::: المصرف المركزي يبحث زيادة رواتب القطريين اليوم :::

[STAR]

:::: إجراءات مرتقبة لتوحيد الجهات التنظيمية في القطاع المالي..المصرف المركزي يبحث زيادة رواتب القطريين اليوم ::::


علمت "الشرق" أن مجلس إدارة مصرف قطر المركزي سيعقد اجتماعه الدوري الثالث لهذا العام اليوم الأحد.

وسينظر المجلس في الموضوعات المدرجة على جدول الأعمال والتي تركز على رسم السياسات النقدية والمصرفية، ومتابعة تنفيذها على ضوء ما يستجد من تطورات وفي ظل المتاح من البيانات والمعلومات عن أداء الجهاز المصرفي والاقتصاد القطري في الشهور الأولى من العام.

وقد يكون من بين المستجدات على الاجتماع النظر فيما إذا كانت الزيادات التي منحتها الدولة للقطريين في القطاع الحكومي وبعض المؤسسات تنطبق على القطريين العاملين في مصرف قطر المركزي أم لا.

[هنت المهونه]

بالتوفيق لاخوانااا القطريين اللي هناك

لاهنت اخوي

[مستجدة]

الله يفرجها للجميع
وعقبال كل الجهات الغير مشموله

كل قطري وقطريه يستاهلون الخير

[R 7 A L]

بما انهم في المصرف المركزي بيتجتمعون ويتباحثون عن الزيادة

فابشروا بالخير يالى تعملون في قطاع البنوك

[فاطمه55]

الله يفرحهم ان شاء الله

[khaldoon]

ان شاء الله يا اخت ستار تحصلون زيادة مثل غيركم لانكم تستاهلون كل خير و بالتوفيق يا رب

[المتحدث الرسمي]

.....

ان شالله يوافقون على الزياده

و الخير يعم على كل هل قطر

.....

[فاطمه55]

اذا زادوا المصرف البنوك يزيدونهم ؟

[OM_OMAR_QATAR]

الله يفرجها للجميع
وعقبال كل الجهات الغير مشموله

[جمال اليافعي]

بالتوفيق للجميع

[فاطمه55]

مافي اخبار من المركزي ؟

[صمت 1]

سبحان الله

الزياده لكل القطرين العاملين في الدوله ليش الدوخه هذي واللجنة هذي ماتدري

ان في موظفين قطرين في القطاع الخاص

[مرتبش]

اتوقع سيحصلون على زيادة قريبا

وتفائلوا خير

[ماسة قطر]

سبحان الله

الزياده لكل القطرين العاملين في الدوله ليش الدوخه هذي واللجنة هذي ماتدري

ان في موظفين قطرين في القطاع الخاص


كلامك صحيح 100%

يعني اللجنة ما أتعرف أن شريحة من القطريين لا بأس فيها تعمل في القطاع الخاص والقطاع المصرفي

تحياتي

[qatarawi]

ابشركم

موظف qnb اللي مسوي الصورة المفبركة انصاد وتحول للتحقيق الاداري

الله يستر ما يودون السالفة للشرطة !!!

[بـنـت ڪرز]

اوبيه من صجك قطراوي @@

انا افكر السالفه صج ان قرروا يزيدونهم!!

[فاطمه55]

شلون انصاد ؟

[alwahesh]

الله يفرجها للجميع

[فاطمه55]

امين يارب ومن الفجر بقوم واقرى الجريده وان شاءالله اخبار حلوه

[alwahesh]

بشري يا فاطمه سمعتوا شي وصلكم شي


ما تسربت الاخبار ولا ما في شي

[مرتبش]

ابشركم

موظف qnb اللي مسوي الصورة المفبركة انصاد وتحول للتحقيق الاداري

الله يستر ما يودون السالفة للشرطة !!!

ان شاء الله مايتوهق زيادة
الله يعينه..


ونتمنى نسمع اخبار طيبة للبنوك

[الاجتماعي]

ان شاء الله مايتوهق زيادة
الله يعينه..


ونتمنى نسمع اخبار طيبة للبنوك

ايش امسوي الموظف ؟!!

[روح الاطلس]

سؤال هل مركز قطر للمال تشملهم الزيادة؟

[V!P]

ايش امسوي الموظف ؟!!



:rolleyes2:

http://www.2bb.me/0916-1316196796.jpg

[هدى ورحمه]

اكثروا الاستغفار
والتوكل على الله .. وستردكم الاخبار الساره هذا الاسبوع

وستهدأ العاصفه .. لان الزياده حاصله حاصله وانا اراها

[STAR]

ياخوفي يقصون علينا ويعطونا
زيادة ‏ 30‏_‏40‏ %‏

[فرحة الكواري]

ياخوفي يقصون علينا ويعطونا
زيادة ‏ 30‏_‏40‏ %‏

يقصون عليكم بزيادة 30 - 40 % ؟؟

يا اختي الغاليه

انا اتابع ردودج وكنت التمس انكم راضيين بالزياده بشكل عام

واللحين خصصتي ارقام مثل المذكور اعلاه

قولي الحمدالله على ما أوتينا من نعمه :)

واعتذر اذا كلامي ضايقج

[STAR]

فرحة..ههههه يعني اشووف زادوا المعجبين بقراءة ردودي ومتابعتها...

