أرحموا طلابنا يالمجلس الأعلى للتعليم

[Rider]

طبعا انا مب متكلم عن التعليم في المدارس المستقلة لكن موضوعي عن دوام المدارس المستقلة وخص المدارس الابتدائية ليش الدوام حتى الساعه 1 وربع ياجماعه ترى الطلاب يتأخرون عن بيوتهم بسبب الدوام وخص لي يروحون ويجون في الباصات مب الكل يقدر يوفر سيارة حتى ابنائه تجيبهم وتوديهم والله حدثني احد الاخوة انه بنته تدخل البيت الساعه 3 الا ربع معقولة يعقد هالباص يلف في الشوارع يعني هالطالب المسكين متى يتغداء متى يحل واجباته متى يدرس يجي من المدرسة تعبانه يعني مب معقولة الاب والام اذا يشتغلون يوصلون البيت قبل الابناء حتى العساكر يوصلون قبل الطلاب كيف تبغون الطالب ينجح ويتفوق وهذا حال الدوام ترى مافيها شي اذا تم تقليل الدوام على الاقل 12 او 12 ونص يطلعون اتمنى صوتي يصل حق المجلس الأعلى الدول المتقدمة تختصر المسافات وانتو يالمجلس الاعلى طولونها

[ظبيــღــه]

وعليه ..ثلاث الا ربع ..وش بقى من اليوم :(
لو يعتمدون باصات الكروه الصغار لكل منطقه.. بدل الكبار لكذا منطقه:rolleyes2: ..يتروالي احسن وأمن واسرع

[شيزكيك]

صاج اخوي على الاقل حق الصفوف الاول والثاني مساكين الساعه وحده يطلعونهم وبنتي منهم لين ياخدونها من المدرسه

ويمرون على اخوها وتوصل البيت الا خلاص ما فيها شدة ترقد حتى من غير ما تتغدى من التعب

[Rider]

اتمنى التفاعل مع الموضوع حتى يصل صوتنا الي المسؤولين في المجلس الأعلى يعني صار همنا الزيادات وأعيالنا مب مهمين

[MAZEN37]

كلامك صحيح والبديل
يسوون يوم السبت دوام والدوام لين 12 مثل ايام اول
الله يرحم ايام اول كانت بركه

[رجل مثالي]

طبعا انا مب متكلم عن التعليم في المدارس المستقلة لكن موضوعي عن دوام المدارس المستقلة وخص المدارس الابتدائية ليش الدوام حتى الساعه 1 وربع ياجماعه ترى الطلاب يتأخرون عن بيوتهم بسبب الدوام وخص لي يروحون ويجون في الباصات مب الكل يقدر يوفر سيارة حتى ابنائه تجيبهم وتوديهم والله حدثني احد الاخوة انه بنته تدخل البيت الساعه 3 الا ربع معقولة يعقد هالباص يلف في الشوارع يعني هالطالب المسكين متى يتغداء متى يحل واجباته متى يدرس يجي من المدرسة تعبانه يعني مب معقولة الاب والام اذا يشتغلون يوصلون البيت قبل الابناء حتى العساكر يوصلون قبل الطلاب كيف تبغون الطالب ينجح ويتفوق وهذا حال الدوام ترى مافيها شي اذا تم تقليل الدوام على الاقل 12 او 12 ونص يطلعون اتمنى صوتي يصل حق المجلس الأعلى الدول المتقدمة تختصر المسافات


تعليق - الكلام المذكور صحيح الجميع له انطباع نفس الشىء في تأخير

عيالنا في القدوم الى البيت بالظهر ووقت الغدا يكون قد فاتهم

يجب النظر في توقيت وقت الانصراف

وعندي ملاحظة يجب تقديم المواد التي يحبها الطالب في الحصص

الاولى خلال اليوم الدراسي وبعد الفرصة والاكل والراحة

نعطيهم المواد الدسمة مثل الكيمياء والفيزياء وغيرها حتى يستوعب

الطالب اكثر بعد الاكل والراحة

[سحايب الروح]

لاااااااااااااااحياة لمن تنادي ... هذا موالنا كل سنه ولاشفنا حل :)

[qatara]

لو كان الدوام الساعه 9 لقلنا معقوله

لاكن بعضهم تاتيهم الباصات 5 ولا 5نص صباحا

بصراحه شي ممل

الواجب اقصى شي للطلاب ان يتم صرفهم 12 ونصف مثلا
ليتم وصولهم لبيوتهم على 1 و 1ونص

فالكبار يتعبون بدوام الي 1 و2 تلوع جبودهم
مته يصل لبيته 3 العصر
الطفل تلوع جبده ويكره حتى الدراسه
يعني مته يصل البيت 2 ونصف او ثلاث الا ربع

ياريت يتم الاتفات لذالك الامر

[إنّ]

السلام عليكم ..

