غلاء المدارس الخاصة

[Thajbah]

السلام عليكم و رحمة الله و بركاته،،
بما إن إحنا في وسط معركة محاربة الغلاء و زيادة الأسعار، حبيت أنبهكم حق شغلة هي تصير بشكل سنوي مادري إذا الكل انتبه والا لا !!

[زيادة أسعار المدارس الخاصة بشكل سنوي]

بتقولون لي ماله داعي تدخلين ولدج مدرسة خاصة عندج الحكومة ، باقولكم [اذا انا آبي ولدي يتعلم أحسن تعليم !! و إذا آبي ولدي يتعلم الإنضباط في المدرسة و بره المدرسة] و طبعاً على حد علمي إن المدارس المستقلة ما تسيطر على الطالب من ناحية الألفاظ البذيئة اللي الأولاد يتعلمونها من بعضهم و يقولونها جنهم يسلمون على الناس ، انا مابي اعلم ولدي في البيت و لين راح المدرسة يلقط ويتعلم اشياء انا مابيه يتعلمها.

اتصلت مدرسة الشويفات قالوا لي [إن السعر 25000 و يزيد بشكل سنوي] سألتها [انزين السعر لين أي حد بتوصلونه لين 100000 ريال مثلاً] قالت لي [مادري].

تذكرت بعدها إن مدرسة قطر فاونديشن الثلاث تيرمات بـ 12000 ريال على حسب اللي قالوا لي اياه العام اتصلت امس كان تاريخ 11 سبتمبر 2011 و سألت عن السعر قالت لي [22892 ريال] قلت لها [ما كانت 12000] قالت لي [ان السعر يزيد بشكل سنوي] قلت لها نفس السؤال [لين أي حد ناويين توصلون السعر] قالت لي [هو جذي كل المدارس الخاصة اسعارهم تزيد بشكل سنوي، بس ماعندي فكرة لين أي ليميت بيوصل].

سؤالي هو [معقولة ما في رقابة على أسعار المدارس الخاصة اللي تزيد بشكل سنوي !!؟ ]
معقولة ما في هيئة أو أي شيء يضبط الأسعار اللي قاعدة تزيد في المدارس الخاصة !!؟
و إذا في !!! وينهم ليش محد تحرك !!؟ ليش ما يضبطون أسعارهم !!؟

[عيون الدوحة]

والله والله العظيم حررررررررررررام تدخلون أعيالكم مدارس أجنبية والدولة موفرة لكم المدارس ببلاش
أنت تدري كم قيمة الكرسي للطالب القطري في المدارس المستقلة الي الدولة تدفعة عنج ولا لا ؟؟؟

[ضوى]

اختي تقولين المدارس مالهم سيطرة عالالفاظ البذيئة اللي تظهر من الطالب !!!!! على اي اساس قلتي هالكلام ؟؟ وهل المدارس الاجنبية تسيطر عالطالب من هالناحية ؟؟؟؟؟؟

[OM_OMAR_QATAR]

استغفر الله .. الدول المتقدمة تصارع حتى تجعل الدراسة والعلم ميسرة وباسعار رمزية
عشان تتقدم باولادها للمجتمع وتقدم نموذج مثقف واعي


وهني يتصارعون ميييييييين يزوود
والله شكله كم سنة وكلن يخلي اولاده في بيته

ابرك له
عاد البزنس لو دخل في العلم والصحة اختربوا كلش

[كازانوفا]

ياريت التعليم يصير مجاني مثل الدول الاوروبيه
برنامج خواطر7 لما اذيع السنه خله في قلوبنا غصه بالفرق الكبير بين الدول الاوروبيه والعربيه
المشهد اللى شدني هو ان الدوله الاوروبيه مثل النرويج والدنمارك في حالة ان الجو بر وثلج توفر الدوله باصات مجانيه لاخد الطالب من والى مجاااااااانا
وذلك لتشجيع الطلاب لاكمال الدراسه يا ريت ونسال الله العلي الكبير ان يرحمنا ويرحم حالناااا
ويصير في تطور اكثرررر بالدول العربيه

[ام السعف]

استغفر الله .. الدول المتقدمة تصارع حتى تجعل الدراسة والعلم ميسرة وباسعار رمزية
عشان تتقدم باولادها للمجتمع وتقدم نموذج مثقف واعي


