حتى ربطت الجت وصلت 10 ريال

[متداول عالمي]

بعد الزياده

الجت (( البرسيم )) ارتفع سعره من 3 ريال الى 10 ريال


الله يعين اهل الحلال

الاسعار هذى في منطقة الريس اسعار البائعه المتجولين

[na7ees]

عادي نتيجة قرار منع الرعي
وبترتفع اكثر
انا عن نفسي كل اسبوع انقله من السعودية ارخص

[حسن]

مش غريب انا اعرف ولد شغال في بيع الجت يقول ايام السباقات الريس يرتفع ويوصل لين 10 ويمكن زود اما عقب انتهاء موسم السباق تعال شيل لين تهلك على نصف ريال

[عيون الدوحة]

الله المستعان مساكين أهل الحلال
البيئة ضيقت عليهم مره وحدة

[حسن]

وهو عندنا عشب علشان الحلال يرعى فيه الشبك ابرك لهم ماي وطعام وخير

[عليه العوض]

يعني زيادة اسعار اللحوم ومن ثم زيادة اسعار السمك و اسعار الدجاج واسعار العيش والخبز والخضار
والفواكه وكله يجر بعضه

[عيون الدوحة]

يعني زيادة اسعار اللحوم ومن ثم زيادة اسعار السمك و اسعار الدجاج واسعار العيش والخبز والخضار
والفواكه وكله يجر بعضه

الله المستعان

[Redvette]

ابشرك ان اليوم سعره ١٥ فالريس

[سعد]

خوش مشروع تزرع جت الحين :)

[ام السعف]

اوهووو.....> اللحين شسالفة ؟
اشدعوة 10 ريالات ؟

يقولون الجت زين حق فقر الدم ..................> عمركم سمعتوا غنم فيهم فقر دم ؟ :(

[R 7 A L]

نصيحتي للي عنده حلال يحملها للسعودية
بعد مركز سلوى اكثرية الى عندهم حلال هناك اهل قطر
كل شي رخيص
وخله يكون قريب من احدى ( الهجر ) الماي فيها ببلاش
وكل ويكند يروح لها ويستانس هو وعيالة وباقي الايام الراعي متكفل بكل شي


وكل عام والبيئة بالف خير

[نجم الجنوب]

ليش امجربته انتي ؟؟
اوهووو.....> اللحين شسالفة ؟
اشدعوة 10 ريالات ؟

يقولون الجت زين حق فقر الدم ..................> عمركم سمعتوا غنم فيهم فقر دم ؟ :(

[ام السعف]

ليش امجربته انتي ؟؟

كان ينصح فيه لما بنتي نزل دمها ....> بس اعترضت قالت انا مب خروف :(

بس ممكن خدعهم بوضعه مع السلطة :telephone:

بسوي بحث عنه في النت وبتأكد ........> بس لاحظ هل شفت خروف فيه فقر دم
وعيونه صفر ؟

[نجم الجنوب]

ذكرتيني بسالفه قديمه سالفة راعي الفلافل اللي بشارع الريان يقولون كان يحط جت في الخلطه ههههه مظلومين هالخرفان مساكين هههه
كان ينصح فيه لما بنتي نزل دمها ....> بس اعترضت قالت انا مب خروف :(

بس ممكن خدعهم بوضعه مع السلطة :telephone:

بسوي بحث عنه في النت وبتأكد ........> بس لاحظ هل شفت خروف فيه فقر دم
وعيونه صفر ؟

[ام السعف]

ذكرتيني بسالفه قديمه سالفة راعي الفلافل اللي بشارع الريان يقولون كان يحط جت في الخلطه ههههه مظلومين هالخرفان مساكين هههه

اشفيه الجت ؟

لازم انشوف قيمته الغذائية وفوائه الصحية ،،

ما اعتقد ان معدة الخروف اقوى من معدة الانسان اللي ياكل لحمه ،،

قبل كانوا عيالنا لشافوا الخضرة بشكل منفرد حنوا علينا لا ما نبي رويد
ما نبي بقل ما نبي بصل أخضر ما نبي جرجير ،،

اليوم السلطة مخلوطة من كل انواع الخضار الورقية ولا يدرون اشفيها
مع اشوية نكهات ياكلونها ويطلبون زيادة منها :(

