المساعد الشخصي الرقمي

مشاهدة النسخة كاملة : من جرب علاج أعشاب (( أم حمد )) اللي بسوق واقف واستفاد منها !!


كاس العالم
16-09-2011, 11:07 AM
السلام عليكم ورحمة الله ,,

أتمنى تفيدوني بخصوص (( أم حمد )) الحرمة الكبيرة اللي تعالج بالأعشاب >> محلها بسوق واقف ..

سمعت عنها من فترة وعن وصفاتها اللي تعالج _بعد إرادة الله_ أمراض كثيرة من العقم والضعف ومشاكل الإنجاب عند الزوجين !

بصراحة ماكنت أعتقد بالطب الشعبي وإن حرمة كبيرة ما دشت المدرسة ممكن تعالج اللي عجز الطب والعلم عن علاجه
لكن تعبنا من المستشفيات والعلاجات الكيميائية فهل من جربها بنفسه واستفاد أو سمع من أحد بشكل مباشر انه جربها واستفاد على يدها ؟؟

أرجو تحري الدقة والصدق خصوصاً ان اعشابها غالية تصل الى 5000 _ 7000 ريال للوصفة الواحدة حسب ما سمعت ..


.
روح الاطلس
16-09-2011, 01:41 PM
الغريب ان شهرة هالمرة وصلت العالم واحنا في قطر ماسمعنا عنها!

ناس كلموني من المغرب والجزائر يبون رقمها سامعين انها تعالج الامراض الخبيثة

اللي يعرف رقمها ياليت يكتبه لنا

انا بصراحة اول مرة اسمع فيها وان شاء الله ماتكون مجرد شهره
سالي 123
16-09-2011, 07:19 PM
انه شريت من عندها زيت 250 ريحته موب حلوه طلع لى حبوب فى شعرى ومرت اخوى جربته حق نفسها وبناتها تمدحه مشى معاها انه لا جاب لى الحكه فى شعرى يمكن مامشى معاى جنه حاطه فيه ليمون اسود نفس الريحه يعني ومن بعدها ماخذت شي .
زئير الاسد
16-09-2011, 07:26 PM
انا مارحت عندها

بس واجد يمدحونها
راشد محمد
16-09-2011, 11:10 PM
يمدحونها
بوحمد1
17-09-2011, 11:16 AM
ننتظر باقي الردود
كاس العالم
17-09-2011, 12:28 PM
شكراً لتفاعلكم .. وننتظر باقي الردود على أمل يدخل أحد يحكيلنا تجربته أو تجربة غيره

انا بعد امدحوها لي ناس .. بس أبي اتأكد قبل ما اجرب ,,

بانتظاركم
كاس العالم
17-09-2011, 12:31 PM
على فكرة أنا زرتها من قبل ووجدتها امرأة واثقة جداً من خلطاتها وتقول وارثة المهنة عن امها وجدتها

والأعشاب تجيبها من الجبل من دول جنوب افريقيا وشرق اسيا و.. الخ

لكن ما شريت منها شي لين أشوف التجارب
الدوحة 2010
17-09-2011, 12:59 PM
يعني هل توجد ترخيص من الصحة
alfahad1
17-09-2011, 01:04 PM
خذيت منها مره خلطة اعشاب ب 250 ريال

طعمه يلوع الجبد جربناه عشان الحصوه في الكليه لكن ما نفع ما ادري يمكن نستمر عليه مده اطول

ولكن انا اشوف الايراني المختار افضل وخبره اكثر في المهنه ولكن الله اعلم في اعشاب تحس ان لها

فاعليه وبعضها لا.............

