اعمال ديكور ( مجلس ) قبل وبعد

[شموخ دائم]

,

,



مرحبا

السلام عليكم ورحمه الله

حتى تعم الفائده على الجميع انقل لكم بالصور اعمال ديكور وترميم

وتجارب حقيقيه وراح تكون سلسله مساهمات ان شاء الله

( قبل وبعد )

موضوع اليوم مجلس قديم عمره اكثر من 15 سنه وحبينا نعمل له صيانه وديكور
وتوسعه ايضا راح نضم البرنده مع المجلس حتى نكسب سعه وبنفس الوقت
نستفيد من الاطلاله للخارج كانت محجوبه عن المجلس

( مجلس خارجي )

نريد اعاده الحياه فيه بديكور عصري يتناسب مع 2011

نتوكل على الله

http://www10.0zz0.com/2011/09/15/16/780945750.jpg

هذا المجلس تقليدي بقطر وواضح انه قديم من خلال الرسمه الي على الحائط
:)

راح نهدم الحائط و الشبابيك و نوسع المجلس خلفهم برنده واطلاله حلوه على البحر بنضمها للمجلس

http://www10.0zz0.com/2011/09/15/16/523624257.jpg

من الناحيه الثانيه مدخل المجلس وبدينا نكسر البلاط الشعبي القديم

http://www10.0zz0.com/2011/09/15/16/949441977.jpg

هدمنا الحائط والشبابيك والجبس وطلعت لنا اول مشكله وهي العامود الي طالع
ممكن نتركه ونعمل عليه جبس او خشب او زجاج ومرايات الحلول كثيره وممكن نزيله نهائيا
ونعمل بيم حديد بالسقف تدعيم ولكن فضلنا نتركه مكانه لاهميته وما نبي نخاطر لان المبنى قديم

http://www10.0zz0.com/2011/09/15/16/681391798.jpg

هذا المنظر اصبح من داخل المجلس وهذا الهدف من التكسير وبنعمله زجاج شباك كبير

خطه العمل

http://www10.0zz0.com/2011/09/15/16/598655271.jpg

هذا الديكور الي حبينا نعمله طبعا مصمم ديكور وضع التصميم

رخام
كريم مارفيل بيج \ امبرادور بني \ اليكانتا اورانج
3 الوان على شكل خطوط في الارض وبوردرات
تكلفه الرخام مع التركيب والبوليش 25 الف

خشب
خشب عادي على شكل فريمات مصبوغ بني وذهبي لكامل المجلس مع الابواب
التكلفه 18 الف

زجاج ومرايا
3 الاف ريال

جبس وصبغ
12 الف ريال

اضاءه
سبوت لايت صغير وحجم كبير و 3 ثريات التكلفه 10 الاف ريال تقريبا

الاثاث

فرساي التكلفه 40 الف تقريبا مع طاولات وستائر

http://www10.0zz0.com/2011/09/15/16/713702082.jpg

البدايه بالجبس وثم الرخام وهنا واضح شكل الارضيه وعمل حك و تسويه الرخام

http://www10.0zz0.com/2011/09/15/16/775125154.jpg

بوسط المجلس راح نعمل شغل خشب وزجاج بين العمودين نفس شكل الباب

http://www10.0zz0.com/2011/09/15/16/317915669.jpg

تركيب الخشب على ارتفاع 30 سم فوق نعلات الرخام حتى يكون اطار لكامل المجلس
ومافي مشكله يشتغلون فوق الرخام لان الرخام راح نعمل له تنظيف وبوليش اخر شي بالمكينه

http://www10.0zz0.com/2011/09/15/16/968080024.jpg

شغل الخشب على الحوائط وواضح مكان الزجاج فاضي ممكن نحط مرايا وممكن زجاج ملون
وممكن رسمات امامنا خيارات كثيره

http://www10.0zz0.com/2011/09/15/16/930591357.jpg


هذا النتيجه بعد التنفيذ وما زال العمل جاري وواضح الخشب ومكان التلفزيون
وصلنا تقريبا 75 % قريب من تصميم الديكور عملنا تغييرات بسيطه
ما التزمت بشكل الجبس وبعض النواحي الجماليه


قبل

http://www10.0zz0.com/2011/09/15/16/523624257.jpg

بعد

http://www10.0zz0.com/2011/09/15/16/306834634.jpg

العمل مجهود شخصي بدون شركه محدده للتنفيذ تنسيق بين عمال الرخام
والمنجره ومحلات الديكور والاثاث والاضاءه

