ماذا ينقصني لكي لا يتم توظيفي؟؟؟

[انجود]

السلام عليكم ورحمة الله وبركاته


انا فتاه قطريه حديثة التخرج من جامعة قطر تخصص تاريخ


لدي خبره في التعامل مع الكمبيوتر وولدي القدره على التحدث ووالكتابه بالانجليزي

لدي القدره على التطووير والمشاركة في العديد من النشاطات بشكل فعال

لدي القدرة لتطوير الذات من اجل مستقبل مهني ممتاز



ولكن


من شهر 6-2011 الى اليوم مجرد مقابلات


ليييييييييييييييييييه :weeping:

[STAR]

معليه اصبري...ترى توج يديدة تخرج..

ناس قعدوا سنة وسنتين و ثلاث..

الله يوفقششش..

[STAR]

ايييي صح نسيت اقولج ينقصج الواسطة ‏‏(‏‏=‏

[R 7 A L]

توك أختي ماصار لك 3 شهور

أصبري
دائماً مابعد المقابلات يبي لها من شهر الى شهرين


بالتوفيق

[همسه]

اصبري اختي و فالج ان شاء الله الوظيفه اللي تتمنينها و احسن اللي يكون فيها خير و صلاح لج

آمين يارب

:)

[Best Man]

بدري انتي اول تهني بهالاجازه ولاحقه على الشغل ان شاءالله ..

مثل ماقالت ستار ..ينقصج الواسطه

[انجود]

واذا ماكانت عندي واسطه ماراح اتوظف يعني ؟؟؟؟


سوويت مقابلات شهر 6 وللحين كل ماكلمتهم يقولون ان شاء الله خير



ليه لازم انتظر سنتين عشان اتوظف
انتظر طابور او انتظر احد يمووت واجي مكانه ؟؟؟

[STAR]

انزين انتي وين قدمتي؟!‏

اعتقد لوقدمتي في المدارس بسرعة ياخذونج...

[abdo222]

الله يوفقج ،، الحمدلله انه ناس سوولج مقابلات،، وارمضان محد يوظف فيه ،، فعاده بدري عليج بالتوفيق والصبر،،

ملاحظه:

كل الي اعرفهم محد منهم توظف قبل ٧-٩ اشهر من تخرجه

[انجود]

ايه صح بس انا مابي المدارس


التدريس فن لازم واحد يحبه ويتقنه


مو اي واحد يجي يدرس


قدمت في البيئه -البلديه - الديوان الاميري- الموانئ -الكهرماء - الفنون والاثار - المتاحف


سويت مقابله في الموانئ بس ماعطوني اجابه بالقبول أو الرفض

[Best Man]

ايه صح بس انا مابي المدارس


التدريس فن لازم واحد يحبه ويتقنه


مو اي واحد يجي يدرس


قدمت في البيئه -البلديه - الديوان الاميري- الموانئ -الكهرماء - الفنون والاثار - المتاحف


سويت مقابله في الموانئ بس ماعطوني اجابه بالقبول أو الرفض


الي بالاحمر اتوقع يبي لهم واو .. بس مب اي واو

ثاني قدمتي في متحف الفن الاسلامي؟ اتوقع يبون موظفين

والله يكتب لج الي فيه الخير :nice:

[شموخ دائم]

,

,


مرحبا


ما ينقصك الا الصبر والتوفيق من الله

تطمني كل اهل قطر موظفين بنات وشباب ومو كل اهل قطر عندهم واسطات والكل متوظف

والحمدالله وفضل من الله احنا في بلد الكل يتوظف فيها

شوي صبر وتوفيق من الله واجتهاد منك واتركي الموضوع على الله

,
,


اخوك


شموخ دائم

[STAR]

اخ شموخ..انا اقصد بالواسطة التي تسرع عملية توظيفها..
واذا ماعندها واسطة راح يكون حالها نفس حالنا...
تنتظر بالشهوور والسنين وبتلاقي وظيفة ان شاء الله بس متأخر

[STAR]

قدمي في الوزارات..

اعرف وحده تخصصها تاريخ وتشتغل في الوزارة..

والشغلة كلش مالها علاقة بتخصصها..

