الجزيرة للعطور لم يرفع الاسعار

[rpg7]

السلام عليكم ورحمة الله وبركاتة

انتشر في حملة المقاطعة في الآونة الاخيرة ضم بعض المحلات التي لم ترفع الاسعار ولكن تم وضع اسماء المحلات في القوائم التي كثرت لذالك حبيت انوه الشباب التأكد من الخبر قبل نشرة

ومن هذه المحلات محل الجزيرة للعطور
انا رحالة شخصيآ قالي البائع ان اسعارهم ثابته من ثلاث سنوات مع العلم اني لست بزبون عندهم وانهم تأثروا من هذه الاشاعة

أتمنى التأكد علشان الواحد مايقطع رزق احد والا يحط في ذمتة *

[ضوى]

السلام عليكم ورحمة الله وبركاتة

انتشر في حملة المقاطعة في الآونة الاخيرة ضم بعض المحلات التي لم ترفع الاسعار ولكن تم وضع اسماء المحلات في القوائم التي كثرت لذالك حبيت انوه الشباب التأكد من الخبر قبل نشرة

ومن هذه المحلات محل الجزيرة للعطور
انا رحالة شخصيآ قالي البائع ان اسعارهم ثابته من ثلاث سنوات مع العلم اني لست بزبون عندهم وانهم تأثروا من هذه الاشاعة

أتمنى التأكد علشان الواحد مايقطع رزق احد والا يحط في ذمتة *

صباح الخير

ومادام انت مش من زبائنه ليش صدقت انه اسعاره ثابته من ثلاث سنين ؟؟

ومع ذلك اتمنى الكل يتحرى الدقة والمصداقية في ذكر اسماء المحلات لانه هذي ارزاق

[مرتبش]

اتمنى تحري الدقة لهذا المحل او غيره

والتأكد شخصيا قدر المستطاع..

[مهل]

السلام عليكم ورحمة الله وبركاتة

انتشر في حملة المقاطعة في الآونة الاخيرة ضم بعض المحلات التي لم ترفع الاسعار ولكن تم وضع اسماء المحلات في القوائم التي كثرت لذالك حبيت انوه الشباب التأكد من الخبر قبل نشرة

ومن هذه المحلات محل الجزيرة للعطور
انا رحالة شخصيآ قالي البائع ان اسعارهم ثابته من ثلاث سنوات مع العلم اني لست بزبون عندهم وانهم تأثروا من هذه الاشاعة

أتمنى التأكد علشان الواحد مايقطع رزق احد والا يحط في ذمتة *

من باب الامانه ان الشخص يتحرى الصدق في نقل الاخبار و اكيد ان الشخص يؤثم الي دخل اسم محل و نشره بين الناس ان راعي المحل شخص مستغل و رفع الاسعار .

لكن ايضا وش ضمنك انه راعي المحل صادق خصوصا انك مش من زباين هذا المحل و ماتعرف الاسعار السابقه

بصراحه مايجوز اخبار تكون غير صحيحه تدخل في موضوع المقاطعه .. هذا تصرف يهز ثقه المستهلكين في مصداقيه اخبار المقاطعه

[rpg7]

أبشركم سألت كم واحد من الربع الي يترددون على المحل وانا عندة عن اسعار بعض العطور وطلعت نفس القيمة

تحريت قبل ما أتكلم مب نفس بعض الشباب الله يهديهم

[rpg7]

واقرب مثال محل كب كيك اول ماطلعت الاشاعة انه رافع الاسعار راحلة واحد وطلع الكلام فاشوش لا وطلع الحبيب منزل اسعاره

الهدف من الموضوع التأكد فقط لاغير

[غـيـد]

امس رحت فيلاجيو وكان في واحد من إللي يشتلغون في الجزيره للعطور

واقف جنب كافيه بول وفي يده عطر وامي سئلته بكم العطر وقالها ب 350

واحنا ما رفعنا اسعارنا ... وانا دايما اشتري من عندهم العطور ب 350

[OM_OMAR_QATAR]

ياجماعة، لكل محل او مطعم يحتاجلنا اثبات ، واحد يضحي يشتري ويطلب الفاتورة ...
ويخلي الفاتورة ...

[HotBlood]

يمكن رفع اول شي بس بعد ما سمع عن المقاطعة رجعها السعر الاصلي :nice:

[بوعلي2]

انصحكم بعطر زفير من الجزيره للعطور------> ههههههههههه

اسعاره ثابته لحد الان والله اعلم الى متى

وانا زبون عندهم

وشكرا

[STAR]

يمكن رفع اول شي بس بعد ما سمع عن المقاطعة رجعها السعر الاصلي :nice:

:telephone:

[مشتاقة لقطر]

بالفعل يجيب التحري

[بوخالد911]

يا عالم تحروا الدقة قبل النشر


ولا تنشرون شي مانتوا متأكدين منه

[بونو]

الظاهر الاخوان مب زباين عنده ... للاسف الجزيره للصوص ... اقصد للعطور .... في خلال 4 سنين زاد على معظم عطوره 300% !
ـ اكبر دليل عطر الروز مسك .... كانت ب 120 والحين ب 350 !!!
ـ لا ... والجديده مغشوووووشه وريحتها اتطير عقب 15 دقيقه ,,,, والصدمه ... ان واحد من الربع كان العام في المانيا وشرا الغرشه ب 180 ريال قطري !!!!!
ـ لاتصدقون الجلاد .... صدقوا المسكين المظلوم

[Diamond]

الظاهر الاخوان مب زباين عنده ... للاسف الجزيره للصوص ... اقصد للعطور .... في خلال 4 سنين زاد على معظم عطوره 300% !
ـ اكبر دليل عطر الروز مسك .... كانت ب 120 والحين ب 350 !!!
ـ لا ... والجديده مغشوووووشه وريحتها اتطير عقب 15 دقيقه ,,,, والصدمه ... ان واحد من الربع كان العام في المانيا وشرا الغرشه ب 180 ريال قطري !!!!!
ـ لاتصدقون الجلاد .... صدقوا المسكين المظلوم

والله ياخي انا مو مشكك بكلامك بس اسعار العطور عند الجزيره من زماان ب 300 و 350 وعالاقل عطوره تسوى وريحه قويه واللي اعرفه وشفته بعيني في اوروبا هالعطور اغلى..

عموما من ثلاث سنين كل شي ارتفع لان الخام ارتفع والبترول ارتفع والرواتب ارتفعت والاجارات ارتفعت ماتلومهم ياخوي...لكن احنا نبي نقاطع اللي مبالغ في الفايده واللي رفع مع الزياده ....مثلا عندك محل gnc مال الاعشاب والمكملات الغذائيه ما رفع بعد الزياده بس هو مبالغ فالفايده اسعاااااره نار لا تقارن باسعار دول الخليج اشتري الاغراض من الامارات والبحرين باقل من نص اسعاره..هني لازم الواحد يقاطع اما قبل ثلاث سنين كل شي زاد عليك وعللى التاجر ..


ونصيحه جرب عطر عند الجزيره اسمه عود ليذر صج مب طبيعي خيااال نفس ريحة تسكن لذر بس اقوى واحلى .

[RE-Qatar]

واذا يبي يرفعها بيوصلها لوين 500 ريال للغرشه
هو بروحه اسعاره فوووووق غاليه من قلب
على وشو ما تدري

[Anas_G]

اتمنى وقف المقاطعة نهائيا وباسرع وقت لانها طلعت عن مسارها واغلب الاسماء الي نذكرت يا رفعت الاسعار قبل الزيادة يا ما رفعت الاسعار والكل شاد حيله واي اسم يسمعه يحطها في اللسته الذهبية الي نص كلام فاضي وانا متاكد من كلامي وبدل ما نسوي حملات على التجار الصغار لازم نسويها على الكبار على اسعار الايجارات وعلى اسعار السيارات وعلى اسعار الفنادق وعلى اشياء اكبر ليش مطعم يبيع الشاورما ب 30 ريال لانه معروف وفخم ومطعم يرفع السعر من 6 ل 7 نسوي مقاطعة ليش الي يسوي حملة على الشوارما الي ارتفعت بريال يدفع 10 الاف على رقم مميز و 300 الف على سيارة وهي في دولة مجاورة اقل من هالسعر ب 40 الف

[S A A D]

عن نفسي اشوفة رفع سعره على بعض العطور وانا زبون دائم عنده

دهن العود كلاكاسي اخذ ربع التوله بخمسمية ويوم رحت له اخر مره من اسبوع قال لي ب 750

ويقول مستحيل هذا سعره ثابت ؟؟؟

[Rosy]

مممممم عطورهم ب 300 ليش صارت 350

روز وعود فلاور وبلاك عود كلها ب 300 ريال الحين زادوها 50 من متى!!! انا اخر مره شاريه منهم بشهر 5 والفواتير عندي بالشنطه ههههه لانها شنطه عرس

[Rosy]

وتعقيب على كلامك أخوي سعد كلاكاسي اخذ الغرشه الكبيره 1500 كم وصل الحين سعرها؟

[F A W A Z]

انا كلمت صاحب الشركة بنفسة ولم يتم رفع الاسعار نهائيا

وهذا الشى انا متأكد منه شخصيا ..

تحياتي للجميع ..

[مابدل العادات]

نبغي أدله وإثباتات

والسموحه كلام انه واحد قالي ولا انا اتصلت في حد ماينفع لأنه ممكن اي واحد تكون له معارف وربع وهم اصحاب المحل ويسوي لهم دعايه انهم مارفعو وهم رفعو

ويمكن العكس انه واحد بينه وبين راعي المحل عداوه ويبغي يخرب السمعه

لجل كذا الادله والإثباتات بالفواتير هي الي راح تكون الفاصل

والله يعطيكم العافيه :)

[S A A D]

وتعقيب على كلامك أخوي سعد كلاكاسي اخذ الغرشه الكبيره 1500 كم وصل الحين سعرها؟

انا قلت اني ماخذ ربع تولة والصحيح انه نص تولة :omg:

التولة بـ 3000 ريال حسب اخر مره رحت له :anger1:

واخبرها كانت ب 1500 وهالكلام في رمضان :omg:

انا ماحبيت اظلمة لاني خفت اني من مخربط لاني خذت كمية كبيرة منه ولكن الحين تاكدت لانه رفيجي اللي كان معي اكد لي انه السعر زايد وكلنا زباين دائمين عندة