++ الاستقاله من الوزاره لمن يقدمها الموظف ؟؟ افيدوني جزاكم الله خير

[Dawn]

السلام عليكم

شلونكم ؟

عندي استفسار بخصوص الاستقاله من الوزاره للموظف الحكومي ..

شنهي الخطوات اللي المفروض يسويها الموظف بالضبط ؟

هل يكتب الاستقاله لرئيس القسم ؟ والا للموارد البشريه ؟؟

هل فيه فورما تتعبى للاستقاله ؟ والا الموظف يكتبها بنفسه ؟

اذا هالموظف يبي يروح يقدم على وزاره ثانيه مثلا .. هل لازم ياخذ اخلاء طرف من الوزاره الاولى علشان يقدر يقدم على الوزاره الثانيه ؟؟

هل اخلاء الطرف ياخذ وقت ؟

هل لازم يوفر بديل قطري ؟ قبل شهر من الاستقاله ؟

متى تتم الموافقه على الاستقاله عادة ؟؟

ارجو من المشرفين ما ينقلون الموضوع لقسم الاستفسارات الا بعد مرور ساعه والا 2 ،، واعتذر لاني حطيت الموضوع في هالقسم بس الحوار العام فيه تفاعل اكثر وانا ابغي اعرف هالمعلومات ضروري وبسرعه ،، صار لي ساعه اتصل بالبداله ولا حد يرد :( ،،

[Deaert-Eye]

السلام عليكم

شلونكم ؟

عندي استفسار بخصوص الاستقاله من الوزاره للموظف الحكومي ..

شنهي الخطوات اللي المفروض يسويها الموظف بالضبط ؟

هل يكتب الاستقاله لرئيس القسم ؟ والا للموارد البشريه ؟؟
يقدمها إلى الرئيس المباشر
هل فيه فورما تتعبى للاستقاله ؟ والا الموظف يكتبها بنفسه ؟
يكتبها بنفسه
اذا هالموظف يبي يروح يقدم على وزاره ثانيه مثلا .. هل لازم ياخذ اخلاء طرف من الوزاره الاولى علشان يقدر يقدم على الوزاره الثانيه ؟؟
إخلاء الطرف من الاوراق المطلوبة لأنهاء التوظيف في الجهة الاخرى
هل اخلاء الطرف ياخذ وقت ؟
اسبوع على الاكثر
هل لازم يوفر بديل قطري ؟ قبل شهر من الاستقاله ؟
لا يوجد نصوص في قانون الموارد البشرية يدل على ذلك الشرط
متى تتم الموافقه على الاستقاله عادة ؟؟
يتم رفع الاستقالة من المسؤول المباشر إلى مدير الادارة ثم إلى مدير ادارة الموارد البشرية ومن ثم يقوم برفعها الى الرئيس التنفيذي - وكيل الوزارة أو الوزير حتى يتم البت فيها بالموافقة او من عدمه
ارجو من المشرفين ما ينقلون الموضوع لقسم الاستفسارات الا بعد مرور ساعه والا 2 ،، واعتذر لاني حطيت الموضوع في هالقسم بس الحوار العام فيه تفاعل اكثر وانا ابغي اعرف هالمعلومات ضروري وبسرعه ،، صار لي ساعه اتصل بالبداله ولا حد يرد :( ،،
اتمنى ان اكون افدتك

[al saad]

عادي اكتب الاستقاله وقدمها لرئيس القسم وطنش اذا انت بايعها
ولا في فترة شهر ولا شهرين لتسليم العمل وانها الاخدمات واخذ مستحقاتك من نهايه الخدمه اذا موجودة

بس نصيحه لاتقدم الاستقاله اذا مش ضامن وظيفه ثانيه ووقعت العقد معاهم

خذ اجازه مفتوحه بدون راتب وجرب الشغل الجديد

ونصيحه خلك في شغلك اذا انت جديد وطور نفسك في خبرة العمل وتنقل بين الاقسام وخذ دورات وبعدين شوف الوضع مش من اول شهر تبي تستقيل ترى كل مكان نفس الشي في الزين وفيه الشين وكله راجع لك وراجع لشخصيتك اذا نت شاطر بتاخذ الي تبيه