وانشاءالله يبعد عنكم كل شر واتمنى لمريضكم الشفاء العاجل
روح الاطلس
17-09-2011, 06:19 PM
طيب وين مكانها بسوق واقف؟
راشد محمد
17-09-2011, 06:38 PM
طيب وين مكانها بسوق واقف؟

جنب الطباعين ..قريب من الشرطة لسوق واقف
الوان
17-09-2011, 08:53 PM
خذيت منها مره خلطة اعشاب ب 250 ريال

طعمه يلوع الجبد جربناه عشان الحصوه في الكليه لكن ما نفع ما ادري يمكن نستمر عليه مده اطول

ولكن انا اشوف الايراني المختار افضل وخبره اكثر في المهنه ولكن الله اعلم في اعشاب تحس ان لها

فاعليه وبعضها لا.............

وانشاءالله يبعد عنكم كل شر واتمنى لمريضكم الشفاء العاجل

لو سمحت اخوي ... وين هاي المختار
كاس العالم
22-09-2011, 02:54 PM
سبحان الله كل يوم نسمع بواحد يمدحونه

من كم يوم سويت بحث لقيت دكتور في الطب التكميلي اسمه د سيد قطب وله موقع ع الانترنت

طبعاً هو دكتور وعضو في الاكاديمية الدولية لعلوم الاعشاب واستاذ في مركز أبحاث جامعة جدة

ويعالج بالاعشاب لكن بطريقة علمية

حسيت بالاطمئنان أكثر من ناحيته يمكن لأنه دكتور ومعالج يعني متخصص بهالشغلة .. الحين تواصلنا معاه

وأكد لنا ان عنده علاج ومشكلتنا يسيرة بإذن الله .. الله يطرح بايده البركة .

دعواتكم .. واذا استفدنا بنزل موضوع اكتب تجربتنا معاه ,, موقعه ع النت تقدرون تبحثون عنه
Silver.Ocean
27-09-2011, 04:38 PM
السلام عليكم و رحمة الله و بركاته
انا باتكلم عن تجربتي و الله على ما اقول شهيد

انا زوجي يعاني من العصبة في ظهره
اذا ضربت عليه ما يقدر يلتفت لا يمين و لا يسار
تعب من الادوية و الابره الي ياخذها في المستشفى ما تسوي شي كل فتره ترجع له العصبه
راح حق مراكز المساج و لا منهم فايده تمردغ بالدهن على الفاضي

مره من المرات الي جاته العصبه في ظهره كان منبطح في السرير مب قادر يقوم
تقطع قلبي عليه ابيه يروح المستشفى مب راض لأنه داري ان علاجهم ما راح يفيده
قمت رحت حق ام حمد لأني سمعت عنها وايد و قلت علاجها ان ما فادنا ما ضرنا و هذي كلمتها

سبحان الله رحت الصبح و حصلتها هناك كانت متواعده مع ناس يجونها الصبح من حظي
لأنها ما تقعد الصبح سبحان الله
المهم دخلت عندها و قلت لها قصة زوجي و ما كان عندي فلوس كفاية لأني ما كنت ادري ان علاجها غالي بس مب بالالاف اعتقد ان كان 500 بس كان اخر الشهر و ما عندي فلوس
المهم قلت لها عن زوجي قامت عطتني خلطة اعشاب و قالت لي اخلطيه مع زيت زيتون دافي
و علمتني (عمليا ) شلون امسد ظهر زوجي بهالخلطه و علمتني وشو الايات الي اقراها عليه و انا امسد ظهره

عطتني العلاج الله يجزاها علي و قلت لها ما عندي فلوس
قامت طلعت لي دفتر و قالت لي انا يا بنتي ما اعرف اقرا و اكتب
اكتبي اسمج و المبلغ الي عليج و بعدين عطيني المبلغ

رجعت البيت و نفذت كل تعليماتها العلاجية على زوجي
و اقسم بالله والله العظيم ان زوجي خفت عنه العصبه في نفس الوقت
و بعدها ما قامت تجيه بشكل قوي

و ام حمد ما اتصلت لي حتى تدور فلوسها بس انا اول الشهر رحت لها و عطيتها الفلوس ولله الحمد

هذي تجربتي .. رب العالمين هو السبب اولا و بعده علاج ام حمد
ثرى هي حرمه تخاف الله و سيماهم على وجوههم
و انت توكل على الله ثم عليها