وهني يتصارعون ميييييييين يزوود
والله شكله كم سنة وكلن يخلي اولاده في بيته

ابرك له
عاد البزنس لو دخل في العلم والصحة اختربوا كلش

طيب شوف الشروط هذي في اكاديمية معروفة في قطر ،،

رسوم حجز المقعد ،، رسوم غير مستردة و لا تخصم من الفصل الدراسي الأول ،، مطلوب من الطلاب الجدد فقط ،، المبلغ المطلوب 3000 ريال ،، عند قبول الطالب او الطالبة ،،

تخيل 3000 ريال تدفعها علشان تحجز كرسي ،، وفوقها مب محسوبة من ضمن الرسوم ؟

وامس اكلم السيد حمد المري المسؤول في المجلس الأعلى عن رسوم حجز الكراسي
يقول لي التعميم يقول 2000 ريال وهناك مخالفة للي يتجاوز ،، والأوراق تتوزع بأي حق على
المستجدين وبشروط بعد :(

[عيون الدوحة]

ياريت التعليم يصير مجاني مثل الدول الاوروبيه
برنامج خواطر7 لما اذيع السنه خله في قلوبنا غصه بالفرق الكبير بين الدول الاوروبيه والعربيه
المشهد اللى شدني هو ان الدوله الاوروبيه مثل النرويج والدنمارك في حالة ان الجو بر وثلج توفر الدوله باصات مجانيه لاخد الطالب من والى مجاااااااانا
وذلك لتشجيع الطلاب لاكمال الدراسه يا ريت ونسال الله العلي الكبير ان يرحمنا ويرحم حالناااا
ويصير في تطور اكثرررر بالدول العربيه

التعليم مجاني في دولة قطر
الدولة ماقصرت شيدت مدارس جديدة عل أرقى مستوى
بس البطره في أهل قطر وعشان كل وحدة لي أجتمعو الحريم تقول ولدي في المدرسة الفلانية وادفع له كذاااا

[Abdulla Al.F]

من يوم استوت المدارس الخاصه وهو ترفع الاسعار ..
مب شي جديد ..

ترفعها من بين 5% و 10% ..

[ام السعف]

الرسوم تزيد كل سنتين بنسبة 10 % ان ما خانتني الذاكرة مب كل سنة بنسبة 100%

ابسط ما عند مسؤولي المجلس الأعلى قدموا شكاوى رسمية واحنا بنشوف
مب عارفة يعني هم نايمين في العسل ؟:(

[ام السعف]

التعليم مجاني في دولة قطر
الدولة ماقصرت شيدت مدارس جديدة عل أرقى مستوى
بس البطره في أهل قطر وعشان كل وحدة لي أجتمعو الحريم تقول ولدي في المدرسة الفلانية وادفع له كذاااا

لا والله يا اخوي مب علشان نفتخر باسامي المدارس

لأن سياسة التعليم في البلاد اجبرتنا على شي احنا ما نبيه

متطلبات دخول الجامعة ما توفرها المدارس المستقلة ،، والطالب سبحان الله ما شاءالله
تلقاه في نفسبته عبقري لكن ما يجتاز شروط القبول في الجامعات :omen2:

فشي طبيعي الناس يدورون التعليم الأفضل


لكن الواضح ان التعليم له صاير بايز الخاص والمستقل والفلوس هي الأهم :(

[Thajbah]

اختي تقولين المدارس مالهم سيطرة عالالفاظ البذيئة اللي تظهر من الطالب !!!!! على اي اساس قلتي هالكلام ؟؟ وهل المدارس الاجنبية تسيطر عالطالب من هالناحية ؟؟؟؟؟؟


ولد أختي في مدرسة خاصة في مجموعة أولاد يقولون الألفاظ من النوع اياه ، طبعاً في الفرصة لازم يكون في مدرسين أو مدرسات يتواجدون مع الطلاب و الطالبات و يسمعونهم شيقولون و لما سمعوا الكلام هذا اتصلوا حق اولياء امورهم الاثنين الام و الابو علشان الاثنين يكون عندهم خبر مب واحد يخش الخبر عن الثاني .. و عاقبوا الطلاب اللي تلفظوا بالألفاظ هذي.