[AL.SHMOKH]

اصبري اختي و فالج ان شاء الله الوظيفه اللي تتمنينها و احسن اللي يكون فيها خير و صلاح لج

آمين يارب

[بو نايف]

اصبري

انا قعدت ٧ شهور لين حصلت رد وتوظفت

وربعي اكثر فيهم اللي قعد سنه

[المسك1969]

الصبر حفظك الله ومافي قطري أو قطريه ما توظف بس أحيانا يكون التخصص غير مرغوب في مكان ما فيأخذه المكان الآخر

وأنا انصحج بالمدارس حتى تلاقين شغل دامج مستعجله... وعلى فكرة مب كل اللي في المدرسة مدرسات

ترى زادت التخصصات اللي عندهم واختلفت مهام العمل... وبصراحة جو المدرسة جو مريح جدا وحريه للمرأة منطلقة النظير وبعيد عن أعين الذئاب

استخيري يالغلا واستشري وتوكلي على الله

جزاكم الله خيرا:nice:

[المسك1969]

اخ شموخ..انا اقصد بالواسطة التي تسرع عملية توظيفها..
واذا ماعندها واسطة راح يكون حالها نفس حالنا...
تنتظر بالشهوور والسنين وبتلاقي وظيفة ان شاء الله بس متأخر


عادي يالغلا الكل يتأخر وأن تأخرت المرأة مب مثل الرجل أن تأخر... لأن الرجل عليه مسئوليه واعباء لا بد من تحملها

بس المرأة تعمل في البدايه وخصوصا ان كانت غير متزوجه للرفاهيه... بمعنى درست وتخرجت فلازم تشتغل بس الحقيقه مب لازم والضرورة القصوى في التوظيف هي للرجل

مب هو اللي بيدفع المهر وبيفتح البيت وبيصرف مثلا

جزاج الله خيرا:nice:

[احلى دنياااا]

توج جديدة
انا نطرت سنتين ونص هذا وانا تخصصي مطلوب واخرتها اشتغلت
السالفه نصيب لا تتكدرين ولاتقولين ناقصني شي والا شفيني
كل شي ربي كاتبه انت اسعي والله يرزقج ان شاء الله

[(بوطلال)]

الصبر اختي انتي مقدمه في فترة الاجازات مامداج تسئلين عن سبب التأخير . وبعدين دامج تبين الشغل على هواج عيل يبيلج تنطرين فتره طوويله لان طبيعي هالاماكن ضغط عليها

[Frosty]

الله يعينج و يعينا

[حـ ن ـيـ ن]

الله يوفقك للوظيفة المناسبة ...

[barod]

يمكن علشان التخصص غير مطلوب بذيك الدرجه وثانيا تنقصج الواسطه والله يوفقج يارب

[ذيبة الريان]

أصبري عليهم ،

شهر ٦ بداية موسم الاجازات ، موظف يطلع اجازة وغيره يكون مكانه ماعنده الخبرة الكافية ،

وبعدها رمضان ،

وبعدها العيد اجازة ،

ان شاءالله قريب يردون عليك خبر ، انتي اتصلي عليهم بعد وراجعيهم بنفسك

والله يوفقك

[ساحر برشلونة]

بالتوفيق

[هارودز]

الواسطة لها دوووور

[انجود]

مشكورين على الردود

مالنا الا الصبر وش نسوي دام ماعندنا واسطه


اما سالفه التخصص غير مرغوب


ليه الجامعه تكتب قائمه بالوزارات اللي نتوظف فيها اذا خلصنا التخصص

واذا تخرجنا ورحنا للاماكن المذكوره قالوا غير مرغوب فيه

[إينشتاين]

اختي انجود ممكن تذكرين تخصصك الفرعي لأني اعرف ناس تخرجوا بتخصص التاريخ ولكن تم توظيفهم بتخصصهم الفرعي ولم ينظر للتخصص الرئيسي.

[انجود]

تاريخ-جغرافيا

[فجر جديد]

اضم صوتي لك اختي انجود ...... ويقولون مافي بطالة
والله حتى الواسطة ما فادت يعني صج تحترين وماتدرين وين تطقين براسك
وحتى فرحة الزيادة غصينا ومافرحنا لان لو الحين ولدي توظف كان استفاد منها وشملته وانت بعد
وين المسؤلين ،،،،. خل يشوفون حل
ولدي قدم في المؤانئ والجمارك وقطر غاز والعسكريه والقطرية والمطار والرياضة وبروة مأتم مكان ماراح له
مرت سنة او الا صح ضاعت سنة وهو بالبيت وعنده توفل ولغة ومعدل وملف سليم
ليييييييييه ليييييييه مثل ما قلت لييييييييه

[انجود]

الله يؤفق الجميع

[انجود]

ؤش الحل طيب

[المحقق كونان]

الله يعين الجميع

انا قعدت سنة ونص ادور على وظيفه و اسوي مقابلات


ايه صح بس انا مابي المدارس
التدريس فن لازم واحد يحبه ويتقنه
مو اي واحد يجي يدرس
قدمت في البيئه -البلديه - الديوان الاميري- الموانئ -الكهرماء - الفنون والاثار - المتاحف
سويت مقابله في الموانئ بس ماعطوني اجابه بالقبول أو الرفض

يبي له واسطه

[روح الاطلس]