بس من اخلص من هالكمبيوتر ان شاءالله اروح اشوف بحث عنه في النت
انتظرني مب تروح بعيد :(

[نجم الجنوب]

اشفيه الجت ؟

لازم انشوف قيمته الغذائية وفوائه الصحية ،،

ما اعتقد ان معدة الخروف اقوى من معدة الانسان اللي ياكل لحمه ،،

قبل كانوا عيالنا لشافوا الخضرة بشكل منفرد حنوا علينا لا ما نبي رويد
ما نبي بقل ما نبي بصل أخضر ما نبي جرجير ،،

اليوم السلطة مخلوطة من كل انواع الخضار الورقية ولا يدرون اشفيها
مع اشوية نكهات ياكلونها ويطلبون زيادة منها :(

بس من اخلص من هالكمبيوتر ان شاءالله اروح اشوف بحث عنه في النت
انتظرني مب تروح بعيد :(
هل كيف يصير غش بتجارة .. شيلي صورة مالت الجت وحطي صورة رويد وبقل وجرجير .. ياخوفي الفريج بكره كله يبنبع ههههه

[رآعي موآجيب]

وهو عندنا عشب علشان الحلال يرعى فيه الشبك ابرك لهم ماي وطعام وخير




لو انا عندي حلال خليته يسرح ولا علي منهم



:court:




نصيحتي للي عنده حلال يحملها للسعودية
بعد مركز سلوى اكثرية الى عندهم حلال هناك اهل قطر
كل شي رخيص
وخله يكون قريب من احدى ( الهجر ) الماي فيها ببلاش
وكل ويكند يروح لها ويستانس هو وعيالة وباقي الايام الراعي متكفل بكل شي


وكل عام والبيئة بالف خير


موضوع تهجير الحلال من قطر آمر خطير جداً

مع العلم ان عندنا عزبتين بعد المركز بـ 20 كم ، واغلب اهل الحلال وخصوصاً اللي اعداد حلالهم أعداد كبيره مجبور انه يطلع برا قطر لأنه محارب من البيئه وكأنهم يقولون لراعي الحلال انت شخص غير مرغوب فيك انت وحلالك !!

لا يعطون راعي الحلال عزبه سواء ثابته في مجمع عزب او متحركه , وإذا تكرموا وعطوا فتلاقيهم يضيقون على راعي العزبه لدرجة محد يتصورها
ممنوع حفر الآبار ، ممنوع تجيب تانكي ماي فيبر ( حديد وكيفك ) ممنوع تحط بورت كابن على الأرض ( على تواير او خيمه ) ممنوع تزرع آي شي ممنوع تثبت الطبيله او الشبك بالأسمنت
( طيب عندي مطايا أو عندي بقر بعجولهم وبيكسرون الشبك !! ) ممنوع تجيب طابوق ممنوع تحفر بياره ( اجلكم الله ) إلا بمواصفات كذا وكذا ممنوع يقل الحلال عن عدد كذا وممنوع يزيد على عدد كذا

مع كل هالشروط العالم صابره وساكته ، والحين قالوا ممنوع الرعي والتجاريرفعون اسعار العلف ( وعمك اصمخ )
هذا اسمه تهجير للثروه الحيوانيه ، وهذي مشكله بحق ، كل الدول تحافظ على هالثروه بشده وربعنا يحاربونها بشده !!
تدرون إذا بغينا نجيب حلال من اي دوله خليجيه او عربيه وش كثر نتبهدل وممكن يوافقون نطلع الحلال اللي شارينه بفلوسنا وأغلب المرات ما يوافقون
تدرون اني اعرف شخص حاول يطلع حلال من الهند ولف السبع لفات ودفع بخاشيش الين هلك وفي الآخير قالوا له عندك حل واحد وبس ، طلع الحلال مذبوحين وإلا اقبض الباب لبلادك !!
تدرون ان عدد الحلال القطري اللي في السعوديه انه بالملايين !!
ليش هذا كله !!؟ ليش دايما شماعة البيئه والمحافظه على البيئه هو السبب لهذا التهجير
يعني يبغون يقنعونا ان قطر بتنقلب آيرلندا !! والله ثم الله لو تثور عجة البيئه ويطيرون سما وينجخون قاع ان تبقى قطر هي قطر وبر قطر ما يطلع إلا الهرم والسدر والسمر وإذا نزل مطر في الوسمي طلعت كم عشبه بالغلط

