الموضوع اكبر من منع البالون يا إدارة المرور

[صدى الحق]

السلام عليكم ورحمة الله وبركاته

ما من شك بأن إدارة المرور متمثلة في سعادة مديرها تبذل كل جهدها في الحفاظ على ثروة هذا الوطن والمتمثلة في شبابنا الله يحفظهم من خلال سن القوانين والبحث عن السبل التي تساعد على التقليل من الحوادث .
وهذا أمر نشكرهم عليه ونقول لهم جزاكم الله خير ووفقكم لمثله وزود .

لكن ......

عند سن قانون بمنع استخدام نوع معين من الاطارات والتي يرى المسئولين سبب في كثرة الحوادث يجب ان لا يكون سن قانون وغرامة بل أكبر من ذلك .

أنا اليوم كمستخدم لهذي النوعية من الاطارات اشتريتها من السوق بمبلغ وقدره فمن حقي اللي حفظته لي دولتي بإستخدامه كون انه موجود ويباع في السوق ...

ولكن ان يطبق قرار ويطالبني بتغيير الاطارات بل وتطبق علي مخالفة لعدم تغييرها فهنا لنا وقفة ....

أنا مع القرار في حالة :-

1- منع التجار من استيراد الاطارات من تاريخ ويحدد .

2- يطبق القرار على المستخدمين بعد وضع العمر الافتراضي للإطار من تاريخ منع الاستيراد .

3- في حالة الزام إدارة المرور السائق بتغيير الاطارات فعليها تعويض صاحب السيارة بقيمة إطارات السيارات اللي تجي معاها من الوكالة .

الموضوع ليس اجتهاد في فترة فراغ يا سعادة المسئول بل كل هذي الاموال اللي صرفها الناس في شراء الاطارات قبل المنع تحاسب عليها أمام الله سبحانه وتعالى لأنك سلبت مني شيء من غير وجه حق .

نعم طبق المنع على التجار وبعد سنتين من تاريخ المنع طبق على المستخدم القانون .

ارجع واقول كلنا معاكم في الحفاظ على ارواح شبابنا وضد سلبنا حقوقنا واموالنا بهذي الطريقة .

والله من وراء القصد ...

بوسعد

[الـخـالـدي]

3- في حالة الزام إدارة المرور السائق بتغيير الاطارات فعليها تعويض صاحب السيارة بقيمة إطارات السيارات اللي تجي معاها من الوكالة .

الموضوع ليس اجتهاد في فترة فراغ يا سعادة المسئول بل كل هذي الاموال اللي صرفها الناس في شراء الاطارات قبل المنع تحاسب عليها أمام الله سبحانه وتعالى لأنك سلبت مني شيء من غير وجه حق .

اخوي انا ضد هذا القرار بس هم تكلمو من بداية السنه اعتقد وقالو لكم لين 15-9 ..

اعتقد هذا بيكون عذرهم بالاضافه ان مافي ولا قانون يغرم من يستخدمها

[Store]

جزاك الله خير اخوي

[ناقد]

لا
يمكن ان نقبل تاريخ : 15/09/2011

لانه سمح للتاجر ببيعه واستيراده حتى هذا التاريخ

[نوافـ]

الى هذي الدرجه البالون له محبين وناس تطالب وتستنكر اي قرار ضده >>> بديت اغار منه هههه

[ثاني]

الحين صج امنعو البالون ويعطون مخالفه عليه ؟

[بيانو]

يالربع

ممكن تعرفة أخوكم بيانو ماهو الخطر الذى تشكله تواير البالون على من يستخدمها ؟

والله أكلم جد

أبى اعرف ماهو الخطر فى تركيبها على السياره

يمكن عندهم حق

[بوراشد82]

يقولك انه مش متماسك خصوصا عند التوقف المفاجئ والانحراف المفاجئ وينحل بسرعة وعلى قولهم ينفجر ماعن ماخبر البالون ينفجر الا المياجر هي الي تنفجر .. طبعا في المطر انواع التزحلق .. واذا الشارع حار مايمسك ..

حسنته ان شكله حلو وريف للمطبات والحصى والبر والرملة

انا عن نفسي من شهور مركب ميشلان .. خفاف وريفين ومالهم حس في الشارع عكس التواير الاخرى ومالهم حل صراحة

[بـوصـالـح]

الموضوع ليس اجتهاد في فترة فراغ يا سعادة المسئول بل كل هذي الاموال اللي صرفها الناس في شراء الاطارات قبل المنع تحاسب عليها أمام الله سبحانه وتعالى لأنك سلبت مني شيء من غير وجه حق .


