي نقدمها هنا قد تحتوي على مواد كيميائية معروف عنها أنها تسبب السرطان او تشوهات خلقية للمواليد أو أي أضرار وراثية.
البطاطا المطبوخة المحمرة مثل أعواد البطاطا المقلية والقطع المحمرة والبطاطا المخبوزة تحتوي على مادة الأكريلاميد وهي مادة كيميائية معروف عنها في ولاية كاليفورنيا انها تسبب السرطان.

الأطعمة الأخرى التي تباع هنا مثل الهامبورغر والبسكويتات والقهوة أيضا تحتوي على مادة الأكريلاميد. ولكن بشكل عام بتركيزات أقل من البطاطا المقلية.

نحن لا نضيف مادة الأكريلاميد الى أطعمتنا ولكنها تتكون عند تحمير البطاطا وبعض المأكولات.

وكالة الصحة والغذاء الأمريكية لم تنصح الناس بالتوقف عن أكل البطاطا المخبوزة والمقلية
ولا الأطعمة الأخرى التي تحتوي على مادة الأكريلاميد.

لمزيد من المعلومات اقرأ في www.fda.gov

<اضرب واشرد>
09-09-2011, 07:21 AM
:omg::omg::omg:

قوية

نتمنى تأكيد هالشي من الطلاب القطريين في أمريكا وأعضاء فالمنتدى :rolleyes2:

مابدل العادات
09-09-2011, 07:44 AM
شكلي باسير على ماكدوندلز واشوف إذا حطو التحذير عندنا ولا لا

والله يعطيك العافيه يالغالي :)

تمون
09-09-2011, 07:51 AM
يالغالي هذي سوالف البلاك بيري

المصدر الي حطيته الي هو تويتر مصدر مب رسمي ثاني شي وين ختم وتوقيع الي يجبر المطعم انا الي شفته كلام على ورقه ومصوره هذا مب دليل
وثاني شي الرابط الي في اخر الموضوع مافيه اي شي عن المطعم
هذا والعلم عند الله

جفى الجوارح
09-09-2011, 07:55 AM
بخصوص الي عندنا يستخدمون نفس المواد ؟

R 7 A L
09-09-2011, 08:27 AM
اخر مره شريت من ماكدونالدز
من أسبوع ماشفت هالتحذير كلش


اعتقد اشاعة

بحرقطر
09-09-2011, 08:29 AM
ما بدل العادات ياخوي تاكد ورد علينا
وبعدين ياتمون شفت برنامج وحده جايبه وجبه من ماكدونالدز عمر الوجبه اربع سنيين وكان السندويج شكله طازج ما عليه عفن كلش والجبس بعد كان شكله طازج وقالت ان الخبز والجبس عليهم ماده خطره هالماده هي الي تخلي الوجبه ما تحلل وتعفن
وعموما انا سامع بالموضوع من قبل وجربت وجبت شندويج من ماكدونالدز وخليه فوق الثلاجه كمل شهر ولا صاده شي
المهم ياجماعة الخير على الاقل ابعدو الاطفال عن هالوجبات الي عليها كلام لين ما يثبت العكس وشكرا

حسن
09-09-2011, 10:31 AM
هو الخبر صحيح ولا لا الوجبات السريعه كلها سيئه واكبر ضرر علينا ماتشوفون بعض الاصغار عندنا بينيط كل مطيحين مع الخدامات صوب المطاعم في المجمعات
والله مافي احسن من العيش الابيض مع اللبن ولا الروب سوه حق العيال وشوفو شيسون فيه

wadha-qa
09-09-2011, 11:28 AM
الخبر صحيح روحوا يوتيوب وشوفوا تجارب شخص اجنبي تمت البطاطس كم شهر ما عفنت بسبه هالماده الكميائيه مقارنه بالبطاطس المقليه الطبيعيه في البيت عفنت في نفس الاسبوع اللي سوا فيه التجربه

مستر بن
09-09-2011, 11:33 AM
انا ما احب الا ماكدونلز , :(

بوعلي2
09-09-2011, 11:56 AM
الله المستعان

<اضرب واشرد>
09-09-2011, 01:48 PM
يا اخوان ندري أن الخبر صحيح وأن مكدونالدز فيها اللي فيها

لكن أسأل عن خبر اجبار المطعم على وضع التحذير على أبوابه في أمريكا هل هو صحيح أم اشاعة

شمس
09-09-2011, 03:39 PM
اصدق ....
شبسهم ما طيقه شبس الطازج احسن.

intesar
09-09-2011, 03:43 PM
مانقربها الا من النادر
اكل البيت وبس
وليش اسمي طباخة

اذا بياكلون اقل الاضرار سابوي

النابلسي
09-09-2011, 03:45 PM
أمريكا تجبر ماكدونالدز على وضع هذا التحذير http://twitemail.com/dvg


نحن لا نضيف مادة الأكريلاميد الى أطعمتنا ولكنها تتكون عند تحمير البطاطا وبعض المأكولات.