لو هالحلال المهجر كله في قطر كان الوضع غييير

اولا تشجع الشباب على شي يفيدهم ويوسع صدورهم وعيالهم وعوايلهم ، ترخص الذبايح في السوق والدواجن بعد ، ترتفع حصة التاجر القطري اللي عنده محل اعلاف اضعاف اللي يحصله الحين ويستفيد المواطن راعي المزرعه اكثر ، هالبر اللي حامينه ومسخرين المعقول والغير معقول يتبارك وينتشر فيه الحلال وبتالي يتسمد طبيعي ويتلقح طبيعي وتكون هناك ضوابط معقوله ورادعه للي يخربون البر مثل المراهقين اللي يستعرضون او اللي يشب ضوه ويروح يحطب ولا يفرق بين الحطب اليابس والعود الأخضر

مب يضيقون على المواطن ويحدونه على تهجير حلاله !!

وضع غريب وخطير الصراحه

[ام السعف]

هل كيف يصير غش بتجارة .. شيلي صورة مالت الجت وحطي صورة رويد وبقل وجرجير .. ياخوفي الفريج بكره كله يبنبع ههههه

تعتقد يعني ممكن العيال ايبمبع ؟

المشكلة عاد يقول الربطة صارت على عشر

وفي مشاركة ثانية صارت 15 :eek5:

مب شارية لما ينزل سعره وعقب بشوف البمبعة اشلون بتكون :(
بجربها بنفسي ........> من باب تبرئة نفسي في اضرار الآخرين :shy:

[البريمي (م)]

الارتفاع مبرر عند من يفتقر للمواطنه ( هندي / بنقالي / سوداني ) وهم الباعة ، علما بأن قيمة الشراء من مزارع المواطنين ( بنصف ريال / او ريال بحد اقصى ) وسبب لزيادة الطلب على العرض خصوصا في الشحانية وكذلك سوق الغنم إذا لم يكن العرض معدوم .

عقبال ما يسمحون للمواطنين بتخصيص اراضي زراعية لتغطية الاحتياج لمثل هذا النوع من الاعلاف .

[R 7 A L]

:court:






موضوع تهجير الحلال من قطر آمر خطير جداً

مع العلم ان عندنا عزبتين بعد المركز بـ 20 كم ، واغلب اهل الحلال وخصوصاً اللي اعداد حلالهم أعداد كبيره مجبور انه يطلع برا قطر لأنه محارب من البيئه وكأنهم يقولون لراعي الحلال انت شخص غير مرغوب فيك انت وحلالك !!

لا يعطون راعي الحلال عزبه سواء ثابته في مجمع عزب او متحركه , وإذا تكرموا وعطوا فتلاقيهم يضيقون على راعي العزبه لدرجة محد يتصورها
ممنوع حفر الآبار ، ممنوع تجيب تانكي ماي فيبر ( حديد وكيفك ) ممنوع تحط بورت كابن على الأرض ( على تواير او خيمه ) ممنوع تزرع آي شي ممنوع تثبت الطبيله او الشبك بالأسمنت
( طيب عندي مطايا أو عندي بقر بعجولهم وبيكسرون الشبك !! ) ممنوع تجيب طابوق ممنوع تحفر بياره ( اجلكم الله ) إلا بمواصفات كذا وكذا ممنوع يقل الحلال عن عدد كذا وممنوع يزيد على عدد كذا

