المقاطعات ووصولها لمرحلة النهايه قبل ان تبدأ

[مضارب دوسري]

السلام عليكم
من متابعتي لمواضيع رفع الاسعار
بصراحه اشوفها وصلت لمرحله النهايه قبل بدايتها
قمنا نضيف ونطالب بمقاطعة اشياء غير ضروريه
واحد يقولك ارتفعت اسعار محلات زينة السيارات
واللي يقولك حبل زاد سعره ومدري ايش

ماتلاحظون ان الناس صارت تطالب بمقاطعة اشياء مش ضروريه اساسا

واللي يقولك مقاطعة وكاله سيارات وما الى ذلك

احس صار الموضوع يذهب الى ابعد مانطمح له
فاتمنى المقاطعات تكون في حدود المواد الغدائيه فالمرتبه الاولى
عشان ما نوصل لمرحلة السخافه في تقليدنا لدول كالسعوديه والارجنتين بخصوص المراعي والبيض

يا اخوان ركزوا جهودكم عالامور الضروريه

عشان ماتنتهي مقاطعاتنا قبل ان تبدأ

[العميد الركن]

انت تقول تتمنى المقاطعه بحدود المواد الغذائيه

عقب تقول عشان مانوصل مرحلة السخافه لتقليد السعوديه والارجنتين بخصوص المراعي والبيض

المراعي والبيض مب غذائية؟

والسيارات ارتفعت بال 20 الف وال 25 الف

هذا عادي بوجهة نظرك؟

[bu 3li]

اتفق وياك اخوي ,, الحين اي شي يشوفون سعره زاد على طول قاطعوه وقاطعوه
والبلاك بيري مايسكت .. كل اشوي مطرشين حلاق فلان ولا مطعم فلان

انزين فيه اشياء احنا فـ غنى عنها خلوها تخيس .. لكن الاساسيات هي اللي نحاول نحافظ على اسعارها
الكماليات لو تخلونها تخيس بتشوفون عروض عليها واللي يقدر وقتها يشتري والباقي مب ملزومين
ياليت لو كلنا نكون يد وحده فـ كل شي ومانشوف حد كاسر القاعده او يقول انا عندي مايهمني
ترى المبدأ مبدأ توحد الشعب ضد الجشع مب مسألة انا عندي واقدر اشتري وغيره ماعنده لايشتري

[مضارب دوسري]

انت تقول تتمنى المقاطعه بحدود المواد الغذائيه

عقب تقول عشان مانوصل مرحلة السخافه لتقليد السعوديه والارجنتين بخصوص المراعي والبيض

المراعي والبيض مب غذائية؟

والسيارات ارتفعت بال 20 الف وال 25 الف

هذا عادي بوجهة نظرك؟

كلامك متناقض
اي نعم في حدود المواد الغذائيه والبيض والمراعي من المواد الغذائيه
موضوع وكالات السيارات مقاطعتها اسهل من مقاطعة المواد الغذائيه
ولكن مثل ماتشوف ما ان قالوا فيه زياده حتى صار اغلب الشباب يفكر متى بينزل الراتب عشان اروح اشتري سياره جديده واللي يقولك بيبيع الفكسار اللي عنده موديل 2011 وبروح بشتري رنج ولا بورش
لازم يكون هناك تركيز لان كل ماشتتنا انفسنا في اشياء كثيره فالنهايه كلها ايام ونرجع مثل ماكنا ولا كأن صار مقاطعهعلى فكره انا ودي نقلد السعوديه والارجنتين لانهم وحدوا جهودهم على شي واحد

بس اعتقد انت فهمت من الموضوع ان اللي صار فالسعوديه والارجنتين سخافه

انا قصدي تقليدنا لهم ودانا لمرحلة السخافه صرنا على اي شي سوينا برودكاست ومواضيع وفالاخير احنا المتضررين

[مضارب دوسري]

اتفق وياك اخوي ,, الحين اي شي يشوفون سعره زاد على طول قاطعوه وقاطعوه
والبلاك بيري مايسكت .. كل اشوي مطرشين حلاق فلان ولا مطعم فلان

