booking.com سعره اقل بكثير من موقع الفندق نفسة ... شالسبب ؟؟

[بايع بايع]

اسم الفندق berjaya times square hotel kuala lumpur

حبيت استفسر عن السبب اللي يخلي الفرق كبير بين الحجز على موقع www.booking.com

اذا ماقرنا السعر بالموقع الرسمي للفندق
www.berjayahotel.com‏

والحجز ستيديو ليلة واحده

لان بوكينق عطاني سعر 301.62 ومع الضريبة 16% يصير سعره 351

اما موقع الفندق عطاني سعر429.30 ومع الضريبة 16% يصير سعره 498


فاللي ابي اعرفه هل الاسعار اختلافها راح يكون في جودة الغرفة
ولا في اشيا ثانيه راح ادفعها بالنسبة لسعر بوكيق
ولا هذا فلاكسيبل والثاني لا
ولا ايش السالفة حسب خبراتكم
لان الفرق جدا كبير اذا ماقلنا الحجز راح يكون لمدة 10 ايام

[مهل]

السلام عليكم

لا نفس الغرفه .. طبعا الغرف انواع .. مثل ماخذ غرفه ستاندر .. هي نفس نوع الغرفه اذا حجزتها من موقع الفندق او حجزتها من موقع بوكنغ .

سبب فرق السعر سلمك الله صاير لانه موقع بوكنق و المواقع المشابهه له .. اما تكون ماجره غرف من الفندق طول السنه او تتعامل مع مكاتب ماجره غرف من الفنادق طول السنه .. فا الفندق يعطيهم الغرفه (المؤجره سنه) بسعر قليل جدا وهم يبيعونها بربح اقل من ربح الفندق .. طبعا الفندق مستفيد لانه ضامن انه ماجر عدد من الغرف طول السنه .

هذا والله اعلم بس موقع بوكنق موقع محترم و ظيف له موقع www.hotels.com

[تحداني]

بالفعل هو موقع محترم
وكل صوره لغرفه معينه في فندق القاها نفس الشي
يعني مافي وايد خداع بصري



بس عيبه ان الافلوس ما تنرد في حال الدفع
يعني اذا جاك ظرف طارئ وكنسلت انسى افلوسك واعتبرها لوجهه الله :(

جملك الله برضاه

[مهل]

بالفعل هو موقع محترم
وكل صوره لغرفه معينه في فندق القاها نفس الشي
يعني مافي وايد خداع بصري



بس عيبه ان الافلوس ما تنرد في حال الدفع
يعني اذا جاك ظرف طارئ وكنسلت انسى افلوسك واعتبرها لوجهه الله :(

جملك الله برضاه

السلام عليكم .. شلونج يا تحداني .

اضن الفلوس ترجع و اعتقد انج اثناء حجز الفندق فيه خيار تختارينه وهو دفع مع تامين اعاده المبلغ في حال الغيت الحجز (اذا ماخانتني الذاكره) ياخذون زود مبلغ بسيط .

بالنسبه لموقع هوتلز ١٠٠٪ ترجع الفلوس في حال الغيت الحجز .

[آخر الفرسان]

بوكنغ غالباً مايكون مساوي لموقع الفنادق نفسها

الا ان كان اقل فقد يكون السبب بالخدمة بالفندق

تاكد من الموقع بالتايم سكوير عن شمول الحجز لوجبة الافطار مثلاً

ومن بوكنغ اذا كان فيه افطار !!

وفي شي اخر ايضاً في التايم سكوير

فيه برج قديم واخر حديث ،، وقد يكون الفرق بينهما بالسعر والله اعلم

وبالنسبة للحجز انا من عام ٢٠٠٧ وحجوزاتي كلها من المواقع

امن جداً خصوصا بوكنغ

[بايع بايع]

السلام عليكم

لا نفس الغرفه .. طبعا الغرف انواع .. مثل ماخذ غرفه ستاندر .. هي نفس نوع الغرفه اذا حجزتها من موقع الفندق او حجزتها من موقع بوكنغ .

سبب فرق السعر سلمك الله صاير لانه موقع بوكنق و المواقع المشابهه له .. اما تكون ماجره غرف من الفندق طول السنه او تتعامل مع مكاتب ماجره غرف من الفنادق طول السنه .. فا الفندق يعطيهم الغرفه (المؤجره سنه) بسعر قليل جدا وهم يبيعونها بربح اقل من ربح الفندق .. طبعا الفندق مستفيد لانه ضامن انه ماجر عدد من الغرف طول السنه .

