المساعد الشخصي الرقمي

مشاهدة النسخة كاملة : ميزانية باب السيارة .. ممكن رايكم


عذايب قطر
13-09-2011, 01:33 PM
السلام عليكم ورحمة الله وبركاته

يا جماعة حبيت استفسر منكم طبعا انتوا ادرى بسوالف السيارات

سيارتي تعرضت لحادث وباب السايق تضرر
وتم تبديل الباب بس مش في الوكالة لانه سيارتي موديل 2009 والتأمين اجبرنا انصلحها مكان ثاني

المهم لما استلمتها لاحظت وانا اسوق اني اسمع اصوات مو مثل قبل يعني حشرة اشوي
حتى صوت الباب متغير
سالت اخوي قال صعب يرد الباب نفس قبل

سألنا الوكالة قالوا لازم يفتحون الباب وغيره وبيطول وبياخذون شغل يدهم دبل ..

فشو رايكم

تحياتي لكم
al saad
13-09-2011, 01:49 PM
الشيخ اعتقد يوم غيرو الباب في بلاستك ولا عازل صوت ماركبوه من داخل ولا روح شركه الاودي القديمه في الصناعيه شغلهم نظيف و مش غالي صبغ الباب ١٥٠٠ وفي خصم بس شغل مضمون

الموضوع بسيط يا ربلات الباب ولا البلاستك الداخلي
بوحارب
13-09-2011, 02:41 PM
اختي السالفة بسيييييطة جدا


الباب يبيله ميزانية عند واحد فنان ويقدر يصلحه وانتي واقفة ما تاخذ السالفة دقايق
الحوت-141
13-09-2011, 02:49 PM
وين الفنان يا بو حارب. ؟
(عبدالله)
13-09-2011, 02:54 PM
أنا صادني موقف سنة 2006 .. كنت صاف على الرئيسي قدام محل فيديو سنتر (على طريق الريان عند دوار المناعي) قبل الإزالة... فتحت الباب إلا باكستاني مار بسيكله ودعم بابي وهو تنثر على الأرض (الحمدلله ربك ستر مادعمته سيارة).

عموماً... انخفس الباب وصلحته... وبدلت الرولر اللي بين الباب وبدي السيارة.. ولين يومك بدلته 3 مرات وحدة منهم مع ميزانية للباب في وكالة عبدالغني قبل سنة تقريباً ... لكن مافي فايدة والحين شكلي ببدله للمرة الرابعة والله المستعان..

مجرد عرض تجربة للفائدة والاستفادة..
بوحارب
13-09-2011, 03:10 PM
وين الفنان يا بو حارب. ؟

فيه كراج في الصناعية شارع 23 اسمه نور الهلال

فنان في هالسوالف
الحوت-141
13-09-2011, 03:21 PM
جزاك الله خير يابوحارب. *
محمد الجفيري
13-09-2011, 05:50 PM
بالتوفيق ان شاءالله
غبيش
13-09-2011, 10:54 PM
اذا الموتر فورويل انصح بكراج الرميله
عذايب قطر
14-09-2011, 08:40 AM
السيارة خلصت غيروا الباب واصبغوه وكل شي تمام
بس المشكله الصوت

كلمت وين وديتها في الصناعية قالوا جيبيها مره ثانية وبنشوف شو الخلل

سيارتي انفينيتي fx

تسلمووووون على الردود وماتقصرون دوووووم

تحياتي لكم