اشفيها المدارس ؟؟ وايد حلووة

وترا توج متخرجة ما امداج تشتكين وتوه رمضان مخلص يعني هالفترة كلش مو وقت توظيفات وشي طيب حصلتي مقابلات

في ناس تخصصها هندسة ولين الحين اكثر من سبع شهور بلا عمل!
ولا حتى مقابلة

رزقج بتحصلينه هالوقت اشغلي نفسج بكل ماتتمنين قبل لا ترتبطين بالدوام

[STAR]

اضم صوتي لك اختي انجود ...... ويقولون مافي بطالة
والله حتى الواسطة ما فادت يعني صج تحترين وماتدرين وين تطقين براسك
وحتى فرحة الزيادة غصينا ومافرحنا لان لو الحين ولدي توظف كان استفاد منها وشملته وانت بعد
وين المسؤلين ،،،،. خل يشوفون حل
ولدي قدم في المؤانئ والجمارك وقطر غاز والعسكريه والقطرية والمطار والرياضة وبروة مأتم مكان ماراح له
مرت سنة او الا صح ضاعت سنة وهو بالبيت وعنده توفل ولغة ومعدل وملف سليم
ليييييييييه ليييييييه مثل ما قلت لييييييييه

ماشاء الله مؤهلاته حلوة..

ومحد اتصله كلش؟!‏

ماقدم ع الوزارات؟
القطاع الخاص؟
العسكرية؟!‏
‏!!‏
‏!!‏


اتمنى له التوفييييق

[so style]

اولا مبروك التخرج وثانيا لكل مجتهد نصيب
مثل ماقالوا لج حبيبتي الباقي انتي جديدة
لكن ما يمنع من ان تجتهدين وتقدمين في كل مكان
والرزق من رب العالمين والصبر مفتاح الفرج

[wadha-qa]

نفس مشكلة اختي

الله يعينكم ويوفقكم

[لمعة الالماس]

مبروك التخرج

قدمي في كل مكان في الوزارات والبنوك الاسلامية وقدمي الداخلية وتابعي اعلانات الجرايد للتوظيف

انتي توج متخرجة والتوظيف يطول لكن لا تياسين

والحين مب اي واسطة تمشي لازم واسطة قوية


والله يوفقج ويوفق كل اللي محتاجين للعمل

[النائب]

بالتوفيق لكل خريج جديد

اتمنى من الدولة متمثلة في الجهة المسؤولة أن تضع برنامج توظيف بعد التخرج لكل قطري وقطرية على ان تكون في مدة اقصاها 3 شهور وينفذوا قرار التقطرير لأنني أرى أن الوظائف في الوزاراة والهيئات والمؤسسات أكثر من عدد الخريجين ومازلنا نستقطب الكثير من الكوادر الأجنبية سواء عربية او غير عربية في مختلف المجالات .

اتمنى ان لا أرى ولا أسمع قطري يبحث عن وظيفة وخصوصا الخريج .

[الكولونيل]

يبي لك عدة أشياء
أولاً وااااااااسطة
ثانياً واااااااسطة
ثالثاً واااااااسطة
رابعاً هالواااااسطة أو الشخص اللي بيتوسط لك لازم يكون عنده منصب
عشان اللي بيشغلك يحسبها صح أنا بامشي له عشان بكرة يمشي لي أو بيخلي الوظيفة حق واحد تكون فائدته أكبر

[chillis]

الله يعينج

[مـراحـب]

انجود


سؤال :

أنتظر اجابته

هل انتي تراجعينهم بالاتصالات؟ ؟

[انجود]

ايه اراجعهم يقولون اذا فيه شي بنرد عليكم

[محمد]

اختي هالوقت دايما حساس .. لان الغالبيه يكونون طالعين اجازات من مدراء و اصحاب قرار ..
والمشكلة مب فيج قد ماهي اجراءات روتينيه وغيرها .. انا شهادتي هندسة و خذت نفس الوقت الي خذتيه انتي ويمكن اكثر وفي الاخير الحمدلله توظفت .. يعني صبري وان شاءالله بتحصلين

ولا تنسين ان هالفترة و بعد الزيادات فيه شوية لخبطة بكل ادارات الموارد البشرية بكل مكان ومثل هالامور من توظيف و غيره تتاجل شوي

[Rider]

اختي في البلدية وين قدمتي بالضبط هل في المبنى الي عند جسر الجيدة اذا كان هناك روحي حق واحد اسمه دشن القحطاني وان شاء الله امورج طبية ترى اذا قطيتي اوراق ورحتي عنها ماحد بسال فيج

[بوخالد911]

الله يسهل علييج

[مخطط قطري]

سمعي نصيحتيوجربي روحي اي وزارة ترغبين فيها وروحي سالي عن مدير مكتب الوزير او المدير العام اذا سؤله ايش الموضوع قولي عندي اقتراح لمدير واحب اعرضه عليه وسويلك سدي في السي في مالج ومهاراتك وبلغيه انج على اتم الاستعداد انك تشتغلين تحت ظغوظ العمل والله يوفقك وماعليك من الناس لي يقولج انتظري روحي مرة مرتين اسالي لاتخلين نفسج

[تركي محمد]

كبرتوا الموضوع و الاخت ماصارلها كم شهر متخرجه !!!!

