( بوكاهونتاس )

[Red rose]

هل تعرفون ما معنى كلمه بوكاهونتاس ؟؟



http://i1081.photobucket.com/albums/j348/Redrose118/e04e7abb.jpg

[Locale]

بوكاهانتس كلمه هنديه تتكون من جزءين بوكا = روح
هانتس= شيطان


http://www.you tube.com/watch?v=8c1dupl5Vas&feature=youtube_gdata_player

امسح المسافه بين كلمه يو تيوب

[Locale]

وهذا الجزء الثاني

اشياء كثيره نغفلها الله يبعدها عنا وعن عيالنا

http://www.you tube.com/watch?v=si2Bm2b8eEs&feature=youtube_gdata_player

[Red rose]

صحيح كلامك اخوي بس اللي ابي اوصله ان الكلمتين معناها روح مستوحاه من الشيطان

لذلك فإننا عندما ننطق كلمه بوكاهونتاس فإننا نتضرع الى الشيطان ليقف بجانبنا وبجانب اولادنا
وهذا فعلاً شي خطير

هذة شخصيه من شخصيات والت ديزني والواجب علينا انا احنا نبعد ابنائا عن كل شخصيات ديزني منها ميكي ماوس

عروس البحر

علاء الدين

الاسد الملك وغيرها من الشخصيات

[Red rose]

http://i1081.photobucket.com/albums/j348/Redrose118/c175e241.jpg

هذا هو والت ديزني اشتهر في العمل بمجال الرسوم المتحركه وهو اشهر شخصيات هوليوود على مر التاريخ ومؤسس ومالك عالم ديزني ومبتكر شخصيه ميكي ماوس الشهيرة

هذا كان ما سونياً من الدرجه ٣٣ حيث انه قدم خدمات جليله لعالم الماسونيه والمتنورين ويعني ايضاً انه كان من الخدم المخلصين لعقيدة المتنورين الشيطانيه

هناك مستويات من الايحاءات اللاخلاقيه والسحر والشيطانيه تقدم في منتجات ديزني *

[عاشق الشهادة]

اه على ايام غرندايزر:weeping:


http://arabcomics.net/phpbb3/gallery/image.php?album_id=1&image_id=5912




وعلى الكابتن ماجد :weeping:

http://upload.7bna.com/uploads/183c72b761.jpg





والبرنامج الرائع افتح ياسمسم
http://www.masyafy.net/vb/attachment.php?attachmentid=4928&d=1266868673






اما بوكاهونتاس عمري ماشفته ولا عرفته الا منج اختي
الله يحمي اعيالنا وهالله هالله في اعيالك تراهم امانه عندكم
وسوف تسئلون عنهم عند العزيز الجبار .

[البوررصة]

http://www.amiraa.com/bsh/uploads/images/amiraa544a7b4d75.jpg

ورعد العملاق


http://3.bp.blogspot.com/_hpcQQ4D9GhI/TK4uHkKRmXI/AAAAAAAAAUw/xPWl1q7vDkQ/s400/Voltes%20V2.jpg

وبطل الخماسي


مب الحين .....

[Red rose]

والله يا اخوي عاشق لو عرفت شخصيات ديزني اش وراها من تخريب لعقول الاطفال غير الرموز الموجودة في رسومهم المتحركه كان انصدمت باللي مخططين له

[sara jsm]

هههههههههههههههههههههههه معقوله ,,
والله من صف ثاني اعدادي وانا حاطه صورتها في غرفتي :shy:
بس مرة ثانية مب قايله اسمها ابدا :( مب ناقصة يطلع لي شي ,,

[Red rose]

والله يا سارة لو تعرفين اش مقصدهم من البدايه كان انصدمتي فعلاً مثل ما انا مصدومه لحد الآن

حتى خلفيه الرسوم لها معاني كثيرة لا ولا ولا اخلاقيه

انا عرفت من كم يوم من اختي

[Red rose]

واثبات ماسونيه ديزني ليس بالامر الصعب يكفيك البحث على الانترنت عن

( النادي ٣٣ ) الذي يقع في ديزني لاند وهو نادٍ خاص سري اسسه ديزني شخصياً ولا تتاح عضويته إلا لفئه معينه

اتمنى انكم تحمون ابنائكم من هالشخصيات سواء اكان افلام او استكرات او مجسمات او اي شي يتعلق فيهم

والله انهم امانه في ايديكم فحافظوا عليهم وربنا بيسألكم عنهم يوم القيامه

كلكم راعٍ وكلكم مسؤول عن رعيته

[Red rose]

اللهم هل بلغت

اللهم فاشهد

[R 7 A L]

حسبي الله عليهم
استغلوا جهلنا

[Red rose]

اي نعم اخوي رحال تحكوا في عقولنا من واحنا صغار

واذا بغيت سوي بحث في القوقل باسم ( القادمون ) بتعرف نواياهم الخبيثه في فلم مترجم بالعربيه تمت ترجمته من قبل فريق عمل مشروع الحقيقه في ١٣ حلقه تقريباً

حسبي الله ونعم الوكيل *

[بايع بايع]

سؤال

ليش دايما نفكر في الحمايه والمنع وإدارة الظهر للمشكلات ؟
ترى عيالنا عقولهم كبيره ولو قعدنا معاهم وكلمناهم راح يتفهمون ومن نفسهم راح يقاطعون هذي المنتجات
وياليت مانستخف بعيالنا ولا بسعه ادراكهم للامور

وفي نفس الوقت نقولهم دورو على البدائل وهي كثيره قنوات فضائية و رسوم وافلام يابانيه
واللي علينا نسويه هي التنشأه والاساس السليم
لان حنا ماندري شلي راح يصير في المستقبل منوسائل جديده لبث السموم في المجتمعات

الله المستعان

[Red rose]

سؤال

ليش دايما نفكر في الحمايه والمنع وإدارة الظهر للمشكلات ؟
ترى عيالنا عقولهم كبيره ولو قعدنا معاهم وكلمناهم راح يتفهمون ومن نفسهم راح يقاطعون هذي المنتجات
وياليت مانستخف بعيالنا ولا بسعه ادراكهم للامور

وفي نفس الوقت نقولهم دورو على البدائل وهي كثيره قنوات فضائية و رسوم وافلام يابانيه
واللي علينا نسويه هي التنشأه والاساس السليم
لان حنا ماندري شلي راح يصير في المستقبل منوسائل جديده لبث السموم في المجتمعات

الله المستعان

احنا ما قلنا امنعوا هالمنتجات من الاطفال واحموهم منها من غير ما اتقول حق الطفل ليش سوينا كذا
واحنا ما نستخف بعقولهم اخي الكريم بالعكس جيل الحين بيسألك ليش وبعضهم يمكن من حبه لهالشخصيات يتمسك فيها اكثر ، وبيقولك هالكلام كله غير صحيح!!
اكيد الطفل بيسألك عن سبب المنع لان في وااايد اطفال والكبار ايضاً متعلقين بشخصيات ديزني بطريقه رهيبه

شاكر لك تعليقك اخي الكريم

[ام السعف]

وايد امور متعلقة في الماسونية الله يخسفهم ،،

كثيرين من المطربين والفناين العالمين ينجرون للوحل هذا واللي يفكر
انه يطلع منه يوقفون ضده ،،

واحنا وعاء مفتوح كل شي نلقطه ونحضنه :(

[منيرة الطواش]

انا شفت فيديو على تويتر عن الاسد الملك وانصدمت من الكلام المكتوب ومن ليتل ميرميد وصورة العرض والله من الصدمة مب مصدقة

[وطن]

اختي رد روز

هالفيديوات فيها من المبالغات الكثير

ممكن يكون ماسوني ويدعو للماسونيه ما نختلف

لكن الكثير من اللي انعرض وانذكر ما شفناه واحنا اطفال
ولا انتبهنا له واحنا كبار بعد

عقول الأطفال نظيفه وبريئة يستحيل تلقط مثل هالأشياء

هذا لو افترضنا انها فعلا موجوده في افلام ديزني

بوكاهانتس اسم حاله من حال باقي الاسامي
في كل لغات العالم يصادف وجود كلمات متشابهه ولها معاني مختلفة تماما واحيانا معاني مب زينه

وبعد في احد الفيديوات ذكر ان الأسد الملك "الاسد" مهب ذكر وانه .... ومن طريقة المشيه ... الخ
احنا يوم كنا اطفال وشفناه هل انتبنا على المشيه ؟؟
بالنسبة لي ولا زال ان مشيته مشية طفل مدلل و مو مثل ما ذكر الفيديو انها مشية .......
الأسد كان يرقص وهذا فيلم كرتون يعني شي طبيعي يتمايل اي حيوان فيه مع الأغاني !!!

الأطفال ما عندهم القدرة على التحليل مثل ما الأخ اللي حلل الفيديوات محللها
هذي يبي لها واحد مخه مادري شلون صاير
اصلا شلون طلع الكلمة اللي ذكرها في النجوم في الاسد الملك !!!

اعوذ بالله من هالتفكير

شفنا هالأفلام وايد واحنا يهال
ما أشوف عقيدتنا تأثرت
الا اشوف مع مر الوقت نزيد تمسكا وفخرا بالاسلام

ما اشوف عندنا اباحية ولا عبدنا الشيطان !!!

الأهل لهم دور كبير في توعية أطفالهم وتوجيههم دينيا
لكن لو بيخلونهم قدام التلفزيون أو الانترنت بدون حسيب ورقيب
شي طبيعي يتأثرون من أي مشهد يشوفونه من اي قناة واي مسلسل
سواء كرتون ولا لا
عربي ولا اجنبي

أنا ما ادافع عن ديزني
لكن انا ارد بالمنطق

الخطر على الدين موجود في كل القنوات وكل الأفلام والمسلسلات لو ما وجهنا اطفالنا وزرعنا فيهم الدين والعقيدة صح

[qatari911]

شفته كامل اوكي صحيح ان فيه خراب بيوت وكل شي لكن بالامانه فيه مبالغه
مبالغه بشكل كبير .. بعض الرسوم حولوها لشي معين وحطوا لها معنى
بغض النظر عن النيه من وراها ايش ..

بعيد عن هالجو والنقاش في اصحية مخاوف صاحب الفيديو او غيره من الناس
حنا ليش نخليهم يشوفون شي من غير اي رقابه لنا ؟ ليش ماتتم مراقبة
شنو يشوفون .. الحمدلله يارب العالمين عندنا فالعايله الجهال مايشوفون
شي الا وحنا نعرف هم شيشوفون ولابد حد فينا فاهم القصه عدل ولو في
شي خراب بيوت مانسمح لهم يطالعونه ولو طالعو جزء بسيط نصلح لهم
المعلومه لأن لو ماخذو المعلومات من التلفزيون بياخذونه من غيرهم من
الاطفال وانك تغمض عيونهم هالشي ابدا مو صح ! لأن لابد بيوم يفتحون
عيونهم ويشوفوون حوالينهم !!

بعدين بدائل للاطفال مافي .. عطيني بدائل لهالقنوات لو فرضنا اننا بنمنعها
بشكل كاامل .. بتقولين لي الجزيره للاطفال مثل الي فالفيديو ولا براعم ..
ببساطه ماهم على قدر المستوى المأمول ولا اصلا يتقايشون مع ام بي
سي 3 ونيكولوديون وكرتون نت وورك وسبيس تون ولا باي حال من الاحوال

حتى راعي الاغاني لابغى يقطعها شيقولون له ؟ اتجه للاناشيد الاخرى و
يحصل فيها اشيا كثيره وشهدنا تنوع من هالناحيه وهالشي ساعد كثااار
لكن الاطفال شعندهم ؟ مع العلم ان بهالايام كل شي ترى فيه مثل هالامور
يعني حتى بالعاب السوني طلعو ناس وفسرو بنفس تفسير هالقنوات بكل
شكل من الاشكال تحصل ناس تحرم وتحلل وتدور نوايا خبيثه من ورى كل
شي .. انا ماقول انه ظلم لهم لكن مو دايما هالتحليل يكون سليم !!

الجزء الاخير في الفيديو بخصوص القدوه وغيره .. ترى عيالنا لو ياخذون حد
قدوه .. ويكون شيء سيء مو هالقنوات المسؤوله حنا المسؤولين ليش
نرمي كل شي ع التلفزيون حنا وين عنهم !!! والله لو كل واحد يراقب ويهتم
كانت القدوه من الاهل ومن اشخاص يشرفون ويصلحون يكونون قدوه مثل ما
قبل كان قدوة الشخص ابوه ولا اخوه .. هالشي لأن يشوف اهتمام منهم و
يشوفهم ناجحين ومهتمين وكل شي حلو يتمناه يحصله فيهم بعكس الآن
كلن لاهي بعمره .. فلقو هالسخافات يقلدونهم ويحبونهم ويتابعونهم يعني
كل هالاخطاء مننا حنا من الاهل مو من القنوات فقط !




خلونا واقعين شـ الياهل اللي :

- بيطالع الفلم وهو مسوي سلو موشن ! .

- بيلاحظ أن الأسد الملك ( شاذ ) .

- بيلاحظ أن مكتوب كلمة *** تحت ريوله .

- بيلاحظ ويعرف العضو التناسلي للمرأة .

**

صدقوني بدون هل الفيديوات ما كان فكرنا بهذي السوالف أصلاً ..
وهذا أحنّا كبرنا .. ولا درينا بها الا من فترة بسيطة من خلال برامج مثل القادمون
والاشخاص اللي يدققون .

ما نقول ان مافي اشياء دينية ببعض الأعمال ولكن مالها تأثير كبير ..
وبعضها صعب فهمها حتى على الأشخاص البالغين .

والترجمة عندنّا تحرف جزء كبييييير منها ..

ولازم نعرف أن 98 % من الأنميات تكون عبارة عن " خُرافات "

وللأسف في كارتونات مش للصغار تنعرض وهذا خطأ
وفيه فئة عمرية لكل كارتون .

بوقتادة وبونبيل مثلاً ..

يتابعونه الأطفال وهو ينفث الكثير من السموم رغم أنه عمل
مش ماسوني ..

المهم ..

لو أفترضنا جدلاً أن نظريتهم كانت صحيحة ، فأحنا لازم نوجد
البدائل ..

قبل كانت متواجدة أعمال بـ كثافة للطفل بعكس الحين ..
اتكلم عن مسلسلات ومسرحيات وكارتونات ..

وبرامج مثل أفتح يا سمسم .

**


**

كل الود .




مافي داعي لنشر المقطع والخرابيط اللي فيه

واحد مريض نفسيا يشوف كل مشهد قدامه على انه مشهد جنسي ومليان ايحاءات

قال الاطفال اللي يشوفون الاسد الملك اليوم هم قتلة المستقبل .. ما احنا كبرنا وتربينا على الاسد الملك ليش ماقلتنا احد

شهالسخافه والكلام الفاضي

ولا لما قال ان اللي عامل الموسيقى التصويريه للاسد الملك شيرلي ماكلين .. من يكون الاخ ؟

ملحن الفلم هو هانس زيمر اللي فاز بالاوسكار عن موسيقته الرهيبه بالفلم ..

واضح ان المعلومات كلها دقيقه ماشاءالله مب كذب وتزوير !!

وبخصوص ان اسم بوكاهونتاس يجيب الشيطان وان معناه روح الشيطان

ياخي روح تثقف واقرا عن اللي كان لها الاثر الاكبر بعملية السلام بين البريطانيين والهنود واعرف معنى اسمها بالاول

she was given the nickname of pocahontas which has many different translations. It is loosely translated as "one who plays mostly," "playful one," "little wanton," and "playful, frolicsome little girl."

وبعدين شخصيه حقيقيه وتاريخيه مثل بوكاهونتاس الحكومه عامله لها تمثال رسمي تقديرا لها

وقصة حياتها ياخذونها الطلبه عندهم بالمدارس

ولها احترامها وهيبتها بين افراد قبيلتها وتعتبر بنت الزعيم .. واخرتها اسمها يدل على روح الشيطان؟؟

وماطلع هالتفسير العبقري الا لما ديزني سوت لها فلم؟؟ .. شهالخرابيط !! شهالكلام التافه اللي مايدخل العقل؟؟

وبعدين من الفلم كله معقوله ماطلع هالشخص المريض الا ان اسمها يدل على الشيطان

وترك العبر والحكم والدروس اللي يزخر فيها الفلم مثل الحب والسلام واللي لو تأثر فيها الطفل بتخليه يطلع انسان محب ويكره الحروب والقتل

ومسك لي نقطه بايخه هو مألفها بعد؟؟

ياخي والله عيب .. والمشكله ان اللي يروجون مثل هالفيديوهات باليوتيوب هم اول ناس متخلفين واغبيا بالدنيا

لما كتبت رد بقمة الاحترام والادب لواحد ناشر مقطع مشابه عاليوتيوب راح ومسح ردي !! بدال لايناقشني !!

وارسل لي رساله يقول اسمحلي حذفت ردك لكن مابيك تخرب الرساله اللي احاول اوصلها ..

واحد جبان ماعنده ماعند جدتي .. لو فيه خير وحجته قويه كان رد على كل النقاط اللي رديت عليها واثبت لي ان كلامي غلط

لكن هالنوعيه فاكره نفسها قاعده تقدم خدمه للمسلمين وهم اول من رجعنا ورى 100 سنه !!

مالوم الناس العاديين اللي يصدقون هالخرابيط لان بالنهايه مش مطلوب من الكل ان يكون متعمق بديزني مثل فانزها

لكن العيب لما اشوف واحد من فانز ديزني يقر بهالاشياء !!

وبخصوص حركة الاصابع يعني والله شي يضحك .. شنو هالحساسية المفرطه اللي مالها داعي

لنفرض ان حركة الاصابع فعلا متعمده ولو اني ماشوفها كذا واشوفها عاديه

ولاحظوا ان كلهم بنات اللي عاملينها والبنات دايما اصابعهم مرتخيه وناعمه كذا بالكرتون بشكل عام مايات على ديزني بس

لكن خلونا نفرض ان وراءها معنى فعلا .. الحركه ابعد ماتكون عن حركة علامة الشيطان واقرب ماتكون للغة american sign ****************

وهالحركه معناها ily sign يعني اختصار حق i love you .. رمز كله تفاؤل وبراءه

لكن اللي يفكر بطريقه وسخه ويشوف ان كل شي حوله عباره عن مخطط صهيوني وماسوني وعايش بقضية المؤامره لازم يحلل الامور كذا

ومن هالطفل العجيب اللي بيحرك الفلم بالسلو موشن عشان يسمع عبارة البساط السحري اللي مالها وجود اصلا

اذا احنا الكبار ماسويناها ولا انتبهنا لها

ولا بيقعد يشوف بالحركه البطيئه حركة الاصابع والايحائات وكلمة جنس ومادري ايش

ياخي تكلموا بما يعقل .. خليتونا نشك بملابسنا وبالهوى اللي نتنفسه !!!

وبخصوص مشهد فانتازيا ياليت لو اصحاب المشروع السخيف كملوا خيرهم وحطوا باقي المقطع

مو يعرضون الجزء اللي يبونه .. واللي مايخدم رسالتهم يشلونه !! .. مثل اللي يقول لا إله .. وشال كلمة إلا الله !!!

الشيطان اللي انحط بالمشهد شصار فيه؟ شفتوا الفلم ولا لا؟

لو ان ديزني فعلا ماسوني ومن عبدة الشياطين هل كان فكر يعمل مشهد ينهان فيه الشيطان ويتدمر ويموت بأخره والخير بالاخر ينتصر عليه!!

الله يخليكم قولوا شي عدل مقنع !!!

واحلى شي ان الاخ عارف كل شي ومايفوته اقل شي .. قال ان الشخصيات الجامايكيه بحورية البحر تلقي لعنات على الاطفال

على اساس ان الاخ سمعه خارق وعارف جامايكي .. اذا الجامايكيين نفسهم ماسمعنا منهم هالملاحظه اللي اكيد لو اسمعوها راح تستوقفهم !!

واحلى شي لما تكلم عن مايك ايزنر .. الحين احنا شدخلنا بحياته الشخصيه اذا تزاعل مع زوجته او اذا حب له شاذ!!

يعني كل اللي يشتغلون بديزني لازم يكونون مطاوعه مثلاً ولا ناس معصومين عن تصرفات باقي البشر اللي عايشين برا ديزني !!!

ياخي والله سخافه

لو باقعد ارد على كل نقطه ماراح اخلص

الشرهه مب على المتخلفين اللي عاملين هالفيديو الشرهه على اللي مصدقهم ومتابع ديزني وعارف شنو ديزني !!

ياخي والله خليتوا الناس يشكون بكل شي حولهم !!!

امراض نفسيه وقرف وسخافه .. ناس ماتعرف تستانس !!!

هذه بعض الردود المقنعه بنسبه لي
وشنو هالطفل الي بيحطه على سلو العرض البطي ويشوف ومادري شنو
وشكل البرودكاست جاك متأخر
ارجو عدم الزعل من الردود
بس حبيت ابين لك شغالت البعض يكبرها واحنا مع الخيل ياشقراء
ايام غرندايزر والبطل خماسي وعدنان ولينا ومغامرات سندباد
مأثرت فينا
الظاهر الانمي الجديد الي نعرض على هالجيل
يمكن يتأثرون
تحياتي لك
في حفظ الرحمن

[ضوى]

الله يحفظ عيالنا ، الحمد لله ولا افكر انزل لهم ديزني كفاية عليهم ام بي سي 3 وبعد مب هينة

[ام السعف]

المخ على ماتعوده يتعود ،،

خلونا نستبعد الحركة البطيئة ،،

احنا لما انشوف توم ان جيري وانشوف اشلون توم يتغزل في القطوة
والقطوة اشلون تدلع على توم وتفرق بينه وبين جيري و ...و ....

هذي مواد مدروسة ومصبوبة صب علشان تدخل عقل الطفل ،،

اما بخصوص عالم ديزني والحركات الماسونية
الأمور هذي موجودة في الكثير من الحركات الماسونية ومب مقصورة على عالم دزني

بعض من الرسوم المتحركة كان لها تأثير مباشر البعض الآخر ما كان لها تأثير
فلما يتم التركيز عليها وابرازها من قبل ناس احنا ما انعرفهم ( ربما كانوا بروحهم ماسونيين )
يتم التركيز على ماهو مذكور ،، ومب جذيه الا بيخلون الواحد يدقق بشكل أكبر واكبر
علشان يشوف هل في من اللي قرى عنه وشافه او لا ،،


سبق لي من كم سنة ،، شفت دعايات لما تم التركيز عليها كانت دعايات جنسية بحتة
خلونا نقول انهم ما يقصدون ،، طيب اشلون صارت مع التدقيق امور جنسية بحتة ؟

زبدة الكلام :
الواحد يحاول انه يبعد عياله ونفسه من امثال هالسوالف ويتجنبها ما اعتقد
بيخسر اخرته لو ابتعد عنها ،،

والسلام عليكم ورحمة الله وبركاته
ام السعف رئيسة شؤون الطلاب المتضامنين مع الحملات الشعبية

[ام السعف]

الله يحفظ عيالنا ، الحمد لله ولا افكر انزل لهم ديزني كفاية عليهم ام بي سي 3 وبعد مب هينة

صح كلامج .....> اصلا دخلنا في الجد يعني بالكثير التلفزيون بيكون لمشاهدة الألوان :)

[Red rose]

اخواني واخواتي .....
اذا انتوا مش مقتنعين بالفيديوا المعروض انا اش اقدر ارد عليكم بعد كل هالكلام اللي انقال بالصور

لكن ما أقول إلا انهم انجحوا ووصلوا للي يبونه...


صدق رسول الله صلى الله عليه وسلم ((( لو دخلوا جحر ضب لدخلتموه )))

وداعاً

[بايع بايع]

هالفيديوات فيها من المبالغات الكثير

ممكن يكون ماسوني ويدعو للماسونيه ما نختلف

لكن الكثير من اللي انعرض وانذكر ما شفناه واحنا اطفال
ولا انتبهنا له واحنا كبار بعد

عقول الأطفال نظيفه وبريئة يستحيل تلقط مثل هالأشياء



اختي تدرين ان من وسائل النجاح ان الواحد يقول لنفسه انا ناجح ... انا ناجح

وان الطفل اذا تربى على انه غبي وينادونه بالغبي يكبر وهو متيقن انه غبي

الرسائل الغير مباشره والايحائية تدخل العقل الباطني وتترسخ فيه ولايمكن تجاهل اثارها على المدى البعيد

[Locale]

اذا كان غير مقصود والطفل ماراح ينتبه
اجل ليش تعبوا نفسهم ودسوا السم فالعسل ؟؟؟!
ليش دخلوا هالرسومات دام ان الطفل ماراح يلاحظ

للاسف اوصلوا للي يبغونه كانهم كانوا متوقعين ان في جمهور راح اتقول مثل كلامكم
ماراح يبين وماينشاف والطفل مايركز ،،،،،،،،،الخ

كل واحد وبكيفه عني براعم وتخب عليه

[intesar]

أعتقد الحين العرب صاروا يهتمون أكثر بانتاج رسوم متحركة تناسب أطفالنازز مثل فريج.. وفيه كرتون صلاح الدين بالجزيرة يجيبونه.. حلو..
وهاي المطلوب.. أفلام كرتون عربية منبعها اسلامي وتربوي.. يكفينا مساطيل في العالم العربي.. أعتقد هذا تركي اللي يتكلم اذا أنا مو غلطانة.. نحتاج ناس تنتج لعيالنا..
المشكلة انه كل شي يجينا من الغرب.. تعتقدون ايش هي الأسباب..

عيالنا لما يروحون يدرسون برع.. ينبهرون بحياة الغرب.. فيقلدونهم بالصح والغلط..
دور السينما اللي تشجع الأفلام الأجنبية.. مع بعض اللقطات الغير لا~قة اللي تمر..
الوازع الديني اللي مستمر في النقصان سواْ بالمدارس أو في قنوات التلفاز.. أو ما نشاهده من مسلسلات وأفلام عربية..يقول لك لازم أمثل الواقع بحذافيره حـى أخلي المشاهد يصدق.. يا أخي لازم تجيب المتعاطي كيف يتعاطآ المخدرات بحذافيره.. الاعلام المنفتح من وين ولا من وين .. سكرت التلفاز عندك الكمبيوتر ولا الآيباد ولا رسايل التلفون.. يعني الاهل يساعدون في تدمير أطفالهم.. ولا ليش طفل ما يتعدآ العاشرة من عمره ويكون بيده جوال ورقم خاص به..
وهذا قليل من كثير.. والله يرحم أمتنا الاسلامية.. ونشوف جيل يصلح يبتدي منا حنا كأهل..

دمتم بود..

[وطن]

اختي تدرين ان من وسائل النجاح ان الواحد يقول لنفسه انا ناجح ... انا ناجح

وان الطفل اذا تربى على انه غبي وينادونه بالغبي يكبر وهو متيقن انه غبي

الرسائل الغير مباشره والايحائية تدخل العقل الباطني وتترسخ فيه ولايمكن تجاهل اثارها على المدى البعيد

يا اخوي ما اشوف ان هالأفلام اللي مذكورة دخلت عقلي الباطن وأثرت فيه
أنا شفت كل هالأفلام وانا صغيره ومراهقه والحين بعد اذا في بالي فيلم اشوفه منهم

ما اشوفه اثر علي لا اخلاقياً ولا دينياً !!!
ولاني صرت ماسونيه اعوذ بالله ولا خذت من افكارهم
الحمدلله على نعمة الاسلام

معظم الأشياء اللي تكلموا عنها في الفيديو جنسية

ويننا ووين هالأفكار يوم كنا صغار !!!
وكبرنا وبعد ما انتبهنا ان في هالأشياء في الأفلام

حتى أطفالنا الحين ما ينتبهون حق هالأمور
الطفل انت تعلمه ينتبه على شنو وما ينتبه على شنو
لو فتحت عينه على هالأمور اللي انذكرت سواء في فيلم كرتون ولا فيلم عادي بيركز فيها وبتأثر فيه وبيلقطها
انت تعلمه ان هالقبله في هالفيلم حرام وما يصير في ديننا ولا عادي تمر سهالات قدامك ولا تعلق عليها وتنبهه للصح ...

ارجع اقول احنا اللي نربي اليهال ونقوي دينهم
ومتابعتهم واجبه علينا
لكن نتركهم قدام التلفزيون بدون توجيه ومراقبه
لا ننتظر انهم بيفلحون ولا انهم بيطلعون بأفكار سنعه

القنوات كلها فيها الزين والشين