[الـخـالـدي]

عليكم السلام و رحمة الله وبركاته

اخوي داون بخصوص الاستقاله تقدمها بسم المدير العام للجهه اللي انت تشتغل فيها كمثال : المرور تقدمها لمدير المرور

الوقت تاخذ اسبوع تقريبا ولازم تمر الورقه على كذا شخص يوقع عليها

و الله يعينك اذا كان في واحد من هالاشخاص غايب

ولابد تاخذ الاوراق وتمر على ادارة العمل و تعطيهم الاوراق عشان يعطونك اخلاء طرف

و الله يوفقك

[سارونه]

لا حول الله - ليه الاستقالة :(

امسك مينونك لا يجيك الي اجن منه - اخذها مني ( الي يطلع من داره يتقل مقداره ) .

اصبر - واخذ الامور بسياسة وحكمة وهدوء - وصادق مديرك ومسؤولك واصبر على هموم العمل - بترتاح - لان الي طلعوا من مكانهم ماحصلوا راحة البال :)

[Abdullah_89]

اولا تكتب طلب الاستقاله بإسم المدير العام

وبعدها تتوقع ويعطونك شهر لازم تداوم فيه توزع الاوراق وتفضي مكتبك

وخلال هالشهر لازم تصفي ديونك لو عليك قرض السياره او الاثاث اللي تاخذه من دوامك

خلال هالشهر لازم يكون كتاب اخلاء طرف جاهز وتودي نسخه حق اداره العمل ونسخه حق البحث والمتابعه ( البصمه) وفي بعض الوزارات والهيئات والبنوك يطرشونها مع مندوب من الجهه




نصيحتي لك لاتقدم استقالتك قبل ماتكون عندك وظيفه ثانيه
حاول يكون مسماك الوظيفي اعلى من المسمى الوظيفي الاخير

[missperfect]

ليش الاستقاله اذا انت رايح على وزارة ثانيه اطلب نقل وخلهم يطلبونك الوزارة الي انت تبيها
والله يكتبلك الي فيه الخير

[Dawn]

اتمنى ان اكون افدتك

افدتني جدا جزاك الله خير

[مسلمة]

الله يعينك ومثل ما قالوا الأخوة إذا يمكنك طلب نقل فهذا أفضل من تقديم الاستقالة .
وأنا أيضاً أريد أن أعرف إن كانت جهة العمل تملك الحق في قبول الاستقالة من عدمها قانونيا.

[قطريه ماركه]

ليش استقالة !!

انقل من وزارة إلى وزارة ...

[Dawn]

عادي اكتب الاستقاله وقدمها لرئيس القسم وطنش اذا انت بايعها
ولا في فترة شهر ولا شهرين لتسليم العمل وانها الاخدمات واخذ مستحقاتك من نهايه الخدمه اذا موجودة

بس نصيحه لاتقدم الاستقاله اذا مش ضامن وظيفه ثانيه ووقعت العقد معاهم

خذ اجازه مفتوحه بدون راتب وجرب الشغل الجديد

ونصيحه خلك في شغلك اذا انت جديد وطور نفسك في خبرة العمل وتنقل بين الاقسام وخذ دورات وبعدين شوف الوضع مش من اول شهر تبي تستقيل ترى كل مكان نفس الشي في الزين وفيه الشين وكله راجع لك وراجع لشخصيتك اذا نت شاطر بتاخذ الي تبيه

انا اصلا موظفه جديده ،، وماعندي وظيفه ثانيه للحين ،، لاني توظفت من شهرين تقريبا وما توقعت اني بفكر استقيل بهالسرعه صراحه ولا حسبت حساب التقديم على اي جهه ثانيه ..

اطور نفسي شلون؟ ياريت لو فيه دليل او كتاب للموظف يعلمه الشغل ؟ وشلون اتنقل بين الاقسام ؟ انا طلبت نقل وما كان فيه تجاوب من ادارتي ،، الاشيا اللي تقولها صعبه جدا في المكان اللي اشتغل فيه ..