بالفعل طلاب المرحلة الابتدائية من الأفضل لهم ينتهي دوامهم على الأقل 12 يعني هالساعة الزيادة لين وحدة ما راح تقدم ولا تأخر شئ .. أنا ولدي في أول ابتدائي اوقضه 5 ونص باصه يوصل 6 يتم يلف لين الله يشوف له ! .. ويقولي يمه تراني أرقد في الباص ! .. مب من شئ من كثر اللف والدوران حاطين للباص 5 مناطق يغطيهـا .. ويرد للبيت الساعة 3 وثلث مب 3 إلا .. وأروح للمدرسة يوم الخميس الصبح وقدم شكوى لهم وقلت لهم لو ما بيدكم شئ أدل درب المجلس الأعلى عدل .. واكتشف إنه معطين الباص مناطق جديدة وما تشمل منطقته .. ولا يدرون عن المناطق وبعدها عن بعض .. ويرد ولدي الساعة 2 وثلث .. ولسان حاله يقول يمه ما أبي المدرسة خلاص أنا تعبت

فارحموا أولادنـا .. يعني مب كفاية تعليم متدني .. إلا موت وخراب ديار .. !

[qatara]

سوا الابتدائه او غيرهم شي ممل و مرهق بكل صراحه

[شمس]

سوا الابتدائه او غيرهم شي ممل و مرهق بكل صراحه

كلام سليم
وين يحبون المدرسه وهي مهلكتهم.

[سونيتا]

ياريت والله يقللون ساعات الدراسه ويتم انصرافهم الساعه 12 ونص ...انا بنتي بالصف السادس يوم الخميس يطلعونهم الساعه 12 والله ترجع نفسيتها حلوه ولا فيها اي تعب ...شنو المانع لو طبقوا هالشي على باقي ايام الاسبوع ....

[ام العيال]

ما ادري شالحكمة فعلا من تأخير الطلاب لهذا الوقت ، هل الهدف انهم يخلصون المنهج باي طريقة بدون مراعاة لنفسية الطلاب وقدراتهم، وفي النهاية لما تجي تسأل الطالب سؤال بسيط جدا يقولك ما اعرف او ما عطونا في المدرسة يعني بالعربي مخه ما يشتغل لانه متعود انه ياخذ كمية معلومات بدون فهم ويفرغها في الامتحان وبدون فهم بعد، احنا ندخل عيالنا المدارس يتعلمون ويفهمون مش بس تعليم بدون فهم

[راشد محمد]

ليتهم يسمعون هالمقترح...الله يعين عيالنا

[Rider]

تسلمون ياخواني واخواتي على التفاعل مع الموضوع لكن انا اتوقع هذا الشي مقصود علشان يطلع الطلاب فاشل ويكره المدرسة ترى يالمجلس الأعلى مانقدر نحط عيالنا في مدارس خاصه اذا تبغون مبلغ رمزي حق المدا رس المستقلة بنعطيكم لكن خلوا عيالنا يطلعون بدري

[مرتبش]

الدوام للصف الثالث الى السادس ينتهي الساعة 1:30 وليس 1:15 وفعلا اذا في الباص عادي جدا الوصول 2:30 - 3:00 العصر

مادري شنو الهدف؟ ودي اعرف الفايدة من هالدوام الطويل..
ومافي امكانية الصغار يدرسون خاص (واللي اتوقع نفس الدوام)..

[Rider]

الدوام للصف الثالث الى السادس ينتهي الساعة 1:30 وليس 1:15 وفعلا اذا في الباص عادي جدا الوصول 2:30 - 3:00 العصر

مادري شنو الهدف؟ ودي اعرف الفايدة من هالدوام الطويل..
ومافي امكانية الصغار يدرسون خاص (واللي اتوقع نفس الدوام)..