مع كل هالشروط العالم صابره وساكته ، والحين قالوا ممنوع الرعي والتجاريرفعون اسعار العلف ( وعمك اصمخ )
هذا اسمه تهجير للثروه الحيوانيه ، وهذي مشكله بحق ، كل الدول تحافظ على هالثروه بشده وربعنا يحاربونها بشده !!
تدرون إذا بغينا نجيب حلال من اي دوله خليجيه او عربيه وش كثر نتبهدل وممكن يوافقون نطلع الحلال اللي شارينه بفلوسنا وأغلب المرات ما يوافقون
تدرون اني اعرف شخص حاول يطلع حلال من الهند ولف السبع لفات ودفع بخاشيش الين هلك وفي الآخير قالوا له عندك حل واحد وبس ، طلع الحلال مذبوحين وإلا اقبض الباب لبلادك !!
تدرون ان عدد الحلال القطري اللي في السعوديه انه بالملايين !!
ليش هذا كله !!؟ ليش دايما شماعة البيئه والمحافظه على البيئه هو السبب لهذا التهجير
يعني يبغون يقنعونا ان قطر بتنقلب آيرلندا !! والله ثم الله لو تثور عجة البيئه ويطيرون سما وينجخون قاع ان تبقى قطر هي قطر وبر قطر ما يطلع إلا الهرم والسدر والسمر وإذا نزل مطر في الوسمي طلعت كم عشبه بالغلط

لو هالحلال المهجر كله في قطر كان الوضع غييير

اولا تشجع الشباب على شي يفيدهم ويوسع صدورهم وعيالهم وعوايلهم ، ترخص الذبايح في السوق والدواجن بعد ، ترتفع حصة التاجر القطري اللي عنده محل اعلاف اضعاف اللي يحصله الحين ويستفيد المواطن راعي المزرعه اكثر ، هالبر اللي حامينه ومسخرين المعقول والغير معقول يتبارك وينتشر فيه الحلال وبتالي يتسمد طبيعي ويتلقح طبيعي وتكون هناك ضوابط معقوله ورادعه للي يخربون البر مثل المراهقين اللي يستعرضون او اللي يشب ضوه ويروح يحطب ولا يفرق بين الحطب اليابس والعود الأخضر

مب يضيقون على المواطن ويحدونه على تهجير حلاله !!

وضع غريب وخطير الصراحه




وهذا الى يبونه طال عمرك


هم يشوفون ان الحلال الى في قطر ويمتلكه القطريين مافية فايدة لتغطية الطلب في السوق
وان اكثر الملاك متمسكين بحلالهم مايبيعون ولاينزلون شي في السوق

وفي المقابل على شان يمشي سوق شركة ( مواشي )

وكل عام و وزارة البيئة بالف خير

[رآعي موآجيب]

وهذا الى يبونه طال عمرك


هم يشوفون ان الحلال الى في قطر ويمتلكه القطريين مافية فايدة لتغطية الطلب في السوق
وان اكثر الملاك متمسكين بحلالهم مايبيعون ولاينزلون شي في السوق

وفي المقابل على شان يمشي سوق شركة ( مواشي )

وكل عام و وزارة البيئة بالف خير

بالعكس وانا اخوك !

يوم كان الحلال واجد في قطر كان المعروض في السوق من الأغنام البلديه متوفره

كنا نشوف اهل قطر شيبان وعجايز وحتى الشباب كل يوم جمعه الساعه 6 الصبح تحت طبيلة سوق الغنم كلن يعرض اللي عنده

واحد من الشباب كان عنده فوق الـ 300 راس وكان يبيع شبه يومي في عزبته وقلت له انت تبيع بيع جائر ليش ؟ قال متوفر عندي ذكور واجد وكثرتها تسبب لي مشاكل في الصرف وفي سلامة باقي الغنم لأنهم دوم عبثين فأبيع اغلبهم واخلي عندي اللي يستاهل التفحيل

كلامه اقنعني وعرفت ان اغلب اهل الحلال هذي طريقتهم ، يعني كان فيه بيع بشكل مرضي والأسعار تعتبر مقبوله

إما الحين شوفة عينك !

[ام السعف]

ذكرتيني بسالفه قديمه سالفة راعي الفلافل اللي بشارع الريان يقولون كان يحط جت في الخلطه ههههه مظلومين هالخرفان مساكين هههه

شوف هذا

أما الحديد المقاوم لأنيميا جسم الإنسان فهو يزيد 13 مرة في بذور البرسيم عما في الكرنب وحوالي 11 مرة أكثر مما في الخس.