اختي فرحة لا مازعلت..بس تدرين ان رواتب البنك الاساسي ضعيفة جدا ‏..حتى اقل من القطاع الحكومي..للعلم فقط..

فيعني الزيادة راح تكون جدا بسيطة...

عالعموم في كلتا الحالتين اول ما بحصل وظيفة اخرى رااح اقول للبنك باي باي..

[STAR]

والحمدلله ع كل حال ‏‏(‏‏=‏

[فرحة الكواري]

فرحة..ههههه يعني اشووف زادوا المعجبين بقراءة ردودي ومتابعتها...

اختي فرحة لا مازعلت..بس تدرين ان رواتب البنك الاساسي ضعيفة جدا ‏..حتى اقل من القطاع الحكومي..للعلم فقط..

فيعني الزيادة راح تكون جدا بسيطة...

عالعموم في كلتا الحالتين اول ما بحصل وظيفة اخرى رااح اقول للبنك باي باي..

صحيح من فتره قصيرة عرفت هذي المعلومة

انا اساسي القطاعات الخاص بشكل عام ضعيفه جداً

وعسى ربي يوفقج ان شاءالله للي فيه خير

[روح الاطلس]

حتى لو اقر المركزي زيادة فلا اظن تشمل البنوك! لان البنوك موازنتها مختلفة ( قطاع خاص) وليس من الدولة! يعني مجلس الادارة هم من يحدد لو فيه زيادة او لا

واتمنى من كل قلبي ان كل القطريين يفرحون بالزيادة سواء قطاع حكومي او خاص

[MeMe MoOoON]

الله يفرجها وانشاءالله فيه زياده


اليوم بالاخبار بالكويت موظفين القطاع الخاص محتجين وطالعين بالشارع ان ماشملتهم الزياده زي الحكومه
لان قبل قطر هم الكويت جاتهم زيادة الا القطاع الخاص ومسوين مقابله معاهم يقولون خلاص احنا بنترك القطاع ا اللخاص وبنروح القطاع الحكومي
الراتب اعلى واريح وشغل خفيف
والله صايره عفيسه عندهم


شكلنا بنصير نفس الكويت

[MoHaMmEd114]

الخاص لها صاحب ويبي الأرباح

اما المصرف اعتقد حكومي ولهم زيادة

[SOUD.QA]

مبروك خواتي واخواني

http://www.al-sharq.com/articles/more.php?id=257426

قرر مصرف قطر المركزي تطبيق الــزيــادة بنسبة 60٪ للاساسي والــعــلاوة الاجتماعية على الموظفين القطريين

والزياده شملت بعد شركة قطر الوطنيه للاسمنت

عقبال الباقي إن شاء الله فرحت لكم والله

[STAR]

يعني البنوك الأخرى لا؟‏!‏‏!‏

[SOUD.QA]

يعني البنوك الأخرى لا؟‏!‏‏!‏


علمي علمج اختي ستار إذا مو الكل اتوقع الزياده بتكون تباعا لباقي البنوك لان مستحيل يخلونهم الا اذا ناويين يخلون القطريين يهاجرون هجره جماعيه هذا شي ثاني

شرايج اختي ستار تكلمين الماليه عندكم وتستفسرين اليوم وتبشرينا عنج وعن باقي الموظفين اكيد هم عندهم الخبر الاكيد

[فاطمه55]

بشري يا فاطمه سمعتوا شي وصلكم شي


ما تسربت الاخبار ولا ما في شي

مافي شي والله لين الحين ولاتسرب شي

[STAR]

اخ سعود..خل يردون ع المكالمات بالاول ‏‏)‏‏=‏

عالعموم انا زهقت من هالموضوع يات لنا زيادة كان بها مايات الله كريم...


ومبروووك لموظفي الاسمنت والبنك المركزي...

[فاطمه55]

الجريدةه مكتوب فيها الاسمنت قريت الاقتصاديه ماكتبوا اي شي عن المركزي

[SOUD.QA]

اخ سعود..خل يردون ع المكالمات بالاول ‏‏)‏‏=‏

عالعموم انا زهقت من هالموضوع يات لنا زيادة كان بها مايات الله كريم...


ومبروووك لموظفي الاسمنت والبنك المركزي...