انزين فيه اشياء احنا فـ غنى عنها خلوها تخيس .. لكن الاساسيات هي اللي نحاول نحافظ على اسعارها
الكماليات لو تخلونها تخيس بتشوفون عروض عليها واللي يقدر وقتها يشتري والباقي مب ملزومين
ياليت لو كلنا نكون يد وحده فـ كل شي ومانشوف حد كاسر القاعده او يقول انا عندي مايهمني
ترى المبدأ مبدأ توحد الشعب ضد الجشع مب مسألة انا عندي واقدر اشتري وغيره ماعنده لايشتري

اي والله ياخوي ياليت نكون يد وحده في مواجهة تجار المواد الاستهلاكيه هذا هو المهم

اما موضوع حبل ومدري ايش واللي يقولك ربطه الجت
واللي يطرشون برودكاستات قاطعوا محل الزينه الفلاني لانه رفع سعر البوليش البحريني

شدخل ؟


عالعموم انا بصراحه متشائم من هذي المقاطعات مع اني اشارك فيها

[عاشق الشهادة]

السلام عليكم
من متابعتي لمواضيع رفع الاسعار
بصراحه اشوفها وصلت لمرحله النهايه قبل بدايتها
قمنا نضيف ونطالب بمقاطعة اشياء غير ضروريه
واحد يقولك ارتفعت اسعار محلات زينة السيارات
واللي يقولك حبل زاد سعره ومدري ايش

ماتلاحظون ان الناس صارت تطالب بمقاطعة اشياء مش ضروريه اساسا

واللي يقولك مقاطعة وكاله سيارات وما الى ذلك

احس صار الموضوع يذهب الى ابعد مانطمح له
فاتمنى المقاطعات تكون في حدود المواد الغدائيه فالمرتبه الاولى
عشان ما نوصل لمرحلة السخافه في تقليدنا لدول كالسعوديه والارجنتين بخصوص المراعي والبيض

يا اخوان ركزوا جهودكم عالامور الضروريه

عشان ماتنتهي مقاطعاتنا قبل ان تبدأ



صدقت اختلط الحابل بالنابل بالنسبه للاغلبيه من الاعضاء الكرام,
وانا اتفق معاك على ان نبدأ المقاطعه حبه حبه ونبدا مثل ما تفضلت بالمواد الغذائيه بالاول ونشوف نتائجها وبعدين نقدر نتجه لاشياء ثانيه مثل ارتفاع قيمه مكياج او حزمه برسيم ؟

[مضارب دوسري]

يعطيك العافيه اخوي عاشق

كل اللي نتمنى نوصل لهم بدو حبه حبه
اما احنا نبي نقاطع كل شي في وقت واحد
تشتتنا والسبب بعض الناس اللي تبي تقلد لمجرد التقليد

[A l i]

http://im10.gulfup.com/2011-09-13/1315919093391.jpg (http://www.gulfup.com/)

حتى ستار لنك رفعو اسعار البلاك بيري الجديد :(
من كم يوم كان ب ٢٥٩٩ !

[مضارب دوسري]

اصلا البلاكبيري بالذات
الكل ينصح ان محد يشتري من شهر 9 الى شهر 12
لان فالفتره هذي تنزل الموديلات الجديده

وفوق هذا هم نزلوا كميه قبل العيد وماشاء الله ماقعدت عندهم الا يومين وعقب خلصت والسبب ان الناس عاجبهم السعر
وفالمحلات ينباع ب 3000

هل اذا محد شرى البلاكبيري بيموت من الجوع ؟

[بومحمد55]

الله يستر جان مايرفعون سعر العصير بونص

[chillis]

للاسف البعض قام يحط اسامي محلات ويتهمونهم بالزياده وهم من الاساس سعرهم مرفوع قبل الزياده يعني من قبل شهرين او ثلاث شهور وبالذات مسجات البلاك بيري اغلبها افتراء وكذب

[مضارب دوسري]

اي والله يا اختي

للاسف ماعندنا ثقافة المقاطعه
السعوديه والارجنتين قاطعوا منتج ؟
واحنا فالحين نقاطع مطاعم
ومحلات زينه

[مهل]

زعلني عنوان موضوعك .. لكن المضمون حقيقي .

