:::‏ أفااا والله آفااا ‏:::

[STAR]

السلام عليكم


للاسف صرنا نحسد بعضنا البعض..

صرنا نبي الخير لنا ومانبيه لغيرنا..



سابقا ..‏(قبل الزيادة‏) كنا
نطالب بين فترة والثانية بالزيادة وما تطرقنا ان
الزيادة تكون للحكومة او القطاع الخاص..

كنا على قلب واحد في مطلب الزيادة...


كنا كلنا نبي الزيادة تشمل القطريين في كلا القطاعين..



اما اللحين بعد ما تم الاعلان عن الزيادة ‏..


للاسف الشديد قمت الاحظ بعض الاعضاء بدا يظهر مافي قلبه من حسد والانانية و عدم تمني الخير للآخرين..

صار بعض الاعضاء يقولون ان القطاع الخاص مب لازم تجيهم الزيادة ‏..

وان لازم الرواتب تتسوى في الحكومة وفي قطاع الخاص..

اماااااانة بذمتكم هل عمل قطاع الخاص نفس عمل الحكومة؟!‏


وهل لو تم زيادتنا راح ينقص من فرحتكم شي؟!!‏



احنا استانسا لاخوانا في قطاع الحكومة وقطر للبترول ولكن الفرحة لم تكتمل لان الزيادة والمكرمة لم تشمل جميع القطاعات و جميع القطرييين..


اتمنى من بعض الاعضاء ان يتمنوا الخير لللي ماشملتهم الزيادة لين اللحين..

ومبروكين ع الزيااااادة...

[الأصيلة]

المفروض الزيادة للقطرييين فقط في كل القطاعات...
وإن شاء الله تتحقق كل الرغبات...
وابو مشعل مايقصر ومافيه أطيب من قلبه وأسخى من يده...

[هنت المهونه]

شتبون فالزياده ..؟
المال ماوراه الا الدمار :shy::omen2:

اللي يسمعش ايقول ان حنا استلمنا شي.. او حتى نزلت فالبنوك ..
اما انا عن نفسي فوالذي نفس محمد بيده اني اتمنى لكل قطري
الخير مثل ما اتمناه لنفسي ..!!

بس هذا نصيبكم :shy:

لا زم تسون

ثوره :threaten:ثوره:threaten: ثوره:threaten:

الى الامام الى الامااااام


هههههههههه
الخير جااي انشاء الله
ماتدرين بالغيب ممكن تكون اكبر من الزيادات هذي

[رآعي موآجيب]

بالعكس ,, إلا ودنا ان الزياده شملت جميع القطريين سواء في القطاع الحكومي وشبه الحكومي والخاص

يمكن بعض الموظفين القطريين في القطاع الخاص أقل راتب وأكثر ساعات عمل من موظفي الحكومه

وحتى لو كانوا أكثر راتب ، فلن تكتمل فرحتنا إلا بأكتمال فرحة جميع المواطنين بهذه الزياده في جميع القطاعات

وأنا كلي آمل وثقه بأن الأمور ستسير للأفضل وبالشكل السليم لتشمل هذه الزياده أخواننا وأخواتنا في القطاع الخاص .

[المسك1969]

ربي لا يجعلنا من الذين في قلبهم حقد أو حسد حتى ندخل الجنة...

وعن نفسي والله كنت أتمنى ولا زلت أرجو الله ثم من صاحب السمو أن تشمل مكرمته الاميريه كل قطري وقطريه بلا تفريق في مكان العمل خاص أو حكومي:victory:

فأنت كريم ياسمو الامير وشعبك يستاهل:victory:


الحقد داءٌ دفينٌ ليس يحمله.. ..إلا جهولٌ ملـيءُ النفس بالعلل

مالي وللحقد يُشقيني وأحمله.. ..إني إذن لغبيٌ فاقدُ الحِيَل؟!

سلامة الصدر أهنأ لي وأرحب لي.. ..ومركب المجد أحلى لي من الزلل

إن نمتُ نمتُ قرير العين ناعمـها.. .. وإن صحوت فوجه السعد يبسم لي

وأمتطي لمراقي المجد مركبــتي.. ..لا حقد يوهن من سعيي ومن عملي

مُبرَّأ القلب من حقد يبطئـــني.. .. .أما الحقود ففي بؤس وفي خطــل

دمتي في حفظ الله ورعايته:nice:

[الدمعه]

الله يزيدكم من نعيمه وخيره ..