موعدنا القادم باذن الله

( موضوع عن الرخام )


,


,



اخوكم



شموخ دائم

[المنسى]

مجهود تشكر عليه ويعطيك العافيه وعندى استفسار عن الشغل فيه مجال تشتغلون لى مجلس

[بوجاسم 75]

ماشاءالله لاقوة الابالله شي حلو الصراحه


الله يسعدكم ان شاءالله

[Rosy]

مشاللله تبارك الرحمن حسبته عن طريق مصمم وكنت بقولك منووو :(
مشالله يعطيك العافيه

[رشدان]

الله يبارك لكم فيه
الكراسي مفصلها وله جاهزه وكم كلف الكرسي ومحل اللي خذتوه منه

[MeMe MoOoON]

ماشاءالله عليك
بس شي حلو ان سويت اللي انت تبغيه وديكور خاص فيك
شي حلو والله واحلى شي لين تخلص من التنفيذ بالكامل تحس بانجاز

[صوت الضمير]

ماشاء الله روعه

لو عندك ارقام للي سو لك الخشب عطني

[لاجل QT]

واااااااااو شي خيالي الشغل روعة

ماشالله

[ام رويشد]

ماشاء الله يعطيك العافية شغل مرتب والله
والاروع الاطلاله :)

[فتى الجود]

السلام عليكم


ياسـلام



مشاء الله ولاقوة الا بالله

بارك الله في مالك وحلالك

وان شاء الله تهنون فيه وتتجتمعون على خيير فيه

[فزعـــــ قطر ـــــة]

http://smiles.al-wed.com/smiles/13/11569_074uq.gif
ماشاء الله تبارك الله صراحه ذووق جعله منزل مبارك ..تصميم ولا اروع
من اي منجرة اخوي والجبس من وين ؟
http://smiles.al-wed.com/smiles/13/11569_074uq.gif

[شرقاويه]

اخوي ممكن رقم الي سوو لك الخشب والله يهنيك فيه يارب

[ظبيــღــه]

ماشااءالله :nice:
تبارك الرحمن
عسااكم عالقوه
.
.
وبانتظار النتيجه النهاائيه:victory:

[بلاميعاد]

ممكن رقم المنجرة واخوي استفسار بخصوص الرخام وسعر المتر ومن اي محل لان سعرك روعه بالنسبه للاسعار المطروحه بالسوق وانت مشتغل واتر جيد وانا عطوني المتر ب 3000ريال واذاماعليك امر بعد ابي المهندس الشاطر الي عامل لك التصميم

[Miss Merna]

ماشالله عليك دائماً مميز وراقي

[بروق QTR]

اخوي شموخ الله يعطيك العافية وتميز رائع
بغيت رقم اللي سوالك الخشب وصبغه ذهبي....وياليت انعرف وين فصلت الكراسي

ولك جزيل الشكر

[سهم سهم]

دوم مبدع اخوي شموخ دائم

شي حلو والله وفن وذوق

[qtr-1st]

أخوى مجلس مبارك بإذن الله بالنسبه للرخام ممكن أعرف الشركة إلى ركبته وكم مساحة المجلس

[barod]

ما شاء الله الله يهنيكم بالمجلس وفعلا فرق بين القديم والجديد وبالنسبه لمحل فرساي للكراسي انا مجربه وشغله نظيف بس لازم طلبيه مده لتفصيل الكراسي واختيار الالوان وهو بطريق سلوى صناعه مصريه بس نظيف

[خليفـة]

بارك الله فيك اخوي شموخ دائم على هالمشاركة المفيدة
وربي يوفقك ان شاء الله

خليفــة

[captin]

تصميم من مصمم فنان وشغل راقي ونظيف
بإشراف شموخ دائم

وبحكم أني متابع وشايف الموقع على الطبيعة مع اخوي الغالي
شموخ دائم بحكم تواجدنا مع بعض
أوكد لكم على الطبيعة أحلى وأحلى

الله يهني راعي المجلس بمجلسه ويجعله مجلسن عامر بالخير
والصحبة الطيبة

[رمح الضعاين]

مجلس مبارك انشالله ... وبغيت رقم الي عمل الخشب والديكور

[شموخ دائم]

,

,


مرحبا


المنسي

اهلا وسهلا فيك

اخوي الكريم شكرا على تواجدك وتواصلك
انا نزلت الموضوع للفائده من حيث الشكل والاسعار والمعلومات
مسئله التنفيذ انا اشتغلت لوحدي بالمجلس وما جربت اعمل الشغل لحد ثاني
بصراحه ومافكرت للاسف
:)


,

,


اخوك



شموخ دائم

[شموخ دائم]

,

,


مرحبا


بوجاسم

rosy

اهلا وسهلا فيكم

شكرا على التواجد سعيد بتواصلكم

منورين والله



,

,


اخوك



شموخ دائم

[شموخ دائم]

,

,


مرحبا


رشدان

اهلا وسهلا فيك

الكراسي من شركه

فرساي

شارع سلوى الكراسي هذي صناعه مصريه والقماش امريكي
وتختار اللون والقماش هنا بمحلهم من الكتالوجات ويوجد كراسي
جاهزه عندهم معروضه تختار القماش منهم لو حبيت

ولانه مجلس رجالي ركزنا على الكراسي المفرد اكثر شي
تقريبا يطلع الكرسي الواحد المفرد 1100 ريال
30 كرسي يطلع السعر 33 الف تقريبا

وعندهم عروض على الاطقم وسعرهم ممتاز على الاطقم
وشغلهم ممتاز جدا جدا وعليه ضمان

الكراسي هذي انتظرتهم شهرين لين فصلوهم وجابوهم المجلس
وهذا ثالث تعامل معاهم سبق وتعاملت معاهم من قبل


:)


,

,


اخوك



شموخ دائم

[شموخ دائم]

,

,


مرحبا


MeMe MoOoON

اهلا وسهلا فيك منوره

سعيد بتواصلك

ابداع

بالنسبه للمنجره للاسف ما بتفيدك لان المجلس هذا في مدينه الخور
وتعاملت مع منجره بالخور لان مناجر الدوحه ما تجي الخور لمجلس واحد
لذلك انصحكم بمنجره من الدوحه بيكون ارخص لكم
وانصحكم في مصنع الشرق شغله راقي وعنده انواع خشب رهيبه
:)
لو المجلس هذا بالدوحه كان قدرت اطلعه احلى باذن الله لتوافر الخيارات




,

,


اخوك



شموخ دائم

[شموخ دائم]

,

,

مرحبا


qt لاجل

اهلا وسهلا

سعيد بتواصلك كلك ذوق


ام رويشد

شكرا لك وكلك ذوق والله

البحر دوم يسعد النظر

,

,



اخوكم


شموخ دائم

[شموخ دائم]

,

,

فتى الجود

تسلم والله والله يسعد اوقاتك يارب

شكرا لك

دمت بطيب


فزعـــــ قطر ـــــة

الجبس والخشب من محلات مدينه الخور
لانهم الاقرب للمجلس وللاسف المحلات الكبيره بالدوحه ما تجي الخور لمكان واحد
انصحك تشوف الاقرب لك


,

,



اخوكم


شموخ دائم

[شموخ دائم]

,

,

شرقاويه

انصحك للخشب في منجره مصنع الشرق
شغله احلى والتنوع الي عنده اكثر وارقى من الي انا سويته
دمت بطيب


ظبية

اهلا وسهلا

سعيد بتواصلك

دمت بطيب

,

,



اخوكم


شموخ دائم

[شموخ دائم]

,

,

بلا ميعاد

اهلا وسهلا فيك

بالنسبه للرخام اخوي الكريم
هذا شغل عادي جدا وبدون واتر جت الي سويناه هو تقطيع الرخام
بمقاس 15 سم واللون الثاني 30 سم واللون الي بعده 15 سم وحطيناه بسهوله جنب بعض

وطلع بهذا الشكل عباره عن خطوط سعره عادي 300 ريال للمتر

وسهل اي عامل يقدر يركبه مافيه شي معقد ومنظر حلو ان شاء الله



Miss Merna

اهلا وسهلا

كلك ذوق والله

سعيد بتواجدك

دمت بطيب

,

,



اخوكم


شموخ دائم

[شموخ دائم]

,

,

بروق qtr

اهلا وسهلا فيك

الكراسي في فرساي شارع سلوى الكرسي الواحد المفرد 1100 ريال

بالنسبه للمنجره بمدينه الخور وانصحك في منجره مصنع شرق بالصناعيه
راح تلاقي شغلات احلى والصبغ الذهبي اسمه ( بودر جولد ) خاص للخشب
العلبه سعرها 85 ريال
:)


سهم سهم

اهلا وسهلا

كلك ذوق والله

سعيد بتواجدك يا غالي

دمت بطيب

,

,



اخوكم


شموخ دائم

[شموخ دائم]

,

,

qtr-1st

اهلا وسهلا فيك

بالنسبه للرخام اخوي الكريم

المساحه 6 × 13 = 85 متر
انا اشتريت 90 متر ومافي شركه معينه انا اشرفت عليه بنفسي
وموفق يارب


barod


مراحب يا غالي
كلامك صحيح ويدل على خبره
:)
اتفق معاك بكل الي ذكرته انا انتظرت شهرين لين استلمت شغلي
وفي هذه الاثناء اشتغلنا بالمجلس خلصنا من هنا وصلت الكراسي من هنا
دمت بطيب

,

,



اخوكم


شموخ دائم

[راشد محمد]

رووووووووووووووووعة ..موفق

[شموخ دائم]

,

,

خليفه

اهلا وسهلا فيك منور والله
يسعدني تواجدك حيالله الغالي وما نستغني عن خبرتكم
دمت بطيب


هزه الفنجال


مراحب يا غالي
سعيد بتواصلك وبالنسبه للمنجره انصحك بالمنجره الي قريبه منك
وانصحك بمصنع الشرق
دمت بطيب

,

,



اخوكم


شموخ دائم

[شموخ دائم]

,

,

captin

اخوي الغالي والصديق العزيز والقريب من القلب
منور يا غالي وتسلم على التواجد هنا وبالمجلس المكان مكانك
:)
ما ننحرم من ملاحضاتك وتوجيهاتك
دمت بطيب

منور

,

,



اخوكم


شموخ دائم

[ZURICH]

فن .. ذوق

تسلم / شموخ

[بودحوم]

ماشاء الله

شغل ترتوب صح

اعجبتني الأطلالة على البحر . روووعة

عساه مجلس عامر بأهله وضيفانه إن شاء الله

[ضوى]

ماشاء الله ولا قوة الا بالله



الله يبارك لكم في مقعدكم يارب ويكون مقعد خير وصلاح يااارب


بس سؤال اخوي شموخ ليش ماخليت الزجاج عالواجهه حتى تستمتعون بمنظر البحر والسما ؟؟؟

[غروب الشمس]

الخشب اللي بالطوفه من اي محل

[همسـات]

ماشاء الله رائع وذوق راقي
الله يهنيك اخوي
والله يجعله مجلس عامر بالإيمان
اعجبني التنسيق ماشاء الله تبارك الله

بس انا عاد بصير طماعة :)
ممكن صور التصميم من أكثر من جهة ؟
ويفضل بعد صورة المجلس
>>>>> ناوية تبوووق التصميم

[قطري قديم]

بالتوفيق يا اخوي شموخ والي الامام دائما تقبل تحياتي

[بن غيث]

شي مرتب وحلو
وموضوعك احلى

[بوحارب]

الله يجعله مجلس عامر على اهله بالأمن والأيمان

تقرير روعه اخوي شموخ

وشغل محترم جدا جدا

عندي ملاحظة ما تلاحظ ان التكلفة مرتفعه شوي وخاصة الرخام !

[الكحيلة]

وااو صراحه
حبييت الديكووور واجد حلوو عجبني

ماشاءالله

[النهار]

ماشاء الله يعطيك العافية شغل مرتب

[لاموشي]

ابدعت ياشموخ ولوتكرمت من سوا لك التصميم وياريت رقمه ع الخاص

[محمMد]

ماشاءالله عليك .. و مجلس مبارك

[um-bader]

لو سمحت انت ذكرت ان مصمم سوالك تصميم المجلس ممكن اسمه ورقمه عالخاص؟

[بوفهد 5555]

ما شاالله ابداع وذوق اخوي شموخ الصراحة استفدت منك ومنجرة الشرق مثل ما قلت ممتازة انا اتعامل معهم من خمس سنين ممتازين وخاصة محمد المصري

[أبو البنات]

تبارك الله

عيني عليك بارده

عساه مجلس عامر بذكر الله

[alkaady]

تبارك الرحمن رووووووووعه شوي في حقك
الله يهنيك فيه

[شموخ دائم]

,


,


مرحبا


حوران

بودحوم

راشد محمد




منورين والله اهلا وسهلا

الله يعطيكم العافيه سعيد بتواجدكم

دمتم بطيب

,


,



اخوك


شموخ دائم

[شموخ دائم]