و هدفك من الموضوع واضح جدا ... احنى لو نقاطع جميع ما يباع في الجمعيه نكون حققنا هدف كبير و دايما البدايه تكون اصعب خصوصا ان كان الامر جديد علينا

و المثل يقول اضرب المربوط يخاف المفتلت

لا انكر وجود اشخاص ( يالله عليهم عليهم ) بدون تخطيط و نيه حقيقيه ولكن اتمنى ان يكون الوعي حقيقي و الهدف من المقاطعه مقنع بالنسبه لهم . و ايضا لا انكر وجود من يقود حملات بشكل منظم و هادف جدا .

و اعتقد ان الاشاره لنجاح الحمله واضح و سهل .
١- ان تشتري السلعه بسعر مقنع لك .
٢- ان يكون سعر السلعه ثابت في جميع المحلات و هذا يعني ان المحل الي مغلي جاه من يعطيه على راسه .

[مضارب دوسري]

هلا اخوي مهل
انا اسف اذا العنوان مضايقك ولكن بصراحه هذا هو الواقع
للاسف صارت اللسته عندنا طويله وتشتت اللي مايتشتت والسبب ان بدينا غلط
رحنا للمطاعم والكماليات ونسينا المواد الغذائيه والاستهلاكيه
صرنا فاضيين نقاطع حلاليق ومحلات زينه ومغاسل ثياب ومغاسل سيارات
ونسينا المهم
حبينا نطلع نفسنا ان احنا نقاطع ولكن الترتيبات كانت غلط
لازم نهتم بمقاطعة المواد الغذائيه فالبدايه لانها هي اهم حاجه لكل اسره
ولكن المطاعم شي مب اساسي نقاطع كل المطاعم. عادي

مغاسل سيارات نقدر نغسل ف بيوتنا
مغاسل ثياب نقدر نغسل ونخلي الخدم يكوون
حلاليق فيه حلاليق غيرهم
ربطة جت بوت وبولش بحريني شي ماله خص ومب مهم
تواير نقدر نسافر نجيب من برى لانها فالسنه يمكن مره نغير تواير

[مهل]

بكل اسف اني مسافر حاليا و البلاكبيري ماشغلته من فتره .. اجواء المقاطعه اقراها في النت بس

مشاركتك اوحتلي بفكره بوافيك فيها على الخاص

[شريان]

تحياتي للجميع بصراحة أرى فوضى في طريقة المقاطعة وعدم التركيز على الأساسيات وفي النهاية على ماقال يختلط الحابل بالنابل وبعدين عندي سؤال المجمعات والمحلات التجارية باسم مين مش بسمنا ياهل قطر والرخص التجارية عطينها الوافد مقابل ثمن بخس؟ على ماقال على نفسها جنت براغش؛ المهم اذا حملات او مقاطعة نبدأها من الجمعيات الميرة الحين لانها في كل فريج واغلبنا يتسوق منها اما يتشتت الجهد على كماليات ليس الجميع مجبور فيها وصعب السيطرة عليها واضرب الذيخ يستأدب الفهد...........

[STAR]

للاسف البعض قام يحط اسامي محلات ويتهمونهم بالزياده وهم من الاساس سعرهم مرفوع قبل الزياده يعني من قبل شهرين او ثلاث شهور وبالذات مسجات البلاك بيري اغلبها افتراء وكذب
واللي ‏
زايدين الاسعار من شهرين وثلاث مب هاذيل المفروض اول ناس نقاطعهم ...‏!!‏

ام بس نقاطع اللي توه رافع سعره..

شنو افرقت؟!‏

ترى الاثنين رافعين اسعارهم بدون سبب..