ولكن ادارة المرور اعلنت من اول السنه ان شهر 9 راح يكون تاريخ منع استخدام تواير البالون فالجرايد الرسميه

يعني ... كفووو و وفووو

[تمون]

ولكن ادارة المرور اعلنت من اول السنه ان شهر 9 راح يكون تاريخ منع استخدام تواير البالون فالجرايد الرسميه

يعني ... كفووو و وفووو

الصراحه انا ماشفت القرار هذا واول مره اسمع ان فيه قرار ممكن اخوي صوره من القرار

شباب انا كتبت كذا موضوع عن البالون وبحثت في المنتديات ولا شفت هالقرار وبعدين من كم يوم فاحص سيارتي في الفحص الفني ماقالوا لي ممنوع :omen2:

[سوبر]

قرار صائب كثرة الحوادث من سبة هالتواير

[Thamer_Qat]

ياخي تدرون انه ممنوع طيب ليش اشتريه واركبه؟ انت تعاند من؟
انا من محبين البالون من اكثر من 20 سنه وكنت كل 6 شهور ابدلهم ومواتري ترقل منها والميزانية والثبات الله بالخير
وبصراحه زهقت من البنشر وضرب الجيك في القوايل او في انصاص الليالي وعلى الخطوط وفي وسط البران

وبحكم مروري بطريج بوسمره بشكل يومي دايما اشوف كروزرات او نياسين صافطين يضربون جيك وكلهم مركبين بوالين

ياخي خله يوللي وسلامتك وغلاتك عند اهلك اغلى من هالتواير المميته

[صدى الحق]

الاخوة الافاضل شكراً لمشاركتكم ...

الاخ بوصالح :-

سؤالي لك اذا صحيح ان المرور سمح للتجار البيع حتى تاريخ 15/9 من هي الشريحة اللي راح يبيعون عليها التجار هذي التواير خلال الامدة المسموحة ؟

والسؤال الثاني على افتراض ان قرارهم صحيح في ان آخر تاريخ لمنع استخدام الاطارات بعد شهر سبتمبر تقدر تقول لي كم عمر استخدام هذي الاطارات وهل الناس جايتهم مجان حتى يغيرونها بهذي الطريقة من غير مقابل او بديل ؟

أعتقد ردك يحتاج الى تريث بارك الله فيك وعدم الدفاع لمجرد تبرير قرارات المرور اللي حتى اليوم عاجز عن تطبيق عقوبات رادعة للحد من السرعة .

اقصى شي يستخدمونه ضد اللي يسرع اهو حجز السيارة وفي الغالب تدخل الواسطات بعد فترة ويتم اطلاق سراح السيارة المجرمة
في حين ان السائق المستهتر اللي من المفروض يوقف عقاباً له غليبة .

والامر الثاني مرورنا الكريم يطبق عقوبات كثيرة على السيارات وتزويداتها في حين ان الدول المتقدمة تسمح .

للعلم هذي حجة الضعيف في اثبات انهم شغالين .

اتمنى يكون هناك تغيير شامل في العقوبات بما يضمن الامتناع الفعلي عن القيادة بسرعات عالية .

لأني لما اعرف ان عقوبة السرعة العالية اهي السجن والغرامة اعتقد بافكر الف مرة قبل ان اتعرض للسجن .

بوسعد

[R 7 A L]

اتمنى ان تستبدل إدارة المرور المخالفة للي مركبين بوالين الى حجز سياراتهم
لين يجيبون التواير البديلة للبوالين بعدين يسمحون لهم ويطلعونها من الحجز

[صدى الحق]

اتفق معاك !!!

بس في حالة وحدة...

لما تكون إدارة المرور هي اللي دفعت قيمة البوالين وركبتها لهم فقط .

غير هذا دين في رقبتهم إلين يرجعون لهم قيمتها أو يعوضونهم بتواير المصنع لكل سيارة .

غيره ماهي حلال عليهم .

[boamir]

اتمنى ان تستبدل إدارة المرور المخالفة للي مركبين بوالين الى حجز سياراتهم
لين يجيبون التواير البديلة للبوالين بعدين يسمحون لهم ويطلعونها من الحجز

الله يهدييكم بس
حجز مره وحده على تااير
مادري لين وين تبون توصلون مع المرور
ماخليتوا شي حق العالم

وبالنسبه للقرار إلي فهمته واستنتجته
إنهم منعوا إستيراد البالون
يعني إلي في المحلات كميه محدود ولما تخلص ماتحصل في قطر مكان عشان تشتري منه بالون
وحاليا إلي تايره ناحل يخالفونه اما إلي جديد عادي مايقولون له شي
يعني على نهاية 2011 مافي ولا تاير بالون في قطر هاي إلي يبونه

والله يعيينا على الموسم الجاي بالعديد المواتر بتتكسر لين ماتقول بس
+ إلي مايعرفون يسوقون عدل بينتكبون مع الميجر