سفرتي إلى اتلانتس دبي =))

[أحمـد]

بسم الله الرحمن الرحيم ...

حبيت اعرض لكم سفرتي الي سافرتها لدبي
من تاريخ 1/9/2011 الى تاريخ 5/9/2011
عباره عن خمس ايام او بالاحرى اربع ليال
في اجمل الفنادق ( atlantis the palm )

بشرح لكم تفاصيل الرحله اول شي من حيث الاسعار

طلعت لي الرحله كامله شامل السكن والفطور وكان في عرض ان اختار غدا او عشى
فالاربع ايام , هي عباره عن كوبونات استخدمها فالمطاعم الموجوده بالفندق
المبلغ كامل طلع 8,888 ريال مع التذكره على متن طيران الإماراتية

على فكره سويت بحث وكنت بحجز عن طريق موقع ( booking) لاكن طلع لي اكثر
حول 9500 بدون فطور وبدون عرض الكوبونات وبدون التذكره !

لان الكل يقول ان هو ارخص مكان للحجز:waiting:

والغرفه الي خذتها حق شخصين يعني راح يكون سعر الغرفه النص بالنص :nice:
بيني وبين الي معاي وطبعا" الفطور وإمتيازات الفندق لشخصين راح اتكلم بعدين
بالإمتيازات للي ساكن بالفندق
راح اعرض لكم صور الي صورتها واتمنى انها تنال إعجابكم :rolleyes:

http://a2.sphotos.ak.fbcdn.net/hphotos-ak-ash4/311847_10150316021448970_824598969_8260319_1597397 _n.jpg

هاي صوره للفندق :this:

http://a1.sphotos.ak.fbcdn.net/hphotos-ak-ash4/319027_10150316006908970_824598969_8260099_25387_n .jpg

هاي صوره لوبي الفندق ودوم يكون زحمممممه والكل يتم يتصور فهاي المكان :anger1:
http://a1.sphotos.ak.fbcdn.net/hphotos-ak-ash4/319027_10150316006908970_824598969_8260099_25387_n .jpg

http://a3.sphotos.ak.fbcdn.net/hphotos-ak-snc7/317302_10150316006433970_824598969_8260091_5144988 _n.jpg
بس انا صايد السالفه ومصور من الصبح عشان جي محد موجود :happy:

http://a6.sphotos.ak.fbcdn.net/hphotos-ak-ash4/320377_10150316000288970_824598969_8259986_5156060 _n.jpg
وهاي هي الغرفة , سريرين + بلكونة والحمام وانتو بكرامة فخم لاكن المشكلة
مافي قفل للباب -_-" يعني انا ورفيجي نتفق لو انا دخلت لا تحاول تدخل :anger1:

http://a2.sphotos.ak.fbcdn.net/hphotos-ak-snc7/319452_10150316000658970_824598969_8259990_1864894 _n.jpg
http://a6.sphotos.ak.fbcdn.net/hphotos-ak-ash4/295742_10150316001343970_824598969_8259999_3541209 _n.jpg
http://a7.sphotos.ak.fbcdn.net/hphotos-ak-snc7/304917_10150315998813970_824598969_8259974_1320299 _n.jpg
هاي المنظر من البلكونة , طبعا" يكون في اختيارين ( المنظر ع البحر او المنظر ع دبي )
طبعا" انا اخترت البحر الي هو يطل بنفس الوقت ع البرجة والشاطئ
http://a6.sphotos.ak.fbcdn.net/hphotos-ak-ash4/303232_10150316008278970_824598969_8260126_2368428 _n.jpg
هاي الاكواريم مال الفندق , احين بتكلم عن امتيازات الي يسكن بالفندق
اول شي الدخول للأكواريم اي وقت وببلاش وللألعاب المائيه ببلاش
وتكون الاوليه فالحجوزات مثل السباحه مع الدلافين او حجز الهليكبتر او الإسبا او اي
من نشاطات الفندق فتكون الاوليه للي يكون ساكن بالفندق وغير هاي كله
مجرد انك معلق كرت الفندق , تصير المعامله ثانية :victory:
http://a6.sphotos.ak.fbcdn.net/hphotos-ak-ash4/300217_10150316009488970_824598969_8260147_85917_n .jpg
http://a7.sphotos.ak.fbcdn.net/hphotos-ak-ash4/305337_10150316010408970_824598969_8260163_2387653 _n.jpg
احين بتكم عن المطاعم :dance
http://a5.sphotos.ak.fbcdn.net/hphotos-ak-snc7/319982_10150316003223970_824598969_8260033_1477814 _n.jpg
الفندق من زود ما هو كبير , فيه حول الـ 13 مطعم وكل مطعم يقولك الزود عندي
بما ان انا كنت قاعد 5 ايام وكانت عندي كوبونات للعشى او الغدا .
فكنت كل مره اروح اكل فمطعم غير عن الثاني :fight:
http://a6.sphotos.ak.fbcdn.net/hphotos-ak-ash4/312547_10150316003563970_824598969_8260037_2090587 _n.jpg
http://a6.sphotos.ak.fbcdn.net/hphotos-ak-ash4/312762_10150316003853970_824598969_8260042_2695233 _n.jpg
http://a3.sphotos.ak.fbcdn.net/hphotos-ak-snc7/312527_10150316004693970_824598969_8260058_8024327 _n.jpg
وهاي مطعم بس متخصص فالهمبرجر
http://a1.sphotos.ak.fbcdn.net/hphotos-ak-snc7/301292_10150316012143970_824598969_8260197_5273362 _n.jpg
http://a6.sphotos.ak.fbcdn.net/hphotos-ak-ash4/310727_10150316012728970_824598969_8260201_1570375 _n.jpg