هذا والله اعلم بس موقع بوكنق موقع محترم و ظيف له موقع www.hotels.com

الله يجزاك خير اخوي على الرد ودامها نفس الغرف ماعندنا مشكله
وسالفة التاجير لمدة سنه هذه وايد نشوفها في فنادق مكه
تروح لمكتب يقولك مافي حجوزات وتروح للثاني يقولك فيه
لدرجه ان الناس صارت تظن فيهم ظن السوء وهم يتعاملون بحسب العدد المخصص لهم

[بايع بايع]

بالفعل هو موقع محترم
وكل صوره لغرفه معينه في فندق القاها نفس الشي
يعني مافي وايد خداع بصري
بس عيبه ان الافلوس ما تنرد في حال الدفع
يعني اذا جاك ظرف طارئ وكنسلت انسى افلوسك واعتبرها لوجهه الله :(

جملك الله برضاه

الله يجزاج خير على المعلومه واللي خلتني اشيك على سالفة الاسترداد

وطلع الموضوع ان بوكيق بدون استرداد اما موقع الفندق يسترد

يعني الاول رايح علي لو كنسلت

وبوكينق عندهم نفس السعر اللي حاطه الفندق واقدر استرده في حالة الالغاء

واختي تقدرين تشيكين على حجزج اللي سويتيه واذا كان من النوع المسترد تقدرين ترسلين لهم ايميل وانتي طرشي ايميل لهم وفي الحالتين مب خسرانه شي الا ضغطة زر الارسال

[بايع بايع]

السلام عليكم .. شلونج يا تحداني .

اضن الفلوس ترجع و اعتقد انج اثناء حجز الفندق فيه خيار تختارينه وهو دفع مع تامين اعاده المبلغ في حال الغيت الحجز (اذا ماخانتني الذاكره) ياخذون زود مبلغ بسيط .

بالنسبه لموقع هوتلز ١٠٠٪ ترجع الفلوس في حال الغيت الحجز .

مبلغ التامين هو سبب فرق السعر اللي صار معاي
وتسلملي اخوي مهل على التوضيح والمتابعة

[بايع بايع]

بوكنغ غالباً مايكون مساوي لموقع الفنادق نفسها

الا ان كان اقل فقد يكون السبب بالخدمة بالفندق

تاكد من الموقع بالتايم سكوير عن شمول الحجز لوجبة الافطار مثلاً

ومن بوكنغ اذا كان فيه افطار !!

وفي شي اخر ايضاً في التايم سكوير

فيه برج قديم واخر حديث ،، وقد يكون الفرق بينهما بالسعر والله اعلم

وبالنسبة للحجز انا من عام ٢٠٠٧ وحجوزاتي كلها من المواقع

امن جداً خصوصا بوكنغ

الله يجزاك خير اخوي على الرد والتوضيح

وبالنسبة لسالفة البرج شكلي بعلق على جملة

this is the new tower or the old one

تسلملي على التوضيح

[(عبدالله)]

السلام عليكم

ميزة موقع بوكنق وليش انه يتميز بأسعار أفضل من غيره
لأنه يقدم ميزة للفندق إنه يغنيه عن أعباء وتكاليف التسويق بنسبة عالية
وجزء من نسبة التسويق المفروضة يربحها موقع بوكنق

للعلم.. قيمة التكلفة لأي منتج أو خدمة تتضمن تكاليف التسويق.. وتكاليف التسويق قد توصل إلى 80% من قيمة التكلفة.. وهذا هو السبب الرئيسي..

تكلفة التسويق المقصود منها: أجور الموظفين وامتيازاتهم، إيجار مكان ومعدات، التشغيل، الخدمات، العقود، دعاية وإعلان، علاقات ..إلخ.

فتخيل موقع تسويقي كبير مثل بوكنق ممكن يغني فندق معين عن موظفي تسويق من 10 إلى شخصين مثلاً

والله اعلم

[جـاد]

في موقع بوكينج يبين لك ان المبلغ غير قابل للرد او ان الالغاء مجاني. الفطور مشمول او غير مشمول . الضرائب مشمولة او غير مشمولة.هذه الاشياء تؤثر في السعر. ولكن في اغلب الاحوال موقع بوكينج ارخص من موقع الفندق. وفي بعض الاوقات مكاتب السفر والسياحة ارخص من بوكينج

[الشامخ]

مكه تحجز من مكتب سفريات بيطلع ارخص بكثير

[qatarspeed]

مرحبا اخووي مش دايما موقع بوكينغ الافضل فالاسعار .. اذا حبيت تحجز اي فندق ادخل على هذا الموقع
http://www.hotelscombined.com
وحط اسم الفندق وتاريخ الحجز وراح يعملك مقارنه فالاسعار مع كل المواقع من الارخص لين الاغلى وانواع الغرف.

ياريت الكل يجرب ويتاكد لتعم المنفعه للجميع..

[بايع بايع]

الله يجزي الاخوان والخوات على التوضيح والاضافه

مشكروين وماقصرتوا