المساعد الشخصي الرقمي

مشاهدة النسخة كاملة : افيدوني الله يجزاكم خير ..الي عنده خبره في الاسنان و مشاكلها



مهل
14-09-2011, 10:30 PM
السلام عليكم


اخباركم عساكم طيبين


بفضل الله عمري ماشكيت من اسناني ولا صابني تسوس (هذا في السابق) :(

انا حاليا خارج الدوحه مسافر .

قبل كم يوم انتفخت عندي اللثه جهة اليمين تحت و صابني الم مزعج و زاد علي الانتفاخ .

رحت لطبيبه و شافت اسناني و قالت لي عندك سوسه بين ضرسين و الضرس محفور و الاكل يدخل بين الضرسين .. حفرت الضرس و كان شي مزعج مع انها بنجتني و حشت الضرسين لانه السوسه بينهم بس فيه ضرس متاثر اكثر و خلت الحشوه واصله من ضرس لين ضري . يعني تقردرون تقولون الضرسين حشتهم حشوه وحده متواصله تغطي تقريبا الرسين.

وقالت لي عندك زياده ٤ سوسات .. قلت لها سويهم .. لاني حسيت بالم يوم ضرب علي ضرسي مزعج جدا و ماراح استحمل يجيني مره ثانيه.

المهم اني من يوم سويت اسناني و انا مب مترقع .
قالت لي الدكتوره بتصير اسنانك حساسه من الحار و البارد لمده اسبوعين :omg:

و انا حاليا صار لي ٥ ايام و مع كل وجبه اذا كلت اكل شبه ساخن و شربت عصير على بروده الغرفه اسناني كلها تعورني و راسي و اذوني و الفك .. يصيبني الم يجنني و اكل على طول حبوب خذتها من الصيدليه مخففه للالم قوتها ٦٥٠

ياجماعه الالم غير طبيعي .. لايوصف الله لايبليكم

سالت كذا شخص قال لي اي حشوه تصير حساسه لمده يومين او ثلاثه بالكثير .

رحت اليوم للدكتوره لقيتها مسكره .

انتو تشوفون الي صاير لي شي طبيعي ،، و مع الايام بيخف ؟

او ان الدكتوره سوت خطأ في الحشوه او في الحفر ؟

الي مرت عليه سالفه تشابه سالفتي ينصحني وله جزيل الشكر

اصحاب الخبره افزعولي

اني اتألم ياناس :(

البحار00
14-09-2011, 10:52 PM
ياخوي اظاهر انها مانظفت التسوس عدل

لان احتمال ان السوس واصل للعصب


فنصيحه دام السالفه كذا واذا حالتك تتقبل

حاول انك تشيل العصب وصدقني بترتاح نهائيا

مهل
14-09-2011, 11:02 PM
البحار جزاك الله خير. هي اشتغلت في اربع اسنان و الغريبه ان اسناني كلها تعورني. هل هذا طبيعي ؟

يعني اسناني الي قدام مازختهم ليش اذا شربت شي شبه بارد تعورني كل اسناني
حتى اذني تعورني

Dawn
14-09-2011, 11:13 PM
ماعليك شر ان شا الله

مثل ما قال البحار شيل العصب اذا استمر الوضع على ماهو عليه ،، يمكن الدكتوره حفرت ووصل الحفر لحد العصب وهذا اللي خلى الاسنان واللثه حساسه جدا ..

واي نعم ممكن لما المشكه تكون في ضرس واحد ينتقل الالم للفك بكبره وبالتالي تحس ان الاسنان كلها تعورك ..

فنصيحه انطر كمن يوم بدون ما تاكل او تشرب شي بارد نهائيا خلك على المشروبات الحاره والاكل الدافي .. وشوف اذا فيه تحسن .. والله يعينك ..

عاشق الشهادة
14-09-2011, 11:19 PM
ماتشوف شر والاخوان مب مقصرين معاك ,
والله يرجعك بالسلامه الى ارض الوطن .

مهل
14-09-2011, 11:27 PM
ماعليك شر ان شا الله

مثل ما قال البحار شيل العصب اذا استمر الوضع على ماهو عليه ،، يمكن الدكتوره حفرت ووصل الحفر لحد العصب وهذا اللي خلى الاسنان واللثه حساسه جدا ..

واي نعم ممكن لما المشكه تكون في ضرس واحد ينتقل الالم للفك بكبره وبالتالي تحس ان الاسنان كلها تعورك ..

