قواهم الله : «حماية المستهلك» تضبط زيتاً للشعر منتهي الصلاحية

[مساهمة بسFresh]

ضبطت إدارة حماية المستهلك بوزارة الأعمال والتجارة منتج زيت للشعر ماركة (BLACK) منتهي فترة صلاحية بيعه للمستهلك، وذلك بأحد مراكز البيع بالتجزئة بالدولة.
وتأتي هذه الخطوة في إطار الحملات التفتيشية الدورية المخطط لها من قبل الإدارة بغية لتغطية كافة الأنشطة بالأسواق، للتأكد من التزامها بالقوانين والقرارات ذات الصلة بحماية المستهلك، على ما جاء في بيان صحافي، قال إن الضبط تم في أحد مراكز البيع بالتجزئة بالدولة.
وقد قام المركز بتضليل المستهلكين من خلال تغيير تاريخ صلاحية فترة البيع الخاصة بالمنتج، وذلك بوضع ملصق بتاريخ جديد غير صحيح، وهو ما يعد مخالفة للمادة رقم (7) من القانون رقم (8) لسنة 2008، بشأن حماية المستهلك والتي نصت على (يلتزم المزود لدى عرض أي سلعة للتداول أن يبين على غلافها أو عبوتها، وبشكل واضح نوع السلعة وطبيعتها ومكوناتها، وكافة البيانات المتعلقة بها، وذلك على النحو الذي تحدده اللائحة التنفيذية لهذا القانون، وإذا كان استعمال السلعة ينطوي على خطورة وجب التنبيه إلى ذلك بشكل ظاهر ويحظر على المزود وصف السلعة أو الإعلان عنها أو عرضها بأسلوب يحتوي على بيانات كاذبة أو خادعة).
وفي هذا السياق، قام مفتشو إدارة حماية المستهلك بضبط المنتج محل المخالفة والتحفظ على الكميات الموجودة وتحرير مخالفة للمركز، وتحريك الدعوة الجنائية.
وتشدد الوزارة ممثلة بإدارة حماية المستهلك على جميع المزودين وأصحاب الأعمال المزاولين للأنشطة التجارية بدولة قطر، بأنها ستقوم بتطبيق كافة العقوبات والمخالفات المنصوص عليها بالقوانين والقرارات ذات الصلة بحماية المستهلك ومكافحة الغش التجاري وحماية المنافسة ومنع الممارسات الاحتكارية تجاه كل من يعبث بصحة وسلامة المستهلكين.

جريدة العرب عدد اليوم
:shy:

[ام السعف]

قواهم الله ،، :)

[ضوى]

قواهم الله ،، :)

قواهم الله :shy:

[khalid Qtr]

نتمنى ان يكون لهم دور رقابي اكبر ويتم ابراز عملهم اعلاميا بشكل يومي

[بلوتنيوم]

قواهم الله ،، :)




قواهم الله :shy:

هههههههههههه
ماحسكم متحمسين مع الكلمة :secret:
يعطيهم العافية :)

[مساهمة بسFresh]

قواهم الله ،، :)

آمين:)

[مساهمة بسFresh]

نتمنى ان يكون لهم دور رقابي اكبر ويتم ابراز عملهم اعلاميا بشكل يومي

نقدر جهودهم ونتمنى المزيد:)

[ام السعف]

قواهم الله :shy:

الله يقويج :shy:


هههههههههههه
ماحسكم متحمسين مع الكلمة :secret:
يعطيهم العافية :)

نفس شعورك ..
بس انت وين مافي يجي كلش ؟
قواك الله :shy:

[SOUD.QA]

نرفزني هالخبر لما قريته الصبح تمنيت انهم مشهرين بالمكان هذا عيبهم الوحيد ما يشهرون لو يشهرون الباقي بيتعضون واللي سواها بيحرم يعيدها

:(:(:(

[البدع]

تحسن مستواهم

واصبحوا اكثر فعالية

لا اعرف ان كان السبب إعلاميا

او انهم بالفعل تحركوا

[مساهمة بسFresh]

نرفزني هالخبر لما قريته الصبح تمنيت انهم مشهرين بالمكان هذا عيبهم الوحيد ما يشهرون لو يشهرون الباقي بيتعضون واللي سواها بيحرم يعيدها

:(:(:(

بصراحة اخوي انا اتمنى ساعات مثلك ان يتم التشهير فيهم :anger1: يستاهلون لانهم ماراعوا صحة الناس :anger1: وكل همهم جيوبهم

بس يمكن لان هالشي مب قانوني
مادري والله:shy:

[ام السعف]

تحسن مستواهم

واصبحوا اكثر فعالية

لا اعرف ان كان السبب إعلاميا

او انهم بالفعل تحركوا

اصلا يقول لك حماية المستهلك في قطر لمنع عملية الغش ،، اما تحديد الاسعار
مالهم خص فيه ممكن يلعبون دور وسيط مابين البايع والمشتري :telephone:

[مساهمة بسFresh]

تحسن مستواهم

واصبحوا اكثر فعالية

لا اعرف ان كان السبب إعلاميا

او انهم بالفعل تحركوا

ملاحظة حلوة
وان شاء الله يستمرون يارب

[جلمود]

تحسن مستواهم

واصبحوا اكثر فعالية

لا اعرف ان كان السبب إعلاميا

او انهم بالفعل تحركوا

تحسن مستواهم بسبب حملات الشعب عليهم والانتقاد الادع عليهم

إذا الشعب يوماُ أراد الحياة فلا بد أن يستجيب القدر:strong:strong:strong

[بلوتنيوم]

الله يقويج :shy:



نفس شعورك ..
بس انت وين مافي يجي كلش ؟
قواك الله :shy:

الله يقويج :tease:
متربع عند باب البنك انطر الزيادة :omen2:


تحسن مستواهم

واصبحوا اكثر فعالية

لا اعرف ان كان السبب إعلاميا

او انهم بالفعل تحركوا

زيد للمفتشين بدل التفتيش ان كان موجود هالبدل
بيشخلون لك السوق شخال :)



تحسن مستواهم بسبب حملات الشعب عليهم والانتقاد الادع عليهم

إذا الشعب يوماُ أراد الحياة فلا بد أن يستجيب القدر:strong:strong:strong

يمكن هاي حماس الزيادة وحملات المقاطعة
اول ماتبرد الفلوس وتتفركش الحملات
بترد حليمة لعادتها القديمة :tease:

[ام السعف]

الله يقويج :tease:
متربع عند باب البنك انطر الزيادة :omen2:



انزين من اتخلص وتستلم عطني احداثيات افضل سهم للدخول فيه
وشوف لنا محللنا مال قريبا جدا جدا جدا يحدد لنا سهم ندخل عليه بقوة ونرفعه فوق
وانرد نبيعه تحت سعر المشترى :(

هالمرة بنشتكي عليه حماية المستهلك وبنشوف اشبيسوون وياهم
هل نبقول لهم قواهم الله ولا لا :(

[جلمود]

يمكن هاي حماس الزيادة وحملات المقاطعة
اول ماتبرد الفلوس وتتفركش الحملات
بترد حليمة لعادتها القديمة :tease:


هذا الخوف وهذا المتوقع في الايام القادمه

ياليت مايخف الحماس ويتم مثل ماهو

البيبي سوى شغل :victory:

[Abdulraman]

الله يجزيهم خير

[بلوتنيوم]

انزين من اتخلص وتستلم عطني احداثيات افضل سهم للدخول فيه
وشوف لنا محللنا مال قريبا جدا جدا جدا يحدد لنا سهم ندخل عليه بقوة ونرفعه فوق
وانرد نبيعه تحت سعر المشترى :(

هالمرة بنشتكي عليه حماية المستهلك وبنشوف اشبيسوون وياهم
هل نبقول لهم قواهم الله ولا لا :(

ههههههههههههههه
من سالفة قريبا جدا جدا جدا وهو مختفي
للحين عندي نسخة من اخر توصية :anger1:

ودي الكل يشتكي
ويحط لنا تجربته مع حماية المستهلك بالتفصيل
علشان يزيد الوعي عند المستهلك اولا
وثانيا علشان مايشغلون خطوط حماية المستهلك :telephone:

[بلوتنيوم]

هذا الخوف وهذا المتوقع في الايام القادمه

ياليت مايخف الحماس ويتم مثل ماهو

البيبي سوى شغل :victory:

اتمنى ذلك
وان شاء الله بعد ماتنزل الزيادة وتصير بيد المواطن
مايروح يدفعها للتاجر
وقتها لا حماس بينفع ولا بي بي بينفع
اذا المستهلك ماعنده وعي بنظل ندور بنفس الدائرة
هات - ود - خذ :(

[ام السعف]

ههههههههههههههه
من سالفة قريبا جدا جدا جدا وهو مختفي
للحين عندي نسخة من اخر توصية :anger1:

ودي الكل يشتكي
ويحط لنا تجربته مع حماية المستهلك بالتفصيل
علشان يزيد الوعي عند المستهلك اولا
وثانيا علشان مايشغلون خطوط حماية المستهلك :telephone:

