مخالفه البالون ..! [الأرشيف] - منتديات شبكة الأسهم القطرية

مشاهدة النسخة كاملة : مخالفه البالون ..!

عبـد الله

14-09-2011, 01:33 AM

سلام عليكم ورحمة الله وبركاته

حبيت اعرف هل مخالفة البالون 700 ريال على كل تاير ..؟

اذا صحيح ايش الحل ..؟

انا شخص على قد حالي بدون وظيفه ماعندي فلوس اشتري تواير :(

ممنوع اللمس

14-09-2011, 01:37 AM

واحد من الربع وقفوه اليوم وقالو له نزل البالون
:(
موتري جمس اما ميجر لا ماتخيل شكله

عبـد الله

14-09-2011, 01:40 AM

ياخي ماعليه لكن انا ماعندي فلوس وكثير غيري مايسير هذا الكلام

بصراحه كلام فاضي العالم اوصلو القمر وحنا نخالف على البالون

شي موطبيعي الله يستر من الجاي بيقلون الموتر يمشي بدوون هيكل

ممنوع اللمس

14-09-2011, 01:46 AM

يقولون تسبب خطر؟
طــريق روضة راشد اللي ماتو فيه ربعي ومات ومات فيه فلان وفلان اللي انا اعرفهم شخصيا الله يرحمهم ويغفر لهم ما يسبب خطر؟؟ وينهم عنه
طريق الجميليه ما يسبب خطر؟
شوارع محد مهتم فيها هل الشاحنات يمشون فيها بسرعه جنونيه وحوادث والضحيه الشباب

بس البالون يسبب خطر ؟
الله كريم بس

شموخ دائم

14-09-2011, 01:46 AM

QATAR-2006

14-09-2011, 01:50 AM

سنين والناس تستعمل البولين ليه ماظهر خطرها الا سنه 2011 ولا ذي اسلوب جديد لجمع المخالفات مثل حزام الامان..

$$كلنا قطر$$

14-09-2011, 01:53 AM

سوالف بلاك بيري
واذا صج امنعو نرد عالميجر ونقول حسبي الله ونعم الوكيل

هنت المهونه

14-09-2011, 02:00 AM

مرحبا

اخوي عبدالله
حياة الانسان اهم من هذه التواير
حافظ على نفسك وعلى حياة غيرك اثبتت التجارب انها سبب كثير من الحوادث للاسف
علينا نلتزم بالقانون وما نحاول نحط اعذار

اكثر الحوادث المميته كانت تواير بالون

تذكر ان الله سبحانه وتعالى بيحاسبنا اذا سببنا ضرر لانفسنا او غيرنا
بسبب الاهمال
الله يرزقك يارب بوظيفه زينه وتاخذ الي تتمناه
توكل على الله والله بيفرجها

,

,

اخوك

شموخ دائم

على قولة الممثل الكويتي نايف الراشد ..يعني صدقني خطر..
اخوي وين راح القضاء والقدر ..لكل انسان يومه ..
وبعدين موب كل اللي يستخدمون البيلون شباب ومستهترين
فيه شيبان يستخدمونه عشان البر واللي ما يصلح له غير البيلون
وبعدين التاير تاير ..انا اعرف اشخاص صار لهم حوادث بسبة تواير من نوع ثاني غير البيلون
حدث العاقل بما يعقل ..

الحين ماقدروا على التريلات اللي يسوقون بسرعات جنونيه وفي الشيباب الي
يستغرضون ويسون سباقات ورجعوا على البيلوون ..

وتوصل لدرجه انهم يوقفون العالم ويقولون نزلوا التواير ..

وين عايششششششششن ....؟

المفروض انهم يمنعون توريده من البلاد بحيث يقلونه على الاقل شي معقول ويدخل
المخ ..اما يوقوفون العالم ويخالفونهم ..

انا اقول للمدير المرور والاشخاص المسئولين او حتى اللي يخالفون حاسبوا من
دعاوي الناس ..ممكن اتصادف ساعة استجابه:shy:

XXX

14-09-2011, 02:24 AM

مايصير الواحد يبلغ حماية المستهلك على المرور

طايحين صك مخالفات ف العالم

بحرقطر

14-09-2011, 02:35 AM

مخالفة بالون شي يديد الصراحه، اكيد ادارة المرور ما حطو هالقانون عبث.

وبخصوص المحلات الي عندهم كميات كبيره شبيسون ؟

R 7 A L

14-09-2011, 03:23 AM

هذا القانون و واضح
والكل يعرف انها ممنوعه
علينا ان نحترم القانون الذي لم يوضع الا من أجلنا

تمون

14-09-2011, 06:15 AM

MAZEN37

14-09-2011, 07:38 AM

عطوهم مهله زينه ليش العتب على المرور

بوخالد911

14-09-2011, 07:45 AM

هلا بكم

يا زيين تواير الوكالة

ولا اعررف لا بالون ولا مالوون
الله لا يبلانا

almaf1a

14-09-2011, 07:55 AM

هلا بكم

يا زيين تواير الوكالة

ولا اعررف لا بالون ولا مالوون
الله لا يبلانا

الله لا يبلاك بوشو؟
بالبالون :rolleyes2:

رآعي موآجيب

14-09-2011, 08:09 AM

من الي يقول ممنوع ؟؟؟!

اذا ممنوع يمنعونها من المحلات اول متوفره بالهبل

وبعدين مافيه قرار صدر من المرور بهالمخالفات والي يقول موجود القرار يحطه في الموضوع

انا توني مجدد موتري الفحص الفني ماقالوا لي ممنوع

لاتسمعون الاشاعات وتصدقونها

شوف موضوعي هذا بيفيدك

http://www.qatarshares.com/vb/showthread.php?t=471890

انا معك في اللي قلته

ولو تم المنع كان اول شي غيروا بوالين سيارات الداخليه والدفاع مثل خفر السواحل وامن الجنوب وحرس الحدود و اعتقد اني شفت بعض سيارات البيئه عليها بوالين

قطري33

14-09-2011, 08:14 AM

مادري اذا كان هالخبر صج ولا اشاعة ... بس اذا المرور بيتركون المحلات يدخلون مئات الالاف بل الملايين من ورى البالون وبنفس الوقت بيصكون العالم مخالفات وبيجبرونهم ينزلونها ... صج بيضحكون كل دول العالم مجتمعة علينا .. العقل والمنطق يقول امنع الوكيل يستورد وامنع المحل يبيع عقب حاسب السائق مب العكس
انا مب مع البالون ولا ضده بس مع القانون الواضح مب يطلع قرار محد شافة والناس بين مصدق وبين مكذب للكلام وفي الاخير تلاقي الدوريات تتصيد للناس في كل مكان .... طلعوا قرار رسمي يا إدارة المرور واعلنوه في كل وسائل الاعلام المقروءة والمسموعة وبعدين نفذوه بالطريقة اللي ودكم.. لاحول ولا قوة الا بالله .

Abdullah_89

14-09-2011, 09:21 AM

والله الواحد لايسرع ولايتهور فالقياده وان شاء الله ماعليه شر

لكن يجي فيلسوف مستلم السياره من يومين ومسوي لي فيها خبره واخر شي يتفنن ويسوي حادث ويلاقي نفسه بالمستشفى بيقول ( مو مني من التواير / او مو مني من اللي طلع في ويهي وشرد )

لاحظت اغلب الشباب عندهم التجاوز فالزحمه واهم مسرعين شي عادي
مابلاكم بخط الشمال وخط سيلين وغيرهم من الخطوط الطويلة اللي تكثر فيها الحوادث

والله ان المرور عندنا ماعندهم سالفه بس الظاهر المرور مازادوا قيمه المخالفات الا زادوا المخالفات بعينها

الله يستر من الجاي

يمكن بكره نروح نجدد الليسن ب 1000 ريال عادي يعني

التأمين ورفعوه .. المخالفات وزادوها .. باقي الرسوم فالطريق ان شاء الله

الـخـالـدي

14-09-2011, 09:23 AM

اللي اعرفه انهم بيمنعونه من السوق .. ولا في اي مخالفه بخصوص تركيب البالون

ولو كان هذا الكلام صحيح كان منعوه اول شي فالفحص الفني

وترى الميجر زين خل هواه 35 وبيعطيك ريافه طيبه

بوحارب

14-09-2011, 09:30 AM

توه متذكرين ان البالون خطر

واخوي بالنسبة حق المخالفة تراها اشاعة معليك منهم

Rider

14-09-2011, 10:52 AM

مافيه الا الواحد يمشي سيارة على الرنجات مافيه داعي للتواير علشان يترحون المرور

مضاد

14-09-2011, 11:03 AM

هل تواير البالون هي السبب الرئيسي في كثرة الحوادث يا إدارة المرور ؟؟ اذا الجواب بنعم ياليت نشوف احصائيه للحوادث اللي سببها البالون مع المقارنة بالحوادث اللي يسببها سواقين الشاحنات .. مع الحوادث اللي تسببها الشوارع المهجوره في المناطق النائيه ...بالاضافه الى الحوادث اللي تسببها شركات رصف الطرق من سوء تنظيم في التخطيط و الهندسهانا لست من محبي تواير البالون .. ولكن يا المرور ارحموا الشباب ياخي كيفهم هو يبي يركبه انت حذره قوله خطر عن طريق التوعيه المروريه

سوال للادارة المرور هل حطيتوا رادارات للشاحنات ؟؟ انا عمري ما شفت رادار للشاحنات
ما عمري شفت دوريه خاصه اتصيد للشاحنات لو عديتوا حوادث الشاحنات لقيتوها اخطر من البالون
حادثين يصيرون قدامي لعيال عمي سببها الشاحنات و استهتار واهمال سايقينها حتى واحد مع ولد عمي مات لان الاخ السوري سايق التريله دخل اللفه و طلع منها و ما كلف نفسه يمسك بريك و يوقف

يا مرور ذبحتونا بالتريلات .. انتم سبب استهتارهم خلوا البالون في حاله :anger1:

بسنا خرابيط :anger1::anger1::anger1:
انا مستعد اتكلم عن الحوادث اللي صارت بس خلال سنتين ايام الخط الجديد لكن مابي اطلع من الموضوع

شوفو الكلام المنطقي .

http://www.qatarshares.com/vb/showthread.php?t=475160

فهد111

14-09-2011, 11:17 AM

انا توني من شهر مركب تواير يداد حرام ابدلها

العنان

14-09-2011, 11:21 AM

,

,

مرحبا

اخوي عبدالله
حياة الانسان اهم من هذه التواير
حافظ على نفسك وعلى حياة غيرك اثبتت التجارب انها سبب كثير من الحوادث للاسف
علينا نلتزم بالقانون وما نحاول نحط اعذار

اكثر الحوادث المميته كانت تواير بالون

تذكر ان الله سبحانه وتعالى بيحاسبنا اذا سببنا ضرر لانفسنا او غيرنا
بسبب الاهمال
الله يرزقك يارب بوظيفه زينه وتاخذ الي تتمناه
توكل على الله والله بيفرجها

,

,

اخوك

شموخ دائم

اخوي اسمح لي ارد عليك يعني بس البالون هو اللي يسبب حوادث؟؟ هذا احنا كل كم يوم نشوف حوادث خطيره وقويه والمتسبب منها سيارات ماعليها بالون او حتى سيارات صالون ،، بتقول لي خطر ! اي شي يتم استخدامه استخدام سيئ يكون خطر خذ لك سياره كامري وامشي فيها 180 او 200 ، ماراح تكون خطره ؟ هو الكلام كله في شئ من واره المقصد مب بس سلامه ، ولا اذا كذا امنع السيارات السبورت من انها تمشي في البلاد ، امنع الدراجات الناريه اتوقع حوادث الدراجات الناريه اكثر واخطر ، ومافيها اي سيفتي واحد راكب دراجه لا قدر الله لو ماتحكم وطاح وواره سياره سيقع ما لايحمد عقباه .
وتقبل تحياتي

العنان

14-09-2011, 11:24 AM

هذا القانون و واضح
والكل يعرف انها ممنوعه
علينا ان نحترم القانون الذي لم يوضع الا من أجلنا

القانون يتم احترامه اذا كان يطبق على الكل سواسيه كأسنان المشط ، مب اذا اعرف فلان ولد فلان قط عني مخالفه حزام او موقف او حول لي مخالفة اشاره الى مخالفة حزام ، اتمنى نتكلم بموضوعيه شوي

العنان

14-09-2011, 11:25 AM

هلا بكم

يا زيين تواير الوكالة

ولا اعررف لا بالون ولا مالوون
الله لا يبلانا

الناس اذواق ولولا اختلاف الاذواق لبارت السلع

R.S.C

14-09-2011, 01:01 PM

مب مستحيل تطبيق هالقرار لكن بصراحه صعب خصوصا ان الكثير من الشياب والشباب يستخدمون البالون من فترات طويلة للبر والبحر