اشكرك على الافاده والمرور جزاك الله خير

[Dawn]

عليكم السلام و رحمة الله وبركاته

اخوي داون بخصوص الاستقاله تقدمها بسم المدير العام للجهه اللي انت تشتغل فيها كمثال : المرور تقدمها لمدير المرور

الوقت تاخذ اسبوع تقريبا ولازم تمر الورقه على كذا شخص يوقع عليها

و الله يعينك اذا كان في واحد من هالاشخاص غايب

ولابد تاخذ الاوراق وتمر على ادارة العمل و تعطيهم الاوراق عشان يعطونك اخلاء طرف

و الله يوفقك

اشكرك على الإفاده اخوي الخالدي وجزاك الله خير

[Dawn]

لا حول الله - ليه الاستقالة :(

امسك مينونك لا يجيك الي اجن منه - اخذها مني ( الي يطلع من داره يتقل مقداره ) .

اصبر - واخذ الامور بسياسة وحكمة وهدوء - وصادق مديرك ومسؤولك واصبر على هموم العمل - بترتاح - لان الي طلعوا من مكانهم ماحصلوا راحة البال :)

مادري مادري مادري ما تأقلمت صراحه من شغل كله كراف ومجهود من الصبح للعصر الى شغل يقعد الموظف فيه فاضي طول اليوم لانه مب فاهم شسالفه .. احس اني انتقلت من النقيض الى النقيض .. وماعرفت اتأقلم .. احس انه مب مكاني وما انتمي له .. للأسف مع انه كل شي فيه احسن بمليون مره من شغلي السابق .. لكن ما قدرت اتعود على طبيعة الشغل كلش ..

[Dawn]

اولا تكتب طلب الاستقاله بإسم المدير العام

وبعدها تتوقع ويعطونك شهر لازم تداوم فيه توزع الاوراق وتفضي مكتبك

وخلال هالشهر لازم تصفي ديونك لو عليك قرض السياره او الاثاث اللي تاخذه من دوامك

خلال هالشهر لازم يكون كتاب اخلاء طرف جاهز وتودي نسخه حق اداره العمل ونسخه حق البحث والمتابعه ( البصمه) وفي بعض الوزارات والهيئات والبنوك يطرشونها مع مندوب من الجهه




نصيحتي لك لاتقدم استقالتك قبل ماتكون عندك وظيفه ثانيه
حاول يكون مسماك الوظيفي اعلى من المسمى الوظيفي الاخير

اشكرك على النصيحه والافاده والحمدلله ان ما عندي قروض ولا عندي اوراق اوزعها .. جزاك الله خير على المرور

[Dawn]

ليش الاستقاله اذا انت رايح على وزارة ثانيه اطلب نقل وخلهم يطلبونك الوزارة الي انت تبيها
والله يكتبلك الي فيه الخير

مرحبا اختي .. ممكن توضحين اكثر بارك الله فيج لان فعلا انا سمعت انه فيه نقل بهالطريقه وهو افضل من الاستقاله .. بس شلون الطريقه ؟ ياريت تفيديني اكثر

وجزاج الله خير

[Dawn]

الله يعينك ومثل ما قالوا الأخوة إذا يمكنك طلب نقل فهذا أفضل من تقديم الاستقالة .
وأنا أيضاً أريد أن أعرف إن كانت جهة العمل تملك الحق في قبول الاستقالة من عدمها قانونيا.

الله يعين الجميع ان شا الله ،، طيب شلون حد يفهمني طريقة النقل من وزاره لوزاره ؟؟

واتمنى ان يفيدونا الاخوات والاخوان بخصوص قبول الاستقاله

جزاج الله خير اختي

[Dawn]

ليش استقالة !!

انقل من وزارة إلى وزارة ...

طيب شلون ننقل من وزاره لوزاره ؟؟

[أخت القمر]

السلام عليكم ،،

اذا عندكم ادارة موارد البشرية روحي واستفسري منها من الشخص اللي له خبرة في الموضوع ، وبعدين بالنقل تحتفظين بكامل حقج كموظفة .

[السامـي]

النقل لازم المكان الجديد يطلبك والمكان القديم لازم يوافق،والترتيبات
كلها في الموارد البشرية في المكانيين.