ومن الاشيا الي سويتها هي ان حجزت سباحه مع الدلافين وكان شي روووووووعه :thumbup:
السباحه ثلاث انواع
نوع ان تتسبح مع الدلافين بعمق كبير
ونوع ان تتسبح مع الدلافين لاكن بماي مب عميق وتمسكون الدلافين وترقصون معاها وتبوسونها وتتصورون معاها
والنوع الثالث بس عباره اخذ ثلاث صور معاها
انا اخترت النوع الثاني . :victory:
وكان تجربه حلوه
والسعر يترواح من 400 ريال الى 700 ريال للشخص الواحد
واذا كنت تبي البوم صور طبعا" هاي يكون بعد بسعره
http://a3.sphotos.ak.fbcdn.net/hphotos-ak-ash4/309062_10150316021843970_824598969_8260322_5228387 _n.jpg
http://a3.sphotos.ak.fbcdn.net/hphotos-ak-snc7/309562_10150316023083970_824598969_8260336_1981858 _n.jpg
http://a5.sphotos.ak.fbcdn.net/hphotos-ak-snc7/299712_10150315997633970_824598969_8259954_6969580 _n.jpg
والشي الثاني حجزت رحله بالهليكبتر والاختيار نوعين يا 20 دقيقه او نص ساعه
الرحله تبتدي من فندق اتلانتس , اي ان الطياره تنزل بالفندق وتاخذ لفه كبيره حول دبي
لمده 20 او نص ساعه
http://a6.sphotos.ak.fbcdn.net/hphotos-ak-ash4/312627_10150316020223970_824598969_8260310_5120866 _n.jpg
http://a2.sphotos.ak.fbcdn.net/hphotos-ak-ash4/296522_10150316019958970_824598969_8260306_4058236 _n.jpg
http://a5.sphotos.ak.fbcdn.net/hphotos-ak-ash4/305772_10150316020518970_824598969_8260314_1952346 _n.jpg
http://a1.sphotos.ak.fbcdn.net/hphotos-ak-ash4/311602_10150316021058970_824598969_8260316_2493369 _n.jpg

وطبعا" هاذي صور مختصره لرحلتي , وطبعا" خلال اقامتي رحت للمجمعات ومدن
غير دبي لاكن الشي الحلو كان ان بعد ما نرجع من طلعاتنا .
نرجع لمكان حلو وفيه اشيا وايد فما كان في مجال للملل والوقت يمر وكانت من احلى
سفراتي لدبي والسبب هو السكن بهاي الفندق
وفيه اشيا وايد يمكن ما قدرت اصورها مثل الالعاب المائيه او مناطق بالفندق
لاكن انصح بان اي شخص حاب يسكن فمكان فخم
يجرب فندق اتلانتس
مع العلم ان حزه الحجز كانت الليلة بـ 2200 ريال
واول ما وصلت الفندق انصدمت بأن السعر صار 3100 ريال نفس الغرفه الي حجزتها

واسمحولي ع القصور
واذا في اي استفسار انا حاضر :happy:

[سفيرالاحزان]

ممكن اعرف شلون حجزت بهالسعر؟

[بوجاسم 75]

خطيرررررررررر ياخوي

[deema117]

ما شاء الله حلو الفندق من الداخل والغرفة كبيرة :nice:

وتصويرك حلو وواضح أخوي أحمد


بالنسبة لرحلة الهليكبتر . .
كم كلفتك ؟؟ وهل تكون الرحلة خاصة فيكم ولا فيه ناس غير يركبون معاكم ؟؟

:):)

[غزلان]

الحمد لله على السلامه

ومبين من الصور وشرحك السفره كانت خفيفه وحلوه اهم شي مافيه وقت للملل من كثر الطلعات
وتنوع الأشياء المتوفره بالفندق

وتقريرك فايف ستاااااااااااااار

[هارودز]

كم تكلفة الرحلة هيلو كبتر وهل مسموح يركبون الاطفال

[أحمـد]

ممكن اعرف شلون حجزت بهالسعر؟






اخوي سفير الاحزان ..

انا رحت لسفريات الإماراتية وكنت بس ابي احجز تذكرة طيران بس , لاكن بنفس الوقت
كان فبالي ان اسكن في اتلانتس , وهم عندهم نظام ( الإماراتيه للعطلات )
وهم عندهم عروض لأشهر الفنادق وانا كنت حاجز من بدايه رمضان
ونفس ما تشوف ان الايام كانت حق العيد وشي طبيعي سعر الغرفه يرتفع بالعيد
عشان جي حجزت قبلها بفتره ونفس ما شفت ان بالعيد وصل حجز الفندق
من 2200 ريال لـ 3100 يعني فرق
ونظام الكوبونات هاي كان عرض من الإماراتية من بدايه رمضان لين 15
الي يحجز من عندهم قبل هالوقت بيحصل ع الكوبونات للمطعم
وبس هاي الي صار يا طويل االعمر ^_^

[أحمـد]

ما شاء الله حلو الفندق من الداخل والغرفة كبيرة :nice:

وتصويرك حلو وواضح أخوي أحمد


بالنسبة لرحلة الهليكبتر . .
كم كلفتك ؟؟ وهل تكون الرحلة خاصة فيكم ولا فيه ناس غير يركبون معاكم ؟؟

:):)


عندي الفاتوره للحين ههههههه الرحله حق شخصين كلفتني 1390
عاد انتي احسبي نص المبلغ هو عباره السعر لشخص واحد
لان هاي سعر شخصين لمده نص ساعه
والرحله تعتمد على الناس الي حجزو معاكم يعني ما يصير ان يكون عدد الركاب
اكثر من اربع اشخاص
يعني لو انتو اربعه راح تقدرون تكونون بروحكم
بس انا لاني كنت بس مع رفيجي فجابو اثنين معانا , اجانب واحد مع مرته
ومحد يقدر يختار المكان الي يقعد فيه
لان هم قبل لا تركبين الهليكبتر يشوفون وزن كل شخص
ويقعدون كل شخص بحيث ان يكون الهليكبتر متوازن
يعني الي صار ان الاجنبي قعد جدام ومرته قعدت معاي ورا ههههههههه
بس الرحله صج تووونس والطيار كان فنان

[أحمـد]

الحمد لله على السلامه

ومبين من الصور وشرحك السفره كانت خفيفه وحلوه اهم شي مافيه وقت للملل من كثر الطلعات
وتنوع الأشياء المتوفره بالفندق

وتقريرك فايف ستاااااااااااااار


الله يسلمك


االسفره كانت اكثر من حلووه معني وايد مسافر دبي لاكن عمري ما استانست كثر
هالسفره , وصج من كثر ما الاشيا منوعه ومتوفره تصور كنى كل يوم نشوف شي
يديد بالفندق ولا كنى ندري عنه وما استبعد ان في اشيا للحين ما شفتها او راحت عن بالنا

وتسلم ع الفايف ستااار :victory:

[أحمـد]

كم تكلفة الرحلة هيلو كبتر وهل مسموح يركبون الاطفال



نفس ما قلت ان طلعت لنا الرحله بـ 1390 درهم

وانا ماقدر اقولك اذا اي يصير لليهال او لا
وما استبعد ان يكون لليهال اقل من 12 سنه ببلاش !!
لان فكل مكان بالفندق الاشيا الي تكون لليهال تكون ببلاش
الاكورايم والالعاب المائيه وغيرها اشيا وايد حتى الدلافين لهم ببلاش اذا الام والابو
احجزو
لاكن انا متذكر ان بعد ما نزلت من الهليكبتر
شفت يهال يركبون
كانو عائله اجانب
يعني اكيد عادي

