توجه خاطئ ويساعد على الغلا

[al-buainain]

السلام عليكم ورحمة الله وبركاته


بصراحه امس اكتشفت شغله ما كنت اتوقعها اتصير عندنا الي هي

امس الظهر لقيت واحد من اخوانا الاماراتين متعطل تايره منصلخ صفطت الموتر وقمنا معاه بالواجب .

المهم الرجال مسافر بيمسك الخط ولاكن ما ينفع يسافر وما عنده اسبير قلت له اتبعني وبنشوف لك تاير عند محلات طريق سلوى الي هي جنوبي فريق المرة

يوم وصلت عندهم ونشدت اول واحد قالي ما عندي تواير مستعمل .

الثاني قالي ما عندي تواير مستعمل .

الثالث قالي ما عندي تواير مستعمل .

الرابع الخامس الكل .

استغربت قمت ونشدت واحد منهم وقالي ان البلديه امنعت علينا انبيع اي تاير مستعمل خلاص كلو جديد.

طيب ليش في البعض الشباب ينزل التواير جدد ويبيعها والبعض ايبدل تواير وحتى لو هي زينه
وايجيها شخص آخر ميزانيته محدوده ويركب له اثنين ايمشي حاله فيهم

والبلا ان التاير الجديد مهب اقل من 850 ريال والمستعمل نظيف وشبه جديد ب 400 ريال

طيب وهذا الظيف الي جانا يقول لي قيمة التاير عندهم 600 ريال جديد و لرجال مسافر ليش ياخذ جديد غصب عنه وهو يبيه اسبير للطريق .

والله حرام بهذه الطريقة ايساعدونهم على زيادة الاسعار للتواير الجدد لانك بتنجبر تاخده


يمكن هذا الموضوع قديم وانا ما ادري عنه

ننتظر مشاركاتكم وآرائكم

[رذاذ]

صادق ومن فتره كنت ادور اسبير دنلوب ميجر 16 ولا لقيت ..

في الاخر اقتنعت ان التواير يبلها تبديل وبدلتهم كل ابوهم .

المستعمل تضربه الشمس ويباع بسعر غالي لو تزيد 100 او 150 عن سعر المستعمل تاخذ الجديد.

بدلت التواير كلها بـ 2300 ريال . واقل شي امشي بالموتر واسرع وانا ضامن تاير جديد ولا يغدر بي بالشارع

بصراحة انا مـــــــــــــع التواير الجديد.

ولا يستغلونا الهنود بـ الجشع هذا ..

وعلى فكره البعض يبعون بالخش وبسعر بسيط لجل يتخلص من الكمية الى عنده ولا يخسر .. مثل المحل الى اعرفة واحد شاري تواير مستعمله نص الاربعة بـ 400 ريال . والهندي همه يتخلص قبل لا يرحون ام الافاعي للزبالة .

[بايع بايع]

اللي حاط في باله انه اذا اخذ مستعمل راح يوفر في القيمه ... تراه واهم

بعيد عن الخطوره والمشاكل التقنيه واللي يترتب عليها من خساير

الفرق في السعر مابين المستعمل والجديد يا 200 ريال او 150

وابصراحه ماتسوى اركب تاير ربع عمر عشان مبلغ زهيد

وانا الخسران في الاثنين ( القيمه والتاير الي راح اغيره بعد مده بسيطه )

[al-buainain]

رذاذ

بايع بايع

مشكورين على التفاعل بس ما اتهقون لو ان الوضع يستمر يعني بيع التواير المستعملة افضل وكل شخص له حرية الشراء وعلى حسب ميزانيته

ولا اذا انا مجبور على الجديد خلاص لا محاله اينزلون في الاسعار حالنا حال الدول المجاورة

ولا اشرايكم

[OM_OMAR_QATAR]

والله غالي .. سعودية وامارات ارخص