لمزيد من المعلومات اقرأ في www.fda.gov

لو المادة تتكون عند تحمير البطاطا، هل يحدث المثل في المنزل؟
فلو كانت الإجابة: بنعم...فيجب ان نتوقف عن اكل البطاطا المحمرة المطبوخة في المنزل، اما إذا كانت الإجابة بـلا، فما هو الفرق؟

النابلسي
09-09-2011, 04:19 PM
بعد بحث سريع: مادة الأكريلاميد تتكون عند تحمير بعض الأطعمة عند درجات حرارة عاليه بسبب تفاعل بين السكر و الحمض الأميني في الطعام. و لقد وجد بأن الأكريلاميد تسبب السرطان للقوارض عند تعرضها لكميات عاليه من هذه المادة، ولكن لم يتم تحديد الحد الأعلى المسموح فيه نظرا لعدم توفر أجابة دقيقة لهذا السؤال.

هذه بعض الأسئلة و الاجوبة من موقع ادارة الأغذية و العقاقير fda :
ما هي طرق تحضير الطعام التي تؤدي إلى تكوين الأكريلاميد؟ و في أي الأطعمة؟
الطبخ في درجات حرارة عالية مثل القلي و الشواء (التحميير) و الخبز قد تؤدي في اغلب الأحيان إلى تكوين الأكريلاميد. ام الطبخ بالبخار و الغلي لا يؤدي إلى تكوين تلك المادة في العادة.
الأكريلاميد يوجد بأغلب الأوقات في الأطعمة النباتية مثل منتجات البطاطا و منتجات الحبوب او القهوة. ولكن الأكريلاميد لا يتكون (او يتكون بنسب قليلة) في منتجات الألبان و اللحوم و الأسماك. بشكل عام، الاكريلاميد يتكون اكثر عند طبخ الأطعمة لفترات طويلة او على درجات حرارة عالية.

هل يجب ان اتوقف عن اكل الأطعمة المقلية، المحمرة(المشوية) او المخبوزة؟
كلا، لأن جميع هذه الأطعمة تكون موجودة في الغذاء اليومي. افضل نصيحة تقدمها الإدارة هي اتباع حمية غذائية معتدلة متناسبة والتي تركز على الفواكه، الخضروات، الحبوب الكاملة، حليب معدوم او قليل الدسم و منتجات الحليب، بالإضافة إلى اللحوم الخالية من الدهون، الدواجن، السمك، البقوليات، البيض و الجوز. و تكون هذه المنتجات قليلة الدهون المشبعة، الدهون غير المشبعة، الكليسترول، و السكر المضاف.

فتلك المادة ليست فقط في منتجات ماكدونادز :)

غزلان
09-09-2011, 04:20 PM
ياسااااتر

الله يحفظنا من شرهم

آلملآزم
09-09-2011, 04:22 PM
ياكرهي لهالمطعم :omen2:

همسه
09-09-2011, 04:25 PM
اللهم احفظنا

آمين يارب

Dawn
09-09-2011, 04:36 PM
مطعم رخيص ووسخ .. الله يعز النعمه
افضل اموت جوع والا اكل منه صراحه ..

هو وهارديز وكنتاكي وبيتزا هت من اقذر المطاعم في العالم ..

روح الاطلس
09-09-2011, 06:41 PM
انا من كثر ماسمعت عن هالموضوع قلت بسوي التجربة بنفسي

خذت حبة بطاطس من ماكدونالدز وخزنتها عندي في ظروف صعبه من حر ورطوبة وداخل علبة بلاستيك


قلت بشوفها بعد شهر


اللي صار اني نسيتها لمدة سنتييييييييييييييييييييييييييييييييييييين والله على ماقول شهيد سنتين !!!


بالصدفه وانا انظف الدولاب ( دولاب في مخزن ) لقيت العلبة وفتحتها الا اشوف حبة البطاطس !!


والمفاجأة انها مثل ماهي :)

لم تتعفن لم يتغير لونها لم يحدث فيها اي شي وكأنها قطعة بلاستيك!


ولازلت موجوده عندي وعندي صور لها بس ماعرف ارفع الصور

وعلى فكرة كثير من الاطعمه ليست اطعمه حقيقية مجرد مواد مصنعة ومضاف عليها نكهه

وشفت برنامج وثائقي عن الجبنه وكيف يصنعونها من مواد دهنيه ويضيفون عليها نكهه صناعية مطابقة للجبن!!