[أحمـد]

خطيرررررررررر ياخوي





ههههههههه تسلم بوجاسم :nice:

[سوووووووير]

اخوي من وين حجزت الهلكوبتر ؟ لازم اكون ساكنه في اتلانتس؟

[Emarati]

ماشاءالله عليك مبين من التقرير واسلوب كتابتك انك استانست بهالرحلة

منتجع اتلانتس ايقونة من ايقونات دبي الجديدة ،، يعطيك العافية على التقرير

ونورتوا دار الحي :)

[قطريه ماركه]

ما شاااااء الله الرحلة شكلها حلوووة وايد ...

الحمدلله ع السلامة ...

عساك ع القوة ..

[حمد911]

مشاء الله تقرير حلو ومرتب

[أحمـد]

اخوي من وين حجزت الهلكوبتر ؟ لازم اكون ساكنه في اتلانتس؟




هو عندهم مكتب بفندق اتلانتس ويصير انج تحجزين من عندهم حتى لو ما كنتي ساكنه عندهم
بس بعد يكون الاولويه للي ساكن فيه لان اتذكر لما كنت ناطر الهليكبتر كانت في وحده
حاجزه وقطيت اذني شوي وسمعت ان هي ما كانت ساكنه بالفندق
اتوقع عادي يعني :nice:

[أحمـد]

ماشاءالله عليك مبين من التقرير واسلوب كتابتك انك استانست بهالرحلة

منتجع اتلانتس ايقونة من ايقونات دبي الجديدة ،، يعطيك العافية على التقرير

ونورتوا دار الحي :)

اي الحمد الله استانسه وايد , والله يعافيك , منورين بوجودك

تسلم

[أحمـد]

ما شاااااء الله الرحلة شكلها حلوووة وايد ...

الحمدلله ع السلامة ...

عساك ع القوة ..


الله يسلمج :victory: و الله يقويج

يسلمـــو ع المرور الطيب

[أحمـد]

مشاء الله تقرير حلو ومرتب






كلــــكـ ذوووووق تسلم

[ام عبدالعزيز]

صحيح الامارتيه كانت مسويه عروووض للي بيحجز حتى تاريخ 31-8 ومن ضمنهم بروموشنز على بعض الفنادق مثل ارماني برج خليفه وعلى اتلانتس وكمبنسكي ..

وكل نوع درجة بالطياره لها عروض اكثر فاكثر..

وهاي مو اول مره تسويها الامارتيه..

اما لموضوع باب الحمام الله يكرمكم اهم سوال عندي ان الحمام مايكون زجاج وفيه قفل...


خصوصاا للي عنديها يهال..


ووووتقرير حلو يااااااخ احمد

[شـعـشـبـونـه]

ماشاااالله وناااسه بصراحه

ثانكس عالتقرير الحلوو... الله يعطيك العافيه

[pink pearl]

ما شاء الله تقرير جميل
بس كم كلفة السفرة أجمالاً مع الوجبات الثلاث ؟

[أحمـد]

صحيح الامارتيه كانت مسويه عروووض للي بيحجز حتى تاريخ 31-8 ومن ضمنهم بروموشنز على بعض الفنادق مثل ارماني برج خليفه وعلى اتلانتس وكمبنسكي ..

وكل نوع درجة بالطياره لها عروض اكثر فاكثر..

وهاي مو اول مره تسويها الامارتيه..

اما لموضوع باب الحمام الله يكرمكم اهم سوال عندي ان الحمام مايكون زجاج وفيه قفل...


خصوصاا للي عنديها يهال..


