المساعد الشخصي الرقمي

مشاهدة النسخة كاملة : استفسار في الكهرباء


بو راشد 1
10-09-2011, 01:10 PM
يا جماعة الخير, انا الحين في مرحله خرايط بيت العمر، المهندس اللي يعمل الخرايط مصمم لي غرفه للكهرباء خارجيه :omg: (عند غرفه السائق).
وانا لا ارغب في عمل الغرفه و المصصم يقول لازم (اشدعوه عماره:anger1:)، حد ممكن يفيدني اذا كان ممكن اتحاشى عمل الغرفه، علما بان:
مساحه البناء 1200 متر مربع تقريبا
الاحمال الكهربائيه 220 تقريبا
التكيف دكت سبلت (ما عدا الملاحق و البنت هاوس و البيسمنت)
لا يوجد حمام سباحه.

وجزاكم الله كل خير
باتريوتP
10-09-2011, 02:34 PM
السلام عليكم ورحمة الله وبركاته
الاخ ابو راشد
قبل كل شي عسى الله يتمم عليك بيت العمر ويسعدك فيه انت واهلك واسترتك ,, امين ياارب
بالنسبه عن غرفة الكهرباء مش مهمه ومش ضروريه لان بامكانك تسوي خرائط بدون غرفة كهرباء
ولكن
اذا كان لها فائده ام ليس لها فائده
اكيد لها فائده
ولكن يا اخي الكريم قد يطلب منك المقاول او الشركه المنفذه للمشروع زياده بالسعر بسبب الغرفه هذي
مب عشان الطابوق والخرسانه ولكن عن التمديدات والكابلات
نتمنى زيارتك لنا ابو راشد لنقدم لك النصح الاكثر
كما يسرنا ان نقدم لك عرض سعر اذا رغبت بذلك
علما بأننا شيدنا فلل وبها غرف كهرباء نفس الي عندك

شركة باتريوت للتجاره والمقاولات
al saad
10-09-2011, 03:21 PM
الشيخ انا مساحه البناء عندي ١٩٨٠ في بيسمت وارضي واول وبنت هوس وسويت غرفه كهرباء صغيره جمب غرفه السائق وداخله في التصميم لنه احسن يكون المجمع الرئيسي ٢٠٠ اميبر لتكون الكهربه مرتاحه مافي ضغط وفي فتحه شفاط من غرفه السواق على المجمع لتبريد مادام المكيف شغل في غرفه السائق
لنه تجربيتي السابقه كان المجمع ١٠٠ امبير في البيت القديم وبعد ١٠ سنوات لا زم في احمال زياده ملاحق افران كهربائيه غسلات اي شي لو بسيط بيجمع عندك وبيسير حمل على الخط الرئيسي والله انا عانيت الكثير لين رفعت الحمل الى١٥٠ وقسمت الاحمال
في البيت الجديد دفعت ٤٠ الف زياده لنقسم الاحمال وتوزيعها على كل دور واحتياط للمستقبل

والعلم البيت كله ٤١ اسبلت ٢.٥ طن ٦ مكيفات عاديه ٢ طن غير الانصير والافران والصخانه والبركه

ريح نفسك من احين عشان ماتتعب بعدين بعد ماتستشير ناس عندها خبره وانشالله اخوك باتريوت مايقصر معاك
قطري قديم
10-09-2011, 03:41 PM
مرحبا اخوي انا بنيت كذا فيلا تتعدي مساحه المنزل الي قلت عنه وموب لازم الشيخ تاكل من مساحه الارض وتحط غرفه واذا حاب عندي فيلا مساحتها 1620 م ممكن تشوفها وتخلي استشاريك يشوفها وهاي الفيلا شغلنا احنا طال عمرك ولو حاب اي استشارة ممكن اخلي المهندسين يطلعون معاك حاضرين اخوي وبالتوفيق في منزل العمر .
نواااف البوعينين
10-09-2011, 03:44 PM
انصحك بغرفة الكهرباء لانها مفيده
وانصحك تشوف شركه باتريوت لان كلامهم واقعي وسليم
تحياتي
khaldoon
10-09-2011, 04:13 PM
اخوي تحتاج كحد اقصى اربع distribution panels ..... يعني واحدة لكل 400 م2 ....يعني واحدة رئيسية و توزع على ثلاث فرعيات فلهذا السبب تحتاج غرفة كهرباء
قطري قديم
10-09-2011, 08:31 PM
انصحك بغرفة الكهرباء لانها مفيده
وانصحك تشوف شركه باتريوت لان كلامهم واقعي وسليم
تحياتي مرحبا اخوي نواف فيه تعليقين لشركتي ولباتريوت وانت قلت باتريوت واقعي وسليم وانا اطلع شنو يعني......... عموما جزاك الله خير من ردك مبين انك ماتعرف شركة باتريوت.
هارودز
10-09-2011, 08:39 PM
بالتوفيق
نواااف البوعينين
10-09-2011, 08:48 PM
مرحبا اخوي نواف فيه تعليقين لشركتي ولباتريوت وانت قلت باتريوت واقعي وسليم وانا اطلع شنو يعني......... عموما جزاك الله خير من ردك مبين انك ماتعرف شركة باتريوت.



