المساعد الشخصي الرقمي

مشاهدة النسخة كاملة : الميـــــــــــرة ؟!! والتنزيـــــــلات ؟!!!



متفائل وايد
15-09-2011, 09:46 AM
السلام عليكم ورحمة الله وبركاتـة ...

انا ابصراحة صار لي فتره وانا اسمع زيادة الاسعار وحماية المستهلك ووووو
.....
انا مادري ليش ما يكون في قرار سواء من حماية المستهلك او الجهة المسؤولة في
الحفاظ على اسعار المواد الاستهلاكية ...

انا والله أعلـم اشوف وجهة نظري ان بدال ما نعطي البقالات والسوبر ماركت ومحلات بيع الخضار المقص ونعطيهم روسنا عشان يحلقون لنا عدل ...

ابصراحة اشوف ارجو من القائمين واللي بأمكانهم حل وانقاذنا من اعصار الاسعار اللي
نتهدد فيه بشكل مستمر ...

يقومون بنشر فروع للميرة وبتكليفها بأحتواء جميع المواد الاستهلاكية ( الخضار ، الإغذية ... وغيرها ) وحتى الملابس وبسعرها الحقيقي ...

وتكون فيها التنزيـــلات الحقيقه موب التنزيلات اللي يرفعون السعر 200% ويقولون لنا منزلين لك وناخذها بـ 120%:rolleyes2: ...

وبالتاي بيكون سهل على حماية المستهلك السيطرة بنسبة 100%

هذا والله يوفق الجميـــع

مستجدة
15-09-2011, 10:19 AM
اي عليهم أهل الكويت ماحلى جمعياتهم فيها كل شئ واسعارهم جدا رخيصه
وحنا خلف الله علينا الميره كل ماندشها فيها نقص واسعارهم نفس اسعار التجار والسلع محدود

متفائل وايد
15-09-2011, 10:32 AM
اي عليهم أهل الكويت ماحلى جمعياتهم فيها كل شئ واسعارهم جدا رخيصه
وحنا خلف الله علينا الميره كل ماندشها فيها نقص واسعارهم نفس اسعار التجار والسلع محدود

موب صعب انصير نفس الكويت واحسن بس مثل ما قلت
اذا حسوا التجار ان فيه جهة ( الميرة ) اسعارهم هي الاسعار الحقيقية وفروعها في كل مكان
بيكون عليهم شي اجباري ينزلون اسعارهم

شاكر لج مرورج

الروقي
15-09-2011, 10:37 AM
للاسف الميره اسعارها نار واغلا من اكثر المجمعات وافرعها قليله وفي نظري فاشله .

المفروض انها تحارب غلاء وجشع بعض التجار وتفيد المستهلكين وتجذبهم مو تبيع اغلا

متفائل وايد
15-09-2011, 11:05 AM
للاسف الميره اسعارها نار واغلا من اكثر المجمعات وافرعها قليله وفي نظري فاشله .

المفروض انها تحارب غلاء وجشع بعض التجار وتفيد المستهلكين وتجذبهم مو تبيع اغلا

كل اللي اقصده ليش ما يكون تركيز جميع القوى على جهة معينة مثل الميرة
بدال ما حماية المستهلك يشتتون جهودهم وبالتالي يكون صعب عليهم حزم الأمور

وبكل امانة يجب علينا حتى احنا كأعضاء تركيز جهدنا على وجهة نظر معينة ونحاول نوصله فوق وما نشتت انفسنا

بس هل من مجيـــــــــب:weeping:

الـخـالـدي
15-09-2011, 12:54 PM
اذا تدخل جمعيات ثانيه تلقى بعض الاسعار ارخص منها و شتتوقع منهم

متفائل وايد
15-09-2011, 01:12 PM
اذا تدخل جمعيات ثانيه تلقى بعض الاسعار ارخص منها و شتتوقع منهم

عيل وين حماية المستهلك من الميــرة إذا هذا الكلام صحيح
؟؟؟!!!
يعني اذا الميرة اللي هي كانت حكومية حكومية كذا عيل شنقول عن
السوبرماركت والمجمعات الكبيرة اللي راعيها بابو وكومار اللي هاد
بلادة وجاي عشان يضرب عليك يالمستهلك !!!

لا تعليـــــــق:eek5:

كازانوفا
15-09-2011, 01:19 PM
برائي المفروض الميره تكون ارخص السلع متوفره عندها دامهااا حكوميه
وقتها بيصير في منافسه غير مقصوده بينها وبين بقية المجمعات الثانيه اللى قاعده ترفع الاسعار بشكل ملحوظ

الطلياني
15-09-2011, 01:19 PM
اقسم بالله الميرة اسعارها ناااااااااااااااااار , بس الواحد وين نروح
الاسعار ارفعوها قبل ما تنزل الزيادة وقبل ما نعرف كم هي
على الاقل ينطرون شوي .

امل الحب
15-09-2011, 01:24 PM
الاسعار نار .. وغالبا مو كل السلع متوفرة ..

احيانا يفرق سعر السلعة من فرع الى اخر ..

ليش حماية المستهلك ما تنزل قائمة موحدة بالاسعار للسلع المتوفرة وتنتهي اللعبة كل من يسعر بكيفه !

abdulla4u
15-09-2011, 01:27 PM
الميره اسعارها بالنسبه للولو وكارفور كبيره يعني فرق وايد بيطلع لك فرقيه 20 لا40 ريال اذا شريت ب500 ريال ...

مرتبش
15-09-2011, 01:28 PM
الميرة اسعارها مو اغلى من المجمعات الثانية..فيها بعض الاغراض ممكن تكون اغلى وفيها مواد اخرى ارخص.. وهذا هو الدليل
http://market.mbt.gov.qa/

مستوى الدعم
15-09-2011, 01:52 PM
الميرة بين نارين..

فمن جهة المستهلكين يطالبونها بأن تكون أرخص من الباقين.. لكي يقبلوا عليها..

وفي المقابل هي شركة مساهمة .. والمساهمين يطالبونها بأن تزيد أرباحها.. ولكي تزيد أرباحها يجب أن تزيد أسعارها..

والحل.. أن يتم منح الميرة امتيازات من الحكومة.. لا تمنح للمجمعات الاستهلاكية... هذه الامتيازات قد تشمل إعفاءات من رسوم معينة.. أو أي شيء آخر يساهم في تقليل التكلفة على هذه الشركة.. وبالتالي تستطيع الشركة أن تعرض بضاعتها بسعر رخيص.. ويزيد معدل دوران البضائع لديها.. ومن ثم تزيد ربحية الشركة..

وبهذا يخرج جميع أطراف المعادلة وهم راضون..

متفائل وايد
16-09-2011, 01:43 AM
برائي المفروض الميره تكون ارخص السلع متوفره عندها دامهااا حكوميه
وقتها بيصير في منافسه غير مقصوده بينها وبين بقية المجمعات الثانيه اللى قاعده ترفع الاسعار بشكل ملحوظ


لا حيـــــــــاة لمن تنادي
:weeping:

متفائل وايد
16-09-2011, 01:52 AM
اقسم بالله الميرة اسعارها ناااااااااااااااااار , بس الواحد وين نروح
الاسعار ارفعوها قبل ما تنزل الزيادة وقبل ما نعرف كم هي
على الاقل ينطرون شوي .

ياخـــوي شبلاك حماية المستهلك جايه فالطريج
اشبــــــــــلاك ...
للحين ماوصلوا !!!
:weeping:

متفائل وايد
16-09-2011, 01:55 AM
الاسعار نار .. وغالبا مو كل السلع متوفرة ..

احيانا يفرق سعر السلعة من فرع الى اخر ..

ليش حماية المستهلك ما تنزل قائمة موحدة بالاسعار للسلع المتوفرة وتنتهي اللعبة كل من يسعر بكيفه !

هم طبقوا توحيد الاسعار على الخضراوات والفواكة ..
بس ليش ما يطبقون هالشي على جميع المواد ؟؟!!