ووووتقرير حلو يااااااخ احمد



علـــيج نور , حتى انا كنت محتار ان اخذ ليلتين في اتلانتس وليلتين في كمبنسكي
لاكن ما صار واحين احمد ربي ان ما صار لان اربع ليالي احس ما كفت بإن اشوف
الفندق عدل عيل لو ليلتين .... كنت بضايق عدل

وعندي مداخله بالنسبه للحمامات , انا لاحظت ان مافي قفل ع البيبان كلها غير قفل
باب الغرفة اما الحمام مافيه ولا شي ينقفل ومكان الشاور صج قزاز لاكن يكون شوي
مضبب بحيث حتى لو حد دخل الحمام ما يشوف شي

وتسلمين يا ام عبدالعزيز ع المرور

[أحمـد]

ماشاااالله وناااسه بصراحه

ثانكس عالتقرير الحلوو... الله يعطيك العافيه





العفووو ,, والله يعافيج

منورة بمرورج

[أحمـد]

ما شاء الله تقرير جميل
بس كم كلفة السفرة أجمالاً مع الوجبات الثلاث ؟

حجز الفندق والتذكره 8,888 ريال
نفس ما قلت
الفطور كان ع الفندق وبالكوبونات كنى دوم نتغدى
يعني الفطور والغدا كله ببلاش اما العشى كنى نتعشى برع لان بالمجمعات او
اي مكان ويكون خفايف يعني ما نخسر شي

طبعا" حجز الفندق كان النص بالنص بيني وبين رفيجي
وانا ما رحت حق تشري , رحت حق وناسه ودواره بس
يعني الفلوس كانت بس حق مجمعات او سينما او دخول فالاماكن السياحيه
مثل سكاي دبي او اكواريم دبي مول
يعني طبعا" راح يختلف السعر من شخص لشخص
يعني انا كفتني 5000 ريال حق خمس ايام
اللهم شريت للأهل من السوق الحره بدبي وانا راجع الدوحة
لان السوق الحره عندهم بلاااااااااش

[موووج قطر]

الحمدالله على السلامه
والله يبيله تجربه ..
و يسلمووو على موضوووعك الرائع و الحلو و الزين
هههههه ماعرف شاقول من حلاته

[أحمـد]

الحمدالله على السلامه
والله يبيله تجربه ..
و يسلمووو على موضوووعك الرائع و الحلو و الزين
هههههه ماعرف شاقول من حلاته





ههههههه الله يسلمك

لا تقول شي
يكفي بس مرورك :victory:

[تحداني]

دبي حلوه وايد وفيها انشطه كثيره
لكن للأسف الكثير منه ما ايعرف في دبي غير المجمعات والسوق
ويصيع وقته كله في هالمجمعات

مع العلم عندها منتجعات روعه
عندها مناطق خارجيه فيها طبيعه خياليه
في فنادق يكفي تقعد في اللوبي هو قمه الاستمتاع
عندهم انواع من الاسبا ولا في الخيال
في مطاعم عالميه رائده
في شواطئ خياليه
في رحلات بحريه مميزه



وفقت في هالسفره وايد
واختيارك للبرنامج مميز


على فكره صحبه السفر لازم تكون حلوه
لان هذا اهم عامل في الاستمتاع

الله يحفظك يارب .. ويجملك ويجمل صديقك برضاه

[بروكن برايس]

رحلة موفقه أخوي أحمد وتقرير ولا أجمل ، والحمدلله على السلامة ، والزين في الموضوع إنك صدت العرض اللي مسوينه

وفعلا رسوم الفعاليات في الفندق ضو

وأقرب مثال ألبوم الصور وانت مع الدلافين بـ 1200 درهم وتختار منه الصور اللي تبيها

[أحمـد]

دبي حلوه وايد وفيها انشطه كثيره
لكن للأسف الكثير منه ما ايعرف في دبي غير المجمعات والسوق
ويصيع وقته كله في هالمجمعات

مع العلم عندها منتجعات روعه
عندها مناطق خارجيه فيها طبيعه خياليه
في فنادق يكفي تقعد في اللوبي هو قمه الاستمتاع
عندهم انواع من الاسبا ولا في الخيال
في مطاعم عالميه رائده
في شواطئ خياليه
في رحلات بحريه مميزه


عدل كلامك اخوي
وانا بعد جربت عندهم الاسبا وكان فظيع


وفقت في هالسفره وايد
واختيارك للبرنامج مميز


على فكره صحبه السفر لازم تكون حلوه
لان هذا اهم عامل في الاستمتاع

الله يحفظك يارب .. ويجملك ويجمل صديقك برضاه


عدل كلامك اخوي
وانا بعد جربت عندهم الاسبا وكان فظيع
واذا ع صحبه السفره ... الحمد الله الي معاي كان ع الدعسه
يعني معاك فكل شي
والحمد الله معن كنى بس اثنين لاكن استانسنا اكثر من سفرتنا مع قروب