والحمدلله ان الارزاق بيد الله مب بيد بني ادم ..

ولاتفتكرين ببعض الناس اللي قلوبهم مليانه حقد..

مو بس الرواتب حاقدين عليها.. تدرين مره فتحنا موضوع اسقاط ديون عن اللي

طافوا الخميسن .. او اللي تقاعدوا وعليهم دين كبير.. ماتتخيلين الهجوم اللي لقيته..

والمشكله انهم صغار بالسن ماوصلو 25 او 30 سنه.. ويقولون واحنا بعد علينا دين وهاي ظلم..

الحمدلله والحمدلله والحمدلله..

القناعه كنز بس اللي مثلهم مايعرفون هالكنز..

[إينشتاين]

المفروض القطاع الخاص يقررون الزيادة وباسرع وقت لتعم الفرحة لجميع القطريين بدون استثناء...

وإذا تأخرت شهر عن زيادة الحكومة المفروض يخلونها 70%

وإذا تأخرت شهرين تصير 80%

وإذا تأخرت ثلاث شهور تصير 90%

والفرق هذا يسمونه (بدل تأخير فرحة) :nice:

[R 7 A L]

اختي ستار
اخذيها مني هالعينات لايمثلون الا أنفسهم ولا يمثلون جميع موظفين الحكومه اخواننا

هالعينات الى يطالبون بعدم زيادة موظفين الخاص فاكرين ان رواتب موظفين القطاع الخاص كما في الشركات النفطية الكبرى الله يزيدهم

مايدرون ان الى في الشركات المساهمة رايحين فيها من جميع الجوانب
لا المسئولين راضين عليهم
ولا الكستمر راضي عليهم
ولا حتى اهلهم راضين عليهم

ساعات عمل طويلة ورواتب رديئة جداً وامتيازات بس تبقى مسمى ولين كحال الشركات الكبرى


في الختام
من يحسد اخيه المسلم او يحمل ذره حسد في قلبه لن يبارك الله له في ماله

[ورقة غار]

انشاء الله الزيادة تشمل جميع القطريين

واللي بتحسد هي النفوس المريضه

وحسبى الله على كل تاجر رفع الاسعار

[بوخالد911]

الله يعم الفرحة ع الكل

[ام السعف]

المفروض القطاع الخاص يقررون الزيادة وباسرع وقت لتعم الفرحة لجميع القطريين بدون استثناء...

وإذا تأخرت شهر عن زيادة الحكومة المفروض يخلونها 70%

وإذا تأخرت شهرين تصير 80%

وإذا تأخرت ثلاث شهور تصير 90%

والفرق هذا يسمونه (بدل تأخير فرحة) :nice:

واذا تأخرت سنتين يخلونها 200% بأثر رجعي ،،

يا ستار رب العباد قاسم الأرزاق له حكمة في كل أمورنا
واللي يقول ذيه يستاهل وذيه ما يستاهل الفلوس مب طالعة من جيبه
فلا تشلين هم واطلبي من رب العباد الستر والقناعة والبركة ،،

[alwahesh]

الله يزيدكم ويزيدنا من نعيمه وخيره ..

[محمد]

السلام عليكم ..

اولا اختي مافيه حد من هل قطر يحقد على اخوه .. وبالعكس نبي الفرحة تعم الجميع ..
ولكن لا تاخذينها بمثل ما فهمتيها بهالطريقة الي هي حقد وحسد !

الغريب ان البعض يتكلم وكأنه يطلب حق مسلوب له .. وهذا غير صحيح
فالي في القطاع الخاص راحوا بارادتهم لهذا القطاع و الدولة ما تملك السلطة لان تقول لهالقطاعات زيدي رواتب موظفينج لانها بالاخير القاطاعات الخاص جهات ربحية ! ..