الراقيه سبشل
09-09-2011, 06:50 PM
الحمدلله ما احب ولا آكل من هالاشياء

بس للاسف الاطفال يشترونها ومايدرون

catqat
09-09-2011, 08:03 PM
انا من كثر ماسمعت عن هالموضوع قلت بسوي التجربة بنفسي

خذت حبة بطاطس من ماكدونالدز وخزنتها عندي في ظروف صعبه من حر ورطوبة وداخل علبة بلاستيك


قلت بشوفها بعد شهر


اللي صار اني نسيتها لمدة سنتييييييييييييييييييييييييييييييييييييين والله على ماقول شهيد سنتين !!!


بالصدفه وانا انظف الدولاب ( دولاب في مخزن ) لقيت العلبة وفتحتها الا اشوف حبة البطاطس !!


والمفاجأة انها مثل ماهي :)

لم تتعفن لم يتغير لونها لم يحدث فيها اي شي وكأنها قطعة بلاستيك!


ولازلت موجوده عندي وعندي صور لها بس ماعرف ارفع الصور

وعلى فكرة كثير من الاطعمه ليست اطعمه حقيقية مجرد مواد مصنعة ومضاف عليها نكهه

وشفت برنامج وثائقي عن الجبنه وكيف يصنعونها من مواد دهنيه ويضيفون عليها نكهه صناعية مطابقة للجبن!!

هذي تجربة اصلا سوتها باحثة امريكية وتلقون لها مقطع ف اليوتوب،، لكن ماحضرني العنوان،، خزنت الاكل 4 سنين ولا تغيرت تقولون انها شي موطبيعي... وصرحت انه هالاكل ان دخل الجسم مايتكسر ولا يذوف فوين يروح،،، يتخزن على هيئة دهون صعبة انها اتكسر..

وفي واحد مشهوور ومن اشهر تجارب امريكا اللي فضحت ماكدونالز بعد تلقونه ف اليوتوب: سوى فلم وثائقي عن نفسه وكان بحث عن اضرار الاكل الفاست فود من ماكدونلز ، كان ياكل الثلاث وجبات يوميا من عندهم تقريا لمدة ثلاث او ست شهور، وصادته سمنة وسكر وضغط وكلسترول وبلااااااااااوي...

بحرقطر
09-09-2011, 09:32 PM
الله يكفينا الشر
شي غريب اكلهم ما يعفن ولا يتحلل معنى هالشي زيادة المواد الحافظه
الخوف على اليهال اتوقع في يهال بشكل يومي ياكلون هالوجبات السريعه
انا واحد من الناس الي ولدي يحب الهابي ميل حق ماكدونالدز بس عقب هالسوالف والاخبار منعته والحمدلله افتكينا. *

ahmed1111
09-09-2011, 09:58 PM
مرحبا بحر قطر
انا دخلت الموقع وماحصلت الخبر الي تتكلم عليه
تقدر تعطينا الرابط المباشر للخبر

مابدل العادات
10-09-2011, 08:43 AM
صبحكم الله بالخير يالربع

من اشوي مريت على ماكدونلدز عندنا في امريكا ومالقيت هذا التحذير لا على المطعم ولا على الوجبات

المسك1969
10-09-2011, 08:54 AM
أنا وأولادي مقاطعين ماكدونالز.... إلا الايسكريم أن صكوا رأسي ونادر ما يحدث ولله الحمد

Frosty
10-09-2011, 10:51 AM
انا احاول قدر الامكان ابتعد عن هالمطاعم، بس مع طلعات الشباب نظطر ان نأكل من هالمطاعم الـ (...)
المهم، انا عارف الاضرار، و سمعنا عن التجارب وسمعنا عن كل شيء موجود في هالأكل
والمشكلة عندنا الرقابة عالمطاعم وايد ضعيفة... شلي يضر اذا فتحو مختبر فيه اجهزة (كالوري متر) يحسبون لنا السعرات الحرارية لـ اي مطعم ينفتح عشان نعرف كم السعرات فالأكل مع اصدار لستة؟ وطبعا تطبيق فحص الأكل في هالمختبرات (فحص الأكل مابيسوي شيء، لانه مفحوص مسبقا وكلنا نعرف شفيه ومافيه ومازالت المطاعم موجودة، بس هالفحص يكون للمعلومية وعشان عالاقل يكون في مكان يفحص الأكل في قطر!!)؟ واصلن ماكدونالدز مايحتاج مختبر، في لستة جاهزة من المطاعم في امريكا عن الكالوري الي في كل وجبة، يقدرون بكل سهولة طلبها
يعني عالاقل يحطون السعرات فالمطاعم المشهورة والي الكل يتوجه لها... مب كل مطعم يعني
وترا مثل ماذكرو الاخوان، اذا المتن من هالأكل، خسارة الوزن بتكون صعبة عكس زيادة الوزن من اكل البيت وما شابه
ويآلربع دايما اكلو الأكل الي فالنهاية يعفن، لان هذا الاكل الطبيعي، مب تأكلون هالاشياء الي متروسة كيماويئات ومواد حافظة ومسوين لها أم البروسيسات في المصانع..

