الشيك اكتبه بأسم المحل التجاري ولا البائع ؟!!!!!

[بايع بايع]

احيانا ادخل محلات وافاصل الين اتفق معاهم على شي معين

ولما اجي اكتب الشيك اساله شسم المحل بالضبط

يقولي لا اكتبه باسمي

وهذا الي تكرر معاي كثير بالاونه الاخيره لدرجه ان البعض يرفض يستلم الشيك الا يكون باسمه

فهل هذا شي طبيعي ومعتاد

ولا السالفة فيها إن

لان ردودهم كانت غير مقنعه بالمره

فياليت تعطوني رايكم بالموضوع ؟!

[daekan]

لاتكتب الشيك الا باسم المحل حتى تضمن حقك وحق صاحب المحل

[عيون الدوحة]

اسم المحل طبعاً

[alwahesh]

عادي الشيخ ولا تحاتي واحسن الظن بهم

كل السالفه

ان الي يكلمك هو راعي المحل وهو المدير المسؤل

واذا كتبت الشيك بأسم المحل بروح في حساب الكفيل وتعال دوره

الشيك اذا انصرف يبين في كشف الحساب وتقدر توديه ورا الشمس اذا انكر

والافضل انك تدفع كاش وتاخذ وصل وتفك عمرك من القيل والقال

[eXpert*]

احيانا ادخل محلات وافاصل الين اتفق معاهم على شي معين

ولما اجي اكتب الشيك اساله شسم المحل بالضبط

يقولي لا اكتبه باسمي

وهذا الي تكرر معاي كثير بالاونه الاخيره لدرجه ان البعض يرفض يستلم الشيك الا يكون باسمه

فهل هذا شي طبيعي ومعتاد

ولا السالفة فيها إن

لان ردودهم كانت غير مقنعه بالمره

فياليت تعطوني رايكم بالموضوع ؟!

سؤالي لك : الوصل اللي بيعطيك إياه بأسمه ولا أسم المحل ؟:victory:


أتمنى وضحت الفكرة .

[king999]

عادي الشيخ ولا تحاتي واحسن الظن بهم

كل السالفه

ان الي يكلمك هو راعي المحل وهو المدير المسؤل

واذا كتبت الشيك بأسم المحل بروح في حساب الكفيل وتعال دوره

الشيك اذا انصرف يبين في كشف الحساب وتقدر توديه ورا الشمس اذا انكر

والافضل انك تدفع كاش وتاخذ وصل وتفك عمرك من القيل والقال

مع احترامي ل رايك انا اخالفك الراي يعني حتى لو راح في حساب الكفيل اخرتة يرجع له وهذا الصح لكن اسلمة شيك باسمة ويسافر وين تحصلة ومن تطالب لكن انا وياك في سالفة الكاش

[بايع بايع]

سؤالي لك : الوصل اللي بيعطيك إياه بأسمه ولا أسم المحل ؟:victory:


أتمنى وضحت الفكرة .

اخوي افهم من كلامك لما يعطيني الايصال الصادر باسم المحل واللي يعتبر مستند موثوق

اخليه يكتب فيه ان الشيك مدفوع لامر ( اسم البائع ) حتى اثبت استلامه الشيك باسمه لصالح المحل

[بايع بايع]

مع احترامي ل رايك انا اخالفك الراي يعني حتى لو راح في حساب الكفيل اخرتة يرجع له وهذا الصح لكن اسلمة شيك باسمة ويسافر وين تحصلة ومن تطالب لكن انا وياك في سالفة الكاش

الكاش صعب تشيله معاك

خصوصا انك ماتعرف متى راح تدفع او كم راح تدفع

واذا قلت برجع بعدين وادفع كاش

راح تطول السالفة لاني لازم اروح للبنك اذا ماكان المبلغ كبير

فالكاش حل مضمون لكن فيه ارهاق

[eXpert*]

اخوي افهم من كلامك لما يعطيني الايصال الصادر باسم المحل واللي يعتبر مستند موثوق

اخليه يكتب فيه ان الشيك مدفوع لامر ( اسم البائع ) حتى اثبت استلامه الشيك باسمه لصالح المحل

لا يالغالي ،،

اللي قصدته هو :
إذا كان الوصل اللي بيعطيك إياه عليه إسم المحل فالواجب تسجيل الشيك بأسم المحل .

وإذا كان الوصل بأسم البائع ذيك الساعة تكتب الشيك بأسمه .

أتمنى وضحت الفكرة .

[بايع بايع]

لا يالغالي ،،

اللي قصدته هو :
إذا كان الوصل اللي بيعطيك إياه عليه إسم المحل فالواجب تسجيل الشيك بأسم المحل .

وإذا كان الوصل بأسم البائع ذيك الساعة تكتب الشيك بأسمه .

أتمنى وضحت الفكرة .

تسلملي على التوضيح

ووضحت الفكره

[خبير صيانة]

باسم المحل طبعا البايع ممكن يتفنش الصبح وبعدين ندفع مره ثانية

[المهندس عبدالعزيز]

سؤالي لك : الوصل اللي بيعطيك إياه بأسمه ولا أسم المحل ؟:victory:


أتمنى وضحت الفكرة .

الوصل ممكن يروح لأي مكتبه ويعطونه وصل.

المفروض يكون في حساب المحل حتى يجري التحقيق عليه من قبل قسم الضرائب في وزارة المالية وفي حال كتب الشيك بأسم الشخص لا بأسم الشركة أو المؤسسة يعتبر هذا تهرباً من الضرائب من قبل ممثل الشركة ويكون الزبون مشارك في هذه التهمة ويتحمل التبعات القانونية لهذا الشيء.

[A.L.I]

اكيد بسم المحل وشطب على كلمت وحامله بخطين

[MAZEN37]

اولا الافضل لك هو تاخذ وصل وامورك سليمه
ثانيا الافضل له انه يكون باسمه علشان لو رجع يشتكي عليك واموره سهلات
اسرع له واوفر بالوقت وعوار الراس
لان
لو كتبته باسم المحل ورجع لازم يجيب كتاب من المحل والكفيل ووو ولو دفعت بالمركز لازم يجي الكفيل بنفسه يستلم ووو لفه طويله علشان التحصيل
من واقع خبره

[فويرط]

انا مرت عليي هذه الحالة ( مره وحدة بس )

راعي المحل قالي اكتب الشيك بأسمي ، وباعطيك وصل من المحل أن تم دفع هذا المبلغ
وخذيت صورة من بطاقة الشخصية وصورة من الشيك ، لأي ظرف طارىء لا سمح الله

من وجهة نظري الشخصية

انا لما ادفع كاش ولا اعطيه شيك بأسم صاحب المحل ، في النهاية بيعطيني وصل بإستلام المبلغ المطلوب بإسم المحل ، وهذا الوصل هو مستند للمحل نفسه أنه خذ المبلغ ، سواء كاش ولا شيك بأسمه ، اذا شرد راعي المحل ولا ما شرد مالي خص ، عندي إثبات من المحل بأنه تم إستلام المبلغ المطلوب