[همسه]

مهل ارفع صوتك ابي اعرف الفكره اللي تقولها في الخاص

مب لقافه لا تفهم غلط بس عشان نساعدكم بالافكار بس ترى كلش مب لقافه

هههههههههههههههههههههههه

[قطر70]

احييك اخوي على موضوعك
بغض النظر عن اشياء مش مهمه لي كمستهلك مثل بوليش واشياء مالها معنى واحنا في عنى عنها
بس المفروض كلنا انتكاتف على مقاطعة التجار اللي ارفعوا اسعارهم دون مبرر
احنا نبي الكل يتجاوب مع المقاطعه دام الموضوع في بدايته صدقني وبذكرك اذا الله احيانا
بتطلع علينا الزياده اغلى من بيع السوق وبنقول ياليتهم مازادونا

[Charisma]

الحل :

الحسا ولا من برى .. وخلوا الجمعيات تعفن والمطاعم تخيس والمحلات اطقع صبع ووكالات السيارات يتلفتون
انا عن نفسي كل محل وجمعيه ومطعم ووكاله انذكرت حطيتها في البلاك لست .. ولاني ماخذ شي من عندهم لو انحد عليه... الموضوع بسيط راقب اللسته كل اسبوع واعقد العزم وطنش لهم .. لو كل واحد يعطي الموضوع اهتمام شوي راح ينزلون الاسعار اقل من قبل بعد.. الموضوع مب موضوع انهم زادوا الاسعار وبس .. ولله الحمد اغلبنا يقدر يتعايش مع هالغلاء بدون ماتتاثر ميزانيته .. بس الموضوع موضع استخفاف بعقولنا واستهانه فينا كل مانزلت زياده قاموا ورفعوا الاسعار ياخي احسبها حسبه انه يبوقك ويستغفلك .. ولافكرت بهالطريقه صدقني مب بس بتقاطعهم .. الا بتنشب لهم ..

[الأستاذ]

لا يصلح الناس فوضى لا سراة لهم ..
ولا سراة إذا جهالهم سادوا ..
فبرغم سعادتي بهذه الهبّة القوية من الناس حفاظاً على حقوقهم .. وإسماعاً لصوتهم ..ومطالبةً بدرء مفسدة التجار عنهم ..
لكنّ للأسف بهذه الطريقة سيكون الأمر كفقاعة صوتية ..
سرعان ما تذوب وسط أي حدث آخر مستجد ..
ولذا إن أردنا أن يكون موضوع المقاطعة فعّالاً ومستمراً ويأتي بنتائج إيجابية .. دون حدوث ضرر على أحد الأطراف سواء التجار أو المستهلكين .. فيجب أن يكون لبرنامج المقاطعة قيادة ..
وهذه القيادة عبارة عن إخوة متطوعين يكونون من الناس ذوي البصيرة لا يتبعون الأهواء .. ولهم دراية بشئوون السوق وأسعاره ولديهم الوقت الكافي لمتابعة هذه الأمور .. ومقابل هذا لهم من الجميع السمع والطاعة في هذا الأمر ويستطيعون من خلال هذا الموقع توجيه الناس مثلاً لمقاطعة المحل الفلاني لمدة أسبوع كتحذير له للعودة عن أرتفاع أسعاره .. ونكون ملزمين بتنفيذ قرارهم قدر الإستطاعة ..
وهؤلاء الإخوة المتطوعي يكون بينهم رابط أتصال وكل منهم يغطي أمّا منطقة معينة أو سلع محددة ..
ولا مانع من أتصالهم أيضاً بإدارة حماية المستهلك وتعريف أنفسهم وأنهم متطوعين ويقدمون ما لديهم من أدلة وبراهين للإخوة في حماية المستهلك ..
ونحن دورنا يكون في تزويد هؤلاء الإخوة بأسماء المحلات والسلع التي طرأت عليها الزيادة بعد توخينا الدقة كي لا نتعبهم ونحرجهم ونضيع وقتهم .. ودورنا الأهم هو في سماع توجيهاتهم والإلتزام بالمقاطعة حسب المدة التي يرونها ..
وليكن هذا المنبر والموضوع الذي طرحه أخونا قطري مؤسس المنتدى .. نقطة أنطلاقنا .. وليكن ترشيح الأعضاء هو خطوتنا الأولى .
أمّا العمل بهذه الصورة العاطفية فبرغم حُسن نية الجميع فهي للأسف لن تؤتي ثمارها ..
والله يوفق الجميع ..
وسأترك نسخة من هذا الرأي لأخواننا في الموقع الرئيس .

