أستفسار بخصوص أكسسوارات GMC - sierra ؟

[Northqatar]

السلام عليكم ورحمة لله وبركاتة

حبيت أستفسر عــن

بخصوص أكسسوارات




GMC - sierra 1500



http://www9.0zz0.com/2011/09/12/18/470718886.jpg (http://www.0zz0.com)



01 - بيبات للبدي .
02 - عرشه فوق الغماره .
03 - اسطابات فوق الغماره برتقالية .
04 - دواسات .
05 - رنجات دينالي .
06 - غطاء للبدي .
07 - صندوق .

وين تنباع هذه الاكسسورات ؟

وجودتة عالية؟

وأيش أحسن الانواع والماركات لهذه الاكسسوارات ؟

او اى معلومات ؟

ومريت عل محلات الزينة اسعار غالية على قطع تجارية ولاتستاهل

مادرى هل هذا هو المتوفر بالسوق فقط ؟؟



اهــــــــــــــــل الخبره

لاتبخلون علينا

[فقط قطر]

عليك بموقع الأيباي اخوي... أنا دائماً اطلب منهم والأسعار ارخص من الدوحه بكثير
واذا تبي من الامارات ممكن اطرش لك رقم محل أتعامل معاه وأسعاره حلوة

[بواردي]

مثل ماقال اخوي فقط قطر الامارات
ترى هني الوكالة اسعارهم نار

[Northqatar]

عليك بموقع الأيباي اخوي... أنا دائماً اطلب منهم والأسعار ارخص من الدوحه بكثير
واذا تبي من الامارات ممكن اطرش لك رقم محل أتعامل معاه وأسعاره حلوة








مثل ماقال اخوي فقط قطر الامارات
ترى هني الوكالة اسعارهم نار




تسلمون وماقصرتوا

بس بعد ودى اشترى على عيني ومن الدوحة

او اذا تخبرون لنا في الحساء

[The_Be$t]

زي بارت

أوتو ماجيك


وفعلا الأسعار خارج الدوحة اقل

الامارات او السعودية

[Northqatar]

زي بارت

أوتو ماجيك


وفعلا الأسعار خارج الدوحة اقل

الامارات او السعودية



السلام عليكم

تسلم اخوى

ممكن اعرف مواقعهم يالغالى

[المحقق كونان]

الاسعار غالية في الدوحة

هالمحلين عندهم اكسسوارات جمس و شفر

كارسيت في محطة بترول التيسير طريق سلوى عند دوار قطرللديكور

المها في محطة بترول الوعب

الله يوفقك

[حمد بن سعد]

اخوي ان كان عندي جمس والله اسعار الامرات اكثر من قطر وان دوم اخذ من الوكاله روح حق الوكاله الي في ام الافاعي حق واحد اسمه محمد والله انه عسل كل شي تبيه بيجيبه لك وعلى فكره ان الحين عندي يوكن والله انه قطع الغيار ارخص في قطر من دول الخليج ببساطه السفايف في الدمام 700 اريال اهنيه 400 الي قدام .

والله ايوفقنا وياك

[The_Be$t]

زي بارت بعد وكالة الميستوبيشي طريق سلوى

أوتو ماجيك طريق الوكره جنب كارماكس