,


,


مرحبا


ضوى



الله يسعد اوقاتك يارب يالخير والمسرات

كان في برنده وضمينها للمجلس وعملنا شباك كبير والحين المنظر
باين من داخل المجلس وحنا جالسين صار هذا الشباك في الواجهه ناحيه اليمن


همسات



يعني انا متعمد مابي احط كل التصميم لازم تفضحينا يعني وتاخذينه بالقوه
:)

الي يسرق الله يعاقبه
:)

تشترين التصميم ؟؟

ههههه

دمتم بطيب

,


,



اخوك


شموخ دائم

[شموخ دائم]

,


,


مرحبا


alkaady

ابو البنات

الكحيله



الله يسعد اوقاتك يارب يالخير والمسرات
منورين
دمتم بطيب

,


,



اخوك


شموخ دائم

[شموخ دائم]

,


,


مرحبا


um-bader
بوفهد 5555


الله يسعد اوقاتك يارب يالخير والمسرات
منورين

ام بدر
ان شاء الله اذا وصل المهندس بالسلامه ادز رقمه مسافر الان

دمتم بطيب

,


,



اخوك


شموخ دائم

[شموخ دائم]

,


,


مرحبا


محمmد

النهار

لاموشي





الله يسعد اوقاتكم يارب يالخير والمسرات
منورين

لاموشي

ان شاء الله اذا وصل المهندس بالاسلامه ادز رقمه مسافر الان

دمتم بطيب

,


,



اخوك


شموخ دائم

[شموخ دائم]

,


,


مرحبا




بوحارب



منور يا غالي

سؤال ممتاز

لو حسبنا المساحه للمجلس تطلع 85 متر وانا اشتريت 90 متر وسعر المتر مع التركيب
300 ريال

90× 300 = 27 الف ومع الخصم 24 الف

اعتقد السعر هذا مناسب من حيث جوده الرخام كريم مارفيل وجوده التركيب
وعمل حك وتلميع بولش للرخام اعتقد مناسب مو غالي وبنفس الوقت مو رخيص


دمتم بطيب

,


,



اخوك


شموخ دائم

[شموخ دائم]

,


,


مرحبا




بن غيث

قطري قديم

غروب




يا هلا وغلا والله منورين الموضوع
يسعد اوقاتك
دمتم بطيب

,


,



اخوك


شموخ دائم

[هنووف]

ما شاء الله الشغل يهبل

ممكن رقمك ؟؟

[basma222]

ماشاء الله
عساه مجلس عامر بأهله

[Almossafer]

هلا اخوي

ممكن رقم المنجره

يعطيك العافيه

[قطري33]

ماشاء الله تبارك الله تصميم وشغل رائع .. الله يجعله مجلس عامر دائما بأهله
شرايك تفتح محل في الخور وانا افتح فرع في الدوحة وانا علي بشغل الدوحة وانت عليك بشغل الخور والنص بالنص

[حمد بن سعد]

ماشاء الله تبارك الله حلو المجلس الله يبارك لك فيه

ويعطيكم خيره ويكفيكم شره هههههه

[HiTec]

ماشاء الله اخوي تبارك الرحمن رائع
بغيت اسألك المجلس لك، والا الشغل شغلك .. مافهمت

الله يسعدك

[jassim_9]

ما شالله اخوي يعطيك العافيه شغل متعوب عليه

[*قطرية*]

ممكن رقم اللي سوا الخشب

[khaldoon]

تقرير رائع و تصميم اروع اخوي العزيز شموخ دائم

احييك

[همسـات]

,


,

همسات



يعني انا متعمد مابي احط كل التصميم لازم تفضحينا يعني وتاخذينه بالقوه
:)

الي يسرق الله يعاقبه
:)

تشترين التصميم ؟؟

ههههه

دمتم بطيب

,


,



اخوك


شموخ دائم

:rolleyes2:
كلش الا القوة ظنيت والله انه عادي تحطه
عموما الله يبارك لك فيه أخوي
مره ذوق

[دهــن العود]

ماشاء الله .. مجلس مبارك

[بن مشهور]

بالتوفيق

[مهره]

شموخ دائم وبالفعل دائم متميز الله يعطيك الف الف عافية بس اذا امكن المنجرة عنوانها لاني بالفعل محتاجة منجرة تبرد القلب