يا عيني واحنا مطيحين اكل في الخس طلع الجت احسن منه ،،
طلع مب هين هالجت يسوون منه بيتي فور وناشف خضرة :telephone:

[abdulla4u]

مفروض شركه حصاد تكون مسؤاله عن الاسعار .. وتسوي لها مزاد اسبوعي او شبه يومي باحد المناطق سباق الهجن او السوق المركزي ... والتسعيره تكون ثابته لفتره وتراعي حاله المزارعين وحاله اصحاب الحلال وتكون متابعه من البلديه ووزاره الاقتصاد ...

[نجم الجنوب]

خلاص توكلي على الله وجربية بس اخاف اطرقعين بيبان بيتكم ههههه
شوف هذا

أما الحديد المقاوم لأنيميا جسم الإنسان فهو يزيد 13 مرة في بذور البرسيم عما في الكرنب وحوالي 11 مرة أكثر مما في الخس.

يا عيني واحنا مطيحين اكل في الخس طلع الجت احسن منه ،،
طلع مب هين هالجت يسوون منه بيتي فور وناشف خضرة :telephone:

[ام السعف]

خلاص توكلي على الله وجربية بس اخاف اطرقعين بيبان بيتكم ههههه

هاهاها

انا من غير جت ومطرقعة فريم البيبان ( صغير علي غصب ادش منه) بعد بوصل لطرقعة الباب نفسه :(

بس اصبر خله ينزل سعره ذيك الحزة بروح اشتري منه ان شاءالله
مابي البياعين يحسون ان الجت صار عليه طلب :(

[نجم الجنوب]

من غير جت وجذي شلون عيل لو اتسوين خلطة جنها مب لج وتاكلين بل بل ياكافي الشر بتهيجين على اللي في البيت هههه
هاهاها

انا من غير جت ومطرقعة فريم البيبان ( صغير علي غصب ادش منه) بعد بوصل لطرقعة الباب نفسه :(

بس اصبر خله ينزل سعره ذيك الحزة بروح اشتري منه ان شاءالله
مابي البياعين يحسون ان الجت صار عليه طلب :(

[ام السعف]

من غير جت وجذي شلون عيل لو اتسوين خلطة جنها مب لج وتاكلين بل بل ياكافي الشر بتهيجين على اللي في البيت هههه

اذكر الله اعويذ الله من عيونك الحارة ،، وانا اقرا كلامك حسيت اني نقصت كيلو :(

بس حلوة بتهيجين ( هيهيهي تخيلت بو العيال وهو يدور مكان ينخش فيه ) :secret:

بس خلاص الجت مفيد يا عيال ويا اخوان ويا اخوات

عليكم به :telephone:

[عيون الدوحة]

:court:





موضوع تهجير الحلال من قطر آمر خطير جداً

مع العلم ان عندنا عزبتين بعد المركز بـ 20 كم ، واغلب اهل الحلال وخصوصاً اللي اعداد حلالهم أعداد كبيره مجبور انه يطلع برا قطر لأنه محارب من البيئه وكأنهم يقولون لراعي الحلال انت شخص غير مرغوب فيك انت وحلالك !!

لا يعطون راعي الحلال عزبه سواء ثابته في مجمع عزب او متحركه , وإذا تكرموا وعطوا فتلاقيهم يضيقون على راعي العزبه لدرجة محد يتصورها
ممنوع حفر الآبار ، ممنوع تجيب تانكي ماي فيبر ( حديد وكيفك ) ممنوع تحط بورت كابن على الأرض ( على تواير او خيمه ) ممنوع تزرع آي شي ممنوع تثبت الطبيله او الشبك بالأسمنت
( طيب عندي مطايا أو عندي بقر بعجولهم وبيكسرون الشبك !! ) ممنوع تجيب طابوق ممنوع تحفر بياره ( اجلكم الله ) إلا بمواصفات كذا وكذا ممنوع يقل الحلال عن عدد كذا وممنوع يزيد على عدد كذا