اخيرا نتمنى ان هالجهات تنظر لزيادة الرواتب ولا راح ينفر منها العديد من الموظفين واكيد هالنقطة مب خافيه عليهم .. ومثل ما قلتلج مب سالفة حقد لكن ايضا في نفس الوقت ما ننظر للدولة على انها ظلمتنا في القطاعات الخاصة لان الدولة لها السلطة في جميع تشريعات الدولة لكن ما تملك الشي الي تطلبونه .. الا اذا تبون الدولة تقلب على النظام الاشتراكي هذا شي ثاني :)


للعلم .. انا لا تشملني الزيادة .. عشان ماتقولين من الي زادوهم وحاقدين على هل القطاع الخاص :p

[JN000N]

الله يكتب لكم الخير
وان شاء الله الزيادات بتكون لاهل قطرررررر كلهم

وبعدين ماعتقد ان الزياده بتنقص من بيزات حد
ماخذوها حساب حد وعطو الباقي
ف ماظن في داعي للحقد والحسد وكلنا اهل ديره وحده ونتمنى نجوف القطري دايما في افضل واحسن حال

[ولي العهد]

السلام عليكم ..

اولا اختي مافيه حد من هل قطر يحقد على اخوه .. وبالعكس نبي الفرحة تعم الجميع ..
ولكن لا تاخذينها بمثل ما فهمتيها بهالطريقة الي هي حقد وحسد !

الغريب ان البعض يتكلم وكأنه يطلب حق مسلوب له .. وهذا غير صحيح
فالي في القطاع الخاص راحوا بارادتهم لهذا القطاع و الدولة ما تملك السلطة لان تقول لهالقطاعات زيدي رواتب موظفينج لانها بالاخير القاطاعات الخاص جهات ربحية ! ..


اخيرا نتمنى ان هالجهات تنظر لزيادة الرواتب ولا راح ينفر منها العديد من الموظفين واكيد هالنقطة مب خافيه عليهم .. ومثل ما قلتلج مب سالفة حقد لكن ايضا في نفس الوقت ما ننظر للدولة على انها ظلمتنا في القطاعات الخاصة لان الدولة لها السلطة في جميع تشريعات الدولة لكن ما تملك الشي الي تطلبونه .. الا اذا تبون الدولة تقلب على النظام الاشتراكي هذا شي ثاني :)


للعلم .. انا لا تشملني الزيادة .. عشان ماتقولين من الي زادوهم وحاقدين على هل القطاع الخاص :p



خالي ... الدوله هي من شجعت القطرين على العمل في القطاع الخاص ومازالت اتشجعهم للانخراط في العمل بالقطاع الخاص ولاتنسى ان الدوله لها نسبه كبيره من القطاع الخاص يعني ايضا لها سلطه على القطاع الخاص واعتقد نظام التقاعد في الدوله يشمل القطاع الخاص والحكومي .

[OM_OMAR_QATAR]

..
الأهم من المال، البركة فيه ... والأهم من الي يجي .. وين يروح .؟؟

وصراحة انا اشوف كثير من الردود المنطقية لما تقول " لازم نتمنى الخير للكل .. او ليش الحسد ."
وكثير اعترضو على بعض الأدارات لأنه تبخل على موظفيها " وكأنه دافعين من جيبهم "

الحسد شي ثابت وحق .. صح؟ ولكل الفئات البشرية
طيب هل رب العالمين وصّانا ما نحسد "روحنا " لكن نحسد او مانتمنى الخير حق غيرنا ؟؟

في بعض وكثير من الردود الي تقول ، مفروض " وحق " ان الزيادة تشمل القطريين فقط .. شحقه شاملة المقيمين
هذا هندي مايستاهل وهذيك فلبينية ماتستاهل وشحقه ياكلون خيرنا
هذا بعد نوع من الحسد وعدم تمني الخير للغير.. وبعد بيندرج ضمن اطار " وكأنه دافعين من جيبهم "

ياخي نتمنا ان الخير يعم كل المسلمين ان شاء الله ..
والله صاحب مفاتيح الرزق ، وهو الي يختبرنا في نفسنا ...

الله يرزق الجميع .. ويبارك لنا فيه
وكل واحد ياخذ على نيته

[basma222]

ان شاء الله الزيادة تشمل جميع القطريين

[Dawn]

لا والله لا حسد ولا شي الا اغلب القطريين اللي زادوهم زعلوا لان الزياده ما شملت كل القطريين ..

