تجربتي مع مستشفى العمادي واسعاره الخياليه

[غلا ابوها]

حبيت انقلكم تجربتي امس كنت في مستشفى العمادي طبعا موعد مع دكتورة وكانت طالبه علي بعض من الاشعه طبعا العاديه وكم شغله المهم قالت الدفع اولا رحت ودفعت 1300 على الاشعه بس ورجعت لها وطلبت بعد كم شغله وطبعا بسيطه من غير ذكر ورحت مرة ثانيه للكاشير توقعت السعر بيكون عادي وانصدمت طبعا من السعر قالت الشغله المطلوبه ب2500 رجعت لدكتورة من غير مادفع وكلمتها مايصير ليش الاسعار غاليه وخياليه قالت انتي ماعندج تامين صحي قلت لا طبعا قالت المستشفى رافع الاسعار لان اكثر الناس مايدفعون من جيبهم على التامين طلعت وكلمت الدكتور محمد العمادي بنفسه دكتور انا ماعندي تامين والدكتورة طالبع علي فحوصات كم بدفع يعني 10000 قال بنعمل خصم 10% كم يعني 200 ريال اوكي انت حاط هالاسعار علشان تكسب من التامين واحنا وين نروح يعني الي ماعنده تامين صحي لايروح موب حاله الواحد مايقدر يتعالج بسبب هالاسعار الغاليه والتجاريه وين وزارة الصحه او الرقابه هالاسعار المرتفعه
ملاحظه : اتصلت حق وحدة من زميلاتي اقولها عن الي صار وسالتهم من واقع تجربته قالت انا خذتها في السعوديه وباكبر مستشفى معروف ب250 ريال انصدمت من السعر يعني العماي حاط اضعاف السعر ليش موب حرام الي يصير الواحد يشوف رزقه من ورا الناس استغفر الله العظيم

[nor85]

الله يكون بعونج

[ضوى]

اختي مب لازم تسوين فحوصات عنده خليه لاستشارة بس ، خذي التحاليل وروحي اي مختبر الاكيد بيطلع سعر معقول

[&من ذهب&]

ول عليه اسعاره مب خياليه وبس الا مبالغ فيها

[بوعلي2]

لاحول ولاقوة الا بالله

[كازانوفا]

سبحان الله شغل تجاره بحت
دوري البديل لو بامكانك تسافري السعوديه بيكون احسن ولا القهر

شفاكي الله

[بوخالد911]

الله يعينا

كللا للجشعععععععع

[الأصيلة]

يعني والتأمين الصحي ماتدفعه بلاده على هذولا الأجانب
بدل مايكون عادل ويطلب المعقول ومايخسر بلاده حتى لو في جيبه...
اش ها الجشع اللهم ياكافي...

[حيهور]

انا عندي تأمين

وراح أقاطع العمادي

كفو ياهل قطر

[Store]

ياريت بس الاسعار خدمتهم زفت

[khalid Qtr]

لا حول ولا قوة الا بالله ..

نتمنى ان الدولة تمنح المواطنين تأمين صحي

[بوعلي 8]

الله يلعنهم ناهبين خير لبلاد الي ب 500 سوه ب 2500 عالحكومه والي ب 2500 سوه ب 10000

[مستر بن]

ايي والله ’

الـتأمين الصحي انا اللي اعرفه لشركات البترول ,, اخبر عمي ترقد مرة هنااكـ وانا رقدت عنده ’’

ع التامين ,,

دقع 250 بس , مادري 450 ,

[شبعان]

المستشفيات الخاصه جالسه تنهب الدوله بطريقه غير مباشره!!
بعض الجهات الحكوميه توفر التامين الصحي لموظفيها...المستشفيات الخاصه تبالغ في الاسعار والعلاج للحصول على اكبر مبلغ ممكن لكل زياره...الفواتير تروح لشركات التامين واللي بدورها تحاسب هالجهات الحكوميه..
وينكم ياديوان المحاسبه ..
الحل الامثل والمناسب للحفاظ على المال العام هو الغاء التامين الصحي واعطاء الموظفين بدل تامين صحي مناسب..
التامين الصحي السنوي عند اغلب الشركات لايتجاوز ال 10000 ريال سنويا للعائله..

[جفى الجوارح]

يبيلهم مقاطعه عشان يتأدبون

[أحمـد]

انا اشوف ان الاسعار مبالغ فيها وايد بعد

انا قبل ما كان عندي تأمين ورحت سويت فحوصات وطلعت لي حول الـ 2500 ريال
لاكن عقبها تبت وما رحت
لاكن بعد ما حصلت تأمين , قمت كله اروح هناك وما علي ان بس ادفع 25 ريال

مستشفى العمادي اوك , لاكن انصح ان الي يبي يروح لة لازم يكون عنده تأمين

[Rider]

للاسف ياخذون فلوس من الناس والتشخيص خطأ كل مستشفيات قطر سؤ العامة او الخاصة

[الـخـالـدي]

ملاحظه : اتصلت حق وحدة من زميلاتي اقولها عن الي صار وسالتهم من واقع تجربته قالت انا خذتها في السعوديه وباكبر مستشفى معروف ب250 ريال انصدمت من السعر يعني العماي حاط اضعاف السعر ليش موب حرام الي يصير الواحد يشوف رزقه من ورا الناس استغفر الله العظيم

هذي الاسعار فالسعوديه و السعوديه المستشفيات الخاصه عندهم بكثره و الصيدليات تقريبا عددها وعدد البقالات و احد عندهم

بخصوص الاسعار من زمان مرتفعه فالمستشفيات ومب بس المستشفيات حتى الصيدليات

شوفو اسعار الأدويه عندنا بكم وقارنوها بدول الخليج وبتشوفون الفرق ..

ماتشوفين شر اختي .. و الله لا يحوجج و لا يحوج غيرج للمستشفيات

[ورقة غار]

بالنسبه لمستشفى العمادي هالمستشفى يخرع دشيته مره وحده صادتني اغلقه ...


انا شخصيا الحمدالله ماعلى قصور لكن مااحب احد يستغلني اعطيكم مثال في نفس التوقيت انا ووحده من اهلي ذبحنه ضرس العقل وكان العلاج انه يشيلون الضرس

انا شلته في عيادة الربيع اللي في الهلال بخمسين ريال

وهي شلته في الخراشي بخمسمية ريال


مااحب احد يقص على ولا يلعب في مخي والمكان نظيف وممتاز وبالنسبه للدكتور احسن دكتور اسنان مر على

[وحيد-الشوق]

في الدول المتقدمة التأمين الصحي يمشي في اي عيادة واي مستشفى اما عندنا المواطن القطري ماله غير المقصب البشري مستشفى حمد واذا مابغى المستشفى الحكومي روح ادفع من جيبك ؟؟!!!

[ام السعف]

بالفعل قطر صايرة كأنها دولة اوروبية ،، التأمين الصحي له فوائد من صوب ومن صوب ثاني
ترك المجال للاستغلاليين ينهبون من خزينة الدولة :(

[شبيــه الريح]

اختي اذا اشعه روحي مختبر اشعة الخليج وسوي الاشعه ارخص وبعدين اخذي التحاليل لاي دكتور بعياده خاص مب مستشفى يشفط الفلوس واذا تحليل بعد باشعة الخليج هذا احسن حل

[الجوكر90]

السلام عليكم
انا كنت مسخن عطوني ابرتين وادويه طلع علي ب700 تقريبا

[ولد النصر]

والله يازين مستشفيات البحرين والسعودية عمليات على 3000 و 5000 وعندنا الفحص يوصل 10000 اجل العملية كم 30000 الف مثلآ

[سهم مغلق]

لاحول ولاقوة الا بالله

[الخيالة]

كل الهنود وباقي الجنسيات اللي جايبينهم من بره عندنا في الشركة عندهم تأمين صحي ومرتااااحين ولي يدفعون واحنا وحتي بعض من مواليد الدوحه ماعندنا شالفرق بيننا وبينهم ماعرف الله يعين

[القيادة]

ماتشوفين شر أختي

نصيحة أذا بتسوين تحاليل سويها في مستشفى حمد لان بعض

التحاليل غالية جداً من وأقع تجربة أأأأأما العيادات الخاصة مب حرامية

الا نصب عيني عينك.

وأذا أستشارة طبية عندج العيادات الخارجية والله فيه بعض الاطباء

تشخيصهم عدل بس يبيلج تسئلين مب أي دكتور تروحين له.

[فرحة الكواري]

استشاري جراح كندي الجنسيه

زار مستشفى حمد وتعجب من تقنية الاجهزة الموجوده والادوات الحديثة
وقال هذه الادوات لابد من وجود الدكتور اللي يعرف قيمة الاجهزة هذي اللي حتى مب موجودة في امريكا


الخلاصة: مستشفى حمد ممتاز وناس تجي من برع تتعالج فيه واحسن التشخيصات عندهم لكن الخلل في بعض الدكاترة الغير كفوؤء مب كلهم .. والمواعيد المتأخره

[شموخ]

من زين مستشفى العمادي سويت عنده عملية ولا استفدت منه شي بس نهبه عالفاضي-

[catqat]

كالعادة انحذف ردي

[راشد محمد]

جششششششششششششششششششع غير طبيعي

[Engineer]

مع ان مادري ليش الناس تروح لمستشفى العمادي على كثر الأخطاء الطبية اللي فيه و المصايب اللي تصير فيه و لكن كنصيحة : لو انا خيروني اي مستشفى راح اروح له لا سمح الله في حالة المرض راح اقول الهلي مدام الدعوة فيها دفع و الأسعار نار اتوقع الأهلي يعتبر الأنسب و الأفضل حالياً

ودمتم

[بنت مريخ]

وين حمايه المستهلك؟