وانت ليش زعلان
حد تكلم عنك اوعن شركتك
ترى انت لا تهمني ولا تهمني شركه باتريوت
بس هذا منتدى وياي اشارك حالي حال غيري وبس
بس انت شكلك غيار عشان مدحنا باتريوت
شركتك حلوة استانست الحين !!!!
هذا منتدى وماله داعي تنتقدني او تنتقد غيري دام ما تكلمت عنك
سلام
الكتاروني
11-09-2011, 03:26 AM
غرفة الكهرباء ليست شيء إجباري و لكنها أفضل لك مثل ما تفضل الأخوة و بالتوفيق إن شاء الله
بوفصول
11-09-2011, 03:32 AM
خل يحط البوكسات في غرفة السايق وسولهم كبت المنيوم ..
بالتوفيق اخوي
بوفصول
11-09-2011, 03:33 AM
كبت بوشرايح .. حق التهوية
daekan
13-09-2011, 12:06 PM
الاستشاري اعرف على حساب الاحمال عندك
لانه اذا كان البريكر مال كهرماء ازود من 150 لزم غرفة. من 150 وتحت بكس في الجدار وبس
باتريوتP
15-09-2011, 12:07 AM
فعلا
الاستشاري اكيد له نظره
بن رومي
15-09-2011, 12:27 AM
غرفة الكهرباء ليست شيء إجباري و لكنها أفضل لك مثل ما تفضل الأخوة و بالتوفيق إن شاء الله

مرحبا اخوي الكتاروني

اجباري غرفة الكهرباء

ويا اخوي العزيز الله يبارك لك في بيتك ويتمم عليك

انا اشتغل في كهرما الغرفة اجبارية من كهرماء ولو ما بنيتها وين بتحط البنلات وللعلم اما كيبل الحكومة ( السيرفس ) اما 120mm او 180mm ومستحيييييل يدخل في صندوق الخدمة العادي فضلا عن البنلات وعفساتها .

شوفلك مكان ذاري و اسمع نصيحة اخوك السد لان التبريد والتهوية جيدة للغرفة وليست اجبارية

واذا تبغي اي خدمة من كهرما انا فالشوفة

بن رومي
بو راشد 1
13-10-2011, 01:28 PM
مرحبا اخوي الكتاروني

اجباري غرفة الكهرباء

ويا اخوي العزيز الله يبارك لك في بيتك ويتمم عليك

انا اشتغل في كهرما الغرفة اجبارية من كهرماء ولو ما بنيتها وين بتحط البنلات وللعلم اما كيبل الحكومة ( السيرفس ) اما 120mm او 180mm ومستحيييييل يدخل في صندوق الخدمة العادي فضلا عن البنلات وعفساتها .

شوفلك مكان ذاري و اسمع نصيحة اخوك السد لان التبريد والتهوية جيدة للغرفة وليست اجبارية

واذا تبغي اي خدمة من كهرما انا فالشوفة

بن رومي


اخوي بن رومي،

سؤالين الله لا يهينك؛
هل يلزم ان افتح باب على الشارع لغرفة الكهرباء؟
ما هي اصغر مساحه ممكن اعملها لغرفة الكهرباء، بمعنى اخر هل مساحه 1.20X 1.4 متر تكفي؟

وجزاك الله كل خير.

وشكر خاص لكل من شارك برأيه و إبداء النصيحة في الاستفسار :nice:
بو راشد 1
16-10-2011, 12:47 AM
حد عنده الجواب يفيدنا؟
بو راشد 1
23-10-2011, 11:16 PM
للرفع
الغـــيور
25-10-2011, 02:50 AM
نصيحه لاتستهين بموضوع الغرفه لان عنك 200 إمبير واوافقك اخوي خلدون حاليا شركة واحد من ربعي ماسكين شغل كهربا وبنفس الشغله بالضبط في عين خالد اذا حاب تروح الموقع وتقابل الكهرباءي وهو بيشرح لك بلغة اهل الكهربا لأني ماافهم في تفاصيلها وايد
اخبر مساحة الغرفه الي بيسوونها 2 في 1.5

دق على هالرقم للتواصل وتقدر تجيب الخرايط معاك بالمره عشان يكون الشرح أوضح لك
بعد إذن الاداره 55577331*
بو راشد 1
29-10-2011, 12:23 PM
اخوي بن رومي،

سؤالين الله لا يهينك؛
هل يلزم ان افتح باب على الشارع لغرفة الكهرباء؟
ما هي اصغر مساحه ممكن اعملها لغرفة الكهرباء، بمعنى اخر هل مساحه 1.20X 1.4 متر تكفي؟

وجزاك الله كل خير.

وشكر خاص لكل من شارك برأيه و إبداء النصيحة في الاستفسار :nice:



Up up up

لمن يعرف الاجابه