واللي زاد القهررر انهم زادوا الاجانب في بعض المؤسسات بنفس نسبة الزيادة المقرره للقطريين .. طيب القطريين اللي في القطاع الخاص اولى من الاجانب في القطاع الحكومي او الشبه حكومي :(

[محمد]

خالي ... الدوله هي من شجعت القطرين على العمل في القطاع الخاص ومازالت اتشجعهم للانخراط في العمل بالقطاع الخاص ولاتنسى ان الدوله لها نسبه كبيره من القطاع الخاص يعني ايضا لها سلطه على القطاع الخاص واعتقد نظام التقاعد في الدوله يشمل القطاع الخاص والحكومي .

دستوريا القطاع الي للدولة فيه 70% من الحصه راح تشمله الزيادة المفروض .. وهذا ما حصل في مؤسسة البترول
اما البنوك التجارية غالبيتها ان لم تكن جميعها مستقله عن الدولة ..

والدولة ما زالت تشجع على القطاع الخاص .. والحمدلله احنا مب ناقصنا شي .. صج نبي تشملنا الزيادة لكن ليش رحنا للقطاع الخاص ؟ هل كان مثل الحكومي ؟ كانت رواتبنا الاحسن مع مميزات اخرى انت وانا انعرفها سواء من تامين و تطوير وغيرها ..

بالاخير .. انا متاكد ان كل القطاعات الخاصة راح ترفع رواتبها ان شاءالله
لكن القصد .. ان هالزيادة تطلب من اهل هالقطاع .. وليس من الحكومة !

على فكرة .. ومن مميزات القطاع الخاص .. السي في مالك يدوره اي مكان .. وبالتالي سهل جدا الخروج منه و الانخراط في اي وزارة !! .. لكن ارجع واقول انا متاكد باذن الله ان الزيادات قادمة ..

[الـخـالـدي]

اكتفي بحديث الرسول عليه الصلاة و السلام (( ا يؤمن أحدكم حتى يحب لأخيه ما يحبه لنفسه ))

و اللي زعلان و مانزله شي ترى الخير بيد الله و تذكر حديث الرسول عليه الصلاة و السلام في قوله « اللَّهُمَّ بَارِكْ لأُمَّتِي فِي بُكُورِهَا »

[Amal_QTR]

اي والله انك صادقه
انا انصدمت .. مجموعه كبيره تكتب و تحس فيهم بالشماته !
ليش ! :omg:
القطاع الخاص مب كله لمصلحه البلد !
القطاع الخاص مب فيه قطريين مثلك !
القطاع الخاص يتحاسبون عالدقيقه اذا تاخروا ..

حتى الحين مع زياده اسعار المحلات .. ما قالوا بنزيد الاسعار على موظفي الحكومه و قطر للبترول و بنخي اللي ما جاتهم الزياده

الزياده حاجه ضروريه للكل .. لان التضخم في الدوله راح يزيد ! وهذي حقيقه الكل يعرفها ..

واذا ما زيدوا القطاع الخاص بتصير فوضى .. و بتصير حركه تنقلات بينتج عنها تخلل نظام العمل ..

وانا اتمنى ان الحكومه اطبق نظام التامين الصحي لموظفينها .. لان احب لهم الخير .. :shy:

واتمنى بعد ان يتم تطبيق كوبونات التعليم لكل قطري و قطريه غير منتفع ببدل التعليم من جهة عمله :ok:

لان القطريين عددنا قليل و نبغي نحسن مستوى العلم و التفكير للجيل القادم باذن الله:nice:

[OM_OMAR_QATAR]

دستوريا القطاع الي للدولة فيه 70% من الحصه راح تشمله الزيادة المفروض .. وهذا ما حصل في مؤسسة البترول
اما البنوك التجارية غالبيتها ان لم تكن جميعها مستقله عن الدولة ..

والدولة ما زالت تشجع على القطاع الخاص .. والحمدلله احنا مب ناقصنا شي .. صج نبي تشملنا الزيادة لكن ليش رحنا للقطاع الخاص ؟ هل كان مثل الحكومي ؟ كانت رواتبنا الاحسن مع مميزات اخرى انت وانا انعرفها سواء من تامين و تطوير وغيرها ..

