المساعد الشخصي الرقمي

مشاهدة النسخة كاملة : كثرة الحوادث على شارع 22 فبراير السريع هاليومين الساعه 6.30 صباحا !


أم حمد
15-09-2011, 09:13 AM
انا كل يوم الساعه 6 ونص صباحا امشي على هالخط رايحه دوامي

السنه اللي طافت كنت يوميا امشي عليه واشوف الناس تمشي بسرعه !

كنت اقول الله يستر من السرعه لا يصير حادث على اي سياره يتبعه تصادم عشرات السيارات والحمدالله ماصارت حوادث قدامي السنه اللي طافت !!

لكن هالسنه من يوم بديت الدوام هالاسبوع الاحد واليوم قدنا الخميس صار على هالشارع حادثين الساعه 6 ونص صباحا وتبعه تصادم كذا سياره !

وجميع الحوادث تصير فوق جسر العلي

مما يسبب زحام شديد في جميع المسارات يبدا من تقاطع النصر الجديد الى بعد جسر سوق العلي !

نشوف تدخل سريع من قبل الشرطه الله يعطيهم العافيه ويجزاهم خير بنقل السيارات الى بعد الجسر على الجنب اليمين من الطريق حتى ينفك الاختناق !

موضوعي هنا لجل ارسال رساله الى جميع السائقين اتمنى منهم التأني الشديد والانتباه على هالشارع وعدم السرعه وترك مسافات بين السياره والسياره الاخرى !

+ الخروج مبكرا !

يعني اخرج مبكرا واصل مبكرا احسن مني اخرج متاخر ولا اصل وأعطل العالم معي !

ثانيا رسالة الى جهة المرور

اتمنى تواجد الدوريات على هالشارع من الساعه 6 صباحا وحتى 7.30 صباحا في مسار الطوارئ وكذالك وجود ونش المرور وسيارت الاسعاف معهم لأي ظرف طارئ

والله يحفظنا ويحفظ اهالينا والجميع من الحوادث المروريه

وسلامتكم
basma222
15-09-2011, 09:16 AM
والله كلامج صح
اليوم كان فيه حادث على الجسر
الله يحفظ الجميع
بـنـت ڪرز
15-09-2011, 09:18 AM
هالشارع يخرع ..

احس اللي يمشون فيه كلهم مستعجلين

ليش الشباب مايراعون ان في ناس داخل السيايير ومعاهم عيالهم .. ويمكن حد توه مسوي عمليه او وحده حامل .. لان حتى الضربه العاديه اتأثر!! اشذنبنا اذا الدريوليّه يلفلفون عالسيايير او يترددون يطلعون عالدوار ولا لا :(

بليز راعوا هالشي ولاتحطون دوبكم دوبهم

مشكلة الشباب ان بسرعه يحترون عليهم
كازانوفا
15-09-2011, 09:19 AM
الله يحفظ الجميع المشكله الكل مستعجل يا دوب يلحق يوصل عياله والا يوصل لشغله والزحمه بشعه وممله
خالي مشاعر
15-09-2011, 09:25 AM
المفروض يحطون سور بين الخطين
لان اذا صار حادث في جهه من الشارع الناس اللي على الخط الثاني يخففون يبون يشوفون الحادث وتصير زحمه على الخط الثاني واوقات اتصير حوادث
ستاربكس
15-09-2011, 09:29 AM
المشكله في الباصات وسيارات النقل اللي ما تلتزم بالمسار الايمن ، ولارقيب ولا حسيب !!
مطلوب تدخل عاجل للجهات المختصه وخاصه المرور..والا مخالفاتهم حق هل قطر بس ؟!
المتحدث الرسمي
15-09-2011, 09:33 AM
.....

مشكلتنا يا اهل قطر مب متعودين على الهاي واي فتحصلين بعض السواقين فالتين هاي عتبي على السائق


وعتبي على هيئة الاشغال كان يجب عليهم توسعة الطريق الى 4 اقل شي للمدى الطويل تفاديا لساعات الذروة و الحوادث

.....
مابدل العادات
15-09-2011, 09:36 AM
من سواقه الأجانب الفله مايحتاج

3 شوارع كلهم يمشون 80 ولكم تخيل الوضع

وناس في بلادها ماتسوق كلش كلش وكله على المواصلات العامه وفي الدوحه ماعطينهم مواتر وش تتخيلون بيصير ؟؟!!!

إذا ماصارت توعيه للأجانب (( عرب وإنجليز )) في القياده فالوضع بيزيد سوء

طبعا اتوقع في كذا شخص بيقولي بالعكس الأمريكان منظمين في الشارع

أقوله اوكيه انا معاك هم منظمين في الشارع وماليفون ألا بإشاره ولاكن المشكله الأساسيه انهم في بلادهم ماعندهم قانون الخط اليسار هو الخط السريع

يعني يوميا في امريكا وهاي الشي عن نفسي اعيشه يوميا

تخيلو الهاي واي 5 شوارع وكل الناس 100 !!!!!!!!!!!!!!!! والله تصير زحمة موب طبيعيه ولا المشكله الأكبر انه الهاي واي بكبره يوقف !! تخيل انه يوقف وهو خط مليوووووووون كيلووو ومافيه ولا إشاره ولا دوار !! ولاكن بعد يوقف !!! من السواقه
فالازم لازم يصير عندهم وعي بقوانين المرور عندنا وإذا كل الناس امسكو الخط الوسطي ولا اليمين الا الي يبغي يتجاوز يروح يسار صدقوني الأموووور بتكون طيبه وماراح تشوفون حوادث بهاي الكثره

ولاكن عندنا مشكله في بعض العقليات الي تسوق وخاصه الهنود الي عندهم خلل في المخ

تلاقيه من يطلع من الدوار يقبض يسار ويمشي 80 ليه ماتدري ويوم تكبس له يوسع ويدعس ؟!!!!

ولو اتكلم الكلام بيطول والله

وفي النهاية هاي وجهة نظري الشخصيه وتحتمل الخطاء أو الصواب

والسموحه على الإطاله والله يحفظ الجميع :)
عذايب قطر
15-09-2011, 09:58 AM
اليوم بعد شكلة كان في حادث اشوف الشارع كله واقف

انا صرت ادخل الشارع الفرعي وايد احسن

تحياتي لكم
alwahesh
15-09-2011, 10:06 AM
الله يحفظ الجميع
فيصل الشمري
15-09-2011, 10:13 AM
اقول سبب الحوادت كثر الرادارات
بس بشكل غير مباشر,,!!
واللي يخبر قبل ما يحطون الرادارات الجديده والمتحركه كيف كان الوضع بيعرف قصدي...
في ناس اول ما يتعدى الرادار يرفس للموتر و(رفيق) اللي قدامه بالموتر يمشي 70
وتعال عاد زرق بين المواتر,,..
قبل بين كل رادار والثاني مسافة كبيره
السير متناسق اكثر من الحين,,
لكن مافي تخطيط,, تعال وحط رادار وانت ماشي,,
Amal_QTR
15-09-2011, 10:18 AM
كله في صوب ولا لين جاك لاندكروزر يلصق في سيارتك و يسوي لك فلاشات
قمه التوتر:eek5:
بوحارب
15-09-2011, 10:24 AM
كله في صوب ولا لين جاك لاندكروزر يلصق في سيارتك و يسوي لك فلاشات
قمه التوتر:eek5:

لأنه بعض الناس يرفعون الضغط يمسكون الخط السريع ويشمون 60كم


ام حمد اتوقع السبب من قلة السرعة وانا اقترحت من قبل يخلون السرعة 120كم

عشان يصير انسيابية شوي بس محد عطاني ويهه :(
Rashid554
15-09-2011, 10:31 AM
معروف ان في قطر مع بداية موسم المدارس هو ايضاً موسم الدريولية الجدد
واعتقد هذا اكبر سبب للحوادث التي تصير في بداية كل سنة
عيون الدوحة
15-09-2011, 10:34 AM
ينزلون شرعة الشارع لين 90
بوحارب
15-09-2011, 10:39 AM
ينزلون شرعة الشارع لين 90

80 احسن :anger1:
بوخالد911
15-09-2011, 10:40 AM
العيب موو بالشارع
وانما ببعض السائقين المتهورين
بوخالد911
15-09-2011, 10:41 AM
ينزلون شرعة الشارع لين 90


80 احسن :anger1:

قالووها : في التأني السلامة
صح بو حررووووبي ال .... :secret::secret::secret:
bu.jassim
15-09-2011, 11:01 AM
الهنوود بس الهنود هم المصيبه في الشارع
يمشي 60 على الخط السريع ومايبي يوخر من يعطيهم لياسن هذول
والله يرفعون الضغط ويخربون المزاج من الصبح
أم حمد
15-09-2011, 11:05 AM
العيب موو بالشارع
وانما ببعض السائقين المتهورين


كل الشكر لمن دخل وعقب على الموضوع وجعلكم سالمين جميعا"

واسمحولي اتجاوزكم وارد على اخوي بوخالد

فعلا يابووخالد

لاحظت سرعة البعض وتهورهم الكبير بالسرعه والتجاوز يعني يكون فالنصف وهو مسرع وينحرف يسار عقب ينحرف يمين هذا اللي انا لاحظته واتوقع هذا هو السبب الرئيسي فالحوادث على الخط السريع !
boamir
15-09-2011, 11:18 AM
لو كل واحد يمشي بسرعه معتدله جان ماشفنا حوادث كثيره
انا عن نفسي يوميا اقبض هالخط اربع مرات
والحمد لله ماأنزعج وايد إلا من الناس إلي ماسكين السيد إلي عاليسار ويمشون شوي شوي
ولا الباصات إلي تتجاوز بعضها
المفروض إلي يمشي السيد اليسار تكون سرعته 100 وإذا اقل يمشي في الخط الوسطي
ومايلعوز إلي وراه وحتى لو جا واحد وراه المفروض يعطيه طريق

اما يقعد يمشي 60 ومايعطي طريق وإذا عطيته ليت يطالعك بنظره خايسه وزعلاان
ولا إذا دقيت إشاره وتبي تلف يمين تحصل المواتر إلي على يمينك كلهم يلصقون في بعض محد يبيك تطلع جدامه
شنو يعني فرقت معاه هي بيوصل متأخر ولا بيصير شي يعني

والهنود سالفتهم سالفه خصوصا الدريوله عالصبح مشكله
الـخـالـدي
15-09-2011, 12:50 PM
من سواقه الأجانب الفله مايحتاج

3 شوارع كلهم يمشون 80 ولكم تخيل الوضع

وناس في بلادها ماتسوق كلش كلش وكله على المواصلات العامه وفي الدوحه ماعطينهم مواتر وش تتخيلون بيصير ؟؟!!!

إذا ماصارت توعيه للأجانب (( عرب وإنجليز )) في القياده فالوضع بيزيد سوء

طبعا اتوقع في كذا شخص بيقولي بالعكس الأمريكان منظمين في الشارع

أقوله اوكيه انا معاك هم منظمين في الشارع وماليفون ألا بإشاره ولاكن المشكله الأساسيه انهم في بلادهم ماعندهم قانون الخط اليسار هو الخط السريع

يعني يوميا في امريكا وهاي الشي عن نفسي اعيشه يوميا

تخيلو الهاي واي 5 شوارع وكل الناس 100 !!!!!!!!!!!!!!!! والله تصير زحمة موب طبيعيه ولا المشكله الأكبر انه الهاي واي بكبره يوقف !! تخيل انه يوقف وهو خط مليوووووووون كيلووو ومافيه ولا إشاره ولا دوار !! ولاكن بعد يوقف !!! من السواقه
فالازم لازم يصير عندهم وعي بقوانين المرور عندنا وإذا كل الناس امسكو الخط الوسطي ولا اليمين الا الي يبغي يتجاوز يروح يسار صدقوني الأموووور بتكون طيبه وماراح تشوفون حوادث بهاي الكثره

ولاكن عندنا مشكله في بعض العقليات الي تسوق وخاصه الهنود الي عندهم خلل في المخ

تلاقيه من يطلع من الدوار يقبض يسار ويمشي 80 ليه ماتدري ويوم تكبس له يوسع ويدعس ؟!!!!

ولو اتكلم الكلام بيطول والله

وفي النهاية هاي وجهة نظري الشخصيه وتحتمل الخطاء أو الصواب

والسموحه على الإطاله والله يحفظ الجميع :)

كلام سليم 200%
سهم نيشان
15-09-2011, 01:22 PM
هالشارع بالذات الحل يرفعونه لين 120، عشان ما يصير تكدس وتزيد انسيابية الحركة
الشامخ
15-09-2011, 02:21 PM
المشكلة من :~

1 البعض يمشي على المسار الايسر ويمشي شوي شوي ، المفروض اللي على المسار الاوسط سرعته 100 و المسار الايسر تكون سرعته فوق .100

2 باصات العمال تسبب زحمه كبيره خاصة باصات تاتا. وعدم التزامها بالقوانين

3 الدخول الخاطي لبعض السيارات من تحت جسر سوق وانت متجه جنوب

4. جهل بعض السايقين بانه اذا حصل حادث بيسط يحرك سيارته ويروح للمرور و?يسوي زحمه

5 البعض يتجاوزات بين المسارات ممايسبب حوادث

6 الزحمه تصير عند الردارات يجب زيا ةالسرعة الى 120
الفخامة
16-09-2011, 10:46 PM
الله يستر على شبابنا
والسرعة سبب رئيسي في كل البلاوي
راشد محمد
16-09-2011, 10:56 PM
ما احب هالشارع..كل الناس يا طايرة او تمشي على بيض