المساعد الشخصي الرقمي

مشاهدة النسخة كاملة : اشسالفه فيلاجيو . . . . ؟


جرير
17-09-2011, 12:48 AM
.













.




شسالفه يا جماعه الخير . . . . يعني الناس ما تعرف تلعب عيالها من زحمه الشباب

لا حول ولا قوه الا بالله . . . يعني الحين الشباب خلو المجمع كله

وكثفو تركيزهم صوب الالعاب . . . اقسم بالله انه شي مقرف

لاحيا ولا مستحا . . . تقول كنك رايح سيلين مب كنك في مكان

فيه العاب يهال . . .



طبعا انا ما راح اتكلم عنهم واقول انهم مب متربيين

او او او . . . ما راح احط اللوم عليهم . . .لان بعضهم

ما تشره عليه بصراحه انا احط اللوم على اداره المجمع اللي

خلتهم يدشون اماكن اللالعاب


طبعا اغلها فئه المراهقين من 15 لين 20 واحيانا فوق

ال 20 وطبعا لا لعب ولا شي

بس دواره داخل اللالعاب . . . وملاحق ومغازل في هالبنات تقول

الشباب قاعدين في لاس فيغاس . . . .

لابد من تدخل سريع وحل مشكله انتشار الفئه المزعجه


والله ما ينلامون بعض المجمعات ايام قبل لين خصصو خميس وجمعه

للعايلات . . . لحد يقول انا قاسي عليهم . . . او اني ابالغ في الوصف

خله يروح يوم الجمعه ويشوف شلون الوضع الماساوي:anger1:


حرام مهدودين جذي لابد من مكان يحتويهم . . .
OM_OMAR_QATAR
17-09-2011, 12:51 AM
الله يعين بس ، وان شاء الله نتمنى فيه حلول واماكن تخص الشباب
ريتويت
17-09-2011, 01:01 AM
الله يهديهم
بوحارب
17-09-2011, 01:30 AM
ياخي استغرب من هالشباب يعني ما عندهم مكان يجتمعون فيه بدل الدواره في المجمعات

والله المفروض تكون في جهة تمنع تواجد الشباب وتوقفهم عند حدهم !!
النهار
17-09-2011, 01:37 AM
الحين في ذمتك بوحارب وين تبيهم يرحون يامحافص واستعراضات واذية خلق الله بعد مايطيب خاطره ويطرب نفسه يرح يحلي في المجمعات صراحه مفروض يومين في الاسبوع للعائلات فقط ويكون الامن من الشرطه لان الامن الموجود في المجمعات ديكور لايهش ولاينش
امل الحب
17-09-2011, 01:40 AM
وضع الفيلاجيو مختلف عن باقي المجمعات لا تسالني ليش..

لكن دائما مزدحم يعني انا حاطته خارج الحسبة نهائيا ولا اجرب صوبه ..
al-obaidly
17-09-2011, 01:41 AM
يعني وين تبوهنم يروحون ؟؟؟؟؟؟؟؟؟؟؟؟؟؟؟؟
الوان
17-09-2011, 01:43 AM
العاب فلاجيواصلا للكبار و فيه البولنج هذا كله شباب و مراهقين
و بعدين ليش ما احتجيت على الجاليات اللي العايلة كلها والجد و الجدة ملتمين يلعبون بزر واحد
المفترسه
17-09-2011, 01:50 AM
مساكين هالشباب يكسرون خاطري
طاقة وحيويه في عمر الزهور لا يجدون اماكن للممارسة هواياتهم واكتشاف ابداعاتهم
المفروض تكون عندنا انديه ومراكز شبابيه ابداعيه وترفيهيه لتفريغ طاقاتهم
بوحارب
17-09-2011, 01:58 AM
الحين في ذمتك بوحارب وين تبيهم يرحون يامحافص واستعراضات واذية خلق الله بعد مايطيب خاطره ويطرب نفسه يرح يحلي في المجمعات صراحه مفروض يومين في الاسبوع للعائلات فقط ويكون الامن من الشرطه لان الامن الموجود في المجمعات ديكور لايهش ولاينش

مرحبا اخوي النهار

انا اتكلم عن الشباب اللي يتفرفرون طول الوقت ويتحرشون في الحريم اللي حتى المحتشمة ماخلوها في حالها

يعني ما لقى يتمشى الا بين الحريم !!
KHALID J
17-09-2011, 02:06 AM
المشكلة ليش تلومون الشباب وهو اصلا مافي مكان غير المجمعات عندنا وخصوصا في هالجو وتخصيص يوم الخميس والجمعه للعائلات غير مناسب أبدا يعني يفضل يكون في نص الاسبوع لانه الشباب أكيد لهم الحق يدخلون المجمع سواء كان للسينما او لأي شي ثاني لانه إجازة الاسبوع وخاصة الفئة الي ذكرتها اغلبها تكون في المدارس
بس يقدرون يخلون مكان الألعاب للعائلات بس في هاليومين
ولو على المغازل موجود في كل مكان مو بس في مكان الألعاب

انشاءلله يكون هناك حل يرضي الجميع
جرير
17-09-2011, 02:33 AM
الله يعين بس ، وان شاء الله نتمنى فيه حلول واماكن تخص الشباب




ان شالله :nice:
جرير
17-09-2011, 02:33 AM
الله يهديهم




الله يهدي الجميع
جرير
17-09-2011, 02:35 AM
ياخي استغرب من هالشباب يعني ما عندهم مكان يجتمعون فيه بدل الدواره في المجمعات

والله المفروض تكون في جهة تمنع تواجد الشباب وتوقفهم عند حدهم !!




لا تظلم الشباب ترى جايين يتسوقون :funny::funny:
hot2000
17-09-2011, 02:35 AM
فيلاجيو

نقطه سوداء في دوحه الخير

وعلامه معروفه في كل دول الخليج

في المغازل والعري

الحمدلله دخلته مرة ما اعيالي من سنتين

ومنعت دخوله على نفسي وعلى زوجتى واعيالي
جرير
17-09-2011, 02:37 AM
الحين في ذمتك بوحارب وين تبيهم يرحون يامحافص واستعراضات واذية خلق الله بعد مايطيب خاطره ويطرب نفسه يرح يحلي في المجمعات صراحه مفروض يومين في الاسبوع للعائلات فقط ويكون الامن من الشرطه لان الامن الموجود في المجمعات ديكور لايهش ولاينش




يخصصون هذا هو المفروض على الاقل تاخذ راحتها العوايل
جرير
17-09-2011, 02:38 AM
وضع الفيلاجيو مختلف عن باقي المجمعات لا تسالني ليش..

لكن دائما مزدحم يعني انا حاطته خارج الحسبة نهائيا ولا اجرب صوبه ..




لانه وسط الدوحه الوصول له سهل . . . وكارفور مسوي شغل
جرير
17-09-2011, 02:40 AM
يعني وين تبوهنم يروحون ؟؟؟؟؟؟؟؟؟؟؟؟؟؟؟؟




يروحون كل مكان . . . بس لا يركزون على هدف ماله قيمه
جرير
17-09-2011, 02:42 AM
العاب فلاجيواصلا للكبار و فيه البولنج هذا كله شباب و مراهقين
و بعدين ليش ما احتجيت على الجاليات اللي العايلة كلها والجد و الجدة ملتمين يلعبون بزر واحد




حي الاجانب والجاليات اللي تقول عنهم . . . . ولا مسخره بعض الشباب وقله حياهم
جرير
17-09-2011, 02:45 AM
مساكين هالشباب يكسرون خاطري
طاقة وحيويه في عمر الزهور لا يجدون اماكن للممارسة هواياتهم واكتشاف ابداعاتهم
المفروض تكون عندنا انديه ومراكز شبابيه ابداعيه وترفيهيه لتفريغ طاقاتهم




التقصير من بعض الجهات . . . يركزون على اشياء يمكن ما تنشاف بالعين المجرده
ويخلون احتياجات الشباب في مهب الريح
qatarawi
17-09-2011, 02:47 AM
توني راد من فيلاجيو

وشفت اللي الموضوع يتكلم عنه وتعليقي بسيط وحل حلو

لا يسكرون المول للعزابية او جزء منه او يوم او يومين

اللهم كل مجمع تتوافر فيه عناصر الشرطة (داخله) مو فقط خارجه وطايحين مخالف للناس

تخيلوا معاي مكان الالعاب اللي في فيلاجيو لو فيه ٣ افراد او ٤ من الشرطة

والله مو كفو حد يغازل عند الالعاب

والشباب اللي يدشون يغازلون بيخافون وبيروحون يشوفون لهم فلم

او يتعلمون يلعبون برازيلية ويقعدون في مجالس الرجال هههه
جرير
17-09-2011, 02:48 AM
مرحبا اخوي النهار

انا اتكلم عن الشباب اللي يتفرفرون طول الوقت ويتحرشون في الحريم اللي حتى المحتشمة ماخلوها في حالها

يعني ما لقى يتمشى الا بين الحريم !!



وينك يالامن الوقائي . . . والتحريات:strong3: . . . لان سكورتيه المجمعات escape:nice:
جرير
17-09-2011, 02:52 AM
المشكلة ليش تلومون الشباب وهو اصلا مافي مكان غير المجمعات عندنا وخصوصا في هالجو وتخصيص يوم الخميس والجمعه للعائلات غير مناسب أبدا يعني يفضل يكون في نص الاسبوع لانه الشباب أكيد لهم الحق يدخلون المجمع سواء كان للسينما او لأي شي ثاني لانه إجازة الاسبوع وخاصة الفئة الي ذكرتها اغلبها تكون في المدارس
بس يقدرون يخلون مكان الألعاب للعائلات بس في هاليومين
ولو على المغازل موجود في كل مكان مو بس في مكان الألعاب

انشاءلله يكون هناك حل يرضي الجميع




الكل يتمنى هالشي . . . على الاقل الناس تاخذ راحتها شوي
حقيقه
17-09-2011, 02:53 AM
وين يروحون

برى بينحرفون واقرب شيء لهم المخدرات والقعدات المشبوهه
جرير
17-09-2011, 02:53 AM
فيلاجيو

نقطه سوداء في دوحه الخير

وعلامه معروفه في كل دول الخليج

في المغازل والعري

الحمدلله دخلته مرة ما اعيالي من سنتين

ومنعت دخوله على نفسي وعلى زوجتى واعيالي




الله المستعان

لابد من نقطه نظام
جرير
17-09-2011, 02:56 AM
توني راد من فيلاجيو

وشفت اللي الموضوع يتكلم عنه وتعليقي بسيط وحل حلو

لا يسكرون المول للعزابية او جزء منه او يوم او يومين

اللهم كل مجمع تتوافر فيه عناصر الشرطة (داخله) مو فقط خارجه وطايحين مخالف للناس

تخيلوا معاي مكان الالعاب اللي في فيلاجيو لو فيه ٣ افراد او ٤ من الشرطة

والله مو كفو حد يغازل عند الالعاب

والشباب اللي يدشون يغازلون بيخافون وبيروحون يشوفون لهم فلم

او يتعلمون يلعبون برازيلية ويقعدون في مجالس الرجال هههه







يا رجل اسكت تفجائت . . . قلت شسالفه لايكون رايح صوب
طعس الاستعراض . . . . :omg:
والله احنا نتمى هالشي
almaf1a
17-09-2011, 02:56 AM
العايلة كلها والجد و الجدة ملتمين يلعبون بزر واحد


عسى فازوا بس
جرير
17-09-2011, 02:58 AM
وين يروحون

برى بينحرفون واقرب شيء لهم المخدرات والقعدات المشبوهه




احنا ما نمنعهم من انه يروحون . . . . بس مفترض يكون فيه شويه مراعاه للعوائل
وممكن ان يستغل اوقاته وطاقاته في اماكن افضل من المجمعات
الكحيلة
17-09-2011, 03:06 AM
الله يهدي الجميــع :)
الوان
17-09-2011, 03:11 AM
عسى فازوا بس

هههههه شكلك توك جاي من الألعاب

بزر= طفل
يعني 12 شخص من العايلة جايين يلعبون ياهل واحد
R 7 A L
17-09-2011, 03:33 AM
اذا غاب القط العب يافـــــــــــار
الـقـاسـي
17-09-2011, 04:12 AM
الامن الوقائي وين اختفى هل هو مغيب بتعمد ولا شسالفه ,,
قبل كنا نشوفهم ونشوف دورهم الحين لو الواحد يسوي مايسوي محد يقرب منه ليش ؟؟
qatarawi
17-09-2011, 04:44 AM
الامن الوقائي وين اختفى هل هو مغيب بتعمد ولا شسالفه ,,
قبل كنا نشوفهم ونشوف دورهم الحين لو الواحد يسوي مايسوي محد يقرب منه ليش ؟؟

اي والله غريبة
اختفوا فجاة:eek5:
ابداع قلم
17-09-2011, 05:03 AM
مب هذا اللي يبونه البنات والحريم !!
الاختلاط اللائق بين الجنسين لتبادل الخبرات والمنافع !!
هذا كلام البنات في موضوع اخر في نفس المجمع
فليش التشكي الحين ؟!!
feva qatar
17-09-2011, 06:14 AM
الحين في ذمتك بوحارب وين تبيهم يرحون يامحافص واستعراضات واذية خلق الله بعد مايطيب خاطره ويطرب نفسه يرح يحلي في المجمعات صراحه مفروض يومين في الاسبوع للعائلات فقط ويكون الامن من الشرطه لان الامن الموجود في المجمعات ديكور لايهش ولاينش

:nice: صح كلامك .. المفروض يومين للعلائلات وويوم مخصص للسيدات فقط ..لان ايام العائلات الشباب يزرقون من الامن يقولون لهم الاهل داخل وااانا رحت اسفط السيارة

على العموم المجمعات مافيها اشيا تعتبر من حتياجات الشاب القطري بخلاف البنت الي كل احتياجاتها منة ..شيبيله ؟ فانيلة وسروال بيحصلهم في سوق العلي:secret:

اما بخصوص الكوفي والمطاعم الله مكثرها برا المجمعات ..بس شنقول .. الله يخلف على امهاتهم
qtr7
17-09-2011, 06:45 AM
قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.


يقولي واحد من الشباب مجمعات الكويت يحطون سكورتي كويتيين بثياب واجهزه . مب مثل الي عندنا ينضربون!
اعمال
17-09-2011, 08:22 AM
بخصوص الأمن الوقائي يسلم عليك اخوي >>> معقوله لين الحين موجود الأمن الوقائي أختفو

مالوم الشباب بس

الشباب طالبو بعزبه يتجمعون فيها ويا ربعهم وعيال عمهم ما عطوهم لأن العزب تطلع بواسطه !!!

الشباب قالو بيقنصون سكرو عليهم البر من كل صوب من المحميااات !!!

اذا يتمشون بالسياره قلتو شدعوه ما عندهم شغل بس فراره بالسياره ومسببين زحمه !!

يا خي اذا بتمنع شـي حط له بديل بس للأسف عندنا ممنوع شنوالسبب محد يدري شنو البديل لا يوجد
والحين بعد كم سنه بيمنعون العنن الله يكون بالعون بس
MAZEN37
17-09-2011, 08:33 AM
كلام صاحب الموضوع صح 100%
ملاحظ ومستهجن
fahad123
17-09-2011, 08:50 AM
بذمتكم انتو الححين خليتو هـ الجاليات اللي يفقعون الكبد وحركاتهم ولبسسهم وتصصرفاتهم

وحطيتو حرتكم ف عيال ديرتكم اللي لو احلف لو تقول لنص الشباب اللي ذكرتوهم ف مجمع فيلاجيو (طلعو بطايقكم الشخصيه)

75٪ بتحصل بطاقته لونها ازرق


ي جماعه الحين الشباب اقسسم ب الله حالتهم يرثا لها

وين مايروح نلقي اللوم كله عليهم اقسسم ب الله لو انتو عايشن ف احدى الدول الخليجيه وتشوفون وش يسسون شبابهم والله ان تحسون ف عيالنا وف اخلاقهم


ليش الامارات شبابهم مانشوفهم ف المجمعات لآن موفرين لهم كل مايحتاجونه

وفرو لهم اماكن الترفيه اللي حتى الدول الاوربيه ماسوو مثلها وجابو لهم كل مايتمنونه
وخلو شبابهم بدال الواحد منهم كل اجازه يسافر او يفتر ف المجمعات ع قولتكم ويضايق العوائل
خلوهم يفرغون طاقتهم ف اماكن مخصصه اصصلا لهم وليست مخوله لدخول (النساء)


للأسف التجار اهنا ما وفرو جشعهم ف حب الفلوس يبنون لهم مراكز ترفيه شبابيه ويفكون العوائل ع قولتكم
من غثاء عيالكم



انا اقسسم برب الكعبه ما ادش المجمعات الا اذا لي حاجه وظروريه واروح لها ف الصباح علششان ماتندبل كبدي من هـ الجاليات اللي ماخلو لنا ششي ><



ي جماعه اتمنى تخففون ضغوط علينا وتلتفتون ع الجاليات اللي ماغير تكسع ف المجمعات وخاصصه فيلاجيو
مخلينها استراحه لهم وي ليتهم يحترمون اهل الدار بس الا (يحط اصبعه ف عيون راعي الدار) وللأسف القانون معه :(
طاير
17-09-2011, 09:01 AM
المشكلة ياخوك انه العاب فيلاجيو فيها العاب كبار للشباب
فبيكون صعبه يمنعونهم يدخلون هناك
لأن الموضوع ربحي

لكن ممكن ما يخلون حد يدخل الا معاه عائلة
vipqtr
17-09-2011, 09:11 AM
الشباب فاضيين ماعندهم شي.. لاحول ولاقوة الا بالله
fahad123
17-09-2011, 09:53 AM
المسئلة مب مسئلة فضاوه او تفرغ او قلة حيا في حين اخر ..


المسئلة انا مثلا لو بغيت اغير الروتين الممل (ايام الاسبوع دوام الصبح والظهر نوم والعصر اخلص كم شغله والليل من مجلس الي مجلس ......)ويسستمر الروتين الممل

بروح اغير جو مثلا ف الخليج الغربي (هناك حدث بلا حرج ) ماشاءلله لآ يوجد مكان لو تم الي الفجر والله مايخلونك هـ الجاليات الله يهديهم بسسسس ><

قلنا الخليج الغربي ومافيه مكان نبي ننزل للبحر ونزل الاسكوترات ونفتل (ممنوع هـ آلآيـآم ) << امرنا لله ندور شي حلال وليسسسسس حرااااااااااام شرعـآ

ولكن للأسسف كل ماهو حلال يمتعنا نحن ي فئة الشباب اصصبح ف الوقت الحالي (حرام قانونيـآ)

ممكن تقنعوني انتم ي المعارضين تواجد الشباب ف اماكن الترفيه

وين يروحون ؟؟!

والله لو تجاوبني ع السؤال ذا بجواب يكون مقنع اسسحب كلامي اللي قلته قبل كله :)
راسي براسك
17-09-2011, 01:08 PM
المفروض تكون فيه جهه حكومية مسئولة عن قضايا الشباب ,,
ويكون شغلها الشاغل تطويرهم وأيجاد أماكن ترفيهية تخصهم !
لان حرام يروح وقتهم ويضيع بالدواره في المجمعات والاستعراض بالسيارات خارج المجمع ,,
وفيه شباب كفو عليهم والله أذا سألتهم قالوا لك مالنا حاجه نروح هالأماكن مجالسنا مفتوحة وربعنا يجونا وفاتحين باب المجلس للرفقة الطيبه < وهذول نادر ماتلاقيهم هالأيام !
شرقاويه
17-09-2011, 01:10 PM
المفروض يمنعون دخول الشباب ويكون فيه مجمع واحد مسموح لهم في السعوديه ممنوع دخول الشباب الي بدون عوايل الا في الراشد يدخلونه بروحهم بس مجمع واحد
Doha 2016
17-09-2011, 03:25 PM
الله يهديهم

ونتمى يهتمون بالشباب ويوفرون لهم اماكن

بدال دوارتهم على الفاظي

من غير المعقول انه لا يوجد اماكن للشباب كبعض الدول
TEAMspirit
17-09-2011, 04:48 PM
زين شتقولون عن واحد رايح مع هله وعياله السينما وحاجز لهم قسم العائلات عشان يغير مع العيال شوي يستانسون يحصل اغلب الي هناك شباب مراهقين و كبار . ويدرون انه قسم مخصص للعايلات لكن الله المستعان .
Qtr95
17-09-2011, 05:08 PM
بينهدم في 2012 :)
شموخ وبس
17-09-2011, 06:30 PM
نو كـــــــــومنت
راشد محمد
17-09-2011, 06:34 PM
وين يروحون عطهم حلول..مفروض يزودون الامن داخل المجمع بعد خاصة في الويكند
جرير
17-09-2011, 07:18 PM
الله يهدي الجميــع :)





اااامين يارب
جرير
17-09-2011, 07:19 PM
اذا غاب القط العب يافـــــــــــار





:omg::omg:
جرير
17-09-2011, 07:20 PM
الامن الوقائي وين اختفى هل هو مغيب بتعمد ولا شسالفه ,,
قبل كنا نشوفهم ونشوف دورهم الحين لو الواحد يسوي مايسوي محد يقرب منه ليش ؟؟




ما تدري الظاهر مشغولين . . . الغايب عذره معاه

بس نتمنى تواجدهم حق فئه من الناس
جرير
17-09-2011, 07:22 PM
مب هذا اللي يبونه البنات والحريم !!
الاختلاط اللائق بين الجنسين لتبادل الخبرات والمنافع !!
هذا كلام البنات في موضوع اخر في نفس المجمع
فليش التشكي الحين ؟!!




:omg::omg::omg::omg:

هذا كلام الاعلام . . . . اللي يحب يفسد المجتمعات

ويربط كل شي على الناس
جرير
17-09-2011, 07:23 PM
:nice: صح كلامك .. المفروض يومين للعلائلات وويوم مخصص للسيدات فقط ..لان ايام العائلات الشباب يزرقون من الامن يقولون لهم الاهل داخل وااانا رحت اسفط السيارة

على العموم المجمعات مافيها اشيا تعتبر من حتياجات الشاب القطري بخلاف البنت الي كل احتياجاتها منة ..شيبيله ؟ فانيلة وسروال بيحصلهم في سوق العلي:secret:

اما بخصوص الكوفي والمطاعم الله مكثرها برا المجمعات ..بس شنقول .. الله يخلف على امهاتهم



:nice::nice::nice::nice::nice:

الله يصلح الجميع
جرير
17-09-2011, 07:24 PM
قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.


يقولي واحد من الشباب مجمعات الكويت يحطون سكورتي كويتيين بثياب واجهزه . مب مثل الي عندنا ينضربون!




بغض النظر عن مدى كون السيكورتي مواطن او غير مواطن

انت تقدر تمنع دخول الشباب اساسا من البدايه . . . ايام معينه فقط

عشان العوائل تاخذ راحتها
جرير
17-09-2011, 07:27 PM
بخصوص الأمن الوقائي يسلم عليك اخوي >>> معقوله لين الحين موجود الأمن الوقائي أختفو

مالوم الشباب بس

الشباب طالبو بعزبه يتجمعون فيها ويا ربعهم وعيال عمهم ما عطوهم لأن العزب تطلع بواسطه !!!

الشباب قالو بيقنصون سكرو عليهم البر من كل صوب من المحميااات !!!

اذا يتمشون بالسياره قلتو شدعوه ما عندهم شغل بس فراره بالسياره ومسببين زحمه !!

يا خي اذا بتمنع شـي حط له بديل بس للأسف عندنا ممنوع شنوالسبب محد يدري شنو البديل لا يوجد
والحين بعد كم سنه بيمنعون العنن الله يكون بالعون بس





البدائل موجوده ياخوك . . . بس مجرد تخطيط سليم

ومد يد العون من الجهات المعنيه لهذه الفئه من الشباب

بتساعد في نقلهم من الاماكن اللتي لا تفيدهم

الى اماكن ارقى نفسيا واجتماعيا وسلوكيا بعد
جرير
17-09-2011, 07:28 PM
:
كلام صاحب الموضوع صح 100%
ملاحظ ومستهجن




احييك على المشاركه

:nice::nice::nice:
بوجاسم 75
17-09-2011, 07:36 PM
وذنان مول وبس مجرد نصيحه
حمد بن سعد
17-09-2011, 07:43 PM
.













.




شسالفه يا جماعه الخير . . . . يعني الناس ما تعرف تلعب عيالها من زحمه الشباب

لا حول ولا قوه الا بالله . . . يعني الحين الشباب خلو المجمع كله

وكثفو تركيزهم صوب الالعاب . . . اقسم بالله انه شي مقرف

لاحيا ولا مستحا . . . تقول كنك رايح سيلين مب كنك في مكان

فيه العاب يهال . . .



طبعا انا ما راح اتكلم عنهم واقول انهم مب متربيين

او او او . . . ما راح احط اللوم عليهم . . .لان بعضهم

ما تشره عليه بصراحه انا احط اللوم على اداره المجمع اللي

خلتهم يدشون اماكن اللالعاب


طبعا اغلها فئه المراهقين من 15 لين 20 واحيانا فوق

ال 20 وطبعا لا لعب ولا شي

بس دواره داخل اللالعاب . . . وملاحق ومغازل في هالبنات تقول

الشباب قاعدين في لاس فيغاس . . . .

لابد من تدخل سريع وحل مشكله انتشار الفئه المزعجه


والله ما ينلامون بعض المجمعات ايام قبل لين خصصو خميس وجمعه

للعايلات . . . لحد يقول انا قاسي عليهم . . . او اني ابالغ في الوصف

خله يروح يوم الجمعه ويشوف شلون الوضع الماساوي:anger1:


حرام مهدودين جذي لابد من مكان يحتويهم . . .







روح وذنان مول مخصص للعائلات
aljar
17-09-2011, 07:59 PM
ذبحتوا الشباب وين تبيهم يروحون ومثل ما رد عليك حمد بن سعد يوم انك ماتبي الزححمه روح وذنان مول مخصص للعائلات لكن تعال والله طلعوا كل الشباب عشان انا اجيب اعيالي يلعبون ؟؟؟ لا تروح فالويك اند
miss.qa
17-09-2011, 08:07 PM
هاي شبابنا لا حيى ولا مستحى ...
موضي قطر
17-09-2011, 09:52 PM
انا مااتعذر على الشباب بس خلونا منصفين اغلبهم صغار في العمر ولا فيه عاقل بيروح
يرز وجهه في المجمعات بدون هدف ؟؟


غير هذا الشباب محتاجين اماكن جديدة

تناسب وقتهم وافكارهم ويقدرون يمارسون

كل هواياتهم بحرية ..
حسن
17-09-2011, 10:06 PM
انا مااتعذر على الشباب بس خلونا منصفين اغلبهم صغار في العمر ولا فيه عاقل بيروح
يرز وجهه في المجمعات بدون هدف ؟؟


غير هذا الشباب محتاجين اماكن جديدة

تناسب وقتهم وافكارهم ويقدرون يمارسون

كل هواياتهم بحرية ..

اسمعي ياموضي توني جاي من السفر الصراحه قمت اقارن بين شبابهم وشياينه الاصغار والله لقيت فرق كبير الحمدلله اتشوفين شبابنا كاشخين ومتعدلين ولباسهم ماخلوه من الثوب والغتره والعقال اما هناك شباب ضايعه هويته اشعور واقفه ثياب ملخبطه شي اصفر وشي ازرق وشي ثوبه قطري وشي بنطلون نص حدث ولا حرج الهويه ضايعه مساكين والله حمدت ربي وشكرته
ان بلادنا بخير وايد بعد
وبعدين دام انهم مؤدبين خلهم يتمشون وشيبون بالبحر كله شقى وحر وانا مانصحهم بالبحر
علشان يفضالي الجو:victory:
ღLady Qtrღ
17-09-2011, 10:17 PM
عادي الحياه حلوه خلوهم يستانسون

على الاقل نفتك شوي ونتسوق
البريمي (م)
17-09-2011, 10:36 PM
الله يهدي عيالنا وبعد لاتنسون تدعون للجاليات اللي اتقول قطري آخر موديل
وما نوصي على عيالنا والجاليات الامن اوقائي ياليت يفشلونهم قدام الناس قبل لايشيلونهم
قطريه ماركه
17-09-2011, 10:48 PM
الله يهديهم و يصلحهم يارب ....
جرير
18-09-2011, 12:16 AM
بذمتكم انتو الححين خليتو هـ الجاليات اللي يفقعون الكبد وحركاتهم ولبسسهم وتصصرفاتهم

وحطيتو حرتكم ف عيال ديرتكم اللي لو احلف لو تقول لنص الشباب اللي ذكرتوهم ف مجمع فيلاجيو (طلعو بطايقكم الشخصيه)

75٪ بتحصل بطاقته لونها ازرق


ي جماعه الحين الشباب اقسسم ب الله حالتهم يرثا لها

وين مايروح نلقي اللوم كله عليهم اقسسم ب الله لو انتو عايشن ف احدى الدول الخليجيه وتشوفون وش يسسون شبابهم والله ان تحسون ف عيالنا وف اخلاقهم


ليش الامارات شبابهم مانشوفهم ف المجمعات لآن موفرين لهم كل مايحتاجونه

وفرو لهم اماكن الترفيه اللي حتى الدول الاوربيه ماسوو مثلها وجابو لهم كل مايتمنونه
وخلو شبابهم بدال الواحد منهم كل اجازه يسافر او يفتر ف المجمعات ع قولتكم ويضايق العوائل
خلوهم يفرغون طاقتهم ف اماكن مخصصه اصصلا لهم وليست مخوله لدخول (النساء)


للأسف التجار اهنا ما وفرو جشعهم ف حب الفلوس يبنون لهم مراكز ترفيه شبابيه ويفكون العوائل ع قولتكم
من غثاء عيالكم



انا اقسسم برب الكعبه ما ادش المجمعات الا اذا لي حاجه وظروريه واروح لها ف الصباح علششان ماتندبل كبدي من هـ الجاليات اللي ماخلو لنا ششي ><



ي جماعه اتمنى تخففون ضغوط علينا وتلتفتون ع الجاليات اللي ماغير تكسع ف المجمعات وخاصصه فيلاجيو
مخلينها استراحه لهم وي ليتهم يحترمون اهل الدار بس الا (يحط اصبعه ف عيون راعي الدار) وللأسف القانون معه :(




والله يا اخي حدبثك ذو شجون ومتفرع

اذا بنتكلم عن بعض التجار وجشعهم سوف نسرد القصص

انا لا احدد شبابنا على اوجه الخصوص

ولاكن الكلام موجه لهذه الفئه العمريه

ولا ننكر ان المجمعات اصبحت مرتع للتسكع لكثير من الجاليات

دون تحديد جنسيه بعينها . . . .وبالتحديد في الفتره الاخيره مع دخول

افواج كثيره من الباحثين عن الرزق . . .

ولكن لابد من العنايه بشبابنا وعدم ركنهم وتجاوزهم

ونسال الله لهم الهدايه
جرير
18-09-2011, 12:19 AM
المشكلة ياخوك انه العاب فيلاجيو فيها العاب كبار للشباب
فبيكون صعبه يمنعونهم يدخلون هناك
لأن الموضوع ربحي

لكن ممكن ما يخلون حد يدخل الا معاه عائلة





عليهم بالعافيه ياخي . . . يتربحون ويترزقون

بس مب على حساب حشر كل من هب ودب داخل مكان واحد
جرير
18-09-2011, 12:23 AM
الشباب فاضيين ماعندهم شي.. لاحول ولاقوة الا بالله



والله لو يشغلون وقت فراغهم في اشياء مفيده

تنفعهم . . . وتنفع مجتمعاتهم . . . ييكون افضل لهم

ونسال الله لهم الهدايه
جرير
18-09-2011, 12:29 AM
المسئلة مب مسئلة فضاوه او تفرغ او قلة حيا في حين اخر ..


المسئلة انا مثلا لو بغيت اغير الروتين الممل (ايام الاسبوع دوام الصبح والظهر نوم والعصر اخلص كم شغله والليل من مجلس الي مجلس ......)ويسستمر الروتين الممل

بروح اغير جو مثلا ف الخليج الغربي (هناك حدث بلا حرج ) ماشاءلله لآ يوجد مكان لو تم الي الفجر والله مايخلونك هـ الجاليات الله يهديهم بسسسس ><

قلنا الخليج الغربي ومافيه مكان نبي ننزل للبحر ونزل الاسكوترات ونفتل (ممنوع هـ آلآيـآم ) << امرنا لله ندور شي حلال وليسسسسس حرااااااااااام شرعـآ

ولكن للأسسف كل ماهو حلال يمتعنا نحن ي فئة الشباب اصصبح ف الوقت الحالي (حرام قانونيـآ)

ممكن تقنعوني انتم ي المعارضين تواجد الشباب ف اماكن الترفيه

وين يروحون ؟؟!

والله لو تجاوبني ع السؤال ذا بجواب يكون مقنع اسسحب كلامي اللي قلته قبل كله :)




اسمعني يا استاذ فهد . . . احنا ما نمنع الشباب من التواجد في

الاماكن الترفيهيه بالعكس . . . احنا نقول لهم يعطون فرصه

للعوائل شوي واحنا مجتمعات محافظه وانت ادرى بالهشي

يكون فيه شويه ضغط مع تواجد اعداد كبيره من الشباب من دون

لعب . . . بس ادواره يقيدون حركه الحريم هناك من كثره دوارتهم

وتواجدهم . . . شويه ذوق اذا بيلعب ما تفرق اما بس همه دواره

وتضيق على الخلق . . . هني نقول game over
جرير
18-09-2011, 12:32 AM
المفروض تكون فيه جهه حكومية مسئولة عن قضايا الشباب ,,
ويكون شغلها الشاغل تطويرهم وأيجاد أماكن ترفيهية تخصهم !
لان حرام يروح وقتهم ويضيع بالدواره في المجمعات والاستعراض بالسيارات خارج المجمع ,,
وفيه شباب كفو عليهم والله أذا سألتهم قالوا لك مالنا حاجه نروح هالأماكن مجالسنا مفتوحة وربعنا يجونا وفاتحين باب المجلس للرفقة الطيبه < وهذول نادر ماتلاقيهم هالأيام !




هذا هو المفروض والمطلوب . . . شويه اعتناء

بفئه الشاب . . . الله على القعده في المجالس

كافين الناس شرهم واذايتهم . . سوالف وضحك

وشرب قهوه وشاي ومخالطه ناس زينه
جرير
18-09-2011, 12:35 AM
المفروض يمنعون دخول الشباب ويكون فيه مجمع واحد مسموح لهم في السعوديه ممنوع دخول الشباب الي بدون عوايل الا في الراشد يدخلونه بروحهم بس مجمع واحد



ما توصل طبعا لدرجه المنع طبعا

بس يخصصون ايام للعايلات فقط
جرير
18-09-2011, 12:57 AM
الله يهديهم

ونتمى يهتمون بالشباب ويوفرون لهم اماكن

بدال دوارتهم على الفاظي

من غير المعقول انه لا يوجد اماكن للشباب كبعض الدول



ومن غير المعقول ان تتاذى العوائل من كثره تواجدهم

نتمنى ذالك والله



زين شتقولون عن واحد رايح مع هله وعياله السينما وحاجز لهم قسم العائلات عشان يغير مع العيال شوي يستانسون يحصل اغلب الي هناك شباب مراهقين و كبار . ويدرون انه قسم مخصص للعايلات لكن الله المستعان .


لا حول ولا قوه الا بالله
حتى داخل السينما بعد




بينهدم في 2012 :)



لاتقول



نو كـــــــــومنت



why


وين يروحون عطهم حلول..مفروض يزودون الامن داخل المجمع بعد خاصة في الويكند



يفتحون لهم نوادي
صالت مغلقه تحتوي على جميع الالعاب
يستغلون الشواطي
يقعدون في المجالس
يلعبون شطرنج

:omg:
جرير
18-09-2011, 01:08 AM
وذنان مول وبس مجرد نصيحه

نجرب . . . اسمع عنه






روح وذنان مول مخصص للعائلات


يبي لنا لفه . . . نتطقس :eek5:






ذبحتوا الشباب وين تبيهم يروحون ومثل ما رد عليك حمد بن سعد يوم انك ماتبي الزححمه روح وذنان مول مخصص للعائلات لكن تعال والله طلعوا كل الشباب عشان انا اجيب اعيالي يلعبون ؟؟؟ لا تروح فالويك اند

توبه . . . انسى شي اسمه ويكند





هاي شبابنا لا حيى ولا مستحى ...


شبابنا فيهم الخير والبركه . . . بس ينقصهم التوجه والنصح




انا مااتعذر على الشباب بس خلونا منصفين اغلبهم صغار في العمر ولا فيه عاقل بيروح
يرز وجهه في المجمعات بدون هدف ؟؟


غير هذا الشباب محتاجين اماكن جديدة

تناسب وقتهم وافكارهم ويقدرون يمارسون

كل هواياتهم بحرية ..


بعضهم صغار بس عقول ملحوسه . . . راحت ايام الشباب اللي الواحد
عمره 15 سنه نفس اللي عمره 25 سنه





اسمعي ياموضي توني جاي من السفر الصراحه قمت اقارن بين شبابهم وشياينه الاصغار والله لقيت فرق كبير الحمدلله اتشوفين شبابنا كاشخين ومتعدلين ولباسهم ماخلوه من الثوب والغتره والعقال اما هناك شباب ضايعه هويته اشعور واقفه ثياب ملخبطه شي اصفر وشي ازرق وشي ثوبه قطري وشي بنطلون نص حدث ولا حرج الهويه ضايعه مساكين والله حمدت ربي وشكرته
ان بلادنا بخير وايد بعد
وبعدين دام انهم مؤدبين خلهم يتمشون وشيبون بالبحر كله شقى وحر وانا مانصحهم بالبحر
علشان يفضالي الجو:victory:

الحمد لله . . . شبابنا لين الحين محافظين
مالهم في البرمودا . . . والشعر الاسبايكي




عادي الحياه حلوه خلوهم يستانسون

على الاقل نفتك شوي ونتسوق

وانتو كله تبون تتسوقون

عمركم ما تساعدون في حلول حق الشباب





الله يهدي عيالنا وبعد لاتنسون تدعون للجاليات اللي اتقول قطري آخر موديل
وما نوصي على عيالنا والجاليات الامن اوقائي ياليت يفشلونهم قدام الناس قبل لايشيلونهم


بالمره اللي يصيدوه يغازل ياليت والله لو يحطون صورته في الجريده








الله يهديهم و يصلحهم يارب ....


امين يارب
غناتي1
18-09-2011, 01:32 AM
الحمدلله اللي ربنا فكني وفك اهلي من المجمعات --

ياالله بالثبات وهداية العيال والبنات ياارب
جرير
18-09-2011, 05:13 PM
الحمدلله اللي ربنا فكني وفك اهلي من المجمعات --

ياالله بالثبات وهداية العيال والبنات ياارب




حمد الله على السلامه

اريحح لكم . . . من الزحمه

ونسال الله لهم الهدايه والثبات
The Watcher
19-09-2011, 12:20 AM
ايش تتوقع من تربية الخدم ؟
اشلون تبيهم يطلعون؟
اخلاق وحواء وكافي شره عن العالم؟
أكيد بيطلعون من نوع "أنا كيفي" و "أنا حر" و " انت اشدخلك"

للحين ماشفت شي
جمال اليافعي
19-09-2011, 12:43 PM
مشكلة فيلاجيو بتنحل قريبا وصراحه انا انصدمت من الحل لكن شنسوي الموضوع مهب بأيد اي احد منا ...

وبتنصدمون من الخبر يا شهر 4 او شهر 5 السنه الجاية مع الموازنة ....

مادري وين بيحطون فيلاجيو :(
طير حوران
19-09-2011, 01:27 PM
الاباء هايتين موب بس الابناء
QatariFallah
19-09-2011, 01:50 PM
اللي يقول فيلاجيو هو الوحيد بقطر
اولا: عمري مادشيت فيلاجيو ولا حاطه في حساباتي لا حاليا ولامستقبلا
وثانيا: حاولوا ايضا انتو واهلكم اتقللون من الذهاب لفيلاجيو دام فيه شبهه واشياء غير اخلاقيه حفاضا على عفاف وخلق الاطفال اللي عندكم وحياءهم..وتقدرون تتوجهون لاماكن احلى من فيلاجيو وتحظون باستمتاع اكثر
ولحد يقولي مافي بغير فيلاجيو الغرض اللي يبيه..لانه كذب
وثالثا: دائما الذباب يتجمع ويكثر على القاذورات
مريومة
19-09-2011, 02:02 PM
في مراكز كثيرة في الدوحة .. غير النوادي الرياضية

ممكن الشباب يضيعون وقتهم فيها بفايدة في الدنيا والآخرة

اولها : مراكز تحفيظ القرآن

ثانيها: دروس الدين التي تقام في المساجد بين الصلوات

ثالثها: بيوت الشباب ، ومراكز الشباب مثل الدوحة وبرزان

رابعها : النوادي العلمية

خامسها: جمعيات الهواة مثل الطوابع واللاسلكي

سادسها: المجالس

وغيرها وغيرها من الاهتمامات والهوايات .. التي تحتاج مجرد وقفة مع الذات


وآخرها طبعا المجمعات :)


والله المستعان
fahad123
19-09-2011, 02:11 PM
حدث العاقل بما يعقل ي اخ جرير :)


اخوي المسئلة مو سئلة لعب او تضيق ع خلق الله

احلف انك ف يوم شفت بعينك شباب يضايقون بنات


والله ف حياتي ماشفت عندنا هـ الششي اللي انتو تقولونه


انا ليس ف محل دفاع عن الشباب ولكن انصف الحق لصصاحبه

انتو كلكم حطيتو عذاريب الدنيا كلها ف الشباب

اولـآ :- تواجد ابناء الوطن ف مراكزهم الترفيهيه هذا لآ يدل ع عدم تربيتهم او ليست لديهم اخلاق .
ثـآنيـآ:- يجيب مراعات احوال الشباب القطري بحيث:-
ان الشباب القطري لآ يوجد لديه اي مكان يفرغ فيه طاقته الحيويه.
ف مثلا سيلين < وهي مكان لفترة معينه من السنه تم منع الجميع واغلاقه بحجة انه محميه
ونأتي الي المخيمات الشتويه (كل مخالف يعتبر من فئة الشباب) كأن هذه الفئة ليسو هم (ابنائنا او اخواننا او .....الخ)
وتم وضع قوانين تعجيزيه عليهم .


ي اخوان وفرو لهم مكان يتجمعون فيه ع راحتهم واذا شفتوهم ف مكان العوايل لكم الحق انكم تتذمرون من تواجدهم

اما اني احكره واحدد له مكان واحد بس الا وهو (المجلس) فقط

هذا كلآم ليس له مبرر

اتمنى ان توصل الفكره الي الكل :)
آهـل شَـرق
19-09-2011, 02:38 PM
اخوي الكريم
شوف انت عندك فئتين من الشباب الاولى عدد كبير منهم
يروحون فيلاجيو حق السينما اوالمطاعم او لشراء حاجياتهم ...
ومالهم في الغلط كافين خيرهم وشرهم

اما الفئه الثانيه ,, اللي هم هل الاختصاص في المغازل والترقيم
او (المرضى النفسيين) اللي قاعدين بس يطالعون الرايح والجاي
وخصوصا الحريم حتى لو كانت محتشمه او مع اهلها
وطبعاً اللي يدورون بمواترهم قدام المجمع .. فهم كلهم من حثالة المجتمع ..
فئه تقرف الواحد .. ما ينفع معاها لا مجالس ولا فعاليات ولا خرابيط ..
هم ناس فيهم قلة تربية بعاد عن ربهم وانعدمت فيهم الاخلاق والغيره ..

والمشكله انهم صاروا محسوبين على الفئه الاولى !!!

طبعاً اسهل حل ان الادارة تجعل ايام في الاسبوع للعائلات
وفي الغالب تكون هالايام عبارة عن الخميس والجمعه !!!

- انزين حزتها وشذنب اللي حاجته في المجمع وامنعه السكيورتي او الشرطي لانه يوم عائلي؟
- وشذنب اللي على سفر مستعجل ويبي يقضي حاجياته وامنعوه لانه يوم خميس او جمعه ؟
- وش ذنب اللي طالع مع ربعه يوم الخميس او الجمعه بعد اسبوع عمل طويل والا مانعينهم؟

انت بهالطريقه قاعد تظلم فئه كبيرة من الشباب اللي مالهم ملاذ غير هالمجمعات ! واذا سالتني وش الحل ؟
بقولك مدري !
لان الحل الوحيد هو الارتقاء بالاسلوب والتحضر والترفع عن الخطأ
واحترام خصوصيات الاخرين اياً كانوا ولكن للاسف
هالفئه صعب انك تعلمها كل هذه الاشياء (القطو العود ما يتربى)
الـقـاسـي
20-09-2011, 12:06 PM
والله احياننا مالوم بعض الشباب على اللي يسوونه انتوا شايفين اشكال البنات هناك لا حيا ولا مستحا شوفوا لبسهم قسم بالله فجوور

يعني لما اشوفهم يضايقون وحده من النوعيه هذي اللي تقهر مطلعه سيقانها وشعرها ومترصرصه اقول جعلهم الزين فيها .. وودي بكفين لها ع الطاير هي وابوها ..

لكن اتمنى يهدمون هالفيلاجيو ويفكونا منه
موضي قطر
20-09-2011, 03:31 PM
حبيت اضيف نقطة فيلاجيو مافيه شي المبنى جماد حاله حال اللاند مارك والستي والمول

وكلهم حاللهم حال سوق واقف قبل التغيير

اللي صار له اتذكر وانا صغيرة اكون مع اهلي واشوف المعاكسات والمضايقات للبنات الكبار والحريم ..

وهالشي يصير بعد في سوق الجبر


يعني المشكلة مب في المجمع المشكلة في الناس نفسهم
QtrGate
20-09-2011, 05:06 PM
ياخوك وين تبينا نروح

اذا المجمعات تبيها للعائلات
وهيئة بيوت الشباب ماعندهم فعاليات والأندية مافيها شي.
والمعسكرات ثلاث مرات بالسنه
واذا فكرت تطلع مواهبك وتشارك بوزارة الفنون والتراث. قالولك ماعندنا دورات
تدري ان ماعندنا غير المجمعات وكتارا *

وأخيرا انت تنادي بمنع الشباب للذهاب الى فيلاجيو ايام اجازتهم

فكأنك تقول. ياشباب اقعدو في بيوتكم.

وهل قعدت البيوت للرجال ام النساء.

اشرايك نلبس البرقع ونخلي لهم الثوب
الراقيه سبشل
20-09-2011, 10:41 PM
بتزكر لما رحت مع اختي الصغيرة العبها بالالعاب بالعيد ..
ضلينا واقفين بنستنى ساعة كاملة على لعبه وحده :s
حيهور
21-09-2011, 01:57 AM
والله الحل بتربية الشباب والبنات


لانهم غير متربيين

يعني الواحد ليش يلاحق البنت ويرقم اكيد هذا مو متربي

ونفس الشي البنت الي تلبس ظيق وتبرز مفاتنها وهي مع اهلها للاسف الرجال الي معاها طوفه هبيطه هذا يدل على تربيتهم الغير سليمه



شكلوا لنا ازمة اسمها مغازلجيه

الحين ايش ذنبنا نحن المحترمين وتمنعون الشباب المحترمين من دخول المجمع

حاسبوهم هم فهم اولى
الكلدي
21-09-2011, 09:52 AM
مساكين هل شباب

ماتشوفون البنات وبلاويهم فل مكياج وعباه مخصره وعينها في البلاك بيري وتدعم في خلق الله

والمصيبه الكبيره البويات والمسترجلات الخوف من هل الاشكال والمفروض يمنعونهم من الدخول