لكن لو ييتي حق المدارس الحكومية المدرسات و المدرسين أول شي يسوونه انهم يندعسون في الكهف مالهم (غرفة المدرسين) ولا يدرون الطلاب و الطالبات شيسوون و شيقولون و إذا تهاوشوا بالضرب أول شي يقولونه هم بيحلون مشكلتهم بروحهم هذيله يهال.

طبعاً هذا مب حل حق المشاكل اللي من هالنوع ، المفروض يراقبونهم حتى في الفرصة ولو صارت مشكلة بين الطلاب يحاولون انهم يحلونها بحيث كل واحد يعرف غلطته وين مب يخلونهم مثل الغنم (محشومين انتوا و عيالكم) ما في لا رقيب ولا حسيب.

[Thajbah]

من يوم استوت المدارس الخاصه وهو ترفع الاسعار ..
مب شي جديد ..

ترفعها من بين 5% و 10% ..


ما أختلفنا إنها من يوم ما استوت وهي تزيد ... لكن ما في سيطره معقولة يعني بيخلونهم على هواهم .. يعني لين اي ليميت بيوصل السعر انا الحين هالدقيقة قالوا لي ان في مدارس وصلت الثلاث تيرمات 65 الف و بعضهم 40 الف معقولة هالكلام ليش ما في هيئة او جهة تحدد الكورس الواحد ما يزيد عن كذا أو السنة الدراسية كاملة ما تزيد عن كذا !!؟

[ام السعف]

ما أختلفنا إنها من يوم ما استوت وهي تزيد ... لكن ما في سيطره معقولة يعني بيخلونهم على هواهم .. يعني لين اي ليميت بيوصل السعر انا الحين هالدقيقة قالوا لي ان في مدارس وصلت الثلاث تيرمات 65 الف و بعضهم 40 الف معقولة هالكلام ليش ما في هيئة او جهة تحدد الكورس الواحد ما يزيد عن كذا أو السنة الدراسية كاملة ما تزيد عن كذا !!؟

65 و 40 الف

بصراحة على هالرسوم الوزير بيطر مع الأيام

بس شنهي هالمدارس اللي وصلت للارقام هذي ؟:telephone:

[OM_OMAR_QATAR]

الله يعين بس ...

[بوالبيض]

الي شغله موفر له تعليم مجاني يدخل عياله مدارس خاصه لكم تقول لي بتعلم ولدك في مدرسه خاصه وانت ما عندك اقول لك اسمحلي ليش يتعب عمرك وتضغط علي عمرك انا معاك الاسعار غاليه شنو بتسوي من زمان كل سنه تزيد ومحد يتكلم بعدين المدارس المستقله زينه وتعليمها زين مو سي يعني لدرجه كبيره والله المستعان موفق اخوي

[na7ees]

يازين المدارس المستقله
على مشاكلهم بس انها بلاش وانشالله يتعدلون في المستقبل
وبخصوص العيال ومستقبلهم الله يقدم الي فيه الخير وكله بعلم الغيب
والي كاتبه ربك بصير
يعني احسبها
كل سنه تدفع خلنا انقول عشرين الف ست سنوات ابتداذيه وست اعداديه وثنويه
٢٤٠ الف
في المستقله لين خلص الولد وده يدرس لغه سنه برع بنص المبلغ ابرك

[عين قطر]

ياريت التعليم يصير مجاني مثل الدول الاوروبيه
برنامج خواطر7 لما اذيع السنه خله في قلوبنا غصه بالفرق الكبير بين الدول الاوروبيه والعربيه
المشهد اللى شدني هو ان الدوله الاوروبيه مثل النرويج والدنمارك في حالة ان الجو بر وثلج توفر الدوله باصات مجانيه لاخد الطالب من والى مجاااااااانا
وذلك لتشجيع الطلاب لاكمال الدراسه يا ريت ونسال الله العلي الكبير ان يرحمنا ويرحم حالناااا
ويصير في تطور اكثرررر بالدول العربيه

بس غصه .. اكثر من ذلك بكثير

[عين قطر]

للاسف التعليم عندنا مستواه تحت العادي
نريد وقفه ونريد اصلاح للتعليم