اول شئ هالفتره فترة اجازات و الناس يادوبها ترجع شهر 9

ثاني شغله ليش طلعتوا كل الجهات ماتوظف الا بالواسطه ؟؟

يعني الحين كلكم يالموظفين ماتوظفتو الا بواسطه ؟؟؟

انا اقول صبري ترى الصبر زين و بدل ماتكتبين موضوعج ياريت تشوفين مركز تدريب تاخذين لج فيه شهادة اضافية لشهادتج لحين ما تلاقين وظيفه تناسبج

[catqat]

صح لسانكم . اللي عنده واسطةة تختفي جميع مشاكله ...

جربي تقدمين في مدرسة بالوكرة يبون مدرساات لكن نسيت اسمها

[انجود]

مشكورين على الردوود



انا قدمت في البلديه في المعرض المهني بس برجع اقدم عند الاخ دشن القحطاني عسى ربي يكتب لي الخير



بالنسبه لمقترحك يا اخ مخطط قطري بسويه وبقولك وش صار معي



اما الاخ تركي بقوولك شي


اول شي انا عندي شهادات الاشياء الاساسيه لكل وظيفة بس لازم اعرف اتجاهي عشان اكمل شهاداتي بشي ينفعني في وظيفتي مو اخذ شهادة سكرتاريه واشتغل شي ثاني


ثاني شي انا معي شهادة من جامعة قطر اظن انها قوويه كفايه حتى وان كان التخصص غير مرغوب اظن ان المهارات هي المفيدة في اي عمل اكثر من التخصص


ثالث شي ترا ان كتبت موضوع ماياخذ من ووقتي دقايق يعني عادي اكتب موضوع وادرس وترا التعبير عن الرأي حق لكل قطري

[Bin Hood]

ان شاء الله تحصلين شغل افضل من الي تتوقعينه

[انجود]

مشكور اخوي

[فرحة ايامي]

السلام عليكم ورحمة الله وبركاته


انا فتاه قطريه حديثة التخرج من جامعة قطر تخصص تاريخ


لدي خبره في التعامل مع الكمبيوتر وولدي القدره على التحدث ووالكتابه بالانجليزي

لدي القدره على التطووير والمشاركة في العديد من النشاطات بشكل فعال

لدي القدرة لتطوير الذات من اجل مستقبل مهني ممتاز



ولكن


من شهر 6-2011 الى اليوم مجرد مقابلات


ليييييييييييييييييييه :weeping:

ينقصك يا نجود أهم شهادة لم تحصلي عليها وهي الواسطة..!

شفت اشلون عندج شهادة الواسطة.. بقية المؤهلات مش مهمة؟؟؟

[راشد محمد]

اصبري

[قطوه مربربه]

الله كريم

[انجود]

الله كريم يرزق عباده من حيث لا يحتسبون

[meeemz]

الواسطه صح مهمه بس مب دايما يوفون على اساسها انا مره قدمت على 3 اماكن سنه 2006 و نادوني كل ال3 وقدمت 2009 كذا مكاان لكن محد ناداني واعرف كذا بنت مقدمين على اماااكن وايد نفس اللي انتي قدمتي لهم محد ناداهم
احس الموضوع يحتاج حظ على واسطه والاهم توفيق من الله

[قطريه ماركه]

اكثري من الاستغفار و بتشوفين كل الأبواب مفتوحه جدامج ...

موفقه ..

[شموخ وبس]

نفس المشكله يوم رحــــــت المعرض المهني جان يقولـــــــــــون بس الكمبيوتر والهندسة والقــــــــــانون
ليش مالي رب متخرجة صارلي فترة وعندي شهادات وقدها والله واتعلم كل شي بسرعة عيني علي باردة هههه
بس مب ساكتة

[Al-Kuwari]

تخصصج مب مطلوب الا في اماكن معينه :)

[انجود]

طيب حتى هالاماكن المعينه تقول عندنا اكتفاء ؟؟؟؟

[انجود]

من وين اجيب واسطه



؟؟؟؟؟




كيف اخترع الواسطه هاذي

[qtr1]

الله المستعان اذا حصلتي واسطه لاتنسيني عاطل من 5 سنوات:telephone:وللحين لحياة لمن تنادي :(