مشكلة هالادارات ما يردون الا بطلعة روح جربي الايميل طرشي لكذا شخص بالاداره ،،، إن شاء الله خلال هالاسبوع تعرفون اللي لكم واللي عليكم ولا تزهقين خلج متفائله اختي وصدقيني اليوم بتصير بلبله فالبنوك بين الموظفين بخصوص هالخبر وإن شاء الله تسمعون حاجات حلوه

[SOUD.QA]

الجريدةه مكتوب فيها الاسمنت قريت الاقتصاديه ماكتبوا اي شي عن المركزي


http://www.al-sharq.com/articles/more.php?id=257426


شوفي رابط جريدة الشرق اختي فاطمه موجود الخبر فيه

[فاطمه55]

http://www.al-sharq.com/articles/more.php?id=257426


شوفي رابط جريدة الشرق اختي فاطمه موجود الخبر فيه

اي اخوي سعود شفته بس مكتوب بالعنوان والموضوع كله عن الاسمنت

[القيادة]

http://center.jeddahbikers.com/uploads/jb13163962221.jpg


الف مبروك للقطاع البنكي

تستاهلين يافاطمة55

[SOUD.QA]

اي اخوي سعود شفته بس مكتوب بالعنوان والموضوع كله عن الاسمنت


http://img683.imageshack.us/img683/2074/screenshot20110919at438.png (http://imageshack.us/photo/my-images/683/screenshot20110919at438.png/)




تفضلي اختي اللي بالاصفر يخصكم ومبروك عليكم الزياده

[alwahesh]

http://img683.imageshack.us/img683/2074/screenshot20110919at438.png (http://imageshack.us/photo/my-images/683/screenshot20110919at438.png/)




تفضلي اختي اللي بالاصفر يخصكم ومبروك عليكم الزياده



للاسف الخبر في جريدة الشرق خصص المصرف المركزي وما جاب طاري البنوك


الله يعينكم يا فاطمه وستار

[الاجتماعي]

صبحكم الله بالخير والسعادة
صحيح الخبر مب واضح وحتى جريدة الوطن والراية ماجابوا طاري البنوك كلش
تحياتي

[STAR]

للاسف الخبر في جريدة الشرق خصص المصرف المركزي وما جاب طاري البنوك


الله يعينكم يا فاطمه وستار

صرنا اشهر من نار على علم :shy:

خلاااص مابي زيادتهم ولا منتهم... على الله نلاقي شغلة ثانية وخل مذلتهم تنفعهم...

:omen2:

[alwahesh]

عاد الحين ......

يوم صارت الزياده على الابواب


لعله خير اليوم المصرف وبكره البنوك ان شاء الله

[فاطمه55]

اللي بالمركزي يقولون لي مافي اي خبر عن البنوك ههههههههه مادري شنو موضوعنا لين الحين ومبروك لهم يستاهلون والجريده عنوان كبير والموضوع سطر واحد ؟على الاقل يكتبون فقره عن البنك المركزي ان شاء الله خيره ونشوف مع ان ماباقي شي على الرواتب

[جمال اليافعي]

متابعين معكم وبالتوفيق لجميع أخوانا و أخواتنا في البنوك

[alwahesh]

هرمنا واحنا ننتظر ولكن


ان الله مع الصابرين

[فاطمه55]

والنعم بالله مايندرى شنو بيصير نشوف اخر الشهر

[alwahesh]

للاسف الزياده مب مع راتب شهر 9

شكلهم توهقوا مع طبيعة العمل لان مع طبيعة العمل بيكون الأساسي زاد 100 %

والاخ وحيد الشوق شيك مع ادارته قالوا له مب هالشهر

الله كريم

[فاطمه55]

للاسف الزياده مب مع راتب شهر 9

شكلهم توهقوا مع طبيعة العمل لان مع طبيعة العمل بيكون الأساسي زاد 100 %

والاخ وحيد الشوق شيك مع ادارته قالوا له مب هالشهر

الله كريم

قصدكم للحكومه طبعا ان مب مع شهر 9 اما البنوك لاحياه لمن تنادي

[Carbon911]

عقبال المؤسسات الشبة حكومييييييييييييييية

[هدى ورحمه]

اسمعوا نصيحتي وقدموا في جهات اخرى من الحين كل واحد يصور سيرته الذاتيه 50 نسخه ويوزع في كل مكان وعقب يرجع لدوامه مطمئن وينتظر الاتصال من جها ت اللعمل

[alghalya1]

الصراحة موظفين البنووك يستاهلون تجيهم زيادة اكثر ناس تكرف وماعندهم اجازات نفس الباقي

[فاطمه55]

الصراحة موظفين البنووك يستاهلون تجيهم زيادة اكثر ناس تكرف وماعندهم اجازات نفس الباقي

تستاهلين الخير يالغاليه الله يسمع منج

[alwahesh]

قصدكم للحكومه طبعا ان مب مع شهر 9 اما البنوك لاحياه لمن تنادي


للأسف نعم اقصد الجهات الي نشروها في الجرايد


اما البنوك والقطاع الخاص الله يكون بعونهم بصراحه شي يقهر

[فاطمه55]

للأسف نعم اقصد الجهات الي نشروها في الجرايد


اما البنوك والقطاع الخاص الله يكون بعونهم بصراحه شي يقهر

ننطر لنا سنه ونشوف لنا مكان ثاني الصراحه بس مب الحين نطلع تبون الصج