مع كل هالشروط العالم صابره وساكته ، والحين قالوا ممنوع الرعي والتجاريرفعون اسعار العلف ( وعمك اصمخ )
هذا اسمه تهجير للثروه الحيوانيه ، وهذي مشكله بحق ، كل الدول تحافظ على هالثروه بشده وربعنا يحاربونها بشده !!
تدرون إذا بغينا نجيب حلال من اي دوله خليجيه او عربيه وش كثر نتبهدل وممكن يوافقون نطلع الحلال اللي شارينه بفلوسنا وأغلب المرات ما يوافقون
تدرون اني اعرف شخص حاول يطلع حلال من الهند ولف السبع لفات ودفع بخاشيش الين هلك وفي الآخير قالوا له عندك حل واحد وبس ، طلع الحلال مذبوحين وإلا اقبض الباب لبلادك !!
تدرون ان عدد الحلال القطري اللي في السعوديه انه بالملايين !!
ليش هذا كله !!؟ ليش دايما شماعة البيئه والمحافظه على البيئه هو السبب لهذا التهجير
يعني يبغون يقنعونا ان قطر بتنقلب آيرلندا !! والله ثم الله لو تثور عجة البيئه ويطيرون سما وينجخون قاع ان تبقى قطر هي قطر وبر قطر ما يطلع إلا الهرم والسدر والسمر وإذا نزل مطر في الوسمي طلعت كم عشبه بالغلط

لو هالحلال المهجر كله في قطر كان الوضع غييير

اولا تشجع الشباب على شي يفيدهم ويوسع صدورهم وعيالهم وعوايلهم ، ترخص الذبايح في السوق والدواجن بعد ، ترتفع حصة التاجر القطري اللي عنده محل اعلاف اضعاف اللي يحصله الحين ويستفيد المواطن راعي المزرعه اكثر ، هالبر اللي حامينه ومسخرين المعقول والغير معقول يتبارك وينتشر فيه الحلال وبتالي يتسمد طبيعي ويتلقح طبيعي وتكون هناك ضوابط معقوله ورادعه للي يخربون البر مثل المراهقين اللي يستعرضون او اللي يشب ضوه ويروح يحطب ولا يفرق بين الحطب اليابس والعود الأخضر

مب يضيقون على المواطن ويحدونه على تهجير حلاله !!

وضع غريب وخطير الصراحه

خاطري الوزير يقراء ردك :)

[البيرق]

ما اعتقد ان الي صار بسبب القرار
البر مافيه نبت صيففففففففففففففففف حررررررررررررررر:anger1:
كيف تتهمون البيئة بانها المسبب لارتفاع الاعلاف بينما الواقع ان المسبب الاول وهو الطمع في قريشات الجوائز والدفع بدون حساب على العلف الطيب ولاننسى العسل في ذلك
البيئة بريئة من ذلك
وصاحب الموضوع اخطا في حكمة

[البيرق]

وسالت احد الاخوان (من اصحاب الحلال ) في اتصال توضيحي منه وقال لي ان كل سنة يوصل الى هذا السعر واصحاب السباق يطلبون نوعية طيبة من الجت الذي يكون في اسوأ انتاجة خلال السنة بسبب الصيف استعداد منهم للموسم القادم
فاتق الله ياصاحب المقال ان كنت تعلم ذلك
وانا من مؤيدي للقرار حماية للحلال قبل البيئة القطرية فقطر بيئتها هشة واصحاب الحلال يتعدون عليها بجهلهم فذهبت الروض المشهورة من المطايا بسبب التعدي عليها حتى اختفت ولم يبقى لها اثر
ولا حول ولا قوة الابالله

[رآعي موآجيب]

خاطري الوزير يقراء ردك :)



لا تروعني :)

خلها على مراقب والأمور في السليم :nice:

[عيون الدوحة]

لا تروعني :)

خلها على مراقب والأمور في السليم :nice:

مب ترويع يا أخوي
عشان يعرف وش صار بحال أصحاب الحلال من تضرر

[رآعي موآجيب]

وسالت احد الاخوان (من اصحاب الحلال ) في اتصال توضيحي منه وقال لي ان كل سنة يوصل الى هذا السعر واصحاب السباق يطلبون نوعية طيبة من الجت الذي يكون في اسوأ انتاجة خلال السنة بسبب الصيف استعداد منهم للموسم القادم
فاتق الله ياصاحب المقال ان كنت تعلم ذلك
وانا من مؤيدي للقرار حماية للحلال قبل البيئة القطرية فقطر بيئتها هشة واصحاب الحلال يتعدون عليها بجهلهم فذهبت الروض المشهورة من المطايا بسبب التعدي عليها حتى اختفت ولم يبقى لها اثر
ولا حول ولا قوة الابالله



افااا والله يالبريق ، الحين اصحاب الحلال هم اللي ضروا الروض وهم الجهله والمعتدين !!