بالاخير .. انا متاكد ان كل القطاعات الخاصة راح ترفع رواتبها ان شاءالله
لكن القصد .. ان هالزيادة تطلب من اهل هالقطاع .. وليس من الحكومة !

على فكرة .. ومن مميزات القطاع الخاص .. السي في مالك يدوره اي مكان .. وبالتالي سهل جدا الخروج منه و الانخراط في اي وزارة !! .. لكن ارجع واقول انا متاكد باذن الله ان الزيادات قادمة ..

والله صادق اخوي
انا احس بعد زيادة الحكومي يدوب يصير راتب الحكومي موازي للخاص
" الكثير منهم "
خصوصي الحريم :rolleyes2:

[ابوضاري]

بلاد الفسد ولابلاد الحسد

الله يكفيني شر الحسد ومااعتقد في قطري يحسد اخوانة القطريين على الزيادة

[كازانوفا]

هذه ارزاق انتظري لعل رزقك ان شالله يكون اوسع منهم
ولا تستعجلي ادعي الله ان يعجل فيه واحمديه على كل حال

[المتحدث الرسمي]

.....

كنت اتمنى من اللجنه المشكله من سمو الامير و برئاسة وزير الداخليه

انهم يعينون اعضاء من القطاع الخاص

نبي الخير يعم على كل اهل قطر

و ان شالله نسمع اخبر طيبه للقطاع الخاص

والله يجيب اللي فيه الخير

.....

[Abdulraman]

المفروض الزياده للقطريين في كل مكان سواء حكومه او قطاع خاص واللي مايبي الخير لاخوه هذا مافيه خير
وشكرا اخوي ستار على الكلام الطيب

[سيزن]

الموضوع ذكرني بحديث من أحاديث الرسول الله صلى الله عليه وسلم .


حديث ما الفقر أخشى عليكم .


« أن النبي -صلى الله عليه وسلم- بعث أبا عبيدة إلى البحرين فأتى بجزيتها، وكان رسول الله -صلى الله عليه وسلم- صالح أهل البحرين وأمَّر عليهم العلاء بن الحضرمي، فقدم أبو عبيدة بمال من البحرين، فسمعت الأنصار بقدوم أبي عبيدة، فوافوا صلاة الفجر مع رسول الله -صلى الله عليه وسلم-، فلما صلى رسول الله -صلى الله عليه وسلم- انصرف، فتعرضوا له، فتبسم رسول الله -صلى الله عليه وسلم- حين رآهم ثم قال: أظنكم سمعتم أبا عبيدة قدم بشيء من البحرين؟ قالوا: أجل يا رسول الله، قال: فأبشروا وأمّلوا ما يسركم، فوالله ما الفقر أخشى عليكم، ولكن أخشى عليكم أن تُبْسَط عليكم الدنيا كما بسطت على من كان قبلكم، فتنافسوا فيها كما تنافسوها، فتهلككم كما أهلكتهم »1 وفي رواية: فتلهيكم كما ألهتهم.

[STAR]

الاخت كازانوفا....

ردج بصراحة يحر...

انا الحمدلله حامدة ربي ‏
بدون ‏
ماتقولين ‏
لي...



ثانيا..‏ انا موضوعي عن بعض الاعضاء المعترضين والممانعين على زيادة قطاع الخاص...





الصراااحة لا تعليق ع بعض الردووود..

[ابن البيطار]

الله يرزقكم بس هدي اعصابج اختي كزنوفا ماقلت شي غلط

[STAR]

‏^‏
‏^‏
‏^‏
يعني انا اللي قايلة شي غلط ‏‏)‏:

عالعموم حصل خير..

[بـــــــنت النوخـّــــذه]

! .. لكن ارجع واقول انا متاكد باذن الله ان الزيادات قادمة ..