سؤال يا ريت له اجابة ...؟؟!!!

متفائل وايد
16-09-2011, 02:05 AM
الميره اسعارها بالنسبه للولو وكارفور كبيره يعني فرق وايد بيطلع لك فرقيه 20 لا40 ريال اذا شريت ب500 ريال ...

أخوي عبدالله لو نسألهم سؤال ..؟
على سبيل المثال احنا نقول على سبيل المثال ..

الحين حليب النيدو او السيريلاك مال كارفور او مال اللولو تقليد
ومال الميرة اصلي ؟؟؟
من جذية صايرة اسعارهم غالية ؟؟

والمفروض الميرة هي اللي تكون اقل بـ40 ريال او حتى لو اكثر وين المشكلة ؟؟

(( اللهم لا تجعل الدنيــا اكبر همنــا ))

qtr qtr
16-09-2011, 07:02 AM
الميرة اسعارها مو اغلى من المجمعات الثانية..فيها بعض الاغراض ممكن تكون اغلى وفيها مواد اخرى ارخص.. وهذا هو الدليل
http://market.mbt.gov.qa/
اي صادق والدليل ارز تلدا 20 كيلو ينباع بالميره 282.75 وبالولو ينباع 238
انا مب منقهر من الفرق بينهم الـ 44 ريال لا انا منقهر من الــ 0.75 درهم بالفيت للحين في منافسه:omen2:

متفائل وايد
16-09-2011, 02:55 PM
الميرة اسعارها مو اغلى من المجمعات الثانية..فيها بعض الاغراض ممكن تكون اغلى وفيها مواد اخرى ارخص.. وهذا هو الدليل
http://market.mbt.gov.qa/

ليش اصلا فيها بعض المواد اغلى من غيرها موب هي شبه حوكية ...
اخوي الله يحفظك انا وجهة نظري المفروض تكون ارخص شركة هي الميرة
واذا مافيه دعم ، المفروض تتخذ سياسة افضل من كارفور واللولو
وبالتالي احنا بنفسنا كمستهلكين راح نتوجه لها
وفالاخير راح نستفيد احنا والمساهمين راحي يستفيدون بعد

راشد محمد
16-09-2011, 03:24 PM
ما تعجبي الميرة لاني ما احصل كل شي فيها

مبارك سعد
16-09-2011, 03:53 PM
الميره يجب أن تكون مدعومه من الدوله علشان تنافس المجمعات التجاريه ويجب أن تكون لها أمتيازات عده لمواجهة هذه المجمعات ومنافستها وتقديم أسعار جذابه للمستهلكييييييييين ... :nice:

OM_OMAR_QATAR
16-09-2011, 05:29 PM
الميرة لو فيها كل شي، لكن بالآخص خضرواتها دوم تلفانة ولي نشتريها تخرب بسرعة

متفائل وايد
16-09-2011, 06:31 PM
ما تعجبي الميرة لاني ما احصل كل شي فيها

اخوي راشد انت قلت انها ما تعجبك لان مافيها كل شي تبيه ...

وانأ اسأل ليش مافيها كل شي ايش السبب ؟؟!!
يمكن هالسؤال انت بعد تطرحة لأدارة الميرة
اكيد صح

سبحان الله نفس تفكيري :)

متفائل وايد
16-09-2011, 06:37 PM
الميره يجب أن تكون مدعومه من الدوله علشان تنافس المجمعات التجاريه ويجب أن تكون لها أمتيازات عده لمواجهة هذه المجمعات ومنافستها وتقديم أسعار جذابه للمستهلكييييييييين ... :nice:

أخوي مبارك ليش تنتظر الميرة الدعم ؟؟؟
موب شرط
لان الموزع اللي تاخذ منه اللولو وكارفور هو نفسه اللي تاخذ منه الميرة

بس الفرق ان اللولو وكارفور مافيهم جشع الربح الزايد
والاخوان فالميرة الله يصلحهم مادري شاللي ضاغط عليهم
على اساس ما اظن فيهم ظن السوء