المجروح
10-09-2011, 11:20 AM
انا ادرس في امريكا وهالتحذير مب موجود

مع العلم ان قبل سنتين رفعو قضيه على ماكدونالز ان فيها هالمواد الضاره والمسرطنه
طبعا سهم ماكدونالز نزل في البورصه قريب النص دولار
لكن ماكدونالز ما رفضو ان في مواد ضاره بس خفيفه جدا وربحو القضيه لان قالو مب احنا الي انحط هالمواد في اكلنا اصلا نوعية البطاط الي ينزرع لمن ينطبخ يبدا يضر
وبعد رفعو قضيه على باقي المطاعم في نفس الوكت

يعني هالموضوع الي مبطلينا صارله سنتين

شبيــه الريح
10-09-2011, 02:16 PM
هذي تجربة اصلا سوتها باحثة امريكية وتلقون لها مقطع ف اليوتوب،، لكن ماحضرني العنوان،، خزنت الاكل 4 سنين ولا تغيرت تقولون انها شي موطبيعي... وصرحت انه هالاكل ان دخل الجسم مايتكسر ولا يذوف فوين يروح،،، يتخزن على هيئة دهون صعبة انها اتكسر..

وفي واحد مشهوور ومن اشهر تجارب امريكا اللي فضحت ماكدونالز بعد تلقونه ف اليوتوب: سوى فلم وثائقي عن نفسه وكان بحث عن اضرار الاكل الفاست فود من ماكدونلز ، كان ياكل الثلاث وجبات يوميا من عندهم تقريا لمدة ثلاث او ست شهور، وصادته سمنة وسكر وضغط وكلسترول وبلااااااااااوي...

اللي صار انه اللي سوى الفيلم صاده التهاب بالكبد وايضا كلسترول وضغط وقال له الدكتور اذا استمريت بيجيك امراض ما نقدر نعالجها واللي يبي يشوف الفيلم موجود بمحلات الفيديو
نصيحه شوفوه والله بتقتنعون حتى بيتكلم بالفيلم عن ايسكريم باسكن روبنز وكيف يحطون فيه
السكر وانه مليان سكر اسم الفيلم بحطه بخط عريض

الفيلم (super size me )

روح الاطلس
10-09-2011, 04:25 PM
هذي تجربة اصلا سوتها باحثة امريكية وتلقون لها مقطع ف اليوتوب،، لكن ماحضرني العنوان،، خزنت الاكل 4 سنين ولا تغيرت تقولون انها شي موطبيعي... وصرحت انه هالاكل ان دخل الجسم مايتكسر ولا يذوف فوين يروح،،، يتخزن على هيئة دهون صعبة انها اتكسر..

وفي واحد مشهوور ومن اشهر تجارب امريكا اللي فضحت ماكدونالز بعد تلقونه ف اليوتوب: سوى فلم وثائقي عن نفسه وكان بحث عن اضرار الاكل الفاست فود من ماكدونلز ، كان ياكل الثلاث وجبات يوميا من عندهم تقريا لمدة ثلاث او ست شهور، وصادته سمنة وسكر وضغط وكلسترول وبلااااااااااوي...

ادري ان هالتجارب موجوده في النت بس شككت فيها يمكن شركات معادية او منافسة وحبت تشوه سمعة ماكدنوالدز فقلت حتى اقتنع مائة بالمئة انا بنفسي اسوي التجربة وطلع فعلا هالاكل مايتعفن ! معناها اكل مصنع ومش حقيقي ولا بطاطس مزروعه ولا شي شوية مواد مضاف اليها نكهة بطاطس ( رغم ان النكهه تختلف كلياا عن الحقيقية) ومشكلينها اعواد !
اما بخصصوص مادة الاكريماليد فهي تتكون مع قلي البطاطس في الزيت او قلي اي نشويات لكن بنسب متفاوته وثبت انها مسرطنة ومن اسوأ المأكولات ضررا على الجسم هو البطاطس المقلية سواء سويتها في البيت او شريتها جاهزة