:nice:

نتمنى ذلك

الارامل
الايتام
المطلقات
والعجزة وووو000الخ

لكي تكتمل الفرحة

[ام السعف]

:nice:

نتمنى ذلك

الارامل
الايتام
المطلقات
والعجزة وووو000الخ

لكي تكتمل الفرحة

http://www.pic.m3m2.com/data/thumbnails/6/125.gif

[روح وريحان]

اهل قطر يستاهلون كل خير سواء كانوا في قطاع حكومي او خاص
وكل قطري وقطرية يستحقون حياة اكثر من كريمة

لو حسبتي كل المواطنين والمواطنات ما بنتعدى الـ 400 الف والحمدلله خير ديرتنا كثير من جذي نعتبر من الدول الغنية واتمنى اشوف كل قطري وقطرية عندهم احسن فيلا واحسن سيارة وما عندهم ديون لأن اهل قطر يستاهلون الخير

وبومشعل ما قصر معانا وما بيقصر ان شاء الله بس ادعوا له بالباطنة الصالحة

[STAR]

شكرا لكل الي ابدوا رايهم

[QatarSafety]

لله الحمد انا من الناس الي جاتهم الزيادة
بس اتمنى من كل قلبي ان الزيادة تعم اهل
قطر كلهم وبالاخص شيباننا وعجايزنا فهم
الخير والبركة والمعروف رواتبهم لاتتعدى
سقف الثلاثة الاف ريال.

اما عن الحسد اعوذبالله منه ومن شر كل حاسد
فليش نحسد اهلنا الي منا وفينا ففرحتنا
ان شاء الله بفرحة الكل وعسى الله يرزقهم فمعروف

عن هل قطر الحب لفعل الخير وتمني الخير للكل

وياخوفي من البعض والله .

[penguin]

أنا واحد مالي نصيب بالزياده

لكن والله مستانس وكأنه الزياده لي :happy:

[snood]

السلام عليكم ..

اولا اختي مافيه حد من هل قطر يحقد على اخوه .. وبالعكس نبي الفرحة تعم الجميع ..
ولكن لا تاخذينها بمثل ما فهمتيها بهالطريقة الي هي حقد وحسد !

الغريب ان البعض يتكلم وكأنه يطلب حق مسلوب له .. وهذا غير صحيح
فالي في القطاع الخاص راحوا بارادتهم لهذا القطاع و الدولة ما تملك السلطة لان تقول لهالقطاعات زيدي رواتب موظفينج لانها بالاخير القاطاعات الخاص جهات ربحية ! ..


اخيرا نتمنى ان هالجهات تنظر لزيادة الرواتب ولا راح ينفر منها العديد من الموظفين واكيد هالنقطة مب خافيه عليهم .. ومثل ما قلتلج مب سالفة حقد لكن ايضا في نفس الوقت ما ننظر للدولة على انها ظلمتنا في القطاعات الخاصة لان الدولة لها السلطة في جميع تشريعات الدولة لكن ما تملك الشي الي تطلبونه .. الا اذا تبون الدولة تقلب على النظام الاشتراكي هذا شي ثاني :)


للعلم .. انا لا تشملني الزيادة .. عشان ماتقولين من الي زادوهم وحاقدين على هل القطاع الخاص :p


انت باين عليك لا من القطاع الخاص ولامن العام على حسب كلامك ما ادري ايش اللي يضرك ادا القطري اللي في القطاع الخاص تكلم عن اكمال الفرحة لجميع المواطنيين

بدون استثناء قاموا بعض يطلعون اعذار بدل من المسؤلين كان من كيسهم يطلع شي

[كتكوت الوحش]

الحمد لله على كل حال
وانشالله الجميع يكون مبسوط ومرتاح

[سدرة قطر]