[مضارب دوسري]

يعطيك العافيه اخوي الاستاذ
بصراحه كلامك عين الصواب

[السامـي]

فكرتي بإختصار،دخلت الجمعية ولا الهايبر ماركت حصلت سلعة من أنتاج فلنقل 3
شركات خذ الأرخص لفترة،وشوف إذا ما رخصت الشركات الثانية،ويكون تركيزكم
على الأساسيات من مواد غذائية ولوازم أطفال،اما الكماليات ما نقرب صوبها لو
زادت ريال واحد.وشوفو وشتسوي المقاطعة.

[مضارب دوسري]

اي والله انك جبتها
ماقصرت يالسامي

[مضارب دوسري]

امس مريت على مرمرة اسطنبول فالعزيزيه
وللاسف لقيت ضرب نعل عنده

مثل ماتكلمت فالموضوع وصلنا لمرحلة نهاية المقاطعات

[محمد سعيد]

‏​‏​‏​‏​‏​​‏​‏​‏​​‏​‏​أهل قطر أولى بها
ا‏​‏​لمقاطعه المقاطعه
للمحلات المذكورة في الأسفل >:o
1- مطعم الخيمة
2- مطعم الخيام
3- ستار بوكس
4- مطعم مرمر اسطنبول
5- صالون ليال النسائي
6- مارك سبنسر
7- محل وجوه
8- مطعم البتراء
9- محل ch بفيلاجيو
10- معجنأت أنطاكيا
11- مطعم اسيانا
12- مطعم المجلس
13- مركز العزيزية للمواد التموين
14- مطعم تيك أؤي
15- فأميلي فود سنتر
16- مطعم شورما لبنان
17- معسلة سبورت
18- مطعم ملك الكباب
19- وكالة عبدالغني
20- وكالة المناعي
21- وكالة النيسان
22- مطعم الكاتم
23- قصر الاغذية
24- مطعم تندور
25- مندرين
26- صالون كاريزما
27- مطعم نجمة الهند
29- مطعم تونكي
30- مطعم سمرلأند
31-مطعم بيروت
32-مطعم ومعجنات العربي
33-ميزانية دبي للاطارت
34-مكتبة جرير
35-حلويات وازهار و كوش ماسيس
36-خياط سيليني للرجال
37_ سوبر ماركت سدره إلي في وقود.
38 _ صيدليه الباكر
39_ أجمل للعطور
40 _ ماك لمنتجات التجميل


اخواني لا تستهينون في حملتنا وتقولون مراح ياثر فالتجار أكبر دليل عالنجاح ان بعضهم قام ينزل بالاسعار ويسارع بنفي الزيادات، الحملة مب يوم أو يومين راح نستمر حتى نوصل للسعر إلي يرضينا احنا المستهلكين

ترى في حملات في جميع المنتديات وفي تويتر

( حملة لن نتوقف - علاوتنا أعيالنا أولا بها من التجار )
( حملة لن نخضع لجشع التجار )
كيلو الهامور 65 ريال
الصافي. 50 ريال
الشعري. 35 ريال
الربيان 65 ريال

ليش هذي الاسعار بعد الزيادة
لو يوم واحد نقاطع الاسماك راح تخيس عندهم اتمنى تعاونكم في حملة خلوها تخيس ....
عشان يعرفون التجار ان هل قطر يد وحدة
يومين ناكل دجاج و لحم -

والواحد يشوف اللي يسد جوعه
ويقول الحمد لله
والجوع طربه وقضيناها وكل متاع بين الاظلاع جايز
((اصمدو تكفون ياهل قطر))
((خــــــلـــــــوهـــــا تـــخـــــــــيــــــس))تعلموا من السعودين يوم ارفعت المراعي السعر قاطعوها لين نزلت

محد يموت من الجوع