تســلم ما تقصر ع مرورك

[أحمـد]

رحلة موفقه أخوي أحمد وتقرير ولا أجمل ، والحمدلله على السلامة ، والزين في الموضوع إنك صدت العرض اللي مسوينه

وفعلا رسوم الفعاليات في الفندق ضو

وأقرب مثال ألبوم الصور وانت مع الدلافين بـ 1200 درهم وتختار منه الصور اللي تبيها

الله يسلمك
اي هو صج غالي , لاكن الي صج بيصيد السالفه الي عنده يهال ,لان راح يقدر يدخلهم ببلاش , وفي عندك الغوص في الاكواريم الي كله اسماك غريبه
هاي لنص ساعه تدفع 2500 درهم للشخص الواحد وانا استخفيت لما شفت الاكواريم
لاكن كان لازم يكون عندي ليسن مغاوص

[Mohammed2]

ما شاء الله سفرتك وايد حلوه

بس انا سكنت في اتلانتس دبي من قبل
كل شي حلو فيه بس غرفته مب لين هناك
يعني مافيها فخامه مقارنه بالفنادق الثانيه مثل ( كمبنسكي وذا أدرس ومونارك ... )
يعني احسها غرفه عاديه
لكن اللوبي والانشطه الثانيه اللي انت ذكرتها روعه ماعليها كلام
لكن الفندق مايصلح للعوايل الخليجيه كلش
يصلح للشباب اكثر

والسموحه

[أحمـد]

ما شاء الله سفرتك وايد حلوه

بس انا سكنت في اتلانتس دبي من قبل
كل شي حلو فيه بس غرفته مب لين هناك
يعني مافيها فخامه مقارنه بالفنادق الثانيه مثل ( كمبنسكي وذا أدرس ومونارك ... )
يعني احسها غرفه عاديه
لكن اللوبي والانشطه الثانيه اللي انت ذكرتها روعه ماعليها كلام
لكن الفندق مايصلح للعوايل الخليجيه كلش
يصلح للشباب اكثر

والسموحه


الفندق يلبي احتياجات الجميع من حيث السكن يعني في الغرف العادية وفي الغرف
الفخمة يعني سعر الغرفه يبتدي من 2000 درهم وطالع لييييييييين 129,000 الف درهم
الشي الحلو فيه ان انواع الغرف وايد , يكفي ان في غرفه تطل ع البحر وتطل ع الاكواريم وتشوف القروش والاسماك الغريبة وانت ع سريرك
وفي اختيارات وايد فوق ما تتصور لاكن كل شي بسعره $$
وبالعكس انا اشوف ان المكان ينفع للعاويل الخليجية
انا لما كنت بالعيد هناك اصلا" الفندق بكبره كلة خليجين
والي صج عجبني ان في محل يبيع ملابس سباحة للمرأه المسلمه المحجبة
ويصير انك تحجز بركة سباحة خاصة للأهل
وغير الحضانة الخاصة للأطفال الي فيها ملاهي واكواريم خاص فيهم
يعني فندق صج ينفع حق عائلة , او هني مون , او حق قروب شباب
:victory: وتســلم ع مرورك

[بـنـت ڪرز]

وناســــه اف اشتطيت ابي ابي ابي
:happy:

[بوحارب]

تصدق اليوم كنت بصنف واروح دبي عقب الغدا

بس الظاهر الوعد الأسبوع الجاي اذا تيسرت

اشكرك اخوي احمد على التقرير الروعة وماقصرت وسلامة الأسفار :)

[أحمـد]

تصدق اليوم كنت بصنف واروح دبي عقب الغدا

بس الظاهر الوعد الأسبوع الجاي اذا تيسرت

اشكرك اخوي احمد على التقرير الروعة وماقصرت وسلامة الأسفار :)



الله يسلمك

وتروح وترجع بالسلامه :victory:

[ذكي جدااا]

تقريرررك رووعه

[Northqatar]

السلام عليكم

تقرير ممتع

وماقصرت

والله يزيدك ويبارك لك في حلالك

[أحمـد]

ذكي جدا"

انت الاروع

ونورث قطر تسلم ع المرور

[HiTec]

تثبيت حضور >> ماطلعتلي الصور بغير الكومبيوتر

[HiTec]

حجز الفندق والتذكره 8,888 ريال
نفس ما قلت
الفطور كان ع الفندق وبالكوبونات كنى دوم نتغدى
يعني الفطور والغدا كله ببلاش اما العشى كنى نتعشى برع لان بالمجمعات او
اي مكان ويكون خفايف يعني ما نخسر شي

طبعا" حجز الفندق كان النص بالنص بيني وبين رفيجي
وانا ما رحت حق تشري , رحت حق وناسه ودواره بس
يعني الفلوس كانت بس حق مجمعات او سينما او دخول فالاماكن السياحيه
مثل سكاي دبي او اكواريم دبي مول
يعني طبعا" راح يختلف السعر من شخص لشخص
يعني انا كفتني 5000 ريال حق خمس ايام
اللهم شريت للأهل من السوق الحره بدبي وانا راجع الدوحة
لان السوق الحره عندهم بلاااااااااش
اخوي الـ 8800 حقكم الشخصين ؟؟ والا حق واحد فيكم

[أحمـد]

حق شخصين

[طاش]

كفيت ووفيت وماقصرت وبيض الله وجهك

[أحمـد]

تسلم ما تقصر

[بو الجوري]

تقرير رائع و تصوير حلو :.. :)

يعطيك العافيه :..

[Abdullah_89]

ماشاء الله رحله حلوة

الفندق حلو انا سكنت فيه قبل

وفي غرف تحت الماي

لما خذت الغرفه انا كان معاها فطور بس

الحمد لله عالسلامه

[ريتويت]

غاااااااااااااااااااااااااااااااااااالي الفندق بصراحه.. انصدمت من السعر

[أحمـد]

تقرير رائع و تصوير حلو :.. :)

يعطيك العافيه :..


الله يعافيك , تسلم يالغالي منور

[أحمـد]

ماشاء الله رحله حلوة

الفندق حلو انا سكنت فيه قبل

وفي غرف تحت الماي

لما خذت الغرفه انا كان معاها فطور بس

الحمد لله عالسلامه



الله يسلمك , انا لو تأخرت يوم واحد ع الحجز كان بيروح علي نظام الكوبونات مالت الاكل
كنت بكون نفسك بس فطور
:omg:

[أحمـد]

غاااااااااااااااااااااااااااااااااااالي الفندق بصراحه.. انصدمت من السعر




غالي بس يستاهل انك تدفع عليه وتحلل فلوسك فيه من زود الوناسة
:happy:

[TheM16]

nice
سبحااااااااااااااااان الله وبحمده

[نوافـ]

تسلم الايادي تقرير اكثر من رائع

[عيون Qatar]

مانتبهت لموضوعك لين الحين
التصوير رائع جدا

تسلم يدك اخوي احمد على التقرير

[بوخالد911]

خوووش رحلة وتصوير راقي

لا هنت

[أحمـد]

nice
سبحااااااااااااااااان الله وبحمده




منور الصفحة

[أحمـد]

تسلم الايادي تقرير اكثر من رائع

الله يسلمك , مرورك الاروع

[أحمـد]

مانتبهت لموضوعك لين الحين
التصوير رائع جدا

تسلم يدك اخوي احمد على التقرير



مشكورة ماتقصرين , عادي ولا يهمج ومنوره المكان

[أحمـد]

خوووش رحلة وتصوير راقي

لا هنت


:victory: تســــــــلم

[أحمـد]

يعطيكم العافيه ومنورين الصفحة

[m.madani]

حلو التصوير الله يعطيك العافيه

[مخطط قطري]

تقرير حلو وانا رايح دبي عقب كم يوم قاعد اشاور نفسي اغير حجز فندقي واسكن اتلانتس حبيته صراحه
والهيلكوبتر يبيله نص ساعه مب غلط لفه ع دبي

[أحمـد]

تقرير حلو وانا رايح دبي عقب كم يوم قاعد اشاور نفسي اغير حجز فندقي واسكن اتلانتس حبيته صراحه
والهيلكوبتر يبيله نص ساعه مب غلط لفه ع دبي




روح والقلللب داعيلك وصدقيني ما راح تندم ع هالإختيار
وانشاء الله عقبها نشوف تقريرك

[بومحمد المطاوعه]

جوله الهليكوبتر على كم

ويعطيك العافيه

[أحمـد]

هلا , السموحة ع الرد المتأخر بس بتحصل فالصفحه الاولى كل التكلفة الي طلعت لي بالسفره