[قطريه ماركه]

النقل لازم المكان الجديد يطلبك والمكان القديم لازم يوافق،والترتيبات
كلها في الموارد البشرية في المكانيين.

كلام سليم :victory:

نفس الرد :)

[المحقق كونان]

اطلبي نقل

ولا تقدمين استقالتج إلا في حالة ان حصلتي شغل بديل و موافقه نهائية منهم

الله يوفقج

[ANONYMOUS]

مادري مادري مادري ما تأقلمت صراحه من شغل كله كراف ومجهود من الصبح للعصر الى شغل يقعد الموظف فيه فاضي طول اليوم لانه مب فاهم شسالفه .. احس اني انتقلت من النقيض الى النقيض .. وماعرفت اتأقلم .. احس انه مب مكاني وما انتمي له .. للأسف مع انه كل شي فيه احسن بمليون مره من شغلي السابق .. لكن ما قدرت اتعود على طبيعة الشغل كلش ..

سبحان الله الحال مايدوم

اخبر من فتره فاتحه موضوع ان ماعندج شغل

صكوج بعين

موفقه انشالله وماعندي خبر عن استفسارج

[SOUD.QA]

اختي انتي استخرتي قبل كل شي؟

[تاجر كشخة]

لا حول الله - ليه الاستقالة

[بوالبيض]

اخوي انا نفس حالتك بس من يومين كلمت ولد عمي قت له شسالفه ابي اطلع من الشغل قال لي خلاص خل الجيه الي بتنقل منها تعطيك موافقه نقل واحنا بننقلك من مكانك . بعدين نقل ولا استقاله قول لي لي . بقولك اذ تبي تنقل بتكون معي مخصصاتك لكن اذ استقاله لزم استحداث وظيفه جديده او احد يقدم استقالته بنفس الدرجه وتصير يرفعونك علي درجه اعلي اذ اححد ساعدك في الوظيفه الجديده الله يوفقك انا اقولك اذ مو مرتاح انقل ابرك لك لان هل الزمن المدراء شايفين عمارهم مادري علي شنو الي يقول فراشين قاعدين عندهم . ربي يوفقك يا رب

[Dawn]

السلام عليكم ،،

اذا عندكم ادارة موارد البشرية روحي واستفسري منها من الشخص اللي له خبرة في الموضوع ، وبعدين بالنقل تحتفظين بكامل حقج كموظفة .

شكلي يا اخت القمر بروح شخصيا علشان مجرد استفسار ،،، لان محد يرد على التلفون لما يحولوني على القسم المختص .. :telephone:

وعجبتني سالفة النقل صراحه لانها تحفظ الحقوق الوظيفيه .. شاكره لج على الاقتراح والتوضيح

[Dawn]

النقل لازم المكان الجديد يطلبك والمكان القديم لازم يوافق،والترتيبات
كلها في الموارد البشرية في المكانيين.

يعني اقدم اول شي على وظيفه في وزاره ثانيه واذا فيه شاغر ووافقوا علي يطرشون كتاب لوزارتي انهم يبون ينقلوني عندهم ؟ .. صح ؟


كلام سليم :victory:

نفس الرد :)

اشكركم جزيلا اختي واخوي .. بس احس انه السالفه بتطول وايد اذا الموضوع مثل ما فهمت .. :(

[Dawn]

اطلبي نقل

ولا تقدمين استقالتج إلا في حالة ان حصلتي شغل بديل و موافقه نهائية منهم

الله يوفقج

اي انا لاحظت من ردودكم ان النقل ممكن وهو افضل من الاستقاله ... بس هل النقل ياخذ وقت طويل مثل التعيين الجديد والا شلون ؟؟

حد عنده خبره وجرب ينقل ؟؟

واشكرك على الاقتراح جزاك الله خير

[سارونه]

::::


مادري مادري مادري ما تأقلمت صراحه من شغل كله كراف ومجهود من الصبح للعصر الى شغل يقعد الموظف فيه فاضي طول اليوم لانه مب فاهم شسالفه .. احس اني انتقلت من النقيض الى النقيض .. وماعرفت اتأقلم .. احس انه مب مكاني وما انتمي له .. للأسف مع انه كل شي فيه احسن بمليون مره من شغلي السابق .. لكن ما قدرت اتعود على طبيعة الشغل كلش ..