[al3needa211]

حلوووو ماشاء الله

[سيف مهند]

ما شاء الله
الله يعطيك العافيه
شي روعة بلفعل ومتعوب عليه
بتوفيق يارب

[الدبلوماسي]

السلام عليكم اخوي شموخ اهنيك عالشغل الذوق صراحه شي خيالى وماشاء الله وجعله مجلس مبارك
وتهنا به ان شاء الله لكن اذا فى مجال اخذ رقمك عالخاص حبيت استفسر منك عن كم شغله
ويعطيك العافيه اخوي شموخ

[الصغيره]

ماشاء الله

ممكن المنجره اللي نفذت لك

[بوعبدالعزيز1]

ياخي انت مبدع

[Dana’1]

مشاءلله تبارك الله..شغل حلو ومرتب وضبطت نفس الصورة
تتهنون بالمجلس والبيت كلة وجعلة عامر بأهلة وبذكر الله يارب آمين

[بوحسن2009]

مشكور اخوى وجهد طيب والله يوفقك . وننتضر المزيد منك . تحياتى لك

[بو الجوري]

ما شاء الله عليك أخوي :.. و الله يباركله في مجلسه :.. و عامر إن شاء الله :..


عسااااك عالقوه :..

[أم شيوخ]

اخوي ماراويتنا الصوره النهائيه بعد كل التعديل والتغيير

[شموخ دائم]

,

,


مرحبا

احب اشكر جميع الاخوان والاخوات الي تابعوا الموضوع
وعذرا على التاخير بالرد عليهم بدون ذكر اسمائهم فرد فرد
لكم جميعا الاحترام والتقدير

عندي صورتين للمجلس

http://www2.0zz0.com/2011/10/12/09/349280329.jpg

والصوره الثانيه

http://www2.0zz0.com/2011/10/12/09/283486628.jpg


لكل من يسئل عن المنجره

هذه المنجره في مدينه الخور اسمها شركه m&j
شركه بن عربيد


ملاحظه

الخاص عندي انمسح بالغلط
ياريت الي كان يستفسر عن شي في مجال البناء يرسل من جديد
مع الاعتذار

,

,



اخوك


شموخ دائم

[مستر قطر]

ماشأ الله الله يبارك لك فيه ويجعله مجلس مبارك

[strong woman]

ما شاء الله الله يبارك لك في شغلك...ممتاز صراحه

[غرِيبهـ]

ماشاء الله تبارك الله تصميم حلو اخوي

بسالك على كذا ماراح تحتاج سجاد في المجلس ؟

وممكن تصور جهة البحر الله يهنيكم بالاطلالة الحلوة

[مشتاقة لقطر]

الله يهنيكم ويا عله منزل مبارك عامر باهله وبذكر الله

[Miss]

ماشاء الله تبارك الرحمن ..
عساه مجلس مبارك يا رب ..
بالتوفيق

[alme3mary]

الشغل ولا أروع ماشاء الله ... بالتوفيق وان شاء الله يكون عامر بذكر الله تعالى

[الجناح الذهبي]

ما شاء الله تبارك الله ولاحول ولا قوة إلا بالله، يعمر دايما بالذكر والطاعة والبعد عن الغيبة.
أخوي ممكن رقم المصمم، وبكم عملك التصميم ؟
وبالتوفيق

[wj3]

بتوفيق ممكن رقم المصمم وكم صمم لك ومن وين شريت الرخام

[QAT2020]

ماشاء الله شغل ممتاز وتصميم رائع ..
كل الشكر لك اخي شموخ دائم وبعد اذنك ممكن ترسل لي رقم المصمم ..

ولك جزيل الشكر ..

[QTR-SOUL]

روعه ماشاء الله الله يتمم عليهم
بغيت اسال عن البوليش
انا ابي اتعامل معاهم

[QTR-SOUL]

بوليش الرخام

[qatar.syria]

ما شاء الله عليك وتبارك الله وزادك من عطاءه، والله اننا لنسر برؤية ناس مبدعين وخلاقين من امثالك

[بوحارب]

ما شاء الله تبارك الله والله المجلس رووووووعة اخوي شموخ والتصميم ذوووووق


موفق خير اخوي :)

[المنصوري62]

ماشاء الله تبارك الله ... جعله عامر بذكر الله

[زهرة المدائن]

ممكن رقم الشركة

[مصمم ديكور]

جميل ما شاء الله