فنصيحه انطر كمن يوم بدون ما تاكل او تشرب شي بارد نهائيا خلك على المشروبات الحاره والاكل الدافي .. وشوف اذا فيه تحسن .. والله يعينك ..

جزاج الله خير ،،، لا كلش مب حولي اكل او اشرب شي حار او بارد .. يعني الي غرشه الماي اذا على درجه حراره الغرفه (بروده مكيف الغرفه) هذي اذا شربتها تبهدلت .. وحتى الساخن .. الي ماياثر هو الشي الدافي .
وهذا الي مبهدلني ان الاسنان حساسه بدرجه كبيره جدا لدرجه حتى الهوى ياثر




ماتشوف شر والاخوان مب مقصرين معاك ,
والله يرجعك بالسلامه الى ارض الوطن .

ولاتواجهه يا عاشق ،، اللهم امين جوزيت خيرا

Red rose
14-09-2011, 11:31 PM
العوار اللي فيك من العصب اخوي مهل واعتقد لازم تشيله

شوف لك طواري لان عوار العصب ما تتحمله

والله يساعدك ويشفيك يارب

alfahad1
14-09-2011, 11:36 PM
روح عند دكتور ثاني وخله يسوي اشعه

من الاشعه بيعرف اذا التسوس وصل للعصب ولا لا

مهل
14-09-2011, 11:43 PM
العوار اللي فيك من العصب اخوي مهل واعتقد لازم تشيله

شوف لك طواري لان عوار العصب ما تتحمله

والله يساعدك ويشفيك يارب

الله يجزاج خير ،، المشكله ان الطبيبه سوت تصوير للاسنان من يمين و يسار و شفت الصور كل الاسنان عصبها متشابه .. يعني ماشفت عصب منتفخ مثلا في التصوير .

بنتظر يومين بالكثير و اذا ماتغير شي بروح للطبيبه و ياذابح و يامذبوح .

هدفي من طرح الموضوع هو اني ابي اعرف وضعي ايش هو بالضبط خصوصا ان مشاكل الاسنان تقريبا متشابهه عند الاشخاص . لان الدكتوره مش مطمن لها و عيادتها متواضعه جدا .. هذا الي لقيته


روح عند دكتور ثاني وخله يسوي اشعه

من الاشعه بيعرف اذا التسوس وصل للعصب ولا لا

لا برجع لها و ياذابح يا مذبوح .. اول مره اشوف طبيبه اسنان ادخن :secret:

قطوه مربربه
15-09-2011, 07:55 AM
اخوي مشكلتك التسوس واصل للعصب ولانه واصل للعصب مخلي الاسنان الي احذا الضرس المسوس حساسه والحل يا تشيل العصب ياتشيل الضرس المحفور هاي الحلول لاني مجربه لان اذا راح الحشو المؤقت بيصيبك الم والتهاب مو طبيعي لاقدر الله

ضوى
15-09-2011, 07:58 AM
نعم اخوي مهل الم الاسنان يستمر اكثر من اسبوع

نصيحة من اخت

روح طواري الاسنان بالرميلة بيسون لك اشعة وبيحددون شنهو االالم بالضبط واذا في مجال بيعالجونك ، واذا شافوا انه ممكن تنتظر بيطلبون منك موعد لمتابعة العلاج ، وللعلم طواري الرميلة للاسنان شغالة حتى الصبح لين الساعة 8 الليل ، وماشاء الله عليهم ذمة وضمير الكل يشهد لها ، ولو عطوك موعد بعيد ، كل يوم روح لهم ينظفون لك ويخففون المك لين يجي موعدك وان شاء الله ماتشوف شر

رذاذ
15-09-2011, 08:01 AM
هذا العصب مب تسوس ..
والأفضل تغير الدكتوره لنها مب دكتوره خياطه شلون ضرسين بحشوه وحده ..

عن نفسي اروح عيادة المها عند دكتوره جنان او أيهم .

والاثنينه شاطرين ويدهم خفيفه

المقاول
15-09-2011, 08:09 AM
عشان اختصر عليك .

روح عند دكتور فاهم . مشكلتك انك طحت عند دكتورة فاشلة. الحشوة تضغط على العصب

وفية مهدئ اسمة ( كاتفلام ) جيد . والله اني حاس فيك ومعاناتك .

حراير قطر
15-09-2011, 08:20 AM
ما عليك شر اخوي

دام انه عندك انتفاخ في اللثه بيكون التهاب بالعصب

ابوي مره صاده جذيه وطلع عنده التهاب نص وجهه منفوخ

وانا بعد صادني نفس الشيء وكان صداع فضيع وطلع من العصب وشليته

وطمنا عليك وانصحك اتغير الدكتورة ...

مهل
15-09-2011, 08:22 AM
اخوي مشكلتك التسوس واصل للعصب ولانه واصل للعصب مخلي الاسنان الي احذا الضرس المسوس حساسه والحل يا تشيل العصب ياتشيل الضرس المحفور هاي الحلول لاني مجربه لان اذا راح الحشو المؤقت بيصيبك الم والتهاب مو طبيعي لاقدر الله

شلون اعرف انه الي حطتلي هي حشوه مؤقته ؟
الظاهر السالفه فيها شيل عصب ... لايكون مؤلم بعد البنج بس :(


نعم اخوي مهل الم الاسنان يستمر اكثر من اسبوع

نصيحة من اخت

روح طواري الاسنان بالرميلة بيسون لك اشعة وبيحددون شنهو االالم بالضبط واذا في مجال بيعالجونك ، واذا شافوا انه ممكن تنتظر بيطلبون منك موعد لمتابعة العلاج ، وللعلم طواري الرميلة للاسنان شغالة حتى الصبح لين الساعة 8 الليل ، وماشاء الله عليهم ذمة وضمير الكل يشهد لها ، ولو عطوك موعد بعيد ، كل يوم روح لهم ينظفون لك ويخففون المك لين يجي موعدك وان شاء الله ماتشوف شر

يالله حي ضوى ... اختي انا مسافر برى و مطول ،، ولا عندي خبره في المستشفيات و الدكاتره الزينين .
و اكيد انهم غاليين او نصابين .. ذاك اليوم واحد من ربعي تعب في الليل و وديته الطوارىء صخونه و شلتها .. خذو عليه تقريبا ١٠ الاف ريال مع انهم ماخذ اكثر من ٣ ساعات عندهم


هذا العصب مب تسوس ..
والأفضل تغير الدكتوره لنها مب دكتوره خياطه شلون ضرسين بحشوه وحده ..

عن نفسي اروح عيادة المها عند دكتوره جنان او أيهم .

والاثنينه شاطرين ويدهم خفيفه

انا اتوقع انها سوت حشوه وحده لضرسين لسبب وجيه والله اعلم .. الضروس الي ورى متاكله من الاحتكاك .. متى احك ضروسي ماري بس تقول اكيد و انت راقد مع انه ما اذكر حد قالي اني احك ضروسي في بعض و انا راقد
ماعلينا .. المهم ان الضروس الي ورى ارتفاعها قليل و الاخت رقدت عليهم و حفرتهم و صارو طبجه وحده لانهم محفورين من داخل .
هذا تفسيري لتصرفها


عشان اختصر عليك .

روح عند دكتور فاهم . مشكلتك انك طحت عند دكتورة فاشلة. الحشوة تضغط على العصب

وفية مهدئ اسمة ( كاتفلام ) جيد . والله اني حاس فيك ومعاناتك .

ليتني في الدوحه كان مايرني غير دكتور اعرفه .. ذهب بصراحه

حراير قطر
15-09-2011, 08:24 AM
اي صح نسيت اقولك

اشلون اشتغلت عليهم وانت عندك انتفاخ باللثة

اللي اخبره يعطون مضاد ومهدئات لين يخف الم والانتفاخ عندك

وعقب اتسويهم .. مسكين يا مهل العبت في اسنانك :rolleyes2:

مهل
15-09-2011, 08:24 AM
ما عليك شر اخوي

دام انه عندك انتفاخ في اللثه بيكون التهاب بالعصب

ابوي مره صاده جذيه وطلع عنده التهاب نص وجهه منفوخ

وانا بعد صادني نفس الشيء وكان صداع فضيع وطلع من العصب وشليته

وطمنا عليك وانصحك اتغير الدكتورة ...

ولا تواجهينه ان شاءالله

الانتفاخ راح من سوت لي الحشوه بس الي بقى هو حساسيه الضروس الي تسببلي الم فظيع في الاسنان و الفك و الاذن و الراس و كل شي .. الم جنوني الله يكفيكم الشر ،، توني والله ماكل حبه الي تخفف الالم .

المشكله ان الدكتوره مسكوه مادري ليش

MAZEN37
15-09-2011, 08:45 AM
اولا ازمه وبتعدي وسلامات ان شاء الله
ثانيا عجبتني 4 سوسات ههه
ثالثا ما شاء الله كل الاعضاء طلعوا دكاترة اسنان وفي منهم يجزم بانه عصب؟
شلون ما دري ؟
يمكن من رجة الدكتور والحفريات المقامه صارت باقي الاسنان تؤلم
اصبر عليها شوي وبعدين سو اشعه

حراير قطر
15-09-2011, 09:11 AM
اولا ازمه وبتعدي وسلامات ان شاء الله
ثانيا عجبتني 4 سوسات ههه
ثالثا ما شاء الله كل الاعضاء طلعوا دكاترة اسنان وفي منهم يجزم بانه عصب؟
شلون ما دري ؟
يمكن من رجة الدكتور والحفريات المقامه صارت باقي الاسنان تؤلم
اصبر عليها شوي وبعدين سو اشعه

الاعراض اللي قالها اخوي مهل

اعراض التهاب بالعصب

http://drkhalidalrawi.maktoobblog.com/28570/%D8%A7%D9%84%D8%AA%D9%87%D8%A7%D8%A8-%D8%B9%D8%B5%D8%A8-%D8%A7%D9%84%D8%A7%D8%B3%D9%86%D8%A7%D9%86-%D8%A7%D9%84%D8%A7%D8%B9%D8%B1%D8%A7%D8%B6-%D9%88%D8%A7%D9%84%D9%85%D8%B9%D8%A7%D9%84%D8%AC%D 9%87/

بولينجر
15-09-2011, 10:23 AM
اخوي مهل اذا كنت في فندق كلمهم واطلب يعطونك رقم دكتور اسنان ممتاز.... والا شكلها هالدكتورة بتبهدلك..... كل اللي وصفته من شغلها غلط ومبين انها ما تعرف تسوي..... مافي اي دكتور يسوي حشوة وحدة لضرسين.....

كازانوفا
15-09-2011, 10:31 AM
يا تلحق على روحك والا راحت اسنانك وطي مثل دكتوره مصريه بعياده خربت لي الدنيا وحشوات ما لها داعي قربت على السنه ما اقدر اكل عليهم حسبي الله عليهااا يخبروك بالمبلغ قبل ما يبلغوك ايش علتك

غير الدكتور والمفروض يكون في مضاد حيوي عشان يخفف الالتهاب باللثه بعدين تشتغل على شي هادي مش متورم هذا اكبر دليل انها مش فاهمه شغلهااا
موفق ان شالله

إنّ
15-09-2011, 10:27 PM
أخوي يمكن الحشوة ضاغطة على اللثة .. هذا احتمال
وأمـا العصب طالما سوت لك تصوير أشعة وطلعت سليمة عيل مب منه ..
انصحك تغسل اسنانك بسنسوداين للأسنان الحساسة وركز معاي خذ النوع
الخاص بالأسنان الحســاسة .. علشان بس تتخلص من ألألم حزة الشرب أو الأكل سواء كان بارد أو ساخن ..
وفي دواء مسكن أنصحك فيه .. بناء على نصيحة الدكتورة لنفس الأعراض تقريباً
اللي عندك ممتاز جداً .. وراح تدعي لي إن شاء الله اسمه
cataflam 50 وما تشوف شر إن شاء الله وطمنـا .

ظبيــღــه
16-09-2011, 03:09 AM
سلاااامات

بلاميعاد
16-09-2011, 03:30 AM
تطمن اناصارت لي نفس الحاله بالضبط ولدرجه اني حسيت اني عندي مشكله كبيره والشغل غلط ورحت لدكتورة ثانيه عطتني جل وفرشاه ومعجون وسوت لي هي علاج للتحسس حطته علا اسناني 20 دقيقه والحين الحمدلله طيبه كل الموضوغ صار معاك تحسس والعلم عندالله

بوحارب
16-09-2011, 09:19 AM
الله يشفيك

لاتاكل حلويات وايد :(

نتفـه
16-09-2011, 05:33 PM
اخبر انا سوا لي دكتور ضرسين جنب بعض عوروني الضرسين تقريبا 3 ايام من الحار والبارد ولو كان فيه شوي سكر بعد يذبح ورجعت للدكتور قال لي بيعور كم يوم والالم يكون طبيعي بس صج كرهت نفسي ..
الله يشفيك ان شاء الله ويخفف عنك بس بعد روح حق دكتور غير وشوف شنو يقول لك ..