بالنسبة للدوام ياخوي ترى يختلف من مدرسه الي اخر انت تقول 1 ونص وناس قبل والله يعينا على تخبط المجلس الأعلى

[مرتبش]

بالنسبة للدوام ياخوي ترى يختلف من مدرسه الي اخر انت تقول 1 ونص وناس قبل والله يعينا على تخبط المجلس الأعلى

شي محير

مدرسة بنتي الابتدائية فيها الدوام للاول والثاني ينتهي 1:10 والثالث للسادس ينتهي 1:30

طيب..ناخذها من جانب ثاني..لما بنت صف اول يخلص دوامها ليش تقعد 20 دقيقة تتنظر اختها وبعدين الله اعلم متى بيوصلون البيت..

هل في العشرين دقيقة بيخلونهم في الشمس؟ عن لايزعجون باقي المدرسة لو قعدوا في الساحة!
بيخلونهم قاعدين في الباص ستاندباي يعني

[na7ees]

تخبط عيالي في نفس المدرسه واحد يطلع الساعه وحده والثاني الساعه وحده ونص
من احل هاللغز لي

[بوحارب]

الله يعينكم

[Rider]

مافيه الا نسوي مقاطعة حق المجلس الأعلى للتعليم من مقاطعنا بعض المحلات الي ارفعت الاسعار

[سوبر]

موضوع يستحق تسليط الضوء عليه من المجلس الاعلى للتعليم

[( أكاديمية )]

والله نتمنى ذلك ...
عيالنا ميردون ألا متأخرين ..
أنا أشوف النظام القديم كان رائع 12 ونص أو 1 حد كافي للطلبه

[Rider]

تسلمون على التفاعل لكن نبغي صوتنا يوصل حق المجلس الاعلى شلون يازين وزارة التربية والتعليم قبل كل شي فيها حلو الدوام المدرسين بصراحة معانه مع الدوام انا اتمنى من الامهات والاباء الي يحضرون مجلس الاباء والامهات الي يعقد في المدارس بين فترة واخري يناقشون هذا الموضوع مع المدارء المدارس يمكن ترفع توصيه من المدارس بهذا الخصوص للمجلس الاعلى ويغيرون الدوام العسكري

[رايق البال x]

المفروض الدوام المدرسي ما يزيد على الساعة 12 ونص
ست حصص ف اليوم كافية وزيادة ,,, اللي يسمع المجلس الاعلى يقول مجهزين لهم الجامعات العدلة ما يدرون ان الجامعات اللي مالية البلد حق بو عيون زرق وشعر اشقر
ترى طلابنا ثانوية وبعدين يقعد مشتت اي جامعة تقبلة ومتى يقدر يجيب التوفل يعني بصراحة تخبط تخبط

[moonبنتnight]

والله ان صادق 00

[الدمعه]

اللي في الباصات الله يعينهم والله يكسرون خاطري وبالذات لين شفتهم يتضاربون ..

واللحين نبتدي بمشواري اليومي المتعب بصراحه لي ولهم..

الروضه عندي 2 وحده تطلع 12 ووحده تطلع 12 ونص .. اخذهم واروح المدرسه انطر

في السياره لين 1 ونص عشان اخذ بنتي اللي في ثالث .. اخذها ونروح حق بنتي اللي

في اعدادي تطلع بنفس الوقت واوصل لها 2 وعشر .. يعني اكثر من نص ساعه قاعده

تنطر امر عليها ..

مع العلم ان المدرسه الابتدائيه كانت في الست سنوات الماضيه يطلعون 1وعشر

كل المدرسه .. استلمتها المديره الجديده وسوتهم وحده ونص ..

والاعداديه في السنتين اللي طافت كانو يطلعون 2 الاربع ..

سؤال احين هالتغير من صالح من بالضبط ؟؟..

الروضه تابعه للمدرسه الابتدائيه والامدرسة الابتدائيه تنقل ملفاتها تلقائيا للاعداديه ..

مش من المفروض ان يكون في تناسق بين هالمدارس .. احنا بشر مب الات ..

[شمس]

يا مجلس نبيكم توحدون الطلعه للمدارس باقصى نقص تقدرون عليه الحمدلله تعليمنا حر لا سلطة لاحد عليه شوفوا مصلحة الطلاب ....
واعتقد ان الابتدائيالافضل يطلعون 12 والاعدادي12ونص والثانوي 1 والموظفين 1ونص(اذا مش مع الطلاب لانهم احيانا يكونون امهات للطلاب بالمدرسه) وكان الله غفور رحيم