المساعد الشخصي الرقمي

مشاهدة النسخة كاملة : بغيت رايكم لوسمحتوا ...الافضل الرف 4 تويوتا أو كيا السبورتاج فور ويل


ام ناصر1
16-09-2011, 08:29 AM
السلام عليكم ....
الاعضاء والعضوات الكرام ...قررت اشتري سيارة دفع رباعي ( صغيرة ) للأستخدام الشخصي
ومحتارة بين السبورتاج والرف 4 ....
...الرف 4 زميلاتي يقولون شكلها سخيف
والسبورتاج وهي الي افضلها ..الاهل يتحندون على الماركة ...و يقولون انها كثيرة الاعطال..
فنصيحتكم لي اذا ما عليكم امر ....
بوعلي2
16-09-2011, 08:54 AM
http://media.autoweek.nl/m/m1cyibnb6e36_800.jpg

كشكل الكيا احلى من الراف 4


وكصناعه اكيد تيوتا افضل ولو ان الكورين ابدعو بالسنوات الاخيره ولكن تضل اليابان افضل



الكيا طبعا عليها ضمان يعني ان صار لها شي راح يصلحونها لج فلا تخلينها بخاطرج ان كانت بخاطرج


وشكرا
بوحارب
16-09-2011, 09:16 AM
راف 4 فور افضل بوايد
20qatar22
16-09-2011, 01:12 PM
الراف افضل بوايد..
لان موتر قوي ينحدر تحت سلاسة شركة تويوتا العريقه.. بعد الموتر الكل يعرف له من كهربائي وميكانيكي وقطع غياره متوفره في كل مكان.. وايضا فروع الشركه ماشاء الله موجودين في كل منطقه اذا حبيتي تشيكي عليها فالشركه.. وفي الختام يظل موتر محبوب ومرغوب لانه تويوتا وعلى قولتهم شيك باليد يعني سعره مايطييييييييييييح..


اما السبورتاج الاسوأ ..
وهي من شركه كيا الكوووووريه.. موتر ما ينفع حده بالكثير سنتين على استخدامي.. واذا صاده شي محد يعرف له غير الشركه بالصناعيه وما ادراك مالصناعيه وقطع الغيار اللي ماتسوى ايضا متوفره فالصناعيه فقط لا غير..وفي الختام يظل الكيا كيا اذا جيتي تبيعيه محد يبغيه مووووتر كله خرابات وما يسوى..

السموحه طولت فالرد بس للفائده من خلالي استخدامي للسياره قبل فتره وافتكيت منها، و يمكن اكون مخطأ في نقطه معينه ان شاء الله الاخوان ما يقصرون ويصححونها لي..

نسييييت..!!!
اهم شي لا تنسين الاستخاره
Bin.Yousef
16-09-2011, 03:09 PM
ارشح الراف 4 افضل من الكيا
ام ناصر1
16-09-2011, 03:16 PM
مشكورين على الردود الكريمة وجزاكم الله خير ...باستخير اول شي ... وشكلي باروح للرف فور