المساعد الشخصي الرقمي

مشاهدة النسخة كاملة : بي مساعدة بخصوص المكيفات


MANSOOR75
14-09-2011, 08:53 AM
السلام عليكم توني ابني فلتي الجديده وابي مشورتكم في احسن شركه مكيفات ابي اشتري حوالي 17 مكيف سبيلت وش رايكم في الجنرال واسعاره والتوشيبا بعد يمدحونه
منتظر ردودكم
بايع بايع
14-09-2011, 09:54 AM
على حسب الميزانية
كنونة
14-09-2011, 10:25 AM
انا ياخوي خذت جنرال و من عند عبد ارحيم العما دي ماخذتهم الا بعد ماجفتهم عند صديقتي مركبتهم في البيت تخيل انة كان مكيف واحد شغال امبرد المكان ا خذتهم في التنزيلات وحجزتهم عندة اخذت 20 مكيف000 ,97 الف ريال انا بقيت اخذ مكيفات متسوبشي بس عيبة ماعندة الا بو طن وبطنين بعد الاستخارة بعد مجفتة عند صديقتي اسقريت على جنرال او وتوكلت على الله
fhd4
14-09-2011, 10:39 AM
يالغالي أنا مركب جنرال من العمادي من سنتين ... المكيفات ممتازة ... بس خدمتهم تعبانة ... تتصلهم وتاخذ معاهم ألف موعد وما يجونك ... والمشكلة ان صعب تحصل غيرهم يعرفون له ... خاصة اذا اخترب بورد الكمبيوتر اللي فوق ... وصارت معاي مرتين ...

وفوق هذا كله حرامية ..

قبل 6 شهور اخترب عندي الكمبريسر ...طبعا وما جوني إلا بالهواش ... صحيح الكمبريسر على الضمان ... لكنهم خذوا 1500 ريال اجرة عمال ... حشى ... اخذ لي مكيف جديد أحسن ...

وقبل شهر في عز الصيف اخترب عندي كمبريسر ثاني ... اضطريت اركب كمبرويسر نوع ثاني ولا الذل معاهم ... الكمبريسر الجديد مع التركيب كلفني 1200 ريال ...

لهالسبب ما أنصحك بالجنرال أبدا ... مثلهم مثل التويوتا ... سياراتهم ممتازة وخدمتهم زفت ...
almaf1a
14-09-2011, 11:16 AM
نصيحة الفوجي ممتاز
كفائة واداء ممتاز جدا
الغرف طنين او طن النص حسب الحجم والميزانيه
والصالات طنين ونص
راسي براسك
14-09-2011, 11:41 AM
مثل ماقال أخوي فهد الجنرال ومن العمادي ممتازين لكن الخدمه غير جده أبداً

عشان كذا أنا أنصحك تغير الشركه
العولقي
14-09-2011, 12:19 PM
والله الحال من بعضه في نفس المرحلة لاكن الخيارات كانت عديده مثل : ميتسيوبيشي والجنرال والفوجي!
والظاهر اني راح استقر على الفوجي بعد السؤال والتجارب.
عموما الجنرال والفوجي هم نفس الشركه بحيث انك ماتميز المكيفين عن بعض الا لين تقرأ الاسم حتى الريموت! والاداء اهو نفسه بعد.
ابعد عن الجنرال لان الخدمة تعبانه وخلك على الفوجي من الريس وتوكل على الله ***:nice:
مرتبش
14-09-2011, 12:46 PM
للاسف الجنرال خدمتهم تعبانة جدا

اضطريت بعد محاولات بالتلفون انهم يجون يشوفون المكيف وهم توهم مركبينه ماخذ له شهر اني اروح لهم واتهاوش وياهم جدام العالم..والاخ قاعد ياكل حب ههه تعامل عجيب واليوم الثاني تكرموا علي وكان الموعد 9 الصبح وجاني 2 الظهر وطل على المكيف وعلى طول شخص المشكلة وقال بكرة يجي والحمدلله جاني عقب يومين
السد
14-09-2011, 01:23 PM
اهم شي في عملية اختيار المكيف
ان يكون نظام البستن وليس روتري
البستن فقط مكيف فوجي وجنرال على ما اعتقد ومكيف كليفينتور فقط عندنا في الدوحة
وباقي المكيفات نوع الروتري
نصيحة اخذ مكيف فوجي
واهم شي اخذ معاك الخرائط واجلس مع موظف المبيعات حتى يحدد لك قياسات الغرف والمكيف المناسب لك غرفة طن ونصف - 2 طن
وعلى الله التوفيق
BoFahed
14-09-2011, 03:28 PM
شلون اداء كمبرسر التروبيكال مثل اللي موجود في مكيف gree ؟؟؟ حد جربه؟؟
بوالبيض
14-09-2011, 10:06 PM
والله انا حاجز توشيبا طبعا ماخذتهم جي لا ناس مركبين ويمدحونهم ويمدحون صيانتهم كنت باخذ جنرال وفوجي بس ما يمدحون الصيانه كلش وطبعا المكيف اهم شي فيه الصيانه والخدمه تكون ممتازه واذ تبي
حاظرين بنشوف لك خصم والله يوفقك يا رب
كنونة
15-09-2011, 08:49 AM
جان على الصيانة ياخوي اللة يعزك كلهم زفتين لادقول ال جي ولا دقول مستوبيشي ولادقول الدرويش تتصل فيهم تحط اسمك ويقلون بكرة هل بكرة بعد يومين هذا زين اذا جاوا بعديومين او يخسون الانسان ياللة يجونك عقب اسبوع او عشر ايام انا قمت شسوي اتفق مع العمال بعد دوامهم يجون شيكون شهريا على المكيفات ماخذة تلفوناتهم واذا اخترب شي اتصلت لهم ويجون بعد الدوام واللة اني ارتحت
jassimqtr
16-09-2011, 02:25 AM
عن تجربه الفوجي وللعلم الفوجي والجنرال واحد لا تنغش ويقولين لك الجنرال والجنرال ماعرف شنو الفوجي اهو الجنرال الاصلي تابع للريس وسعره احسن من الجنرال العمادي انا ماخذ حق صاله 7في 8 2 طن وماشالله عليه مكفي وموفي
ال2 طن ماخذه ب3800 وال2ونص ماخذه ب4800
MANSOOR75
18-09-2011, 08:07 AM
والله حيرتوني ياجماعه الخير انا كنت متفائل خير ب جنرال بس على قوله الاغلبيه ان صيانتهم تعبانه
وبالنسبه للاخوان الي قالو لي فوجي هل هو صيني او ياباني اصلي وين مكان وكالته
وبالنسبه حق الهيتاشي محد جاب سيرته ؟؟؟؟؟
والاخت كنونه انا اتكلم عن حوالي 17 مكيف لو واحد مب مشكله مابي بكره اعور راسي مع الشركه علشان الصيانة
وماقصرتو الصراحة وبيض الله وجهكم
كنونة
18-09-2011, 08:20 AM
اخوي عن نفسي ماخذة 20 مكيف جنرال و وحاجزتهم لين الحين ماركبتهم هذا بعد السؤال وبعد ماجفت درجة البرودة في بيت صديقتي وبعد الاستخارة توكلت على الله وخذتهم
20qatar22
18-09-2011, 08:21 PM
والله الحال من بعضه في نفس المرحلة لاكن الخيارات كانت عديده مثل : ميتسيوبيشي والجنرال والفوجي!
والظاهر اني راح استقر على الفوجي بعد السؤال والتجارب.
عموما الجنرال والفوجي هم نفس الشركه بحيث انك ماتميز المكيفين عن بعض الا لين تقرأ الاسم حتى الريموت! والاداء اهو نفسه بعد.
ابعد عن الجنرال لان الخدمة تعبانه وخلك على الفوجي من الريس وتوكل على الله ***:nice:

الله يجعله بيت مبارك أخوي منصور ..
بخصوص المكيفات انصحك بالفوجي لان الفوجي والجنرال من مصنع واحد يعني الام وحده للاثنين :eek5:
والله ماتفرق من بينهم الا من الاسم ولا الشكل سيم سيم, بالاضافه الفوجي ارخص وخدمتهم حلوه:nice:
ومكانهم في شارع الخليج:telephone:
ليل وتعاليل
19-09-2011, 11:45 PM
كرير وجنرال
بس وكيل جنرال خدمتهم زفت ,,


المهم نصيحه لله ابعد من أل جي <<< اتعس منها مافيه بالذات السبليت عن تجربه ..
almaf1a
20-09-2011, 07:51 AM
وبالنسبه حق الهيتاشي محد جاب سيرته ؟؟؟؟؟


واحد من الربع اثق جدا في كلامه
يمدحه ويقول دفعية الهوى فيه قويه
ومن برودته مطفي مكيف الغرفه وفاتح باب الصالة على الغرفه
اول مره افكر احيد عن الفوجي بسبب مدحه للهيتاشي
اسعارهم جدا مناسبه
eXpert*
20-09-2011, 08:34 AM
أخوي منصور خذ فوجيّ وتوكل على الله

للعلم كراتين الكمبوريسرات حق مكيفات جينرال مكتوب عليها تم التصنيع في مصانع فوجيّ .

