المساعد الشخصي الرقمي

مشاهدة النسخة كاملة : مقاطعة يومية ( متجدد )



عيون الدوحة
16-09-2011, 11:53 AM
وش رايكم بحملة للمقاطعة اليومية
كل يوم نحدد مطعم أو محل من الي رفعو أسعارهم الموجودة بالقائمة في موضوع الأخ قطري ونعطية ضربه يتعلم منها درس

وواحد من الاعضاء يتبرع ويروح يصور المحل على فترات من اليوم ويجيب الصور المنتدى

اليوم تاريخ 16-9-2011 يوم الجمعة سوف يتم مقاطعة
مطعم مرمرة أسطنبول
جميع الفروع
خلك قدها وقاطعهم

الأصيلة
16-09-2011, 11:57 AM
استغربت من المحل اللي في اللولو يبيع ميني كب كيك
كنا ناخذ الحبة بـ ريالين ونص
فجأة أمس صار بأربع ريال
وكان بنتي خاطرها فيه لكن قلت لها
خل يولي مب من زينه يابس وحالته حاله...

عيون الدوحة
16-09-2011, 11:58 AM
ولاتنسو تطرشون للسته عندكم في البي بي والواتس اب

عيون الدوحة
16-09-2011, 11:59 AM
استغربت من المحل اللي في اللولو يبيع ميني كب كيك
كنا ناخذ الحبة بـ ريالين ونص
فجأة أمس صار بأربع ريال
وكان بنتي خاطرها فيه لكن قلت لها
خل يولي مب من زينه يابس وحالته حاله...

دشي موضوع قطري وحطيه بالستة
واليوم كلنا نقاطع مرمرة اسطنبول
شدو حيلكم ياجماعة :nice:

عيون الدوحة
16-09-2011, 12:24 PM
أتمنى الجدية من الأعضاء بالمقاطعة

بحرقطر
16-09-2011, 12:28 PM
من المقاطعين
وان شاءالله نكون يد وحده ونستمر في المقاطعه ونخلي اي تاجر يفكر الف مره قبل لا يرفع الاسعار.

مستر قطر
16-09-2011, 12:37 PM
مع المقاطعه

المحقق كونان
16-09-2011, 12:40 PM
معاكم لمقاطعة جشع التجار

عيون الدوحة
16-09-2011, 12:42 PM
بهاي الطريقة نقدر نضغط على 30 محل بالشهر
كل يوم نقاطع محل وماراح تكون عنده مبيعات وراح يتأثر

cavok
16-09-2011, 12:55 PM
لاحظت اسم مطعم البتراء و تيك اوي في قائمة اسماء المقاطعة
ولاحظت الاسعار للمطعمين كما هما من قبل ولا ادري كيف كانت في القائمه
حرام يا اخوان هاي ارزاق

airbus
16-09-2011, 01:11 PM
شوف بيلعب عليكم وبينقص في حجم الشاورمة والطعم وبيخليها نفس السعر

همي رضاكم
16-09-2011, 01:12 PM
[انا راح اتكلم عن مجمع الواحه في شمال دحيل ,,

انصصدمت انه جبن بوك المتويط كان 13 ريال

وصااار 17 وص ..

وهاي صوورته

IMG]http://www.hajatk.com/img/p/406-214-home.jpg[/IMG]





وجبن بوك الي كاان ب 18 ريال صااار 23 ريال ..


وللاسف الحجم الي اكبر منه مو محصله صورة له بس اكيد بعضكم يعرفه

ولما سالتهم قالوا من رمضان ,,

بس هالمجمع قريب منا واايد انا اشوف انه بالغ بالاسعاار وايييد ,,

ارجو مقاطعه المجمع ,,

مضارب دوسري
16-09-2011, 01:14 PM
امس مريت على مرمرة اسطنبول فالعزيزيه
وللاسف لقيت ضرب نعل عنده

مثل ماتكلمت فالموضوع وصلنا لمرحلة نهاية المقاطعات

المحقق كونان
16-09-2011, 01:26 PM
لاحظت اسم مطعم البتراء و تيك اوي في قائمة اسماء المقاطعة
ولاحظت الاسعار للمطعمين كما هما من قبل ولا ادري كيف كانت في القائمه
حرام يا اخوان هاي ارزاق

رافع السعر على بعض الاصناف

و بعض الاكلات مارفع سعرهم .. و لكن قلل الكميه و الجوده

محاسب
16-09-2011, 01:34 PM
وش رايكم بحملة للمقاطعة اليومية
كل يوم نحدد مطعم أو محل من الي رفعو أسعارهم الموجودة بالقائمة في موضوع الأخ قطري ونعطية ضربه يتعلم منها درس

وواحد من الاعضاء يتبرع ويروح يصور المحل على فترات من اليوم ويجيب الصور المنتدى

اليوم تاريخ 16-9-2011 يوم الجمعة سوف يتم مقاطعة
مطعم مرمرة أسطنبول
جميع الفروع
خلك قدها وقاطعهم

راي طيب
لكن نبدأ في كل يوم بواحد .. ونصوره ,, ونشجع على مقاطعته... ولاتنتهي مقاطعته بنهاية اليوم
... إلا بتعديل أسعاره أو نستمر.
وصور لها تأثير قوووووي.. وجيد ..... وشعارات المقاطعه (استيكر ) يلصق قريب من محله
يذكر ويساعد.
والمهم والأهم القياده في المقاطعه
،،،،،،،،،،،،،،،،،،،
تنزل موضوع بعنوان و بأسلوب قوي يجمع الناس على راي واحد :
صادر من قيادة المقاطعه
نبدإ بمقاطعة مرمرة أسطنبول بدأ من .. إلى...
وتذكر باسعاره السابقه وتحرض عليه
مع الصور وفنون التأثير.

airbus
16-09-2011, 01:38 PM
رافع السعر على بعض الاصناف

و بعض الاكلات مارفع سعرهم .. و لكن قلل الكميه و الجوده

هدا الي بيصير تقليل الكمية و الجودة في كل المطاعم هو قبل المقاطعة كل فترة تنقص الكمية و الجودة مابالك مع المقاطعة


هدا السبب يخلك يلف راسك و ماتعرف وين تتعشة لان كلهم ما فيهم ولا طعم ولا رائحة !