أعرف عنك انك دقيق في آختيار مفرداتك لكن هالمره الخط الأحمر خلاك تتحمس زياده عن اللزوم !

طيب على الأقل كان خصيت البعض منهم وكان ذكرت التخييم في الروض ودوس المواتر على الروض و كان انتبهت لمشكلة الكسارات اللي اكيد ما تخفاك و النكالات اللي ما تعرف روضه من صبخه

شوف يالبيرق

كلن وده ان ديرته من احسن لأحسن ومن افضل لأفضل ، لكن اللي يبغي يكحل العين ما يأذيها
والروض اللي تعتقد إن الجهله وحلال الجهله هم السبب في دمارها ترى كانت قبل المواتر والكسارات موجوده والحلال كان موجود وأكثر من الحلال الموجود الآن ، فليش ما اختفت الروض واندثرت من ذيك الأيام !؟

ياخوي اقراء تعليقي على تهجير الحلال وبتعرف السالفه .

[رآعي موآجيب]

مب ترويع يا أخوي
عشان يعرف وش صار بحال أصحاب الحلال من تضرر


بهزر معاك :nice:

[النائب]

هذا قرار من القرارات الضايعه وياكثرها .

[البيرق]

افااا والله يالبريق ، الحين اصحاب الحلال هم اللي ضروا الروض وهم الجهله والمعتدين !!

أعرف عنك انك دقيق في آختيار مفرداتك لكن هالمره الخط الأحمر خلاك تتحمس زياده عن اللزوم !

طيب على الأقل كان خصيت البعض منهم وكان ذكرت التخييم في الروض ودوس المواتر على الروض و كان انتبهت لمشكلة الكسارات اللي اكيد ما تخفاك و النكالات اللي ما تعرف روضه من صبخه

شوف يالبيرق

كلن وده ان ديرته من احسن لأحسن ومن افضل لأفضل ، لكن اللي يبغي يكحل العين ما يأذيها
والروض اللي تعتقد إن الجهله وحلال الجهله هم السبب في دمارها ترى كانت قبل المواتر والكسارات موجوده والحلال كان موجود وأكثر من الحلال الموجود الآن ، فليش ما اختفت الروض واندثرت من ذيك الأيام !؟

ياخوي اقراء تعليقي على تهجير الحلال وبتعرف السالفه .

اخي العزيز
اولا بالنسبة للكسارات فالكل تأذى من ذلك ومنعها صعب ومطلوب تقنين وضبط الكسارات وتحويلها اقصى جنوب قطر بحيث لاتوثر على بيئة الجنوب مع وضع فلاتر وسكك حديد لنقل انتاجيتها (وماهي بصعبة وتكلفتها قليلة على المدى الطويل)
ثانيا لا اعارض الرعي ولكن اعارض الضرر الحاصل منه ان كان بدون ضوابط
القرار على الجميع مع ان الضرر الذي حصل ماحصل الا من الاقلية
مع اني مع تعديل وتنظيم الموضوع وهو ايقاف الرعي بعد المطر الا ان ينمو ويكتمل النبت
اما الروض فالمنع اولى
اما موضوع التهجير فمنذ القدم حلال اهل قطر بين قطر والسعودية وهذا العلم هو الاكيد ومعروف عندنا
ومطلوب تكفل الحكومة بتشجيع المربين بالاعلاف ودعمهم بمجانية الاعلاف كاملة حتى يتم الاكتفاء الذاتي وتخصيص مراعي مسقية واستخدام مياه الابار شمال وجنوب حوار التي في البحر وهذه يغفل عنها المسئولين على كمية المياه الهائلة المهدرة في البحر وان لم توجد الامكانيات (ولا اعتقد بذلك) فماء الحكومة المقطر اولى للمربين تشجيعا لهم

[رآعي موآجيب]

اخي العزيز
اولا بالنسبة للكسارات فالكل تأذى من ذلك ومنعها صعب ومطلوب تقنين وضبط الكسارات وتحويلها اقصى جنوب قطر بحيث لاتوثر على بيئة الجنوب مع وضع فلاتر وسكك حديد لنقل انتاجيتها (وماهي بصعبة وتكلفتها قليلة على المدى الطويل)