فوجي = جينرال .

بس للأمانة أنا ماعندي أي خلفية عن خدمة ما بعد البيع في فوجيّ . أعتقد وكيلهم (الريس) .

بالتوفيق
عيون قطر
20-09-2011, 08:49 AM
اخوي بالنسبة لي انا اركب اول شي ميتسوبيشي وعندك جنرال العمادي احسن مكيفات سبيلت او ويندو
وعندك الفوجي ومكيفات يورك وعندك كرير وعند gree احسن المكيفات

اما الباقي ابعد عنهم مثل ال جي والسامسونج وجنرال كول والى إلخ .....
MANSOOR75
22-09-2011, 08:20 AM
مشكورين ياجماعه
اخوي 20قطر 22 الله يبارك في حياتك
الاخت كنونه ياريت تعطينا رايج بعد التركيب وانطباعج
ولااخوان الي قالو لي فوجي هل تختلف خدمتهم عن الجنرال ولا في النهايه اختكي مثلكي ؟؟؟؟؟؟
بوعلي-Qtr
22-09-2011, 09:04 AM
جنرال اكيد .. بغض النظر عن الصيانه انت اجباري تعتني في المكيف بحيث التنظيف يكوني اسبوعي للفلاتر
وكل شهر وشهرين تنظف المكيف فوق السطح ..
وماتبطل المكيف والباب سوا .. وكل يومين تشغل المكيف فالغرف المهجوره
سم المكيف هو الغبار .. اذا انسدلك بيب بسبة الغبار الكمبريسر على طول يحترق ..
والمكيفات الجديده عموما فيها دلع غير عن القدامه يتحملون اكثر
Fendi
29-09-2011, 11:47 AM
انا بطلع عن رأي الشباب شوي وبشي انا مجربه

مالك الا مكيف الزامل اسمه كلاسيك شي في قمه الروعه وصيانه الدرويش معروف
jassimqtr
29-09-2011, 01:09 PM
عندي صاله مساحتها 7x9 مركبت مكيف فوجي 2 طن والحمدلله فوق الممتاز والحين مكمل السنه ونص وما سويت له اي صيانه او اخترب علي والحمدلله والحين انا مركبت للغرفه مساحتها 5x7.5 طن2,5 ب 4800 ريال
.Q a T a R.
29-09-2011, 01:39 PM
نصيحه جنرال ممتاز ,, الصيانه ونتو بكرامه زفت الزفت كنك تطر من عندهم

الحين انا بعد يومين بجيني عرض سعر من فوجي 33 مكيف واعتقد بيعطوني 3800 ال2طن

نفس الجنرال بالضبط ونفس المصنع ونفس الشركه

مثلهم مثل الجمس والشفر

وانت وكيفك

بالنسبه للاخت كنونه بتعطيك انطباعها عن الشركه بعد مايخترب اول مكيف عندها بحس معنا خدمه مابعد البيع
MANSOOR75
02-10-2011, 08:30 AM
حصلت موزع للجنرال بالوكره قالي ان الصيانه بتكون عليه وماراح يتعامل مع الشركه الا اذا اخترب الكمبريسر وش رايكم ؟؟
بوالبيض
02-10-2011, 09:05 AM
انا خذت توشيبا طبعا نصيحت بعض الناس مجربينهم والمناعي الزين فيه خدمه ممتازه
كنت باخذ الجنزال والفوجي بس الخدمه زفت وتعبانه ويمدحون مكيف الدرويش شغل عدل
والله يوفقك اخوي
بنت البدر 77
02-10-2011, 09:32 AM
كل مكيفات البيت من فوجي .. يمدحون صيانتهم وخدمتهم

والجوده ماتختلف عن جنرال ..

بالصيانه هم الافضل .
تحداني
02-10-2011, 12:40 PM
ما عندك غير الجنرال .. وفوجي ثانيا
خدمه الجنرال سيئه بسبب الضغط الكبير عليهم وهاي مو عذر بس هاي الحقيقه
بس مكياتفهم لليوم مافي احسن منها


جملك الله برضاه
meto2010
09-10-2011, 12:14 AM
السلام عليكم

اخى الكريم : اذا كنت تبحث عن مكيفات ممتازه والكومبريسر بستن فخياراتك قليلة ولكنها الافضل

جنرال العمادى - قرى gree - متسوبيشى - فوجى -
qatari1
09-10-2011, 12:53 AM
http://www.qatarshares.com/vb/showthread.php?t=470891