المصيبة انه لو طلع وبان وعليه الأمان وياكل في الرمان يسوي عمره ماله خص في الماضي :weeping:
يوم اسود يوم سمعنا كلامه :weeping: ولا يقول لي بنطرد من البيت لو التوصية اطلعت غلط
اموت واعرف احداثياته من يوم كلامه طلع غلط وين كان ينام :telephone:

نعم اتفق معاك الكل يقول تجربته ، للحين ما خضت اي تجربة مع حماية المستهلك
اهدد المحل يخاف ويعدل لي كل شي :shy:

[هارودز]

مكتبة ابن القيم ارفعوا اسعر بعض السلع وصيدلية زمزم في شارع المطار ارفعوا سعر الحليب نوفالاك من 29 ريال الى 34 ريال

[نبض قطر 1970]

اصلا يقول لك حماية المستهلك في قطر لمنع عملية الغش ،، اما تحديد الاسعار
مالهم خص فيه ممكن يلعبون دور وسيط مابين البايع والمشتري :telephone:

اضحك الله سنك يا أم السعف

بالفعل حماية المستهلك تطبق المثل المصري الشهير (( اللي مايقدرش على الحمار يتشطر على البردعه ))

ياليتهم بدل مايضبطون زيت منتهي الصلاحيه يكثفون جهودهم في الحد من غلا الأسعار

تقبلي تحياتي

[barod]

واجد عليهم اكتشفوا زيت منتهي الصلاحيه انجاز والله لو يسكرون المحل المخالف كم يوم انه يتادب وشرط غيره من المحلات بتصيده انفضه .. يقولك اضرب القطو يستادب الفهد

[بوحارب]

نبي نسمع خبر ضبط محل زايد اسعاره واتخاذ الأجراء الصارم معاه

!!

[الخزرجي قطر]

بدايه طيبه وتفاعل يشكرون عليه نتمنى لهم التوفيق ان شاالله

[مساهمة بسFresh]

انا اعتقد انهم قاموا بدورهم
ويعطيهم العافية

اللي شايف انهم مقصرين رايه واحترمه:)

[ALJokar]

بس هذا الصلاحيه الي قادرين عليها

كم تمنيت انهم يسكرون كم محل كبير لرفعه الاسعار ومخالفته 5000 ريال على كل سلعه مرفوع سعرها علشان غيره يعتبر من المحلات الاكبار والمعروفه


لكن وش نقول وش نخلي *

[بوشاهين2]

موقف مع حماية المستهلك .. أجرت سيارة من محل بالسد ومعروف وشفت السيارة وكان أجارها ب 150 باليوم ولمدة أسبوع لأن كنت أمنزل المرسيدس بالوكالة وعطيته شيك ع بياض وقرأت التعليمات كاملة أحتياطاً ولما وقعت العقد وطلعت قلت خلني أقرأ التعليمات مره ثانية تفاجأت أن مكان الأجار اليومي حاط 250 ريال لليوم وأتصلت له وقلت أنت حاط سعر الأجار اليومي 250 وأنا متفق معاك ع 150 ريال باليوم قالي أي صح بس أنا حاط السعر أحتياط وقلت له ليش قالي بالحرف الواحد (أنت ولد حلال بس غيرك أعيال ..؟) والسموحه ماقدر ألفظ الكلمة .. وبعد مرور الأسبوع رجعت السيارة وعلى طول أتصلت حق حماية المستهلك وأشتكيت عليه وطرشت لهم بالفاكس صورة من عقد أجار السيارة وكلمتهم بالتلفون وقالوا أحنا بنطرش أحد من عندنا عشان يشوف العقود وبنتأكد وبنتابع الموضوع وبنرد عليك بأخر المستجدات وأبددد لين يومكم ماردوا وسمعت من واحد من الربع نفس السالفة صادته بعدي بفتره ولين يومكم المحل شغال ع نفس الموضوع .. وبعدها حماية المستهلك ماستقبل منهم ألا الرسايل (أجتماع للشي الفلاني والشي الفلاني)

[بوشاهين2]

وأخرتها من كثر الرسايل ألي توصلني من حماية المستهلك طبعاً بالأجتماعات ألي عندهم أتصلت عليهم كم مره وقلت لهم مابي أي رسالة توصلني وكنسلوا رقمي من عندكم .. والحمد لله الحين مرتاح من الرسايل.

[الـخـالـدي]

نتمنى منهم تشهير اسم المحل عشان يكون عبره

لاهنت اخوي على الخبر