صدقت طال عمرك

أنت آشرت لتقنين وضبط عمل الكسارات لصعوبة منعها ، يعني انت تشجع على البحث عن الحلول وليس أغلاق النقاش وإيجاد الحلول المناسبه ، وأعتقد هذا ينطبق على اهل الحلال اللي مشكلتهم آخف وطأه من مشاكل الكسارات وتبعياتها

الآمر الآخر وهو أقتراحك بوضع سكك حديد للنقل واللي تقول ان تكلفته قليله على المدى البعيد

اولا تكلفته مش قليله لا على المدى البعيد ولا القريب بحكم ان الكسارات معضمها آملاك خاصه
ولكن هذا آمر آخر جيد يدعوا للأستغراب بين أغلاقك لجميع الحلول في ردك السابق على اصحاب الحلال وإيجادك لحلول جيده للأصعب كما تفضلت في موضوع الكسارات
هذا يعني ان حلول اهل الحلال متاحه سواء كأقتراحات أو على جدول اعمال البيئه ولكن لنقولها بصريح العباره
( اهل الحلال غير مرغوووب فيهم ) هكذا نبسط الموضوع على جميع الأطراف




مع اني مع تعديل وتنظيم الموضوع وهو ايقاف الرعي بعد المطر الا ان ينمو ويكتمل النبت
اما الروض فالمنع اولى

أخوي الغالي ، هناك سلسله ربانيه طبيعيه مرتبطه ببعض للحصول على العشب والمرعى

أرض تنبت ، مطر يسقي ، هواء ينقل اللقاح ، ماشيه تأكل وتساعد في نقل اللقاح بأرجلها وبأفواهها و بفضلاتها ( اجلكم الله ) وطبعا هذا غير التسميد الطبيعي التلقائي

إذا شلنا حلقه وحده من هذه السلسله ما برأيك سيكون الناتج !؟





اما موضوع التهجير فمنذ القدم حلال اهل قطر بين قطر والسعودية وهذا العلم هو الاكيد ومعروف عندنا



وأنا ما أنكرت هالشي ابد ، ولكن انا اقول الحلال اللي طلع من قطر في الفتره الآخيره كان بأرقام تصدم وتخوف
يطلع حلال بالآلاف يارجل , تتوقع آيش الأسباب اللي خلتهم يطلعون ؟

هالشي مش من مصلحة احد نهائياً





ومطلوب تكفل الحكومة بتشجيع المربين بالاعلاف ودعمهم بمجانية الاعلاف كاملة حتى يتم الاكتفاء الذاتي وتخصيص مراعي مسقية واستخدام مياه الابار شمال وجنوب حوار التي في البحر وهذه يغفل عنها المسئولين على كمية المياه الهائلة المهدرة في البحر وان لم توجد الامكانيات (ولا اعتقد بذلك) فماء الحكومة المقطر اولى للمربين تشجيعا لهم



إذا لك معارف من اهل الأمارات اهل الحلال انشدهم عن كيفية دعم حكومتهم لهم :)

لأني لو قلت لك يمشون لراعي الحلال مساعده ماليه شهريه مجزيه وكلن على حسب اللي عنده ماراح تصدقني :nice:

ومع ذلك لم اسمع بهذه المطالبه عندنا ، كل اللي يطالبون فيه اهل الحلال هو إعادة النظر في بعض القرارات التي اضرت بأصحاب الحلال بشكل مباشر مما دعى الكثير منهم لتهجير الثروه الحيوانيه خارج قطر

[مثمن معتمد]

هو في شي صح المصلحة فوق كل شي

ابي اعرف من المسؤول عن منح تراخيص المولات في وقت ان المنطقة ما تستحمل بسبب مشاريع الطرق الفاشلة

الاند مارك وازدان واللولو واربع مولات بعد في نفس المنطقة
وهالشارع تموا يصلحونه ست سنين نفق اللاند مارك واصغر جسر في طنطا ههههههه مب في الخليج احسن منه

يا البيرق خلنا ساكتين احسن الحين هديتوا كل هالامور وطايحين على الحلال الله يهديهم



ارفع راسك انت قطري