في وايد ناس ماخذين فكره غلط عن القطاع الخاص..اي نعم الراتب قوي بس للمسؤولين والمدراء فقط..لكن الموظفين العاديين والله ان حالهم يعور القلب..اختي معاشها 15 الف مع الزيادات والعلاوات والبدلات ..وبعد ما يقطعه البنك نصه يروح..كل سنه تاخذ امتياز في التقييم لكنها مره وحده بس اللي خذت فيها بونس وكان الفين مادري ثلاثة الاف بس ولايمنون عليها وزيادتها السنويه ما تتعدى كم امية ريال ثلاث سنين وهي للحين في رينج ال15 الف ..عمرها ما طلعوها كورس او دوره ..ولحد يألف ويقول لي ان هالحاله نادره لان اغلب اللي معاها نفس الحال ونص القطريين عندهم استقالوا والاولويه كلها للاجانب والله لو اشرح حالها تعور القلب في الشركه اللي تشتغل فيها وقسم التقطير..حدث ولا حرج راقدين على اذنهم ولا حد معبرهم كل ردودهم تكون شنسوي بعد هم ما يعطونا وما يخلونا وما يبون ..يقصدون الاجانب..ومافي ميزانيه اصبروا انطروا..!!! حلوه هذي مافي ميزانيه..واول ما نزل قرار الزياده قالوا لهم انسوا!!! طبعا راح تستقيل لكن لين تلاقي وظيفه زينه..ادري ان هذا مب الموضوع لكن هذا رد على اللي مغتر في القطاع الخاص والشبه حكومي..والمعاشات الخياليه اللي متصورينها ..وبعدين ليش ما يطمعون في الزياده..وهي مكرمه اميريه..اكيد راح يكون عشمهم في ان كرم الامير راح يشملهم..هالشي مب غلط ولا طمع ..هذي مكرمه مب زياده مستحقه لجهد او مكافأه..من كم سنه لما نزلت الزياده لكيوبي ما شملتهم ولا حد عبرهم ..ولا يوم زاد القطاع الحكومي زادوهم..ولا لما زاد القطاع الخاص زادوهم..عيل هم تحت اي بند!!!! وبعد هالمره في المكرمه الاميريه مالهم شي!!..على الاقل ياخذونها في العلاوه الاجتماعيه..هذي تجيهم من الدوله مب من جهات عملهم..شلون ناس تزيد علاوتهم الاجتماعيه وناس لا!! مع العلم ان كيوبي هي اللي وزعتهم على هذي الشركات علشان لحد يقول انهم توظفوا بارادتهم ومن كيفهم..لحد يتفلسف في موضوع هو مايعرف شسالفته او ما يعرف كل شي فيه..اتمنى ان تنزل لهم الزياده مثل ما جاتنا..وتتحسن اوضاعهم والله يبارك لكل من جاته الزياده..ادري اشتطيت وايد بس صج في ردود تحر

[STAR]

مازلت للاسف اقرأ بعض الردود في المنتدى لبعض الاعضاء والتي تدل على الحقد والحسد والانانية..

[بوحارب]

انا ماجاتني الزيادة ولكن والله اني فرحت وكأنه الزيادة لي

الله يكافينا شر الحسد والحسّاد !!

[STAR]

اخ بوحارب..

انت ‏..انا..‏ وغيرنا اللي ماشملتهم الزيادة استانسنا للي شملتهم الزيادة..

لكن المصيبة اللي شملتهم الزيادة ‏..البعض منهم ‏..مايبي لنا الخير ومايبي ان تشملنا الزيادة بحجة رواتبنا قوية واللحين صار فيه عدل وتساوت الرواتب..‏!!‏

[بوحارب]

الله المستعان

لا والقهر اذا نقز واحد وقال هذول عندهم تأمين صحي ههههههههه

مادري هالتأمين وش سالفته والله لا يحوجنا له

[Red rose]

الصراحه اللي يشتغل بذمه وضمير ويكون امين في شغله هو اللي يستحق الزيادة

وله كل الشكر والتقدير

[ام السعف]

الله المستعان

لا والقهر اذا نقز واحد وقال هذول عندهم تأمين صحي ههههههههه

مادري هالتأمين وش سالفته والله لا يحوجنا له

التأمين الصحي يعطونك بطاقة لك وحق المودام ( المدام ) وحق العيال
او من هم دون العشرين سنة اعتقد ،،
اتروح العيادات الخاصة اللي تمشي بطاقتك فيها وتدخل واتسوي الفحوصات
اللي مسموحة لك ببلاش ،، واتسوي العمليات والاشعة والسونار والامراي وغيره
كله بالكرت ذيه بس على شرط ان الخدمات الطبية تكون ضمن ما يوفر له لك التأمين
يعين مثلا تحاليل فيتامين دال مب ضمن التأمين :(

بعض الشركات تعطيك نظارة طبية يصل سعرها لين 1500 وبعض الشركات
تقول لك العدسة علينا والفريم عليك ودبر حالك :telephone: