المساعد الشخصي الرقمي

مشاهدة النسخة كاملة : استفسار : دراسة لغة انجليزية بالخارج


مـراحـب
10-09-2011, 01:46 AM
السلام عليكم ورحمه الله وربركاته


جميع أعضاء المنتدى

أرجوا الإفادة بخصوص دراسة اللغة بالخارج

1 - اي دولة تنصحوني فيها ؟

أمريكا - كندا - استراليا - لندن

2 - كم المدة الكافية للغة ؟

أناا ابغي امش حالي ، ،

3 - عند اختيار دولة من السؤال الأول ؟

كم التكلفة الاجمالية للمعاهد - الشقه - المعيشة

4 - أي اشهر تنصحوني اروح اتعلم وارجع ؟

واذا طرأ ع بالي سؤال برجع لكم
مالنا بدّ منكم

الله يوفق الجميع

أختكم في الله
مـراحـب
ام عبدالعزيز
10-09-2011, 02:00 AM
هلا اختي انصحج بلندن..

ويعتمد الكورس 3شهور ويا سكن بشقه بيكلفج بحدود 120 الف ريال..

بس انا افضل تجوفين عايله انجليزيه وتاخذين سكن وياهم لهدف انج تمارسين اللغه..

وربي يوفقج
مـراحـب
10-09-2011, 02:05 AM
هلا اختي انصحج بلندن..

ويعتمد الكورس 3شهور ويا سكن بشقه بيكلفج بحدود 120 الف ريال..

بس انا افضل تجوفين عايله انجليزيه وتاخذين سكن وياهم لهدف انج تمارسين اللغه..

وربي يوفقج

هلا فديتك ، ،

تشكرين ع سرعه الرد

ااف المبلغ كبير , , هل شامل كل شي ولا

وتعرفين معاهد في لندن

وويوفقك ووياااي عزيزتي
تسلمين يا قلبي
ام عبدالعزيز
10-09-2011, 02:08 AM
حاليا المعاهد ماتاخذ الا افواج يعني من مثلا نقول مكان عمل-بنك مثلا- لان الافراد صار مايوكل عيش بمعاهد بريطانيا

ودامج مبتدئيه مانصج خير شر بالدراسه برع..
انصحج بشمال الاطلنطي تنزل كورسات اتجليزي ..
ahmed jasim
10-09-2011, 07:23 AM
إنتى تبين بس لغة وإلا بتكملين دراسة؟
إذا بتكملين دراسة إخذى لغة من معهد تابع للجامعة
وهذى بياخذ 6 أشهر الى سنة
فى أمريكا الفصل ب 4000$+سكن/مصاريف 2000$ للشهر (150 ألف ريال فى السنة)

اللغة تتعلمينها أسرع بالممارسة وليست بالدراسة
إسكنى مع عائلة
إبعدى عن العرب
إدخلى كلية أم سنتين (ماتحتاج توفل) وإخذى أي مادة فيها نقاش وتعبير وواجبات
أحمـد
10-09-2011, 12:38 PM
انا اول ما خلصت ثنوية رحت اسوي بحوث بالإنترنت وتقريبا" كنت محتار
بنفس الدول الي اخترتيها
وبوجهه نظري شفت ان احسنهم هي كندا
اول شي لان ارخصهم , انا طلعت علي حول الـ 50 الف وكان كورس 8 شهور فمركز بمنطقه
فانكوفرت كندا لاكن نسيت اسم الموقع ع الانترنت وهم كان عندهم مكتب تمثيلي بقطر
صوب عياده العمادي ورحت لهم وحتى اخترت العائله
يصير تختارين مسلمين عرب ويصير اجانب وطبعا" انا اقولج حول الـ 50 الف هاي شامل
السكن مع العائلة
وحتى يصير تختارين من ان كم وجبه تبين تاكلين
لاكن قدر الله ان بعد كل ما سويته , ان ما رحت هناك وتميت فقطر

يعني انا انصحج بكندا
مـراحـب
10-09-2011, 05:03 PM
حاليا المعاهد ماتاخذ الا افواج يعني من مثلا نقول مكان عمل-بنك مثلا- لان الافراد صار مايوكل عيش بمعاهد بريطانيا

ودامج مبتدئيه مانصج خير شر بالدراسه برع..
انصحج بشمال الاطلنطي تنزل كورسات اتجليزي ..

آآهااا ، ،
انا مبدتئه بس اعرف امش حالي ولله الحمد
بس ابغي اقووي اللغه والمحادثة

الشمال الاطلنطي كلش اوقاتهااا ما تنااسبني

وانا درست في البرتش بس ما حسيت تحسنت

ومجال عملي اتعاامل مع اجانب ومشيه حالي شي صح وشي غلط ونصه عربي ونصه انجليزي

في الأخير نفهم بعض هههههه
بوحارب
10-09-2011, 05:31 PM
موفقه اختي مراحب :)
mohd89
10-09-2011, 06:01 PM
السلام عليكم ورحمة الله وبركاته
أختي بالنسبه للمده اعتقد ثلاث شهور غير كافيه ابدا
اقل شي 6 الى 9 شهور ولو سنه يكون افضل
ياما ناس راحت 3 شهور ورجعت وما استفادت شي

بعطيج فكره عن استراليا
بالنسبه للدراسه بحدود 300-550 دولار بالاسبوع يعتمد على المعهد
يعني بحدود 5000-8000 دولار بالسيمستر الواحد (كل ست شهور)

بالنسبه للسكن يعتمد ع المدينه . سيدني فيها جامعات كثيره والخيارات مفتوحه بس مشكلتها غاليه نسبيا
تعتبر من اغلى 3 مدن في العالم
ممكن تختارين مدن ثانيه مثل ملبورن او برزبن او كانبرا

بعطيج مثال السكن في سيدني .. سكن الجامعه 250-300$ بالاسبوع شامل كل شي ما عدا الوجبات
سكن مع عائله استراليه 250-300$ بالاسبوع ايضا ممكن يكون شامل الوجبات حسب او لا حسب الاتفاق
سكن خاص (شقه) 370-850$ دولار بالاسبوع يعتمد ع المنطقه والحجم

بالنسبه للوجبات .. بحدود 10-17$ للوجبه مثل ماكدونالز او غيره

انا عن نفسي انصح بالعاصمه كانبيرا اسعارها معقوله وقريبه من سيدني
وعدد العرب فيها قليل

عدد الطلاب القطريين قليل جدا جدا او شبه معدوم في استراليا بالمقارنه بالطلبه الخليجيين
وبالاخص السعوديين اعداد هائله

اي معلومات عن سيدني انا حاضر
بالتوفيق
مـراحـب
10-09-2011, 09:05 PM
إنتى تبين بس لغة وإلا بتكملين دراسة؟
إذا بتكملين دراسة إخذى لغة من معهد تابع للجامعة
وهذى بياخذ 6 أشهر الى سنة
فى أمريكا الفصل ب 4000$+سكن/مصاريف 2000$ للشهر (150 ألف ريال فى السنة)

اللغة تتعلمينها أسرع بالممارسة وليست بالدراسة
إسكنى مع عائلة
إبعدى عن العرب
إدخلى كلية أم سنتين (ماتحتاج توفل) وإخذى أي مادة فيها نقاش وتعبير وواجبات

أنااا اي ابغي تقويه اللغه وسهولة التعامل مع الناس

اي هااي اللي ابغيه اكتسااب اللغه

وااناا الحين مع الاستااف اللي معااي امشي حالي

بس اطمح للأحسن
مـراحـب
10-09-2011, 09:07 PM
انا اول ما خلصت ثنوية رحت اسوي بحوث بالإنترنت وتقريبا" كنت محتار
بنفس الدول الي اخترتيها
وبوجهه نظري شفت ان احسنهم هي كندا
اول شي لان ارخصهم , انا طلعت علي حول الـ 50 الف وكان كورس 8 شهور فمركز بمنطقه
فانكوفرت كندا لاكن نسيت اسم الموقع ع الانترنت وهم كان عندهم مكتب تمثيلي بقطر
صوب عياده العمادي ورحت لهم وحتى اخترت العائله
يصير تختارين مسلمين عرب ويصير اجانب وطبعا" انا اقولج حول الـ 50 الف هاي شامل
السكن مع العائلة
وحتى يصير تختارين من ان كم وجبه تبين تاكلين
لاكن قدر الله ان بعد كل ما سويته , ان ما رحت هناك وتميت فقطر

يعني انا انصحج بكندا

ما شاء الله عليك
ان شاء الله استفدت وشلون الحين لغتك
وانت شنو تفضل عيله مسلمه ولا غير مسلمه

وشلون عن الاكل

وفي تصورك انا كم شهر يبيلي

والله يوفقك
ذكي جدااا
10-09-2011, 10:02 PM
انصحك ببريطانيا وتكون مده الدراسه لا تقل عن 6 شهوور. المعهد البريطااني بيساعدك باختياار المعاهد او العوائل لدراسه اللغه .بالعااده ببريطانيا استئجار الشقق يكون كل سته اشهر يعني مافي عقد شهرري على العموم برسل على الخااص بعض المعلومات انشااء الله تفيدكم .
أحمـد
10-09-2011, 10:44 PM
ما شاء الله عليك
ان شاء الله استفدت وشلون الحين لغتك
وانت شنو تفضل عيله مسلمه ولا غير مسلمه

وشلون عن الاكل

وفي تصورك انا كم شهر يبيلي

والله يوفقك


والله مادري بخصوص العائله شنو احسن
لاكن اتوقع ان 6 شهور وطالع تكفي
وانا افضل عائله كندية ومب مسلمين عشان تاخذين اللغة عدل
لان الواحد قد ما يقدر يحاول ان ما يتكلم عربي ويحاول ان يتكلم بالانقليزي
حتى حزه الوهقه حاولي انج تعبرين بالانقليزي
جي تطلع اللغه عدل
qatari1
10-09-2011, 11:21 PM
بالتوفيق مراحب....

ومبروك الزيادة:)
مـراحـب
10-09-2011, 11:51 PM
لا خلا ولا عدم

بأنتظار بقية الآلآرااء

ومن بعدها احدد

والله يوفق الجميع

ولي رجعه لجميع الردود
البدع
11-09-2011, 10:40 AM
يعجبني طموحك

وبقول راي مختلف

شخصيا انصح بقراءة الكتب بصوت مرتفع نوعا ما

ولو تقرا 4 الى 5 صفحات يوميا راح تحسن بالفرق

بتحسن لسانك ينطلق مع الانجليزي

وقوم بالترجمة بنفسك ... حط الترجمة على الكتاب

والشيء الثاني اخذ كتاب مبسط لكامبردج من جرير وتعلم القواعد

التعليم الذاتي هو اقوى انواع التعليم

راي شخصي

وبالتوفيق
ذكي جدااا
11-09-2011, 10:39 PM
بالتوفييق مرااحب
هنت المهونه
12-09-2011, 12:43 AM
حياش الله اختي ....
ابشري واتمنى انش تستفيدين من اللي بقوله ..لان كان لي تجربه سابقه ..





1 - اي دولة تنصحوني فيها ؟

انا انصحش بكندا اذ البعد ما ياثر لان كان لي تجربه فيهاا وذلك عن طريق
شمال الاطلنطي ..اهلها طيبين وااجد ..عكس بريطانيا 180 درجه ..
وانصح ايكون فالعائله اطفال لانهم يفيدون لكثرة سوالفهم
اما الشيبان تلقين الواحد منهم مايداني الكلام ولا يزيد من اللغه اذ تكلمتي معاه ..


2 - كم المدة الكافية للغة ؟

الفتره تتعمد على المستوى اللي تبين توصلين له وقبل ذالك تعتمد على الهمه
والعزيمه ..وقبل هذي كله تعتمد على مستوى اللغه الحالي


3 - عند اختيار دولة من السؤال الأول ؟

كم التكلفة الاجمالية للمعاهد - الشقه - المعيشة
ماعندي خلفيه كامله بس اعرف شباب عندنا في بريطانيا يدرسون في مدينة يورك ..
ممكن اني اسئلهم اذ حبيتي ...بس مانصح فيهاا لانهم مايمدحونهاا وكل يوم عندناا
ومن منطقه لمنطقه والاستفاده قليله ..

4 - أي اشهر تنصحوني اروح اتعلم وارجع ؟

اكيد الصيف واذ كانت الفتره طويله تروحين نهاية الشتاء بحيث تكونين هناك
الربيع والصيف والخريف ..

نصيحه ..
اتمنى ان تحاولين تدرسين كم شهر هنا عشان تكونين على مستوى واذ جيتي هناك
تبتدين من هالمستوى لمستوى اقوى ..

اتمنى اني قدرت افيدش وحاضر لاي سواال وبالتوفيق انشاء الله
بوخالد911
12-09-2011, 07:24 AM
هلا


أفضل شيء الرغبة القوية بالتعلم

والبعد عن العرب بقدر الامكان
حتى تكمل الاستفادة

أفضل لندن والسكن مع عائلة

ما اعرف كم التكلفة

المدة : حوالي من 4 - 6 شهور


والله يوووفقكم
مـراحـب
12-09-2011, 09:32 AM
موفقه اختي مراحب :)

الله يوفقك بو حروووب
مـراحـب
12-09-2011, 09:40 AM
السلام عليكم ورحمة الله وبركاته
أختي بالنسبه للمده اعتقد ثلاث شهور غير كافيه ابدا
اقل شي 6 الى 9 شهور ولو سنه يكون افضل
ياما ناس راحت 3 شهور ورجعت وما استفادت شي

بعطيج فكره عن استراليا
بالنسبه للدراسه بحدود 300-550 دولار بالاسبوع يعتمد على المعهد
يعني بحدود 5000-8000 دولار بالسيمستر الواحد (كل ست شهور)

بالنسبه للسكن يعتمد ع المدينه . سيدني فيها جامعات كثيره والخيارات مفتوحه بس مشكلتها غاليه نسبيا
تعتبر من اغلى 3 مدن في العالم
ممكن تختارين مدن ثانيه مثل ملبورن او برزبن او كانبرا

بعطيج مثال السكن في سيدني .. سكن الجامعه 250-300$ بالاسبوع شامل كل شي ما عدا الوجبات
سكن مع عائله استراليه 250-300$ بالاسبوع ايضا ممكن يكون شامل الوجبات حسب او لا حسب الاتفاق
سكن خاص (شقه) 370-850$ دولار بالاسبوع يعتمد ع المنطقه والحجم

بالنسبه للوجبات .. بحدود 10-17$ للوجبه مثل ماكدونالز او غيره

انا عن نفسي انصح بالعاصمه كانبيرا اسعارها معقوله وقريبه من سيدني
وعدد العرب فيها قليل

عدد الطلاب القطريين قليل جدا جدا او شبه معدوم في استراليا بالمقارنه بالطلبه الخليجيين
وبالاخص السعوديين اعداد هائله

اي معلومات عن سيدني انا حاضر
بالتوفيق

وعليكم السلام ورحمه لله وبركاته
انا ابغي بس تحسين اللغه

ومشكور وما قصرت ، ، ع المعلومات القيمة

وان شاء الله جاري التشاور واختيار البلدة
مـراحـب
12-09-2011, 09:42 AM
انصحك ببريطانيا وتكون مده الدراسه لا تقل عن 6 شهوور. المعهد البريطااني بيساعدك باختياار المعاهد او العوائل لدراسه اللغه .بالعااده ببريطانيا استئجار الشقق يكون كل سته اشهر يعني مافي عقد شهرري على العموم برسل على الخااص بعض المعلومات انشااء الله تفيدكم .

بيني وبينك ، ، انا بصرااحة متخووفه من بريطانيا ، ، اذا ما صار على البلدان الثانية اكيد اختياري بيكون بريطانيا
ومشكور وما قصرت ع الأفادة
مـراحـب
12-09-2011, 09:46 AM
بالتوفيق مراحب....

ومبروك الزيادة:)

الله يوفقك

الله يبارك لك ، ، ويسعدك
مـراحـب
12-09-2011, 09:48 AM
يعجبني طموحك
وبقول راي مختلف
شخصيا انصح بقراءة الكتب بصوت مرتفع نوعا ما
ولو تقرا 4 الى 5 صفحات يوميا راح تحسن بالفرق
بتحسن لسانك ينطلق مع الانجليزي
وقوم بالترجمة بنفسك ... حط الترجمة على الكتاب
والشيء الثاني اخذ كتاب مبسط لكامبردج من جرير وتعلم القواعد
التعليم الذاتي هو اقوى انواع التعليم
راي شخصي
وبالتوفيق

تسلم كلك ذوق ، ، انا صج طموحه وابغي احقق طموحي وبأذن الواحد الأحد رااح احقق كل طموحي ، ، يارب تسهل عليّ

اوك ،، ايش القصص اللي تنصحني أقراهاا
وايش لكتب اللي رااح تنفعني

ومشكور ع الأفادة والله يقدم اللي فيه الخير
مـراحـب
12-09-2011, 10:07 AM
بالتوفييق مرااحب

الله يوفق الجميع
al_Caesar
12-09-2011, 10:51 PM
السلام عليكم ورحمة الله وبركاته

مرحبااا فيج اختي بصراحة انا نفسج ونفس التفكير لي فترة وانا اسال وابي اعرف وين ادرس اللغة


بقولج عن معلومات خذيت من الربع الي لهم تجربه فيها

1- عندي واحد من الربع دارس في لندن والحين باقي له سنه ويتخرج سالته عن التكلفه طلع تقريباً المعهد مع السكن مع عائلة لمدة 5 شهور تقريباً ( 50000 الى 60000 الف قطري ) مع واجبات الفطور والغدى والعشى . والباقي انتي ومصروفج اليومي .

2- واحد متخرج من الهند بنقلور يقول هااي تكلفتها خياليه التكلفه في الدراسة السنة (8000) ريال قطري وفي الشهر تصرف (1000)ريال ويقول الشعب الي في مدينة بنقلور يتكلمون انجليزي ورائقيين وانا سالت هندي وقال تقريبا 80% في المدينه يتكلمون انجليزي - عاد هاي الاسعار كانت قبل 3 سنوات ومادري اذ تغيرت الحين وفي هالفتره كلمته يسال لي عن الاسعار .

3- وفي شباب يقولون ماليزيااااااا ولين الحين ماراحو .



واناا والله نفس موضوعج وابي الاستفاده من الاعضاء



واي استفسارت عن الطرح حاضرين



ودمتم بحفظه
mohd89
15-09-2011, 08:44 PM
السلام عليكم ورحمة الله وبركاته

مرحبااا فيج اختي بصراحة انا نفسج ونفس التفكير لي فترة وانا اسال وابي اعرف وين ادرس اللغة


بقولج عن معلومات خذيت من الربع الي لهم تجربه فيها

1- عندي واحد من الربع دارس في لندن والحين باقي له سنه ويتخرج سالته عن التكلفه طلع تقريباً المعهد مع السكن مع عائلة لمدة 5 شهور تقريباً ( 50000 الى 60000 الف قطري ) مع واجبات الفطور والغدى والعشى . والباقي انتي ومصروفج اليومي .

2- واحد متخرج من الهند بنقلور يقول هااي تكلفتها خياليه التكلفه في الدراسة السنة (8000) ريال قطري وفي الشهر تصرف (1000)ريال ويقول الشعب الي في مدينة بنقلور يتكلمون انجليزي ورائقيين وانا سالت هندي وقال تقريبا 80% في المدينه يتكلمون انجليزي - عاد هاي الاسعار كانت قبل 3 سنوات ومادري اذ تغيرت الحين وفي هالفتره كلمته يسال لي عن الاسعار .

3- وفي شباب يقولون ماليزيااااااا ولين الحين ماراحو .



واناا والله نفس موضوعج وابي الاستفاده من الاعضاء



واي استفسارت عن الطرح حاضرين



ودمتم بحفظه

بالنسبه لبريطانيا 50 الف شامل المعهد والسكن والاكل يعتبر رخيص جدا

بنقلور اخوي درس فيها السنه اللي راحت شوي صح معظم اهلها يتكلمون انجليزي
والمصروف الف الى الف وخمسميه في الشهر بتعيش حياة الرفاهيه
بس المدينه تعبانه من ناحية الحياه والنظافه والاكل
بالنسبه لتعلم اللغه الهند غير مرغوب فيها بسبب الاكسنت تعبانه عندهم


ماليزيا حلوه والحياه فيها رخيصه جدا انا انصح فيها صراحه
واللي حاب يدرس في ماليزيا يختار Monash university

بالتوفيق
مـراحـب
18-09-2011, 05:14 PM
حياش الله اختي ....
ابشري واتمنى انش تستفيدين من اللي بقوله ..لان كان لي تجربه سابقه ..





1 - اي دولة تنصحوني فيها ؟

انا انصحش بكندا اذ البعد ما ياثر لان كان لي تجربه فيهاا وذلك عن طريق
شمال الاطلنطي ..اهلها طيبين وااجد ..عكس بريطانيا 180 درجه ..
وانصح ايكون فالعائله اطفال لانهم يفيدون لكثرة سوالفهم
اما الشيبان تلقين الواحد منهم مايداني الكلام ولا يزيد من اللغه اذ تكلمتي معاه ..


2 - كم المدة الكافية للغة ؟

الفتره تتعمد على المستوى اللي تبين توصلين له وقبل ذالك تعتمد على الهمه
والعزيمه ..وقبل هذي كله تعتمد على مستوى اللغه الحالي


3 - عند اختيار دولة من السؤال الأول ؟

كم التكلفة الاجمالية للمعاهد - الشقه - المعيشة
ماعندي خلفيه كامله بس اعرف شباب عندنا في بريطانيا يدرسون في مدينة يورك ..
ممكن اني اسئلهم اذ حبيتي ...بس مانصح فيهاا لانهم مايمدحونهاا وكل يوم عندناا
ومن منطقه لمنطقه والاستفاده قليله ..

4 - أي اشهر تنصحوني اروح اتعلم وارجع ؟

اكيد الصيف واذ كانت الفتره طويله تروحين نهاية الشتاء بحيث تكونين هناك
الربيع والصيف والخريف ..

نصيحه ..
اتمنى ان تحاولين تدرسين كم شهر هنا عشان تكونين على مستوى واذ جيتي هناك
تبتدين من هالمستوى لمستوى اقوى ..

اتمنى اني قدرت افيدش وحاضر لاي سواال وبالتوفيق انشاء الله

مشكور وما قصرت ع الأفادة

والظاهر سيقع الاختيار ع كندا

ادعوا لي تتيسر أموري ، ،

واحتمال 4 شهور تكفي

والله يوفق الجميع
مـراحـب
18-09-2011, 05:16 PM
هلا
أفضل شيء الرغبة القوية بالتعلم
والبعد عن العرب بقدر الامكان
حتى تكمل الاستفادة
أفضل لندن والسكن مع عائلة
ما اعرف كم التكلفة
المدة : حوالي من 4 - 6 شهور
والله يوووفقكم


تسلم بو خالد ع الأفادة

بس بريطانيا أنا متخووفه منهاا شوياات

والحين أحااول افيد نفسي من خلال الكتب والمنتديات لين تتسهل أموري

والله يوفق الجميع
مـراحـب
30-09-2011, 11:31 AM
بأذن الله السفر بيكون في الصيف


بأنتظاار باقي الآراء
A l i
01-10-2011, 03:03 PM
اختي انا درست لغه في كندا - تورنتو من سنه تقريبا
في معهد والصراحه كان المعهد قوي يمتحنونج اول وعقب يحطونج ف الليفل اللي تبينه
واحلى شي في المعهد انه كلهم اسيوين ومايعرفون انقلش يعني قليل العرب بس
وصديقيني بسرعه بتتآقلمين معاهم

- المده الكافيه تقريبا 3-5 شهور على حسب اذا شديتي حيلج على طول
- انا افضل انه تروحين خلال شهر 10-11 لانه عققب كله ثلوج وبرد الحراره توصل -20
- المعيشه زينه يعني .. نقول للشقه 2000$ التسجيل للشهر في المعهد 1300$
xp_qatar
01-10-2011, 10:32 PM
بالتوفيق