مخطط قطري
16-09-2011, 01:52 PM
ميغا مارت اشوفه يحط ستكرز فوق ستكرز والفرق نص ريال وريال والي يبي يتاكد يروح ماعنده وقت يشل القديم ويحط يديد قام يحط السعر اليديد فوق القديم خصوصا الشكولاته (الكوافي) والاشباس الي اكثرها من لندن

ALDIWAN
16-09-2011, 01:58 PM
http://www.qatarshares.com/vb/showthread.php?t=475354
لازم تنفيذ خطةالمقاطعه بالطريقه هذي للعلم ماينفع يوم واحد فقط.
اقل شي ثلاث ايام

BIG-VEGA
16-09-2011, 05:51 PM
ياجماعه من يقدر يعمل رساله مقاطعه المنتج او محل الفلاني ( واحد فقط ) من يوم كذا الى يوم كذا ( يوم واحد فقط في البدايه)
حتى يركز الناس ويسهل تداولها سواء عن طريق البلاكبيري او الواتساب او غيره
بشرط تكون صياغتها حلوه وواضحه ومش طويله وموجهه الى المواطن والمقيم

الوسيط العقاري
16-09-2011, 06:26 PM
موضوع حلو

معا لمقاطعة الخروف السوري

سقى الله ايام أول كنا نأخذه بـ 500 ريال الى 600 ريال

والحين سعره زاد 120 %

:)

الغالي!
16-09-2011, 06:44 PM
الله ينصرنا على جشع التجار

سكرمر
16-09-2011, 07:12 PM
مع المقاطعه

nor85
16-09-2011, 08:25 PM
المشكله الأسعار ارتفعت واحنا للحين مااستلمنا الزياده والله العالم يتنزل هذا الشهر او لا :(

بوحمد2
16-09-2011, 08:45 PM
المشكله الأسعار ارتفعت واحنا للحين مااستلمنا الزياده والله العالم يتنزل هذا الشهر او لا :(

اشلوووون يعني الله العالم تنزل اول ؟؟؟؟؟انت اقرء القرار الاميري عدل وبتعرف انه واظح وضوح الشمس من سبتمبر مش:nice:

عيون الدوحة
16-09-2011, 10:24 PM
ها بشرو شباب حد مر صوب مرمرة اسطنبول وخذ صور ؟؟

خزامئ
16-09-2011, 11:02 PM
ميغامارت رفعو سعر البيتزء المجمده من 36 لين 45

waseet
16-09-2011, 11:07 PM
مفروشات السماح
في شارع سلوى وسط معارض السيارات مقابل المصرف
هالمحل قبل العيد كان عنده طقم يفصل متره ب 350 اليوم رفع سعر نفس العينه ل 450 ومش هذا وبس الا رفع الاسعار على كل شي
وهو محل معورف بانه ياخذ الطلب ويتم التصنيع بالسعوديه بعكس المحل الي بسوق الخميس لازال سعره هو نفسه وعملت عندهم الطلب الي ابيه

ماتسوى علينا هالزياده وحماية المستهلك المتفرج الكبير

Rashid554
16-09-2011, 11:09 PM
المشكله مو من حماية المستهلك المشكله من الشعب نفسه

اول مطعم سمعت انه قاطعوه مرمرة اسطنبول
وامس بالصدفه رايح الوكرة مريت سوق العلي عشان اخذ خط 22 فبراير
والله من الزحمه ماقدرت اطلع عشان المطعم التركي الي هناك اعتقد انه مرمرة اسطنبول او هلا اسطنبول والله مادري شسمه :)

khaldoon
16-09-2011, 11:19 PM
اقتراح رائع بس لو سمحتوا اعدل عليه....ما نقول اليوم بنقاطع المحل الفلاني ....نقول استعدوا يا جماعة بكره ان شاء الله بنقاطع المحل الفلاني و لو عملنا جدول اسبوعي و نظل نجدد وضع الجدول في الموضوع بتكون المقاطعة اقوى و بنكون مستعدين اكثر ...يعني لما اكون عارف من الحين مثلا اني السبت بقاطع مرمرة اسطنبول و الاحد تيك اواي و الاثنين الخيمة مثلا وهكذا يكون افضل....مب ادخل المنتدى بالليل و الاقيكم مقاطعين مرمرة اسطنبول و انا مشتري منه وانا ما ادري....صح؟

ALDIWAN
16-09-2011, 11:31 PM
السلام عليكم
اخواني وخواتي اعضاء المنتدئ
احنا مجموعة اخوان اعضاء فالمنتدئ راح نبداء بالمقاطعه من يوم 18-9-2011 يوم الاحد
بمقاطعة
1- مطعم مرمرة اسطنبول
2- مطعم الخيمه
3- مطعم تندوري (العزيزيه)+(المطار)
لمدة ثلاث ايام قابله للتجديد (في حال عدم التغير الى السعر القديم)
ارجوا من اخواني وخواتي بالمشاركه فالحمله حفاظاً على مكتسبات دخل الفرد والمواطن
ومن تاريخ 21-9-2011
جميع مطاعم الوجبات السريعه الامريكيه
هارديز
ماكدونالز
كنتاكي
برجركيج...............لمدة ثلاث ايام (قابل للتجديد )
والله الموفق
الرجاء النشر عن طريق البي بي
يرجاء زيارة الرابط
http://www.qatarshares.com/vb/showthread.php?t=475354

الرجاء من الاخوان والاخوات بارسال كلمه (انا مع )
الحمله اثناء التعليق للتشجيع

حسن
16-09-2011, 11:33 PM
يا زين اكل البيت

عيون الدوحة
16-09-2011, 11:36 PM
يعطيك العافية أخوي
ولازم حد يتبرع يروح يسوي لنا تقرير مع الصور
وين أصحاب الكيمرات الي كانو ينزلون تغطيات عن المطاعم والفنادق أختفوو
؟؟

ALDIWAN
16-09-2011, 11:36 PM
يا زين اكل البيت
ويازين الفلوس اذا وفرتها حق مستقبل عيالك

قطري طموح
16-09-2011, 11:39 PM
1- مطعم مرمرة اسطنبول



والله ياخوي الحبيب مطعم مرمرة اسطمبول مازال على نفس اسعاره وارجو منك التريث قبل ان تصدر احكامك حتى لاتقع في الاثم

ALDIWAN
16-09-2011, 11:40 PM
يعطيك العافية أخوي
ولازم حد يتبرع يروح يسوي لنا تقرير مع الصور
وين أصحاب الكيمرات الي كانو ينزلون تغطيات عن المطاعم والفنادق أختفوو
؟؟

ان شاءالله من يوم الاحد الاخوان ما راح يقصرون مع المحافظه على مكتسبات الدخل للفرد والمواطن
وراح يصورون المواقع الثلاث بعد تنفيذ المقاطعه:telephone:

رمــش الغلا
16-09-2011, 11:42 PM
حتى ماكدونالدز نفس الاسعار شالسالفه

ALDIWAN
16-09-2011, 11:48 PM
المشكله مو من حماية المستهلك المشكله من الشعب نفسه

اول مطعم سمعت انه قاطعوه مرمرة اسطنبول
وامس بالصدفه رايح الوكرة مريت سوق العلي عشان اخذ خط 22 فبراير
والله من الزحمه ماقدرت اطلع عشان المطعم التركي الي هناك اعتقد انه مرمرة اسطنبول او هلا اسطنبول والله مادري شسمه :)
اسم المطعم هلا اسطنبول مب مرمرة اسطنبول يعني مطعم غير ماله شغل بالمقاطعه بس اذا رفع اكيد جايه الدور:tease:

المتأمل7
17-09-2011, 12:02 AM
تكاتفكم يجعل الوحوش تركع لارادة الشعب

المتأمل7
17-09-2011, 12:07 AM
لا تستسلم لسياسة النفس الطويل التي ينتهجها التاجر الذي باع آخرته بدنياه واحل لنفسه لقمة الاطفال

أم سلووومي
17-09-2011, 12:07 AM
صراحه ماشوف الناس قاطعت المطعم اليوم الساعه تسع مريت المطعم اللي في بن عمران والله زحمه وطق نعل الله يعينا عليهم

الرويـس
17-09-2011, 12:10 AM
والله ياخوي كثرت مواضيع المقاطعة
من كثرها لخبطنا مابين ( المقاطعة والمقاطعة )

خبير أقتصادي
17-09-2011, 12:11 AM
اقتراح رائع بس لو سمحتوا اعدل عليه....ما نقول اليوم بنقاطع المحل الفلاني ....نقول استعدوا يا جماعة بكره ان شاء الله بنقاطع المحل الفلاني و لو عملنا جدول اسبوعي و نظل نجدد وضع الجدول في الموضوع بتكون المقاطعة اقوى و بنكون مستعدين اكثر ...يعني لما اكون عارف من الحين مثلا اني السبت بقاطع مرمرة اسطنبول و الاحد تيك اواي و الاثنين الخيمة مثلا وهكذا يكون افضل....مب ادخل المنتدى بالليل و الاقيكم مقاطعين مرمرة اسطنبول و انا مشتري منه وانا ما ادري....صح؟

مقاطعه يوم واحد هذه لن تفيد ... بل على العكس ستتحول الى دعايه مجانيه وكأنه محل مهم لاغنى عنه

مقاطعه حتى عودة الأسعار

بووسالم
17-09-2011, 12:20 AM
السلام عليكم
انا من اشوي كنت برا البيت وبالصدفه تذكرت موضوع المقاطعه ومرمرة اسطنبول هههههه اللي يضحك فالموضوع ان الزحمه صارت اكثر من قبل ولاحياة لمن تنادي ,وانا مع الاخ خبير اقتصادي
اما بالنسبه للحلول مافي حل والمقاطعه بتكون من واحد او اثنين الحل الوحيد بيد حمايه المستهلك وبس ... وطبعا اذا عطونا الاذن الصمخه كالعاده انا اقول روحوا واكلوا من المطعم احسن ولانذبح نفسنا من اليوع

قطري طموح
17-09-2011, 12:20 AM
والله ياخوي كثرت مواضيع المقاطعة
من كثرها لخبطنا مابين ( المقاطعة والمقاطعة )

لمشكلة انها كلها مقاطعه محد متاكد من كلامه اللي يقوله وكلها مقاطعه مبنيه على غير تاكيد

sendarala
17-09-2011, 12:26 AM
انا معاكم على الحلوةوالمرة وبالاخص في الاسعار الجنونية واللي الكل يشتكي منها

ALDIWAN
17-09-2011, 01:57 AM
حتى ماكدونالدز نفس الاسعار شالسالفه

لا يا اخوي رافع ريال في وجبة الهابي ميل طبعا ما راح تلاحظ اذا ماعندك اطفال

ALDIWAN
17-09-2011, 01:59 AM
انا معاكم على الحلوةوالمرة وبالاخص في الاسعار الجنونية واللي الكل يشتكي منها

ان شاءالله نحقق هدفنا حماية مكتسبات دخل المواطن والفرد

ALDIWAN
17-09-2011, 02:09 AM
والله ياخوي الحبيب مطعم مرمرة اسطمبول مازال على نفس اسعاره وارجو منك التريث قبل ان تصدر احكامك حتى لاتقع في الاثم
اخوي المطعم رافع ريالين فالشورما

ولد شرق
17-09-2011, 02:43 AM
السلام عليكم
انا من اشوي كنت برا البيت وبالصدفه تذكرت موضوع المقاطعه ومرمرة اسطنبول هههههه اللي يضحك فالموضوع ان الزحمه صارت اكثر من قبل ولاحياة لمن تنادي ,وانا مع الاخ خبير اقتصادي
اما بالنسبه للحلول مافي حل والمقاطعه بتكون من واحد او اثنين الحل الوحيد بيد حمايه المستهلك وبس ... وطبعا اذا عطونا الاذن الصمخه كالعاده انا اقول روحوا واكلوا من المطعم احسن ولانذبح نفسنا من اليوع


ودي مرّة... بس مرّه انكون على يد وحده ضد التجار... لكن لا حياة لمن تنادي... وبعدها اتقولون التجار باقونا... إلا احنا اللي قلنا لهم تعالوا بوقونا...

بووسالم
17-09-2011, 03:22 AM
حنااااااااا وين والمقاطعه وين ؟؟
توني ماااااار من صوب مرمرة اسطنبول والشباب صفــــــه لين اخرالدنيا لا وصيخ الشاومااا الدياي على طريف قرب يخلص ههههههه
الله كريم زين مايجي لنا زمن نحلم فالشاورما وتصير مثل الكفياار

tradesman
17-09-2011, 03:22 AM
اذا قدرتوا تقاطعون الهوامير حزتها قاطعوا المحلات الي ترفع الاسعار

الهامور الي له عقارات ومن 3000 للمحل الصغير الى 6000 ريال ومو راضي يبغي يرفع

فشي طبيعي التاجر على قولتكم بيرفع سعره عشان يغطي التكاليف

ولا تنسون انه عنده عيال يبغي ياكلهم ويعيشهم نفس الي احنا نعيشه

يعني لو في تاجر بيبيع بسعر امس بتحصله افقر واحد

والسالفه في النهايه نسبه وتناسب

والبيت الي اليوم بمليونيين بكره بثلاث ملايين

وبذكركم

ms-qtr
17-09-2011, 01:10 PM
امس طلبت وجبة من هارديز بيج ديلوكس لشخص واحد استغربت لما قالي ب ٤١ ريال!!!
غلو اسعارهم بشكل مب طبيعي!!

كنسلت الطلب وطلبت وجبة جراند جكن من مكدولندز بنص السعر

عيون الدوحة
17-09-2011, 01:13 PM
امس طلبت وجبة من هارديز بيج ديلوكس لشخص واحد استغربت لما قالي ب ٤١ ريال!!!
غلو اسعارهم بشكل مب طبيعي!!

كنسلت الطلب وطلبت وجبة جراند جكن من مكدولندز بنص السعر

بال بال عسى ماشر 41 ريال لشخص واحد
لو طالبه لوبستر أحسن لج

ريما
17-09-2011, 01:16 PM
ودي مرّة... بس مرّه انكون على يد وحده ضد التجار... لكن لا حياة لمن تنادي... وبعدها اتقولون التجار باقونا... إلا احنا اللي قلنا لهم تعالوا بوقونا...

أنا ايد كلامك مستحيل يتجمعون

من كم يوم كنت في سيفوره وكان عندهم زحمه لاحظة زيادة الأسعار مثل مزيل المناكير كان ب45 صار ب47 ومناكير ماركة سيفورا كان 35 صار علي 36

بس عندهم زحمه وين المقاطعه مادري ؟؟؟

ALDIWAN
17-09-2011, 02:08 PM
ان شاءالله بكره اول يوم للحمله

عيون الدوحة
17-09-2011, 02:12 PM
نبي الحملة تكون فعالة
نبي الموضوع يوصل على الخاص لكل الأعضاء المساهمين بالمنتدى
نبي الحمله تنتشر على البي بي

ALDIWAN
17-09-2011, 02:21 PM
نبي الحملة تكون فعالة
نبي الموضوع يوصل على الخاص لكل الأعضاء المساهمين بالمنتدى
نبي الحمله تنتشر على البي بي
الحمله انتشرت عن طريق البي بي من يوم الجمعه
بس عن طريق الخاص بالمنتدئ مدري والله ماعندي علم

عيون الدوحة
17-09-2011, 02:24 PM
الحمله انتشرت عن طريق البي بي من يوم الجمعه
بس عن طريق الخاص بالمنتدئ مدري والله ماعندي علم

راسل الأدارة واطلب منهم نشرها
ما وصلني شي عن طريق الخاص أنا واتوقع الأعضاء بعد

رمــش الغلا
17-09-2011, 02:48 PM
لا يا اخوي رافع ريال في وجبة الهابي ميل طبعا ما راح تلاحظ اذا ماعندك اطفال

كل يوم اشتري من ماكدونالدز اللي في محطة بترول بوهامور
هابي ميل بـ 11 ريال

ALDIWAN
17-09-2011, 04:07 PM
كل يوم اشتري من ماكدونالدز اللي في محطة بترول بوهامور
هابي ميل بـ 11 ريال

10:omg:

:weeping:

الحاقول
17-09-2011, 05:01 PM
الدكتوره شيخه الكبسي

علاج السن الواحد عصب 5000 ربال قطري

صدمتني اسعارها ... مادري هذا قيل الزياده او بعدها

مبلغ خيالي دفعته زوجتي عندها .. ياليت خلتها تولي

بس العيب فينا الخجل

Qtr95
17-09-2011, 05:04 PM
الدكتوره شيخه الكبسي

علاج السن الواحد عصب 5000 ربال قطري

صدمتني اسعارها ... مادري هذا قيل الزياده او بعدها

مبلغ خيالي دفعته زوجتي عندها .. ياليت خلتها تولي

بس العيب فينا الخجل

سويته على 1200 :)
عند دختور ثاني

المقاول
17-09-2011, 06:36 PM
فكرة المقاطعة فكرة جيدة .. بس يتم تروجها جيدا بين الناس.

في السعودية زودت المراعي نصف ريال . الشعب السعودي قاطعها وتكبدت خسارة بالملايين ثم رجعت الاسعار على عهدها السابق.

للمقاطعة

عيون الدوحة
17-09-2011, 06:42 PM
الدكتوره شيخه الكبسي

علاج السن الواحد عصب 5000 ربال قطري

صدمتني اسعارها ... مادري هذا قيل الزياده او بعدها

مبلغ خيالي دفعته زوجتي عندها .. ياليت خلتها تولي

بس العيب فينا الخجل

عسى ما شر ليكون مركبه لها ضرس الماس بس
لا لا مستحيل العصب ب 5000 ريال
حتى د. تميم الي هو أغلا واحد يعتبر بالدوحة مستحيل العصب يوصل 5000 ريال

مرتبش
17-09-2011, 06:50 PM
ضرس ب 5 الاف
شي غير معقول

وعن اللستة في الخاص؟؟ شلون يعني لناس وناس

قطر70
17-09-2011, 06:58 PM
المشكله ان مب الكل ملتزم بالمقاطعه
هذا الشي الوحيد اللي مخرب علينا
اتمنى ان نكون يد وحده ودرس لكل من يحاول انه يرفع سعره

الأصيل
17-09-2011, 10:00 PM
اليوم رحت اشتري زي الرياضة لمدرسة جوعان لولدي والي ما يورده الا محل معين في التاون سنتر اسمه فيه اي كيه (vik ) وعطتني الفاتورة لقيت السعر اعلى من السنة الي طافت !!!!!
سألت الموظفة قالت رفعنا الاسعار خمس ريال على القميص وخمس ريال على البنطلون قلت لها ليش رفعتوا اسعاركم بحط اسمكم في القائمة السودا ونقاطعكم !!!!!!!!!!!!
ليش المدرسة ما تحدد لون الزي وكل واحد يشتري من اي مكان يناسبه ؟؟؟؟؟؟
يعني ينفعون المحل على حسابنا !!!!!!!!
وين المجلس الاعلى عنهم ؟؟؟؟؟

ms-qtr
17-09-2011, 11:07 PM
بال بال عسى ماشر 41 ريال لشخص واحد
لو طالبه لوبستر أحسن لج

اي والله خلاص حطيت هارديز في البلاك لست

OM_OMAR_QATAR
17-09-2011, 11:50 PM
في بالمنتزه معجنات " الخليج " اليوم مريت عندهم وبطريقة ما كلتلهم شكلكم مصعدين الاسعار
قال مش مرفعينها ولا حاكة دحنا الي محتاج رفع هو رواتبنا ..

المهم سألته عن الاسعار قال فطاير : صغير 2 الوسط 3 الكبير 4
ويأشر في يدة انه الي حجم الرغيف
طلبنا 3 كبيرة ب 12
يوم جابها طلعت العادية الي شكلها زي الروووتي

فـ هذه اسعارها اقل صح .. ؟؟ صراحة اول مرة اجربه

القيادي
18-09-2011, 12:03 AM
مطعم كارافان عند اشارات رمادا اليوم تفاجأت انه رافع سعره 11 ريال يعني وصل 55 ريال للبوفيه للشخص بحجة انه زاد اطباق البوفيه بوضع قالب اسكريم :eek5: شفتو الحيله الي ماتخطر على بال حد ازود السعر وضيف صنف مايكلفني شي وبلغت حماية المستهلك بحيلتهم وزيادة السعر لكن ماقول يالربع لحد يعتمد علي حماية المستهلك ووالله ان تنزيل الاسعار بيدينا ونقدر نسكر محلاتهم بعد وياليت الجميع يتعاون ونكون يد وحده

OM_OMAR_QATAR
18-09-2011, 12:07 AM
ووالله ان تنزيل الاسعار بيدينا ونقدر نسكر محلاتهم بعد وياليت الجميع يتعاون ونكون يد وحده

عيون الدوحة
18-09-2011, 12:14 AM
مطعم كارافان عند اشارات رمادا اليوم تفاجأت انه رافع سعره 11 ريال يعني وصل 55 ريال للبوفيه للشخص بحجة انه زاد اطباق البوفيه بوضع قالب اسكريم :eek5: شفتو الحيله الي ماتخطر على بال حد ازود السعر وضيف صنف مايكلفني شي وبلغت حماية المستهلك بحيلتهم وزيادة السعر لكن ماقول يالربع لحد يعتمد علي حماية المستهلك ووالله ان تنزيل الاسعار بيدينا ونقدر نسكر محلاتهم بعد وياليت الجميع يتعاون ونكون يد وحده

باااال 11 ريال مره وحدة صج انه طماع وجشع
حطو اسمه من ضمن المقاطعة :anger1:

سهم قطر
18-09-2011, 12:56 AM
ياليت حد يسويلنا صورة للمقاطعه الكل يحطها في توقيعه
وتتضمن جميع المحلات والمنتجات المطلوب مقطعتها وننشرها في باقي المنتديات والقروبات

عيون الدوحة
18-09-2011, 07:06 AM
صباح الخير
سوري ما أقدر أرد على جميع المشاركات لضيق الوقت عندي

اليوم ب تاريخ 18-9-2011 راح نضيف مطعم البتراء من ضمن المقاطعة ( زاد أسعار السندويشات ) تم التأكد من الزيادة ريال لكل سندويش

مرمرة أسطنبول راح تستمر مقاطعته بالإضافة إلى مطعم البتراء نبي تعاون ياجماعة

براحة السوق
18-09-2011, 07:46 AM
صباح الخير
حمدلله امس اتصلت في مرمره اسطنبول اقوله على كم شوارما قالي ب7 قلتله مع السلامه قالي ماتبغي شي قلتله رجع اسعارك القديمه بعدين اخذ منك بعدين اتصلت في مطعم جبل لبنان بالنصر على كم والله مثل ما اقولكم قالي والله اسعارنه مثل ما هو ب 6 ريالات قالي ما راح نرفع اسعارنه لانه عارفين محد راح يجي مثل ما صار مع مطعم مرمره اسطنبول استنتاجي للموضوع يعني تجار المطاعم عارفييين انه في مقاطعة لو ما قاطنهم الكل يريفع اسعاره مثل غيره في مشكله فينا يوم نتصل نطلب ما نسائل على كم سندويش ناخذ وندفع

الكاسر99
18-09-2011, 07:47 AM
اللي عاجبني في الشباب القطري أنهم قاطعوا مطعم التندور اللي في العزيزية

قبل الزياده من سمو الأمير حفظه الله تحصل الشباب بكثره عند المطعم بعد الزياده

من سمو الأمير حفظه الله زاد المطعم من سعره فكان رد الشعب القطري قوي

ولا احد عند المطعم (( العمال اللي يشتغلون في المطعم قاعدين يشوفون توم أند جيري ))

C@RaMella
18-09-2011, 08:03 AM
البرودكاستات وقفت

سحـابة خيـر
18-09-2011, 08:15 AM
الثمار اللبنانيه رافعين اسعارهم بعد واسعارهم من فرع لفرع مختلفه
يعني النعناع ب 4 و5
وكان عندهم بريال وريلين
ماعندهم مقاطعه والمحل زحممه من الناس

الرويـس
18-09-2011, 08:25 AM
انا مستغرب
ليش كل هالحنق المدوي على ( الشاورما ) !!

.
.
أحس انه صار طبق قومي

qatar143
18-09-2011, 09:15 AM
يا جماعة الخير عندي لكم بعد جهتين انضموا للقائمة

1- كوفي شوب الخيام ... فرع الوكرة ... قهوة بالبندق كان ب 6 ريال ، صار 8 ريال ..لكن شباب الوكرة والله ماقصروا فيه خلوه عبرة لمن لا يعتبر ... قبل كان زحمة لدرجة انك ما تلاقي مكان فيه ، ومن برع الشباب والمواتر صافة ودق سوالف وكل شوي طلبات لكن هالايام ما أبالغ لو أقول لكم إنه يكش الذبان من زود الملل .
واكيد الأفرع الثانية زودت أسعارها ، فياليت تنبهون الناس .

2- باسكن روبنز : ايسكريم الجوكليت كان ب 6 ريال ، صار ب 9 ريال ... فلازم يا جماعة نقاطع

المشكلة : ان احنا بس نكتب ولما نمر جنب هالمحلات نلاقي زحمة سيارات .. طيب وبعدين يعني

شرايكم .. ايش الحل من وجهة نظركم ، يعني شلون تكون مقاطعة جادة ونكون ايد وحدة

ابي ارائكم

V.I.P_QATAR
18-09-2011, 09:26 AM
وفي القطري لقطع السيارات تويوتا رفع الاسعار كانت السفايف الخلفيه لل فيكسار بــ 180 ريال والحين بـ205 والاماميه كانت بــ280 والحين بــ300 ريال

bu 3li
18-09-2011, 09:48 AM
اليوم ب تاريخ 18-9-2011 راح نضيف مطعم البتراء من ضمن المقاطعة ( زاد أسعار السندويشات ) تم التأكد من الزيادة ريال لكل سندويش

مرمرة أسطنبول راح تستمر مقاطعته بالإضافة إلى مطعم البتراء نبي تعاون ياجماعة


اختي بكم كان السندويش وبكم صار ؟؟
امس فالليل طالبين من اللي فـ الوكره وسعر الشوارما 7 ريال والفلافل 4 ريال
هالاسعار من رمضان وقبل بعد !! مادري اذا تغير شي ولا نفس الاسعار

عيون الدوحة
18-09-2011, 09:50 AM
اختي بكم كان السندويش وبكم صار ؟؟
امس فالليل طالبين من اللي فـ الوكره وسعر الشوارما 7 ريال والفلافل 4 ريال
هالاسعار من رمضان وقبل بعد !! مادري اذا تغير شي ولا نفس الاسعار

زاد من ريال لين ريال ونص على كل سندويش

bu 3li
18-09-2011, 10:02 AM
زاد من ريال لين ريال ونص على كل سندويش


ياليت تعطينا سعره قبل وعقب الزياده عشان نعرف اذا زايد ولا لأ اذا حد طلب :nice:

عيون الدوحة
18-09-2011, 01:25 PM
ياليت تعطينا سعره قبل وعقب الزياده عشان نعرف اذا زايد ولا لأ اذا حد طلب :nice:

للفلافل مكن 2 ونص لين 3 صار 3 ونص الحين 4

بـارود
18-09-2011, 08:59 PM
شفت الموضوع نزل قلت خلني أرفعه :nice:

عندي 3 محلات أتمنى مقاطعتها :

1. مكتبة حراء -> الروضة
2. معجنات جبل اسطنبول -> الروضة
3. مركز اسطنبول للحلاقة -> شارع المطار

طبعاً أول محلين كانوا يغردون خارج السرب قبل الزيادة وبعدها
والسبب هو احتكارهم لهالمهنة فالفريج

أما الحلاق فزود 5 ريال للعارض :anger1:

ALDIWAN
19-09-2011, 02:09 AM
سمعت والعلم عند الله ان مرمرة اسطنبول راح ينزل االسعر خلال هاليومين
بيرجع للاسعار القديمه

الطلياني
19-09-2011, 08:54 AM
في حد انتبه لزيادة الاسعار في الميرة ؟

: بوحمود :
19-09-2011, 09:00 AM
اسمحولي بهالمداخله قصه جميله ومنقوله من ايميلي . . . وانشاء الله تكون اظافه للموضوع


قصة الشعب الأرجنتيني مع البيض
لقد فازوا بالمعركة على التجار الجشعين

قبل بضع سنوات استيقظ الشعب الأرجنتيني صباح أحد الأيام وإذا بتجـّار الدواجن والبيض قد اتفقوا على رفع سعر البيض كلهم مرة واحدة ، عقدوا اتفاقهم دون أن يفكروا في لحظة واحدة أن هناك من لا يستطيع أن يجد قوت يومه وأن هناك من يكّد النهار والليل ليسـّد رمق أطفال جياع هل تعلمون لماذا ؟ لأنهم تجـّار جشعين لا يهمم إلا أن يملئوا جيوبهم بأموال الناس كيفما اتفق .

فماذا حصل بعد ذلك ؟
الشعب الأرجنتيني شعب متطور وشعب يفهم الحضارة ويعرف القوانين ليس كالشعب الـ.........، لقد كان المواطن الأرجنتيني ينزل إلى السوبر ماركت ويأخذ البيض وعندما يجد سعره مرتفعاً فإنه يعيده إلى مكانه ويقول : لا بأس ، ليس هناك داع للبيض حالياً ، لا يضر أبنائي إن تركوا البيض لفترة بسيطة ، فالأكل ولله الحمد متوفر ،، كان هذا هو حال جميع المواطنين الأرجنتينيين ، لقد كان الشعب الأرجنتيني متفقون فكرياً فيما بينهم فعندما وجدوا أن سعر البيض مرتفع تركوه في السوق. (خلـّوه يفسد) .
فماذا تتوقعون انه حصل بعد ذلك ؟
بعد أيام وكالعادة تأتي سيارة التوزيع الخاصة بشركة الدواجن لتقوم بتنزيل الكميات الجديدة من البيض ولكنهم فوجئوا بأن أصحاب المحلات يرفضون إنزال أي كميات جديدة نظراً لأن البيض الذي لديهم مازال كما هو لم ينقص لأن الناس عزفوا عن الشراء ، فقام التجـّار بإعادة الكميات إلى مستودعاتهم وقالوا لنصبر أياماً قليلة لعل وعسى أن يعود المواطنين لشراء البيض ، انتظر التجـار أياماً وانتظر الشعب أياماً وانتظروا وانتظروا ،،، ولكن هل تعلمون من هو الخاسر في فترة الانتظار هذه ؟؟
هل هم المواطنون الذين لم يأكلوا البيض ؟؟
أم التجـّار الجشعين الذين رفعوا سعر البيض ؟؟
ولا تنسوا أن الدجاج خلال فترة الانتظار مازال يبيض ويبيض ويبيض فالدجاج واصل إنتاجه ويا بلادي واصلي ،،،،، وتورط التجـّار (الجشعين) بالبيض الذي ملأ الدنيا فقد تكدّس البيض في الثلاجات والمخازن والمستودعات والبقالات دون وجود مشترٍ ، والدجاج الخائن في المزارع قد اتفق مع المواطنين وواصل إنتاجه من البيض ولم يتوقف ، وأصحاب محلات التموين لم يطلبوا أي طبق بيض فالبيض الموجود لديهم بالأسعار الجديدة مازال متسمّراً في الرفوف ،،،،
هل انتهت القصة
وبعد عدة أيام اتفق التجـّار ولكن هذه المرة اتفاقاً جديداً وهو بيع البيض بسعره السابق قبل الارتفاع ،، ولكـّن الشعب الأرجنتيني الأبّي رفض أن يشتري البيض مرة أخرى ،، وذلك لكي يتأدب التجـّار ولا يعودوا لمثلها ،، فعاد التجـّار وخفضوا من سعر البيض مرة أخرى

وهل انتهت القصة هنا ،، لا
ولكن الشعب العظيم لم يشتري البيض . فكاد عقول التجـّار أن تزول ، فالخسائر تتراكم والموت قادم ( وليش تحط راسك برأس الشعب الأرجنتيني) .
أخيراً وبعد كل هذا اتفق حثالة التجّار الخاسرين وهم خاسئين بأن يبيعوا البيض بربع سعره قبل الارتفاع مع تقديم اعتذار رسمي للشعب في الصحف بعدم تكرار ما حدث
هنا انتهت القصة

وأصبح الشعب الأرجنتيني العظيم فائزاً في معركته مع التجار وفائزاً بأنه يشتري البيض بخصم 75 % من سعره الأصلي . وهنيئاً للشعب الواعي ، الشعب المتفق فكرياً والعارف بمصلحته ،، لقد فازوا بالمعركة على التجار الجشعين .

PGR
19-09-2011, 09:33 AM
شفت الموضوع نزل قلت خلني أرفعه :nice:

عندي 3 محلات أتمنى مقاطعتها :

1. مكتبة حراء -> الروضة
2. معجنات جبل اسطنبول -> الروضة
3. مركز اسطنبول للحلاقة -> شارع المطار

طبعاً أول محلين كانوا يغردون خارج السرب قبل الزيادة وبعدها
والسبب هو احتكارهم لهالمهنة فالفريج

أما الحلاق فزود 5 ريال للعارض :anger1:

اخوي مركز اسطنبول للحلاقه مازود ولا ريال انا احلق عنده من 9 سنين والحلاقه اب 20 ريال

ارجوا التاكد من المعلومات قبل وضعها لانه هاي ارزاق ناس

حصه20007
19-09-2011, 10:21 AM
مطعم الحلواني الي بالخريطيات

كان سعر الدجاج مسحب 18 ريال اللحين 28 ريال

الـخـالـدي
19-09-2011, 10:44 AM
قاطعتو ولا ماقاطعتو في شي اسمه حماية التاجر

رجوان
19-09-2011, 11:14 AM
قصه حلوه اخوي بو حمود وياليت كلنا نتكاتف وانسوي مثلهم يستاهلون اللي صار لهم التجار وهاي اخره الطمع الناس الفقاره

راعي ال VXR
19-09-2011, 11:25 AM
انا اليوم قاطعت كيوتل اللي هي خدمة بلاك بيري الاشتراك الشهري 120 ريال
والحين شغلت خدمة فوداون الشهري ب 49 ريال
هممتكم معاي يالربع
المصدر
http://www.vodafone.com.qa/go/ar/plans/special-offers/blackberry-on-red

مضاربه
20-09-2011, 09:59 AM
الميغا مارت اسعاره مبالغ فيها عنده علبه صغيره فيها مجموعه خضروات للسلطه 34 ريال نفس الشركه موجوده في كارفور دبي ومكتوب عليها organic
ب10 درهم بس شوفو الفرق

عيون الدوحة
20-09-2011, 10:51 AM
الميغا مارت اسعاره مبالغ فيها عنده علبه صغيره فيها مجموعه خضروات للسلطه 34 ريال نفس الشركه موجوده في كارفور دبي ومكتوب عليها organic
ب10 درهم بس شوفو الفرق

مش مجبورين تشترون
خلوها تخيس

كازانوفا
20-09-2011, 10:58 AM
انا ما عندي مشكله بروح اصور
بس ما اعرف انزل الصور هنا بالمنتدى

بـارود
20-09-2011, 05:21 PM
اخوي مركز اسطنبول للحلاقه مازود ولا ريال انا احلق عنده من 9 سنين والحلاقه اب 20 ريال

ارجوا التاكد من المعلومات قبل وضعها لانه هاي ارزاق ناس

أنا متأكد
وصار لي سنتين أحلق عنده
بس هاي أول مرة يرفع السعر علي !

راقي
21-09-2011, 02:01 PM
اي والله حمااااااااية التاااااااااااااجر : ))

عيون الدوحة
21-09-2011, 02:07 PM
مع أقتراب نزول الرواتب لموظفين الدولة
يرجى الالتزام الجدية بالمقاطعة وتناول وجبات الغداء والعشاء بالبيت
لمدة شهرين على الأقل والابتعاد عن الكماليات الي مالها معني
لتوجيه رساله قاسية للتجار

ريما
22-09-2011, 11:34 AM
سؤال واحد ليش الناس مستصعبه المقاطعه وخاصه حق المطاعم الله مكثر الخدم في البيت يغلون حق العيال همبرجر ولا نجتس ولا يسون عشاء كل يوم شي بيصير في كل بيت مطعم نظيف وبتقل حالات التسمم وبيصير للطلعه مره في الاسبوع نكهه حلوه اما كل يوم اهلكو اليهال من الفاست فود انا صار لي سنتين متبعه النظام واليهال مستانسين والدنيا حلوه , ياليت الناس تقلل المطاعم لانهم يدرون بخطرها على العيال ولحد يقول مانقدر نمنع اليهال كل يحنون لان في الاخير هم يهال

عيون الدوحة
24-09-2011, 11:20 PM
سؤال واحد ليش الناس مستصعبه المقاطعه وخاصه حق المطاعم الله مكثر الخدم في البيت يغلون حق العيال همبرجر ولا نجتس ولا يسون عشاء كل يوم شي بيصير في كل بيت مطعم نظيف وبتقل حالات التسمم وبيصير للطلعه مره في الاسبوع نكهه حلوه اما كل يوم اهلكو اليهال من الفاست فود انا صار لي سنتين متبعه النظام واليهال مستانسين والدنيا حلوه , ياليت الناس تقلل المطاعم لانهم يدرون بخطرها على العيال ولحد يقول مانقدر نمنع اليهال كل يحنون لان في الاخير هم يهال

سؤال يطرح نفسة مع قرب نزول الراتب
هل ستتنازل عن راتبك للتاجر الجشع ؟؟ أم ماذا

الأصيل
24-09-2011, 11:42 PM
الاخوة والاخوات الاعزاء
هذه الحملة لمقاطعة الجشعين دعونا نجعلها فرصة لاعادة النظر في اسلوب حياتنا المعيشي ..... بالامس من النادر ان نلقي بالا للارتفاع في الاسعار اما الان بعد ان ادركنا ان هناك من التجار من يستغل هذه المكرمه الاميريه "لينغص" علينا فلنكن كلنا لهم بالمرصاد وانا احيي هذه "الانتباهه"منكم في التبليغ عمن تسول له نفسه رفع الاسعار المرتفعه اصلا واشارك الاخت الراي في تقليل الذهاب للمطاعم وخصوصا الفاست فود باختصار نفتح اعيننا ونقلل الكماليات فتره حتى يعودوا الى رشدهم وقواكم الله

بـــاروود
25-09-2011, 06:22 AM
كفوووووووو عليكم قاطعوهم ... انا الصراحه اشوف تفاعل كبير من اقلبية الشعب ...


موضوع يستاهل الرفع

Store
25-09-2011, 04:24 PM
المقاطعة لردع التجار

kitmat
25-09-2011, 05:39 PM
كندور للشوكولاته زاد سعر الصينية اللي انا اشتريها دايما بسعر 350 الى 480 والله حرام عليهم وزاد سعر الكيلو من 200 الى 240 ريال والبيتيفور من 60 الى 80

عيون الدوحة
25-09-2011, 06:17 PM
كندور للشوكولاته زاد سعر الصينية اللي انا اشتريها دايما بسعر 350 الى 480 والله حرام عليهم وزاد سعر الكيلو من 200 الى 240 ريال والبيتيفور من 60 الى 80

هههههههه. دشو المقاطعة من اوسع ابوابة