قولي ( لا اله الا الله محمد رسول الله ) اولاً :)

ثانيا - انتي لو رحتي اي مكان ثالث بيصير لج نفس الموقف وبتحسين نفس الاحساس

من وجهه نظري - توكلي على الله واصبري لان التنقل من مكان الى مكان مو من صالحج
لانهم بيسالون عن سبب تركك العمل - الكرف الي انتي تقولين عنه يمكن تلاقينه بمكان اخر اضعاف المرات :nice: يعني انتي ماحليتي مشكلتج :victory:

كل مكان يختلف عن المكان الاخر - واي وزارة او هيئة فيها ادارات واقسام كثيره
حاولي تروحين ادارة مافيها كرف :nice:

انا احب عملي جدا :nice: اوقات ابقى لغاية للساعة 6 المغرب بدون اكل واصبر على التعب وبين الست الشهور مره الساعة 12 ليلا وربي شاهد واكون مسرورة للغاية لاني اخدم بلدي - واحتياج العمل لي يطلب مني البقاء - فما ازعل ولا اقول الا ( انشاء الله ) .

نصيحتي ( لا تستقيلين ) ..

[R 7 A L]

:omg:

احد يستقيل من وزارة هالايام ؟
!!!

[Dawn]

سبحان الله الحال مايدوم

اخبر من فتره فاتحه موضوع ان ماعندج شغل

صكوج بعين

موفقه انشالله وماعندي خبر عن استفسارج

التوفيق للجميع ان شا الله وجزاك الله خير
شكلي انفهمت غلط

انا مازلت في بطاله مقنعه وطبيعة الشغل مازالت بنفس الطريقه .. اضف عليها ان غير معروف المطلوب من الشغل ..

اي نعم الشغل مريح غير عن شغلي السابق ( في المدارس المستقله ) اللي كله كراف وقعده للعصر .. ( بالعربي حاليا مافيه شغل )

لكن انا ضايعه ومب عارفه شسوي والنتيجه قعده طول اليوم بدون ماسوي ولا شي

ولما اسأل زميلاتي يردون انه هم بعد توهم جداد على القسم :( يعني انا شسوي وانا ما تعودت على القعده بدون شغل طول اليوم؟؟ :weeping:

[Dawn]

اختي انتي استخرتي قبل كل شي؟

لا صراحه للحين ،، كنت مخططه بكرا اروح وانا مستخيره ومعاي استقالتي في الشنطه .. واشوف شلون تمشي الامور ..


لا حول الله - ليه الاستقالة

مادري مادري مااادريييي ما اعرف اعبر صراحه :secret: بس انا ما تأقلمت كلش كلش كلش وانا الحين صار لي شهرين واكثر ،، يعني متى بحس بالانتماء لهالمكان بعد سنه ؟؟ وايد صراحه


اخوي انا نفس حالتك بس من يومين كلمت ولد عمي قت له شسالفه ابي اطلع من الشغل قال لي خلاص خل الجيه الي بتنقل منها تعطيك موافقه نقل واحنا بننقلك من مكانك . بعدين نقل ولا استقاله قول لي لي . بقولك اذ تبي تنقل بتكون معي مخصصاتك لكن اذ استقاله لزم استحداث وظيفه جديده او احد يقدم استقالته بنفس الدرجه وتصير يرفعونك علي درجه اعلي اذ اححد ساعدك في الوظيفه الجديده الله يوفقك انا اقولك اذ مو مرتاح انقل ابرك لك لان هل الزمن المدراء شايفين عمارهم مادري علي شنو الي يقول فراشين قاعدين عندهم . ربي يوفقك يا رب

مافهمت اخوي بو البيض يعني انتا سألت من ؟؟ الجهه اللي بتطلع منها ؟؟ والا الجهه اللي بتروح لها اول شي ؟؟؟؟ شكثر خذ الموضوع اسبوع ؟ شهر ؟ شهرين ؟؟
بحاول اشوف سالفة الانتقال يارب يكون كل شي سهل وما ياخذ وقت .. لاني بصراحه مب طايقه الحاله اللي انا فيها حاليا :secret:

ويوفقك ان شا الله ،، جزاك الله خير على ذكر تجربتك

[SOUD.QA]

استخيري قبل ما تخطين اي خطوه عطي نفسج اسبوع عالاقل استخيري كل ليله وشوفي شيصير معاج

[Dawn]

::::

قولي ( لا اله الا الله محمد رسول الله ) اولاً :)

ثانيا - انتي لو رحتي اي مكان ثالث بيصير لج نفس الموقف وبتحسين نفس الاحساس

من وجهه نظري - توكلي على الله واصبري لان التنقل من مكان الى مكان مو من صالحج
لانهم بيسالون عن سبب تركك العمل - الكرف الي انتي تقولين عنه يمكن تلاقينه بمكان اخر اضعاف المرات :nice: يعني انتي ماحليتي مشكلتج :victory:

كل مكان يختلف عن المكان الاخر - واي وزارة او هيئة فيها ادارات واقسام كثيره
حاولي تروحين ادارة مافيها كرف :nice:

انا احب عملي جدا :nice: اوقات ابقى لغاية للساعة 6 المغرب بدون اكل واصبر على التعب وبين الست الشهور مره الساعة 12 ليلا وربي شاهد واكون مسرورة للغاية لاني اخدم بلدي - واحتياج العمل لي يطلب مني البقاء - فما ازعل ولا اقول الا ( انشاء الله ) .

نصيحتي ( لا تستقيلين ) ..


لا اله الا الله
محمد رسول الله

شوفي يالغاليه .. انا كنت في وظيفتي السابقه اشتكي من الكراف وضياع حقوق الموظفه في التدريس بالمستقلات ( تعيين مباشر)
حاليا وظيفتي الجديده مافيها شغل يعني شقول لج ؟ اعتقد صارت لي صدمه من بيئة عمل مليئه بالعيوب نفرتني كما نفرت العديد من الكفاءات القطريه ،، الى بيئة عمل ثانيه بعيوب مختلفه صغيره ولكنها لا تطاق .. ما اقول مافيه شغل نهائي ولكن الشغل مرتبط على اشيا ما تتوفر .. فكل شي موقف على هالاساس .. ما ابي استمر شهور على هالبيروقراطيه انا مليت مليت صراحه .. ابي اطلع رغم اني مرتاحه والناس اللي حولي كلهم طيبين وراقيين الشهاده لله ..

انا كنت احب شغلي السابق مثلج وتميت ايام كثيره للمغرب ولنص الليل بالمدرسه لحد ماجاني يوم وطحت من التعب .. للأسف ولا حتى انحسبت سنوات خبرتي في هالشغل اللي ضاعت صحتي عليه .. حاليا صلاتي على كرسي كأني وحده عمرها 50 سنه ،، يعني طلعت من التدريس بعاهه شبه دائمه والحمدلله على كل حال :(

قلت هالشغل الجديد زين واستانست كمن يوم وانا اقارن الامان الوظيفي والرواتب الموحده والدرجات الوظيفيه اللي على اسس وقوانين مهب مثل قبل كل شي على مزاج المديره .. لكن فترة الراحه طولت .. اكتشفت اني ماقدر اقعد هالشكل بدون اي هدف ،، وساعات اسوي اشيا تافهه وبعدها اقعد حاطه يدي على خدي .. طبيعة شغل غريبه مافهمتها كلش .

انا تكلمت من شهر تقريبا في هالموضوع والكل نصحني بالصبر ،، بس لو اعرف شكثر هالوضع راح يستمر يمكن اقدر اصبر وانا نفسي مرتاحه شوي ؟؟

اشكرج على ذكر تجربتج في شغلج واتمنى لج كل التوفيق وان شا الله تتميزين وتبدعين فيه ..

شكرا عالمرور حبيبتي

[Dawn]

:omg:

احد يستقيل من وزارة هالايام ؟
!!!

اي نعم

انا Dawn بنت الفقر :tease:

على فكره اذكر ايام الزيادات طرشت لي مديرتي مسج ( مبروك تستاهلون )

قعدت افكر : هل هي تتطنز علي والا من صجها ؟؟:secret: